Tag: بریکنگ

اسلام آباد:ایم کیو ایم رہنماؤں سےملاقات،وزیراعظم کا اہم پیغام پہنچا دیا گیا:حکمت عملی طئے اطلاعات کے مطابق وزیراعظم کے خلاف تحریک عدم اعتماد آنے کے بعد اُسے ناکام بنانے کے لیے وفاقی وزیر خارجہ شاہ محمود قریشی متحرک ہو گئے۔

وزیراعظم عمران خان کی خصوصی ہدایت پر وزیر خارجہ شاہ محمود قریشی، وفاقی وزیر برائے منصوبہ بندی اسد عمر، وفاقی وزیر دفاع پرویز خٹک کے ہمراہ متحدہ قومی موومنٹ (ایم کیو ایم) کے وفد سے اسلام آباد میں ملاقات کی۔

ایم کیو ایم رہنماؤں میں وفاقی وزیر فروغ نسیم، وفاقی وزیر امین الحق، جاوید حنیف، صادق افتخار شامل تھے۔

ملاقات کے دوران وزیر خارجہ نے وزیراعظم عمران خان کی جانب سے اہم پیغام متحدہ قومی موومنٹ کے رہنماؤں کو پہنچایا۔اس موقع پر شاہ محمود قریشی نے کہا کہ ملاقاتوں کا سلسلہ جاری رہے گا۔

ادھر 27 مارچ کو پاکستان تحریک انصاف (پی ٹی آئی) کے اسلام آباد میں ہونے والے جلسے میں ترین گروپ نے شرکت نہ کرنے کا فیصلہ کر لیا۔

صوبائی دارالحکومت لاہور میں ترین گروپ کی مشاورتی بیٹھک ہوئی، صوبائی وزیر مراد راس سے ملاقاتوں اور حکومتی شخصیات کے رابطوں پر مشاورت کی گئی،

اجلاس کے دوران ارکان نے جہانگیر ترین کو رائے دیتے ہوئے کہا کہ ہمارے معاملات کو حل کرنا صوبائی وزراء کے بس میں نہیں۔ ہمیں مذاکرات وفاقی ٹیم یا وزیر اعظم سے ہی کرنے چاہئیں۔

ذرائع کے مطابق اجلاس کے دوران فیصلہ کیا گیا کہ اسلام آباد میں ہونے والے پی ٹی آئی کے جلسے میں شرکت نہیں کی جائے گی۔

ترین گروپ کے رکن فیصل حیات جبوانہ نے کہا کہ جب تک ہمارے معاملات کو حل نہیں کیا جاتا تو حکومت کی کسی ایکٹویٹی میں شامل نہیں ہو نگے۔ ترین گروپ کے تمام اراکین متحد ہیں اور یہ سب کا مشترکہ فیصلہ ہے، وفاق کی سطح پر معاملات کے حل کےلئے مذاکرات کرینگے۔

اسلام آباد:یہ ضمیرفروش پہلےعوام کولڑاتےہیں اورپھران کوزرداری اورنوازشریف کےہاتھوں‌ بیچ دیتے ہیں: اطلاعات کے مطابق پارلیمنٹ کی کشمیر کمیٹی کے چیئرمین شہریارآفریدی کی خودکش حملے کی خواہش کی ویڈیومنظرعام پرآگئی۔

گزشتہ روز شہریار آفریدی نے کوہاٹ میں کارنرمیٹنگ سے خطاب کیا تھا جس میں کی ویڈیو میں دیکھا جا سکتا ہے کہ شہریار آفریدی پشتو میں کہہ رہے ہیں کہ خودکشی حرام نہ ہوتی تو جسم پر بارود باندھ کر پارلیمنٹ میں منافقین کو اڑا دیتا تاکہ ان کی بنیاد ہی ختم ہوجائے جو میرے ملک کا سودا کرتے ہیں۔

خیال رہے کہ وفاقی وزیر برائے ہوا بازی غلام سرورخان بھی چند روز قبل خود کش حملے کی خواہش کا اظہار کر چکے ہیں۔

دوسری طرف وفاقی وزیرحماد اظہر نے کہا ہے کہ ہماری جنگ ضمیر فروشوں کیخلاف ہے۔

وفاقی وزیر حماد اظہر نے میڈیا سے گفتگو کرتے ہوئے کہا ہے کہ ہم نے اس ملک کو ایک خود مختار معیشت اور آزاد خارجہ پالیسی دینی ہے۔

انہوں نے کہا کہ عمران خان نے کبھی ہارس ٹریڈنگ نہیں کی، لاہور کے شہریوں سے اپیل ہے یہ جنگ آپ کی ہے باہر نکلیں، سب نے سندھ ہاؤس میں ہارس ٹریڈنگ ہوتی ہوئی دیکھی، کرپٹ ٹولے کی سازش کو ناکام بنائیں گے۔

حماد اظہر نے کہا کہ پوری قوم کو اپنے لیڈر عمران خان کا ساتھ دینا ہوگا، ہماری جنگ ضمیر فروشوں کیخلاف ہے، 27 مارچ کو ریلا نہیں سیلاب نکلے گا، تمام سازشوں کوتوڑتا جائے گا۔

کراچی :نئی نسل کوضمیرفروشی کا سبق دے رہےہیں‌:شریفان سیاست:خرم شیرزمان نے حقیقت بتا کرسب کوحیران کردیا، اطلاعات کے مطابق خرم شیر زمان نے کہا ہے کہ نواز اور شہباز بدکردار، بدبودار اور غلیظ سوچ کے مالک ہیں۔

پاکستان میں چھانگا مانگا اور سندھ ہاوس کا کلچردینے والوں کے بارے میں گفتگوکرتے ہوئے پی ٹی آئی پارلیمانی لیڈر خرم شیر زمان نے اپنے جاری کردہ ایک بیان میں کہا کہ شہباز شریف کو بنی گالہ میں عمران خان کے کچن کے حالات کا علم ہے مگر مقصود چپڑاسی اور پاپڑ والے کے اکاؤنٹ میں اربوں کیسے آئے یہ انہیں نہیں معلوم۔

انہوں نے کہا کہ ماضی میں ن لیگ نے محترمہ بے نظیر کے خلاف گھٹیا حرکات سازشیں کیں، انٹرویو میں کی گئی شہباز شریف کی غیر اخلاقی گفتگو کی مزمت کرتے ہیں۔

ان کا کہنا تھا کہ نواز شریف اور شہباز شریف بدکردار، بدبودار اور غلیظ سوچ کے مالک ہیں، ایک گرے ہوئے شخص سے گری ہوئی بات کی توقع کی جاسکتی ہے، 25 مارچ 1992 آج ہی عمران خان نے ورلڈ کپ جیتا قوم کا سر فخر سے بلند کیا۔

خرم شیر زمان نے کہا کہ اسی مارچ کے مہینے میں آل ڈاکو موومنٹ سے عوام کی جان چھڑائیں گے، عمران خان کسی کو وکٹ کے دو طرف نہیں کھیلنے دیں گے۔

پی ٹی آئی پارلیمانی لیڈر خرم شیر زمان کا مزید کہنا تھا کہ سر دھڑ کی بازی لگانے والوں کو آخر میں رسوائی کے سوا کچھ نہیں ملے گا۔

سینیٹر شیری رحمان نے پریس کانفرنس کرتے ہوئے کہا ہے کہ وزیراعظم اکثریت دکھانے سے کیوں بھاگ رہے ہیں، اندھیری رات ختم ہونے والی ہے۔

انہوں نے کہا کہ حکومت بار بار راہِ فرار اختیار کررہی ہے، گالی گلوچ کے کلچر کو ختم کرکے مہذب معاشرے کی طرف جائیں، وزیراعظم پارلیمان میں اکثریت دکھائیں۔

شیری رحمان نے کہا کہ دنیا دیکھ رہی ہے کہ حکومت اپنا مینڈیٹ کھو چکی ہے، حکومت کے دن پورے ہوچکے ہیں، اقتدار سے چپکنے کیلئے حکومت کچھ بھی کرنے کو تیار ہے۔

اسلام آباد:جانے والوں میں سے کچھ واپس آگئے ہیں اور کچھ آجائیں گے:چوہدری نثارآتے ہی چھا جائیں گے:اطلاعات کے مطابق وفاقی وزیر فواد چوہدری نے کہا کہ وزیر اعظم عمران خان سے چوہدری نثار کی ملاقات چند ماہ قبل ہوئی تھی۔فواد چوہدری نے کہا کہ ہم نے چوہدری نثار کو الیکشن سے پہلے بھی شمولیت کا کہا تھا لیکن ہمیں ان کی شمولیت سے قبل غلام سرور خان کی رائے لینا ہوگی۔

انہوں نے کہا کہ غلام سرور خان ہمارے ساتھ سیسہ پلائی دیوار کی طرح کھڑے ہیں، ہم ان کے علم میں لائے بغیر کوئی فیصلہ نہیں کریں گے۔فواد چوہدری نے کہا کہ اگر چوہدری نثار پی ٹی آئی میں آجاتے ہیں تو ہمیں فائدہ ہوگا۔اور ان کے آنے سے بہت سے لوگ اوربھی آئیں‌گے

وفاقی وزیر نے کہا کہ وزیراعلیٰ پنجاب عثمان بزدار کے معاملے پر بھی 27، 28 مارچ کے بعد بات ہوگی، عثمان بزدار پر بھی کافی چیزیں آگے بڑھی ہیں، ہماری اس وقت توجہ 27 مارچ کے جلسے پر ہے۔

انہوں نے کہا کہ 12 ارکان میڈیا پر آئے تھے جن میں سے چھ سے سات ارکان واپس آگئے ہیں، مجھے لگتا ہے کہ دو یا تین ارکان رہ جائیں گے باقی سب واپس آجائیں گے۔

فواد چوہدری نے کہا کہ اتحادی اعلان کردیں گے تو ایک دو لوگ رہ جائیں گے باقی واپس آجائیں گے، اتحادیوں کے فیصلے سے بہت سی چیزیں سامنے آنا شروع ہوجائیں گی، اپوزیشن اگر عدم اعتماد میں ہار جائے گی تو ان کی سیاست ختم ہوجائے گی۔

ان کا کہنا تھا کہ اسپیکرنے فیصلہ کرنا ہے منحرف ارکان کے ووٹ کی حیثیت کیا ہے، آئین میں جہاں مدت نہیں وہاں نااہلی تاحیات ہے۔