Tag: بریکنگ

اسلام آباد: بے نظیرانکم سپورٹ پروگرام بورڈ کے ڈائریکٹرز نے پروگرام میں خواجہ سراؤں کو شامل کرنے کی منظوری دے دی جبکہ رجسٹرڈ مستحقین کی رقم منتقلی اُن کے ذاتی بینک اکاؤنٹ میں منتقل کرنے کا فیصلہ کرلیا۔سرکاری اعلامیے کے مطابق بی آئی ایس پی بورڈ آف ڈائریکٹرز کا 56ویں اجلاس جمعرات کو اسلام آباد میں چیئر پرسن بے نظیر انکم سپورٹ پروگرام شازیہ مری کی زیر صدارت منعقد ہوا۔

اجلاس میں ڈاکٹر قیصر بنگالی، ثانیہ رفعت، عثمان حسن نے براہ راست جبکہ اشفاق حسن خان اور حارث گزدر نے وڈیو کے ذریعہ شرکت کی۔ سیکریٹری بی آئی ایس پی یوسف خان سمیت نادرا، وزارت تخفیف غربت و سماجی تحفظ اور خزانہ کے اعلی سطح نمائندے اور بی آئی ایس پی کے اعلی افسران بھی اجلاس میں موجود تھے۔بورڈ نے بی آئی ایس پی کے مستحقین میں نقد رقم کی تقسیم کے نئے طریقہ کار کی منظوری دے دی، نئے نظام کے تحت مستحق افراد کسی بھی شیڈول بینک میں کھولے گئے اکاؤنٹ کے ذریعے نقد رقم حاصل کرسکیں گے۔

بورڈ نے خواجہ سراؤں کو بی آئی ایس پی کے کفالت پروگرام میں شامل کرنے کی پالیسی کی بھی منظوری دی۔ محترمہ شازیہ مری نے ٹرانس جینڈر پالیسی کی منظوری کو موجودہ حکومت کی ایک اہم کامیابی قرار دیا اور بورڈ آف ڈائریکٹرز کے ممبران پر زور دیا کہ وہ اس پس ماندہ کمیونٹی کو متحرک کرنے کے لیے اپنے محکمے اور اثر و رسوخ کا استعمال کریں تاکہ زیادہ سے زیادہ تعداد میں خواجہ سرا اس پالیسی سے مستفید ہو سکیں۔انہوں نے بورڈ آف ڈائریکٹرز کو یہ بھی بتایا کہ وزیراعظم کے فلڈ ریلیف پروگرام کے تحت سیلاب سے متاثرہ افراد کے لیے 28 لاکھ خاندانوں میں 70 ارب روپے کی نقد امداد تقسیم کی جا چکی ہے۔

اجلاس میں فلڈ ریلیف پروگرام کی بھی منظوری دی گئی اور بایو میٹرک کی تصدیق میں مشکلات پانے والی مستحق خواتین کے لیے نیا طریقہ منظور کیا گیا۔ بی آئی ایس پی بورڈ نے ادارے کے پروکیورمنٹ ونگ، سائبر کرائم ونگ کو آزادانہ طریقے کام کرنے کی منظوری دی اور دیگر ادارہ جاتی اصلاحات کے حوالہ سے بھی اہم فیصلے کیے۔

بی آئی ایس پی بورڈ نے نوکری کے دوران وفات پانے والے ملازمین کے لیے گرانٹ بھی منظور کی جس کے مطابق گریڈ ایک سے آٹھ کے لئے 20 لاکھ، گریڈ نو سے 16 کے لئے 50 لاکھ اور گریڈ 17 سے اوپر کےبی آئی ایس پی ملازمین کے لئے 70 لاکھ کی گرانٹ کی منظوری دی۔

شازیہ مری کی زیر صدارت بی آئی ایس پی بورڈ اجلاس نے ادارے کے ملازمین کی تنخواہوں اور الاؤنسز بڑھانے کا پروپوزل خزانہ کمیٹی کو بھیجنے کا فیصلہ کیا۔ بورڈ کو بتایا گیا کہ وفاقی حکومت ہر سال پے اسکیل روائز کرتی رہی ہے مگر بی آئی ایس پی کے ملازمین کے پے اسکیل 2019ء سے نہیں بڑھائے گئے۔بی آئی ایس پی بورڈ نے بلوچستان کے پانچ اضلاع کو اپ گریڈ کرنے اور آزاد کشمیر اور گلگت بلتستان میں ادارے کے اسٹرکچر کو مزید بہتر بنانے کا فیصلہ بھی کیا۔

ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

ناکے پر کیوں نہیں رکے؟ پولیس اہلکار نے شہری پر گولیاں چلا دیں

بارہ سالہ بچی کی نازیبا ویڈیو بنانے والا ملزم گرفتار

اسلام آباد:وزیراعظم شہبازشریف کا کہنا ہے کہ سیلاب متاثرین کی مدد کرنیوالے ممالک کا شکریہ ادا کرتا ہوں۔ مشکل کی اس گھڑی میں کی جانے والی امداد کو ہمیشہ یاد رکھا جائے گا۔کوپ 27 میں کامیاب موسمیاتی سفارتکاری میں کردار اداکرنے سے متعلق تقریب سے خطاب میں وزیراعظم کا کہنا تھا کہ فریقین کو مبارکباد پیش کرتاہوں۔ عالمی سطح پر پہلی مرتبہ پاکستان کی آواز سنی گئی۔

وزیراعظم نےکہا کہ بلاول بھٹو،شیری رحمان اور مریم اورنگزیب نے عالمی فورم پر بھرپور کردار اداکیا،انہوں نے کہا کہ یہ پہلی مرتبہ ہوا پاکستان کی آوازعالمی سطح پرسنی گئی، پاکستان خیرات نہیں بلکہ موسمیاتی انصاف چاہتا ہے، دعاگو ہیں جو پاکستان کےساتھ ہوا وہ کسی دوسرے ملک کےساتھ نہ ہو۔

شہباز شریف نے کہا کہ تلخ حقیقت ہےجو پاکستان میں ہوا وہ یہاں تک محدود نہیں رہے گا، پاکستان اُس چیز کا شکارہوا جو ہماری پیدا کردہ ہی نہیں، ترقی یافتہ ممالک میں کاربن کااخراج بہت زیادہ ہے، موسمیاتی تبدیلی کے اثرات روکنے کیلیے عالمی سطح پراقدامات کرنا ہوں گے۔

شیری رحمان اور حناربانی کھر نےپاکستان کی کامیابی سے آگاہ کیا شہبازشریف نے کہا کہ حالیہ سیلاب سے پاکستان میں بہت نقصان ہوا، موسمیاتی تبدیلی کے باعث بارشوں سے پاکستان میں بے پناہ تباہی ہوئی۔ سیلاب میں لوگوں کے گھر اجڑگئے، فصلیں تباہ ہوگئیں۔

ان کا کہنا تھا کہ پیرس معاہدے میں ماحولیاتی تبدیلی کے اثرات روکنے کے لیے 100 ارب ڈالر کا عہد کیا گیا تھا، پاکستان اس چیز کا شکار ہوا جو ہماری پیدا کردہ نہیں ہے، ترقی یافتہ ممالک میں کاربن کا اخراج بہت زیادہ ہے، موسمیاتی تبدیلیوں کے اثرات روکنے کے لیے عالمی سطح پر عملی اقدامات کرنا ہوں گے، وزارت خارجہ، وزارت موسمیاتی تبدیلی اور تمام متعلقہ اداروں کے کردار کو سراہتا ہوں۔ان کا کہنا تھا کہ سیلاب کے باعث 33ملین لوگ متاثر ہوئے جبکہ 30بلین ڈالرکا نقصان ہوا۔ وفاقی حکومت نے سندھ اوربلوچستان کی صوبائی حکومتوں نےمتاثرین کی بھرپور مدد کی۔

ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

ناکے پر کیوں نہیں رکے؟ پولیس اہلکار نے شہری پر گولیاں چلا دیں

بارہ سالہ بچی کی نازیبا ویڈیو بنانے والا ملزم گرفتار

اسلام آباد:ایل سی کے حوالے سے نئی پالیسی کے باعث ملک میں دواؤں کے خام مال کا ذخیرہ صرف دوماہ کا رہ گیا ہے۔ فارما انڈسٹری نے حکام کو آگاہ کردیا۔قومی اسمبلی کی قائمہ کمیٹی صحت کی ذیلی کمیٹی کے اجلاس میں پاکستان فارماسوٹیکل مینوفیکچرر ایسوسی ایشن نے خطرے کی گھنٹی بجا دی۔

ملک کے پہلے وزیراعظم لیاقت علی خان کے بیٹے اکبر لیاقت وفات پا گئے

صدر پاکستان فارماسوٹیکل مینوفیکچرر ایسوسی ایشن ارشد محمود کا کہنا ہے کہ دو ماہ کے بعد اچانک دوائیاں شارٹ ہونا شروع ہو جائیں گی۔ارشد محمود نے کہا کہ وزیراعظم اور سرکاری اداروں کو دیکھنے کی ضرورت ہے کہ اسٹیٹ بینک نے جو ایل سی نہ کھولنے کے حوالے سے زبانی احکامات دیے ہیں اس کے باعث دو ماہ کے بعد دوائیں دستیاب نہیں رہیں گی۔

58 سالہ شخص کے پیٹ سے نکلے ڈیڑھ کلو وزنی 187 سکے،ڈاکٹرز بھی حیران

دوا ساز کمپنیوں کا مؤقف ہے کہ انہیں پہلے ہی دواؤں کی کم قیمتوں کے باعث مسائل اور بحران کا سامنا ہے اگر نیا خام مال درآمد کرنے میں سہولیات نہ دی گئیں تو نتیجہ دواؤں کی قلت کی صورت میں ہی نکلے گا۔

یاد رہے کہ اس سے چند ماہ قبل بھی دوائیوں کا بحران پیدا ہوگیا تھا اور انتہائی قیمتی اور جان بچانے والی ادویات ایک تو ناپید ہوگئیں دوسرا وہ ادویات انتہائی مہنگی ہوگئی تھیں ، جس کی وجہ سے مریضوں کو بہت زیادہ پریشانی کا سامنا کرنا پڑا ہے

اسلام آباد: وفاقی وزیر خزانہ اسحاق ڈار نے مربوط اور جامع معاشی پالیسیوں کیلئے ملک کے معروف چارٹرڈ اکاونٹنٹ اشفاق تولہ کی سربراہی میں گیارہ ارکان پر مشتمل ریفارمز اینڈ ریسورس موبلائزیشن کمیشن تشکیل دے دیا ہے۔

نوٹیفکیشن کے مطابق کمیشن بجٹ تجاویز کا جائزہ لینے اور ان تجاویز کے کاروباری محرکات پر اثرات پر بھی وزیر خزانہ کو اپنی ایڈوائس دے گا اور موجودہ آمدنی کی پالیسیوں کا جائزہ لے گا۔کمیشن موجودہ ریونیو پالیسیوں، موجودہ ٹیکس نظام کے مسائل/ مشکلات/ خطرات کی نشاندہی اور بجٹ کی تجاویز اور ان کے نتائج کا جائزہ لے گا۔

ریفارمز اینڈ ریسورس موبلائزیشن کمیشن ٹیکس قانون سازی کی پیچیدگیوں اورمضبوط انفارمیشن ٹیکنالوجی نظام کا جائزہ لے گا اور اس کی سفارش کرے گا،کمیشن خودمختار اور اس کا سربراہ کل وقتی چیئرمین ہوگا۔

فیڈرل بورڈ آف ریونیو(ایف بی آر) نے کمیشن کی تشکیل کا نوٹیفکیشن جاری کر دیا ہے11 رکنی کمیشن میں آصف ہارون، حیدر علی پٹییل، عبدالقادر میمن اور وقار احمد شامل ہیں کمیشن میں ثاقب شیرازی، غضنفر بلور اور فیڈریشن آف پاکستان چیمبرز آف کامرس کے صدر شامل ہیں۔

صدر پاکستان ٹیکس بار ایسوسی ایشن، چیئرمین ایف بی آر بھی کمیشن کے ارکان میں شامل ہیں، ممبر ایف بی آر کمیشن کے سیکرٹری ہوں گے۔کمیشن میں نثار محمد کسٹمز، ڈاکٹر محمد اقبال انجم ٹیکس، عبدالحمید سیلز ٹیکس ماہرین کے طور پر شامل ہیں۔

ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

ناکے پر کیوں نہیں رکے؟ پولیس اہلکار نے شہری پر گولیاں چلا دیں

بارہ سالہ بچی کی نازیبا ویڈیو بنانے والا ملزم گرفتار