Tag: بھارت

بھارت کے مقدس اور پہاڑی مقام کیدار ناتھ میں ایک ہیلی کاپٹر حادثے سے بال بال بچ گیا۔ ہیلی کاپٹر لینڈنگ زون پر پہنچنے سے چند لمحے قبل ہی زمین پر اتر گیا، جس کے مناظر سوشل میڈیا پر وائرل ہو گئے۔

واقعے کی ویڈیو میں واضح طور پر دیکھا جا سکتا ہے کہ ہیلی کاپٹر کس طرح مخصوص ہیلی پیڈ تک پہنچنے سے عین قبل زمین کو چھو لیتا ہے، جس سے موقع پر موجود لوگوں میں سنسنی اور خوف کی فضا پیدا ہو گئی۔عینی شاہدین کے مطابق پائلٹ نے غیر معمولی حاضر دماغی کا مظاہرہ کرتے ہوئے طیارے کو ہنگامی طور پر اتارنے کا فیصلہ کیا، جس سے ایک بڑا جانی نقصان ٹال دیا گیا۔ خوش قسمتی سے واقعے میں کسی قسم کی جانی یا مالی نقصان کی اطلاع نہیں ملی۔

تحقیقات کا آغاز
مقامی انتظامیہ نے واقعے کی تحقیقات کا آغاز کر دیا ہے تاکہ یہ معلوم کیا جا سکے کہ ہنگامی لینڈنگ کی وجہ تکنیکی خرابی تھی یا موسمی حالات اس کے ذمہ دار تھے۔دوسری جانب کیدار ناتھ جیسے دشوار گزار اور بلند پہاڑی علاقوں میں اس قسم کے واقعات غیر معمولی نہیں، تاہم اس واقعے نے ایک بار پھر بھارت میں فضائی تحفظات، پائلٹ ٹریننگ اور ہنگامی حالات سے نمٹنے کی تیاریوں پر سوالات اٹھا دیے ہیں۔

نیرج چوپڑا کیریئر بیسٹ تھرو کے باوجود ارشد ندیم کا عالمی ریکارڈ نہ توڑ سکے

غزہ میں سیز فائر کے لیے قطر میں اسرائیل اور حماس کے درمیان مذاکرات جاری

گودی میڈیا کی جھوٹی مہم عالمی سطح پر بے نقاب، بھارتی عوام بھی سراپا سوال

بھارتی پروپیگنڈے کے خلاف سفارتی محاذ ، بلاول بھٹو کو وفد کی قیادت مل گئی

امریکہ، بھارتی شہریوں کو ملک بدری اور سفری پابندی کا سامنا

بھارت کی مرکزی اپوزیشن جماعت انڈین نیشنل کانگریس نے ملک کے وزیرِ خارجہ ڈاکٹر ایس جے شنکر سے مستعفی ہونے کا مطالبہ کیا ہے۔

باغی ٹی وی کے مطابق یہ مطالبہ کانگریس کی کیرالہ شاخ کی جانب سے سوشل میڈیا پلیٹ فارم "ایکس” (سابقہ ٹوئٹر) پر کیے گئے ایک بیان کے ذریعے سامنے آیا۔بیان میں کانگریس نے جے شنکر پر شدید تنقید کرتے ہوئے کہا کہ وہ موجودہ عالمی اور علاقائی سفارتی چیلنجز سے مؤثر طریقے سے نمٹنے میں ناکام رہے ہیں۔ کیرالہ کانگریس کے مطابق بھارت کی خارجہ پالیسی، خصوصاً پڑوسی ممالک سے تعلقات کے معاملے میں مسلسل خرابیاں سامنے آ رہی ہیں، اور اس صورتحال پر خاموشی یا کمزور مؤقف قابل قبول نہیں۔

کانگریس نے الزام عائد کیا کہ وزیر خارجہ کی قیادت میں وزارتِ خارجہ کی کارکردگی نہ صرف بھارت کے مفادات کو نقصان پہنچا رہی ہے بلکہ بین الاقوامی سطح پر ملک کی ساکھ کو بھی متاثر کر رہی ہے۔ اس پس منظر میں پارٹی کا کہنا ہے کہ جے شنکر کو اخلاقی ذمہ داری قبول کرتے ہوئے فوری طور پر اپنے عہدے سے مستعفی ہو جانا چاہیے۔

واضح رہے کہ یہ بیان ایسے وقت سامنے آیا ہے جب خطے میں کشیدگی، سفارتی تنازعات اور بعض بین الاقوامی فورمز پر بھارت کے مؤقف پر سوالات اٹھائے جا رہے ہیں، جنہیں اپوزیشن سیاسی طور پر اُجاگر کر رہی ہے۔

شہباز شریف اور ایرانی صدر کے درمیان ٹیلیفونک رابطہ، دوطرفہ تعاون بڑھانے پر اتفاق

تنگوانی: تیز رفتار کار نے لوٹ مار کی کوشش کرنے والے دو ڈاکو کچل دیے، دو فرار

کراچی کنگز کا پشاور زلمی کو جیت کے لیے 238 رنز کا بڑا ہدف

بی بی سی کو انٹر ویو میں بھارت کے سینئر صحافی راجیش بھارتی میڈیا پر پھٹ پڑے

انڈیا میں مین اسٹریم میڈیا میں یعنی چینلز میں پاک بھارت کشیدگی کو ویسے کور کیا جیسے کرنا چاہئیے تھا کے سوال پہ انہوں نے کہا کہ کچھ چیزیں صاف صاف کہہ دینی چاہئیے 8 او 9 مئی کو انڈین میڈیا کی رپورٹنگ نے صحافت کو شرمسار کرنے صحافیوں کی ناک کاٹنے کی مثال قائم کی جسے دنیا بھر کی یونیورسٹیز میں جرنلزم کے طلبا کو پڑھایا جائے گا اور پڑھایا جانا چاہئیے یہ نا تو حب الوطنی کا جذبہ تھا نا انسانی غلطی نا error of judgement یہ جنگ اور خونریزی کو بیچ کر پیسہ کمانے کی وار تھی-

انہوں نے کہا بھارت کے بڑے بڑے چینلز چھوٹے نہیں بڑے نام ور چینلز انہوں نے بڑی غیر ذمو دارانہ رپورٹنگ کی ایک نے کہا بھارتی افواج نے پاکستان کے کیپٹل اسلام آباد پر قبضہ کر لیا ہے ایک بڑے چینل نے کہا کہ پاک فو کے صدر جنرل عاصم منیر کو گرفتار کر لیا ہے ، کسی نے خبر چلائی کہ پاکستان کے وزیراعظم خندق میں چھپ گئے ہیں-

معرکہ بنیان مرصوص،بھارت کیخلاف سائبر جوابی حملہ کی تفصیلات

انہوں نے کہا کہ ایک اور صاحب جن کا نام میجر گورو بھاٹیہ لگتا تھا جیسے وہ خود میزائل کندھے پہ لے کے چڑھ دوڑیں گےاس نے کہا مزا آجائے گا براہموس میزائل سے کراچی پورٹ کو اڑا دو پوری کراچی کو اڑا دو آگ لگا دو کراچی میں یہ کیسی صحافت ہے کیسی رپورٹنگ ہے ہمارے زمانے میں جب ہم نے صحافت شروع کی تھی ایک لفظ کی بھی غلطی ہو جاتی تھی تو منہ چھپانے کے لیے جکہ نہیں ملتی تھی کہیں ساکھ نا ڈوب جائے اپنی ساکھ کی اتنی فکر ہوتی تھی کہ کہیں خبر غلط نانکل آئے یہ غلط خبر دینے میں اینکرز کا اورمائیک لے کر جگہ جگہ جا کر کوریج کرنے والوں کی غلطی نہیں ہے یہ نوکری بابنے کے لئے ہوتا ہےیہ سب بڑے بڑے چینلز کے مالکان کے کہنے پر ہوتا ہے یہ حکمرانوں کے ساتھ بگلغیر ہوتے ہیں ان کے حکم پر کرتے ہیں بن کی گڈ بک میں رہنے کے لئے ان کے فائدے کی خبریں چلواکر اپنا بزنس چلاتے ہیں-

سیاسی مسائل کا سیاسی حل ہونا چاہیے،بیرسٹر گوہر

اسلام آباد: بھارتی میڈیا کے مطابق آپریشن سندور کے دوران بھارت کو کسی پڑوسی ملک کی حمایت حاصل نہ ہو سکی۔

مودی سرکار کی سفارتی اور جنگی ناکامی پر نیو انڈین ایکسپریس نے تنقیدی آرٹیکل جاری کر دیا،جس کے مطابق آپریشن سندور کے دوران بھارت کو کسی پڑوسی ملک کی حمایت حاصل نہ ہو سکی، جبکہ روس اور گلوبل ساؤتھ نے بھی غیر جانبداری اختیار کیے رکھی یورپی یونین کے ساتھ بھی بھارت کی سفارتی کشیدگی ظاہر ہوگئی، روس کی بے رخی نے بھارت کی خارجہ پالیسی کی کمزوریوں کو بے نقاب کردیا۔

انڈین ایکسپریس نے کہا کہ امریکی ثالثی کے بعد بھارت کی قیادت مایوسی اور انکار کی کیفیت میں مبتلا تھی، صدر ٹرمپ نے بھارت کو انتباہ کیا کہ اگر لڑائی نہ رکی تو تجارت بند کردی جائے گی جس سے بھارت کی خارجہ پالیسی پر سوالات کھڑے ہوگئے ہیں۔

پی آئی اے کا پاکستان کی فتح منانے کا منفرد انداز

انڈین ایکسپریس نے لکھا کہ ٹرمپ نے بھارت کی کارروائی کو جارحیت قرار دیا، آپریشن سندور کی قانونی حیثیت پر عالمی سطح پر شکوک و شبہات ابھر رہے ہیں، بھارت کی جانب سے امریکی مفادات کے لیے یک طرفہ رعایتیں ہیں، بھارت نے وائٹ ہاؤس میں وزیرِ اعظم کی ملاقات کے لیے زمین و آسمان ایک کر دیئے۔

انڈین ایکسپریس کے مطابق ٹرمپ سے ملاقات کے فوراً بعد بھارت نے غیر قانونی تارکین وطن کو ذلت آمیز انداز میں فوجی طیاروں کے ذریعے واپس لیا، بھارتی حکومت نے خودداری ترک کرتے ہوئے امریکی دباؤ پر تجارتی محصولات میں نرمی کر دی جس سے زرعی اشیاء بھی متاثر ہوئیں امریکی ٹیکنالوجی کمپنیوں کے حق میں بھارتی پالیسیوں اور قواعد و ضوابط کا ازسرِ نو جائزہ لیا جارہا ہے، نئی دہلی نے امر یکی نیوکلیئر ری ایکٹر کمپنیوں کے لیے قوانین میں ترمیم کا وعدہ کیا جس سے قومی سلامتی پر سوالات کھڑے ہوگئے ہیں۔

عالمی شہرت یافتہ جریدے نے پاکستان کی معاشی کارکردگی کو ’معاشی کرشمہ‘ قرار دیا

آرٹیکل میں لکھا کہ بھارتی حکمران طبقہ کمپریڈر ایلیٹ ہے، جو مکمل طور پر امریکی مفادات کے تابع ہوچکا ہے، بھارت کی معاشی خودمختا ر ی اور قومی وقار امریکی مفادات کے سامنے قربان ہوچکے ہیں جنہیں عوامی سطح پر شدید تنقید کا سامنا ہےبھارت کی کارروائیوں پر انسا نی حقوق کی تنظیموں کی جانب سے مذمت کی گئی جب کہ پاکستان نے اپنی ایٹمی صلاحیت مؤثر انداز میں منوالی، آپریشن سندور جیسے اقدا مات بار بار دہرانے سے نتیجہ نہیں بدلے گا، صرف 100 گھنٹوں میں ناکامی کا سامنا ہوگا، بار بار کی عسکری مہم جوئی سے نہ صرف اثر ختم ہو گا بلکہ قیادت پر عوام کا اعتماد بھی متزلزل ہوگا۔

پیٹرولیم مصنوعات کی قیمتوں میں بڑی کمی کا امکان

انڈین ایکسپریس نے لکھا کہ پاکستان ایک بڑی عسکری طاقت ہے، چند رن وے خراب کر دینا یا ریڈار جام کرنا پاکستان کو مرعوب نہیں کرسکتا، بھارت کے لیے بہتر ہے کہ ٹرمپ جیسے غیر متعصب ثالث سے مدد لے کر مسئلہ حل کرے اور آگے بڑھے ہمیں ہر کچھ عر صے بعد نئی فوجی حکمتِ عملی کا خواب دیکھنا بند کرنا ہو گا، پاکستان ایک ماہر ملک ہے، پاکستان جلد ہی بھارتی حکمت عملی کا مؤثر جواب تیار کر لیتا ہے بھارت کو اپنی ناکام قیادت پر نظر ثانی اور پاکستان کی جوابی صلاحیت کا ادراک کرنا ہوگابھارت کی قیادت امریکی دباؤ کے سامنے جھک گئی جس سے قومی خودمختاری پر سوالات پیدا ہوگئے۔