Tag: تازہ ترین

سپریم کورٹ میں ارشد شریف قتل پرازخود نوٹس کیس کی سماعت ہوئی

ارشد شریف کی والدہ نے سپریم کورٹ کے ازخود نوٹس پر اعتراض کردیا، وکیل والدہ ارشد شریف شوکت عزیز صدیقی نے عدالت میں کہا کہ ارشد شریف کیس پر سپریم کورٹ کی کاروائی پر تحفظات ہیں،سپریم کورٹ معاملے کی نگرانی نہیں کر سکتی،سپریم کورٹ شہناز بی بی کیس میں واضح کر چکی کہ عدالت کے پاس سپروائز کرنے کا اختیار نہیں،سپریم کورٹ سے درخواست ہے کہ اس کیس کی نگرانی نہ کرے،جسٹس فار پیس کو یہ معاملہ بھجوایا جائے،جسٹس مظاہر علی اکبر نقوی نے ریمارکس دیتے ہوئے کہا کہ سپریم کورٹ تحقیقات کی نگرانی کر سکتی ہے،وکیل شوکت عزیز صدیقی نے کہا کہ کیا سپریم کورٹ نے فیصلے پر نظرثانی کر لی ،یا فیصلہ بدل گیا ؟ جسٹس جمال مندو خیل نے وکیل سے مکالمہ کرتے ہوئے کہا کہ کیا ہم یہ کیس نہ سنیں؟ وکیل نے عدالت میں کہا کہ ارشد شریف کی والدہ اپنے موقف کے مطابق ایف آئی آر درج کرانا چاہتی ہیں، ہماری استدعا ہے کہ ارشد شریف کیس میں گناہ گاروں کو سزا ملے اور بے گناہ لپیٹ میں نہ آئے، جسٹس اعجاز الاحسن نے ریمارکس دیتے ہوئے کہا کہ ہم یہاں کسی کو سزا اور بری نہیں کررہے صرف تحقیقات میں سہولیات فراہم کررہے ہیں،

دوران سماعت چیف جسٹس عمر عطا بندیال نے ریمارکس دیتے ہوئے کہا کہ ہم نے ایک نامور صحافی کے قتل پر از خود نوٹس لیا،سپریم کورٹ صحافت کے شعبہ کا بے حد احترام کرتی ہے،بنیادی انسانی حقوق کی خاطر عدالت نے از خود نوٹس لیا،23اکتوبر کو قتل ہوا عدالتی نوٹس سے پہلے آپ کہاں تھے؟ ارشد شریف ایک اہم شعبے کے اہم فرد تھے، بہت دکھ ہے کہ ارشد شریف کیس میں کوئی پیشرفت نہیں ہوئی،دفتر خارجہ دو ممالک سے ارشد شریف کیس میں مدد لینے میں ناکام رہا، وکیل نے کہا کہ ارشد شریف کی والدہ روزانہ جیتی اور روزانہ مرتی ہیں لیکن مرضی کے مطابق ایف آئی آر درج نہیں کراسکتی، اگر ہماری ایف آئی آر غلط ہوئی تو بے شک خارج کردیں لیکن مقدمہ تو ہماری مرضی کا درج ہونا چاہیے، چیف جسٹس عمر عطا بندیال نے ریمارکس دیتے ہوئے کہا کہ صحافیوں کا عدالت بہت احترام کرتی ہے صحافی ہمیں کچھ بھی کہیں کبھی توہین عدالت کی کارروئی نہیں کی، صحافی کو قتل کردیا گیا جو دوسروں کیلئے سبق ہو سکتا ہے،ارشد شریف صحافی اس ملک کا شہری تھا، صحافیوں کے بنیادی حقوق کے تحفظ کیلئے عدالت نے سوموٹو لیا، جے آئی ٹی کے کام میں عدالت نے کوئی مداخلت نہیں کی،عدالت نے ارشد شریف کی والدہ کے وکیل شوکت عزیز صدیقی کو نشست پر بیٹھنے کی ہدایت کر دی

چیف جسٹس عمر عطا بندیال نے ریمارکس دیتے ہوئے کہا کہ سپریم کورٹ کے از خود نوٹس سے پہلے تو کچھ ہو ہی نہیں رہا تھا سپریم کورٹ کے از خود نوٹس سے پہلے تو کچھ ہو ہی نہیں رہا تھا ارشد شریف کا قتل کینیا میں ہوا یہ دو ممالک کے درمیان معاملہ ہے،ہم نہ تو کسی کو اس کیس میں پھنسانا اور نہ ہی کسی کو نکالنا چاہتے ہیں،قانون کے مطابق اس کیس کو چلانا چاہتے ہیں،ہمارا اس کیس میں کوئی ذاتی مفاد نہیں ،اٹارنی جنرل سے تحقیقات سے متعلق معلومات لیتے ہیں، ساڑھے پانچ ہفتے انتظار کے بعد سوموٹو لیا،ارشد شریف ازخود نوٹس کیس کی سماعت تین ہفتوں تک ملتوی کر دی گئی

چیف جسٹس عمر عطا بندیال نے ریمارکس دیتے ہوئے کہا کہ ارشد شریف کی والدہ نے درخواست کی تھی اورجوڈیشل کمیشن بنانے کیلئے خط لکھا تھا تحقیقاتی معاملات میں بہت سی چیزیں خفیہ ہوتی ہیں،اگر سپریم کورٹ نے جے آئی ٹی کو مانیٹر نہ کیا تو پیشرفت سست رہے گی،سپریم کورٹ نے جوڈیشل کمیشن بنایا نہ تحقیقات میں مداخلت کر رہی ہے، شوکت صدیقی نے درست کہا کہ سپریم کورٹ تفتیش نہیں کر سکتی،اگر سپریم کورٹ نے جوڈیشل کمیشن بنا دیا تو پھر سب کو طلب بھی کر سکیں گے،اس نکتے پر شفافیت چاہیے کہ کیا ہوا اور کیسے ہوا،اس دور میں فیک نیوز، جھوٹے الزامات اور پراپیگنڈہ کی بھرمار ہے،جو ارشد شریف کو بیرون ملک سپورٹ اور تحفظ دے رہے تھے ان پر بھی الزامات ہیں،کچھ اور لوگوں پر بھی الزامات عائد کیے جا رہے ہیں،اس وقت شدید انتشار اور تقسیم کی کیفیت ہے،ارشد شریف قتل نے صحافیوں میں دہشت پھیلا رکھی ہے،ہمیں بھی بطور شہری ارشد شریف کے قتل پر تشویش ہے،عدالت صرف شفاف اور بروقت تحقیقات چاہتی ہے،شفاف تحقیقات تب تک نہیں ہو سکتیں جب تک رکاوٹیں ختم نہ ہوں،ایسا کوئی تاثر نہیں ہونا چاہیے کہ ارشد شریف قتل کی تحقیقات میں کوئی رخنہ ڈالا جا رہا ہے،

جویریہ صدیق نے ٹویٹر پر ارشد شریف کی جانب سے مریم نواز کی والدہ کے لیے دعا کا سکرین شاٹ شیئر کیا اور مریم نواز کو مخاطب کرتے ہوئے کہا کہ کچھ شرم کر۔ اللہ سے ڈر

اسلام آباد ہائیکورٹ کاسیکرٹری داخلہ و خارجہ کو ارشد شریف کے اہلخانہ سے رابطے کا حکم

 ارشد شریف کا لیپ ٹاپ ، تحریک انصاف کے چیئرمین عمران خان کے قریبی ساتھی کے پاس ہے

ارشد شریف قتل کیس، رپورٹ میں ایسا کیا ہے جو سپریم کورٹ میں جمع نہیں کرائی جا رہی؟ سپریم کورٹ

خیال رہے کہ 23 اکتوبر کو نیروبی مگاڈی ہائی وے پر شناخت میں غلطی پر پولیس نے ارشد شریف کو سر پر گولی مار کر ہلاک کردیا تھا تاہم ارشد شریف کے قتل کیس کی تحقیقات جاری ہیں جس میں کینیا پولیس کے مؤقف میں تضاد پایا گیا ہے

ارشد شریف قتل کیس،جے آئی ٹی کو تفتیش کے لئے مکمل تیار رہنا ہوگا،سپریم کورٹ

صحافی ارشد شریف قتل کیس،پی ایف یوجے نے سپریم کورٹ کو تحقیقات کے لیے خط لکھا تھا،پی ایف یو جے نے چیف جسٹس  سے معاملے پر ازخود نوٹس کی اپیل کی تھی،پی ایف یو جے نے سپریم کورٹ کے حاضر سروس جج کی سربراہی میں کمیشن بنانے کی استدعا کی تھی، خط مین کہا گیا کہ ارشد شریف کے قتل سے صحافی برادری گہرے صدمے میں ہیں،پوری قوم ارشد شریف قتل سے جڑے سوالات کے جوابات چاہتی ہے، ارشد شریف کی فیملی اور صحافی برداری کو عدالت عظمیٰ پر اعتماد ہے،سپریم کورٹ صحافی برداری اور ارشد شریف کی فیملی کو انصاف فراہم کرے،

ترجمان دفتر خارجہ نے کہا ہے کہ بھارت میں اقلیتوں کے خلاف کارروائیوں پر تشویش ہے ،ظفر اکبر بٹ سمیت کئی حریت رہنماؤں کو تحویل میں لیا گیا پاکستان مسئلہ کشمیر کے حل تک کشمیری عوام کی مدد جاری رکھے گا ،

ترجمان دفتر خارجہ ممتاز زہرا بلوچ نے ہفتہ وار میڈیا بریفنگ کے دوران کہا کہ چینی وزیر خارجہ کی دعوت پر سیکریٹری خارجہ اسد مجید خان بیجنگ میں ہیں پاکستان اور چین کے مابین مختلف شعبوں میں تعاون بڑھانے پر بات چیت جاری ہے، پاکستان ایس سی او کا متحرک ممبر ہے ،پاکستان کا بھارت میں ایس ای او ہائی لیول میٹنگزمیں شرکت کا فیصلہ نہیں ہوا،سی پیک کے تحت چین نے پاور سیکٹر میں انویسٹمنٹ کی چین نے معاشی بحران سے نکلنے میں پاکستان کی مدد کی،بلاول بھٹونے او آئی سی کونسل آف فارن منسٹر اجلاس میں شرکت کی ،بلاول بھٹو نے مسئلہ کشمیر اور فلسطین کے حل پر زور دیا آفتاب کھوکھر اسسٹنٹ سیکریٹری جنرل او آئی سی نامزد کیے گئے ہیں ،وزیر مملکت خارجہ حنا ربانی کھر نے کامن ویلتھ منسٹر کانفرنس میں شرکت کی،پاکستان اور آسٹریلیا کے وفود نے اسلام آباد میں ملاقات کی ،جسٹس منیب اختر نے نئی دہلی ایس سی او کانفرنس میں ورچوئل شرکت کی ،خرم دستگیر نے انرجی کے حوالے سے ایس سی او کانفرنس میں اظہار خیال کیا

ترجمان دفتر خارجہ کا مزید کہنا تھا کہ پاکستان سعودیہ اور ایران کے تعلقات بحالی کا خیر مقدم کرتا ہے ،پاکستان دونوں ممالک کو قریب لانے میں چین کے کردار کو سراہتا ہے پاکستان کو دنیا میں بھی بڑھتے اسلام فوبیا کے رجحان پر تشویش ہے مساجد پر حملے ، حجاب پر پابندی اوردیگر واقعات قابل مذمت ہے،وزیرستان میں ڈرون حملے کی خبروں پر آئی ایس پی آر بیان جاری کرچکا ہے وزیر خارجہ کا کام دنیا میں پاکستان کی نمائندگی کرنا ہے سمجھ سے بالاتر ہے وزیر خارجہ کے غیر ملکی دوروں پر سوالات کیوں ہوتے ہیں وزیر خارجہ کا کام ہی خارجہ امور کو دیکھنا اور مختلف فورمز پر پاکستان کی ترجمانی کرنا ہے

بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

طالبعلم کے ساتھ گھناؤنا کام کرنیوالا قاری گرفتار،قبرستان میں گورکن کی بچے سے زیادتی

سرسید پولیس نے خفیہ اطلاع پر کاروائی ماموں بھانجا اسٹریٹ کریمنلز گرفتار کر لئے

لاہور ہائیکورٹ،زمان پارک آپریشن روکنے کے لیے درخواست پر سماعت ہوئی

سرکاری وکلاء اور پی ٹی آئی کے وکلاء کمرہ عدالت پہنچ گئے ،تحریک انصاف کے رہنما فواد چودھری روسٹرم پر آ گئے اور کہا کہ عدالت نے لوگوں کی زندگیاں بچائی ہیں ہم مشکور ہیں گزشتہ روز آئی جی سے عدالتی حکم پر ملاقات ہوئی،آئی جی پنجاب سے تین ایشو پر بات ہوئی،پہلا عمران خان کی سیکیورٹی سے متعلق تھا ،عمران خان آج بھی عدالت جانے کےلیے تیار ہیں ، اور کل بھی تیار ہونگے دونوں طرف سے لوگ زخمی ہوئے ، ہم چاہتے ہیں گرفتاریاں نہ کریں معاملے پر مداخلت نہیں کر سکتا ،کیمرے لگے ہیں لوگوں کی نشاندہی کریں،جسٹس طارق سلیم شیخ نے ریمارکس دیتے ہوئے کہا کہ ذمہ داروں کے خلاف جو قانونی کارروائی بنتی ہیں وہ کریں،

آئی جی پنجاب نے عدالت میں کہا کہ ہمارا فیصلہ ہوا ہے کہ تحریک انصاف کا ایک فوکل پرسن ہو گا، ہم نے کہا ہے کہ کسی علاقے کو نو گو ایریا نہیں بننے دیا جائے گا،عدالت نے تحریک انصاف کے وکیل کو کہا کہ اگر آپ کو سیکیورٹی نہیں ملتی تو آئی جی کو درخواست دیں ،اگر آپ مطمئن نہیں ہوتے تو عدالتوں سے رجوع کر سکتے ہیں کنٹینرز لگانا مناسب نہیں ،یہ ہمیں ایکسپورٹ کے لیے استعمال کرنے چاہیے آپ جو بھی چاہتے ہیں اسے طریقہ کار سے کریں اور باقاعدہ درخواست دیں، فواد چودھری نے عدالت میں کہا کہ ہم نے صرف 123 پولیس اہلکاروں پرتحفظات ظاہر کیے،پی ٹی آئی اتوار کی بجائے پیر کو جلسہ کرے گی،ایڈیشنل سیکریٹری داخلہ کی درخواست کو منظورنہ کیا جائے،عدالت نے ریمارکس دیتے ہوئے کہا کہ جس نے بھی زیادتی کی ہے کیمرے موجود ہیں ان کوسامنے لایا جانا چاہیے،فواد چودھری نے کہا کہ پولیس کی جانب سے زیادتی کرنے والوں کے خلاف کارروائی ہونی چاہیے،جسٹس طارق سلیم شیخ نے ریمارکس دیتے ہوئے کہا کہ دونوں اطراف جس کی بھی زیادتی ہے کارروائی ہونی چاہیے،

فواد چودھری نے عدالت میں کہا کہ عمران خان کو لاہور ہائیکورٹ تک محفوظ آنے کی اجازت دی جائے،عدالت نے فواد چودھری سے مکالمہ کرتے ہوئے کہا کہ آپ کو کوئی سیکیورٹی چاہیے تو قانونی طریقہ کار کےمطابق اجازت لیں،فواد چودھری نے کہا کہ ہم نے جلسے جلوسوں کےلیے 5 دن پیشگی اجازت لینے کے لیے چیف سیکریٹری سے اتفاق کیا،پولیس نے ایک مقدمے میں 500 اور دوسرے میں 2500 نامعلوم افراد کو شامل کرلیا،اعظم نذیر تارڑ روز بیان دے رہے ہیں کہ مل کر بیٹھیں اور مسائل کا حل کریں،وزیر اعظم شہباز شریف نے بھی بات چیت کا کہا ہے اس عمل کو بیان سے آگے بھی بڑھائیں اورملنے کی تاریخ اور مقام بتا دیں ،عمران خان پہلے ہی مذاکرات کی حمایت کر چکے ہیں ،عدالت نے فواد چودھری سے استفسار کیا کہ ناقابل ضمانت وارنٹ گرفتاری کی تعمیل کیسے ہوگی؟ صدر لاہورہائیکورٹ بار نے کہا کہ ناقابل ضمانت وارنٹ گرفتاری کی تعمیل کے دو طریقے کار ہیں ،میں سی سی پی او کے پاس انڈر ٹیکنگ لیکر گیا قانون میں وارنٹ گرفتاری کی تعمیل کا طریقہ کار دیا گیا ہے،وارنٹ گرفتاری تعمیل کنندہ لیکر جائے گا اور تعمیل کرائے گا، عدالت نے ریمارکس دیتے ہوئے کہا کہ اگر رکاوٹیں ہونگی تو پھر وارنٹ گرفتاری کی تعمیل کیسے ہوگی ؟ وکیل نے کہا کہ وارنٹ گرفتاری پرجو ایڈریس لکھا ہو گا تعمیل کنندہ متعلقہ ایڈریس پر جائے گا، اگر متعلقہ ایڈریس پر ملزم موجود نہیں تو پھر تعمیل کنندہ عدالت کو بتائے گا، جسٹس طارق سلیم شیخ نے استفسار کیا کہ اگر تعمیل کنندہ کینال پر پہنچ گیا اوررکاوٹیں کھڑی ہیں تو پھر کیا ہوگا ؟ وکیل نے کہا کہ اگر ملزم جان بوجھ کر وارنٹ موصول نہیں کرتا تو پھر عدالت کے پاس اشتہاری قرار دینے کا اختیار ہے،عدالت نے ریمارکس دیتے ہوئے کہا کہ یہ قانون تو تب لاگو ہو گا جب تعمیل کنندہ ملزم کے گھر پہنچے گا یہاں تو صورت حال مختلف ہے، آئی جی پنجاب نے کہا کہ پیٹرول بم چلے ہیں،کیا ہمیں جا کرشواہد اکٹھے کرنے کی اجازت ہے؟ کیا ایس ایس پی یا ڈی آئی جی آپریشنز کو جائے وقوعہ پر جانے کی اجازت ہے؟ عدالت یہ حکم جاری کرے ہم جائے وقوعہ سے شواہد اکٹھے کرسکیں ،عدالت نے ریمارکس دیتے ہوئے کہا کہ یہاں تو تعمیل کنندہ گھر تک پہنچ ہی نہیں پا رہا،کسی بھی مہذب ملک میں ایسا نہیں ہوتا ،کسی خاص کیس کی بات نہیں کرر ہے یہ سب کچھ اس لیے ہوا عدالتی حکم کی تکمیل نہیں ہو رہی،عدالت نہیں چاہتی کہ مستقبل میں ایسا ناخوشگوار واقعہ ہو، عدالت نے آئی جی پنجاب سے استفسار کیا کہ اس بات کو یقینی کیسے بنائیں گے اس تفتیش میں کوئی انتقامی کارروائی نہیں ہو گی، آئی جی پنجاب نے عدالت میں کہا کہ ہم عدالت کو یقین دہانی کرواتے ہیں کہ میرٹ پر تفتیش ہوگی کسی بے گناہ کو ملوث نہیں کریں گے، جسٹس طارق سلیم شیخ نے آئی جی پنجاب سے استفسار کیا کہ آپ انکو کیسے مطمئن کرینگے؟ آئی جی پنجاب نے عدالت میں کہا کہ میں گارنٹی دیتا ہوں انتقامی کارروائی نہیں ہوگی

جسٹس طارق سلیم شیخ نے ریمارکس دیتے ہوئے کہا کہ آپ سب لوگ بیٹھ کے مسئلے کا حل نکالیں ،آئی جی پنجاب نے عدالت میں کہا کہ ہم جو بھی کریں گے عدالت کو بتائیں گے انتقامی کارروائی بالکل نہیں ہو گی ہم جس کو گرفتار کریں گے انکے ساتھ قانون کے تحت برتاؤ ہو گا ،عدالت نے استفسار کیا کہ آپ اس سارے معاملے میں شفافیت کیسے لائیں گے ؟ آئی جی پنجاب نے عدالت میں کہا کہ میں ان سے اجازت نہیں لوں گا کہ فلاں نے پیٹرول بم مارا، گرفتار کرنے لگے ہیں ،فواد چودھری نے کہا کہ ہم گرفتاری پر آئی جی کے ساتھ بیٹھ کر طے کر لیتے ہیں، جس پر آئی جی پنجاب نے کہا کہ میں گرفتاری کے معاملے پر کسی کے ساتھ نہیں بیٹھوں گا، یہ نہیں ہوگا کہ ہم ملزمان کے ساتھ بیٹھ کر بات کریں کہ کس کو گرفتار کرنا ہے، کسے نہیں، عدالت سے درخواست ہے کہ وارنٹ گرفتاری پر تو کوئی فیصلہ کردے،جس پر جسٹس طارق سلیم شیخ نے ریمارکس دیتے ہوئے کہا کہ ہم 3 بجے فیصلہ کرینگے، زمان پارک آپریشن روکنے کے لیے درخواست پر سماعت 3 بجے تک ملتوی کر دی گئی،

دوبارہ ساڑھے تین بجے زمان پارک کے باہر پولیس آپریشن روکنے کیخلاف درخواست پر سماعت ہوئی ،پی ٹی آئی اور پولیس کے مابین قانونی معاملات پر ٹی او آرزعدالت میں پیش کر دیئے گئے،ایڈوکیٹ جنرل پنجاب نے عدالت میں کہا کہ ہم نے ٹی او آرزطے کر لیے ہیں ،پی ٹی آئی نے اتوار کا جلسہ اتوار کی بجائے سوموارکو رکھ لیا ہے، پی ٹی آئی ریلیوں اور جلسوں سے پہلے انتظامیہ کو آگاہ کرے گی، پی ٹی آئی ورانٹس کی تکمیل ،سرچ ورانٹس کیلئےپولیس کے ساتھ تعاون کرے گی پی ٹی آئی لیڈر شپ کی جانب سے شبلی فراز اور علی خان کو فوکل پرسن نامزد کیا گیا ہے

عدالت نے ٹی او آرز ڈرافٹ پر اعتراض اٹھا دیا ،عمران خان کے وکیل نے استدعا کی کہ عمران خان نے حفاظتی ضمانت کیلئےعدالت پیش ہونا ہے عدالت آئی جی پنجاب کو حکم جاری کرے کہ عمران خان کی پیشی کے حوالے سے مناسب انتظامات کرے،آئی جی پنجاب نے کہا کہ عدالت نے جو ریمارکس دئیے ان کو آرڈرزکا حصہ بنا دیں،معاہدے کا آخری پیرا عدالتی حکم کا حصہ بنا دیں، میری بس یہی استدعا ہے،وکیل عمران خان نے کہا کہ ہمارے درمیان سیکیورٹی ، جلسے اور قانونی معاملات کا مسئلہ حل ہو گیا ہے ، جسٹس طارق سلیم شیخ نے ریمارکس دیتے ہوئے کہا کہ ٹی او آرز میں الفاظ کا چناؤ بہتر کر کے اسے دوبارہ ڈرافٹ کریں ،تفتیش کرنے والوں کا کام ہے کہ وہ تفتیش کریں میں پولیس کے قانونی عمل کو نہیں روک سکتا ،

دوران سماعت آئی جی پنجاب کی جانب سےعمران خان کے گھر تک رسائی کے لیے درخواست دی گئی،آئی جی پنجاب کی جانب سے کہا گیا کہ جائے وقوعہ اورعمران خان کے گھر بغیر کسی رکاوٹ رسائی کی اجازت دی جائے، جائے وقوعہ پر کالعدم تنظیم کے ارکان کی موجودگی کا شک ہے،عدالت نے پولیس کو واپس آنے کے لیے کہا اس لیے تفتیش نہیں کر پارہے، درج مقدمات کی تفتیش اور شہادت اکٹھی کرنے کے لیے رسائی ضروری ہے،

اسلام آبادم پنڈی، کراچی، صادق آباد و دیگر شہروں میں مقدمے درج 

عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا،

عمران خان نے باربار قانون کی خلاف ورزی کی جس پر انہیں جواب دینا ہوگا

چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے