لاہور:مریم سب کوپیچھےچھوڑگئیں:اینٹ کا جواب پتھر:وزیراعظم کوغنڈہ اوربدمعاش قراردیا:قوم دیکھتی رہ گئی،اطلاعات کے مطابق وزیراعظم عمران خان کی ن لیگ ، پی پی اور جے یو آئی ف کے سربراہان کے خلاف تنقید اور گفتگو ایک نیا رُخ اختیار کرگئی ہے
ن لیگ کی ترجمان نوازشریف،شہبازشریف اور مریم نواز کی فرنٹ مین مریم اورنگزیب نے وزیراعظم عمران خان کو انتہائی گھٹیا ناموں سے پکارتے ہوئے مردوں کو بھی پیچھے چھوڑ دیا ہے
مریم اورنگزیب نے وزیراعظم عمران خان کو غنڈہ اور بدمعاش کہہ کرسب قرض چکا دیئے ہیں
مسلم لیگ ن کی ترجمان مریم اورنگزیب کہتی ہیں کہ بات چیت سیاستدانوں سے ہوتی ہے،گالیاں دینے والے غنڈے اور بدمعاشوں سے نہیں۔
مریم اورنگزیب کا کہنا ہےکہ ایک طرف سیاسی مخالفین کو گالیاں، دھمکیاں اور بے بنیاد الزامات لگائے جارہے ہیں، دوسری طرف بات چیت کے لیکچر؟
مریم اورنگزیب نے فواد چوہدری کو مشورہ دیا کہ یہ باتیں عمران صاحب کو سمجھائیں جنہوں نے سیاست کو دشمنی میں بدل دیا ہے۔
ان کا کہنا تھا کہ سیاست میں گند اور غلاظت عمران صاحب نے ڈالی ہوئی ہے ، عدم اعتماد معاشرے سے غلاظت کے اس ڈھیر اور عدم برداشت کے منبع کو ہٹانے کے لیے لائی جارہی ہے۔
یاد رہے کہ پچھلے کئی ماہ سے ملکی سیاست میں صبر،تحمل اوربردباری ختم ہوتے جارہی ہے اور سیاستدان ایک دوسرے کو انتہائی گھٹیا اور غلیظ ناموں سے پکار رہے ہیں
جہاں شیخ رشید اپنے مخالفین کو آڑے ہاتھوں لیتے ہیں وہاں ن لیگ کے مرکزی رہنما رانا ثنااللہ شیخ رشید کو پنڈی کا شیطان کہہ کرپکارتے ہیں اور میڈیا میں آج تک کسی مفکر نے ان سخت ترین اور انتہائی گھٹیا جملوں پررانا ثنااللہ کا مواخذہ نہیں کیا ، ایسے ہی پی ٹی آئی کے ڈاکٹرشہبازگل بھی بہت ناقص زبان استعمال کرتے ہیں ، مریم نواز بھی جملے کستے ہوئے ایسے ایسے قبیح جملے کہہ جاتی ہیں کہ میڈیا اصلاح کی بجائے واہ واہ کرکے داد سبقت دیتا ہے
ادھرمریم نواز نے اس موقع سے فائدہ اٹھاتے ہوئے اس معاملے میں اور جان ڈالی اور عمران خان کی حکومت کو ذلت اورشرمندگی سے تعبر کیا وہ کہتی ہیں کہ :
ایسے ہی وزیراعظم عمران خان بھی باز نہیں آرہے اور اپنے منصب کا لحاظ رکھے بغیراپنے مخالفین پرسخت جملے کستے ہیں ، ان کو یہ حق نہیں پہنچتا کہ نوازشریف، شہبازشریف اور آصف زرداری کے خلاف کرپشن اور لوٹ مار کے کیسز عدالتوں میں دائر ہیں اور وہ خود فیصلہ سنا دیتے ہیں
یاد رہے کہ پچھلے چند دنوں سے سیاسی فرقہ واریت میں اضافے کے بعد عوامی ردعمل میں بھی اضافہ ہوا اور میڈیا پربھی اس روے کی مذمت کی گئی جس کے بعدحکومت کی طرف سے اس اندازگفتگو سے اجتناب کرتے ہوئے سیاسی معاملات کو بات چیت سے حل کرنے کی پیش کش کی گئی جسے مریم اورنگزیب نے وزیراعظم عمران کو غنڈہ اور بدمعاش کہہ کرمسترد کردیا
