Tag: بلوچستان

سینیٹ اجلاس کے دوران بلوچستان سے تعلق رکھنے والے وکیل کے مبینہ اغوا پر اظہارِ خیال کرتے ہوئے جمعیت علمائے اسلام (جے یو آئی) کے سینیٹر کامران مرتضیٰ اور سابق نگراں وزیراعظم و سینیٹر انوارالحق کاکڑ کے درمیان شدید تلخ کلامی ہوگئی۔

باغی ٹی وی کے مطابق سینیٹ کا اجلاس ڈپٹی چیئرمین سیدال خان ناصر کی زیر صدارت ہوا، جس میں سینیٹر کامران مرتضیٰ نے دعویٰ کیا کہ 18 مئی کی رات بلوچستان بار کونسل کے جنرل سیکرٹری عطا اللہ بلوچ کو اغوا کر لیا گیا، اور اس واقعے میں سیکیورٹی فورسز کے ملوث ہونے کا الزام عائد کیا۔کامران مرتضیٰ نے کہا کہ وکالت ایک مقدس پیشہ ہے، اور اس طرح کے اقدامات سے نہ صرف اس پیشے کی توہین ہوتی ہے بلکہ قومی یکجہتی کو بھی نقصان پہنچتا ہے۔

اس بیان پر ردعمل دیتے ہوئے انوارالحق کاکڑ نے کامران مرتضیٰ پر شدید تنقید کی اور کہا، ’’آپ خود ہی جج بن کر فیصلہ سنا رہے ہیں کہ اغوا میں سیکیورٹی فورسز ملوث ہیں، میں اس الزام کی سختی سے مذمت کرتا ہوں۔اس پر کامران مرتضیٰ نے سوال کیا، ’’کیا آپ یہاں سیکیورٹی فورسز کی نمائندگی کر رہے ہیں؟ جس پر انوارالحق کاکڑ نے جواب دیا، ’’جی ہاں، میں نمائندگی کرتا ہوں۔

دونوں سینیٹرز کے درمیان گرما گرم جملوں کا تبادلہ اتنا شدید ہو گیا کہ دیگر ارکان کو مداخلت کرکے دونوں کو بٹھانا پڑا۔ ڈپٹی چیئرمین نے مداخلت کرتے ہوئے ہدایت کی کہ تمام ارکان صرف چیئر کو مخاطب کر کے بات کریں۔وفاقی وزیر قانون اعظم نذیر تارڑ نے بھی معاملے پر بات کرتے ہوئے کہا، ’’کسی پر بغیر ثبوت الزام لگانا مناسب نہیں، ہماری سیکیورٹی فورسز اس وقت ملک کے دفاع کے لیے جانوں کا نذرانہ دے رہی ہیں۔ تنقید حق ہے، لیکن ذمہ داری کے ساتھ۔‘‘

آخر میں ڈپٹی چیئرمین سیدال خان ناصر نے "سیکیورٹی فورسز” کے ذکر کو ایوان کی کارروائی سے حذف کرنے کی ہدایت جاری کی۔

چین کی پاک بھارت کشیدگی پر تشویش، تحمل کا مشورہ

روس کا یوکرین پر سب سے بڑا ڈرون حملہ، متعدد مکانات تباہ، خاتون ہلاک

بلوچستان میں فورسز کی کارروائیاں، بھارتی حمایت یافتہ 3 دہشت گرد ہلاک

سیکیورٹی فورسز نے بلوچستان میں دو مختلف خفیہ آپریشنز کے دوران بھارتی پراکسی بلوچ لبریشن فرنٹ (بی ایل ایف) کے تین دہشت گردوں کو ہلاک کر دیا۔

باغی ٹی وی کے مطابق یہ کارروائیاں 17 اور 18 مئی کو خفیہ اطلاعات کی بنیاد پر کی گئیں، جن کا مقصد ملک دشمن عناصر کی سرگرمیوں کا خاتمہ تھا۔پاک فوج کے شعبہ تعلقات عامہ (آئی ایس پی آر) کے مطابق، ضلع کیچ کے شہر تربت میں کی گئی کارروائی میں دو دہشت گرد ہلاک ہوئے، جن میں دہشت گرد گروہ کا سرغنہ صبراللہ اور اس کا ساتھی امجد عرف بچو شامل ہیں۔ ان دونوں دہشت گردوں کا تعلق قانون نافذ کرنے والے اداروں پر حملوں اور عام شہریوں کی ٹارگٹ کلنگ سے تھا۔

دوسری کارروائی ضلع آواران کے علاقے گِشکور میں عمل میں لائی گئی، جہاں بھارتی حمایت یافتہ دہشت گرد یونس مارا گیا، جبکہ دو دیگر دہشت گرد زخمی ہوئے۔آئی ایس پی آر کا کہنا ہے کہ سیکیورٹی فورسز بلوچستان میں امن و استحکام کو نقصان پہنچانے والی بھارتی سازشوں کو ناکام بنانے کے لیے پرعزم ہیں، اور ایسے عناصر کے خلاف کارروائیاں جاری رہیں گی۔

کم عمری کی شادی کو جرم قرار دینے سے متعلق سینیٹ میں پیش کیا گیا بل منظور

اسلام آباد: وزیراعلٰی سرفراز بگٹی نے کہا ہے کہ پیٹرولیم لیوی کی رقم بلوچستان کی ترقی پر خرچ کرنے پر وزیراعظم شہباز شریف کے شکر گذار ہیں۔

باغی ٹی وی: وزیراعلیٰ بلوچستان سرفراز بگٹی نے اسلام آباد میں پریس کانفرنس کرتے ہوئے کہا ہے کہ وزیراعظم شہباز شریف نے بلوچستان کو ہمیشہ ترجیح دی ہے، اور اب پیٹرولیم سے ہونے والی بچت بھی بلوچستان کی ترقی پر خرچ کی جائے گی۔

سرفراز بگٹی نے آر سی ڈی شاہراہ اور موٹروے N-25 کے منصوبوں کو بلوچستان کے لیے گیم چینجر قرار دیتے ہوئے کہا کہ ان منصوبو ں سے عوام کو براہ راست فائدہ ہوگا کچھی کینال بلوچستان کے عوام کا دیرینہ مطالبہ تھا، جو اب مکمل ہونے کے قریب ہے، اور اس سے صوبے میں زرعی انقلاب آئے گا۔

وزیرعلٰی بلوچستان کا کہنا تھا کہ بی آئی ایس پی کے تحت بلوچستان میں روزگار کے مواقع بھی فراہم کیے جا رہے ہیں، اور ہر مسئلے کا حل صرف پارلیمنٹ اور سیاست کے اندر ہے بلوچستان میں استحکام آئے گا تو پاکستان ترقی کرے گا بلوچستان اور پاکستان کے کئی دشمن ہیں جو ترقی ہضم نہیں کر پا رہے۔

وفاقی وزیر اور سابق وزیراعلیٰ بلوچستان جام کمال نے کہا کہ وزیراعظم شہباز شریف نے بطور وزیراعلیٰ پنجاب بھی بلوچستان کی ترقی پر توجہ دی، اور اب بھی وہ تمام اسٹیک ہولڈرز کے ساتھ مل کر صوبے کی بہتری کے لیے کام کر رہے ہیں وفاق کی جا نب سے بلوچستان کے لیے اٹھائے گئے اقدامات اہم سنگ میل ہیں، جن کا مقصد ملک میں یکساں ترقی کو یقینی بنانا ہے۔

وفاقی وزیر خالد مگسی نے کچھی کینال منصوبے کو بلوچستان کے لیے ایک اہم پیش رفت قرار دیتے ہوئے کہا کہ اس سے چھ سے سا ت لاکھ ایکڑ زمین کو پانی دستیاب ہوگاانہوں نے وزیراعلیٰ سرفراز بگٹی کو ایک وژنری رہنما قرار دیا اور بتایا کہ صوبے میں شمسی توانا ئی کے منصوبے بھی جاری ہیں، مسائل کا حل صرف مذاکرات سے ممکن ہے، ریاست آئین کے تحت چلتی ہے اور اہم قومی معا ملا ت پر کوئی سمجھوتا نہیں کیا جا سکتا۔ ان کا کہنا تھا کہ بلوچستان میں جلد امن و امان کی صورتحال میں بہتری آئے گی۔