Tag: بریکنگ

نئی دلی:بھارت میں مسلمانوں کا وجود خطرے میں ہے:امریکی ماہرین ،اطلاعات کے مطابق امریکہ میں قائم سول سوسائٹی کی تنظیم Hindus for Human Rights کی ایگزیکٹو ڈائریکٹر سنیتا وشواناتھ( Sunita Viswanath)نے کہا ہے کہ ان کی تنظیم امریکی کانگریس اور بائیڈن انتظامیہ پر اس بات کیلئے زور دینے کی اپنی کوششوں میں تیزی لائے گی کہ وہ بھارت میں اقلیتوں خاص طور پر مسلمانوں کے ساتھ ہونے والے ناروا سلو ک کے حوالے سے اپنی آواز بلند کریں۔

سنیتا وشوناتھ نے معروف بھارتی صحافی کرن تھاپر کو ایک انٹرویومیں کہا کہ ہندوو¿ں کے لیے” ہندوتوا“ کا مقابلہ کرنا ضروری ہے اور اکثریتی برادری کو بیدار ہونا چاہیے۔ انہوں نے کہا حقیقت یہ ہے کہ ہندووں کا اس بارے میں خاموش رہنا خطرناک ہے اور اگر ہندو اس مہم کا حصہ نہیں بنتے تو ہندوتوا سے لڑنا ناممکن ہے۔

سنیتا وشوناتھ نے بتایا کہ ان کی تنظیم نے امریکہ میں سول سوسائٹی کی 16 دیگر تنظیموں کے ساتھ بھارت میں مسلمانوں اور اقلیتوں کے ساتھ ناروا سلوک کے خلاف امریکی کانگریس میں لابنگ کرنے میں مرکزی کردار کیوں ادا کیا۔ انہوں نے کہا کہ ایسا اس لیے کیا گیا کیونکہ دنیا کو یہ سمجھنے کی ضرورت ہے کہ بھارت میں کچھ غلط ہو رہا ہے، بھارت بہت خطرناک راستے پر ہے۔

انہوں نے کہا کہ بھارت میں مسلمانوں کے ساتھ ہونے والے ابتر سلوک کے بارے میں 22اور 26جنوری کوکانگریس کی دی گئی بریفنگ کے بارے میں مزید بات کرتے ہوئے کہاہم امریکی شہری ہیں، ہمارے پاس امریکی قانون سازوں اور بائیڈن انتظامیہ کو متاثر کرنے کرنے کی طاقت ہے۔سنیتا وشواناتھ نے کہا کہ ان کی تنظیم کا اخلاقی فرض ہے کہ وہ بھارت میں بگڑتی ہوئی جمہوریت اور انسانی حقوق کے بارے میں بیداری پیدا کرے ۔ سنیتا وشواناتھ نے مزید کہا کہ بھارت میں مسلمانوں کا وجود خطرے میں ہے۔

فیصل آباد :وزیراعظم عمران خان کے خلاف عدم اعتماد لانے والوں کا آپس میں‌ ایک دوسرے پراعتماد نہیں،کچھ نہیں ہوگا:اطلاعات کے مطابق وزیر مملکت اطلاعات و نشریات فرخ حبیب کا کہنا ہے کہ اپوزیشن کے آج کے اجلاس میں تحریک عدم اعتماد ٹائیں ٹائیں فش ہوگئی ہے۔

وزیر مملکت اطلاعات و نشریات فرخ حبیب نے اپوزیشن کے مشترکہ اعلامیے پر ردعمل دیتے ہوئے کہا کہ اپوزیشن کے آج کے اجلاس میں تحریک عدم اعتماد ٹائیں ٹائیں فش ہوگئی ہے، عدم اعتماد کے لئے نمبر پورے نہ ہونے پر پھرسے کمیٹیاں بنائیں جارہی ہیں۔

فرخ حبیب نے کہا کہ اپوزیشن کا آج کا اکٹھے کھانے، پینے اور ٹائم پاس کی کی حد تک تھا، شہباز شریف اور فضل الرحمان اب بھی پیپلز پارٹی بلخصوص آصف زرداری کے کردار پر تذبذب کا شکار ہیں، 9 مرتبہ دھوکے کھانے کے بعد اب 10 واں دھوکہ تیار ہے۔

وزیر مملکت نے کہا کہ (ن) لیگ، پیپلز پارٹی اور جے یوآئی سمیت اپوزیشن کے پاس کرپشن کے تسلسل کے علاؤہ عوامی خدمت کا کوئی ایجنڈا نہیں ہے، نالائق اپوزیشن ساڑھے تین سال سے ہر رات حکومت گرانے کی خواہش دل میں رکھ کر میٹھی نیند سوتی آئی ہے۔

فرخ حبیب نے کہا کہ پوری دنیا میں دہائی کی بلند ترین مہنگائی ہوئی ہے، وزیراعظم عمران خان عوام کو زیادہ سے زیادہ ریلیف فراہمی کے ایجنڈے پر عمل پیرا ہیں، ملکی معیشت پر وہ لوگ تبصرہ کررہے ہیں جو اپنا گھر چلانے کے قابل نہیں ہیں۔

وزیر مملکت نے کہا کہ فضل الرحمان بتائیں انکے پاس ملکی معیشت چلانے کا کونسا فارمولا ہے، پیپلز پارٹی اور (ن) لیگ کی کرپشن، منی لانڈرنگ اور جعلی اکاؤنٹس کی بھر مار اور ماضی کے قرضوں پر سود کی ادائیگی کے لئے حکومت کو قرض لینا پڑا۔

فرخ حبیب نے کہا کہ پی ٹی آئی پہلی حکومت ہے جو وسائل کی مساوی تقسیم یقینی بنائے ہوئے ہے، آرڈیننس کا اجراء حکومت کا استحقاق ہے، ماضی میں بھی آرڈینینس جاری ہوتے آئے ہیں۔

لاہور:رداری، پرویز الٰہی ملاقات:پاکستان مسلم لیگ اور پی پی کی قیادت کے درمیان کیا اہم باتیں ہوئیں؟تفصیلات آگئیں ،اطلاعات کےمطابق سابق صدر آصف زرداری سے سپیکر پنجاب اسمبلی چودھری پرویزالٰہی کی وفد کے ہمراہ ملاقات کا مشترکہ اعلامیہ جاری کر دیا گیا۔ سیاسی منظر نامے میں آصف علی زرداری اور چودھری پرویزالٰہی مشاورت سے لائحہ عمل طے کریں گے۔

بلاول ہاؤس میں مسلم لیگ ق کے وفد نے چودھری پرویز الہی کی قیادت میں ملاقات کی۔ ملاقات میں مونس الہی، طارق بشیر چیمہ سالک حسین اور راسخ الہی شریک ہوئے۔

سابق صدر آصف زرداری اور فضل الرحمن کی 20 منٹ ون آن ون ملاقات بھی جاری رہی۔ ملاقات کے اختتام پر مشترکہ اعلامیہ جاری کیا گیا۔

اس کے دشمن ہیں بہت آدمی اچھا ہوگا
وہ بھی میری ہی طرح شہر میں تنہا ہوگا

وزیراعظم عمران خان کے خلاف اتحادکے ہرسُو چرچے،پاکستان مسلم لیگ کے مرکزی رہنما سپیکرپنجاب اسمبلی بلاول ہاوس پہنچے تو آصف علی زرداری نے استقبال کیا pic.twitter.com/QxIbA2gEJK

— Baaghi TV باغی ٹی وی (@BaaghiTV) February 23, 2022

اعلامیہ کے مطابق آصف زرداری اور پرویزالٰہی کی ملاقات میں اہم فیصلے کیے گئے پیپلز پارٹی اور مسلم لیگ کی قیادت نے مشاورت سے فیصلے کرنے پر اتفاق کیا۔ ملاقات میں ملکی سیاسی صورتحال سمیت باہمی دلچسپی کے دیگر امور پر تفصیلی تبادلہ خیال کیا گیا۔

پاکستان مسلم لیگ ق اور پیپلز پارٹی کی قیادت نے ایک دوسرے پر بھرپور اعتماد کا اظہار کیا اصف زرداری نے وفد کے اعزاز میں عشائیہ بھی دیا۔

کومت مخالف اتحاد پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان نے مسلم لیگ ق کے سربراہ چودھری شجاعت حسین اور سپیکر پنجاب اسمبلی چودھری پرویز الٰہی سے ملاقات کی ہے۔

لاہور میں سیاسی ماحول گرم ہو گیا، پاکستان پیپلز پارٹی کے شریک چیئر مین آصف علی زرداری، پاکستان مسلم لیگ ن کے صدر میاں محمد شہباز شریف کے ساتھ ملاقات کے بعد امیر جمعیت علمائے اسلام (ف) مولانا فضل الرحمان ملاقات کے لیے چودھری شجاعت حسین کے گھر پہنچے جہاں پر چودھری پرویز الٰہی نے ان کا استقبال کیا۔

اس دوران حکومت مخالف اتحاد کے سربراہ نے چودھری شجاعت حسین اور چودھری پرویز الٰہی سے ملاقات کی، اس ملاقات میں طارق بشیر چیمہ، سالک حسین، حسین الہی، شافع حسین اور مولانا فضل الرحمن کے صاحبزادے مولانا اسعد محمود شریک ہوئے۔

اس دوران مولانا فضل الرحمن نے چودھری شجاعت حسین کی خیریت دریافت کی، ملاقات میں عدم اعتماد کی تحریک کے حوالے سے بھی مشاورت کی گئی۔ملاقات کے دوران پی ڈی ایم سربراہ نے چودھری برادران کو حکومت مخالف حکمت عملی میں ساتھ دینے کی درخواست کردی۔

اس پر ق لیگی سربراہ نے مولانا سے مکالمہ کرتے ہوئے کہا کہ آپ نے تو سیاسی طور پر خوب محاذ گرم کر دیا۔ جس پر جواب دیتے ہوئے فضل الرحمان نے کہا کہ تحریک کو منطقی انجام تک پہنچائیں گے۔

لاہور:پنجاب کی وزارت اعلیٰ کے بدلےعمران خان سے جان چھڑوا دیں:اپوزیشن کی چوہدری پرویزالٰہی کوپیشکش،اطلاعات کے مطابق پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان اور چوہدری برادران کے درمیان ہونے والی ملاقات کی اندرونی کہانی سامنے آگئی۔

مولانا فضل الرحمن اور چوہدری برادران کی ملاقات 1 گھنٹہ 10 منٹ جاری رہی جس میں مولانا نے آصف علی زرداری اور شہباز شریف سے ہونے والی ملاقات سے متعلق اعتماد میں لیا۔مولانا نے چوہدری برادران کو یقین دہانی کروائی کہ آصف زرداری اور میاں شہباز شریف سے متعلق جو تحفظات ہیں وہ دور کر دیئے گئے ہیں۔

اپوزیشن کی چوہدری پرویز الہی کو پنجاب کی وزارت اعلی کا امیدوار نامزد کرنے پر مشاورت کی گئی اور اس دوران چوہدری برادران کو بڑے بڑے سبز باغ بھی دکھائے گئے ، یہ بھی معلوم ہوا ہے کہ وزرات اعلی پرویز الہی کو دینے کی صورت میں ق لیگ مرکز اورصوبمیں اپوزیشن کاساتھ دے گی ،پنجاب کی وزارت اعلی پر ن لیگ نےمیاں نواز شریف کو حتمی فیصلےکااختیار دے دیا۔

اس موقع پر مولانا فضل الرحمن نے یقین دہانی کہ آپ کے تحفظات سے حوالہ سے آصف علی زرداری آپکو آج حتمی صورتحال سے آگاہ کر دیں گے۔پی ڈی ایم کے سربراہ مولانا فضل الرحمان نے کہا کہ عوام مہنگائی سے تنگ ہیں اگراس حکومت کو رخصت نہ کیا گیا تو ملک وقوم کا مزید نقصان ہوگا۔

اس سے قبل مسلم لیگ (ن) کے صدر شہباز شریف کے گھر اپوزیشن کے بڑوں کی بیٹھک ہوئی جس میں سابق صدر آصف علی زرداری، بلاول بھٹو زرداری اور پی ڈی ایم کے سربراہ مولانا فضل الرحمان کے علاوہ دیگر رہنما بھی موجود تھے۔

ملاقات میں اپوزیشن کی جانب سے تحریک عدم اعتماد کی کامیابی کی صورت میں آصف زرداری نے شہباز شریف کا نام بطور وزیراعظم پیش کردیا۔

ذرائع کے مطابق پیپلز پارٹی اور پی ڈی ایم نے پہلے وزیراعظم کے خلاف تحریک عدم اعتماد پیش کرنے پر اتفاقِ کر لیا جب کہ اسپیکر قومی اسمبلی اسد قیصر اور وزیراعلی پنجاب عثمان بزدار کے خلاف تحریک عدم اعتماد بعد میں پیش کرنے کا فیصلہ کیا گیا ہے۔

اسلام آباد :پاکستان میں پولیو کیسز کا خطرہ بدستورموجود ہے:یونیسیف نے پاکستان کی کوششوں پر یہ کہہ کر پانی پھیر دیا ، اطلاعات کے مطابق اقوام متحدہ کے ادارے یونیسیف کی ایگزیکٹو ڈائریکٹر کیتھرین رسل نے کہا ہے کہ پاکستان میں افغان سرحد کے قریبی علاقوں میں پولیو کیسز کا خطرہ بدستور بلند ہے۔

یونیسیف کی ایگزیکٹو ڈائریکٹر کیتھرین رسل نے ایک بیان میں کہا کہ 13 لاکھ بچوں کا ابتدائی ویکسین کا عمل مکمل نہیں ہوا اور 3 لاکھ 50 ہزار بچوں کو کوئی بھی ویکسین نہیں ملی۔

انہوں نے کہا کہ ‘ہمیں پولیو اور معمول کے امیونائزیشن کے پروگراموں کے درمیان ہم آہنگی پیدا کرنے کی ضرورت ہے تاکہ تمام بچوں کے صحت مند ہونے کو یقینی بنایا جاسکے’۔

ان کا کہنا تھا کہ پاکستان نے پولیو اور کووڈ-19 کے خلاف جنگ میں غیر معمولی پیش رفت کی ہے، بچوں کی غذائی ضروریات اور اسکولوں میں بچوں کے داخلے کی شرح میں اضافے کی بھی ضرورت ہے۔

یونیسیف کی اعلیٰ عہدیدار نے بتایا کہ پاکستان میں 2 کروڑ 10 لاکھ بچے اسکول نہیں جاتے اور مزید 10 لاکھ بچے کووڈ-19 کی وبا کے باعث اسکول سے باہر ہو رہے ہیں۔

انہوں نے کہا کہ ‘کوئی بھی ملک اپنے ایک تہائی بچوں کی بنیادی تعلیم، اعداد شماری اور کمپیوٹر کی تعلیم سے محرومی کا متحمل نہیں ہوسکتا، تعلیم صرف ایک حق نہیں بلکہ یہ زندہ رہنے کا ایک ذریعہ ہے’۔

قبل ازیں وزیر اعظم عمران خان سے ملاقات کے دوران انہوں نے پولیو کے خلاف پاکستان کی کوششوں اور کووڈ-19 کی ویکسین کی مؤثر مہم کی تعریف کی تھی۔

اسلام آباد::15 فیصد بڑھانے کا نوٹیفکیشن جاری:سرکاری ملازمین وزیراعظم کودعائیں دینے لگے ،اطلاعات کے مطابق سرکاری ملازمین کی موجیں لگ گئیں اوریکم مارچ سے تنخواہ 15 فیصد بڑھانے کا نوٹیفکیشن جاری کردیا گیا ہے۔

وزارت خزانہ کی جانب سے جاری کردہ نوٹیفکیشن کے مطابق وفاقی سرکاری ملازمین کی تنخواہوں میں فرق کم کرنے کا معاملہ طے ہوگیا اور 15 فیصد خصوصی الاؤنس دیا جائے گا۔

وزارت خزانہ کے مطابق گریڈ 1 سے 19 کے سول ملازمین کو یکم مارچ سے الاؤنس ملے گا، پہلے سے ہی 100 فیصد یا زیادہ الاؤنس لینے والے مستفید نہیں ہوں گے۔تنخواہوں میں اضافے کے حوالے سے وزارت خزانہ نے تمام متعلقہ وزارتوں کو مراسلہ جاری کر دیا ہے۔

یاد رہے کہ چند دن پہلے وزیراعظم کے حکم پر حکومت نے وفاقی سرکاری ملازمین کی تنخواہوں میں اضافے کا اعلان کیا تھا۔ وفاقی وزارت خزانہ کے مطابق گریڈ1سے 19 تک کے ملازمین کو 15 فیصد ڈسپیریٹی الائونس دینے کا فیصلہ کیا گیا تھا ۔

وزارت خزانہ کے مطابق سرکاری ملازمین کو ڈسپیریٹی الائونس بنیادی تنخواہوں پر دیا جائے گا، ڈسپیریٹی الائونس کا اطلاق یکم مارچ سے ہوگا۔ وزارت خزانہ کا کہنا ہے کہ ٹائم اسکیل پروموشن کی سمری پر غور کیا گیا، جو ملازمین لمبے عرصے سے ایک ہی گریڈ میں کام کر رہے ہیں ان کی ترقی کے لیے سمری پر غور کیا جا رہا ہے۔

وزارت خزانہ نے کہا ہے کہ خیبر پختونخوا کے ملازمین کی طرز پر ملازمین کی اپ گریڈیشن کا فیصلہ اپریل تک ہوگا۔ پے اینڈ پنشن کمیشن کی سفارش پر تمام ایڈہاک ریلیف اور الالائونسز کو تنخواہوں میں ضم کرنے کا فیصلہ ہوگا۔ وفاقی حکومت نے صوبوں کو بھی سرکاری ملازمین کی اسی تناسب سے تنخواہیں بڑھانے کی سفارش کی گئی تھی۔

اسلام آباد:معروف صحافی سلیم صافی نے فیک نیوز ،جھوٹ اور من گھڑت خبروں کی روک تھام کےلیے بنائے جانے والے قانون پرتنقید کرتے ہوئے پی ٹی آئی حکومت کو آڑے ہاتھوں لیا ہے

سلیم صافی جو کہ اس قسم کے جستجو میں بڑے ماہر مانے جاتے ہیں ایک نئی چیز سامنے لائے ہیں ، اور یہ وہ چیز ہے کہ جس کو معلوم کرنے کےبعد ہرکوئی حیران رہ گیا ہے ،

فیک نیوزپھیلاناپی ٹی آئی کامستقل وطیرہ ہے۔عمران خان کےدورہ روس کے بارےمیں حکومتی ترجمان یہ فیک نیوزتسلسل کےساتھ پھیلارہےہیں کہ کسی پاکستانی حکمران کاپچیس سال میں یہ پہلادورہ روس ہےحالانکہ زرداری ۲۰۱۱ میں دورہ کرچکےہیں۔کیا پیکا آرڈیننس کےتحت ان ترجمانوں کےخلاف کاروائی ہو گی؟ pic.twitter.com/CANt7j06u7

— Saleem Safi (@SaleemKhanSafi) February 23, 2022

سلیم صافی کہتے ہیں کہ :فیک نیوزپھیلاناپی ٹی آئی کامستقل وطیرہ ہے۔عمران خان کےدورہ روس کے بارےمیں حکومتی ترجمان یہ فیک نیوزتسلسل کےساتھ پھیلارہےہیں کہ کسی پاکستانی حکمران کاپچیس سال میں یہ پہلادورہ روس ہے ،سلیم صافی کہتے ہیں‌ کہ حالانکہ زرداری 2011 میں دورہ کرچکےہیں۔کیا پیکا آرڈیننس کےتحت ان ترجمانوں کےخلاف کاروائی ہو گی؟

خیال رہے کہ حکومتی ترجمانوں کی طرف سے جو تازہ بیان جاری کیے جارہے ہیں اس کےمطابق فواد چوہدری نے وزیراعظم عمران خان کے دورہ روس کے حوالے سے کہا ہے کہ 23 سال بعد کسی پاکستان کی طرف سے سربراہ ریاست کا یہ دورہ ہوگا،

یاد رہے کہ وزیراعظم کے روس کے دورے کے دوران دونوں ممالک کراچی سے لاہور پائپ لائن بچھانے کیلئے نارتھ سائوتھ گیس پائپ لائن منصوبے پر پیش رفت متوقع ہے ،رو سی صدر پیوٹن اور پا کستانی وزیر اعظم عمران خان کی ملاقات سے ملنے والے اشاروں کو امریکہ غور سے دیکھے گا۔

وزیراعظم عمران خان روسی صدر ولادیمیر پیوٹن کی دعوت پر 23 سے 24 فروری تک روس کے سرکاری دورے پر روانہ ہورہے ہیں۔بین الاقوامی مبصرین اس دورے کو ایک ایسے وقت میں انتہائی تزویراتی اہمیت کا حامل قرار دے رہے ہیں جب دنیا ایک طرف امریکہ اور اس کے اتحادیوں کے درمیان شدید عالمی محاذ آرائی اور دوسری طرف روس اور چین کے عالمی اتحاد میں تبدیلی کا مشاہدہ کر رہی ہے۔اس دورے سے کئی اہم شعبوں میں دوطرفہ معاہدے ہونے کا امکان ہے جبکہ پاکستان اور روس کے درمیان عالمی اور علاقائی سلامتی کے معاملات بالخصوص افغانستان اور وسطی ایشیا کی صورتحال پر تعاون میں اضافہ ہوگا۔

اس دورے کو دونوں ممالک کے تعلقات میں ایک تاریخی پیشرفت قرار دیا جا رہا ہے ۔ اس دورے کے دوران امکان ہے کہ دونوں ممالک کراچی اور لاہور کے درمیان پائپ لائن بچھانے کے لیے نارتھ سائوتھ گیس پائپ لائن منصوبے پر آگے بڑھنے کے لیے اقدامات کا اعلان کریں گے۔اس معاملے پر گہری نظر رکھنے والے ماہرین کا خیال ہے کہ دونوں ممالک پہلے ہی ضروری حقائق پر کام کر چکے ہیں اور ہو سکتا ہے کہ باضابطہ طور پر اس منصوبے کو شروع کرنے کا اعلان کیا جائے جبکہ آئندہ برسوں میں پاکستان اور روس کے درمیان تجارتی اور اقتصادی تعاون کو فروغ دینے کے لیے مزید اقدامات کا اعلان کرنے کی بھی تیاری کر رہے ہیں۔