باغی ٹی وی کی رپورٹ کے مطابق مسلم لیگ ن کی رہنما مریم نواز نے کہا ہے کہ زمان پارک میں جو کچھ دیکھنے کو ملا کبھی ایسا ملکی تاریخ میں نہیں ہوا،
پریس کانفرنس کرتے ہوئے مریم نواز کا کہنا تھا کہ سیاست دان کسی خاص کاذ کیلئے پھانسی کا پھندہ بھی قبول کرتے ہیں،یہ گرفتار ی سے بچنے کیلئے ایسی حرکتیں کر رہے ہیں،زمان پارک میں دیکھے جانے والے مناظرپہلے کبھی نہیں دیکھے، سیاسی قائدین نے جمہوریت کے لیے بے پناہ قربانیاں دیں،زمان پارک میں ریاست کے خلاف کھلے عام بغاوت ہوئی، اپنے آپ کو سیاسی لیڈر کہنے والے کی حرکتیں سب نے دیکھی،اس جماعت کی تاریخ میں یہ سب پہلی بار نہیں ہوا،قانون کے سامنے پیش ہونے سے بچنے کیلئے ریاست پر دھاوابولا گیا،عمران خان نے ریاستی رٹ چیلنج کی، بغاوت کو ہوا دی، جسٹس کھوسہ نے نواز شریف کو شرمناک القابات سے نوازا، زمان پارک میں مسلح جتھوں نے پولیس پر پتھراو اور ڈنڈے برسائے، عمران خان کو سہولت دینے والوں کی باقیات موجود ہیں،ہم نے حالات پر گہری نظر رکھی ہوئی ہے
مریم نواز کا مزید کہنا تھا کہ 2014 میں بھی عمران خان نے امپائرکی انگلی پکڑا رکھی تھی عمران خان کو صادق و امین کے سرٹیفکیٹ دیئے گئے ریاست نہیں چاہتی کہ کوئی خون خرابہ ہو،بگڑا ہوا بچہ ریاست پر پوری قوت سے حملہ آور ہے زمان پارک میں جو ہوا کسی کو پتا چلا ڈان اور گارڈ فادر کیا ہوتا ہے ، کچے کے علاقے میں اور زمان پارک میں جو ہو رہا ہے اس میں کیا فرق ہے؟ کچے میں پولیس جب ڈاکووں کو پکڑنے جاتی ہے تو وہ پولیس پر حملہ کرتے ہیں،زمان پارک کی صورت حال بھی کچے کے علاقے سےمختلف نہیں ہے ،2018میں اپنی حکومت کے دوران عمران خان نے پاکستان کی معیشت پر حملہ کیا، جب عمران کو معلوم ہوا کہ اس کی حکومت جا رہی ہے تو اس نے سائفر کی جھوٹی کہانی بنائی، زلمے خلیل زاد نے عمران خان کے حق میں بیان دیا،زلمے خیل زاد کو کوئی حق نہیں کہ پاکستان کے اندرونی معاملات میں بولے ،زمان پارک میں بیٹھا شخص کارکنان کو ریاستی اداروں کے خلاف اکسا رہا ہے ،عمران خان نے معیشت تباہ کرنے، دہشتگردی لانے اورانتشار پھیلانے کے علاوہ کچھ نہیں دیا ،
مریم نواز کا مزید کہنا تھا کہ عمران خان 3 دن سے انٹرنیشنل میڈیا کو جھوٹے انٹرویو زدے رہا ہے،یہ دنیا سے جھوٹ بول رہا ہے کہ میرے پاس 18 تاریخ تک کی ضمانت ہے،لوگوں کو کہتا ہے کہ مجھے گرفتار کر کے بلوچستان بھیجنا چاہتے ہیں آپ کو گرفتارکرکے بلوچستان جیل لیکر جانا مقصود نہیں بلکہ عدات کے سامنے پیش کرنا ہے ، عمران خان ایک انڈرٹینکنگ دیں کہ میں تمام مقدموں میں جب جب مجھے عدالت سماعت پر بلائے گی میں ہر پیشی پر عدالت میں پیش ہونگا ،میں کہوں گی اس کو گرفتار نہ کریں ،فیصلہ سامنے دیوار پر لکھا ہوا ہے اس لیے وہ پیش نہیں ہوتے،سیاسی جماعتوں کے ہاتھوں میں کبھی آپ نے پیٹرول بم دیکھا؟ ایک صوبے کو دوسرے صوبے سے لڑانے کی کوشش کی جا رہی ہے،عمرن خان کے اپنے بچے لندن میں محفوظ مقامات پر بیٹھے ہوئے ہیں،یاسمین راشد آڈیو میں کہہ رہی ہیں جواحتجاج میں شریک نہیں ہوگااسے ٹکٹ نہیں دیں گے،کہہ رہے ہیں جو جتھے لائے گا اس کو ٹکٹ ملے گا،زمان پارک کے بنکر میں بیٹھ کر لوگوں کو کہا جارہا ہے کہ سیکیورٹی اہلکاروں پر پیٹرول بم پھینکو، مران خان نے دوست ممالک سے تعلقات خراب کیے،عمران خان نے زمان پارک میں کلعدم تنظیم کے کارکنان کو پناہ دی ہوئی ہے عمران خان کو عدالتیں بلا رہی ہیں لیکن یہ پیش نہیں ہوتا،یہ سیاسی نہیں عسکری جماعت ہے سوال پوچھتی ہوں کہ یہ تفریق کیوں ہے؟ یہ کومت ایسی کوئی شرط نہیں مانے گی جس سے پاکستان کی سالمیت پر آنچ آئے،اسٹیٹ عمران خان کو پکڑنا چاہے تو 5منٹ سے زیادہ کا کام نہیں ہے عمران خان کے ساتھ دہشتگردوں کی طرح ڈیل کیا جائے میں حکومت کا حصہ نہیں، سوال پوچھ سکتی ہوں، میری ذمہ داری پارٹی کی ہے، میں حکومت کا حصہ نہیں ہوں ،
مریم نواز کا مزید کہنا تھا کہ سروے کے بعدپتہ چلا ہے کہ الیکشن میں مسلم لیگ ن جیتے گی، نواز شریف دل کے عارضے کے باوجود عدالتوں میں پیش ہوتے رہے پورا شریف خاندان ہر پیشی پر عدالت میں پیش ہوا کوئی بہانہ نہیں کیا ، ریاست خون خرابہ نہیں چاہتی،اب ریاست کو اداروں کے ساتھ سرجوڑ کر بیٹھنا ہوگا،ریاست کو اس کے اوپر سے سیاسی جماعت کا لیبل ہٹانا ہوگا، اس کو کالعدم جماعت کے طور پر ڈیل کیا جانا چاہئے، اگر یہ نہیں ہوتا تو اس حکومت پر بہت بڑا سوال کھڑا ہو گا،مہنگائی کو کنڑول کرنا اس حکومت کی پہلی ترجیح ہے،عدالت بلا رہی ہے پیش ہو جاو تمہیں کوئی گرفتار نہیں کرے گا، پاکستان کی ہر بیماری کی جڑ عمران خان ہے لوگوں کو کہا جیلیں بھرو،گرفتاری دو،خود بیلیں بھرتے رہے،معیشت کی تباہی،آئی ایم ایف ڈیل اور لاقانونیت کے ذمہ دار عمران خان ہیں، نواز شریف بہت جلد پاکستان آئیں گے اور الیکشن مہم کو لیڈ کریں گے، 2018میں عمران خان جیتا نہیں جتوایا گیا تھا،
ریاست مدینہ کے دعویدار نے مزید سود والا قرضہ لے لیا ،بہرہ مند تنگی
نعرہ ریاست مدینہ کا اور ملک چلا رہے ہیں سود پر، مذمتی قرارداد اسمبلی میں جمع
ای ایف پی کا گورنر اسٹیٹ بینک رضا باقر سے شرح سود میں نمایاں کمی کا مطالبہ
ملکی موجودہ ابتر معاشی صورتحال تباہ کن مغربی سودی نظام ہے،علامہ زاہدالراشدی
سود کا خاتمہ حکم الہٰی کے ساتھ آئین پاکستان کا اہم تقاضا بھی، ڈاکٹر قبلہ ایاز
