Tag: بریکنگ

وفاقی حکومت نے رمضان المبارک کے دوران شہریوں کو ریلیف دینے کے لیے خوردنی تیل کی درآمدپر10 فیصد ٹیکس چھوٹ کی منظوری دے دی۔

سرکاری خبرایجنسی اے پی پی کی رپورٹ کے مطابق خورنی تیل کی درآمد میں 10 فیصد ٹیکس چھوٹ کا فیصلہ وفاقی وزیرخزانہ و محصولات شوکت ترین کی زیرصدارت اجلاس میں ہوا۔

وزیرخزانہ شوکت ترین کی زیر صدارت اجلاس میں وفاقی وزیرصنعت وپیداوار خسرو بختیار، سیکریٹری صنعت وپیداوار، چئیرمین فیڈرل بورڈ آف ریونیو (ایف بی آر) اور دیگر اعلیٰ افسران نے شرکت کی۔

رپورٹ کے مطابق اجلاس میں وزیرخزانہ کو آگاہ کیا گیا کہ آربی ڈی پام آئل کی ماہانہ اوسط ریٹیل قیمت انتہائی غیرمستحکم ہے اور گزشتہ سال کی نسبت رواں سال اس کی قیمت میں تقریباً دگنا اضافہ ہواہے۔

اجلاس کو بتایاگیا کہ جنوری کے مہینے میں پام آئل کی قیمت میں نمایاں اضافہ ہوا ہے اور فی ٹن قیمت ایک ہزار 351 ڈالر تک پہنچ گئی ہے۔

وفاقی وزیرخزانہ نے قیمت میں اضافے کی وجہ سے رمضان المبارک میں متوقع شارٹ فال سے بچنے کے لیے اپریل اور مئی کے لیے پام آئل کی درآمد پر ٹیکس میں 10 فیصد چھوٹ دینے کی منظوری دے دی۔

اجلاس کو بتایا گیا کہ ٹیکس ریلیف کا یہ فیصلہ مختصرمدت کے لیے ہے تاکہ ملک میں صارفین کو خورنی تیل کی آسان فراہمی یقینی بنائی جاسکے۔

بریفنگ کے دوران کہا گیا کہ ملک میں خورنی تیل اور بناسپتی گھی کی سالانہ طلب کا 90 فیصد درآمدات سے پورا کیا جا رہا ہے۔

خیال رہے کہ رواں ماہ کے اوائل میں کابینہ کی اقتصادی رابطہ کمیٹی (ای سی سی) کے اجلاس میں رمضان ریلیف پیکج کے لیے 19 اشیا خورونوش پر 8 ارب 28 کروڑ روپے اور کامیاب پاکستان پروگرام سے مستفید ہونے کے خواہش مند سمندر پار پاکستانیوں کے لیے 3 ارب روپے کی سبسڈی کی منظوری کا فیصلہ کیا گیا تھا۔

لندن:لندن سے بڑی خبرآگئی:اور”وہ” دیکھتے رہ گئے.اطلاعات کے مطابق برطانیہمیں پاکستان پیپلز پارٹی کے رہنما بیرسٹر افتخار احمد نے پاکستان تحریک انصاف میں شمولیت کا اعلان کر دیا ہے۔

ذرائع کے مطابق بیرسٹر افتخار احمد نے اپنے ایک بیان میں کہا ہے کہ پی ٹی آئی میں شمولیت کا اعلان کرتا ہوں، عمران خان مضبوط حکمران اور محبوب سیاسی رہنما ہیں۔

افتخار احمد نے کہا کہ ہمارے ملک پر کرپٹ مافیا حملہ آور ہے، ظلم کے خلاف حق کا ساتھ دینے کا وقت ہے، اپنے قائد کی دیانتدارانہ قیادت کا دفاع کروں گا۔

وزیر مملکت فرخ حبیب نے بیرسٹر افتخار احمد کی پاکستان تحریک انصاف میں شمولیت کا خیر مقدم کیا ہے۔ فرخ حبیب نے کہا ہے کہ وزیر اعظم عمران خان کی دیانت اور اصول پسندی دنیا بھر میں مثال بن چکی ہے۔

فرخ حبیب نے کہا کہ باشعور طبقہ وزیر اعظم عمران خان کے پیغام پر لبیک کہہ رہا ہے، 27 مارچ کا جلسہ قومی فساد کی سیاست کے خلاف فیصلہ دے گا۔

خیال رہے کہ رواں ماہ وزیر اعظم عمران خان کے سابق ترجمان ندیم افضل چن نے دوبارہ پاکستان پیپلز پارٹی میں شمولیت کا اعلان کیا تھا۔ ندیم افضل چن نے مؤقف اپنایا تھا کہ میں سمجھتا تھا کہ پی ٹی آئی عوامی جماعت ہے لیکن عوامی توقعات پر پورا اترنے میں مکمل ناکام رہی، اب پی ٹی آئی کا مقدر گھر جانا ہے۔

اسلام آباد:شاہ محمودقریشی کا چودھری پرویزالٰہی کیساتھ ٹیلیفونک رابطہ:ملاقات بھی طئے،معاملات بھی طئے، اطلاعات کےمطابق متحدہ قومی موومنٹ (ایم کیو ایم) کے ساتھ ملاقات کے بعد وفاقی وزیر خارجہ شاہ محمود قریشی کا مسلم لیگ ق کے رہنما اور سپیکر پنجاب اسمبلی چودھری پرویز الٰہی کے ساتھ ٹیلیفونک رابطہ ہوا ہے۔

وزیراعظم عمران خان کے خلاف تحریک عدم اعتماد میں ووٹنگ سے قبل حکومت کے اپنے اتحادیوں کے ساتھ رابطے تیز ہو گئے ہیں، ایم کیو ایم کے بعد وفاقی وزیر خارجہ شاہ محمود قریشی نے چودھری پرویز الٰہی کو ٹیلیفون کیا ہے ، جبکہ چودھری برادران کے ساتھ ملاقات کا وقت طے پا گیا ہے۔

شاہ محمود قریشی، پرویز خٹک کے ہمراہ ہفتہ کی دوپہر 2 بجے لاہور میں پرویز الٰہی کی رہائش گاہ پر ملاقات کریں گے۔ملاقات کے دوران وزیر خارجہ، وزیر اعظم عمران خان کا اہم پیغام چودھری برادران تک پہنچائیں گے۔

اس سے قبل وزیراعظم عمران خان کی خصوصی ہدایت پر وزیر خارجہ شاہ محمود قریشی، وفاقی وزیر برائے منصوبہ بندی اسد عمر، وفاقی وزیر دفاع پرویز خٹک کے ہمراہ متحدہ قومی موومنٹ (ایم کیو ایم) کے وفد سے اسلام آباد میں ملاقات کی۔

ایم کیو ایم رہنماؤں میں وفاقی وزیر فروغ نسیم، وفاقی وزیر امین الحق، جاوید حنیف، صادق افتخار شامل تھے۔ملاقات کے دوران وزیر خارجہ نے وزیراعظم عمران خان کی جانب سے اہم پیغام متحدہ قومی موومنٹ کے رہنماؤں کو پہنچایا۔

وزیر خارجہ شاہ محمود قریشی نے حکومت کی اتحادی جماعت کے وفد سے ملاقات میں کہا ہے کہ متحدہ قومی موومنٹ (ایم کیو ایم) پاکستان نے واضح کیا کہ پیپلز پارٹی کے ساتھ کوئی معاہدہ نہیں ہوا۔

ایم کیو ایم پاکستان کے وفد سے ملاقات کے بعد وفاقی وزیر منصوبہ بندی اسد عمر کے ہمراہ پریس کانفرنس کے دوران انہوں نے کہا کہ ایم کیو ایم نے واضح کہا کہ پیپلز پارٹی غلط بیانی کررہی ہے۔

انہوں نے مزید کہا کہ خیرسگالی کاپیغام لےکر ایم کیوایم پاکستان کے پاس گئے تھے اور وہ پیغام تھا کہ آپ ہمارےدوست ہیں ساتھ چلتےرہیں گے۔ ایم کیوایم وفد کے ساتھ خوشگوارماحول میں بات ہوئی اور ہماری اتحادی جماعت سےملاقات مثبت اورمفید رہی ہے جبکہ وفد میرا پیغام ایم کیوایم پاکستان قیادت تک پہنچائےگا۔

اسلام آباد:عدالت سے وعدہ خلافی پرجے یو آئی کیخلاف توہین عدالت کی درخواست دائر، کب ہوگی اس حوالے سے مشاورت جاری ہے ،،اطلاعات کے مطابق وفاقی حکومت نے جمعیت علمائے اسلام (جے یو آئی) کے خلاف توہین عدالت کی درخواست دائر کرنے کا فیصلہ کرلیا۔

وزیرداخلہ شیخ رشید اور وزیراعظم عمران خان کے مشیربرائے پارلیمانی امور بابراعوان کی زیرصدارت اجلاس ہوا جس میں آئی جی، ڈی سی اسلام آباد، راولپنڈی پولیس اوررینجرز حکام شریک ہوئے۔

حکومتی ذرائع کے مطابق وفاقی حکومت نے جے یو آئی کے خلاف توہین عدالت کی درخواست دائر کرنے کا فیصلہ کرلیا ہے۔ذرائع کا کہنا ہے کہ جے یو آئی عدالتی احکامات کے برعکس سرینگر ہائی وے پرجلسے کی تیاریاں کررہی ہے۔

حکومتی ذرائع بتاتے ہیں کہ سپریم کورٹ میں وفاقی حکومت کی طرف سے عملدرآمد رپورٹ بھی جمع کرائی جائے گی، رپورٹ میں عدالتی احکامات کی راہ میں رکاوٹیں ڈالنے والوں کا ذکر کیا جائے گا۔

ادھر دوسری طرف وزیراعظم عمران خان نے کہا ہے کہ تین چوہے مل کر میرا شکار کرنا چاہتے ہیں، ہم انہیں شکست دیں گے، یہ چاہتے ہیں کہ کسی طرح عمران خان ان کو این آر او دے۔اسلام آباد میں منڈی لگی ہوئی ہے جہاں لوگوں کو خریدنے کے لیے 20/25 کروڑ کی آفر کی جارہی ہے۔

خیبرپختونخوا کے ضلع مانسہرہ میں پی ٹی آئی جلسے سے خطاب کرتے ہوئے وزیراعظم نے کہا کہ شاندار استقبال پر عوام کا شکریہ ادا کرتا ہوں، شاندار جلسے پر خراج تحسین پیش کرتا ہوں، میں ہر جلسے میں اپنے آپ کو کہہ کر جاتا ہوں میں فضل الرحمان کو ڈیزل نہیں کہوں گا، میں جب تقریر کیلئے کھڑا ہوتا ہوں تو پنڈال سے ڈیزل ڈیزل کی آواز آنا شروع ہوجاتی ہے۔ برے اور مشکل وقت میں پوری کوشش کی ڈیزل کی قیمت کم کی جائے۔

انہوں نے کہا کہ میں کرکٹ کی دنیا کا سپر سٹار رہ چکا ہوں، نوجوان پاکستان کا مستقبل ہیں، نوجوانوں کو سکھانا چاہتا ہوں تباہی اور عظمت کا راستہ کون سا ہے، پی ٹی آئی رکن قومی اسمبلی صالح محمد خان کے ضمیر کو خریدنے کیلئے 20 سے 25کروڑ روپے رکھے گئے، اسلام آباد میں جو منڈی لگی ہوئی ہے اس میں لوگوں کو خریدنے کیلئے 25کروڑ کی آفر کی جارہی ہے، صالح محمد کے پاس بھی2 راستے تھے کہ وہ پیسے لے کر کہتے کہ عمران خان بہت غلط آدمی ہے، سچ اور حق کا راستہ آسان نہیں بہت مشکل ہوتا ہے۔