ایلومینیٹی سے متاثر ہیکرز نے بھارتی ایئرلائنز کے خلاف بم دھمکیوں کی لہر پیدا کر دی ہے،ہیکرز بھارتی ایئر لائن کو بم سے اڑنے کی دھمکی دیتے وقت وی پی این استعمال کرنے لگے
بھارتی ایئرلائنز اور ایئرپورٹس کو نشانہ بنانے والے حالیہ بم دھمکیوں کے پیغامات کے سلسلے میں، سیکیورٹی ایجنسیوں نے دریافت کیا ہے کہ ان میں سے کئی دھمکیاں دیتے وقت وی پی این کا استعمال کیا گیا ہے، وی پی این کے استعمال کی وجہ سے دھمکیاں دینے والوں کے آئی پی ایڈریس لندن، جرمنی اور آخرکار فرانس میں پائے گئے ہیں۔ بھارتی حکام اب جاری تحقیقات کے حصے کے طور پر فرانسیسی سیکیورٹی ایجنسیوں کے ساتھ رابطہ کر رہے ہیں،جمعرات کو بھارتی ایئر لائن کو بم دھمکیوں کے واقعات میں تیزی سے اضافہ ہوا، ایک ہی دن میں 85 نئی دھمکیاں سامنے آئیں۔ یہ دھمکیاں بڑی ایئرلائنز کو نشانہ بنانے کے لئے دی گئیں، جن میں ایئر انڈیا، انڈیگو، اور وِستارا کے 20 پروازیں شامل تھیں، ساتھ ہی 13 اکاسا پروازیں، 5 اسپائس جیٹ پروازیں، اور 5 الائنس ایئر پروازیں بھی متاثر ہوئیں۔ اس سے پہلے، بھارت پہلے ہی ایئرلائنز اور ایئرپورٹس کو بم دھمکیوں کے عروج کا سامنا کر رہا تھا، بھارت میں ایئر لائن اور ایئر پورٹس کو بم سے اڑانے کی دھمکیوں کے 190 سے زائد واقعات سامنے آ چکے ہیں، اکتوبر کے وسط میں صرف ایک ہفتے کے اندر 70 دھمکیاں دی گئیں،
دہلی کے سیکیورٹی حکام کا شک ہے کہ ایک پیچیدہ ہیکر گروپ دھمکیاں دے رہا ہے، جو ممکنہ طور پر ایک خفیہ تنظیم کی طرح کام کر رہا ہے جس کا تعلق سازشی نظریات سے ہے، جیسے کہ ایلومیینیٹی خفیہ گروپ، گروپ کا ایلومیینیٹی جیسے رویے سے یہ ظاہر ہوتا ہے کہ یہ ہیکرز اپنے نشانے پر خوف و ہراس پھیلانے کے لیے پراسرار طاقت کا تاثر قائم کر رہے ہیں۔حکام کے مطابق، ہیکر گروپ کا رویہ مشہور ایلومیینیٹی خفیہ سوسائٹی کی طرح دکھائی دیتا ہے، جو ایلومیینیٹی سے جڑی کہانیوں اور گمراہ کن نظریات کا عکاسی کرتا ہے۔ ایسے طریقے اختیار کرکے، گروپ ایک خوفناک اور پراسرار موجودگی قائم کرنے کی کوشش کر رہا ہے، جس سے تحقیقات مزید پیچیدہ ہو رہی ہیں۔
ذرائع کا کہنا ہے کہ حکام ممکنہ طور پر نفسیاتی پروفائلنگ ماہرین کی مدد لینے پر غور کر سکتے ہیں تاکہ اس گروپ کے محرکات کو بہتر طور پر سمجھ سکیں۔ بھارتی ایئر لائن اور ایئر پورٹس کو بم سے اڑانے کی دھمکیوں کے بعد جاری تحقیقات میں، چھتیس گڑھ کے ایک 17 سالہ کم عمر نوجوان پر بھی ایجنسیوں کی نظر پڑ گئی ۔ یہ گیارہویں کلاس کا طالب علم پچھلے ہفتے بین الاقوامی پروازوں کے خلاف دھمکی آمیز پیغامات پوسٹ کرنے کے الزام میں گرفتار کیا گیا، گرفتار لڑکے کا کم از کم 19 ایسی دھمکیوں سے منسلک ہونے کا شبہ ہے، اور ایجنسیاں اس کے کردار کی تحقیقات کر رہی ہیں،بھارت کی اعلیٰ ایجنسی حکام کے مطابق، دھمکیوں کے واقعات میں ملوث ہیکرز ہارڈویئر وی پی اینز کا استعمال کرتے دکھائی دیتے ہیں، جو انہیں ٹریس کرنا اور ان کی حقیقی شناخت معلوم کرنا مزید پیچیدہ بناتے ہیں۔ یہ وی پی این نیٹ ورک کی سطح پر ٹریفک کو روٹ کرتے ہیں اور اکثر مختلف ممالک میں کام کرتے ہیں۔ ہارڈویئر وی پی اینز ایک اضافی حفاظتی تہہ فراہم کرتے ہیں، جس کی وجہ سے اصل آئی پی کو ٹریس کرنا مشکل ہو جاتا ہے۔ تاہم، میٹا ڈیٹا تجزیہ ممکنہ طور پر سراغ فراہم کر سکتا ہے، خاص طور پر اگر ہیکرز غلطیاں کریں، جیسے بار بار ایک ہی وی پی این سرورز کا استعمال کریں،ہیکرز ممکنہ طور پر وی پی اینز کے ساتھ ورچوئل مشینوں کا استعمال کر رہے ہیں تاکہ اپنی سرگرمیوں کو مزید چھپایا جا سکے۔ سیکیورٹی ٹیمیں ڈیٹا کے بہاؤ میں مشکوک پیٹرن کو مانیٹر کرکے اس کے علامات تلاش کر سکتی ہیں۔
تحقیقات کی بین الاقوامی نوعیت کو مدنظر رکھتے ہوئے، بھارت کی قومی تکنیکی تحقیقاتی تنظیم (این ٹی آر او)، سول ایوی ایشن سیکیورٹی بیورو (بی سی اے ایس)، وزارت داخلہ، اور مختلف انٹیلیجنس ایجنسیوں نے اس ابھرتے ہوئے خطرے سے نمٹنے کے لیے اپنی کوششیں بڑھا دی ہیں۔ سائبر سیکیورٹی کے یونٹ ہیکرز کی شناخت کرنے اور ملک کی ہوا بازی کے شعبے میں مزید خلل ڈالنے سے روکنے پر توجہ مرکوز کر رہے ہیں۔
جاری تحقیقات میں ایک سینئر سائبر فارنزک تجزیہ کار نے پیشہ ور ہیکرز کی جانب سے استعمال ہونے والی جدید تکنیکوں پر روشنی ڈالی ہے۔ حکام کے مطابق، ہارڈویئر وی پی اینز مخصوص آلات ہیں جو اعلیٰ سطح کی انکرپشن اور نیٹ ورک کی گمنامی کے لیے بنائے گئے ہیں۔ہارڈویئر وی پی این ایک مخصوص آلہ ہے جو خود بخود انکرپشن اور وی پی این کی فعالیت کا انتظام کرتا ہے، کمپیوٹروں یا موبائل ڈیوائسز کی ضرورت کو ختم کرتا ہے۔ یہ براہ راست نیٹ ورک سے جڑ کر ایک اضافی حفاظتی تہہ فراہم کرتا ہے جسے توڑنا مشکل ہوتا ہے۔ نیٹ ورک کی سطح پر کام کرتے ہوئے، ہارڈویئر وی پی اینز نیٹ ورک میں موجود تمام آلات کے آئی پی ایڈریس کو ماسک کر سکتے ہیں، جس سے انفرادی صارفین کا سراغ لگانا تقریباً ناممکن ہو جاتا ہے،
ایک ہی دن میں انڈیا کے درجنوں مسافر طیاروں کو بم کی دھمکیاں موصول
امریکن ایئر لائنز پھر بحران کا شکار،ملازمین نوکریوں سے فارغ
کوکین سمگل کرنے کا جرم،امریکن ایئر لائن کے سابق مکینک کو سزا
جہاز میں بم ہے،پرچی ملنے کے بعد ہنگامی لینڈنگ
بم کی دھمکی ملنے کے بعد بھارتی ایئر لائن کا رخ موڑ دیا گیا
ایئر انڈیا کو بم سے اڑانے کی دھمکی افواہ نکلی
احمد آباد میں کچھ اسکولوں کو بم سے اڑانے کی دھمکیاں
ممبئی میں تین بڑے بینکوں کو دھمکی آمیز ای میل موصول
ویڈیو لیک ہونے سے کیسے بچا جا سکتا ہے؟ڈیٹا ریکوری کا طریقہ
ایئر انڈیا کی پرواز کو بم سے اڑانے کی دھمکی کے بعد ہر طرف افرا تفری
بھارت میں طیارے کا اے سی نہ چلنے پر مسافر برہم ہو گئے
