Tag: بریکنگ

لاہور:اپوزیشن حکومت گرانے جبکہ پنجاب حکومت سرمایہ کاری کے لئے 20 معاہدوں پر دستخط کرنے میں‌ مصروف،اطلاعات کے مطابق حکومت پنجاب نے دبئی انٹرنیشنل فنانس سٹی میں عالمی بزنس کانفرنس کے دوران پنجاب میں سرمایہ کاری کے لئے 20معاہدوں پر دستخط ہوئے۔

صوبائی وزیر صنعت وتجارت میاں اسلم اقبال کی زیر صدارت پنجاب سرمایہ کاری بورڈ کے کمیٹی روم میں اجلاس منعقد ہوا۔اس اجلاس میں دبئی ایکسپو کے دوران طے پانے والے سرمایہ کاری کے معاہدوں پر عمل درآمد کا جائزہ لیا گیا۔

یاد رہے کہ دبئی انٹرنیشنل فنانس سٹی میں عالمی بزنس کانفرنس کے دوران پنجاب میں سرمایہ کاری کے لئے 20معاہدوں پر دستخط ہوئے۔ان معاہدوں کو عملی جامہ پہنانے سے پنجاب میں 45ارب روپے کی نئی سرمایہ کاری ہوگی۔

صوبائی وزیر میاں اسلم اقبال نے بزنس کانفرنس کے دوران طے پانے والے معاہدوں پر عمل درآمد کی رفتار تیز کرنے کی ہدایت کی ہے۔صوبائی وزیر میاں اسلم اقبال نے کہا کہ معاہدوں کو عملی جامہ پہنانے کے لئے سرمایہ کار کمپنیوں کو ہرممکن سہولتیں دی جائیں۔

انہوں نے کہا کہ بزدار حکومت نے پنجاب کو ملکی و غیر ملکی سرمایہ کاری کا مرکز بنادیا ہے، نئی سرمایہ کاری سے روزگار کے ہزاروں نئے مواقع پیداہونگے۔

صوبائی وزیر صنعت وتجارت کا کہنا تھا کہ پنجاب میں بننے والے 10 سپیشل اکنامک زونز میں سرمایہ کاری کے وسیع مواقع موجود ہیں۔

انہوں نے بتایا کہ گذشتہ ساڑھے تین سالوں میں پنجاب میں ساڑھے تین سو ارب روپے سے زائد کی سرمایہ کاری ہوچکی ہے، صوبہ میں سیمنٹ کے 16 نئے کارخانے لگنے سے 600ارب روپے کی سرمایہ کاری ہوگی۔

صوبائی وزیر نے کہا کہ صنعت کاری کے عمل کو تیز کر کے روزگار کے مواقع بڑھانا حکومت کی پالیسی ہے، صنعت کار دوست پالیسی کے تحت سرمایہ کاروں کو تمام ضروری سہولیات دی جارہی ہے۔

لاہور:عثمان بزدارکوگھربھیجنےکی تیاریاں مکمل؟حسان خاورنےاندرکی بات بتا دی،اطلاعات کے مطابق وزیراعلیٰ پنجاب عثمان بزدار کے حوالے سے جو خبریں‌ پھیلائی جارہی ہیں ، ان کے حوالے سے پنجاب حکومت کے ترجمان حسان خاور نے سینئرصحافی مبشرلقمان کوسارے حقائق بتادیئے

اس حوالے سے حسان خاور نے مختلف اشکالات کے بہترین جواب دیتے ہوئے کہا کہ ایسا نہیں ہے عثمان بزدار کہیں نہیں جارہے ہیں اور وہ معمول کے مطابق دفتری معاملات احسن طریقے سےچلارہےہیں‌

حسان خاور نے کہا کہ حکومت میں سیاسی لوگوں کے سیاسی مسائل ہوتے ہیں اور بزدار کو بھی ہیں لیکن اس کا مطلب یہ نہیں کہ سیاسی مسائل کی وجہ سے کسی کو گھربھیجنے کی بات کی جائے اس طرح‌ تو کوئی بھی نہیں ٹھہر سکے گا

انہوں نے میڈیا میں چپھنے والی ان خبروں کی تردید بھی کردی کہ عثمان بزدار وزیراعلیٰ ہاوس چھوڑ کے کہیں جارہے ہیں یا سامان وہاں سے لے جارہے ہیں‌

سنیئر صحافی مبشرلقمان کے ایک سوال کے جواب میں ان کا کہنا تھا کہ علیم خان اور جہانگیر ترین کے ساتھیوں سے بھی رابطے ہیں اور امید ہے کہ وہ بھی ہمارے ساتھ چلیں گے

ایک سوال کے جواب میں ان کا کہنا تھا کہ ہمارے اتحادی ہمارے ساتھ ہیں اور خاص کر چوہدری پرویز الہی جو ایک سمجھدار سیاستدان ہیں وہ ہمارے ساتھ ہیں اور ایسے دیگر اتحادی بھی ، چوہدری پرویز الہی ایک مخلص انسان ہیں اور جس طرح ن لیگ نے ان سے ماضی میں دھوکے کیئے اب وہ ان دھوکوں میں دوبارہ نہیں آئیں‌گے

حکومت کی کارکردگی کے حوالے سے ان کا کہنا تھا کہ پاکستان ایک ترقی پزیرملک ہے اور کم وسائل کے باوجود کورونا جیسی وبا پرقابو پاکرجس طرح سفر جاری رکھا اسے عالمی برادری بھی تسلیم کرتی ہے

https://youtu.be/a1BO5P_xAJ0

ان کا کہنا تھا کہ بل گیٹس جیسی شخصیات بھی پاکستان کی کارکردگی کی تعریف کرچکے ہیں‌، اس کے ساتھ ساتھ انہوں نے کہا کہ حکومت کی اس کارکردگی کوعالمی برادری بھی تسلیم کرتی ہے

مبشرلقمان کے سوال کے جواب میں ان کا کہنا تھا کہ کچھ مسائل ضرور ہیں لیکن اس کا مطلب یہ نہیں کہ حکومت درست سمت نہیں جارہی ، سب بہتر ہوجائے گا

عدم اعتماد کے حوالے سے ان کا کہنا تھا کہ حکومت اپوزیشن کا کئی محاذوں پر مقابلہ کررہی ہے اور وزیراعظم عمران خان جو امید کررہےہیں ان کو امید ہے کہ وہ ضرور کامیاب ہوں گے ، ان کا کہنا تھا کہ عدالت میں 63 اے کی تشریح ، اسمبلی میں ووٹنگ اور عوام میں آگہی پارٹی ان تینوں محاذوں پر جم کرمقابلہ کرے گی

اسلام آباد: پاکستان تحریک انصاف (پی ٹی آئی) کے باغی رکن قومی اسمبلی راجہ ریاض نے کہا ہے کہ ہماری عمران خان سے ذاتی کوئی دشمنی نہیں،پالیسیوں سے اختلاف ہے۔

نجی ٹی وی سے گفتگو کرتے ہوئے فیصل آباد سے تعلق رکھنے والے پاکستان تحریک انصاف کے باغی رکن قومی اسمبلی کا کہنا تھا کہ 6 ماہ پہلے وزیراعظم کو کہا تھا پنجاب میں ڈی سی، اے سی کا عہدہ بک رہا ہے۔ عثمان بزدار اپنا سامان باندھ رہے ہیں، خان صاحب نے تو پہلے ہی سامان باندھا ہوا ہے۔

انہوں نے کہا کہ وفاقی وزرا میں ایک بھی قابل آدمی نہیں جو کسی ناراض ممبر کو منالیتا، ہماری عمران خان سے ذاتی کوئی دشمنی نہیں، پالیسیوں سے اختلاف ہے۔ وزیراعظم کے پاس ایک بھی بندہ جہانگیرترین جیسا نہیں۔ ایک وقت تھا ہم خان صاحب کی منتیں کرتے تھے، آج جہانگیرترین ہوتے تو ناراض لوگوں کو منا لیتے۔

ادھراطلاعات کے مطابق وزیراعظم کے خلاف متحدہ اپوزیشن کی تحریک عدم اعتماد کی تیاریوں کے پیش نظر عمران خان کی زیر صدارت سیاسی کمیٹی کا اہم اجلاس ہوا جس میں سیاسی کمیٹی کو اتحادیوں سے رابطے جاری رکھنے پر زور دیا گیا۔

وزیر اعظم ہاؤس میں حکومتی ٹیم نے متحدہ قومی موومنٹ (ایم کیو ایم) پاکستان کے وفد سے ملاقات کی۔ ایم کیو ایم پاکستان کے وفد میں خالد مقبول صدیقی، وسیم اختر، امین الحق، خواجہ اظہار الحسن اور جاوید حنیف شامل تھے۔

حکومتی رہنماوں بشمول اسپیکر قومی اسمبلی اسد قیصر، وفاقی وزیر دفاع پرویز خٹک اور وفاقی وزیر منصوبہ بندی اسد عمر پر مشتمل وفد نے ایم کیو ایم ارکان کو وزیراعظم کا پیغام پہنچایا۔

ملاکنڈ:بلاول بھٹو نے11جماعتی اتحاد کو حسینی اورعمران خان کویزید قراردیا:مالاکنڈ میں جلسے سے خطاب،اطلاعات کے مطابق پی پی چیئرمین بلاول بھٹو نے کہا ہےکہ عمران خان اکثریت کھوچکا ہے، حکومت کو عدم اعتماد پر شکست نظر آرہی ہے۔

پی پی چیئرمین بلاول بھٹو زرداری نے مالاکنڈ میں جلسہ عام سے خطاب کرتے ہوئے کہا کہ عمران خان اکثریت کھوکر سابق وزیراعظم بن چکا، حکومت کو عدم اعتماد کے معاملے پر شکست نظر آرہی ہے ہمارا مطالبہ ہے کہ فوری عدم اعتماد کا جمہوری حق پورا کیا جائے۔

یہ کہتے ہیں منحرف ارکان شادی میں اورنہ انکےبچے اسکول نہیں جاسکتےہیں، میں کہتاہوں جو وقت کے یزید کا مقابلہ کرےگا اس کانام تاریخ میں رقم ہوگا، اب ہم نےجمہوریت سےاحتساب لیناہے، ہمیں اپنےووٹ سےاحتساب لیناہے، عدم اعتمادمیں اپنےووٹ سےحساب لیں گے، اگلی بار مالاکنڈ آؤں گا تو نیا وزیراعظم منتخب ہوگا۔

بلاول بھٹو نے کہا کہ آئین کہتا ہے کہ عدم اعتماد جمع ہونے کے بعد 14 دن کے اندر سیشن بلانا ہوتا ہے لیکن یہ بزدل سیشن سے بھاگنے کیلیے آئین توڑ بیٹھا ہے اور بیچارے اسپیکر کو آرٹیکل 6 میں پھنسا رہا ہے۔ چیلنج کرتے ہیں بھاگنے کا سلسلہ بند کرو، کل عدم اعتماد لے کر آؤ، جلسہ جلسہ کررہے ہو،آپ 172ممبرز کا قومی اسمبلی میں جلسہ کرکے دکھا دو۔

بلاول بھٹو نے مزید کہا کہ آپ صرف گالی دے سکتے کیوں کہ یہ توہارے ہوئے شخص کی نشانی ہے، تین سال گزرچکے ہیں اور ان کے پاس کہنے کو کچھ نہیں ہے، یہ ملک میں جنگل کا قانون چاہتا ہے، ہر ادارے کو ٹائیگر فورس بنانا چاہتا ہے آج میری ٹوٹی پھوٹی اردو پر وزیراعظم اردو سکھانے کی کوشش کررہے ہیں، وزیراعظم کو سمجھانا چاہتا ہوں اردو سیکھیں اوراچھے سے بولیں اور ہمیں اردو سکھانے سے پہلے اپنے بچوں کو اردو سکھائیں۔

پی پی چیئرمین نے کہاکہ کٹھ پتلی سلیکٹڈ کا مقابلہ جیالے پہلے دن سے کررہے ہیں، ہم نے اس حکومت پر وار پہلے دن سے کیا، پارلیمنٹ کے اندر سلیکٹڈ کہہ کر دنیا میں اس کی پہچان کرائی، ہم نے کوشش کی آخری وقت تک احتجاج کرکے معاملہ حل کیا جائے، پیپلز پارٹی کے جیالوں کو مبارکباد دیتاہوں آپ کامیاب ہوچکے ہو۔

بلاول بھٹو نے اعلان کیا کہ عمران خان کے ہر مخالف سے گلے ملوں گا مگر غیرجمہوری عمل کا حصہ نہیں بنوں گا، ہم کسی ادارے پر حملہ نہیں کرسکتے، کالا کوٹ پہن کر عدالت نہیں جاؤں گا، گیٹ نمبر 4پر نہیں جاؤں ،قائد عوام نے سکھایا ہے طاقت کاسرچشمہ عوام ہیں ہم غیرجمہوری شخص سے جمہوریت کا انتقام لے سکتے ہیں۔

انہوں نے کہا کہ عمران خان نے فضل الرحمان کیخلاف جو زبان استعمال کی وہ وزیراعظم کے منہ سے اچھی نہیں لگتی، شہباز شریف پربوٹ پالش کا الزام لگاتے ہو آپ چاہتے ہو کہ آپ نہ کھیلو تو کسی اور کو بھی کھیلنے نہیں دو گے۔

ان کا یہ بھی کہنا تھا کہ ملاکنڈ آکر ایسا لگتا ہے جیسےشہید بینظیر بھٹو کے گھر آگیا ہوں، لاڑکانہ آگیا ہوں، ہمارا اس دھرتی کے عوام سے تین نسلوں کا ساتھ ہے، ملاکنڈ کے لوگوں نے قائدعوام کاساتھ دیکر پاکستان کی قسمت بدلی یہاں کے عوام کی بینظیر نے خدمت کی، کے پی عوام کی آصف زرداری نے خدمت کی۔

اسلام آباد : وزیراعظم عمران خان سے رکن قومی اسمبلی عامرلیاقت کی ملاقات ہوئی ، عامر لیاقت کا کہنا ہے کہ عمران خان پر امید ہیں تحریک عدم اعتماد ناکام ہو گی۔اس موقع پر عامر لیاقت نے کہا کہ میرے کپتان دل وجان سے عزیز ہیں میں ان کوکیسے چھوڑ سکتا ہوں

تفصیلات کے مطابق وزیراعظم عمران خان سے رکن قومی اسمبلی عامر لیاقت اور ان کی اہلیہ کی ملاقات ہوئی ، ملاقات کے حوالے سے عامر لیاقت نے بتایا ملاقات میں ملک وقوم کے حوالے سے بہت باتیں ہوئیں ، وزیر اعظم سے دوستی پہلے سےتھی ختم نہیں ہوئی

رکن قومی اسمبلی کا کہنا تھا کہ ابھی ووٹ کا فیصلہ نہیں ہوا، عمران خان پُراُمید ہیں تحریک عدم اعتماد ناکام ہو گی، جو ہونے والا ہے وہ نہیں ہونے والا اور جو نہیں ہونے والا وہ ہونے والا ہے۔

اس دوران وزیر اعظم سے ارکان قومی اسمبلی عالیہ حمزہ اورسائرہ بانو کی بھی ملاقات ہوئی ، جس میں وفاقی وزرا اسد عمر، علی زیدی اورمعاون خصوصی عامر ڈوگر بھی موجود تھے۔ارکان قومی اسمبلی نے وزیر اعظم کی قیادت پر مکمل اعتماد کا اظہار کیا۔

اس سے قبل وزیراعظم عمران خان کی زیر صدارت سیاسی کمیٹی کا اجلاس ہوا تھا ، جس میں ملکی سیاسی صورتحال پر مشاورت کی گئی۔

اجلاس میں 27مارچ جلسےکی تیاریوں کے حوالے سے اقدامات کا جائزہ لیاگیا اور اتحادی جماعتوں اور پی ٹی آئی ارکان سے رابطوں پر بریفنگ دی گئی۔

لاہور:پاکستان میں جاری سیاسی رسہ کشی اور ملک کو عدم استحکام کا شکارکرنے کی سازشیں آہستہ آہستہ دم توڑنے لگیں ، ادھر اس سلسلے میں پاکستان کے کپتان کے میدان میں آنے سے پہلے ہی ن لیگ کے سارے خواب چکنا چورہوگئے:نئی تاریخ دے دی ،اطلاعات کے مطابق پاکستان مسلم لیگ (ن) نے مہنگائی مکاؤ مارچ کی تاریخ تبدیل کر دی۔

ذرائع کے مطابق مسلم لیگ ن کا آن لائن اجلاس ہوا ، اجلاس کی صدارت قومی اسمبلی میں اپوزیشن لیڈر اور لیگی صدر شہباز شریف نے کی۔ذرائع کا کہنا ہے کہ اجلاس میں مارچ کی تاریخ تبدیل کی گئی اور مہنگائی مکاؤ مارچ اب 26 مارچ کو ہوگا۔

ذرائع نے بتایا کہ نواز شریف نے مارچ کی تاریخ تبدیلی کی اجازت دی جبکہ اس سے قبل مہنگائی مکاؤ مارچ کیلئے 24 مارچ کی تاریخ دی گئی تھی۔

ن لیگی ذرائع نے اپنی مجبوری ظاہر کرتے ہوئے کہا ہےکہ مارچ اب 26 مارچ کو ماڈل ٹاؤن لاہور مسلم لیگ ن کے سیکرٹریٹ سے روانہ ہو گا۔

خیال رہے کہ اپوزیشن اتحاد پاکستان ڈیموکریٹک موومنٹ کی جانب سے مارچ کا اعلان کیا گیا ہے جس کے مطابق 25 مارچ کو قافلوں نے اسلام آباد میں داخل ہونا ہے۔

ادھر ذرائع کےمطابق ن لیگ کی طرف سے پاک فوج کے خلاف جاری مہم کے تمام کرداروں تک سیکورٹی ادارے پہنچ چکے ہیں اور یہ بھی معلوم ہوا ہے اس گھنونے کھیل میں اس بار میاں شہبازشریف بھی مشاورت کرتے ہوئے نظر آئے ہیں

اس کے علاوہ یہ بھی اطلاعات ہیں کہ ن لیگ ، پی پی ،جے یو آئی ف کی طرف سے پاک فوج کےخلاف سازشوں میں جن جن میڈیا گروپس اور شخصیات نے حصہ لیا ہے ان کی فہرست بھی مرتب ہوچکی ہے اور جونہی حالات بہتر ہوں گے ان کا حساب چکایا جائے گا

افغانستان کی حکومت نے اسلام آباد میں ہونے والی اسلامی تعاون تنظیم (او آئی سی) کی وزرائے خارجہ کونسل کے اجلاس میں وزیرخارجہ امیرخان متقی کے بجائے اپنے نمائندے کو بھیجنے کا فیصلہ کیا ہے۔پاکستان او آئی سی وزرائے خارجہ کونسل کے 48 ویں اجلاس کی میزبانی کر رہا تھا جہاں افغانستان کا معاملہ بھی ایجنڈے کا حصہ تھا ۔

اس حوالے سے افغانستان کی وزارت خارجہ کے نائب ترجمان حافظ ضیا تاکل کا کہنا تھا کہ وزارت کے حکام نے محمد اکبر عظیمی کو نامزد کیا ہے جو اسلام آباد میں اجلاس میں طالبان حکومت کے وفد کی قیادت کریں گے۔اور پھرمحمد اکبرعظیمی نے شرکت کی

اس موقع پر یہ بھی یاد رہے کہ قبل ازیں طالبان حکومت نے دسمبر میں او آئی سی وزرائے خارجہ کونسل کے غیرمعمولی اجلاس میں شرکت کے لیے وزیرخارجہ امیرخان متقی کو بھیج دیا تھا۔

اسلام آباد میں اوآئی سی کے گزشتہ اجلاس میں وزرائے خارجہ کے گروپ فوٹو میں افغان وزیرخارجہ کی عدم موجودگی پر اجلاس میں ان کی شرکت سے متعلق بڑی بحث ہوئی تھی جبکہ افغانستان کی نشست بدستور خالی تھی اور امیر متقی آخری قطار میں بیٹھے ہوئے تھے۔

اس مرتبہ افغآن طالبان حکومت نے اب او آئی سی اجلاس میں اپنی شرکت کو کم سطح پر کیوں رکھا ہے ، اس کی وجہ یہ بتائی جارہی ہے کہ چونکہ ابھی تک افغآنستان کو کسی ملک نے تسلیم نہیں کیا اس لیے او آئی سی کے منتظمین نےیہ فیصلہ کیا کہ افغآنستان کواس حد تک اہمیت دی جوباعث نزاع نہ بنے ، انہیں‌ اصولوں کے پیش نظر افغان حکومت کا کہنا تھا کہ وزیر خارجہ کے بجائے افغان وزارت خارجہ کے عہدیدار کو بھیجا جارہا ہے۔

واضح رہے کہ او آئی سی کے تمام 57 اراکین میں سے کسی ریاست نے تاحال طالبان کی حکومت تسلیم نہیں کی ہے۔اقوام متحدہ کی طرح افغانستان کی نشست سرکاری سطح پر تاحال اشرف غنی کی سابق حکومت سے جڑی ہوئی ہے۔

دوسری وزارت خارجہ کا کہنا تھا کہ انسانی بنیاد پر اسلامی ترقیاتی بینک (آئی ایس ڈی بی) کے زیرانتظام ایک فلاحی فنڈ بھی تشکیل دیا جارہا ہے، جو بین الاقوامی اداروں کے ساتھ اشتراک کے ذریعے افغانستان میں انسانی مددکے لیے براہ راست استعمال کیا جائے گا۔

اوآئی سی کے سیکریٹری جنرل حسین براہیم طحہ نے دسمبر میں منعقدہ اجلاس میں او آئی سی جنرل سیکریٹریٹ، آئی ایس ڈی بی، ٹرسٹ فنڈ سے اقوام متحدہ کے متعلقہ اداروں کے ساتھ مشترکہ طور پر فنڈ کے لیے درخواست کی تھی کہ انسانی بنیادوں پر مالیاتی بہاؤ اور بینکنگ چینلز بحال کرنے ک لیے طریقہ کار وضع کیا جائے۔

یہ بھی معلوم ہوا ہے کہ افغانستان کے علاوہ ایران اور بنگلہ دیش نے بھی اپنے وزرائے خارجہ کو اس اہم ایونٹ میں شرکت کے لیے نہیں بھیجا بلکہ وزارت خارجہ کے سینیئر افسران کو بھیجا ہے