Tag: بریکنگ

اسلام آباد:الیکشن کمیشن آف پاکستان میں سندھ بلدیاتی انتخابات کیس کی کل کی سماعت یوم اقبال کے باعث مؤخر کردی گئی۔

الیکشن کمیشن آف پاکستان میں کراچی سمیت سندھ میں بلدیاتی انتخابات کیس کی 9 نومبر کو ہونیوالی سماعت مؤخر کردی گئی، اب سماعت 15 نومبر کو ہوگی۔

الیکشن کمیشن آف پاکستان نے پیپلزپارٹی، جماعت اسلامی اور تحریک انصاف کو طلب کر رکھا ہے، آئی جی اور چیف سیکریٹری سندھ کو بھی طلب کیا گیا ہے۔

کیس کی بدھ کو ہونیوالی سماعت یوم اقبال پر عام تعطیل کے باعث مؤخر کی گئی ہے۔

یاد رہے کہ اس سے پہلے کراچی کے 7 اضلاع میں بلدیاتی انتخابات ایک بار پھر ملتوی کر دیئے گئےتھے

کراچی میں 23 اکتوبر کو ہونے والے بلدیاتی انتخابات ملتوی کرنے کا فیصلہ الیکشن کمیشن کے اجلاس میں کیا گیا جو چیف الیکشن کمشنر کی زیرصدارت ہوا تھا

الیکشن کمیشن نے کہا کہ کراچی میں بلدیاتی انتخابات کے حوالے سے اجلاس 15 روز بعد پھر کیا جائے گا۔ جس میں صورتحال کا جائزہ لیں گے۔ وفاقی حکومت کے خط کے بعد سندھ بلدیاتی انتخابات کا دوسرا مرحلہ ملتوی کیا گیا۔

چیف الیکشن کمشنر کی زیرصدارت اجلاس میں وفاقی حکومت کے خط کا جائزہ لیا گیا۔ اجلاس میں سندھ حکومت اور قانون نافذ کرنے والے اداروں سے فیڈ بیک لیا جائے گا، لیکن کل پھر اہم اجلاس ملتوی کردیا گیا ہے

راولپنڈی: پاکستان تحریک انصاف (پی ٹی آئی) کی جانب سے مری روڈ پر مظاہرے سے شہری پریشان ہوکر رہ گئے۔

ذرائع کے مطابق مری روڈ پر احتجاج کے لیے جمع ہوئے پی ٹی آئی رہنما فیاض الحسن چوہان اور دیگر مظاہرین پر بزرگ خاتون برس پڑیں۔

متاثرہ خاتون نے کہا کہ 3 گھنٹوں سے پھنسی ہوئی ہوں کوئی پوچھنے والا نہیں، کبھی مذہبی اور کبھی سیاسی جماعتیں روڈ بند کردیتی ہیں جس کے باعث شہریوں کو اذیت سے دوچار ہونا پڑتا ہے،

اس موقع پر خاتون نے سوال اٹھایا کہ کیا یہ ملک ان لوگوں کے لیے بنا ہے۔

مری روڈ پر تحریک انصاف کا احتجاج

راستے بند ہونے پربزرگ خاتون کا فیاض الحسن چوہان پر برس پڑیں

فیاض الحسن چوہان کھانے میں مصروف رہے

2 گھنٹوں سے سڑکوں پر ذلیل ہورہی ہوں راستے بند ہیں ، بزرگ خاتون

خاتون احتجاج کے دوران روتی رہی pic.twitter.com/reMAaqb5ci

— fahadaltaf (@fahadaltaf3) November 8, 2022

دوسری جانب خاتون کی ویڈیو سوشل میڈیاپرتیزی سے وائرل ہورہی ہےجس میں متعدد صارفین پی ٹی آئی ورکرز کےاحتجاج پرغصہ میں نظر آرہےہیں۔

یاد رہے کہ دوسری طرف پاکستان تحریک انصاف (پی ٹی آئی) کے رہنما فیاض الحسن چوہان کا کہنا ہے کہ عمران خان پر حملے کے خلاف جو ایف آئی آر کاٹی گئی اسے مسترد کرتے ہیں۔

راولپنڈی میں میڈیا سے گفتگو کرتے ہوئے فیاض الحسن چوہان نے کہا کہ ہمارے احتجاج میں ایک پتا بھی نہیں ٹوٹا اور کسی کا کوئی نقصان بھی نہیں ہوا۔

انہوں نے کہا کہ گزشتہ روز ایک شخص نے کھمبے پر چڑھ کر تاروں کو ہاتھ لگایا تھا، اگر اس شخص کو بھی کوئی تھپڑ لگا دیتا تو وہ کھمبے پر نہ چڑھتا۔

اسلام آباد:نیشنل الیکٹرک اینڈ پاور ریگولیٹری اتھارٹی (نیپرا)نے بجلی کی قیمتوں میں اضافے کی منظوری دے دی۔

نیپرا کی جانب سےجاری کردہ نوٹیفکیشن کےمطابق فیول ایڈجسٹمنٹ کی مدمیں بجلی کی قیمتوں میں اضافہ کیا گیا، ماہ ستمبر کے فیول ایڈجسٹمنٹ چارجز کی مد میں 8 پیسے فی یونٹ اضافے کی منظوری دی گئی۔

سندھ اور بلوچستان کیلئے گیس 90 فیصد مہنگی ہونے کا خدشہ

نوٹیفکیشن کے مطابق قیمتوں میں اضافے کا اطلاق نومبر کے بلوں پر ہوگا، اضافے کا اطلاق کے الیکٹرک صارفین پر نہیں ہوگا۔

ادھر نیشنل الیکٹرک پاور ریگولیٹری اتھارٹی (نیپرا) نے حکومتی درخواست پر بجلی مہنگی کرنے کی منظوری دے دی، کراچی کے عوام کیلئے بجلی 51 پیسے فی یونٹ مہنگی کر دی گئی۔

بجلی قیمت میں اضافہ یونیفارم ٹیرف کی مد میں کیا گیا ہے، ستمبر سے نومبر کے بلوں میں وصولی ہوگی۔

روس سےتیل خریدنےپرپابندی نہیں مگرخریداراپنےحالات کودیکھ کرفیصلہ کرے:امریکہ

چیئرمین نیپرا کے مطابق حکومت کے الیکٹرک کو 10 روپے فی یونٹ بجلی دے رہی ہے، کے الیکٹرک خود اپنی بجلی 37 روپے میں پیدا کرتی ہے، حکومت کراچی کے عوام کو 291 ارب روپے سالانہ سبسڈی دے رہی ہے۔

کے الیکٹرک کی سہ ماہی ایڈجسٹمنٹ 3 روپے 55 پیسے بنتی ہے، عوام سے وصولی 51 پیسے فی یونٹ کے حساب سے کی جائے گی، حکومت 3 روپے 4 پیسے فی یونٹ سبسڈی دے گی۔

نیپرا حکام کا کہنا ہے کہ کراچی صارفین کو بجلی فی یونٹ 43 روپے 38 پیسے پڑتی ہے، حکومت 17 روپے 29 پیسے فی یونٹ سبسڈی دے رہی ہے، صارفین کو 29 روپے 9 پیسے میں بجلی دی جاتی ہے۔

نیپرا نے ہدایت کی کہ کے الیکٹرک متابدل سستی بجلی کے پلانٹ فوری لگائے، کے الیکٹرک کے مطابق متبادل توانائی کا پلانٹ 2024 میں لگایا جائے گا۔

اسلام آباد:چیئرمین تحریک انصاف عمران خان پرنااہلی کی ایک اورتلوارلٹکنےلگی،اطلاعات کےمطابق الیکشن کمیشن نےضمنی انتخابات میں اخراجات کی تفصیل جمع نہ کرانےپرچیئرمین تحریک انصاف عمران خان کیخلاف کارروائی کا فیصلہ کرلیا۔

الیکشن کمیشن کے مطابق عمران خان نے 6 حلقوں سے تاحال انتخابی اخراجات کی تفصیل جمع نہیں کرائی صرف چارسدہ سے اخراجات کی تفصیل مقررہ وقت کے بعد جمع کرائی گئی۔

مصطفیٰ نواز کھوکھر نے سینیٹ سے استعفیٰ دے دیا۔

انتخابی تفصیل جمع نہ کرانے پر عمران خان کی کامیابی کے نوٹیفکیشن بھی نہیں ہوسکے۔10 دن تک تفصیلات جمع نہ کرانے پر آراوزعمران خان کو شوکاز نوٹس جاری کریں گے اور عمران خان کا جواب آنے یا نہ آنے کی صورت میں کیس الیکشن کمیشن کو بھجوایا جائے گا۔

انتخابی قوانین کے مطابق انتخابات کے بعد 3 دن میں اخراجات کی تفصیل جمع کرانا لازمی ہے۔ انتخابی اخراجات کی تفصیل جمع نہ کرانے پر ماضی میں امیدوار نااہل ہوچکے ہیں۔

کارکن آج رات سےاسلام آباد کےداخلی و خارجی راستے بند کریں گے:پرویزخٹک کا اعلان

واضح رہے کہ ماضی میں سپریم کورٹ نے ہارے ہوئے امیدوار کو بھی آئندہ انتخابات لڑنے سےروک دیا تھا۔ عدالتی فیصلے کی روشنی میں عمران خان کو آئندہ انتخابات کیلئے نا اہل بھی قراردیاجاسکتا ہے۔

یاد رہے کہ پاکستان الیکشن کمیشن نےسابق وزیر اعظم اور پاکستان تحریک انصاف کےسربراہ عمران خان کو توشہ خانہ ریفرنس کیس میں متفقہ فیصلہ کے ذریعے نااہل قرار دیتے ہوئے قومی اسمبلی میں ان کی نشست خالی قرار دے دی تھی ۔ لیکن بعد ازاں اسلام آباد ہائی کورٹ نے عمران خان کی نااہلی کومعطل کردیا تھا

اسلام آباد:سوئی سدرن گیس کمپنی نے اوگرا سے گیس 90 فیصد مہنگی کرنے کی درخواست کردی۔اوگرا نے گیس مہنگی کرنے کیلئے سوئی سدرن کی درخواست سماعت کیلئے منظور کرلی، اوگرا کے مطابق سوئی سدرن کی درخواست پر سماعت 21 نومبر کو کراچی میں ہوگی۔

اوگر کے مطابق سوئی نادرن پہلے ہی 1299روپے فی ایم ایم بی ٹی یو گیس مہنگی کرنے کی درخواست کرچکی ہے جس کی سماعت 14 نومبر کو لاہور میں ہوگی۔

سوئی سدرن نے رواں مالی سال کیلئے گیس 667 روپے فی ایم ایم بی ٹی یو مہنگی کرنے کی درخواست کی ہے جس سے سوئی سدرن کا ٹیرف 692 سے بڑھ کر1359 ایم ایم بی ٹی یو ہوجائے گا۔

درخواست میں کہا گیا ہے کہ سوئی سدرن کو 184 ارب روپے کے ریونیو شارٹ فال کا سامنا ہے، خام تیل کی قیمت بڑھنے کے باعث ملکی گیس بھی مہنگی ہوگئی ہے، روپے کی قدرمیں کمی سے بھی گیس صارفین پر بوجھ پڑے گا۔