Baaghi TV

Tag: بریکنگ

  • آئی جی پنجاب فیصل شاہکار رخصت پر چلے گئے

    آئی جی پنجاب فیصل شاہکار رخصت پر چلے گئے

    لاہور:آئی جی پنجاب فیصل شاہکار 14 روزکی رخصت پر چلے گئے۔اطلاعات کے مطابق آئی جی پنجاب فیصل شاہکار نے عمرہ کی ادائیگی کے لیے چودہ دن کی چھٹی مانگ رکھی تھی جسے منظور کر لیا گیا۔ ایڈیشنل آئی جی ایلیٹ کنور شاہ رخ کو آئی جی پنجاب کا اضافی چارج دے دیا گیا ہے۔

    راولپنڈی:عوامی احتجاج پرپی ٹی آئی کا ایئرپورٹ روڈ پر جاری احتجاجی دھرنا ختم

    خیال رہے کہ عمران خان پر حملے کے بعد فیصل شاہکار نے آئی جی پنجاب کے طور پر کام کرنے سے معذرت کی تھی۔پنجاب حکومت نے 8 نومبر کو صوبے میں نئے انسپکٹر جنرل آف پولیس کی تقرری کے لیے وفاق کو 3 نام بھجوادیے ہیں۔

    صوبائی حکومت نے وفاق کو آئی جی پنجاب کے جو نام ارسال کیے ہیں، اُن میں فیاض احمد دیو، عامر ذوالفقار اور غلام محمود ڈوگر شامل ہیں۔

    سپریم کورٹ میں جسٹس اطہر من اللہ سمیت تین ججوں کی تعیناتی کی منظوری

    یاد رہے کہ اس سے پہلے وفاقی حکومت کی جانب سے فیصل شاہکار کو کام جاری رکھنے کی ہدایت کے بعد صوبائی حکومت نے پی ٹی آئی کی مرضی سے ایف آئی آر درج نہ ہونے پر آئی جی پنجاب کو عہدے سے برطرف کردیا۔

    سابق عمران خان قاتلانہ حملہ کیس میں پنجاب حکومت نے آئی جی پنجاب کی کارکردگی پر عدم اطمینان و تحفظ کا اظہار کرتے ہوئے فیصل شاہکار عہدے سے فارغ کردیا تھا، جس کی صوبائی کابینہ نے بھی منظوری بھی دے دی تھی ، تاہم وفاقی حکومت نے آئی جی پنجاب کی خدمات واپس لینے سے انکارکردیا تھا اور آج ان کی طرف سے یہ اطلاع شیئر کی گئی کہ آئی جی پنجاب فیصل شاہکار عمرے کی ادائیگی کے لیے سعودی عرب جارہےہیں

  • اداروں کےخلاف تقاریرعمران خان پرسنگین مقدمات درج کرنےکی تیاری

    اداروں کےخلاف تقاریرعمران خان پرسنگین مقدمات درج کرنےکی تیاری

    لاہور:اداروں اوراہم شخصیات کے خلاف تقریریں اور بیان بازی عمران خان کے گلے پڑنے کا امکان ہے۔اطلاعات کے مطابق سابق وزیراعظم کے خلاف ملکی سلامتی کو نقصان پہنچانے پر سنگین نوعیت کے مقدمات درج کرنے کی تیاریاں شروع کردی گئی۔

    اس حوالےسے یہ بھی بتایا جارہا ہے کہ بہت جلد پیکا ایکٹ اورتعزیرات پاکستان کی دفعات کے تحت قانونی کارروائی ہوگی۔ پیکا دفعات نفرت انگیز تقاریر ،جعل سازی اور عوام میں اشتعال پھیلانے سے متعلق ہیں۔

    سپریم کورٹ میں جسٹس اطہر من اللہ سمیت تین ججوں کی تعیناتی کی منظوری

    ذرائع کے مطابق یہ فیصلہ اس لیے کیا گیا ہے کہ عمران خان تقاریر کرتے وقت اداروں سے متعلق وہ بھی باتیں کہہ جاتے ہیں جو کہ ان کو نہیں کہنی چاہیں،عمران خان کے خلاف مقدمہ پیکا ایکٹ کی دفعہ 10 اور 11 کے تحت مقدمہ بنایا جائے گا۔ تعزیرات پاکستان کی دفعات 120 بی ، 124 اے ، 505, 506 , 109/ 134 مقدمے میں شامل ہوں گی۔

    وزیرآباد واقعہ کا قانون کیمطابق مقدمہ درج کیا جائے۔سپریم کورٹ بار

    ذرائع کے مطابق اس حوالے سے عمران خان کے خلاف قانونی کارروائی کے لئے شوکت خانم اسپتال میں اُن کی پریس کانفرنس کو بنیاد بنایا جائے گا۔اسی کی بنا پر فوجی قیادت پر الزامات، دھمکی اور عوام کو بغاوت پر اکسانے کا الزام عائد ہوگا۔

    راولپنڈی:عوامی احتجاج پرپی ٹی آئی کا ایئرپورٹ روڈ پر جاری احتجاجی دھرنا ختم

    تحریک انصاف کی قیادت کےخلاف ایکشن فوجداری قوانین کے تحت لیا جائےگا،حکومت نےمقدمات کےاندراج کےلیےقانونی ماہرین سےبھی رائے مانگ لی۔سابق وزیراعظم عمران خان کےخلاف ملکی سالمیت کو نقصان پہنچانے اور انتہا پسند ایجنڈا کی تکمیل پر کام کرنےکے الزام کے تحت بھی کارروائی کی جائے گی۔

  • پی ایس ایل 8:بڑے بڑے انٹرنیشل کھلاڑی ایونٹ میں شرکت کےخواہشمند

    پی ایس ایل 8:بڑے بڑے انٹرنیشل کھلاڑی ایونٹ میں شرکت کےخواہشمند

    لاہور:پی ایس ایل سیزن 8 کی ڈرافٹنگ کیلئے آسٹریلیا، نیوزی لینڈ، ویسٹ انڈیز اور سری لنکا کے بڑے بڑے کھلاڑیوں نے اپنی دستیابی ظاہر کردی۔ آسٹریلوی کپتان آرون فنچ پہلی بار پی ایس ایل کا حصہ بنیں گے۔

    پاکستان ویمن کرکٹ ٹیم بھی مینز ٹیم کے ورلڈکپ فائنل میں پہنچنے پر خوشی سے نہال

    پاکستان سپر لیگ کے 8 ویں ایڈیشن کی ڈرافٹنگ کیلئے بڑے بڑے انٹرنیشنل کھلاڑیوں نے اپنی دستیابی ظاہر کردی۔

    رپورٹ کے مطابق آسٹریلوی کپتان آرون فنچ نے بھی دستیابی ظاہر کردی، وہ پہلی بار پی ایس ایل کا حصہ بنیں گے، نیوزی لینڈ کے جمی نیشم اور مارٹن گپٹل بھی آئندہ سال ہونیوالے سیزن کیلئے دستیاب ہیں۔

    پاکستان یہ کیسے کرلیتا ہے! ‘پاکستان کی فتح پرسابق ویسٹ انڈین کرکٹرحیران

    ویسٹ انڈیز کے کپتان نکولس پورن، انگلینڈ کے عادل رشید اور سری لنکا کے راجا پکشا بھی پاکستان سپر لیگ 8 میں حصہ لینے کے خواہشمند ہیں۔

    انگلش ٹیم کو بھارت کیخلاف سیمی فائنل سے قبل دھچکا

    رپورٹ کے مطابق پی ایس ایل 8 میں تمام انٹرنیشنل کھلاڑی پلاٹینم کیٹیگری کیلئے دستیاب ہوں گے، پاکستان کرکٹ بورڈ تمام غیرملکی اور ملکی کھلاڑیوں کی فہرست جلد جاری کرے گا۔

    امکان ہے کہ پاکستان سپر لیگ کے آٹھویں ایڈیشن کی ڈرافٹنگ 18 سے 22 نومبر کے درمیان کرائی جائے گی۔

  • فائنل پاکستان اورانگلینڈ کے درمیان:سیمی فائنل میں کس کے ساتھ کیاہوا؟شہبازشریف نے ٹویٹ کردی

    فائنل پاکستان اورانگلینڈ کے درمیان:سیمی فائنل میں کس کے ساتھ کیاہوا؟شہبازشریف نے ٹویٹ کردی

    اسلام آباد:فائنل پاکستان اورانگلینڈ کے درمیان:سیمی فائنل میں کس کے ساتھ کیاہوا؟شہبازشریف نے ٹویٹ کردی،اطلاعات کے مطابق سیمی فائنل میں انگلینڈ کے ہاتھوں بھارت کوشکست پرجہاں بھارتی خود پریشان اور دکھی ہیں وہاں پاکستان اور انگلینڈ کے درمیان فائنل میچ کے بارے میں بڑی امید کی جارہی ہے ، اس حوالے سے وزیراعظم پاکستان نے بھی ٹویٹ کرکے فائنل میچ میں پاکستان اور انگلینڈ کے درمیان ہونے والے معرکے کے متعلق خبردی وہاں ، بھارت کے‌حوالے سے بھی اشاروں اشاروں میں بڑی بات کہہ گئے

    اس سے پہلے آج ٹی ٹوئنٹی ورلڈ کپ کے دوسرے سیمی فائنل میں انگلینڈ نے بھارت کو 10 وکٹوں سے بدترین شکست دے کر فائنل کیلئے کوالیفائی کرلیا۔بھارت کے خلاف اس میچ میں انگلینڈ کے کپتان جوز بٹلر اور ایلکس ہیلز نے 170 رنز کی شراکت داری قائم کی۔

    انگلینڈ کی اس فتح پر وزیراعظم شہباز شریف نے بھی ٹوئٹ کی ہے۔

    اپنی ٹوئٹ میں شہباز شریف نے کہا ہے کہ ’اس اتوار کو 152/0 بمقابلہ 170/0 ہوگا۔‘

     

    کہاجارہاہےکہ اس ٹوئٹ میں دراصل وزیراعظم شہباز شریف کااشارہ بھارت کی 10وکٹوں سےشکست کی طرف ہے۔ ورلڈ ٹی ٹوئنٹی 2021 میں پاکستان نے بھارت کو 10 وکٹوں سے شکست دی تھی اور 152رنز کا ہدف کامیابی سے حاصل کیا تھا۔

    انگلش ٹیم کو بھارت کیخلاف سیمی فائنل سے قبل دھچکا

    بھارت کو سیمی فائنل میں بدترین شکست، پاکستان اور انگلینڈ فائنل میں مدمقابل ہونگے

    اسی طرح آج ورلڈ کپ کے سیمی فائنل میں انگلینڈ نے بھی بھارت کے 168 رنز کے جواب میں بغیر کسی نقصان کے 170 رنز بنائے اور میچ 10وکٹوں سے جیتا۔

    اللہ کہتاہےمحنت کرواوریقین رکھو:معاملات آسان کردوں گا’اللہ نےہماری…

    انگلینڈ کی اس فتح کے بعد پاکستان اور انگلینڈ کے درمیان ورلڈ ٹی ٹوئنٹی کا فائنل اتوار 13 نومبر کو میلبورن میں کھیلا جائے گا۔پاکستان اور انگلینڈ ایک ایک بار ورلڈ کپ جیت چکے ہیں۔

  • پاکستان میں تعلیم کی صورت حال اس قدربہترنہیں جتنی بتائی جارہی ہے:اقوام متحدہ

    پاکستان میں تعلیم کی صورت حال اس قدربہترنہیں جتنی بتائی جارہی ہے:اقوام متحدہ

    لاہور:پاکستان میں تعلیم کے ساتھ کیا کھلواڑ کیا جارہا ہےاور پاکستان کی حکومتوں کے دعوے کس قدر سچے ہیں اس حوالے سےپاکستان میں تعلیم کی پسماندگی کو بے نقاب کرتے ہوئے اقوام متحدہ کے ذیلی ادارے یونیسکو نے اپنی رپورٹ میں پاکستان میں تعلیم کی صورتحال کا بھانڈا پھوڑ دیا ہے۔

    وزیرآباد واقعہ کا قانون کیمطابق مقدمہ درج کیا جائے۔سپریم کورٹ بار

    پاکستان میں تعلیم کی خستہ حال صورت حال پر عالمی ادارے نے تشویش کا اظہارکیا ہے، یونیسکونےاپنی رپورٹ میں کہا ہےکہ پاکستان میں سرکاری تعلیمی اداروں کی کمی کےباعث نجی تعلیمی اداروں میں تیزی سےاضافہ ہورہا ہے، نجی تعلیمی اداروں کے فروغ سے سرکاری تعلیمی اداروں کو حقارت سے دیکھا جارہا ہے۔

    اقوام متحدہ کے تعلیم اور صحت کے حوالے سے ادارے یونیسکو کی طرف سے جاری رپورٹ کے مطابق دنیا میں 27 فیصد طلبا نجی تعلیمی اداروں میں زیر تعلیم جب کہ پاکستان میں یہ تعداد دگنی ہے، پاکستان میں غیر رجسٹرڈ نجی اسکولوں کی تعداد بھی بہت زیادہ ہے۔

    کس نے کہا ہے کہ روس ایٹمی جنگ کی تیاری کررہا ہے:جھوٹ سے کام نہ لیاجائے:روس

    پاکستان کے حوالے سے یونیسکو کی جاری رپورٹ میں بتایا گیا ہےکہ ایک تہائی سےزیادہ طلبا نجی تعلیمی اداروں میں زیر تعلیم ہیں نجی تعلیمی اداروں کے 45 اور سرکاری اسکولوں کے25 فیصد طلبا ٹیوشن سینٹر بھی جاتے ہیں۔اقوام متحدہ کی رپورٹ میں بتایا گیا ہے کہ پاکستان کے سرکاری تعلیمی اداروں میں 92 طلبا کے لیے ایک استاد ہے۔

    کسانوں کو بیج اور کھاد پر 5 ہزار فی ایکڑ سبسڈی دینے کا اعلان

    رپورٹ کےمطابق ملک میں میٹرک کے59 فیصد طلبا اسکولوں کے علاوہ مختلف اکیڈمیز بھی جاتے ہیں، پاکستان میں اکیڈمیزاور ٹیوشن سینٹر کی فیس اضافی بوجھ ہیں۔

    یاد رہے کہ پاکستان میں شرح خواندگی کوہرآنے والی حکومت تسلی بخش قرارد یتی آئی ہے اوراس مقصد میں مزید بہتری کےلیے تعلیم کے میدان میں بہت زیادہ خرچ کرنےکےدعوے کیے ہیں لیکن اقوام متحدہ کی رپورٹ نےپاکستان میں تعلیم کی خستہ حال صورت حال کومزید مخدوش قراردیتے ہوئے اس میں بہتری کےلیے مزید اقدامات کرنے کی سفارش کی ہے

  • کوٹ ادو میں 3 بچوں کے قاتل ڈاکو اپنے ہی ساتھیوں کی مبینہ فائرنگ سے ہلاک

    کوٹ ادو میں 3 بچوں کے قاتل ڈاکو اپنے ہی ساتھیوں کی مبینہ فائرنگ سے ہلاک

    کوٹ ادو:کوٹ ادو میں ڈکیتی کےدوران3بچوں کے قاتل ڈاکواپنے ہی ساتھیوں کی مبینہ فائرنگ سےہلاک ہوگئے۔24 اکتوبرکوکوٹ ادو میں سبزی منڈی کے قریب ڈکیتی کے دوران مزاحمت پر ڈاکوؤں نے فائرنگ کرکے 3 لڑکوں کو قتل کردیا تھا۔

    پولیس نے واقعے میں ملوث مجید کھنڈ اور صادق درکھان نامی 2 ڈاکوؤں کو گزشتہ روز وسطی پنجاب سے حراست میں لیا تھا۔

    پولیس ترجمان وسیم خان کے مطابق گرفتار دونوں ڈاکوؤں کو اسلحے کی برآمدگی کے لیے احسان پور لے جایا جارہا تھا کہ سندیلہ چوک کے قریب ڈاکوؤں کے 5 مسلح ساتھیوں نے پولیس موبائل پر فائرنگ کردی۔

    پولیس ترجمان کے مطابق ساتھیوں کی فائرنگ سے پولیس موبائل میں موجود دونوں گرفتار ڈاکو مارے گئے۔

    واقعے کے بعد حملہ آور ڈاکو فرار ہونے میں کامیاب ہوگئے، ،پولیس نے ہلاک ہونے والے دونوں ڈاکوؤں کی لاشیں پوسٹ مارٹم کے لیے اسپتال منتقل کردیں۔

    پولیس ترجمان کے مطابق ڈکیتی کے دوران فائرنگ کرکے 3 بچوں کو قتل کرنے والے تیسرے ڈاکو کاشف رند کی گرفتاری کے لیے بھی چھاپے مارے جارہے ہیں.

  • کسانوں کو بیج اور کھاد پر 5 ہزار فی ایکڑ سبسڈی دینے کا اعلان

    کسانوں کو بیج اور کھاد پر 5 ہزار فی ایکڑ سبسڈی دینے کا اعلان

    کراچی:سندھ حکومت نے کسانوں کو بیج اور کھاد پر 5 ہزار فی ایکڑ سبسڈی دینے کا اعلان کردیا ہے۔اطلاعات کےمطابق وزیراعلیٰ ہاؤس کراچی میں ورلڈ بینک کے 13 رکنی وفد نے وزیراعلیٰ سندھ مراد علی شاہ سے ملاقات کی۔

    پاکستان ویمن کرکٹ ٹیم بھی مینز ٹیم کے ورلڈکپ فائنل میں پہنچنے پر خوشی سے نہال

    وزیراعلیٰ سندھ نے اس موقع پر بتایا کہ ربیع کی فصل کے بیج اور کھاد کیلئے کاشتکاروں کو پانچ ہزار روپے فی ایکڑ کے حساب سے سبسڈی دینے کا فیصلہ کیا ہے۔

    پاک فوج سے اظہار یکجہتی کےلیے مختلف شہروں میں ریلیاں

    عالمی بینک نے پہلے ہی 25 ایکڑ تک زمین رکھنے والے کاشتکاروں کو سبسڈی فراہم کرنے پر اتفاق کیا اور 25 ایکڑ سے زائد زمین رکھنے والے کاشتکاروں کو صوبائی حکومت سبسڈی دے گی۔

    ملاقات میں مراد علی شاہ اور عالمی بینک کے نمائندوں نے ڈسپنسریز اور اسپتالوں کی مرمت اور بحالی پر بھی تبادلہ خیال کیا۔ عالمی بینک نے صحت کی سہولیات کی تعمیر نو اور بحالی کیلئے چالیس ملین ڈالر قرض کی پیشکش کی۔

  • پاکستان یہ کیسے کرلیتا ہے! ‘پاکستان کی فتح پرسابق ویسٹ انڈین کرکٹرحیران

    پاکستان یہ کیسے کرلیتا ہے! ‘پاکستان کی فتح پرسابق ویسٹ انڈین کرکٹرحیران

    لاہور:پاکستان کرکٹ ٹیم کے آئی سی سی ٹی ٹوئنٹی ورلڈکپ کے فائنل میں پہنچنے پر سابق ویسٹ انڈین کرکٹر این بشپ بھی حیران ہوگئے۔

    بدھ کو ٹی ٹوئنٹی ورلڈ کپ کے پہلے سیمی فائنل میں شاہینوں نے کیویز کو شکست دیکر فائنل کے لیے کوالیفائی کر لیا۔

    آسٹریلیا میں جاری آئی سی سی مینز ٹی ٹوئنٹی ورلڈکپ میں اپنے ابتدائی دو میچز بھارت اور زمبابوے سے ہارنے کے بعد پاکستان ٹیم کا سیمی فائنل میں پہنچنا کافی مشکل دکھائی دے رہا تھا، اپنی کارکردگی کے ساتھ گرین شرٹس کو دوسری ٹیموں پر انحصار کرنا پڑا اور فائنل فور میں جگہ بنانے کے لیے اگر مگر کی صورتحال تھی۔

    معاملہ کچھ یوں ہوگیا تھا کہ اتوار کو سپر 12 مرحلے کےآخری 3 میچز سے گروپ 2 میں شامل پاکستان،بنگلادیش ، جنوبی افریقا اور بھارت کے سیمی فائنل میں پہنچے کا فیصلہ ہونا تھا، اگر گرین شرٹس کے لحاظ سے دیکھا جائے تو اس کے لیے ضروری تھا کہ وہ اپنا آخری میچ بنگلادیش سے جیتےاور پھر نیدرلینڈز یا تو جنوبی افریقا کو اپ سیٹ شکست دے یا پھر بھارت کو زمبابوے کے ہاتھوں شکست ہو۔

    پاکستان ویمن کرکٹ ٹیم بھی مینز ٹیم کے ورلڈکپ فائنل میں پہنچنے پر خوشی سے نہال

    تاہم ہوا یوں کہ اتوار کو پہلے میچ میں نیدرلینڈز نے جنوبی افریقا کو 13 رنز سے شکست دے کر اسے ٹورنامنٹ سے باہر کیا جبکہ بھارت سیمی فائنل کے لیے کوالیفائی کرگیا جس کے بعد بنگلادیش اور پاکستان کا دن کا دوسرا میچ کوارٹر فائنل کی صورت اختیار کرگیا۔

    قبل ازیں پاکستان نے بنگلادیش کو 5 وکٹوں سے شکست دے کر پہلے سیمی فائنل اور پھر بدھ کو نیوزی لینڈ کو شکست دینے کے بعد فائنل کیلئےکوالیفائی کرلیا۔

    ٹی 20 ورلڈکپ، نیوزی لینڈ کو ہرا کر پاکستان فائنل میں پہنچ گیا

    شاہینوں نے کیویز کو دبوچ کر ٹی ٹوئنٹی ورلڈکپ کے فائنل کیلئے کوالیفائی کر لیا

    ورلڈکپ کے فائنل میں پہنچنے پر جہاں پاکستان نے سب کو حیران کیا وہیں سابق ویسٹ انڈین کرکٹر این بشپ بھی ابھی تک یقین نہیں کرپارہے کہ پاکستانی ٹیم فائنل میں کیسے پہنچ گئی؟

    ٹی 20: محمد رضوان اور بابر اعظم کی نویں سنچری پارٹنرشپ

    پہلے سیمی فائنل کے بعد سوشل میڈیا پر بیان جاری کرتے ہوئے بشپ نے کہا کہ ‘یہاں سڈنی میں رات کے 2 بج رہے ہیں اور اب تک حیران ہوں کہ پاکستان یہ کیسے کرلیتا ہے’۔

  • نیپال اور بھارت میں آنے والےشدید زلزلے میں ہلاکتوں کی تعداد میں اضافہ

    نیپال اور بھارت میں آنے والےشدید زلزلے میں ہلاکتوں کی تعداد میں اضافہ

    اترپردیش:نیپال میں 6.6 شدت کے شدید زلزلے سے کم از کم 6 افراد ہلاک اور متعدد زخمی ہوگئے، زلزلے کے جھٹکے دہلی سمیت بھارت کے کئی علاقوں میں بھی محسوس کئے گئے۔

    نیپالی سسمولوجیکل سینٹر کے مطابق بدھ کے روز اولین ساعتوں میں 6.6 کی شدت کا زلزلہ آیا، جس میں کم از کم چھ افراد کی ہلاکت کی تصدیق ہوچکی ہے۔

    زلزلے کا مرکز بھارتی صوبے اُترپردیش کے شہر پیلی بھیت سے 158 کلومیٹر دور اور نیپال کے دارالحکومت کٹھمنڈو سے 340 کلومیٹر کے فاصلے پر واقع دیپایل قصبہ تھا، بھارت کے مقامی وقت کے مطابق زلزلہ علی الصبح تقریباً ایک بج کر 57 منٹ پر آیا۔

    زلزلے کے جھٹکے دہلی سمیت شمالی بھارت کے متعدد شہروں میں بھی محسوس کیے گئے۔

    نیپالی سسمولوجیکل سینٹر کے مطابق زلزلے کی شدت 6.6 تھی اور پچھلے 24 گھنٹے میں زلزلے کے 3 جھٹکے محسوس کئے جاچکے ہیں۔

    نیپالی میڈیا کے مطابق زلزلے سے دوتی ضلع میں کم از کم 6 افراد ہلاک اور متعدد کے زخمی ہونے کی تصدیق ہوئی ہے، درجنوں مکانات منہدم ہوگئے، جس میں مزید ہلاکتوں کا بھی خدشہ ظاہر کیا جارہا ہے۔

    نیپالی حکام کے مطابق کم از کم 5 افراد بری طرح زخمی ہوئے ہیں، زخمیوں کو اسپتال میں داخل کرایا گیا ہے۔ مقامی حکام کا کہنا ہے کہ وہ جانی اور مالی نقصانات کا اندازہ لگانے کی کوشش کر رہے ہیں۔

    نیپالی وزیر اعظم شیر بہادر دیوبا نے زلزلے سے ہونیوالی ہلاکتوں پر اظہار ہمدردی کرتے ہوئے ٹوئٹر پر اپنے پیغام میں کہا ہے کہ میں نے متعلقہ ایجنسیوں کو حکم دیا ہے کہ وہ زخمیوں اور دیگر متاثرین کے فوری اور مناسب علاج کیلئے تمام ضروری اقدامات کریں۔

    دہلی کے اطراف کے شہروں غازی آباد، گروگرام اور لکھنؤ تک میں لوگ زلزلے کے جھٹکے کی وجہ سے گھبرا کر نیند سے جاگ گئے۔

    بھارت کے قومی سسمولوجی مرکز کے مطابق زلزلے کی شدت 6.3 تھی، بھارت میں ابھی تک کسی جانی و مالی نقصان کی اطلاع نہیں ہے۔

    خیال رہے کہ ہمالیائی ریاست نیپال میں زلزلے آتے رہتے ہیں۔ اپریل 2015ء میں 7.8 شدت کے بدترین زلزلے میں تقریباً 9 ہزار افراد ہلاک، ہزاروں افراد زخمی اور 5 لاکھ سے زائد مکانات منہدم ہوگئے تھے۔

  • سپریم کورٹ میں جسٹس اطہر من اللہ سمیت تین ججوں کی تعیناتی کی منظوری

    سپریم کورٹ میں جسٹس اطہر من اللہ سمیت تین ججوں کی تعیناتی کی منظوری

    اسلام آباد:صدر مملکت ڈاکٹر عارف علوی نے جسٹس اطہر من اللہ سمیت سندھ اور پنجاب کی ہائی کورٹس سے 3 ججوں کی سپریم کورٹ میں تعیناتی کی منظوری دے دی۔

    ایوان صدر سے جاری اعلامیے میں کہا گیا کہ صدر مملکت نے اسلام آباد ہائی کورٹ کے چیف جسٹس اطہر من اللہ، سندھ ہائی کورٹ کے جسٹس سید حسن اظہر رضوی اور لاہور ہائی کورٹ کے جسٹس شاہد وحید کو سپریم کورٹ کا جج تعینات کرنے کی منظوری دی ہے۔

     

    آرمی چیف کی قومی ٹیم کو نیوزی لینڈکیخلاف سیمی فائنل جیتنے پر مبارک باد

    صدر مملکت نے جسٹس عامر فاروق کو جسٹس اطہر من اللہ کی جگہ چیف جسٹس اسلام آباد ہائی کورٹ تعینات کرنے کی بھی منظوری دے دی۔

    بیان میں کہا گیا کہ صدر مملکت عارف علوی نے سپریم کورٹ اور اسلام آباد ہائی کورٹ میں چیف جسٹس کی تعیناتی کی منظوری آئین کے آرٹیکل 175 اے کے تحت دی۔

    اس سے قبل قومی اسمبلی کی پارلیمانی کمیٹی نے تینوں ججوں کی تعیناتی کی منظوری دی تھی۔

    امریکی وسط مدتی انتخابات؛ پاکستانی امیدوار بھی کامیاب

    قومی اسمبلی کی پارلیمانی کمیٹی نے 4 نومبر کو جسٹس اطہر من اللہ اور 7 نومبر کو دیگر دو ججوں جسٹس شاہد وحید اور جسٹس حسن اظہر رضوی کی بطور سپریم کورٹ جج کے لیے نام کی منظوری دی تھی۔

    واضح رہے کہ جوڈیشل کمیشن نے 24 اکتوبر کو ساڑھے 3 گھنٹے طویل اجلاس کے بعد متفقہ طور پر جسٹس اطہر من اللہ کی سپریم کورٹ میں تعیناتی کی منظوری دی تھی۔