Tag: بریکنگ

لاہور:آخرچوہدری برادران وزارت اعلیٰ پربضد کیوں؟شہبازشریف کی نااہلی کےبعد چوہدری پرویزالٰہی لیگیوں کوکنغٹرول کریں گے؟اطلاعات کے مطابق اس وقت کچھ ایسی خبروں نے سیاسی ماحول کو اچانک بہت زیادہ گرم اور ساتھ محتاط کردیا ہے جب کچھ ایسی خبریں گردش کرنے لگی ہیں‌ کہ پنجاب کی وزارت اعلیٰ کے پیچھے بڑی گیم ہے اور یہ گیم ڈیزائن کی گئی ہے جس کا مقصد شہبازشریف کی یقینی نااہلی کے بعد کے معاملات پر قابو پانے اور ن لیگ کے ارکان اسمبلی کواس صورت حال کے بعد کسی چھتری تلے جمع رکھنے سے متعلق ہے ، سب سے بڑا مقصد چوہدری پرویز الٰہی کی قیادت میں مسلم لیگی ارکان اسمبلی کو اکٹھا کرکے شریف برادران کی گرفت کو کمزورکرنا ہے

یہ بھی معلوم ہوا ہے کہ اس بات کے قوی امکان ہیں کہ آنے والے چند دنوں میں شہبازشریف کے خلاف مضبوط شواہد کی بنا پر کیس کا فیصلہ آجائے تو اس صورت میں شہبازشریف کی نااہلی یقینی ہے اور اس طرح اگر چوہدری پرویزالٰہی اب وزیراعلیٰ بن جاتے ہیں تو چوہدری ن لیگ کی بڑی تعداد کو اپنے قریب کرنے میں کامیاب رہیں گے اور یوں ن لیگ کی گرفت ڈھیلی پڑ جائے گی ،یہ بھی معلوم ہوا ہے کہ چوہدری برادران سے بڑی تعداد میں ن لیگی ارکان اسمبلی کے خفیہ رابطے ہیں اور یہ رابطے بعض جگہ پر براہ راست ہیں اور بعض اوقات بالواسطہ سارے معاملات طئے ہورہے ہیں‌

ذرائع کے مطابق اس وقت 35 سے 38 ارکان اسمبلی کے چوہدری پرویز الٰہی سے رابطے میں ہیں ، اور اگر چوہدری پرویزالٰہی وزیراعلیٰ پنجاب بنتے ہیں تو ان ن لیگیوں کا اگلہ مسکن ق لیگ ہوسکتا ہے ، اس کے ساتھ ساتھ یہ بھی حقائق سامنے آئے ہیں کہ چوہدری برادران ایک کامیاب سیاست کھیل رہےہیں اور اس کھیل میں کامیابی کی صورت میں چوہدری برادران کواپنے ساتھیوں کی حمایت بھی حاصل ہے جبکہ بعض کا کہنا ہے کہ ممکن ہے کہ ساتھیوں کے مشورے کے بعد ہی چوہدری برادران پنجاب کی وزارت اعلیٰ پر بضد ہیں ،

ادھر یہ بھی دعوے کیا جارہے ہیں ن لیگ کواس قسم کے کھیل سے متعلق پہلے ہے کچھ شکوک وشہبات تھے تاہم ن لیگ کی قیادت پر منحصر ہے کہ وہ کیا فیصلہ کرتی ہے ، کیا وہ وزارت اعلیٰ دے کرن لیگی ارکان اسمبلی کو ق لیگ میں جانے کا سبب بنتا ہے یا پھریہ فیصلہ دور رہنے کا سبب بنتا ہے تاہم یہ طئے ہے کہ چوہدری برادران کی اس تگ و دو کے پیچھے ایک طئے شدہ پروگرام ہے ، شاید یہی وجہ ہے کہ پی ٹی آئی قیادت چوہدری برادران کے کسی بھی فیصلے پرمداخلت یا مخالفت نہیں کررہی ہے

اسلام آباد :بلوچستان عوامی پارٹی کا خیبرپختونخوا حکومت سے اتحاد ختم کرنے کا اعلان ،اطلاعات کے مطابق بلوچستان عوامی پارٹی کے صوبائی پارلیمانی لیڈربلاول آفریدی نے خیبرپختونخوا حکومت سے اتحاد ختم کرنے کا اعلان کرتے ہوئے کہا کہ ضم اضلاع کے منتخب نمائندوں کے اجلاس میں وزیراعلی نے ہمیں مدعو نہیں کیا۔

بلوچستان عوامی پارٹی کے صوبائی پارلیمانی لیڈر بلاول آفریدی نے اعلان کیا کہ ہم عدم اعتماد میں حکومت کا ساتھ نہیں دیں گے اور اس حوالے سے باپ کی سینئر لیڈرشپ کے ساتھ رابطے میں ہیں ، جلد قومی اسمبلی ، سینٹ اور بلوچستان میں بھی حکومت کے ساتھ اتحاد ختم کریں گے۔

بلاول آفریدی کا کہنا تھا کہ ہمارے ساتھ مسلسل نا انصافی کی جا رہی ہے اور فنڈز پی ٹی آئی ارکان کو دیے جا رہے ہیں ، ہم اپوزیشن بینچوں پر بیٹھ کر اپنا احتجاج رکارڈ کرائیں گے۔

خیال رہے گزشتہ روز وزیراعظم عمران خان نے پارلیمنٹ لاجز میں بلوچستان عوامی پارٹی کی قیادت سے ملاقات کی جس میں بلوچستان عوامی پارٹی کے پارلیمانی لیڈر خالد مگسی نے وزیراعظم عمران خان کو تصادم کی طرف نہ جانے کا مشورہ دیتے ہوئے کہا کہ ہماری جماعت کی مشاورت ابھی جاری ہے اور اس حوالے سے ہم جلد کوئی فیصلہ کرلیں گے۔

واضح رہے خیبر پختونخوا اسمبلی میں بلوچستان عوامی پارٹی کے اراکین کی تعداد 4 ہے۔

لاہور: وزیراعظم عمران خان کے خلاف قومی اسمبلی سیکرٹریٹ میں جمع کرائی گئی تحریک عدم اعتماد کے بعد سیاسی جوڑ توڑ کا سلسلہ جاری ہے اور اسی تناظر میں پاکستان مسلم لیگ (ق) کے رہنما اور پنجاب اسمبلی کے سپیکر چودھری پرویز الٰہی نے کہا ہے کہ اتحادیوں کا 100فیصد جھکاؤ اپوزیشن کی طرف ہے۔

پنجاب اسمبلی کے سپیکر نے نجی ٹی وی سے اتحادیوں کے جھکاؤ سے متعلق بڑا انکشاف کرتے ہوئے کہا کہ عمران خان 100 فیصد مشکل میں ہیں، اتحادیوں کا 100فیصد جھکاؤ اپوزیشن کی طرف ہے، جھکاؤ کو ریورس کرنا عمران خان کی ذمہ داری ہے۔ خان صاحب نے سب کے ساتھ ہاتھ کیا ہے، کسی کو کچھ دیا نہیں، وزیراعلیٰ بنا تو تمام مسائل حل کر دوں گا۔اتحادیوں سے کیے گئے تمام وعدے پورے کریں گے، بڑے سرپرائز آنے والے ہیں، آصف زرداری کا دعویٰ درست، اپوزیشن کے پاس 172 سے زیادہ ووٹ ہیں۔

ایک سوال کے جواب میں انہوں نے کہا کہ حکومت کو کچے اور پکے کا پتہ نہیں۔ وزیراعظم عمران خان نے وفاقی وزیر برائے آبی وسائل مونس الٰہی سے کہا تھا پاکستان تحریک انصاف میں اپنی پارٹی میں ضم کر لو، یہ والی آفر بی اے پی پارٹی کو بھی کی گئی، یہ ناسمجھی والی سوچ ہے، مہنگائی، ساڑھے تین سال کی پرفارمنس کی وجہ سے حالات ان کے خراب ہوئے، چھوٹے ہسپتالوں میں مک مکا ہو رہا ہے، صحت کارڈ کا آڈٹ تو کرائیں پہلے۔

انہوں نے مزید کہا کہ حکومت میں عقل و دانش کا 100 فیصد فقدان نظر آرہا ہے، حکومت کے علاوہ تمام جماعتوں نے ہمیں پیشکش کی، حکومت کے گھبراہٹ کے فیصلے سامنے آ رہے ہیں، بس ایک ہی شخص گھبرایا ہوا پھر رہا ہے،پہلے حکومت اور پھر اپوزیشن جلسوں کے اعلان منسوخ کرے۔

چودھری پرویز الٰہی کا کہنا تھا کہ تنہا نہیں سب اکٹھے فیصلے کرینگے، ہمارا فیصلہ ایم کیو ایم کی وجہ سے رکا ہوا ہے، ایم کیو ایم کے پیپلز پارٹی کے ساتھ مسائل ہیں، کل کی ملاقات میں آصف زرداری نے ایم کیو ایم کے 70 فیصد معاملات حل کردیئے ہیں، آصف زرداری اپوزیشن کے ضامن بنے ہوئے ہیں، لیگی صدر شہباز شریف کے ساتھ ملاقات جلد ہوگی۔

انہوں نے کہا کہ اپوزیشن خان کوہٹانے کے لیے متحد ہے، یہ جو بھاگ دوڑ کر رہے ہیں یہ حکومت کے لیے پریشانی کی نشانی ہے، حکومت کو اپنے لوگوں سے خطرہ ہے، جہانگیر ترین گروپ عثمان بزدار کو ہٹا کر دم لے گا، ان کے ایڈوائزر تباہی پھیر رہے ہیں، شیخ رشید نے دل میں کیا گلا رکھا ہے پتا نہیں،وزیر داخلہ کے پاس تجربہ ہے ان کو خان صاحب کوسمجھانا چاہیے، جن کے پاس ایک ووٹ ان کے پاس وزیراعظم جا رہے ہیں، وفد بھیجنے کا وقت گزر گیا، ن لیگ سے سیاسی اور نظریاتی اختلاف ہے۔

مسلم لیگ ق کے مصدقہ ذرائع کا کہنا ہے کہ جو بھی ہمیں وزارت اعلیٰ پنجاب کی پیشکش کرے گا ہم اس کا ساتھ دینگے۔ ذرائع نے بتایا کہ ق لیگ کی ن لیگ سے بھی بات چیت جاری ہے ن لیگ سے سیاسی اور نظریاتی اختلاف ہے تاہم خواہش ہے کہ معاملات طے ہوں۔ذرائع نے مزید بتایا کہ حکومت کے ساتھ معاملات طے ہوتے ہیں تو یہ بھی اچھی بات ہے لیکن اسمبلیوں کی مدت پوری ہونی چاہیے۔

ق لیگ کا کہنا ہے کہ صرف وزارت اعلیٰ پنجاب ہی نہیں ہمارا موقف موجودہ اسمبلیوں کی مدت پوری کرنا بھی ہے اور معاملات طے کرنے کیلیے اسے ہمارے اس موقف کی حمایت کرنا ہوگیذرائع کا کہنا ہے کہ ق لیگ چاہتی ہے کہ جس سے جو بھی کمٹمنٹ کی جائے اس پر فوری عمل ہونا چاہیے اور اسمبلیوں کو اپنی مدت پوری کرنی چاہیے۔

واضح رہے کہ ق لیگ کے ذرائع کے حوالے سے یہ خبر اس وقت آئی ہے جب ن لیگ کی جانب سے حمزہ شہباز کو اگلا وزیراعلیٰ پنجاب بنائے جانے کی اطلاعات سامنے آئی ہیں۔

حمزہ شہباز کے ترجمان عمران گورایا نے صحافی سے گفتگو کے دوران بتایا تھا کہ اگلے وزیراعلیٰ پنجاب حمزہ شہباز ہونگے۔اسی حوالے سے حمزہ شہباز نے ترین گروپ کے رہنماؤں سے بھی ملاقات کی تھی جس میں عثمان بزدار کو ہٹانے پر اتفاق کیا گیا تھا۔

اسلام آباد :پاکستان نےیوکرین کےجنگ زدہ لوگوں کے لیے امداد بھیجنا شروع کردی ،اطلاعات کے مطابق پاکستان نے فیصلہ کیا ہے کہ وہ یوکرین کے جنگ زدہ لوگوں سے اظہار یکجہتی کے لیے امداد بھیجنی شروع کردی ہے

رپورٹ کے مطابق وفاقی کابینہ نے یہ فیصلہ ہنگامی سرکولیشن سمری کے ذریعے کیا گیا تھا، جس میں پولینڈ میں امدادی سامان بھیجنے کے لیے 2 طیارے اور 6 کروڑ روپے مختص کرنے کا کہا گیا تھا۔

ذرائع کا کہنا ہے کہ امداد بھیجنے کا فیصلہ اسلام آباد میں موجود یوکرینی سفارت خانے کی درخواست پر کیا گیا تھا، انہوں نے ضروری اشیا کی فہرست کے ساتھ امداد کی درخواست کی تھی۔وزارت خارجہ نے پر زور اصرار کیا تھا کہ پاکستان کو یوکرین کی امداد کرنی چاہیے۔

انہوں تجویز پیش کی تھی کہ نیشنل ڈیزاسٹر منیجمنٹ اتھارٹی (این ڈی ایم اے) کو چاہیے کہ یوکرینی سفارتخانے کی جانب سے درخواست میں شامل غیر فوجی اشیا کے انتظام اور ٹرانسپورٹیشن کا بندوبست کرے۔یوکرین کی انسانی امداد کی فوری ترسیل کے لیے وزارت خارجہ نے بھی وزیر اعظم کو رسمی سمری بھیجی تھی ۔جووزیراعظم نے فوری قبول کرکے دستخط کردیئے تھے

وزیر اعظم کی ہدایت اور این ڈی ایم اے کی مشاورت سے وزارت خارجہ نے یوکرین کے لوگوں کے لیے ضرورت کے وقت یکجہتی کے پیغام کے طور پر این ڈی ایم اے کے پاس اسٹاک میں موجود امدادی اشیا فوری طور پر بھیجنے کی بھی سفارش کی۔

امدادی سامان میں 100 خیمے، 500 کمبل، 500 سونے کے بیگ، 3.5 کے وی کے 30 جنیریٹرز، 2 ہزار 500 صابن، 995 ہینڈ واش، 25 کروڑ سینیٹائزر کے تقریباً 1990 تھیلے شامل ہیں۔یہ سامان سی 130 طیارے کے ذریعے فوری طور پر روانہ کردیا جائے گا۔

روسی اور یوکرینی فوج کے درمیان جاری جھڑپوں کے سبب تقریباً 15 لاکھ مہاجرین پولینڈ اور پڑوسی ممالک میں پناہ لے چکے ہیں، ان میں زیادہ تر خواتین اور بچے شامل ہیں۔وزارت خارجہ نے کابینہ کو بتایا کہ پاکستان کے یوکرین کے ساتھ اچھے تعلقات رہے ہیں اور موجودہ تنزع میں اس نے اصولوں پر مبنی مؤقف اپنایا۔

بگڑتے ہوئے حالات کے پیش نظر یوکرین نے انسانی ضروریات پوری کرنے کے لیے بین الاقوامی سطح پر امداد کی عالمی اپیل کی ہے۔دو سی 130 طیاروں کے ذریعے 6 کروڑ روپے کی امدادی اشیا، ادویات اور خوراک کے علاوہ ان کی نقل و حمل کے اخراجات نیشنل ڈیزاسٹر مینجمنٹ فنڈ سے ادا کیے جائیں گے۔

آج امدادی سامان وزیر خارجہ شاہ محمود قریشی نے یوکرائنی سفیر کے حوالے کیا۔ پاکستان نے ہمیشہ ایک ذمہ دار اور امن پسند قوم کے طور پر تنازعات/ آفات کے دوران امداد کی بین الاقوامی کالوں کا جواب دینے کے لیے عالمی برادری کے شانہ بشانہ کام کیا ہے۔

اسلام آباد:بلاول نے ’کانپیں ٹانگنا‘ کو’ٹانگنیں کانپنے‘ کی superlative ڈگری قراردیا ،اطلاعات کے مطابق پاکستان پیپلز پارٹی کے چیئرمین بلاول بھٹو زرداری نے ‘کانپیں ٹانگ رہی ہیں’ کی وضاحت کر دی۔

تفصیلات کے مطابق چیئرمین پی پی نے نجی چینل سے گفتگو کرتے ہوئے بتایا میں سمجھا مجھ سے کوئی سلپ آف ٹنگ (باتوں کے دوران زبان پھسلنا) ہوئی ہے، لیکن میں نے جب گھر جا کر دیکھا تو ایسا کچھ نہیں تھا، پی ٹی آئی نے ویڈیو میں جوڑ توڑ کی ہے۔

بلاول نے گفتگو میں دل چسپ طریقے سے ‘ٹانگیں کانپ رہی ہیں اور کانپیں ٹانگ رہی ہیں’ میں فرق بھی بتایا، انھوں نے کہا وزیر اعظم کی پہلے ٹانگیں کانپ رہی تھیں اب کانپیں ٹانگ رہی ہیں، کانپیں ٹانگنا، ٹانگیں کانپنے سے اوپر کا درجہ ہے۔

انھوں نے مزید وضاحت کی کہ جب ہم نے عوامی مارچ شروع کیا تو وزیر اعظم کی ٹانگیں کانپنا شروع ہوئیں، اور انھوں نے پیٹرول اور بجلی کی قیمتوں میں کمی کر دی، لیکن جب ہم اسلام آباد پہنچے تو کانپیں ٹانگنے والا سین شروع ہوگیا، اس لیے انھوں نے گالیاں دینا شروع کر دیں۔

بلاول نے کہا عمران خان دھمکی دیتے ہیں کہ بندوق کی نوک پر ہوں، ہم اس کی مذمت کرتے ہیں، وزیر اعظم کو اپنی شکست نظر آ رہی ہے، عمراں خان مارنے کی دھمکی دے رہے ہیں، ان کو سوچنا چاہیے کہ کس کو دھمکی دے رہے ہیں، سابق صدر کے خلاف ایسی زبان استعمال کرنے سے قبل سوچنا چاہیے، انھیں پتا ہے کہ گن کیسے استعمال کی جاتی ہے؟پی پی چیئرمین نے کہا کہ دنیا میں اب وزیر اعظم عمران خان کی پہچان سلیکٹڈ کی ہو چکی ہے۔