بنگلادیش نے پاکستان کو دوسرے ٹیسٹ میچ میں 78 رنز سے شکست دے کر سیریز میں وائٹ واش کردیا۔
سلہٹ میں کھیلے جارہے میچ کے پانچویں روز پاکستان نے 316 رنز 7 وکٹوں کے نقصان پر کھیل کا آغاز کیا تو اسے جیت کے لیے مزید 121 رنز درکار تھےمحمد رضوان کے 94 ساجد خان کے 28 رنز بھی ٹیم کو فتح نہ دلوا سکے،437 رنز کے ہدف کے تعاقب میں پوری ٹیم 358 رنز پر آؤٹ ہوگئی اور اس طرح بنگلادیش نے قومی ٹیم کو 78 رنز سے شکست دی۔
کپتان شان مسعود اور سلمان آغا 71، 71، بابر اعظم 47، اذان اویس 21، عبداللہ فضل اور سعود شکیل 6، 6 جبکہ حسن علی اور خرم شہزاد بغیر کوئی رن بنائے آؤٹ ہوئے،بنگلادیش کی جانب سے تیج الاسلام نے 6، ناہید رانا نے 2 جبکہ شورف الاسلام اور مہدی حسن نے ایک ایک وکٹ حاصل کی۔
بنگلا دیش ٹیسٹ ٹیم نے تاریخ رقم کرتے ہوئے پاکستان ٹیم کو دو ٹیسٹ میچوں کی سیریز میں کلین سوئپ کردیا مہمان ٹیم پاکستان کو پہلے ٹیسٹ میں ڈھاکا کے مقام پر 104 رنز جبکہ دوسرے اور آخری ٹیسٹ میں سلہٹ میں 78 رنز سے شکست کا سامنا کرنا پڑا۔