نواب شاہ: پی ٹی آئی کے سینئیر رہنما اور وزیرخارجہ شاہ محمود قریشی کا کہنا ہے کہ ووٹوں کے فارمولےسے تو وزیراعظم نہیں بن سکتے۔
باغی ٹی وی : تفصیلات کے مطابق سکرنڈ میں میڈیا سے بات کرتے ہوئے وزیرخارجہ شاہ محمود قریشی کا کہنا تھا کہ بلاول زرداری ووٹوں کے فارمولے سے تو وہ وزیراعظم نہیں بن سکتے، پنجاب میں ان کی مقبولیت 5 فیصد ہے، کے پی، بلوچستان اور کراچی میں بھی آپ نہیں ہو، تو وزیراعظم کیسے بنو گے-
وزیر خارجہ نے بلاول سے کہا کہ بیٹا ابھی سیکھو ابھی آپ کو وقت لگے گا لکھی ہوئی باتیں بول دیتے ہو اچھا ہےایسے ہی انسان سیکھتا ہے، لیکن پودا ایک سال میں پھل دینا شروع نہیں کرتا، آپ پہلے یونین کالونی کا سفر طے کرو پھر اوپر آنا۔ میں نے 36 سال عملی سیاست کی ہے نرسری سے ایم اے کی کلاس میں داخل نہیں ہوا، بلدیہ سے آغاز کیا سیڑھی پر سیڑھی چڑھ کر آگے آیا ۔
کومت نے ملک میں معیشت کی تباہی کیلئے بارودی سرنگ بچھا دی ہے،شاہد خاقان عباسی
شاہ محمود قریشی کا کہنا تھا کہ کہتے ہیں سندھ کا حق نہیں دیا جارہا، سندھ کو اربوں روپے ملے ہیں، 9 ہزار ارب سندھ کے اکاؤنٹ نمبر ون میں آئے ہیں، 14 سالوں میں 1400 ارب سندھ کی ترقی کے لئے مختص کئے گئے ہیں، عمران خان نے صرف تین سال میں سندھ کے لئے ایک ٹریلین مختص کئے ہیں، بلاول 9 ہزار ارب روپے کا حساب دیں، آڈٹ رپورٹ کہہ رہی ہے 44 فیصد بجٹ کرپشن کے نظر ہوگیا ہے، یہ ہم نہیں کہتے سرکاری ادارے بتاتے ہیں-
وزیرخارجہ کا کہنا تھا کہ سندھ میں اب پرانے نعروں کی کشش نہیں رہی، پیپلزپارٹی اپنے مارچ میں رینٹ اے کار کا مجمع لے کر ساتھ چل رہی ہے، پیپلزپارٹی سرکار کی بیساکھیوں پر سیاست کر رہی ہے، ، نام نہاد مارچ میں پولیس، ایمبولینس سرکاری وسائل استعمال ہو رہے ہیں، بلاول سے معصومانہ سوال ہے کہ جہاں جاتے ہیں شہر کیوں بند کرا دیتے ہیں، اگر عوامی مارچ ہے تو عوام کو کیوں دور رکھا جارہا ہے۔
جعلی کرنسی سے خرید و فروخت کرنے والا نوسر باز گرفتار
انہوں نے کہا کہ بلاول کہتے ہیں کہ میری جیب میں عدم اعتماد کی تحریک ہے، لیکن گزشتہ روز ان کی عدم اعتماد کی تحریک کی ہوا نکل گئی، چوہدری برادران نےوزیر اعظم کے ساتھ تائید کا اعادہ کیا، اور ہمارے باقی اتحادی بھی ہمارے ساتھ ہیں تحریک انصاف میں عمران خان کے علاوہ کوئی گروپ نہیں باقی سب کھیل تماشہ ہے، اپوزیشن کے پاس نمبر نہیں ہیں، ن لیگی انتخابات چاہتے ہیں اور پیپلز پارٹی والے انتخابات نہیں چاہتے ہیں-
وزیرخارجہ نے کہاکہ روس اور یوکرین کی جنگ میں پاکستان امن کے ساتھ کھڑا ہے، یوکرین کے ساتھ تین ممالک کے سرحدی حدود لگتی ہے جن سے ہماری بات ہوئی ہے، اب تک 1 ہزار 132 بچے بارڈر کراس کر چکے ہیں، کل 3 ہزار طلباء و طالبات تھے ان سے بیشتر پہلے نکل آئے تھے جو رہ گئے ان کے ڈاکومنٹس تیار نہیں تھے اس لئے وہ رہ گئے ہیں، ان کے لئے کوشش کر رہے ہیں غافل نہیں ہیں-
کے الیکٹرک صارفین کے لیے بجلی مہنگی ہونے کا امکان
قبل ازیں نجی ٹی وی چینل کے پروگرام میں اینکر سے بات کرتے ہوئے وفاقی وزیر اطلاعات فواد چوہدری نے دعویٰ کیا تھا کہ جہانگیر ترین گروپ کے اراکین وزیراعظم کے ساتھ ہیں چوہدری برادران نے وزیراعظم کو یقین دہانی کرائی ہے کہ وہ حکومت کے ساتھ تھے، ہیں اور رہیں گے وزیراعظم دیگر اتحادیوں سے بھی ملیں گے جب کہ جہانگیر ترین گروپ کے اراکین ضلعی اجلاسوں میں شریک ہوتے ہیں وہ سب وزیراعظم کے ساتھ ہیں۔
واضح رہےکہ گزشتہ روز اسی پروگرام میں وزیر خارجہ شاہ محمود قریشی نے انکشاف کیا تھا کہ وزیراعظم عمران خان نے جہانگیر ترین کو فون کرکے ان کی خیریت دریافت کی ہے۔
