Baaghi TV

Tag: بلوچستان

  • وزیراعلی بلوچستان کے معاونین خصوصی کی تقرریوں کیخلاف اپیل سماعت کیلئے منظور

    وزیراعلی بلوچستان کے معاونین خصوصی کی تقرریوں کیخلاف اپیل سماعت کیلئے منظور

    سپریم کورٹ میں وزیر اعلی بلوچستان کے معاونین خصوصی کی تقرریوں کیخلاف کیس کی سماعت ہوئی

    سپریم کورٹ نے بلوچستان حکومت کی ہائیکورٹ فیصلے کیخلاف اپیل سماعت کیلئے منظور کرلی ،عدالت نے فریقین کو نوٹسز جاری کر دیئے ، جسٹس مظاہر علی اکبر نقوی نے ریمارکس دیتے ہوئے کہا کہ یہ کیس تو غیر موثر ہو چکا ہے؟ کیا کیس موجودہ بلوچستان حکومت سے متعلق ہے، ایڈیشنل ایڈوکیٹ جنرل نے کہا کہ کیس تو سابقہ حکومت کا تھا، بلوچستان ہائیکورٹ نے اپنے فیصلے میں قانون ہی ختم کردیا، اسی نوعیت کے کیس میں سپریم کورٹ پہلے بھی سندھ سے متعلق فیصلہ دے چکی ہے، ہائیکورٹ نے فیصلے سے پہلے 27 اے کا نوٹس جاری نہیں کیا،جسٹس مظاہر علی اکبر نقوی نے کہا کہ قانون کو ختم کرنے سے پہلے 27 اے کا نوٹس جاری کرنا لازمی ہے،

    بلوچستان حکومت کی جانب سے ہائیکورٹ کے فیصلے کو معطل کرنے کی استدعا کی گئی، جسٹس اعجاز الاحسن نے ریمارکس دیتے ہوئے کہا کہ قانون ہی ختم کردیا تو معطل کیا کردیں،فیصلہ معطل کرنے کی درخواست پر نوٹس جاری کر رہے ہیں،عدالت نے کیس کی مزید سماعت دو ہفتوں کیلئے ملتوی کردی ،بلوچستان ہائیکورٹ نے 13 اپریل 2020 کو وزیراعلی کے معاونین خصوصی سے متعلق ایکٹ کالعدم قرار دے دیا تھا ،جسٹس اعجازلاحسن کی سربراہی میں دو رکنی بنچ نے سماعت کی.

     شہباز شریف کی جانب سے عمران خان کے خلاف 10 ارب روپے کے ہتکِ عزت کے دعوے پر سماعت

     عمران خان نے شہباز شریف کے ہتک عزت کے دعوے کا جواب جمع کروا دیا 

    ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

    ،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

    اکبر ایس بابر سچا اور عمران خان جھوٹا ثابت ہوگیا،چوھدری شجاعت

    عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

  • بلوچستان میں سرکاری نوکریاں لاکھوں میں بکنے لگیں:جام کمال کا انکشاف

    بلوچستان میں سرکاری نوکریاں لاکھوں میں بکنے لگیں:جام کمال کا انکشاف

    بلوچستان میں سول سیکرٹریٹ میں درجہ سوئم اور چہارم کی نوکریاں 15 سے 40 لاکھ روپے میں فروخت ہونے کا انکشاف ہوا ہے۔سماجی رابطے کی ویب ساٹ ٹوئٹر پر اپنے بیان میں سابق وزیر اعلیٰ بلوچستان جام کمال نے اپنی ہی پارٹی پر تنقید کرتے ہوئے الزام عائد کیا کہ آج بلوچستان کے سول سیکرٹریٹ میں نائب قاصد اور ڈرائیورز کے عہدے کے لیے 15 لاکھ اور اسٹینوگرافر کی پوسٹ کے لیے 40 لاکھ کا مطالبہ کیا جا رہا ہے۔

     

    جام کمال خان نے کہا کہ جو لوگ ایس اینڈ جی اے ڈی چلا رہے ہیں انہیں معلوم ہونا چاہیے کہ کیا ہو رہا ہے، ان عہدوں پر تعینات ہونے والے لوگ سرمایہ کار ہوں گے نہ کہ ملازم۔

     

    سابق وزیر اعلیٰ نے کہا کہ ایک غریب آدمی نے کسی سے کہا ہے کہ وہ اسے ڈرائیور کی نوکری دلوائے کہ وہ قرض لے گا اور ادائیگی کرے گا، باقی اس کی تنخواہوں سے وصول کیا جائے، ان کی تنخواہ میں سے صرف 10 ہزار روپے انہیں دیے جائیں تاکہ وہ اپنے بچوں کا پیٹ بھر سکے،آج اس ماحول اور حال کے کچھ لوگ ذمہ دار ہیں اور ان سب کو پتا بھی ہے۔

  • بلوچستان میں بارش اور برفباری کی صورتحال،ایمرجنسی نافذ

    بلوچستان میں بارش اور برفباری کی صورتحال،ایمرجنسی نافذ

    بلوچستان میں بارش اور برف باری کی صورتحال کے باعث محکمہ صوبائی ڈیزاسٹر منیجمنٹ (پی ڈی ایم اے) کی جانب سے ایمرجنسی نافذ کر دی گئی ہے۔

    باغی ٹی وی : پی ڈی ایم اے کی جانب سے اعلانیہ پابندی کے تحت تمام اہلکاروں کی چھٹیاں منسوخ اور ڈیوٹی کا دورانیہ بڑھا دیا گیا ہے برف باری کے مقامات پر آمد و رفت کو یقینی بنانے کیلئے عملہ اور مشینری پہنچا دی گئی۔

    کراچی میں سردی کی شدت میں کمی آگئی

    پی ڈی ایم اے حکام کے مطابق ایمرجنسی صورتحال کے دوران پی ڈی ایم اے کی ریسکیو فورس، سپورٹنگ اسٹاف کے ساتھ ساتھ پی ڈی ایم اے کے افسران کو بھی ہر وقت دفتروں میں رہنے کا حکم دیا گیا ہے۔

    صوبے کے برف باری والے علاقوں میں آمد ورفت کویقینی بنانے کیلئے ٹارگٹڈ جگہوں پر پہلے سے عملہ اور ہائی مشینری پہنچائی جا چکی ہے صورتحال کو دیکھتے ہوئے اور احتیاط کے پیش نظر متعلقہ علاقوں میں ریلیف کا سامان بھی پہنچا دیا گیا ہے۔

    سال نو کی خوشی میں ہوائی فائرنگ پر قتل کا مقدمہ درج ہوگا:کراچی پولیس چیف

    محکمہ موسمیات نے شہریوں سے بھی اس موسم میں غیر ضروری سفر سے اجتناب کرنے کی اپیل کی ہے۔

  • ژوب میں آپریشن کے دوران ایک دہشتگرد ہلاک،پاک فوج کا سپاہی شہید

    ژوب میں آپریشن کے دوران ایک دہشتگرد ہلاک،پاک فوج کا سپاہی شہید

    بلوچستان کے علاقے ژوب میں سکیورٹی فورسز کے آپریشن کے دوران ایک دہشتگرد ہلاک ہو گیا جبکہ مقابلے کے دوران ایک سپاہی بھی شہید ہوا۔

    باغی ٹی وی: آئی ایس پی آر کے مطابق مصدقہ انٹیلی جنس کی بنیاد پر، گزشتہ 96 گھنٹوں سے بلوچستان کے علاقے ژوب کے علاقے سمبازہ میں ایک آپریشن شروع کیا گیا ہے تاکہ دہشت گردوں کی جانب سے بعض مشتبہ راستوں کو استعمال کرتے ہوئے پاکستان افغانستان سرحد پار سے خیبرپختونخوا میں داخل ہونے اور شہریوں اور سیکورٹی فورسز کو نشانہ بنانے کے لیے استعمال کیا جا سکے۔

    آئی ایس پی آر کے مطابق علاقے کی مسلسل نگرانی اور صفائی ستھرائی کے نتیجے میں، دہشت گردوں کے ایک گروپ کو آج علی الصبح پکڑ لیا گیا ان کے فرار کے راستوں کو روکنے کے لیے ناکہ بندی کی پوزیشنوں کے قیام کے دوران، دہشت گردوں نے سیکورٹی فورسز پر فائرنگ کی۔

    آئی ایس پی آر کے مطابق شدید فائرنگ کے تبادلے کے دوران 1 دہشت گرد ہلاک جبکہ سپاہی حق نواز نے شہادت کو گلے لگا لیا اور 2 فوجی زخمی ہوئے۔ دہشت گردوں کو سرحد پار سے ان کے سہولت کاروں نے گولی باری کے ذریعے مدد فراہم کی باقی ملزمان کو پکڑنے کے لیے علاقے میں کلئیر کا آپریشن جاری ہے۔

  • اتوار سے بارش اوربرفباری برسانے والا مغربی سسٹم شمالی بلوچستان میں داخل ہونے کی پیشگوئی

    اتوار سے بارش اوربرفباری برسانے والا مغربی سسٹم شمالی بلوچستان میں داخل ہونے کی پیشگوئی

    سائبیرین ہوائیں چلنے سے شمالی بلوچستان اور سندھ میں سردی کی شدت میں اضافہ ہوگیا۔

    باغی ٹی وی : وادی زیارت میں درجہ حرارت منفی 10 تک پہنچ گیا جبکہ کراچی میں بھی سردی بڑھ گئی،بلوچستان کے کان مہترزئی، توبہ اچکزئی، خانوزئی میں درجہ حرارت منفی 9 ڈگری ریکارڈ کیا گیا، چمن میں درجہ حرارت منفی 3، پرانا چمن میں منفی 5 تک گرگیا۔

    محکمہ موسمیات کا کہنا ہے کہ سائبیرین ہوائیں چلنے سے شمالی بلوچستان میں نظام زندگی شدید متاثر ہورہا ہے، وادی زیارت، پشین، حرم زئی میں گیس غائب ہونے سے صارفین کو مشکلات ہیں، شمالی بلوچستان کے ہزاروں سیلاب متاثرین کو بھی سرد موسم میں مشکلات کا سامنا ہے-

    محکمہ موسمیات نے اتوار سے بارش اوربرفباری برسانے والا مغربی سسٹم شمالی بلوچستان میں داخل ہونے کی پیش گوئی کرتے ہوئے شمالی علاقہ جات اور بلوچستان میں شدید سردی کی وارننگ جاری کر دی ہے۔

    برفباری کی صورت میں این 50 پر ٹرانسپورٹرز کیلئے موٹروے پولیس نے الرٹ جاری کر دیا ہے سیکٹر کمانڈر موٹروے کے مطابق کوئٹہ، قلعہ سیف اللّٰہ، ژوب این 50 شاہراہ پر برفباری کے دوران شہری احتیاط کریں کان مہتر زئی، خانوزئی، زیارت کراس پر ریسکیو ٹیمیں تعینات کر دی گئی ہیں۔

    دوسری جانب کراچی کے متعدد علاقوں میں رات موجودہ سیزن کی سرد ترین رات رہی، شہر قائد میں صبح صادق کے وقت درجہ حرارت 11 سے 12 ڈگری تک ریکارڈ کیا گیا ہے۔

  • بلوچستان: مخصوص بلدیاتی نشستوں پر18 آزاد اور 11 پی ٹی آئی امیدوار کامیاب

    بلوچستان: مخصوص بلدیاتی نشستوں پر18 آزاد اور 11 پی ٹی آئی امیدوار کامیاب

    کوئٹہ:مخصوص بلدیاتی نشستوں پر 18 آزاد اور 11 پی ٹی آئی امیدوار کامیاب ،اطلاعات کے مطابق بلوچستان کے 32 اضلاع میں مخصوص بلدیاتی نشستوں پر چناؤ کیلئے پولنگ مکمل ہوگئی، 18 نشستوں پر کامیابی کے ساتھ آزاد امیدوار سرفہرست ہیں جبکہ سیاسی جماعتوں میں سب سے زیادہ 11 نشستیں پی ٹی آئی نے حاصل کرلیں۔

    بلوچستان کے 32 اضلاع میں مخصوص بلدیاتی نشستوں پر پولنگ کا مرحلہ مکمل ہوگیا، غیر حتمی غیر سرکاری نتائج کے مطابق خواتین، کسان اور اقلیت کی 18 مخصوص نشستوں پر کامیابی کے ساتھ آزاد امیدوار سرفہرست ہیں۔

    رپورٹ کے مطابق سیاسی جماعتوں میں سب سے زیادہ 11 نشستیں پاکستان تحریک انصاف نے جیتیں، گوادر حق دو تحریک اور نوری پینل بھی 10، 10 نشستوں پر کامیاب ہوگئے۔

    بلوچستان کے 32 اضلاف کی مخصوص نشستوں میں بی اے پی 9 نشستوں پر کامیابی کے ساتھ چوتھے، پشتونخوامیپ اور بی این پی 5، 5 نشستوں کے ساتھ پانچویں نمبر پر ہیں، پیپلزپارٹی، سنجرانی پینل، گیلو پینل، الفتح پینل نے 4 چار اور ہمدرد پینل، نیشنل پارٹی، جے یو آئی الخالد پینل نے 3 تین نشستیں حاصل کر لیں۔

    دیگر جماعتوں میں جماعت اسلامی، ہندو پنچایت، چاغی پینل، اے این پی بالترتیب دو دو نشستیں اپنے نام کرسکیں، چمن سے تعلق رکھنے والے پینل اولس تحریک نے اب تک ایک مخصوص نشست حاصل کی ہے۔

  • آج تک حکومت کی جانب سے ہمیں راشن اور ایک خیمہ تک نہیں ملا،سیلاب متاثرین کی دہائی

    آج تک حکومت کی جانب سے ہمیں راشن اور ایک خیمہ تک نہیں ملا،سیلاب متاثرین کی دہائی

    بارش سے متاثرہ مکان کے باعث ہماری زندگیاں خطرے میں ہیں

    آج تک حکومت کی جانب سے ہمیں راشن اور ایک خیمہ تک نہیں ملا

    صوبائی وزرا اور این جی اوز کے افسران ہم سے بھی زیادہ امداد کے مستحق لگتے ہیں

    سیلاب سے متاثرہ شخص سعد الله لہڑی کی میڈیا سے گفتگو
    ڈیرہ مراد جمالی ( محبوب علی مگسی)حالیہ طوفانی بارشوں اور سیلاب سے متاثرہ شخص گوٹھ عبدالرحمن لہڑی موضع مانجوٹھی تحصیل ڈیرہ مراد جمالی کے رہائشی سعد الله لہڑی نے ڈپٹی کمشنر نصیر کے دفتر کے احاطے میں میڈیا سے گفتگو کرتے ہوئے کہا ہے کہ گزشتہ طوفانی بارشوں اور تباہ کن سیلاب کے باعث ہمارا سب کچھ بارش کے پانی اور سیلاب کی نذر ہو گیا ہم بے یار و مددگار ہو گئے ہمارے کچے مکانات میں دراڑیں پڑ گئی ہیں جو کہ کسی بھی وقت گر سکتے ہیں جس سے ہمارے خاندان کے تمام افراد کی زندگیاں شدید خطرے میں ہیں کیوں کہ ہمیں حکومت اور این جی اوز کی جانب سے آج تک اپنا سر چھپانے کیلئے ایک خیمہ تک نہیں ملا اور نہ ہمیں راشن دیا گیا ہے ہم سردیوں کی وجہ سے اپنے خطرناک مکان کے اندر سونے کے لیے مجبور ہیں

    سعد اللہ لہڑی نے کہا کہ نصیر آباد سے تعلق رکھنے والے صوبائی وزرا کے پاس جاتے ہیں تو وہ کہتے ہیں کہ ہمیں بھی کچھ نہیں مل رہا ہے جبکہ این جی اوز کے افسران کہتے ہیں کہ اگر ہم آپ کو امدادی سامان کا ٹوکن دیں گے تو سامان کا نصف حصہ جبکہ نقدی میں 21 ہزار روپے سے فی کس 8 ہزار روپے آپ لیں گے بقیہ رقم ہماری ہوگی انہوں نے کہا کہ ایسا لگتا ہے کہ صوبائی وزراء سمیت نصیر آباد کے تمام بڑے سیاستدان اور این جی اوز افسران ہم سے بھی زیادہ سیلاب متاثرین ہیں اس لیے وہ سے زیادہ امدادی سامان کے مستحق ہیں اللہ کے سوا نصیر آباد میں غریبوں کی مدد کرنے والا کوئی نہیں ہے انہوں نے کمشنر نصیر آباد بشیر احمد بنگلزئی سے اپیل کی ہے کہ وہ ہم غریبوں کی داد رسی کے لے کچھ اقدامات کریں اس موقع پر میر احمد لہڑی بھی ان کے ساتھ موجود تھے

  • بلوچستان کے تین اضلاع میں بلدیاتی انتخابات کیلئے پولنگ کا عمل جاری

    بلوچستان کے تین اضلاع میں بلدیاتی انتخابات کیلئے پولنگ کا عمل جاری

    بلوچستان کے تین اضلاع حب ، لسبیلہ اور پشین میں بلدیاتی انتخابات کے پہلے مرحلے کے لیے پولنگ جاری ، پولنگ کا عمل شام 5 بجے تک جاری رہے گا حساس پولنگ اسٹیشن میں سی سی ٹی وی کیمروں کے علاوہ سیکیورٹی دگنا کر دی گئی۔

    باغی ٹی وی : ضلع حب 1 میونسپل کارپوریشن اور 3 میونسپل کمیٹیوں دُریجی، وندر، گڈانی اور ضلع کونسل حب پر مشتمل ہے ضلعے میں رجسٹرڈ ووٹرز کی تعداد ایک لاکھ 35 ہزار 620 ہے۔

    کراچی: نامعلوم افراد کی فائرنگ سے تین سگے بھائی جاں بحق

    بلدیاتی انتخابات کے دوران ووٹنگ کے لیے حب میں 124 پولنگ اسٹیشن قائم کیے گئے ہیں ضلع حب میں کُل 138 وارڈز میں سے 32 وارڈز میں امیدوار بلامقابلہ منتخب ہوچکے ہیں، 2وارڈ زپر امیدواروں کی وفات کے باعث انتخاب ملتوی ہوئے۔

    ضلع لسبیلہ کےکُل146 وارڈز میں سے 27 پر امیدوار بلا مقابلہ منتخب ہوچکے ہیں لسبیلہ میں آج ہونے والے بلدیاتی انتخابات کیلئے 119 وارڈز میں ووٹرز اپنا حق رائے دہی استعمال کریں گے جبکہ آج ہونے والے بلدیاتی انتخابات کے دوران ووٹ ڈالنے کیلئے لسبیلہ میں 130 پولنگ اسٹیشن قائم کیے گئے ہیں۔

    کراچی: نیو کراچی گبول ٹاﺅن ندی کے قریب فائرنگ3 بھائی ہلاک۔

    ضلع پشین کی میونسپل کمیٹی حرمزئی میں انتخابات کے لیے 13 پولنگ اسٹیشن اور 30 پولنگ بوتھ بنائے گئے ہیں۔ پشین کی تحصیل حرمزئی میں ووٹرز کی تعداد 10ہزار 890ہے جن میں مرد ووٹرز کی تعداد 6151 اور خواتین ووٹرز کی تعداد 4739 ہے۔

    میونسپل کمیٹی حرمزئی میں مجموعی طور پر 79 امیدواروں انتخابات میں حصہ لے رہے ہیں۔

  • بلوچستان حکومت نے ضلع پشین کو دو اضلاع میں تقسیم کر دیا

    بلوچستان حکومت نے ضلع پشین کو دو اضلاع میں تقسیم کر دیا

    کوئٹہ: بلوچستان حکومت نے ضلع پشین کو 2 حصوں میں تقسیم کرکے کاریزات برشور کے نام سے نیا ضلع بنا دیا۔

    باغی ٹی وی : بلوچستان حکومت نے ضلع پشین کی تحصیل کاریزات برشور کو ضلع کا درجہ دیدیا، صوبے میں اضلاع کی تعداد 37 ہوگئی۔

    سکھر حیدرآباد موٹروے منصوبے میں سوا دو ارب روپے کی مبینہ کرپشن کیس میں نئے انکشافات

    سرکاری نوٹیفکیشن کے مطابق صوبائی حکومت نے ضلع پشین کو 2 اضلاع میں تقسیم کرکے کاریزات برشور کے نام سے نئے ضلع کا نوٹیفکیشن جاری کردیا۔

    کاریزات برشور ضلع کا ہیڈ کوارٹر خانوزئی ہوگا جبکہ ضلع کاریزات برشور چار تحصیل خانوزئی، بوستان ، نانا صاحب اور برشور پر مشتمل ہوگا۔

    ضلع پشین کا ہیڈ کوارٹر پشین ہی رہے گا جب کہ اس میں تحصیل پشین، تحصیل حرمزئی اور تحصیل سرانان شامل ہوں گے-

    کراچی: ڈیفنس فیز5 میں گاڑی سوارکی فائرنگ سے پولیس اہلکار جاں بحق

  • بلوچستان، تین ماہ کے تعطل کے بعد آج سے ٹرین سروس بحال

    بلوچستان، تین ماہ کے تعطل کے بعد آج سے ٹرین سروس بحال

    لاہور:بلوچستان میں مون سون بارشوں اور سیلاب کے باعث تین ماہ سے تعطل کا شکار ٹرین سروس آج سے بحال کر دی جائے گی۔ریلوے حکام کے مطابق بلوچستان سے تین ماہ بعد آج پہلی ترین پشاور کیلئے روانہ ہوگی جوکہ جعفر ایکسپریس مچھ اسٹیشن سے پشاور تک جائے گی۔

    ریلوے حکام نے بتایا کہ مسافروں کو کوئٹہ اسٹیشن سے مچھ اسٹیشن ٹرانسپورٹ کے ذریعے پہنچایا جارہا ہے، 10 بوگیوں پر مشتمل ٹرین آج 11 بجے مچھ سے روانہ ہوگی، کوئٹہ تا مچھ ریلوے کا رابطہ منقطع ہے۔

    ریلوے حکام کا کہنا ہے کہ بولان کے علاقے میں سیلاب کے باعث ریلوے ٹریک پل سیلاب میں بہہ گیا تھا، پل کی تعمیر کا کام جنوری میں مکمل ہوگا۔

    خیال رہے کہ بارشوں کے باعث بولان ریلوے ٹریک پل بہہ جانے کی وجہ سے ریل سروس 3 ماہ سے معطل تھی۔ترجمان ریلوے نے اپنے بیان میں کہا تھا کہ عوام ایکسپریس آج بحال نہیں ہو رہی، آج 20 نومبر کو اب صرف ایک ٹرین جعفر ایکسپریس بحال کی جائے گی۔

    ترجمان نے کہا کہ جعفر ایکسپریس پشاور سے مچھ کے درمیان چلے گی، مچھ سے کوئٹہ کے درمیان مسافروں کو بسوں کے ذریعے پہنچایا جائے گا۔

    واضح رہے کہ ریلوے نے پہلے بہاؤالدین زکریا ایکسپریس کو 20 نومبر کو بحال کرنے کا اعلان کیا تھا، اب بہاؤالدین زکریا ایکسپریس کے بجائے جعفرایکسپریس کو بحال کیا جائے گا۔

    چند روز قبل چیف ایگزیکٹو ریلوے اور فیڈرل گورنمنٹ انسپکٹر آف ریلوے کی مختلف سیکشنز کی سالانہ انسپکشن کا نیا شیڈول جاری کر دیا تھا۔

    چیف ایگزیکٹو ریلوے سلمان صادق شیخ اور ایف جی آئی آر راولپنڈی، کراچی اور سکھر ڈویزن کی انسپکشن کریں گے، جس کا عمل تین مرحلوں میں 21 نومبر سے 21 دسمبر تک جاری رہے گا جبکہ پاکستان ریلوے انتظامیہ نے اس کا نوٹیفکیشن بھی جاری کردیا ہے۔

    نوٹیفکیشن کے مطابق پہلے مرحلے میں 21 نومبر کو لالہ موسیٰ سے راولپنڈی 157 کلو میٹر ٹریک کی انسپکشن کی جائے گی جبکہ 22 نومبر کو کندیاں، خوشاب، سرگودھا 130 کلو میٹر ٹریک کی انسپکشن کی جائے گی۔

    اس کے علاوہ دوسرے مرحلے میں 5 دسمبر کو کھوکھرا پار سے میر پور خاص تک 126 کلو میٹر ٹریک کی انسپکشن کی جائے گی جبکہ 6 دسمبر کو کراچی اور 7 دسمبر کو کراچی کینٹ سے حیدر آباد 173 کلو میٹر ٹریک کی انسپکشن ہو گی۔نوٹیفکیشن میں بتایا گیا تھا کہ تیسرے مرحلے میں 20 دسمبر کو خانپور سے روہڑی تک 212 کلو میٹر ٹریک کی انسپکشن کی جائے گی۔

    نوٹیفکیشن کے مطابق 21 دسمبر کو سکھر سے جیکب آباد تک 80 کلو میٹر ٹریک کی انسپکشن ہوگی جبکہ معائنے کے دوران ٹریک، ریلوے اسٹیشنوں کی عمارات، پل سمیت دیگر تنصیبات کا جائزہ لیا جائے گا۔

    خیال رہے کہ انسپکشن کے دوران مختلف ریلوے اسٹیشنوں کی آمدن اور وہاں مسافروں کو دی جانے والی سہولیات کا جائزہ لیا جائے گا جبکہ ریلوے افسروں اور ملازمین کی ڈیوٹیوں اور ان کے کام کا بھی جائزہ لیا جائے گا۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا