Tag: بلدیہ عظمیٰ کراچی شہر

میئر کراچی بیرسٹر مرتضیٰ وہاب نے کہا ہے کہ کراچی کے تمام اضلاع میں یکساں رفتار سے ترقیاتی کام کرانا اولین ترجیح ہے.

باغی ٹی وی کے مطابق اپنے دفتر میں ضلع کیماڑی میں ترقیاتی کاموں پر عملدرآمد کے حوالے سے منگھو پیر ٹاؤن کے چیئرمین حاجی علی نواز بروہی، جماعت اسلامی اور پی ٹی آئی کے بلدیاتی نمائندوں اور دیگر منتخب اراکین کے ساتھ اجلاس کی صدارت کرتے ہوئے بیرسٹرمرتضیٰ وہاب کا کہنا تھا کہ ضلع کیماڑی میں مزید ترقیاتی اسکیمیں شروع کرنے کا فیصلہ کیا ہے تاکہ علاقے کے لوگوں کو زیادہ سے زیادہ سہولیات فراہم کی جاسکیں، پاکستان پیپلزپارٹی شہر کے وسیع تر مفاد میں تمام سیاسی جماعتوں کے بلدیاتی نمائندوں کو ساتھ لے کر چل رہی ہے اور ان کی مشاورت سے جامع حکمت عملی ترتیب دینا چاہتے ہیں جس سے ترقیاتی عمل کو بھرپور بنا کر مختلف علاقوں میں شہریوں کو درپیش مسائل کو جلد از جلد حل کرنے کے لئے راہ ہموار کی جاسکتی ہے.

قبل ازیں منتخب بلدیاتی نمائندوں نے اپنے علاقوں میں درپیش مسائل کے حوالے سے میئر کراچی کو آگاہ کیا اور ان کے جلد از جلد حل پر زور دیا، میئر کراچی بیرسٹر مرتضیٰ وہاب نے ضلع کیماڑی خصوصاً منگھوپیر ٹاؤن کو ترجیحی بنیادوں پر ترقیاتی اسکیمیں دینے اور علاقے کے مسائل حل کرنے کی یقین دہانی کرائی، انہوں نے کہا کہ شہریوں کے مسائل حل کرنے کے لئے تمام منتخب بلدیاتی نمائندوں کو اپنے ذاتی مفادات کو بالائے طاق رکھتے ہوئے شہر کے وسیع تر مفاد میں مسائل کے حل کے لیے مل کر کام کرنا ہے، پاکستان پیپلزپارٹی اس حوالے سے ہرممکن تعاون کرنے کو تیار ہے اور اس حوالے سے ہمارے دروازے سب کے لئے کھلے ہیں لہٰذا آئیں اور شہر کی ترقی میں اپنا کردار ادا کریں، انہوں نے کہا کہ شہر میں تعمیر و ترقی کے لیے تمام اسٹیک ہولڈرز کے ساتھ رابطے اور مشاورت کا سلسلہ جاری رہے گا۔

ٹرانسپورٹرز اور ڈمپرز ایسوسی ایشن کی ہڑتال موخر

منشیات فروشوں کیساتھ رابطے ، لیڈی سب انسپکٹر معطل

امریکی اعلان کے بعد یورپی یونین نے ٹیرف موخر کردیا

ڈاکٹر عافیہ رہائی،امریکی ریاست ٹیکساس کی جیل کے باہر مظاہرہ

ٹیرف میں اضافہ، ایپل نے لاکھوں آئی فون بھارت سے نکال لیے

میئر کراچی مرتضی وہاب نے کہا ہے کہ وفاق کے پاس جائیں گے کہ اس انڈومنٹ فنڈ میں پیسے ڈالیں، کارپوریٹس کے پاس بھی جائیں گے، اس فنڈ کو چلانے کے لیے بورڈ بنا رہے ہیں۔

باغی ٹی وی کے مطابق میئر کراچی نے گورنر سندھ کامران ٹیسوری کے حوالے سے بتایا ہے کہ میں گورنر صاحب کا وکیل رہا ہوں، میں بات کرتا ہوں، گورنر صاحب ناراض ہو جاتے ہیں وہ میرے بڑے ہیں، جو شخص مجھے کہہ رہا تھا تمہیں اختیارات دلاؤں گا وہ اختیارات مانگ رہا تھا، آپ کسی کے کہنے پر بیان بازی کریں گے تو مسائل ہوتے ہیں، گورنر کو کہوں گا کہ کون ان کو اکسا کر کے ایسے بیانات دلواتا ہے، ان کو امید نہیں تھی کہ میں خط لکھ دوں گا، راشن بانٹنا پرائیویٹ چیزیں ہیں، اس سے لوگوں کی عزتِ نفس کو ٹھیس نہ پہنچائیں۔

انڈومنٹ فند بورڈ کے قیام کے حوالے سے بات کرتے ہوئے میئرِ کراچی نے بتایا کہ اس بورڈ میں میئر، ڈپٹی میئر، افسران سمیت پرائیویٹ سیکٹر کے لوگ بھی شامل کریں گے۔میئر کراچی نے شمسی توانائی کے منصوبوں کے حوالے سے بتایا ہے کہ 4 اسپتال سندھ گورنمنٹ کی مدد سے سولر پر منتقل کرنے جا رہے ہیں، جمشید نوسروانجی بلڈنگ سولرائیز کی ہے، سندھ کی صوبائی حکومت کی مدد سے گڈاپ میں 4 پمپنگ اسٹیشنز سولرائیز کرنے جا رہے ہیں۔

میئر کراچی نے کے پی ٹی کے حوالے سے کہا ہے کہ کے پی ٹی نے 14، 15 سال پہلے کمٹمینٹ کی تھی کہ واٹر ٹریٹمینٹ پلانٹ لگائیں گے، پلانٹ نہیں لگا، سوسائٹی بن گئی، کے پی ٹی کا کام سوسائٹی بنانا نہیں ہے، میں بحیثیت میئر کے پی ٹی کی بورڈ کا ممبر ہوں، معلوم ہے کے پی ٹی کے پاس فنڈ ہے۔شہر میں جاری دیگر ترقیاتی منصوبوں کے حوالے سے انہوں بتایا کہ گٹر باغیچہ میں سیوریج کے حوالے سے جلد خوش خبری آئے گی، مارٹن کوارٹر سمیت دیگر جگہیں جو وفاق کے ماتحت ہیں ان کا حال جا کر دیکھیں، کینال بنانے کے لیے پیسے چاہئیں، اے ڈی بی میں اس کی ایلوکیشن نظر نہیں آ رہی، ہم کہتے ہیں کہ سی سی آئی کے ذریعے یہ مسئلہ حل ہو۔

سیاحوں کی آبدوز بحر احمر میں ڈوب گئی، 6 اموات

دوران ڈکیتی سڑک پر شوہر کو درخت کے ساتھ باندھ کر خاتون کے ساتھ اجتماعی زیادتی

خیبرپی کے میں سیکیورٹی فورسز کی کاروائیاں ،11خارجی ہلاک

کراچی واٹر اینڈ سیوریج کارپوریشن کے سی ای او اور ایم ڈی سید صلاح الدین نے عہدے سے استعفیٰ دے دیاہے۔

باغی ٹی وی کے مطابق سید صلاح الدین احمد کو مبینہ طور پر کرپشن میں ملوث ہونے پر عہدے سے ہٹادیا گیا تھا جس کے بعد ان کے خلاف اینٹی کرپشن نے تحقیقات کا بھی آغاز کیا تھا۔تاہم تحقیقات تو مکمل نہ ہوئیں لیکن صلاح الدین سینئر مینجمنٹ کورس پر جانے کے بعد اب مستعفی ہوگئے ہیں۔یاد رہے کہ سندھ حکومت کے محکمہ سروسز جنرل ایڈمنسٹریشن اینڈ کوارڈینشن نے سیکرٹری سروسز غلام علی کے دستخط سے حکم نامہ جاری کیا تھا۔حکم نامے میں زیر زمین پانی نکالنے کے لیے لائسنس کے اجرا اور پانی چوری کے خلاف بڑی کارروائی سامنے آئی تھی۔

اس حوالے سے سندھ اینٹی کرپشن کو معاملے کی چھان بین اور تحقیقات کا حکم دیا گیا تھا جب کہ سندھ کے سروسز اینڈ جنرل ایڈمنسٹریشن ڈپارٹمنٹ نے سید صلاح الدین احمد کو کام کرنے سے روک دیا تھا۔انکوائری مکمل ہونے تک ایم ڈی واٹر کارپوریشن کی آفس میں داخلے پر بھی پابندی عائد کی تھی جب کہ ان کے دفتر باہر لگی نام کی تختی کو بھی ہٹادیا گیا تھا۔

روزگار کے مواقع، سندھ حکومت کا جاب پورٹل کا افتتاح
لاہور کے جناح اسپتال میں غیرحاضر ڈاکٹرز تنخواہ لیتے رہے، انکشاف

روزگار کے مواقع، سندھ حکومت کا جاب پورٹل کا افتتاح

آئی جی اسلام آباد ایک اور اہم ادارے کے سربراہ مقرر

وزیراطلاعات سندھ شرجیل میمن اور ایم کیو ایم پاکستان کے رہنما فاروق ستار نے کراچی میں بڑھتے ہوئے ٹریفک حادثات کے حوالے سے مشترکہ پریس کانفرنس کی۔

باغی ٹی وی کے مطابق شرجیل میمن نے کہا کہ ٹریفک حادثات سیاسی مسئلہ نہیں بلکہ انتظامی معاملہ ہے، اور اس پر سیاسی بیان بازی سے بچنے پر اتفاق کیا گیا ہے۔جماعت اسلامی، ایم کیو ایم اور اے این پی کے رہنماؤں سے اس مسئلے پر بات چیت کی گئی ہے۔شرجیل میمن نے اس بات پر زور دیا کہ سندھ حکومت کی کوشش ہے کہ ایک بھی حادثہ نہ ہو، اور حادثات کے بعد پولیس ڈرائیورز کو گرفتار کرتی ہے۔انہوں نے اس بات کا اعتراف کیا کہ حادثات پہلے بھی ہوتے تھے لیکن اب ان کی تعداد زیادہ ہو رہی ہے، اور کہا کہ کسی کی جان کا ضیاع نہیں چاہتا۔

فاروق ستار نے اس موقع پر کہا کہ کراچی کے 100 سے زائد شہری ٹریفک حادثات میں جاں بحق ہوئے ہیں۔ان کا کہنا تھا کہ یہ حادثات سیاسی یا انتظامی مسئلہ نہیں بلکہ انسانی مسئلہ ہے، اور حکومت پر زور دیا کہ وہ اپنی ذمہ داریوں کو قبول کرے۔فاروق ستار نے کہا کہ اگر بروقت اقدامات کیے جاتے تو اس صورت حال کا سامنا نہ ہوتا، اور ان کا یہ بھی کہنا تھا کہ ہم سب مسئلے کے حل کے لیے سر جوڑ کر بیٹھے ہیں۔ انہوں نے مزید کہا کہ کراچی کے شہری کئی سالوں سے ظلم و ستم برداشت کر رہے ہیں۔

پریس کانفرنس کے دوران دونوں رہنماؤں نے اس بات پر اتفاق کیا کہ ٹریفک حادثات اور جلاؤ گھیراؤ کے مسائل انتظامی نوعیت کے ہیں، نہ کہ سیاسی یا لسانی مسائل۔ وزیراعلیٰ سندھ نے اس معاملے کا سختی سے نوٹس لیا ہے اور اس پر کارروائی کی جا رہی ہے۔

لنڈی کوتل میں فٹبال ٹورنامنٹ کا شاندار اختتام

ہیکرز کی جانب سے مختلف براوزر ایکسٹینشنز پر سائبر حملے

اسلام آباد میں رجب طیب ایردوان انٹرچینج کا افتتاح

میئر کراچی بیرسٹر مرتضیٰ وہاب نے کہا ہے کہ بلدیہ عظمیٰ کراچی اپنے 49 پارکس کی تزئین و آرائش اور جدید سہولیات سے آراستہ کر رہی ہے.

باغی ٹی وی کے مطابق محکمہ پارکس اینڈ ریکریشن کے افسران کے اعلیٰ سطحی اجلاس کی صدارت کرتے ہوئے مرےضہ وہاب کا کہناتھا کہ رواں سال 47 نئے پارکس کراچی کے مختلف علاقوں میں تعمیر کئے جائیں گے، کے ایم سی کے تمام پارکوں کے محل وقوع، رقبہ، نقشہ اور فراہم کی گئیں سہولیات کے متعلق مکمل تفصیلات شہریوں کے لئے بلدیہ عظمیٰ کراچی کی آفیشل ویب سائٹ پر دستیاب کی جا رہی ہیں. کراچی کو سرسبز اور صاف ستھرا شہر بنانے کی کاوشیں عام شہریوں اور کاروباری انجمنوں کے تعاون سے کامیاب بنائیں گے.

میونسپل کمشنر کے ایم سی افضل زیدی، ڈائریکٹر جنرل پارکس اینڈ ہارٹیکلچر اخلاق خان یوسف زئی اور دیگر متعلقہ افسران بھی اس موقع پر موجود تھے، میئر کراچی بیرسٹر مرتضیٰ وہاب نے کہا کہ اگرچہ سرکاری سطح پر ہونے والے اقدامات کے نتیجے میں شہر میں پارکس اور تفریحی مقامات کی صورت حال خاصی حد تک بہتر ہو چکی ہے تاہم اس میں مزید بہتری لانے کی ضرورت ہے، مختلف اضلاع میں موجود پارکس شہریوں کی اہم اور بنیادی ضرورت ہیں، انہیں نہ صرف قبضہ مافیا سے بچانا ہے بلکہ پہلے سے بہتر سہولیات سے بھی آراستہ کرنا ہے، انہوں نے ہدایت کی کہ تمام پارکوں میں جھولے اور دیگر آلات درست حالت میں رکھے جائیں، پارکوں کا 25فیصد ایریا تفریحات اور ضروریات زندگی کے لئے مختص ہونا چاہئے، قومی یادگاروں پر کسی قسم کی برانڈنگ کی اجازت نہ دی جائے،محکمہ پارکس رواں مالی سال کا ریونیو کا ہدف ہر صورت میں مکمل کرے اور اپنے اخراجات کوکنٹرول کرکے کفایت شعاری اپنائے.

میئر کراچی بیرسٹر مرتضیٰ وہاب نے کہا کہ شہر میں 47 نئے پارکوں کی تعمیر کے لئے فنڈز موجود ہیں لہٰذا اس سلسلے میں کاموں کو تیز کیا جائے، تمام پارکوں میں تفریحی سہولیات کے ساتھ ساتھ شہریوں کے لیے کھانے پینے کی اشیاء دستیاب ہونی چاہئیں،انہوں نے کہا کہ باغ ابن قاسم، کورنگی فیملی پارک، کشمیر پارک، عزیز بھٹی پارک سمیت تمام پارکوں میں فراہم کی گئیں مختلف سہولیات کے کنٹریکٹرز سے مکمل ریونیو جمع کیا جائے تاکہ ان پارکوں کی بہتری پر خرچ کیا جا سکے، پارکس ڈپارٹمنٹ گرین بیلٹس اور چورنگیوں کے علاوہ سڑکوں کے اطراف بھی بیوٹیفکیشن کا کام تیز کرے اور ایسی تمام کھلی جگہوں پر خوش نما موسمی پھول لگائے جائیں، انہوں نے کہا کہ شہر میں تعمیر و ترقی کا عمل بھرپور طریقے سے جاری ہے اور بلدیہ عظمیٰ کراچی سندھ حکومت کے تعاون سے آنے والے دنوں میں شہریوں کو اور بھی بہتر شہری سہولیات کی فراہمی کے عزم پر کاربند رہے گی۔

کار ڈیلرز حوالہ ہنڈی میں ملوث نکلے، نیٹ ورک بے نقاب

کراچی میں ایک بار پھر کورونا کیسز رپورٹ ہونا شروع

فریال تالپور کی زیرِصدارت پارٹی کی خواتین ارکانِ اسمبلی کااجلاس

فلسطینی طلبا کی فیسیں معاف ،وظیفے دینے کا اعلان

میئر کراچی بیرسٹر مرتضی وہاب نے کہا کہ کراچی میں مسئلہ اختیارات اور فنڈز کا نہیں تھا، کراچی میں مسئلہ محض نیتوں کا رہا ہے۔

باغی ٹی وی کے مطابق میئر کراچی بیرسٹر مرتضی وہاب نے فیریئر ہال میں میڈیا سے گفتگو کرتے ہوئے کہا کہ پھولوں کی یہ نمائش اگلے تین روز تک فریئر ہال میں جاری رہے گی، نمائش میں ایک لاکھ سے زائد پودے لگائے گئے ہیں، ہمیں ڈھائی ماہ لگے پھولوں کی نمائش کی تیاری میں، مختلف رنگوں کے میری گولڈ اور پیٹونیا کے پودوں سے فریئر ہال سج گیا ہے۔کراچی کے شہری نمائش میں آئیں اور اس سے لطف اندوز ہوں، نمائش کا مقصد شہر کی رونقوں میں اضافہ کرنا ہے، ہم شہر کی رونقوں میں اضافہ کرتے رہیں گے۔ بدلتا ہوا، بہتر ہوتا کراچی چیئرمین بلاول بھٹو کا نعرہ ہے، شہرِ کراچی عقلمندوں اور دانش مندوں کا شہر ہوا کرتا تھا، بدقسمتی سے کچھ عناصر نے کراچی کو ٹی ٹی ، بوری بند اور خوف کے شہر میں تبدیل کیا۔میئر کراچی کا یہ بھی کہنا تھا کہ کراچی پاکستان کا وہ واحد شہر ہے جو ہر رنگ و نسل ، مذہب و لسانیت سے بالاتر ہوکر سب کو خوش آمدید کہتا ہے، کراچی ملک کا معاشی حب ہے، ہم پر تنقید کرنا بہت آسان ہے۔ مرتضی وہاب نے کہا کہ لوگوں میں غلط تاثر دیا جارہا ہے کہ سندھ حکومت اور شہری حکومت کام نہیں کر رہی، شہید ذوالفقار علی بھٹو ایکسپریس وے کا کل افتتاح ہونے جارہا ہے، اکتیس مارچ کو ایکپسریس وے کے دوسرے روڈز کا بھی افتتاح کردیا جائے گا، اکتیس دسمبر کو ملیر ایکسپریس وے کو کاٹھور تک کھول دیا جائے گا۔انہوں نے کہا کہ لیاری ایکسپریس وے وفاقی حکومت نے بنایا، جو نہ ہی معیاری ہے اور نہ ہی وہاں زیادہ گاڑیاں چلنے کی گنجائش ہے، وسائل اور نیت ہے تو ہم شہر بھر میں کام کر سکتے ہیں۔میئر کراچی نے یہ بھی کہا کہ ہم تو غریب کے لیے سہولیات فراہم کرنا چاہتے ہیں، لاہور میں موسم خوشگوار کراچی میں تباہی، میں چاہتا ہوں اچھی اچھی باتیں کریں آپ، جان بوجھ کر ہم کوئی بد نیتی نہیں کرتے۔انہوں نے کہا کہ چاہتے ہیں کہ وسائل کے ایم سی کے اکانٹ میں آئیں، ڈسٹرکٹ سینٹرل میں اربوں روپے کی سرمایہ کاری پیپلز پارٹی نے کی، انتخابات ہوئے اور بد قسمتی سے وہاں ترازو آ گیا۔انہوں نے کہا کہ میں سوال کرتا ہوں لوگوں کے گھروں میں گیس ہے اور روڈ کٹنگ کی اجازت دیدی گئی، میں اینٹی کرپشن میں بھی جاں گا روڈ کٹنگ اجازت کی اجازت دیدی، ترازو بوکھلاہٹ کا شکار ہوتا ہے چاہتے ہیں شہر کے مسائل ہوں۔ مرتضی وہاب نے کہا کہ منفی پروپیگنڈا دور کر کے کام کرنے کی ضرورت ہے، وال چاکنگ کرنے سے لوگ اجتناب کریں اس سے شہر کا حسن تباہ ہوتا ہے۔

سندھ میں فصلوں کا بیمہ پروگرام شروع کرنے کا فیصلہ

چیمپئنز ٹرافی سے قبل بڑے کھلاڑی انجریز کا شکار

عالمی مارکیٹ میں خام تیل کی قیمتیں بڑھ گئیں

وزیراعظم سے مسلم ورلڈ لیگ کے سیکرٹری جنرل کی ملاقات

میئر کراچی بیرسٹر مرتضیٰ وہا ب نے سنگم کرکٹ گراؤنڈ فیڈرل بی ایریا میں ترقیاتی کام شروع نہ ہونے پر شدید برہمی کا اظہار کیا اور متعلقہ ڈپٹی ڈائریکٹر کی معطلی کے احکامات جاری کرتے ہوئے کہا کہ کراچی کی ترقی میں رکاوٹ بننے والوں کو برداشت نہیں کیا جائے گا.

باغی ٹی وی کے مطابق سنگم کرکٹ گراؤنڈ فیڈرل بی ایریا کا دورہ کرتے ہوئے بیرسٹر مرتضی وہاب نے کہا کہ کراچی میں تعمیر و ترقی کا سفر بھرپور طریقے سے جاری ہے اور شہریوں کو سہولت فراہم کرنے کے لئے بنائے گئے پارکس اور کھیلوں کے میدانوں کو ہر قیمت پر بحال کرکے بہتر بنایا جائے گا، نیا سال کراچی کی تعمیر و ترقی کا سال ہے،کراچی کی روشنیوں، رنگوں،امنگوں اور امیدوں کو بحال کریں گے.اے ڈی پی اسکیم کے تحت سنگم کرکٹ گراؤنڈ میں ترقیاتی کام شروع ہوجانے چاہئے تھے جس سے نوجوانوں کو کھیلوں کی سرگرمیوں میں حصہ لینے کے مواقع میسر آتے اور مقامی سطح پر باصلاحیت کھلاڑیوں کی حوصلہ افزائی ہوتی، انہوں نے کہا کہ کراچی میں نچلی سطح پر کھیلوں کی سرگرمیوں کو فروغ دے رہے ہیں، کھلے مقامات اور پارکوں کی بحالی کا مقصد عوام کو تفریح کی بہتر اور معیاری سہولیات مہیا کرنا ہے، کراچی کے تمام اضلاع میں ترقیاتی کام یکساں رفتار سے جاری ہیں اور موثر حکمت عملی کے تحت بنیادی انفراسٹرکچر کو ترقی دی جا رہی ہے، نئے سال کے دوران اور بھی بھرپور طریقے سے کراچی میں ترقیاتی کام کئے جائیں گے۔

سال2024، پاکستان میں صنفی بنیاد پر تشدد کے 4558 کیسز رپورٹ

سندھ ،قانون کے باوجود چائلڈ لیبر میں اضافہ کا انکشاف

ملک میں انٹرنیٹ ایک بار پھر سست روی کا شکار

میئر کراچی بیرسٹر مرتضی وہاب نے کہا ہے کہ شہر میں ٹریفک کے نظام کو منظم کرنے کی ضرورت ہے۔

باغی ٹی وی کے مطابق میئر کراچی بیرسٹر مرتضی وہاب نے کمشنر کراچی حسن نقوی اور دیگر افسران کے ساتھ کراچی کے مختلف علاقوں کا دورہ کیا۔میونسپل کمشنر کے ایم سی، ڈپٹی کمشنر ساؤتھ،ایم ڈی سندھ سالڈ ویسٹ، ڈی جی کے ڈی اے اور دیگر افسران ان کے ہمراہ تھے۔میئر کراچی بیرسٹر مرتضی وہاب نے کمشنر کراچی کے ہمراہ ایمپریس مارکیٹ، جہانگیرپارک، پارکنگ پلازہ، کے ایم سی ڈسپنسری، صدر، ٹاور، فریئر ہال کے قریب پرانا امریکی قونصلیٹ، سندھ وائلڈ لائف میوزیم کی عمارت اور کراچی پریس کلب کے اطراف کی سڑکوں دورہ کیا۔اس موقع پر میئر کراچی بیرسٹر مرتضی وہاب نے کہا کہ کراچی کے تاریخی ورثے کی حفاظت کی جائے گی، کراچی کی تاریخی عمارات شہر کے حسن میں اضافہ کرتی ہیں، تاریخی عمارات کے اطراف تجاوزات کو ختم کیا جائے گا۔انہوں نے کہا کہ شہر میں تعمیر و ترقی کے کام مل جل کر انجام دینے کا فیصلہ ہوا، تمام ادارے شہر کی بہتری اور ترقی کے لئے ایک پیج پر ہونے چاہئیں، شہر میں ٹریفک کے نظام کو منظم کرنے کی ضرورت ہے۔انہوںنے کہا کہ کراچی کے ساتوں اضلاع میں انفراسٹرکچر کی بہتری کے لئے کام جاری ہے، صدر کے علاقے میں تاریخی عمارات ہیں، صدر کے علاقے کو اصل حالت میں بحال کیا جائے گا۔میئر کراچی بیرسٹر مرتضی وہاب اور کمشنر کراچی حسن نقوی نے شجر کاری مہم کے سلسلے میں پی آئی ڈی سی پر پودا لگایا۔مرتضی وہاب نے مزید کہا کہ کراچی میں سبزہ کاری اور درختوں کی اشد ضرورت ہے، موسمی پھولوں اور دلکش پودوں کو سڑکوں کے اطراف لگایا جائے گا۔

کراچی ٹریفک حادثات میں 700 سے زائد افراد جان سے گئے، رپورٹ

حکومت سندھ کا گیس کی لوڈ شیڈنگ ختم کرنے کا مطالبہ

اطالوی بحری جہاز 2 روزہ دورے پر کراچی پہنچ گیا

ڈھائی کروڑ اور22 تولہ سونے کی خاطر بیٹے نے سگی ماں کو قتل کر دیا

صوبائی وزیر برائے توانائی، منصوبہ بندی و ترقی سید ناصر شاہ نے کہا ہے کہ سندھ حکومت صوبے کے بجلی کے بنیادی اسٹرکچر میں انقلاب لانے کیلئے اہم اقدامات کر رہی ہے.

باغی ٹی وی کے مطابق وزیر توانائی ناصر شاہ نے ایک مقامی ہوٹل میں دی نالج فورم اور این ای ڈی یونیورسٹی آف انرجی اینڈ ٹیکنالوجی کے زیر اہتمام انرجی ڈائیلاگ کے دوران حکومت کے اس اقدام کا اعلان کیا۔ناصر شاہ نے کہا کہ سندھ کے متبادل توانائی پروگرام میں صوبے کے توانائی کے مسلسل چیلنجز سے نمٹنے کے لیے متعدد اختراعی طریقے شامل ہیں۔ انہوں نے مزید کہا کہ اس اقدام کا سنگ بنیاد کم استعمال کرنے والے گھرانوں میں دو لاکھ سولر پیکجز کی تقسیم ہے، جس سے کے الیکٹرک، حیسکو اور سیپکو صارفین کے علاقوں میں 20 لاکھ سے زائد افراد کو فائدہ پہنچنے کی امید ہے۔ ایک جامع قابل تجدید توانائی پروگرام کا اعلان کرنا جس کا مقصد لاکھوں رہائشیوں کو سستی بجلی کے حل فراہم کرنا ہے۔ان پیکجز میں شمسی پینل، بیٹریاں، پنکھے اور بلب شامل ہیں جو صفر سے 100 یونٹ تک بجلی استعمال کرنے والے صارفین کیلئے ہیں۔ ناصر شاہ نے کہا کہ حکومت بیک وقت متعدد متبادل توانائی کے منصوبوں پر کام کر رہی ہے جن میں سولر، ونڈ اور ہائبرڈ پاور کے اقدامات پبلک پرائیویٹ پارٹنرشپ کے ذریعے تیار کیے گئے ہیں۔ انہوں نے کہا کہ تھر میں بہت ترقی ہوئی ہے اور کوئلے سے سستی بجلی پیدا کی جاتی ہے۔
ڈائرکٹر آف الٹرنییٹ انرجی گورنمنٹ آف ونڈ محفوظ قاضی نے 400 میگاواٹ کے سولر پارکس کی ترقی پر روشنی ڈالی جس میں دو سالوں میں گرڈ انٹیگریشن متوقع ہے۔ ان کے مطابق سندھ توانائی کا مرکز ہے جو شمسی، ہوا، ایٹمی اور کوئلے کے ذریعے بجلی پیدا کر رہا ہے۔ انہوں نے مزید کہا کہ سندھ حکومت پبلک سیکٹر میں توانائی کی تبدیلی میں پیش رفت کر رہی ہے کیونکہ سرکاری عمارتوں کو سولرائز کیا جا رہا ہے اور اگلے مرحلے میں سرکاری ہسپتالوں اور سکولوں کو سولرائز کیا جا رہا ہے۔اس اقدام کے مالی پہلو بھی اتنے ہی امید افزا ہیں جس میں حکومت سندھ نے پبلک پرائیویٹ پارٹنرشپ کے ذریعے کاربن کریڈٹس میں 49 ملین امریکی ڈالر کمائے۔ انہوں نے مزید کہا کہ عالمی بینک نے قابل تجدید توانائی کی منتقلی میں مدد کے لیے 30 سالہ قرض بھی فراہم کیا ہے۔ سندھ کی صوبائی اسمبلی رکن ماروی راشدی نے سمندری کٹاؤ کے تباہ کن ساحلی علاقوں کے بارے میں خطرے کی گھنٹی بجائی اور بالخصوص توانائی ذخیرہ کرنے کی صلاحیتوں میں بنیادی ڈھانچے کے اہم خلاء کو اجاگر کیا۔انہوں نے سمارٹ اور مائیکرو گرڈ ٹیکنالوجیز کی فوری ضرورت پر زور دیتے ہوئے کہا کہ سندھ حکومت ان چیلنجوں سے نمٹنے کے لیے فعال طور پر حکمت عملی تیار کر رہی ہے۔ پرائیڈ کے بدر عالم نے تھر کے کوئلے کی کان کنی سے پیدا ہونے والے ماحولیاتی دباؤ بالخصوص آبی وسائل پر کافی دباؤ پر روشنی ڈالی۔ انہوں نے سفارش کی کہ کان کنی اور پاور پلانٹس کے لیے زمین لیز کی بنیاد پر مختص کی جانی چاہیے تاکہ طویل مدتی ماحولیاتی اثرات کو کم کیا جا سکے۔ماہرین نے مسلسل نشاندہی کی کہ قومی گرڈ ناقابل برداشت اور ناقابل بھروسہ ہے جس کیلئے جامع گرڈ فیز آؤٹ حکمت عملی کی ضرورت ہے۔ کوئلے کی کان کنی کے ماحولیاتی نتائج ایک بڑی تشویش کا باعث بنے ہوئے ہیں، محققین مقامی اور درآمد شدہ کوئلہ نکالنے کے طریقوں کے اثرات کے درمیان فرق کرتے ہیں۔ مکالمے میں محققین اور ماہرین نے صوبے کے توانائی کے چیلنجز کی اہم نوعیت پر زور دیا۔محقق سیدہ سدرہ مہدی نے 11 سے 17 گھنٹے تک لوڈ شیڈنگ کے شدید اثرات کی نشاندہی کی جو لوگوں کی زندگیوں کے سماجی اور معاشی پہلوؤں کو نمایاں طور پر متاثر کر رہی ہے۔ چیلنجز کافی ہیں بشمول گردشی قرضہ، اعلیٰ صنعتی ٹیرف، اور وقفے وقفے سے بجلی کی فراہمی۔ این ای ڈی یونیورسٹی کے ڈاکٹر مبشر علی صدیقی جیسے ماہرین نے متبادل توانائی کے ذرائع سے متعلق ایک جامع پالیسی دستاویز کی ضرورت پر زور دیا۔ڈاکٹر نعمان احمد، ڈین، این ای ڈی یونیورسٹی نے شہری مراکز میں توانائی کے بحران پر گفتگو کی۔ ان کے مطابق کچی آبادیوں میں رہنے والے لوگ یوٹیلیٹی سروسز کی عدم دستیابی کی وجہ سے سب سے زیادہ مشکلات کا شکار ہیں۔ اس موقع پر رینیو ایبل فرسٹ کے ریسرچر حماد احمد، کراچی چیمبر آف کامرس اینڈ انڈسٹری کے تنویر باری، ایس ڈی پی آئی کے ڈاکٹر خالد ولید، رینیو ایبل فرسٹ کے محمد باسط غوری نے بھی خطاب کیا۔ قبل ازیں ٹی کے ایف کی ڈائریکٹر زینیہ شوکت نے مہمانوں کو خوش آمدید کہا اور تقریب کی نظامت کی۔

ملک میں حالات خراب ہوں تو گورنر راج لگایا جاسکتا، آغا سراج درانی

جاپان سندھ میں ترقیاتی منصوبوں کے لیے گرانٹ فراہم کرے گا

فردوس شمیم نقوی سمیت دیگر رہنماؤں کی ضمانتیں منسوخ