Tag: بین الاقوامی

سعودی عرب کے وزیر خارجہ شہزادہ فیصل بن فرحان شامی دارالحکومت دمشق پہنچ گئے۔

باغی ٹی وی : عرب میڈیا کے مطابق شام کے صدر بشارالاسد نے سعودی وزیر خارجہ کا شام پہنچنے پر استقبال کیا،سعودی وزیر خارجہ شہزادہ فیصل بن فرحان نے شامی صدر بشارالاسد اور وزیر خارجہ سے ملاقات کی، جس میں قیام امن سمیت دیگر اہم امور پر تبادلہ خیال کیا گیا۔

اسرائیل اورفلسطین کےدرمیان امن مذاکرات میں سہولت فراہم کرنےکیلئےتیارہیں،چین

سعودی وزیر خارجہ نے کہا کہ شام میں قیام امن اور شامی پناہ گزینوں کی واپسی سمیت دیگر امور کے حوالے سے سعودی عرب گہری دلچسپی رکھتا ہے۔

شامی صدر کا کہنا تھا کہ تمام عرب ممالک ایک رشتے میں جڑے ہیں جن کے درمیان بہتر تعلقات سے خطے کی ترقی و خوشحالی کا انحصار ہے۔

سعودی وزارتِ خارجہ نے ایک بیان میں کہا ہے کہ شہزادہ فیصل کا دورہ شام کے بحران کے سیاسی حل تک پہنچنے کی سعودی عرب کی خواہش اور دلچسپی کے دائرے میں آتا ہے سعودی عرب شام کے بحران کے ایسے حل کا حامی ہے جو اس کے اتحاد، سلامتی، استحکام اور اس کی عرب شناخت کو برقرار رکھے اور اسے اس کے عرب ماحول میں اس طرح بحال کرے جس سے اس کے برادرعوام کی فلاح وبہبود میں مدد ملے-

کویت کے ولی عہد کا قومی اسمبلی کو تحلیل کرنے کا اعلان،الیکشن کرانے کا فیصلہ

سعودی میڈیا کے مطابق بیانات میں عرب لیگ کے سربراہی اجلاس کا کوئی ذکرنہیں کیا گیا جو کہ اگلے ماہ ریاض میں ہوگا۔

واضح رہے کہ 2011 کے بعد سعودی وزیرخارجہ کا یہ پہلا سرکاری دورہ ہے، شام کی دہائیوں سے جاری علاقائی تنہائی کو ختم کرنے کی طرف اہم قدم ہے، شام میں 2011 کی خانہ جنگی کے بعد سے سعودی عرب سمیت دیگر عرب ممالک کے شام سے تعلقات منقطع تھے۔

یاد رہے کہ گذشتہ ہفتے شامی وزیر خارجہ فیصل المقداد نے سعودی عرب کا دورہ کیا تھا، سعودی عرب اور شام نے گزشتہ ماہ تعلقات بحالی پر اتفاق کیا تھا۔

سعودی عرب کے ساتھ معمول کے تعلقات اور امن چاہتے ہیں،اسرائیلی وزیراعظم

رباط: غیر ملکی شہریت کی حامل امیر بھکارن کو عدالت نے فراڈ کے الزام میں قید کی سزا سنا دی ہے۔

باغی ٹی وی : العربیہ  کے مطابق جس بھکارن کو عدالت نے سزا سنائی ہے اسے مراکش کے شہر اکادیر میں بھکاریوں کے خلاف کریک ڈاؤن کے دوران گرفتار کیا گیا تھا گرفتار کی جانے والی بھکارن سے دوران تفتیش معلوم ہوا کہ وہ نہ صرف بے پناہ دولت و قیمتی جائیدادوں کی مالک ہے، ایک پوش علاقے میں دو مکانات اور جائیداد کی مالک ہے، بینک اکاؤنٹ ہولڈر بھی ہے بلکہ مراکش کے علاوہ سوئزر لینڈ کی شہریت کی بھی حامل ہے-

امریکا میں سپریم کورٹ اور وفاقی ججز کیلئے نئے ضابطوں کا اطلاق

میڈیا کے مطابق دو سال قبل بھی مراکش میں ایک بھکارن کو اس وقت گرفتار کیا گیا تھا جب وہ بھیک مانگنے کے بعد اپنی لگژری گاڑی میں جا کر بیٹھی اور پرانے و پھٹے پرانے کپڑے تبدیل کر کے انتہائی مہنگے کپڑوں میں ملبوس ہو کر وہاں سے چلی گئی تھی۔

اس حوالے سے مراکشی شہریوں نے ملک میں بھیک مانگنے اور دھوکہ دہی کے ذریعے مادی منافع حاصل کرنے کے بڑھتے ہوئے رجحان کی مذمت کرتے ہوئے اس کی روک تھام کے لیے مہمات اور حفاظتی نگرانی کو تیز کرنے کی ضرورت پر زور دیا۔

پاکستانی نژاد نومنتخب اسکاٹش فرسٹ منسٹرحمزہ یوسف کی سرکاری رہائشگاہ پرافطاری اور نماز کی ادائیگی

اس صورتحال پر مراکش کے ایک سوشل میڈیا ایکٹیوسٹ محمد الہنودی نے شیئر کی گئی پوسٹ میں لکھا ہے کہ مراکش میں بھیک مانگنے کا رجحان پریشان کن ہو گیا ہے جہاں زیادہ تر بھکاری بھیک مانگنے کو ایک منافع بخش اور آرام دہ پیشے کے طورپر اپناتے ہیں حالیہ دنوں میں بھیک مانگنے کا طریقہ بدل گیا ہے، بھکاریوں نے لوگوں پر دباؤ ڈالنا اور اصرار کرنا شروع کردیا ہے جو بعض اوقات اشتعال انگیزی تک پہنچ جاتا ہے قانون سازی "بھکاریوں کی بھیڑ کو روکنے میں مددگار ثابت نہیں ہورہی –

سعودی عرب نے شنگھائی تعاون تنظیم میں شمولیت اختیار کرلی

مراکش میں ضابطہ فوجداری ہر اس شخص کے خلاف قانونی چارہ جوئی کے لیے جواز فراہم کرتا ہے جس کے پاس روزی کمانے کا ذریعہ ثابت ہو گیا ہو یا وہ اسے کام کرنے اور کسی قانونی طریقے سے کمانے کے قابل ہو۔ اور آرٹیکل 326 ،327 اور 328، کے تحت اس کی خلاف ورزی کی سزا ایک سے چھ ماہ تک قید ہے۔

واشنگٹن: سابق امریکی صدر ڈونلڈ ٹرمپ پر فرد جرم عائد کیے جانے کا امکان ہے۔

باغی ٹی وی: گرینڈ جیوری ٹرمپ پر فردجرم سے متعلق ووٹنگ آج کر سکتی ہے، ٹرمپ کی ممکنہ گرفتاری اور فرد جرم عائد ہونے سے متعلق پولیس ہائی الرٹ ہے اور نیویارک میں ٹرمپ ٹاور کے قریب رکاوٹیں کھڑی کردی گئی ہیں کسی بھی سابق امریکی صدر پر مجرمانہ الزام کا امریکی تاریخ کا یہ پہلا کیس ہو گا –

ڈونلڈ ٹرمپ پر آج فرد جرم عائد ہونے کا امکان

میڈیا رپورٹس کے مطابق ڈونلڈ ٹرمپ نے اپنی گرفتاری کا خدشہ ظاہر کرتے ہوئے حامیوں کو احتجاج کی کال دی تھی، ٹرمپ کے 40 کے قریب حامیوں کی جانب سے فلوریڈا میں ریلی نکالی گئی ہے۔

منگل کو ٹرمپ کے چند درجن حامی جمع ہوئے، جیسا کہ انہوں نے ایف بی آئی کی اگست میں مار-اے-لاگو کی فلوریڈا کے بنگھم جزیرے پرحامیوں نے ٹرمپ اور QAnon کے جھنڈے لہرائے کہا کہ نہیں، یہ کوئی احتجاج نہیں تھا اور ممکنہ فرد جرم نے انہیں ذرا بھی پریشان نہیں کیا۔

امریکی میڈیا ٹائیکون کا 92 سال کی عمر میں پانچویں شادی کرنے کا اعلان

ڈونلڈ ٹرمپ نے دعویٰ کیا ہے کہ انہیں 2016 میں فحش فلموں کی اداکارہ اسٹورمی ڈینیئلز کو ایک لاکھ ڈالر کی رقم ادائیگی کی تحقیقات کے نتیجے میں منگل کو گرفتار کیا جائے گا۔

مظاہرین نے کہا کہ ہم صرف ایک بڑی پارٹی کریں گے اور اس پر ہنسیں گے، کیونکہ یہ مضحکہ خیز ہے،ایک اور حامی، جس نے نام ظاہر کرنے سے انکار کیا، کہا، "مجھے صدر ٹرمپ کے لیے گرفتار کیا جائے گا – وہ ایک عظیم آدمی ہے۔

نیویارک میئرایرک ایڈمز کا کہنا ہے کہ ہم سوشل میڈیا پر تبصروں کی نگرانی کر رہے ہیں، محکمہ پولیس اس بات کو یقینی بنانے کے لیے اپنا معمول کا کردار ادا کر رہا ہے کہ شہر میں کوئی نامناسب کارروائی نہ ہو، ہمیں یقین ہے کہ ہم ایسا کرنے کے قابل ہو جائیں گے۔

یوکرین تنازع کے حل کیلئے چین کی تجاویزپرامریکا کا ردعمل

سعودی عرب میں دسمبر کے دوران افراطِ زرکی شرح 3.3 فی صد،مکانات کی وجہ سے مہنگائی میں اضافہ

سعودی عرب کے سرکاری اعداد و شمار کے مطابق دسمبر میں افراط زر کی شرح 3.3 فی صد رہی ہے۔نومبر میں یہ شرح 2.9 فی صد تھی۔ سعودی عرب کی جنرل اتھارٹی برائے شماریات کا کہنا ہے کہ دسمبر میں قیمتوں میں 0.3 فی صد اضافہ ہوا جبکہ نومبرمیں 0.1 فی صد ماہانہ اضافہ ہوا تھا۔ مکانات، پانی، بجلی، گیس اور دیگرایندھن کی قیمتوں میں ایک سال پہلے کے مقابلے میں 5.9 فی صد اضافہ ریکارڈ کیا گیا ہے اور نومبر کے مقابلے میں 0.9 فی صد زیادہ تھا۔یہ تمام اشیاء صارفین کی کل ماہانہ خریداری کا 25.5 فی صدہیں۔

ادارہ شماریات کا کہنا ہے کہ افراط زرکی شرح میں یہ اضافہ ‘گھروں کے اصل کرایوں میں 1.1 فی صد اضافے کے نتیجے میں ہوا ہے۔ اشیائے خورونوش کی قیمتیں، جو 2022ءکے زیادہ تر عرصے کے دوران میں افراط زر کا بنیادی محرک تھیں، ماہانہ بنیاد پر0.1 فی صد گر گئیں، حالانکہ دسمبر2021ء کے مقابلے میں ان میں اب بھی 4.2 فی صد اضافہ ہوا ہے۔

جنرل اتھارٹی برائے شماریات نے ایک علاحدہ رپورٹ میں کہا ہے کہ 2022ء کے سالانہ کنزیومر پرائس انڈیکس میں 2021 کے مقابلے میں 2.5 فی صد اضافہ ہوا، جس کی بنیادی وجہ اشیائے خورونوش کی قیمتوں میں 3.7 فی صد اور ٹرانسپورٹ کی قیمتوں (کرایوں) میں 4.1 فی صد اضافہ ہے۔

اتھارٹی کا کہنا ہے کہ 2022 میں مکانات کے زمرے میں 1.8 فی صد اضافہ ہوا، جس کی بنیادی وجہ ہاؤسنگ کے اصل کرایوں میں 2.0 فی صد اضافہ ہے۔ واضح رہے کہ سعودی وزارت خزانہ نے مالی سال 2023 کے بجٹ بیان میں کہا تھا کہ اسے 2022 کے آخر تک اوسط افراط زر کی شرح 2.6 فی صد رہنے کی توقع ہے۔