Baaghi TV

Tag: تازہ ترین

  • موسم گرما سےپہلے توانائی بچت منصوبہ ہرصورت مکمل کیا جائے:وزیراعظم

    موسم گرما سےپہلے توانائی بچت منصوبہ ہرصورت مکمل کیا جائے:وزیراعظم

    اسلام آباد: وزیرِ اعظم شہباز شریف کی زیر صدارت توانائی بچت پلان پر عملدرآمد کے حوالے سے جائزہ اجلاس ہوا، اجلاس میں سولرائیزیشن منصوبے پر عملدرآمد سے متعلق ہونے والی پیشرفت سے آگاہ کیا گیا جس پر وزیراعظم نے ہدایت کی کہ آئندہ موسمِ گرما سے پہلے یہ منصوبہ ہر صورت مکمل کیا جائے۔

    بلاول بھٹو اور انڈونیشیا کی وزیر خارجہ کے درمیان ٹیلیفونک رابطہ

    بریفنگ میں بتایا گیا کہ ابتدائی مرحلے میں وفاقی سرکاری عمارتوں میں مجموعی طور پر 1000 میگاواٹ کے سولر پینل لگائے جائیں گے، پہلے مرحلے کی بِڈنگ کا عمل آئندہ ہفتے سے شروع ہو جائے گا، سولر پینلز کی پیداوار کیلئے پالیسی سازی کا عمل بھی حتمی مراحل میں داخل ہو چکا ہے جبکہ سولر پینلز کی پیداوار سے وابستہ صنعتوں سے بھی مشاورت مکمل کر لی گئی ہے۔

    اجلاس میں الیکٹرانک موٹر سائیکلوں کے حوالے سے تفصیلی بریفنگ میں بتایا گیا کہ ای بائیکس کی پیداوار بڑھانے کیلئے بھی صنعتوں کو اعتماد میں لے کر ایک جامع پالیسی بنائی جار رہی ہے، گیس کی بچت کیلئے تمام نئے گیس گیزرز کی پیداوار کونیکل بیفلز کے ساتھ کی جائے گی۔

    اجلاس میں زیادہ بجلی کی کھپت والے فلامنٹ اور غیر معیاری پرانے برقی بلبز پر بھی بریفنگ دی گئی جس میں فیصلہ کیا گیا کہ موجودہ اسٹاک کی کھپت کے بعد ان کی پیداوار کی مزید اجازت نہیں دی جائے گی، بلکہ اس کے برعکس موجودہ کارخانوں کو کم بجلی کی کھپت والے نئی ٹیکنالوجی کے بلب بنانے پر منتقل کیا جائے گا، زیادہ بجلی کی کھپت والے پنکھوں کے کارخانوں کو بھی جلد نئی ٹیکنالوجی پر منتقل کیا جائے گا، موجودہ پنکھوں کو تبدیل کرنے کیلئے ایک جامع لائحہ عمل بھی تشکیل دے دیا گیا۔

    ارشد شریف قتل کیس،جے آئی ٹی کو تفتیش کے لئے مکمل تیار رہنا ہوگا،سپریم کورٹ

    اس موقع پر وزیراعظم شہباز شریف نے اہم ہدایات دیتے ہوئے کہا کہ ملک میں مقامی سطح پر سولر پینل بنانے کیلئے پالیسی کو ترجیحی بنیادوں پر حتمی شکل دی جائے، سرکاری عمارتوں میں ہزار میگاواٹ کے منصوبے کو معینہ مدت میں مکمل کیا جائے اور رواں سال کے اختتام پر ملک میں صرف الیکٹرانک موٹر سائیکلوں کی پیداوار کو یقینی بنانے کیلئے اقدامات پر عملدرآمد کیا جائے۔

    وزیر اعظم شہبازشریف سے وزیر خارجہ بلاول بھٹو کی ملاقات

    انہوں نے واضح ہدایت دی کہ آئندہ موسمِ گرما سے پہلے یہ منصوبہ ہر صورت مکمل کیا جائے، 10 ہزار میگاواٹ شمسی توانائی کے منصوبوں پر عملدرآمد میں کسی قسم کا تعطل یا غفلت قبول نہیں کی جائے گی۔وزیر اعظم کا مزید کہنا تھا کہ توانائی کی بچت ایک قومی فریضہ ہے اور ہمیں اس پر عملدرآمد یقینی بنانا ہے، حکومت ملک و قوم کے پیسے کی بچت کیلئے ہر ممکن اقدام اٹھائے گی۔

  • بلاول بھٹواپنےنانا کےنقش قدم پرچل کرپاکستان کومزید ترقی دلوائیں گے:ناصرشاہ

    بلاول بھٹواپنےنانا کےنقش قدم پرچل کرپاکستان کومزید ترقی دلوائیں گے:ناصرشاہ

    کراچی:صوبائی وزیر بلدیاتناصر حسین شاہ نے کہا ہے کہ بلاول بھٹو اپنے نانا کے نقش قدم پر چل کر پاکستان کو مزید ترقی دلوائیں گے۔ تفصیلات کے مطابق صوبائی وزیر بلدیات سید ناصر حسین شاہ نے پی پی بانی قائد عوام شہید ذوالفقار علی بھٹو کے 94 ویں یوم پیدائش پر پیغام جاری کرتے ہوئے کہا کہ بھٹو صاحب شہادت کے 43 سال بعد بھی آج عوام کے دلوں پر راج کر رہے ہیں۔

    کوئی غلط فہمی میں نہ رہے،عام انتخابات اپنے وقت پر ہی ہوں گے:بلاول بھٹو

    انہوں نے کہا کہ شہید ذوالفقار علی بھٹو کی اصل طاقت عوام تھی اور انہوں نے پاکستانی عوام کو سیاسی بیداری کے ساتھ اپنے حقوق لینا بھی سکھائے جبکہ پاکستان میں اتحاد اور ترقی پسند سوچ کو فروغ دینے میں بھی اہم کردار ادا کیا۔

    ان کا کہنا تھا کہ شہید ذوالفقار علی بھٹو کا شمار بین الاقوامی نامور رہنماؤں میں ہوتا ہے جبکہ انہوں نے اپنی صلاحیتوں سے پاکستان کو ایٹمی قوت بھی بنایا اور بھٹو صاحب کا سب سے بڑا کارنامہ یہ تھا کہ انہوں نے پاکستان کو پہلا متفقہ آئین دیا۔

    ذوالفقار علی بھٹو کی 95 ویں سالگرہ پر شازیہ مری،شیری رحمان و دیگر کے پیغام

    ان کا یہ بھی کہنا تھا کہ شہید ذوالفقار علی بھٹو نے اپنے دور اقتدار میں غربت، ظلم اور استحصال کے خلاف اچھے اقدامات کیے جبکہ پوری دنیا میں پاکستان کی حقیقی تصویر کو اجاگر کرنے میں اہم کردار ادا کیا اور پاکستان کو حقیقی معنوں میں خوشحال ملک بنانے کیلئے بیشمار مؤثر اقدامات بھی کیے۔

    شہید سلمان تاثیر کی جدوجہد کو سرخ سلام پیش کرتے ہیں. بلاول بھٹو زرداری

    صوبائی وزیر بلدیات سید ناصر حسین شاہ نے مزید کہا کہ بھٹو خاندان کی جانب سے اپنے وطنِ عزیز پاکستان کیلئے کی گئی گرانقدر خدمات، لاتعداد قربانیوں اور جدوجہد کو ہمیشہ یاد رکھا جائے گا جبکہ پاکستانی قوم قائد عوام اور شہید بی بی کی بیشمار قربانیوں اور قومی جذبے کو کبھی فراموش نہیں کرے گی اور چیئرمین پی پی بلاول بھٹو زرداری اپنے نانا قائد عوام کے نقش قدم پر چل کر پاکستان کو مزید ترقی دلوائیں گے۔

  • کوئی غلط فہمی میں نہ رہے،عام انتخابات اپنے وقت پر ہی ہوں گے:بلاول بھٹو

    کوئی غلط فہمی میں نہ رہے،عام انتخابات اپنے وقت پر ہی ہوں گے:بلاول بھٹو

    کراچی :پاکستان پیپلز پارٹی کے چیئرمین بلاول بھٹو زرداری نے کہا ہے کہ الیکشن اپنے مقررہ وقت پر ہونے چاہئیں، جلدی یا تاخیر دونوں کی مخالفت کریں گے۔

     

    اطلاعات کے مطابق پیپلز پارٹی کے بانی اور سابق وزیراعظم پاکستان ذوالفقار علی بھٹو کی 95 ویں سالگرہ کے موقع کراچی میں پیپلزپارٹی کی سینٹرل ایگزیکٹو کمیٹی کا اجلاس ہوا جس میں فرحت اللہ بابر، شیری رحمان سمیت دیگر رہنماؤں نے شرکت کی۔

    پاکستانیوں کو بیرون ملک بھیجنے میں دھوکا دینے والوں کی سزاؤں میں اضافے کا بل منظور

    اجلاس کے بعد پریس کانفرنس کرتے ہوئے بلاول بھٹو نے کہا کہ ہم چاہتے ہیں تمام سیاسی قوتیں اور ادارے ملکر کام کریں، پاکستان میں مائی وے اور ہائی وے کی سیاست کو فروغ دیا جارہا ہے، عمران خان کے بیانیے کی مخالفت کرتے ہیں۔

    کراچی پولیس کا شہر میں اسٹریٹ کرائم میں اضافے کا اعتراف

    بلاول بھٹو نے کہا کہ سابق آرمی چیف کےسیاست میں مداخلت نہ کرنے کے اعلان کا خیرمقدم کرتے ہیں، ملک میں نفرت کی سیاست کو فروغ دیا جارہا ہے، اسٹیبلشمنٹ کےغیر سیاسی رہنے کے بیان کا خیرمقدم کرتا ہوں۔

    ذوالفقار علی بھٹو کی 95 ویں سالگرہ پر شازیہ مری،شیری رحمان و دیگر کے پیغام

    بلاول بھٹو نے کہا کہ چاہتے ہیں ادارے اپنے دائرے میں رہ کر کام کریں، اٹھارویں ترمیم کے خلاف پروپیگنڈے کو ناکام بنایا گیا، پارلیمان نے پہلی بار وزیراعظم کو گھربھیجا جس میں پیپلزپارٹی کا اہم کردار رہا ہے۔بلاول بھٹو نے کہا کہ پیپلز پارٹی اس سال 1973 کے آئین کی گولڈن جوبلی منائے گی، 1973کا آئین شہید بھٹو کی دی گئی امانت ہے۔

    انہوں نے کہا عمران خان نے سب سے پہلے سانحہ اے پی ایس کے مجرم کو چھوڑا اور ملک کے باہر بھیجا، افغانستان کے جیل کے قیدیوں کو بھی پاکستان میں رہنے کی دعوت دی گئی، اس کے نیتجے میں آج ہمیں پھر دہشت گردی کا سامنا کرنا پڑ رہا ہے، ہم نے پہلے بھی انتہا پسند، دہشت گردوں کا مقابلہ کیا، دھمکیاں اپنی جگہ میں ان کو دہشت گرد کہتا ہوں ان کو انسان نہیں مانتا۔

    وزیر خارجہ نے کہا کہ گزشتہ سی ای سی میں سلیکٹڈ کو خدا حافظ کہنے کا فیصلہ کیا گیا تھا، آج میں نے سی ای سی کو مبارکباد دی، سلیکٹڈ کو عدم اعتماد کے ذریعے گھر بھیجنا تاریخی کامیابی ہے، سلیکٹڈ کو گھر بھیجنے میں پیپلز پارٹی کا صف اول کا کردار ہے، اکانومی کے حوالے سے نوید قمر کی سربراہی میں کمیٹی بنا رہے ہیں، ہم مل کر اکانومی کے حوالے سے حل نکالیں گے۔

    انہوں نے مزید کہا کہ الیکشن اپنے وقت پر ہونے چاہئیں، اگر کسی کی الیکشن میں تاخیر کی غلط فہمی ہے تو دور کرنی چاہیے، ہمارا تاریخی موقف ہے الیکشن اپنے وقت پر ہوں گے، لوکل باڈی ہو یا جنرل الیکشن اپنے وقت پر ہونے چاہئیں، آئین کی گولڈن جوبلی کے حوالے سے سیمنار منعقد کیے جائیں گے، آئین کی بحالی کیلئے بہت قربانیاں دی گئیں، محترمہ شہید نے30 سال جدوجہد کی۔

    بلاول بھٹو زرداری نے کہا کہ افسوس ہے ہم آج تک قائد ذوالفقارعلی بھٹو کو انصاف نہیں دلوا سکے، ہم عوامی جماعت ہیں کارکنوں کو کیا جواب دوں؟، آئین وجمہوریت کے بانی کو انصاف نہیں دلوا سکے، اگر بھٹو کو انصاف نہیں دے سکتے تو پھر کس کو انصاف دو گے، جوڈیشل ریفرنس عدالت میں 12 سال سے پنڈنگ ہے فوری سنا جائے۔

  • افغان ریلوے اتھارٹی کے وفد کا وزارت ریلوے کا دورہ

    افغان ریلوے اتھارٹی کے وفد کا وزارت ریلوے کا دورہ

    افغان ریلوے اتھارٹی کے وفد کا وزارت ریلوے کا دورہ

    افغان ریلوے اتھارٹی کے وفد نے ٹرانس افغان ریلوے پراجیکٹ پر آٹھویں سہ فریقی اجلاس میں شرکت کے لیے وزارت ریلوے کا دورہ کیا۔

    ٹرانس افغان ریلوے پراجیکٹ پر سہ فریقی ورکنگ گروپ کا آٹھواں اجلاس وزارت ریلوے، اسلام آباد میں ہوا۔ اجلاس کی صدارت پاکستان کی طر ف ایڈیشنل سیکرٹری ریلویز سید مظہر علی شاہ نے کی ، افغانستان سے ڈائریکٹر جنرل الحاج ملا بخت الرحمن شرافت اور ازبکستان کی طر ف سے قائم مقام ڈپٹی چیئرمین جناب کمالوف اکمل سیداکابارووچ نے کی ۔انہوں نے ویڈیو لنک کے ذریعے شرکت کی۔ اجلاس میں منصوبے کی اہمیت، ابتدائی تکنیکی جائزوں پر ہونے والی پیش رفت اور فزیبلٹی اسٹڈی کے جلد آغاز کے لیے اگلے اقدامات پر تبادلہ خیال کیا گیا۔

    پاکستان میں دوران سفر جنسی سہولیات حاصل کریں،ٹکٹ پر لکھا دیکھ کر مسافرپھٹ پڑے

    دو خواجہ سراؤں کا قتل،پولیس نے خواجہ سراؤں کو دھکے مار کر تھانے سے نکال دیا

    پشاور میں پہلی بار خواجہ سراء کو منتخب کر لیا گیا، آخر کس عہدے کیلئے؟

    خواجہ سرا کے ساتھ گھناؤنا کام کر کے ویڈیو بنانیوالے ملزمان گرفتار

    منصوبہ مزار شریف سے موجودہ ریلوے لنک کو پاکستان ریلوے نیٹ ورک سے جوڑ کر پاکستان کو وسطی ایشیائی جمہوریہ سے کنیکٹ کرے گا۔ اس سے نہ صرف حصہ لینے والے ممالک کے درمیان علاقائی اور دوطرفہ تجارت کو آسان بنایا جا سکے گا بلکہ اس سے پورے خطے کے لوگوں کو بہتر روابط بھی فراہم ہوں گے۔ اجلاس شریک چیئرمینوں کے شکریہ پر اختتام پذیر ہوا۔

  • ترجمان خیبرپختونخوا حکومت:بیرسٹر محمد علی سیف کے وارنٹ گرفتاری جاری

    ترجمان خیبرپختونخوا حکومت:بیرسٹر محمد علی سیف کے وارنٹ گرفتاری جاری

    اسلام آباد:خیبرپختونخواحکومت کےترجمان بیرسٹرمحمد علی سیف کے وارنٹ گرفتاری جاری کردیےگئے۔وارنٹ گرفتاری اسلام آباد کےسینیئر اسپیشل مجسٹریٹ سردارمحمد آصف نے جاری کیے ہیں۔کیپیٹل ڈویلپمنٹ اتھارٹی (سی ڈی اے) قوانین کی خلاف ورزی پر طلبی کے باوجود حاضر نہ ہونے پر بیرسٹر سیف کے وارنٹ گرفتاری جاری ہوئے۔

    نیشنل ایکشن پلان کے تحت ایک برس میں 1424 آپریشن،4400 مشتبہ افراد گرفتار

    محمد علی سیف نےسی ڈی اے کے زون 3 نیشنل پارک ایریا پر تعمیرات کیں۔یہ کہنا ہے کہ سی ڈی اے کا کہ یہ ایک کریمنل معاملہ ہے

    بیرسٹر محمد علی سیف کے وارنٹ گرفتاری ایس ایچ او تھانہ بھارہ کہو کو ارسال کردیے گئے ہیں۔ عدالت نے اسلام آباد پولیس کو حکم دیا ہے کہ بیرسٹر سیف کو 11 جنوری کو گرفتار کرکے پیش کرے۔

    اینٹی ویمن ہراسمنٹ اینڈ وائلنس سیل کو سال 2022 میں 2 سو سے زائد درخواستیں موصول

    بیرسٹر سیف کے خلاف مارگلہ کی پہاڑیوں پر قدرتی حسن تباہ کرنے پر 2018ء سے مقدمہ زیر سماعت ہے، ان کے خلاف لینڈ اسکیپ آرڈیننس، انوائرمنٹل ریگولیشن 2008ء اورایم ایل آر 82 کے تحت مقدمہ درج ہے۔بیرسٹر محمد علی سیف کو 8فروری 2018 کو سی ڈی اے مجسٹریٹ کے سامنے پیش ہونے کا کہا گیا تھا۔

    گھریلوملازمہ پرمبینہ تشدد اورجنسی ہراساں کرنےکاالزام، بچی سے زیادتی کی کوشش،ملزم…

    بیرسٹر سیف پر شاہدرہ میں ملکیتی زمین پر ٹریکٹر بلیڈ لگا کر زمین ہموار کرنے کا بھی الزام ہے۔ محمد علی سیف پر زمین پر ٹریکٹر بلیڈ لگا کر اسلام آباد کا قدرتی حسن خراب کرنے کا الزام ہے۔بیرسٹر محمد علی سیف پر باربار روکے جانے کے باوجود کام جاری رکھنے کا بھی الزام ہے۔

  • مجھے اندر سے پیغام آیا کہ آپکو قتل کرنے کی سازش ہو رہی ہے،عمران خان

    مجھے اندر سے پیغام آیا کہ آپکو قتل کرنے کی سازش ہو رہی ہے،عمران خان

    تحریک انصاف کے چیئرمین سابق وزیراعظم عمران‌ خان کا کہنا ہے کہ آج میں اہم بات کرنا چاہتا ہوں، جب تک ملک سے جنگل کا قانون ختم نہیں ہوگا کوئی مستقبل نہیں،ملک میں قانون کی حکمرانی تک ترقی نہیں ہو سکتی ،مجھ پرقاتلانہ حملے سے متعلق جے آئی ٹی کی فائنڈنگ سب کے سامنے لانا چاہتا ہوں،

    عمران خان کا کہنا تھا کہ ہمارے ارکان کو بلاکر پیسوں کی آفر کی گئی، سب سے پہلی سازش رجیم چینج کے ذریعے ہوئی،رجیم چینج کے پیچھے ماسٹر مائنڈ کو پتہ نہیں تھا کہ قوم سڑکوں پر نکلےگی،قوم ان کیخلاف کھڑی ہوگئی،سوشل میڈیا کا زمانہ ہے آپ کسی کی آواز کو بند نہیں کر سکتے،عمیں نے الیکشن کا اعلان کیا ،پورا زور لگا کر الیکشن ملتوی کئے گئے،ضمنی الیکشن ہوئے جس میں لوگوں نے رجیم چینج کو مسترد کیا،ہمارے اوپر تشدد کیا گیا، کیسز بنائے گئے،میرے خلاف دہشتگردی کے کیسز بنائے گئے، ہمیں راستے سے ہٹانے کے لئے کیا کچھ نہیں کیا گیا؟ پی ٹی آئی لانگ مارچ کے دوران خواتین اور بچوں پر تشدد کیاگیا،ہمارے دور میں 3لانگ مارچ ہوئے، ہم نے کسی پر تشدد نہیں کیا،لانگ مارچ سے پہلے پولیس گھروں کی دیواریں پھلانگ کر لوگوں کو اٹھا کر لے گئی، 70 سالہ ایم پی اے کو گھسیٹ کر تھانے لے گئے،ایسا کبھی نہیں ہوا، عوام بتا رہے ہیں کہ ہم پی ٹی آئی کیساتھ ہیں ،انہوں نے کہا کہ ہم ڈنڈوں سے انکو ٹھیک کریں گے، مجھے مارنے کا پلان بنایا گیا، ایک پلان کے بعد دوسرا پلان بنایا گیا، وقار ستی ایک ویڈیو لے کر آتا ہے، یہ بہت بڑا سوال ہے کہ کس نے ویڈیو بنائی، جاویدلطیف نے میر ے خلاف پریس کانفرنس کی،سرکاری ٹی وی کو حکم دیا گیا کہ چار دن عمران خان کیخلاف مہم چلائے،30سال سے یہ دو جماعتیں اقتدار میں ہیں،یہ لوگ باہر جا کر خود کو لبرل کہتے تھے، ان کے بیانات موجود ہیں،میں نے اسلامو فوبیا کیخلاف ہر فورم پر بات کی،مجھے پتہ ہے کہ بھارت میں اس وقت مسلمانوں کے ساتھ کیا ہو رہا ہے

    بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

    ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

    فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

    عمران خان کا مزید کہنا تھا کہ مجھے اندر سے پیغام آیا کہ آپکو قتل کرنے کی سازش ہو رہی ہے،میں نے اپنے جلسوں میں بتایا کہ مجھے قتل کرنے کی سازش ہو رہی ہے،وزیر آباد میں جس نے فائرنگ کی اس نے پہلے ریپڈ فائر کیا، جب تک پریکٹس نہ ہو کوئی رپیڈ فائر نہیں کر سکتا،میں نے ایک برسٹ سنا اور پھر سامنے سے بھی ایک برسٹ کی آواز آئی ،میں کہتا رہا کہ سامنے سے بھی گولیاں آرہی ہیں، گولیاں میرے اوپر سے گزریں، جس نے اقبالی بیان دیا اس نے سب سے پہلے یہی کہا کہ میں اکیلا تھا، یہ کہنے کی ضرورت کیا تھی، مجھے گولیاں لگی ہیں اور میں ابھی اسپتال بھی نہیں پہنچا تو ملزم کا بیان آجاتا ہے، ڈی پی او گجرات اپنے فون سے بیان ریکارڈ کرتا ہے اور تفتیش سے پہلے ہی ہمارے مخالف صحافی ٹویٹ کر دیتے ہیں، ڈی پی او کا ریکارڈ کردہ بیان سب سے پہلے ہمارے مخالف رپورٹرز کو کیوں بھیجا جاتا ہے یہ اہم سوال ہے، ڈی پی او ہمارا ہے پنجاب میں ہماری حکومت ہے، لیکن ڈی پی او ہماری بات تک نہیں سنتا ،وہ کون تھا جو ہمیں روک رہا تھا، کون تھا جو تفتیش سے ڈر رہا تھا ،پنجاب میں ہماری حکومت تھی، لیکن میں آج تک ایف آئی آر ر جسٹرڈ نہیں کروا سکا، ہم پوری کوشش کے باوجود ایف آئی آر درج کرنے میں ناکام رہے،جتنی مشکلوں سے جے آئی ٹی آپریٹ کر رہی ہے ہمیں پتا ہے،ہمارے ہوتے ہوئے ہمارا ڈی پی او جے آئی ٹی میں نہیں آرہا،ہمارے ڈی پی او کو عدالت کے ذریعے جے آئی ٹی میں بلایا جائے گا،سی ٹی ڈی کا افسر منہ پر منع کر دیتا ہے کہ میں جے آئی ٹی میں نہیں آؤں گا، ڈی پی اور گجرات سے میرے 2 سوال ہیں،کس نے کہا تھا کہ ملزم نوید کی ویڈیو بنا کر مخالف صحافیوں کو دیں؟ کس نے ویڈیو صحافیوں کو دی ،  سی ٹی ڈی کو ویڈیو بنانے کا کس نے کہا ؟سی ٹی ڈی نے رات 12بجے دوسری ویڈیو ریلیز کی،بیک گراؤنڈ چینج کرنے کا حکم کس نے دیا، کیوں ثبوت چھپا رہے تھے، جے آئی ٹی کے اندر سے چیزیں لیک ہوئیں اور ہمارے مخالف صحافی کو فراہم کی گئیں،یہ جرم ہے کہ جے آئی ٹی سے انفارمیشن لیک کرے،ملزم نوید کا پولی گرافک ٹیسٹ ہوا، جس میں اسکی کچھ باتیں جھوٹ نکلیں، ملزم سے پوچھا گیا کہ تمہیں کس نے قتل کرنے کا کہا،ٹریننگ کس نے دی؟بدقسمتی سے یہ صرف دو تین لوگوں کی سازش تھی ،

    سابق خاتون اول بشریٰ بی بی کی دیرینہ دوست فرح گوگی کا ایک اور بڑا سکینڈل منظر عام پر آ

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

    نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات

  • برطانوی ہائی کمشنر کی وزیراعظم شہباز شریف سے الوداعی ملاقات

    برطانوی ہائی کمشنر کی وزیراعظم شہباز شریف سے الوداعی ملاقات

    برطانوی ہائی کمشنر نے وزیراعظم شہباز شریف سے الوداعی ملاقات کی ہے

    وزیر اعظم محمد شہباز شریف نے کہا ہے کہ پاکستان اور برطانیہ کے تعلقات تاریخ، مشترکہ میراث اور عوام سے عوام کے مضبوط رشتوں میں جڑے ہوئے ہیں جو مضبوط سے مضبوط تر ہوتے جا رہے ہیں۔برطانیہ پاکستان کا سب سے بڑا یورپی تجارتی، سرمایہ کاری اور ترقیاتی پارٹنر ہے۔ انہوں نے کہا کہ ہمارے دونوں ممالک کے درمیان دوطرفہ تعلقات کی رفتار سے دونوں ممالک کے مفاد میں ترقی کے بے پناہ امکانات ہیں،

    وزیراعظم نے یہ باتیں سبکدوش ہونے والے برطانوی ہائی کمشنر H.E. سے ملاقات میں کہیں۔ ڈاکٹر کرسچن ٹرنر جنہوں نے آج وزیراعظم ہاؤس میں ان سے الوداعی ملاقات کی۔ وزیراعظم نے پاکستان اور برطانیہ تعلقات کے فروغ بالخصوص تجارت، سرمایہ کاری اور اقتصادی تعاون کے شعبوں میں ڈاکٹر ٹرنر کی خدمات کو سراہا۔ وزیر اعظم نے پاکستان میں موسمیاتی متاثرین سیلاب کے متاثرین کی امداد اور بحالی کے لیے برطانیہ کے تعاون کو چینلج کرنے میں برطانوی ہائی کمشنر کے فعال کردار کو بھی سراہا۔ وزیراعظم نے انگلش کرکٹ ٹیم کو 17 سال بعد دلچسپ کرکٹ کھیلنے کے لیے پاکستان لانے میں ان کے کردار کو سراہا۔ مزید برآں، وزیراعظم نے پاکستان میں برٹش ایئرویز کے کمرشل فلائٹ آپریشن کی بحالی میں ان کے نمایاں کردار کی تعریف کی۔ وزیر اعظم نے ہائی کمشنر کے لیے ان کی مستقبل کی کوششوں میں نیک خواہشات کا اظہار کیا۔ انہوں نے سبکدوش ہونے والے ہائی کمشنر کے اعزاز میں ظہرانہ بھی دیا۔

    بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

    ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

    فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

    سابق خاتون اول بشریٰ بی بی کی دیرینہ دوست فرح گوگی کا ایک اور بڑا سکینڈل منظر عام پر آ

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

    نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات

  • پاکستان میں بڑھتی دہشت گردی، امریکی محکمہ خارجہ کا ردعمل

    پاکستان میں بڑھتی دہشت گردی، امریکی محکمہ خارجہ کا ردعمل

    امریکی حکام کا پاکستان کا دہشتگردی کیخلاف اقدام کی حمایت کا اعلان

    پاکستان میں ایک بار پھر دہشت گردی میں اضافہ دیکھنے میں آیا ہے، وفاقی دارالحکومت اسلام آباد میں خود کش حملہ، بنوں میں سی ٹی ڈی کی جیل پر حملہ اور اسکے بعد بلوچستان میں فورسز پر حملے، پنجاب کے شہر خانیوال میں حساس ادارے کے اہلکاروں پر حملہ انتہائی الارمنگ صورتحال بن چکی ہے، امن کے قیام کے لئے پاکستان کی مسلح افواج ،عوام نے بے پناہ قربانیاں دی ہیں، ہزاروں افراد کی شہادتیں کبھی رائیگاں نہیں جا سکتی، پاکستان جو کلمہ کے نام پر بنا وہ امن کا گہوارہ بنے گا ،اس میں کوئی شک نہیں لیکن یہ سب تبھی ہو گا جب قیام امن کے لئے سب ملکر کوشش کریں گے اور ملک میں لسانیت، فرقہ واریت ،سیاسی شدت پسندی کو ترک کریں گے اور سب سے پہلے پاکستان کے نعرے پر جمع ہوں گے،

    پاکستان میں بڑھتی ہوئی دہشت گردی کے بعد کئی ممالک نے ان واقعات کی مذمت کی ہے ، ایسے میں امریکہ جسے پاکستان میں کئی حلقے پاکستان کا دشمن سمجھتے ہیں لیکن امریکہ سے امداد و تعاون کے بغیر بھی نہیں رہ سکتے ، ایسے میں امریکہ نے بھی پاکستان میں بڑھتی دہشت گردی پر نہ صرف تشویش کا اظہار کیا ہے بلکہ ترجمان امریکی محکمہ خارجہ کا کہنا ہے کہ دہشتگردی کے خلاف دفاع کرنا پاکستان کا حق ہے پاکستانی عوام نے دہشتگرد حملوں کے باعث شدید نقصان اٹھایا طالبان کو کہیں گے کہ وہ اپنے وعدوں کو پورا کریں اور افغان سرزمین کو عالمی دہشتگرد حملوں کے لیے لانچنگ پیڈ کے طورپر استعمال نہ ہونے دیں طالبان کے کیے گئے فیصلوں کا جائزہ لے رہے ہیں اور پہلے بھی واضح کرچکے ہیں کہ ان کا جواب دیا جائے گا

    افغانستان کی سرزمین سے پاکستان پر مسلسل حملے، قومی سلامتی کونسل کا اجلاس بھی چند روز قبل ہوا جس میں یہ عزم مصمم کر لیا گیا کہ اب کسی سے کوئی مذاکرات نہیں کئے جائیں گے، ملکی اداروں، ریاست پر حملہ کرنیوالوں کے ساتھ آہنی ہاتھوں سے نمٹا جائے گا، پاکستان کا یہ اپنا فیصلہ ہے، اس میں امریکہ یا کسی اور ملک کی تائید و مدد کی ضرورت نہیں کیونکہ پاکستان کی افواج دہشت گردی کیخلاف ایک طویل ترین اور کامیاب ترین جنگ لڑ چکی ہیں، جانیں قربان کر دینے والے کبھی ناکام نہیں ہوتے، افواج پاکستان اور عوام پاکستان کی قربانیاں رنگ لائیں گی،اور وطن عزیز پاکستان ، ایٹمی پاکستان، امن کا گہوارہ دکھے گا، ان شاء اللہ

    اگرکوئی پائلٹ جعلی ڈگری پر بھرتی ہوا ہے تو سی اے اے اس کی ذمے دارہے،پلوشہ خان

    بین الاقوامی فیڈریشن آف پائلٹس اینڈ ائیرٹریفک کنڑولرز طیارہ حادثہ کے ذمہ داروں کو بچانے میدان میں آ گئی

    شہباز گل پالپا پر برس پڑے،کہا جب غلطی پکڑی جاتی ہے تو یونین آ جاتی ہے بچانے

    وزیراعظم کا عزم ہے کہ پی آئی اے کی نجکاری نہیں ری سٹکچرنگ کرنی ہے،وفاقی وزیر ہوا بازی

    860 پائلٹ میں سے 262 ایسے جنہوں نے خود امتحان ہی نہیں دیا،اب کہتے ہیں معاف کرو، وفاقی وزیر ہوا بازی

    کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت

    پائلٹس کے لائسنس سے متعلق وفاق کے بیان کے مقاصد کی عدالتی تحقیقات ہونی چاہیے، رضا ربانی

    ایئر انڈیا: کرو ممبرزکیلیے نئی گائیڈ لائن ’لپ اسٹک‘ ’ناخن پالش‘ خواتین کے لیے اہم ہدایات

  • نیوزی لینڈ نے کی اننگز ڈکلیئر، پاکستان کے صفر پر دو کھلاڑی آؤٹ

    نیوزی لینڈ نے کی اننگز ڈکلیئر، پاکستان کے صفر پر دو کھلاڑی آؤٹ

    کراچی ٹیسٹ، نیوزی لینڈ کے 277 رنز 5کھلاڑی آوٹ ہو گئے ہیں، دوسری اننگز ڈکلیئر کر دی گئی ہے،

    نیوزی لینڈ نے پاکستان کو جیت کیلئے 319 رنز کا ہدف دیدیا ،ٹام بلینڈل 74،ٹام لیتھم 62 اورکین ولیمسن نے 41رنز بنائے، بریسویل 74اورڈیریل مچل 6رنز بنا کر ناٹ آوٹ رہے، نسیم شاہ،میر حمزہ،ابرار احمد ،حسن علی اورآغا سلمان نے ایک ایک وکٹ کی،

    پاکستان اور نیوزی لینڈ کے درمیان چوتھے روز کا کھیل ختم ہو گیا، دوسری اننگز میں پاکستان کے صفر پر 2 کھلاڑی آوٹ ہوگئے پاکستان دوسری اننگز میں 2.5اوورز کھیل کر کوئی رن نہ بنا سکا عبداللہ شفیق اور میر حمزہ بغیر کوئی رن بنائے پویلین لوٹ گئے .نیوزی لینڈ کے ٹم ساوتھی اور ایش سوڈھی نے ایک ایک وکٹ حاصل کی

    تیسرا روز
    قومی ٹیم نے 3 وکٹوں کے نقصان پر 154 پر دوبارہ اننگز کا آغاز کیا تو 29 رنز کے اضافے کے بعد اوپنر امام الحق جلد وکٹ گنوا بیٹھے۔ انہوں نے 83 رنز کی اننگز کھیلی۔ دیگر کھلاڑیوں میں عبداللہ شفیق 19، شان مسعود 20، کپتان بابراعظم 24، آغا سلمان 41، حسن علی 4، نسیم شاہ بھی 4 رنز بنا کر آؤٹ ہوئے جبکہ میر حمزہ پہلی گیند پر بولڈ ہوگئے۔ سرفراز احمد اور سعود شکیل نے ٹیم کو سہارا دیتے ہوئے پانچویں وکٹ کی شراکت میں 150 رنز کی پارٹنرشپ قائم کی، سرفراز 78 رنز بناکر اسٹمپ آؤٹ ہوئے تھے۔ نیوزی لینڈ کی جانب سے اعجاز پٹیل نے 3، اِش سودھی نے 2 جبکہ ٹم ساؤتھی، میٹ ہینری اور ڈیرل مچل نے ایک ایک وکٹ حاصل کی تھی۔

    دوسرا روز

    قبل ازیں، نیوزی لینڈ نے اپنی بقیہ اننگز 309 رنز 6 وکٹوں پر شروع کی لیکن اش سودھی 11 رنز پر نسیم شاہ کی گیند پر بولڈ ہوگئے۔ ٹام بلنڈل 51 رنز بنا کر آؤٹ ہوئے اور کپتان ٹم ساؤتھی 10 رنز بنا کر آؤٹ ہوگئے۔ کھانے کے وقفے کے بعد اعجاز پٹیل 35 رنز بنا کر آؤٹ ہوئے جبکہ میٹ ہینری 68 رنز بنا کر ناٹ آؤٹ رہے۔ کیوی ٹیم کی جانب سے اوپنر ڈیون کانوے نے 122، ٹام لیتھم نے 71، ٹام بلنڈل نے 51 اور میٹ ہینری نے 68 رنز کی اننگز کھیلی۔ مہمان ٹیم کی آخری جوڑی کے درمیان 104 رنز کی شراکت قائم کی گئی۔ قومی ٹیم کے لیگ اسپنر نے 4 کھلاڑیوں کا شکار کیا جبکہ نسیم شاہ اور آغا سلمان نے تین تین کھلاڑیوں کو آؤٹ کیا۔ میر حمزہ اور حسن علی کوئی وکٹ لینے میں کامیاب نہ ہوسکے۔

    پہلا روز
    دوسرے سیشن میں اوپنر ڈیون کانوے نے سنچری مکمل کی لیکن چائے کے وقفے کے بعد ڈیون کانوے 122 رنز کی اننگز کھیل کر سلمان آغا کی گیند پر کیچ تھما بیٹھے۔ کین ولیمسن 36 رنز بنا کر نسیم شاہ کی گیند پر وکٹ کے پیچھے کیچ آؤٹ ہوئے جبکہ ڈیرل مچل 3 رنز بنا کر سلمان آغا کی گیند پر بولڈ ہوگئے۔ ہینری نکولس 26 رنز اور اور مائیکل بریسویل صفر پر پویلین لوٹ گئے۔ پہلے روز کھیل کے اختتام پر ٹام بلنڈل 30 اور اش سودھی 11 رنز پر وکٹ پر موجود ہیں۔ پہلے سیشن میں کیوی ٹیم کے اوپنرز نے 119 رنز بنائے تھے تاہم کھانے کے وقفے کے بعد ٹام لیتھم 71 رنز بنا کر نسیم شاہ کی گیند پر ایل بی ڈبلیو آؤٹ ہوگئے۔ کھانے کے وقفے سے قبل پاکستان نے اپنے تمام پانچ بولرز کا آزمایہ تھا تاہم کوئی بھی بولر وکٹ حاصل کرنے میں کامیاب نہ ہوسکا تھا۔

    نیوزی لینڈ نے ٹاس جیت کر بیٹنگ کا فیصلہ کیا تھا۔ قومی ٹیم نے محمد وسیم اور اسپنر نعمان علی کی جگہ فاسٹ بولر حسن علی اور نسیم شاہ کو شامل کیا جبکہ مہمان ٹیم نے فاسٹ بولر نیل واگنر کی جگہ میٹ ہینری کو ٹیم کا حصہ بنایا۔ دونوں ٹیموں کے درمیان سیریز کا پہلا ٹیسٹ میچ ڈرا ہوگیا تھا، سیریز آئی سی سی ورلڈ ٹیسٹ چیمپیئن شپ کا حصہ ہے۔ نیشنل اسٹیڈیم میں دوسرا ٹیسٹ دیکھنے کے لیے تماشائیوں کا داخلہ مفت ہے۔

    پاکستان ٹیم
    امام الحق، عبداللہ شفیق، شان مسعود، کپتان بابراعظم، سعود شکیل، وکٹ کیپر سرفراز احمد، آغا سلمان، حسن علی، نسیم شاہ، ابرار احمد، میر حمزہ۔
    نیوزی لینڈ ٹیم
    ٹام لیتھم، ڈیون کونوے، کین ولیمسن، ہینری نکولس، ڈیرل مچل، ٹام بلنڈل، مائیکل بریسویل، کپتان ٹم ساوتھی، اش سودھی، میٹ ہینری، اعجاز پٹیل۔

    علاوہ ازیں نیوزی لینڈ کیخلاف ون ڈے سیریز میں بلوچستان کے کھلاڑیوں کو نظر اندازکرنے پربلوچستان حکومت نے احتجاج کیا ہے، ترجمان حکومت بلوچستان کا کہنا ہے کہ بلوچستان کے وکٹ کیپر بیٹسمین حسیب اللہ کو پاکستان کپ کابہترین کھلاڑی کااعزازملنےکے باوجود ون ڈے ٹیم میں شامل نہ کرنا زیادتی ہے۔

  • پارلیمانی فورمز کے ذریعے پارلیمانی سفارت کاری کو فروغ ملتا ہے،سپیکر قومی اسمبلی

    پارلیمانی فورمز کے ذریعے پارلیمانی سفارت کاری کو فروغ ملتا ہے،سپیکر قومی اسمبلی

    اسپیکر قومی اسمبلی راجہ پرویز اشرف نے آسٹریلیا کے شہر کینبرا میں اسپیکرز اور پریزائیڈنگ آفیسرز کے رول پر منعقدہ دولتِ مشترکہ کی 26 ویں کانفرنس کے شرکاء سے خطاب کیا ہے،

    اسپیکر قومی اسمبلی راجہ پرویز اشرف کا کہنا تھا کہ فعال پارلیمنٹ کے ذریعے قوموں کو ترقی کی جانب گامزن کیا جا سکتا ہے، پاکستان کی پارلیمنٹ جدید اور موثر اقدامات کی ذریعے عوام کی رہنمائی کر رہی ہے،دنیا اس وقت بڑی تبدیلیوں سے گزر رہی ہے،کورونا وائرس اور موسمیاتی تبدیلیوں کی وجہ سے دنیا کی معیشتوں کو شدید نقصان پہنچا ہے،موسمیاتی تبدیلیوں سے آنے والی تباہی بھی انسانی زندگی کے لیے بڑا چیلنج ہے، پاکستان کی عوام موسمیاتی تبدیلیوں کی وجہ تاریخ کے سب سے بڑے سیلاب کی تباہ کاریوں سے نبرد آزما ہے معاشی تباہی اور اس کے نتیجے میں پیدا ہونے والے مسائل عوامی نمائندوں کے لیے بڑا چیلنج ہے، پارلیمانی نمائندوں کو قوموں کو درپیش چیلنجز کے حل کے لیے ملکر آگے بڑھنا ہو گا، عوام کے نمائندوں کی حیثیت سے نئے سماجی، ثقافتی،سیاسی اور اقتصادی نظام کو ایجاد کرنے کی ذمہ داری اراکین پارلیمنٹ پر عائد ہوتی ہے، جمہوری دور میں قومیں ہمیشہ ترقی کرتی ہیں،ایک منصفانہ، مساوی اور جامع معاشرے کے حصول کے لیے انسانیت کے سفر میں صنعتی انقلاب کی ضرورت ہے،حکومتوں کو جوابدہ بنانے میں عام شہری کی بامعنی شرکت ضروری ہے،شہید محترمہ بے نظیر بھٹو نے عوام اور اس کی پارلیمنٹ کے درمیان خلا کو جمہوریت کے لیے خسارہ قرار دیا، شفاف، منصفانہ اور قابل رسائی پارلیمنٹ جمہوریت کی عکاس ہے،جمہوریت کے فروغ کے لیے عوام اور پارلیمانوں کے درمیان تقسیم کو ختم کرنا ہو گا، پہلا 5 سالہ نیشنل اسمبلی سٹریٹجک پلان (NASP) 2008 میں متعارف کرایا گیا تھا 2014 میں ہمارے تجربات کی روشنی میں اس کا جائزہ لیا گیا، بعد میں اس میں مزید بہتری لائی گئی اور تیسرا اور موجودہ 5 سالہ NASP 2019 میں لکھا گیا، سالانہ ورک پلان اور قومی اسمبلی کے ہر محکمے کو اسٹرٹیجک پلان میں مقرر کردہ اہداف کو حاصل کرنے کے لیے اپنی سالانہ بجٹ کی ضروریات کو ہم آہنگ کرنے کی ضرورت ہے،

    اسپیکر قومی اسمبلی راجہ پرویز اشرف کا مزید کہنا تھا کہ قومی اسمبلی میں خصوصی اقدامات کے خصوصی طور پر بنائے گئے ونگ کے ذریعے پورے عمل کی باقاعدگی سے نگرانی اور جائزہ لیا جاتا ہے، جس کے تحت ایک پراجیکٹ مینجمنٹ یونٹ کو NASP کا سیکرٹریٹ سونپا گیا ہے،2009 میں وویمن پارلیمانی کاکس تشکیل دیا گیا تھا، جس میں تمام خواتین پارلیمنٹرینز کو برابر نمائندگی دی گئی ہے، جسے 2010 کی بین پارلیمانی یونین رپورٹ، CPA پبلیکیشنز اور اقوام متحدہ کی مختلف ایجنسیوں نے رول ماڈل کے طور پر مانا ہے، دوسرا مرحلہ 2014 میں پائیدار ترقیاتی کے اہداف پر خصوصی پارلیمانی ٹاسک فورس کا قیام عمل میں لایا گیا ہے،پاکستان کی پارلیمنٹ پہلی بار پارلیمنٹ بنی جس نے اپنے ترقیاتی ایجنڈے کو MDGs سے SDGs میں منتقل کیا اس گروپ کی کارکردگی اور اندازہ ایک مثال سے لگایا جا سکتا ہے، توانائی کے تحفظ کے لیے پاکستان کی پارلیمنٹ ون میگا واٹ سولر سسٹم لگا کر پہلی بار 100 فیصد گرین پارلیمنٹ بن گئی، پاکستان میں حالیہ تباہ کن سیلاب کے دوران پارلیمانی SDGs سیکرٹریٹ نے اہم کردار ادا کیا، پارلیمنٹ نے شرم الشیخ میں COP 27 میں بین الاقوامی کانفرنس میں دنیا کو باور کرایا کہ پاکستان عالمی ماحولیاتی تباہی کا شکار ہے، نوجوان کسی بھی قوم اور معاشرے کی ترقی کے لیے بنیادی حیثیت رکھتے ہیں نوجوان ایک محفوظ اور روشن مستقبل کی خواہش رکھتے ہیں، پاکستان کی پارلیمنٹ میں بنایا گیا ینگ پارلیمنٹرینز فورم نوجوانوں کی فلاح و بہبود کے لیے اہم کردار ادا کر رہا ہےیہ فورم نا صرف نوجوانوں بلکہ پارلیمنٹ اور عوام کے درمیان پل کا کردار ادا کر رہا ہےنئی ٹیکنالوجیز کو اختراع کرنے اور ان کے مطابق ڈھالنے میں نوجوانوں کا کردار کلیدی اہمیت کا حامل ہے،نوجوان جمود کو توڑنے اور سوشل اور سائبر میڈیا پر مواصلت کی موثر حکمت عملی تیار کرنے میں اہم کردار ادا کر رہے ہیں،سال 2022 میں پاکستان کی آزادی کا 75 سال مکمل ہوئے ہیں،پاکستان کی 75 ویں یوم آزادی کے موقع پر پارلیمنٹ میں ڈائمنڈ جوبلی منائی گئی، ڈائمنڈ جوبلی کے موقع پر مختلف تقریبات کا انعقاد کیا گیا ،ڈائمنڈ جوبلی کے موقع پر گزشتہ سال 10 اگست سے 13 اگست تک ایوان دروازے عام عوام کے لیے کھول گے، قومی اسمبلی ہال کے اندر عام شہریوں، اقلیتی برادری سے تعلق رکھنے والے اراکین پارلیمنٹ، خواتین، اور بچوں کے پارلیمنٹ کے خصوصی اجلاس منعقد کیے گئے،پاکستان کی قومی اسمبلی کے ان خصوصی تقریبات میں تاریخ میں نیا نام پیدا کیا، قومی اسمبلی کے ایوان میں سینیٹری ورکر، ٹرانس جینڈر، اسکول کے اساتذہ، نرسوں اور چھوٹے بچوں نے اپنی شکایات کے ذریعے عوامی نمائندوں کی توجہ مبذول کرائی، کابینہ کے وزراء، کمیٹی کے سربراہوں، موجودہ اور سابق اراکین قومی اسمبلی نے معاشرے کے عام لوگوں کی باتوں کو سنا، تاریخ میں پہلی بار پارلیمنٹ ٹوئٹر کا ٹاپ ٹرینڈ بنایک بچے کی تقریر کو سوشل میڈیا پر 60 لاکھ سے زیادہ ہٹس ملے،بچوں کی پارلیمنٹ میں منظور کی گئی قرارداد کو مدنظر رکھتے ہوئے قومی اسمبلی میں چلڈرن کاکس تشکیل دیا گیا ہے،چلڈرن پارلیمنٹری کاکس اس وقت بچوں سے متعلق تمام قوانین اور ریاستی اداروں کے کام کا جائزہ لے رہا ہے، پارلیمنٹ نے معذور افراد کے لیے پہلی مرتبہ پبلک سیکٹر بلڈنگ آڈٹ شروع کیا، اس کی سفارشات پر غور کرتے ہوئے، پوری عمارت کو PWDs کے لیے قابل رسائی بنایا گیا ریمپس، خصوصی واش روم بنا کر اور PWDs کے لیے دیگر فکسچر لگائے

    عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

    پی ڈی ایم اجلاس،عمران خان کے خلاف کارروائی سے متعلق غور

    حامد زمان کے خلاف فارن فنڈنگ کیس میں ایف آئی اے تحقیقات سے متعلق رپورٹ

    ،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

    اکبر ایس بابر سچا اور عمران خان جھوٹا ثابت ہوگیا،چوھدری شجاعت

    اسپیکر قومی اسمبلی راجہ پرویز اشرف کا مزید کہنا تھا کہ پاکستان کی قومی اسمبلی کی ویب سائٹ کو بصارت اور سماعت سے محروم افراد کے لیے قابل رسائی بنایا گیا ہے، قومی اسمبلی میں آئین پاکستان کو بصارت سے محروم افراد کے لیے بریل فارمیٹ سے ہم آہنگ کیا ہے،پاکستان کی قومی اسمبلی میں کمیٹی سسٹم میں زبردست اصلاحات نے لائی گئی ہیں، کمیٹیوں میں طاقتور کمیٹی پبلک اکاؤنٹس کمیٹی ہے جس کی سربراہی اپوزیشن کے پاس ہے، عوامی سماعت کے خیال کو ادارہ جاتی شکل دی جا رہی ہے، تمام وزارتیں ایک اسٹینڈنگ آرڈر کے ذریعے پابند ہیں کہ وہ اپنا سالانہ پبلک سیکٹر ڈویلپمنٹ پروگرام پی ایس ڈی پی ہر سال 30 جنوری تک جمع کرائیں، جس کی روشی میں پی ایس ڈی پی منظوری سے قبل اس کی مکمل جانچ پڑتال اور ترمیم کی جائے،پاکستان کو یہ اعزاز بھی حاصل ہے کہ وہ جنوبی ایشیا کا پہلا ملک ہے جس نے معلومات کی آزادی کا قانون بنایا ہے، معلومات تک رسائی کا حق ایکٹ 2017 کے تحت کوئی بھی شہری پارلیمنٹ اور ایگزیکٹو سے متعلق کسی بھی معلومات کے انکشاف کا مطالبہ کر سکتا ہے، پاکستان کی پارلیمان نے دنیا کے تمام دوست ممالک کے ساتھ روابط کے فروغ کے لیے دوستی گروپس تشکیل دے ہیں دوستی گروپس بین الاقوامی اور علاقائی پارلیمانی فورمز کے ذریعے پارلیمانی سفارت کاری کو فروغ دینے کا اہم ذریعہ ہیں دوستی گروپ موجودہ دو طرفہ اور کثیر جہتی تعلقات کو مضبوط بنانے کی راہ ہموار کر رہے ہیں پاکستان IPU، CPA، اسلامی ممالک کی پارلیمانی یونین کے فعال شراکت دار ہےحال ہی میں آسیان کی پارلیمانی اسمبلی میں بطور مبصر شامل ہوئے ہیں، ہمارے اقدامات کے نتیجے میں اقتصادی تعاون تنظیم (PAECO) کی پارلیمانی اسمبلی، افغانستان، چین، ایران، پاکستان، روسی فیڈریشن اور ترکی کے اسپیکرز کانفرنس ہوئی، جس میں دہشتگردی کے خاتمے اور علاقائی روابط کو مضبوط بنانے جیسے نئے فورمز کی تشکیل ہوئی ہے،