Baaghi TV

Tag: بلوچستان

  • شناختی کارڈ کے اجرا میں ڈی این اے کو لازمی قراردیا گیا

    شناختی کارڈ کے اجرا میں ڈی این اے کو لازمی قراردیا گیا

    کوئٹہ: قومی شناختی کارڈ کے اجرا میں ڈی این اے کو لازمی قرار دے دیا گیا-

    باغی ٹی وی: بلوچستان اسمبلی نےقومی شناختی کارڈ کےاجرا میں ڈی این اے کو لازمی قراردینے سےمتعلق قرارداد منظور کرلی بلوچستان اسمبلی کا اجلاس قائم مقام اسپیکر سرداربابرموسیٰ خیل کی زیرصدارت 2 گھنٹے کی تاخیر سے منعقد ہوا-

    پی آئی اے نے استنبول فضائی آپریشن شروع کر دیا

    اجلاس میں پارلیمانی سیکرٹری بشریٰ رند نے قومی شناختی کارڈ کے اجرا میں ڈی این اے کو لازمی قراردینے سے متعلق قرارداد پیش کی جسے ایوان نے متفقہ طور پر منظور کرلیا۔

    بلوچستان اسمبلی کے اجلاس میں پارلیمانی سیکرٹری بشریٰ رند نے قراردپیش کی کہ نیشنل ڈیٹا بیس اینڈ رجسٹریشن اتھارٹی جو ملک کے شہریوں کو کمپیوٹرائزڈ شناختی کارڈ جاری کرتی ہے جس میں مختلف سیکورٹی فیچرز ہیں لیکن اس میں ڈی این اے ٹیسٹ شامل نہیں کیاگیاہے جس کی وجہ سے جرائم پیشہ اور ملک دشمن عناصر کی شناخت میں مشکلات کاسامنا کرناپڑرہاہے –

    پنجاب و خیبرپختونخوا صارفین کیلیے گیس مزید مہنگی ہونے کا امکان

    چونکہ قومی شناختی کارڈ میں ہرفرد کا مکمل ڈیٹا ہونا از حد لازمی ہے لہٰذا یہ ایوان صوبائی حکومت سے سفارش کرتاہے کہ وہ وفاقی حکومت سے رجوع کرے کہ وہ ملک میں سیکورٹی کو مزید سخت کرنے کی بابت قومی شناختی کارڈ کے اجراء کی بابت ڈی این اے ٹیسٹ کو لازمی قراردینے کیلئے عملی اقدامات اٹھانے کو یقینی بنائے ۔

    بلوچستان اسمبلی نے پارٹنر شپ بلوچستان، تنازعات کا متبادل حل ، بلوچستان ورکرز کمپنسیشن ، بلوچستان آکوپیشنل سیفٹی اینڈ ہیلتھ اور بلوچستان کمرشل کورٹس کے مسودہ قانون منظور کرلیے، یہ مسودات قوانین قائمہ کمیٹیوں سے منظور ہوچکے ہیں۔

    دفاعی نمائش ’آئیڈیاز 2022‘ آج سے کراچی ایکسپو سینٹر میں شروع

  • پاک فوج سے اظہار یکجہتی کےلیے مختلف شہروں میں ریلیاں

    پاک فوج سے اظہار یکجہتی کےلیے مختلف شہروں میں ریلیاں

    کوئٹہ:ملک کے مختلف شہروں میں پاک فوج سے اظہار یکجہتی کیلئے سول سوسائٹی کی جانب سے ریلیاں نکالی گئیں۔ شرکاء نے پاک فوج کے حق میں نعرے لگائے۔

    ملک بھر کی طرح بلوچستان کے مختلف علاقوں میں پاک فوج کے حق میں ریلیاں نکالی گئیں۔ ریلیوں کا انعقاد ژوب، نوشکی، بیلہ اور صحبت پور میں نکلی گئیں۔

     

    ٹی 20: محمد رضوان اور بابر اعظم کی نویں سنچری پارٹنرشپ

    اس موقع پر مقررین کا کہنا تھا کہ سیکورٹی اداروں پر مکمل اعتماد کا اظہار کرتے ہیں ، قیام امن اور سیلاب کے دوران ریلیف دینے میں پاک فوج کا کردار قابل ستائش ہے۔

    شرکاء کا کہنا تھا کہ عالم اسلام کے تمام دشمن بھارت کے ساتھ مل کر ہماری افواج کے خلاف پراپیگنڈے میں مصروف ہیں، سیکیورٹی اداروں کو سیاسی معاملات میں گھسیٹنا افسوسناک عمل ہے۔

    ٹی 20 ورلڈکپ، نیوزی لینڈ کو ہرا کر پاکستان فائنل میں پہنچ گیا

    دوسری جانب خیبرپختونخوا کے شہر کوہاٹ میں بھی پاک فوج کے حق میں عوام نکل آئے۔ سول سوسائٹی نے ملکی سلامتی کے اداروں کے ساتھ اظہار یکجہتی کے لیے ریلی نکالی گئی۔اداروں کے خلاف سازش کرنے کی مذمت کی گئی۔

    مقررین نے مزید کہا کہ پاک فوج اور عوام کا گہرا تعلق ہے پاک فوج نے ملک میں قیام امن کے لئے اپنی جانوں کا نظرانہ پیش کیا ہے۔

  • بلوچستان:سیلاب میں ڈیمز ٹوٹنے کا معاملہ،مختلف محکموں کے افسران ذمہ دار قرار

    بلوچستان:سیلاب میں ڈیمز ٹوٹنے کا معاملہ،مختلف محکموں کے افسران ذمہ دار قرار

    وزیراعلیٰ بلوچستان معائنہ ٹیم نے بلوچستان میں مون سون بارشوں کے باعث ڈیمز کے ٹوٹنے سے متعلق تحقیقاتی رپورٹ مرتب کرلی، جس میں ٹیکنیکل نقائص اور ناقص تعمیر کو ڈیمز کے ٹوٹنے کی وجہ قرار دیتے ہوئے مختلف محکموں کے افسران کو ذمہ دار ٹھہرایا گیا ہے۔

    بلوچستان میں جون سے اگست 2022ء کے دوران مون سون بارشوں میں سیلابی ریلوں سے ڈیمز کے ٹوٹنے کی تحقیقات مکمل کرلی گئیں۔

    سانحہ تیزگام:شہداء کےلواحقین کو معاوضہ نہ مل سکا

    ذرائع کے مطابق وزیراعلیٰ معائنہ ٹیم نے تحقیقات مکمل کرکے رپورٹ چیف سیکریٹری کو بھجوادی، رپورٹ میں کہا گیا ہے کہ ڈیزائن میں تکنیکی نقائص اور ناقص تعمیرات ڈیمز کے ٹونٹے کی وجہ بنی، ڈیمز کی تعمیر میں موسمیاتی تبدیلیوں کی وارننگ کا بھی خیال نہیں رکھا گیا۔

    کامران اکمل نےپشاورزلمی ٹیم کوخیرباد کہہ دیا

    رپورٹ میں محکمہ آبپاشی کے متعلقہ افسران اور کنسلٹنٹس کو ڈیم ٹوٹنے کا ذمہ دار قرار دیا گیا ہے۔

    دوسری جانب بلوچستان میں ڈیمز کی حالیہ صورتحال پر محکمہ پی ڈی ایم اے نے بھی رپورٹ جاری کر دی ہے۔ جس میں کہا گیا ہے کہ مون سون بارشوں نے صوبے کے 12 ڈیمز کو نقصان پہنچایا، جس میں چمن، کچی بولان، ڈیرہ بگٹی، پشین، قلعہ سیف اللہ، قلات، کیچ، چلتن ڈیم مستونگ، قلعہ عبداللہ میں ماچکہ کے 2 ڈیمز، گوگی ڈیم سبی، سرہ خولہ ڈیم کوئٹہ شامل ہیں۔

    رپورٹ میں مزید کہا گیا ہے کہ صحبت پور، موسیٰ خیل، نصیر آباد اور جعفر آباد کے ڈیمز میں سیلابی صورتحال برقرار ہے۔

    امر یکہ ومغر بی مما لک چین کےاستحکام کو نقصان پہنچانا چاہتے ہیں:چین

    پی ڈی ایم اے کی رپورٹ کے مطابق ضلع لسبیلہ میں حل ڈیم شدید بارشوں کے بعد سیلاب کے باعث تاحال اوور فلو ہے۔

  • جسٹس نورمسکانزئی قتل کیس؛گرفتارملزم کا ایران میں تربیت لینےکاانکشاف

    جسٹس نورمسکانزئی قتل کیس؛گرفتارملزم کا ایران میں تربیت لینےکاانکشاف

    کوئٹہ:بلوچستان ہائی کورٹ کےسابق چیف جسٹس محمد نورمسکانزئی کےقتل میں ملوث گرفتار ملزم نے بھی ایرانی حدود میں تربیت لینے کا انکشاف کیا ہے، جسٹس نور مسکانزئی کو14 اکتوبر 2022 کو خاران میں مسلح افراد نے مسجد کے اندر عشاء کی نماز کے دوران بہیمانہ اور بزدلانہ طور پر گولیاں برسا کر قتل کردیا تھا۔

    گرفتارملزم شفقت اللہ عرف دلاورعرف سجاد خاران ہی کا رہائشی ہے۔ بقول کاﺅنٹر ٹیررازم ڈیپارٹمنٹ کے یہ نوجوان نے 2020ء میں کالعدم بی ایل اے سے وابستہ ہوا اور کئی واقعات میں ملوث رہا۔ سی ٹی ڈی نے29 اکتوبرکوتفصیلات سے آگاہ کیا جس کا اہتمام آئی جی پولیس آفس میں کیا گیا تھا۔

    یہاں گرفتارملزم کا اعترافی ویڈیو بھی اخبارات اور ٹی وی چینلز کے نمائندوں کو دکھایا گیا۔ کاؤنٹر ٹیررازم ڈیپارٹمنٹ پولیس کے ڈپٹی انسپکٹر جنرل اعتزاز احمد گورائیہ کے مطابق گرفتار شخص محمد نور مسکانزئی کے قتل کا مرکزی ملزم ہے۔ بلاشبہ جسٹس نور محمد مسکانزئی کے قتل کی شرمناک واردات کی ذمہ داری حربیار مری سے منسوب کالعدم بلوچ لبریشن آرمی نے قبول کرلی تھی۔

    ڈی آئی جی سی ٹی ڈی اعتزاز احمد گورائیہ کی سربراہی میں آٹھ ارکان پر مبنی اس جے آئی ٹی میں ڈی آئی جی رخشان ڈویژن، ایس ایس پی انویسٹی گیشن کوئٹہ، انٹر سروسز انٹیلی جنس (آئی ایس آئی) خاران، ملٹری انٹیلی جنس خاران، انٹیلی جنس بیورو (آئی بی ) خاران، ایف سی انٹیلی جنس خاران کے نمائندے شامل ہیں۔

    دوست مزاری 2 روزہ جسمانی ریمانڈ پرمحکمہ اینٹی کرپشن کےحوالے

    ڈی آئی جی اعتزاز گورائیہ نے بتایا ہے کہ گرفتار ملزم نے کالعدم بی ایل اے میں شامل ہونے کے بعد تربیت ایران کے علاقے“سراوان“ میں حاصل کی تھی۔ یہ ملزم 2021ء میں ایف سی چیک پوسٹ خاران پر گرنیڈ لانچر حملے، خاران کے چیف چوک پر موٹر سائیکل بم دھماکے میں بھی ملوث تھا۔

    جسٹس (ر) محمد نور مسکانزئی کے بھائی کے بلاک بنانے والی فیکٹری میں کام کرنے والے دو مزدوروں کو بھی فائرنگ کرکے زخمی کردیا تھا۔ خاران میں حساس ادارے کے دفتر پر گرنیڈ لانچر حملہ کرچکا ہے۔ یہاں تک کہ کوئٹہ میں بھی وارداتیں کی ہیں۔ 2022ءمیں کوئٹہ کے چمن پھاٹک پر دستی بم حملے کا اعتراف بھی کیا ہے۔

    کرم این اے 45:ضمنی الیکشن میں تحریک انصاف نے میدان مارلیا

    گورائیہ کہتے ہیں کہ ہرایک شخص کو مسنگ پرسن نہیں کہہ سکتے ۔وفاقی حکومت، پولیس، محکمہ داخلہ بلوچستان کا باقاعدہ طریقہ ہے جس کے تحت کسی شخص کو لاپتہ قرار دیا جاتا ہے ۔ لاپتہ افراد کے حوالے سے باقاعدہ فورم موجود ہے۔

  • بلوچستان:دہشتگردوں کے ساتھ فائرنگ کے تبادلے میں 2 نوجوان شہید 4 دہشتگرد ہلاک

    بلوچستان:دہشتگردوں کے ساتھ فائرنگ کے تبادلے میں 2 نوجوان شہید 4 دہشتگرد ہلاک

    شاہرگ، بلوچستان کے قریب کمان پاس کے پاک فوج کا آپریشن،فائرنگ کے تبادلے میں دو نوجوان شہید 4 دہشتگرد ہلاک ہو گئے-

    باغی ٹی وی :پاک فوج کے شعبہ تعلقات عامہ (آئی ایس پی آر) کے مطابق شاہرگ، بلوچستان کے قریب کمان پاس کے عمومی علاقے میں دہشتگردوں کا صفایا کرنے کیلئے انٹیلی جنس پر مبنی آپریشن شروع ہوا۔

    آئی ایس پی آر کے مطابق سیکورٹی فورسز کو دہشت گردوں کے مشتبہ مقام کے قریب ہیلی گرا دی گئی تاکہ فرار کے راستوں کو بلاک کر کے ٹھکانے کو صاف کیا جا سکے۔

    تاہم، بلاکنگ پوزیشنز کے قیام کے دوران، دہشت گردوں نے سیکیورٹی فورسز پر فائرنگ کردی، جس کے نتیجے میں سپاہی شفیع اللہ اور سپاہی محمد قیصر شہید ہوگئے۔

    آئی ایس پی آر کے مطابق شدید فائرنگ کے تبادلے کے دوران 4 بار دہشت گرد مارے گئے جب کہ دیسی ساختہ بم سمیت اسلحہ اور گولہ بارود کا ذخیرہ برآمد کر لیا گیا۔

    آئی ایس پی آر کے مطابق علاقے میں دیگر دہشت گردوں کو پکڑنے کے لیے کلیئرنس آپریشن جاری ہے۔

  • چمن میں پولیو ٹیم کی حفاظت مامور لیویز سیکیورٹی اہلکار نامعلوم افراد کی فائرنگ سے شہید

    چمن میں پولیو ٹیم کی حفاظت مامور لیویز سیکیورٹی اہلکار نامعلوم افراد کی فائرنگ سے شہید

    کوئٹہ: بلوچستان کے علاقے چمن میں پولیو ٹیم کی حفاظت مامور لیویز سیکیورٹی اہلکار نامعلوم افراد کی فائرنگ سے شہید ہوگیا۔

    باغی ٹی وی : تفصیلات کے مطابق چمن کے علاقے میں پولیو کی حفاظت پر مامور لیویز سکیورٹی اہلکار پر فائرنگ سے ایک اہلکار شہید ہوگیا، جس کی شناخت حبیب الرحمان ولد گلزمان ماسٹر سے ہوئی ہے۔

    عمران خان نے لانگ مارچ کا پلان بدل دیا ہے

    سیکورٹی ذرائع کا کہنا ہے کہ حکام نے جائے وقوع پر پہنچ کر تحقیقات شروع کردی ہیں۔

    دو روز قبل بھی پشین میں پولیو ٹیم کی حفاظت پر مامور اہلکاروں پر فائرنگ کی گئی تھی جس کے نتیجے میں بھی ایک اہلکار شہید ہوگیا تھا۔

    پولیس کاکہنا تھا کہ ہیڈ کانسٹیبل انسداد پولیو کی مہم کے دوران ڈیوٹی پر مامور افراد کی حفاظت انجام دے رہا تھا کہ نامعلوم افراد کی فائرنگ سے جاں بحق ہوگیا۔

    غذائی تحفظ کو یقینی بنانے کے لیے زرعی شعبے میں پاک امریکا تعاون اہمیت کا حامل ہے. مسعود خان

    مقتول اہل کار محمد ہاشم کلی تراٹہ میں پولیو ٹیم کے ہمراہ ڈیوٹی پر موجود تھا۔ فائرنگ کے بعد پولیس نے علاقے کو گھیرے میں لے کر سرچ آپریشن شروع کردیا جب کہ شواہد جمع کرکے واقعے کی تحقیقات شروع کردیں۔

  • شمالی وزیرستان میں جھڑپ، 4 دہشت گرد ہلاک

    شمالی وزیرستان میں جھڑپ، 4 دہشت گرد ہلاک

    شمالی وزیرستان میں فورسز سے جھڑپ کے دوران 4 دہشت گرد مارے گئے۔اس حوالے سے taترجمان پاک فوج کے مطابق شمالی وزیرستان کے علاقے اسپن وام میں دہشتگردوں اور سیکیورٹی فورسز میں فائرنگ کا تبادلہ ہوا، جھڑپ کے دوران 4 دہشت گرد ہلاک ہوگئے۔

    آئی ایس پی آر کا کہنا ہے کہ ملزمان سے اسلحہ اور باردوی مواد بھی برآمد ہوا ہے۔ترجمان کے مطابق واقعے میں مارے گئے دہشت گرد سیکیورٹی فورسز کیخلاف کارروائیوں میں ملوث تھے۔

    یاد رہے کہ اس سے قبل سترہ اکتوبر کو بھی سیکورٹی فورسز نے جانی خیل میں آپریشن کرتے ہوئے ایک دہشت گرد کو ہلاک کرکے اسلحہ برآمد کیا تھا۔

    پندرہ اکتوبر کو بھی کوئٹہ میں محکمہ انسداد دہشت گردی (سی ٹی ڈی) نے اہم کارروائی کرتے ہوئے پانچ دہشت گردوں کو ہلاک کر دیا تھا۔

    ترجمان سی ٹی ڈی کا کہنا تھا کہ دہشت گردوں سے مقابلے میں 4 اہلکار بھی زخمی ہوگئے تھے ، ہلاک دہشت گرد بلوچستان میں تخریب کاری کی مختلف وارداتوں میں ملوث تھے۔

  • دھوپ اور چھاؤں کا سوال سمجھنے والے مسئلہ حل کردیں گے، وزیراعظم

    دھوپ اور چھاؤں کا سوال سمجھنے والے مسئلہ حل کردیں گے، وزیراعظم

    وزیراعظم شہبازشریف جیکب آباد پہنچ گئے

    وزیر اعظم شہباز شریف نے دورانِ پرواز سندھ کے سیلاب زدہ علاقوں کا فضائی جائزہ لیا وزیراعظم شہبازشریف کو دوران پرواز بریفنگ دی گئی

    وزیراعظم محمد شہباز شریف کی ضلع خضدار کے علاقے وڈھ آمد ہوئی،وزیراعظم شہباز شریف نے بی این پی مینگل کے سربراہ نواب اختر جان مینگل سے ان کے چچا سردارزادہ مہراللہ مینگل کی وفات پر تعزیت اور فاتحہ خوانی کی ،اس موقع پر وفاقی وزیر آغا حسن بلوچ ، اعلیٰ سرکاری حکام اور عمائدین بھی موجود تھے

    وزیراعظم شہبازشریف کی صحبت پور آمد ہوائی، وزیراعظم کو متاثرین کے لیے امدادی کاموں پر بریفنگ دی گئی، وزیراعلیٰ بلوچستان قدوس بزنجو،چیف سیکریٹری ،اختر مینگل بھی وزیراعظم کے ہمراہ تھے،وزیراعظم شہباز شریف کا کہنا تھا کہ بلوچستان میں سیلاب سے تباہی ہوئی ،صحبت پور تاحال زیر آب ہے ،سیلاب متاثرین کے فی خاندان کو25 ہزار روپے دیئے گئے،صحبت پورمیں کھڑا پانی باعث تشویش ہے ،کھڑ ے پانی سے جلد کے امراض جنم لے رہے ہیں،نکاسی آب کے لیے توانائی صرف کی جائے،

    وزیراعظم شہباز شریف نے کمشنر صحبت پو ر سے سوال کیا کہ آپ کو ٹاسک دیاتھا کیا بنا؟ کمشنر نے جواب دیا کہ ڈی واٹر نگ کے لیے کام کررہے ہیں ،وزیراعظم شہباز شریف نے کہا کہ ایک ماہ میں صحبت پور سے پانی کا اخراج کا عمل مکمل کیا جائے .احسن اقبال کوکہوں گا، ایکسپرٹ کے ساتھ بیٹھ کر پانی کے اخراج پرکام کریں وزیراعظم شہبازشریف کا مزید کہنا تھا کہ اختر مینگل نے دھوپ اور چھاؤں پراہم سوال اٹھایا ،دھوپ اور چھاؤں کا سوال سمجھنے والے مسئلہ حل کردیں گے،

    سیلاب متاثرین کے لیے سندھ حکومت کی جانب سے امداد ی سرگرمیوں کا عمل جاری 

    وزیراعلیٰ سندھ مراد علی شاہ سے چینی قونصل جنرل لی بجیان کی ملاقات ہوئی ہے

    دادو، نوبل انعام یافتہ ملالہ یوسفزئی جوہی کے سیلاب زدہ علاقے چھاندان پہنچ گئیں

    سیلابی پانی کے بعد لوگ مشکلات کا شکار ہیں کھلے آسمان تلے مکین رہ رہے ہیں

    متحدہ عرب امارات کے حکام کا آرمی چیف سے رابطہ،سیلاب زدگان کیلیے امداد بھجوانے کا اعلان

  • سابق چیف جسٹس بلوچستان محمد نور مسکانزئی کی نماز جنازہ ادا

    سابق چیف جسٹس بلوچستان محمد نور مسکانزئی کی نماز جنازہ ادا

    سابق چیف جسٹس بلوچستان محمد نور مسکانزئی کی نماز جنازہ خاران میں ادا کردی گئی

    سابق چیف جسٹس کی نمازجنازہ خاران کے اکبر بگٹی اسٹیڈیم میں ادا کی گئی سابق چیف جسٹس محمد نور مسکانزئی کی تدفین آبائی گاؤں مسکان قلات میں ہوگی سابق چیف جسٹس کی آبائی علاقے میں سرکاری اعزاز کیساتھ تدفین کی جائے گی

    قاتلانہ حملے میں سابق چیف جسٹس بلوچستان کی موت پروزیراعظم شہبازشریف نے ایک بیان میں کہا کہ بلوچستان میں ایسے بہیمانہ اور انتہائی قابل مذمت اقدامات کا مقصد افراتفری پھیلانا اور عوام کو ڈرانا ہے، پاکستان کے عوام اور ادارے دہشت گردی کا قلع قمع کرکے دم لیں گے محمد مسکانزئی کی قانون وانصاف کے شعبے میں خدمات کو خراج عقیدت پیش کرتے ہیں وزیراعظم شہباز شریف نے دعا کی کہ اللہ تعالیٰ مرحوم کو جوار رحمت میں جگہ عطا فرمائے اور لواحقین کو صبر جمیل دے

     ماحولیاتی منظوری کے بغیر مارگلہ ایونیو کی تعمیر کیس پر فیصلہ محفوظ 

    جو نقشے عدالت میں پیش کئے گئے وہ سب جعلی،یہ سب ملے ہوئے ہیں، مارگلہ ہلز کیس میں چیف جسٹس کے ریمارکس

    نور مقدم قتل کیس، ظاہر جعفر پر ایک اور مقدمہ درج

    مارگلہ کی پہاڑیوں پر تعمیرات پر پابندی عائد

    ایف نائن پارک میں شہری پر حملے کا مقدمہ تھانہ مارگلہ میں درج کر لیا گیا

     اعظم سواتی بھی اسلام آباد پولیس کے خلاف بول اٹھے

    پی پی چیئرمین و وزیرِ خارجہ بلاول بھٹو زرداری نے جسٹس (ر) محمد نور مسکانزئی کے قتل اور مستونگ میں بم دہماکے کی مذمت کی، پی پی پی چیئرمین نے بلوچستان ہائی کورٹ کے سابق چیف جسٹس محمد نور مسکانزئی کی شہادت پر لواحقین سے دلی تعزیت کا اظہار کیا .

    دوسری جانب کوئٹہ میں فائرنگ سے قتل ہونے والے بلوچستان کے سابق چیف جسٹس محمد نور مسکان زئی کے قتل کا مقدمہ ابھی تک درج نہیں ہوا،ممقدمے کے حوالہ سے پولیس کا کہنا ہے کہ لواحقین تدفین کے عمل میں مصروف ہیں، اس کے بعد مقدمہ درج کریں گے،

  • مستونگ میں دھماکا، 3 افراد جاں بحق، متعدد زخمی

    مستونگ میں دھماکا، 3 افراد جاں بحق، متعدد زخمی

    مستونگ:بلوچستان کے ضلع مستونگ میں دھماکا ہوا ہے جس کی زد میں آ کر تین افراد جاں بحق جبکہ متعدد زخمی ہوئے ہیں۔

    ذرائع سے ملنے والی اطلاع کے مطابق دھماکے کے نتیجے میں تین افراد جاں بحق جبکہ 6 زخمی ہوئے جن کی حالت تشویشناک ہے۔ زخمیوں کو فوری طور پر طبی امداد کے لیے ہسپتال منتقل کر دیا گیا ہے۔

    لیویز کے مطابق دھماکے میں دو گاڑیوں کو ریموٹ کنٹرول سے نشانہ بنایا گیا، دھماکا اس وقت ہوا جب قبائلی افراد میت کو دفنا نے کے بعد واپس آرہے تھے.

    دھماکے کے فوری بعد سکیورٹی اہلکاروں نے جائے وقوعہ کو گھیرے میں لیکر سرچ آپریشن شروع کر دیا ہے۔

    دوسری طرف مشیر داخلہ بلوچستان ضیاء لانگو نے مستونگ دھماکے کی شدید الفاظ میں مذمت کرتے ہوئے ڈپٹی کمشنر سے رپورٹ طلب کر لی۔

    مشیر داخلہ نے دہشت گردی کے واقعات میں اضافے پر تشویش کا اظہار کرتے ہوئے کہا کہ دشمن کوبزدلانہ کارروائیوں سے کوئی مقصد حاصل نہیں ہو سکتا، بلوچستان کی ترقی کی راہ میں رکاوٹ کی ہر سازش کا ڈٹ کے مقابلہ کریں گے۔