Tag: بھارت

کابل: بھارت نےکابل میں اپنا سفارتخانہ خاموشی سے دوبارہ کھول لیا۔

باغی ٹی وی : غیر ملکی خبر رساں ایجنسی کے مطابق بھارت نے بغیر کسی باضابطہ اعلان کے خاموشی سے کابل میں اپنا سفارت خانہ دوبارہ کھول لیا اور بھارت سے ایک ٹیم سفارت خانے پہنچ گئی۔

First consignment of India's earthquake relief assistance for the people of Afghanistan reaches Kabul. Being handed over by the Indian team there.

Further consignment follows. pic.twitter.com/6v1oYSRZLO

— Randhir Jaiswal (@MEAIndia) June 23, 2022

بھارتی وزارت خارجہ نے کہا ہے کہ بھارتی سفارتخانے پہنچنے والی ٹیم افغان عوام کو انسانی ہمدردی کی بنیاد پر فراہم کی جانے والی امداد کی تقسیم کا جائزہ لے گی۔

واضح رہے کہ بھارت نے 10 ماہ قبل افغانستان میں طالبان کی حکومت قائم ہونے کے بعد اپنا سفارتخانہ بند کر دیا تھا۔ افغانستان میں اشرف غنی اور حامد کرزئی کی حکومتوں میں بھارت کا کابل میں ایک سفارتخانہ اور 4 قوںصل خانے کام کر رہے تھے۔

قبل ازیں طالبان کی عبوری حکومت نے بھارت کو سفارتخانہ کھولنے کی پیشکش کی تھی قطرمیں طالبان کے سیاسی دفترکے ترجمان سہیل شاہین نےایک انٹرویو میں کہا تھا کہ بھارت کابل میں دوبارہ سفارتخانے کھولے گا تو اس کے سفارتکاروں کومکمل سکیورٹی فراہم کی جائے گی بھارت کوقومی اورباہمی مفادات کےبنیاد پرطالبان حکومت سےتعلقات قائم کرناچاہئیں اورسابق افغان حکام سےروابط نہیں رکھنے چاہئیں۔

سہیل شاہین کا کہنا تھا کہ افغانستان میں کام کرنے والے تمام غیرملکی سفارتکاروں کو مکمل تحفظ فراہم کرنا حکومت کی ذمہ داری ہے۔بہت سے سفارت خانے کابل میں کام کررہےہیں اورانہیں بھرپورسکیورٹی دی گئی ہےبھارتی سفارت خانے اورسفارتکاروں کوبھی سکیورٹی فراہم کی جائے گی۔ سہیل شاہین نے کہا تھا کہ اگربھارت افغانستان میں جاری منصوبے مکمل کرنا چاہے گا یا نئے منصوبے شروع کرنا چاہے گا تو اس کا خیرمقدم کریں گے۔

واشنگٹن:بھارت:اسلامو فوبیا کے واقعات،امریکی کانگریس میں مذمتی قرارداد،اطلاعات کے مطابق بھارت میں اسلام ، مسلمانوں اوردیگرمذاہب کے ماننے والوں کے خلاف ہندووں کی انتہا پسندی کے خلاف سخت ردعمل آنا شروع ہوگیا ہے ، یہ بھی اطلاعات ہیں کہ اس سلسلے میں عالمی طاقتیں بھی نوٹس لے رہی ہیں ، حالیہ واقعات میں اضافے کےبعد بھارت میں بڑھتے اسلامو فوبیا کے واقعات، انسانی حقوق اور مذہبی آزادی کی خلاف ورزیوں پر امریکی کانگریس میں ایک مذمتی قرارداد جمع کرائی گئی ہے۔

بھارت میں اسلاموفوبیا کےخلاف اٹھنے والی آوازامریکی کانگریس تک تک پہنچی ہے، یہی وجہ ہےکہ ڈیموکریٹک رکن کانگریس الہان عمر کی جانب سے پیش کی گئی قرارداد میں مطالبہ کیا گیا ہے کہ بھارت کو مذہبی آزادی پر خصوصی تشویش والے ملک کا درجہ دیا جائے۔ قرارداد میں مزید کہا گیا ہے کہ بھارت میں مسلمانوں، عیسائیوں، سکھوں، دلتوں، ٓدیواسیوں اور دیگر مذہبی و ثقافتی اقلیتوں کو نشانہ بنایا جا رہا ہے۔

امریکی ذرائع ابلاغ کا کہنا ہےکہ بھارت میں اسلام اورمسلمانوں کے خلاف پیدا کی جانے والی نفرت کے خلاف امریکی کانگریس میں اسلامو فوبیا پر سماعت 30 جون کو ہوگی، جس میں بھارتی حکمراں جماعت بی جے پی کے رہنماؤں کی جانب سے گستاخانہ بیانات کا معاملہ بھی زیر بحث آنے کا امکان ہے۔ واضح رہے کہ الہان عمر نے گزشتہ ماہ آزاد جموں و کشمیر میں کنٹرول لائن کا دورہ کیا تھا۔

یہ بھی یاد رہے کہ اس ماہ کے آغاز پر امریکی وزیر خارجہ انٹونی بلنکن اور ان کے سفیر برائے بین الاقوامی مذہبی آزادی نے بھارت میں مذہبی آزادی کی خلاف ورزیوں کی مذمت کی تھی۔ اس سے پہلے اپریل کے آخر میں یو ایس سی آئی آر ایف کی ایک رپورٹ میں بھارت کو انسانی حقوق کی خلاف ورزیوں پر بلیک لسٹ کرنے کی سفارش بھی کی گئی تھی۔

واشنگٹن: بھارت میں مسلسل بڑھتے ہوئے پرتشدد واقعات کی وجہ سے ملک کو مالی طور پر نقصان پہنچا ہے۔ سی اے اے/این آر سی، کسانوں کی تحریک، پیغمبر اسلام کے تنازعہ کے بعد ہندوستانی فوج کے لیے لاگو کی گئی اگنی پتھ اسکیم کی وجہ سے ملک میں بڑے پیمانے پر تشدد کی وجہ سے ملک کو اربوں ڈالر کا نقصان ہوا ہے۔ یہی وجہ ہے کہ گلوبل پیس انڈیکس میں ہندوستان 163 ممالک میں 135 ویں نمبر پر ہے۔ ان پرتشدد واقعات میں بھارت کو 646 ارب ڈالر کا نقصان ہوچکا ہے۔ اس رقم سے ملک کا بجٹ بڑھایا جا سکتا تھا۔ مختلف فلاحی اسکیمیں لاگو کی جا سکتی تھیں لیکن تشدد کی آگ نے سب کچھ تباہ کر دیا۔

بھارتی فوج میں بھرتی کا نیا قانون اگنی پتھ،بھارت میں جلاؤ گھیراؤ،ٹرینیں نذر آتش

بھارت کے پڑوسی ممالک پاکستان اور چین بالترتیب 54 ویں اور 138 ویں نمبر پر ہیں۔ہندوستان میں تشدد کی اقتصادی لاگت مجموعی گھریلو پیداوار(جی ڈی پی) کا چھ فیصد ہے۔ یعنی ہندوستان کی جی ڈی پی کا چھ فیصد صرف تشدد میں تباہ ہوا ہے۔ گزشتہ چند سالوں میں ملک میں کئی مسائل پر پرتشدد مظاہرے ہوئے ہیں۔ اس کی وجہ سے کرفیو، انٹرنیٹ بند جیسے سخت قدم اٹھا نے پڑے ہیں۔ ان کے علاوہ دہشت گردی اور نکسلائیٹ حملوں کی وجہ سے بھی ملک کو کافی نقصان پہنچ چکا ہے۔

عرب امارات نے بھارت سے گندم ، گندم سے بننے والی مصنوعات کے معاہدے منسوخ کردیئے

ان واقعات میں جان و مال کے نقصان کے علاوہ ملک کو بالواسطہ اور بلاواسطہ نقصان بھی اٹھانا پڑاہے۔ گلوبل پیس انڈیکس 2022 کی رپورٹ کے مطابق پرتشدد اندرونی تنازعات کا سامنا کرنے والے ممالک کی تعداد 29 سے بڑھ کر 38 ہو گئی ہے تاہم 2017 سے اندرونی تنازعات میں ہلاک ہونے والوں کی تعداد میں کمی آئی ہے۔ جنوبی ایشیا افریقہ کے بعد دنیا کا دوسرا سب سے زیادہ پریشان کن خطہ رہا ہے۔ شام، جنوبی سوڈان اور وسطی افریقی جمہوریہ میں تشدد سے سب سے زیادہ معاشی نقصان ہوا ہے۔ جبکہ آئس لینڈ، کوسوو اور سوئٹزرلینڈ سب سے کم متاثر ہوئے ہیں۔

بھارت میں سزاکےطورپرمسلمانوں کےمکانات کی مسماری اوراُن پربین اقوامی قوانین…

2022 کی رپورٹ کے مطابق آئس لینڈ دنیا کا سب سے پرسکون ملک رہا ہے۔ نیوزی لینڈ دوسرے اور آئرلینڈ تیسرے نمبر پر ہے۔ اس کے ساتھ ساتھ افغانستان سب سے زیادہ پریشان ممالک میں سرفہرست ہے۔ 163 ممالک کے اس انڈیکس میں افغانستان بھی آخری نمبر پر ہے۔ اس پر یمن اور شام کا قبضہ ہے۔ یہ تینوں ممالک دہشت گردی اور خانہ جنگی کا شدید سامنا کر رہے ہیں۔

امارات، امریکہ ، اسرائيل اور ہندوستان پر مشتمل نیا گروپ تشکیل دیا جارہا ہے جس کا نام ” آئی ٹو یو ٹو” رکھا گيا ہے۔

پاکستان اور متحدہ عرب امارات کا اقتصادی روابط کو مزید فروغ دینے پر اتفاق

مہر خبررساں ایجنسی نے غیر ملکی ذرائع کے حوالے سے نقل کیا ہے کہ امارات، امریکہ ، اسرائيل اور ہندوستان پر مشتمل نیا گروپ تشکیل دیا جارہا ہے جس کا نام ” آئی ٹو یو ٹو” رکھا گيا ہے۔ بھارت میں متحدہ عرب امارات کے سفیر احمد البنّا نے اس نئے گروپ کو” مغربی ایشیائی کوآڈ ” قراردیا ہے۔

اطلاعات کے مطابق چاروں ملکوں کے اس نئے گروپ ” آئی ٹو یو ٹو” کی پہلی سربراہی کانفرنس جولائی میں امریکی صدر جو بائیڈن کی میزبانی میں ہو گی۔

متحدہ عرب امارات میں منکی پاکس کے پانچ نئے کیسوں کی تصدیق

امریکہ کے ایک اعلیٰ عہدیدار کے مطابق صدر جو بائیڈن 13سے 16جولائی کے درمیان مشرق وسطیٰ کے اپنے دورے کے دوران ایک ورچوئل سربراہی کانفرنس کی میزبانی کریں گے۔

اس کانفرنس میں نو تشکیل شدہ گروپ آئی ٹو یو ٹو‘ کے دیگر رہنما بھارتی وزیر اعظم نریندر مودی، اسرائیلی وزیر اعظم نفتالی بینیٹ اور متحدہ عرب امارات کے صدر محمد بن زید النہیان حصہ لیں گے۔

متحدہ عرب امارات اور اسرائیل کے درمیان آزاد تجارت کے معاہدے پر دستخط

انہوں نے اس گروپ کے نام I2U2 کی وضاحت کرتے ہوئے کہا کہ آئی ٹو سے مراد دو مرتبہ آئی ہے، جس کا مطلب بھارت اور اسرائیل ہیں۔اسی طرح یو ٹو سے مراد دو مرتبہ یو ہے، جس کا مطلب امریکہ (یو ایس اے) اور متحدہ عرب امارات (یو اے ای) ہیں۔