Baaghi TV

Tag: تازہ ترین

  • پی ٹی آئی کارکن معظم کے قتل کا پرچہ عمران خان پر کٹنا چاہیے،شرجیل میمن

    پی ٹی آئی کارکن معظم کے قتل کا پرچہ عمران خان پر کٹنا چاہیے،شرجیل میمن

    باغی ٹی وی کی رپورٹ کے مطابق پیپلز پارٹی کے رہنما، سندھ کے صوبائی وزیر اطلاعات شرجیل میمن نے کہا ہے کہ پنجاب فرانزک لیب رپورٹ نے عمران خان کے جھوٹے دعوؤں کی قلعی کھول کر رکھ دی،

    شرجیل میمن کا کہنا تھا کہ عمران خان کی اپنی حکومت کے ادارے نے عمران خان کو جھوٹا قراردے دیا فرانزک رپورٹ نے بتا دیا کہ عمران خان کو 4 گولیاں نہیں لگیں ،عمران کو گولی اور دھات کے ٹکڑے لگے ، رپورٹ نے واضح کردیا کہ پی ٹی آئی کارکن معظم کنٹینر سے آنے والی گولی سے جانبحق ہوا ،عمران خان دھات کے ٹکڑے لگنے سے 2 ماہ سے زمان پارک میں بند ہے عمران خان کی بہادری کا اندازہ لگایا جا سکتا ہے ،یہ ڈرپوک شخص کنٹینر پر چڑھ کر معصوم پاکستانیوں کو بڑھکاتا رہتا ہے ،معمولی خراش کے ڈر سے پنجاب حکومت کے خزانے کے منہ زمان پارک کی سیکیورٹی کے لیے کھول دیئے گئے ،پی ٹی آئی کارکن معظم کے قتل کا پرچہ عمران خان اور ان کے حواریوں پر کٹنا چاہیے ، شرجیل میمن کا کہنا تھا کہ عمران خان کے پاس اکثریت نہیں ہوتی مگر آرڈی ننس لے کر آتے تھے ،پی ٹی آئی کا غیر جمہوری رویہ رہا ہے،یہ ہمیشہ پروپیگنڈ ہ کرتی ہے عمران خان کے پاس اکثریت نہیں ہوتی مگر آرڈیننس لے کر آتے تھے،

    دوسری جانب پنجاب سابق میڈیکل سپریٹنڈنٹ ڈاکٹر گلزار احمد نےنجی ٹی وی سے گفتگو میں کہا کہ فرانزک لیب کی رپورٹ سے ثابت ہو گیا کہ عمران خان کو کوئی گولی نہیں لگی، صرف گولی کے ٹکڑے لگے ہیں۔

    خواتین کی تصاویر اور ویڈیوز بنانے والے اوباش ملزمان گرفتار

    زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

    سندھ کی جیلوں میں افغانی بچوں کی تصاویر، شرجیل میمن نے حقیقت بتا دی

    قبل ازیں عمران خان پر قاتلانہ حملہ، فرانزک رپورٹ منظر عام پر آگئی ، رپورٹ کے مطابق عمران خان کو گولیوں کے تین ٹکڑے اور ایک دھاتی ٹکڑا لگا، جائے وقوعہ سے ملنے والے 10 گولیوں کے خول بھجوائے گئے جو عمران خان کے ٹرک پر فائر ہوئے عمران خان کو گولیوں کے 3 ٹکڑے اور ایک دھاتی ٹکڑا لگا، جناح اسپتال لاہور کے میڈیکل لیگل کی جانب سے رپورٹ بھی فرانزک کو بھجوائی گئی تھی عمران خان جس ٹرک پر سوار تھے اس کے بائیں سائیڈ سے فائر کیے گئے فرانزک سائنس لیبارٹری کو 33 شواہد پارسل میں بھجوائے گئے تھے شواہد ، سی سی پی او آفس لاہور ، ڈی پی او وزیر آباد اور جے آئی ٹی ممبران نے بھجوائے ،معظم گوندل کی پوسٹ مارٹم رپورٹ بھی منظرِ عام پر آگئی معظم گوندل کے سر کے پیچھے ایک گولی لگی جو ماتھے سے باہر نکلی،معظم پر گولی اونچائی سےفائر ہوئی جس سے اسکی موت ہوئی

  • سندھ حکومت کا ایڈمنسٹریٹرز کی تعیناتی کا حکم نامہ معطل کرنے کا فیصلہ

    سندھ حکومت کا ایڈمنسٹریٹرز کی تعیناتی کا حکم نامہ معطل کرنے کا فیصلہ

    کراچی: سندھ حکومت نے ایڈمنسٹریٹرز کی تعیناتی کا حکم نامہ معطل کرنے کا فیصلہ کرلیا۔

    باغی ٹی وی: ذرائع کے مطابق سندھ حکومت نے کراچی کے ضلع شرقی، کورنگی اور حیدرآباد میونسپل کارپوریشنز کے ایڈمنسٹریٹرز کی تعیناتی کے حکم نامے کو معطل کرنے کا فیصلہ کیا ہے جس کے تحت تینوں ایڈمنسٹریٹرز کو عہدوں سے ہٹایا جائے گا۔

    جہاں لفظ ڈی جی آ جائے اس سے تو بس اللہ بچائے،جسٹس قاضی فائز عیسیٰ کے ریمارکس

    ذرائع کا کہنا ہےکہ سندھ حکومت ایڈمنسٹریٹرزکو ہٹانے کے معاملے میں ایم کیو ایم کو بھی اعتماد میں لے گی۔

    الیکشن کمیشن نے تینوں افسران کی تعیناتی کو خلاف ضابطہ قرار دیا تھا جبکہ سندھ ہائیکورٹ نے اس معاملے پر کل چیف سیکرٹری سندھ اور سیکریٹری بلدیات کو ذاتی حیثیت میں طلب کر رکھا ہے۔

    اس سے قبل پاکستان تحریک انصاف (پی ٹی آئی) نے الیکشن شیڈول کے بعد سیاسی بنیادوں پر ایڈمنسٹریٹرز کی تقرری کو سندھ ہائی کورٹ میں چیلنج کر دیا پی ٹی آئی کراچی کے صدر بلال غفار نے شہاب امام ایڈووکیٹ کے توسط سے درخواست دائر کی۔

    سوزوکی اورانڈس موٹرز کےبعد پاکستان میں ایک اور کمپنی نے اپنا پلانٹ بند کردیا

    تحریک انصاف کی جانب سے درخواست میں مؤقف اپنایا گیا ہے کہ فرقان اطیب، شکیل اور محمد شریف کو کراچی کے اضلاع میں ایڈمنسٹریٹرز تعینات کیا گیا ہے، یہ افسران متحدہ قومی موومنٹ کی رابطہ کمیٹی کے بھی ارکان ہیں۔

  • ن لیگ میں مریم نواز کو پارٹی صدر نے بڑا عہدہ دے دیا

    ن لیگ میں مریم نواز کو پارٹی صدر نے بڑا عہدہ دے دیا

    پاکستان مسلم لیگ(ن) کی ترجمان مریم اورنگزیب کا کہنا ہے کہ پاکستان مسلم لیگ (ن) کے صدر شہباز شریف نے پارٹی کے بڑے تنظیمی فیصلے کا اعلان کر دیا

    ن لیگ کی ترجمان مریم اورنگزیب کا کہنا ہے کہ شہباز شریف نے مریم نواز شریف کو پاکستان مسلم لیگ (ن) کی سینئر نائب صدر مقرر کر دیا،ترجمان مسلم لیگ ن مریم اورنگزیب نے پارٹی صدر کے فیصلے کا نوٹیفیکشن جاری کر دیا ،نوٹیفیکیشن پاکستان مسلم لیگ (ن) کے صدر شہباز شریف کے دستخطوں سے جاری ہوا ،شہباز شریف نے مریم نواز شریف کو پارٹی کا ‘چیف آرگنائزر’ بھی مقرر کر دیا پارٹی کی تنظیم نو کی ذمہ داری مریم نواز شریف کو سونپ دی گئی مریم نواز شریف تمام سطحوں پر پارٹی کو ‘ری-آرگنائز’ کریں گی

    ہارنا ہے تو وقار سے ہاریں، زرتاج گل نے کس کو دیا مشورہ؟

    مریم نواز میں یہ کام کرنے کی صلاحیت ہی نہیں، زرتاج گل کا چیلنج

    میرا بھائی دہشت گردی کے خلاف جنگ میں شہید ہوا،یہ کس قربانی کی بات کرتے ہیں،زرتاج گل

    وزیراعظم کے خواتین کے ریپ بارے بیان پر زرتاج گل بھی بول پڑیں

    سینما کے مالک کا بیٹا اب وزیر اعظم پر تنقید کرتا ہے،زرتاج گل

    واضح رہے کہ ن لیگی رہنما مریم نواز لندن گئی ہوئی ہیں، سابق وزیراعظم نواز شریف علاج کے لئے لندن گئے تھے اور تاحال واپس نہیں آئے مریم نواز بھی اب لندن میں والد کے ہمراہ مقیم ہیں،

  • مغلظات پر قاسم سوری کیخلاف سلیم صافی کی قانونی کاروائی

    مغلظات پر قاسم سوری کیخلاف سلیم صافی کی قانونی کاروائی

    پاکستان کے معروف صحافی اور جیو نیوز کے مشہور پروگرام جرگہ کے میزبان سلیم صافی وہ واحد صحافی ہیں جو شروع دن سے سابق وزیر اعظم عمران خان کے ناقد رہے ہیں لیکن جب عمران خان کی حکومت بن گئی تو اس سے قبل اور اس دوران بھی انکی کی گئی پیشن گوئیاں حرف بہ حرف سچ ثابت ہوئیں لیکن سینئر صحافی نے جب بھی سابقہ دور میں کوئی اچھا کام ہوا اس کی تعریف جبکہ غلط کام اور اس وقت کی حکومت کی نااہلی پر کھل کر تنقید کی یہی وجہ تھی جس کے سبب تحریک انصاف نے روزانہ کی بنیاد پر اس معروف صحافی کے خلاف انتہائی غلیظ قسم کی ناصرف سوشل میڈیا پر کمپین چلائی بلکہ ٹرینڈ بھی بنائے لیکن انہوں نے ہمیشہ اس چیز کو نظر انداز کرتے ہوئے اپنا کام ایمانداری سے جاری رکھا لیکن جیسا کہ پی ٹی آئی والوں کی شہرت ہے انہوں نے اس صحافی کے سوالات اور تنقید کا جواب دلیل سے دینے کے بجائے انکے مرحوم والدین کیخلاف مغلظات بکنا شروع کردیا.

    گزشتہ سال 29 دسمبر 2022 کو سلیم صافی نے دعویٰ کرتے ہوئے لکھا کہ "سابق ڈپٹی اسپیکراور تحریک انصاف کے رہنماء قاسم خان سوری نے ٹویٹرپرمیرے ان مرحوم والدین کوگالی دی جنہوں نے مجھے گالی دینا نہیں سکھایا لہذا اسلئے قانونی راستہ اپنایا ہے. انہوں نے مزید کہا "عمرانی دورمیں ایک ایم این اے کی شکایت پر(حالانکہ صفحہ 73پرانکا ذکرنہیں تھا) ایف آئی اے عمران خان کی ایما پرمحسن بیگ کے گھرپرحملہ آورہوئے لہذا اب دیکھنا یہ ہےکہ میری شکایت پرکیا کاروائی ہوتی ہے؟”

    دوسری جانب اسلام آباد پریس کلب نے جاری کردہ ایک اعلامیہ میں قاسم سوری کے مغلظات پر شدید افسوس کا اظہار کرتے ہوئے اس کی سخت الفاظ میں مذمت کی جبکہ نیشنل پریس کلب اسلام آباد کے صدر انوررضا اور ان کی کابینہ کے ممبران نے قاسم سوری کے نیشنل پریس کلب میں داخلے پر پابندی عائد کردی. جس پر سینئر صحافی سلیم صافی نے اپنے صحافی دوستوں کا شکریہ ادا کیا.

    واضح رہے کہ سابق ڈپٹی اسپیکر قومی اسمبلی قاسم سوری کے خلاف وفاقی تحقیقاتی ادارے (ایف آئی اے) کو درخواست میں جیو نیوز کے سینئر اینکر پرسن سلیم صافی نے ایف آئی اے سائبر کرائم ونگ کو بتایا کہ قاسم سوری نے ٹوئٹر پر نازیبا اور غیراخلاقی کمنٹس کیئے لہذا قاسم سوری کے خلاف قانون کے مطابق کارروائی کی جائے۔

    ٹی وی اینکر اقرار الحسن نے اس بارے میں اپنے ایک ٹوئیٹ میں لکھا کہ؛ "قاسم سوری اور سلیم صافی صاحب کے معاملے میں سوری صاحب نے حد سے تجاوز کیا جبکہ شوکت خانم جیسی عظیم خاتون کے بیٹے عمران خان کی یہ تربیت نہیں ہو سکتی ہے کہ آپ کسی کی ماں کے کردار پر انگلی اٹھائیں۔ انہوں نے مزید کہا کہ سلیم صافی صاحب نے قانونی راستہ اختیار کر کے درست فیصلہ کیا ہے لہذا ہم اس معاملے میں ان کے ساتھ ہیں.


    تاہم گزشتہ 2 جنوری 2023 کو ایف آئی نے سابق ڈپٹی اسپیکر محمد قاسم خان سوری کو اس حوالے سے ایک نوٹس جاری کیا ہے جبکہ باغی ٹی وی نے بھی قاسم سوری سے اس بارے میں ان کا موقف جاننے کیلئے رابطہ کیا مگر انہوں نے تادم تحریر کوئی جواب نہیں دیا ہے۔

  • عمران خان ہر کھیل میں ناکام، ان کی کوئی ضد پوری نہیں ہوسکتی،وزیر خارجہ

    عمران خان ہر کھیل میں ناکام، ان کی کوئی ضد پوری نہیں ہوسکتی،وزیر خارجہ

    باغی ٹی وی کی رپورٹ کے مطابق وزیر خارجہ بلاول زرداری نے کہا ہے کہ موسمیاتی تبدیلی سے متعلق پاکستان کا موقف دنیا بھرمیں پیش کیا،سیلاب سے پاکستان کا آدھا حصہ پانی میں ڈوب گیا تھا،

    تقریب سے خطاب کرتے ہوئے وزیر خارجہ بلاول زرداری کا کہنا تھا کہ ہم نے 2010 کا سیلاب دیکھا مگر 2022 کےسیلاب نے سب کچھ متاثرکیا،نیویارک ،شرم الشیخ سمیت دنیا کے ہر فارم پر پاکستان کےساتھ ہونے والی ناانصافی کا معاملہ اٹھایا، سیلاب کی وجہ سے لوگ آج بھی مشکل میں ہیں ،سیلاب متاثرین کی بحالی کے لیے اقدامات کررہے ہیں،سیلاب متاثرین کی بحالی کے لیے ہمیں کچھ وقت ضروردرکار ہوگا مگر عزم ہمارا پختہ ہے ،بلوچستان اور سندھ میں آج بھی مختلف علاقوں میں سیلابی پانی موجود ہے،سیلاب متاثرین کی بحالی کے بعد انہیں گھربنا کربھی دیئے جائیں گے سیلاب متاثرین کی بحالی، گھروں کی تعمیر اورنقصانات کےازالے کےلیے ورلڈ بینک سے رقم منظو ر کروائی ،لوگوں کو مشکلات سے نکالنے کے لیے ہم نےمسلسل کوشش کرنی ہے، وسائل جمع کریں تاکہ ہم لوگوں کو مشکل سے نکال سکیں، جو کام ہم نے کرنا ہے ایک دم سے نہیں ہوگا، ہم متاثرین کوپیروں پر کھڑا کرناچاہتے ہیں،ہمیں وقت درکار ہے،

    وزیر خارجہ بلاول زرداری کا مزید کہنا تھا کہ وزیر اعلیٰ سندھ نے انتظار نہیں کیا، مون سون کا سلسلہ چل رہا تھا، ورلڈ بینک کے ترجمان سے ملوایا، وزیر اعلیٰ سندھ نے اپنی ٹیم سے کہا کہ تمام بحالی کے پروگرامز پر کام شروع کیا جائے، سیلاب کے بعد ہرادارہ معاشی بحران کا شکار ہے،چاہتے ہیں پھر سیلاب آنے پر ہم لوگ تیار ہوں اور ایسے منصوبے بنائے جائیں کہ انفراسٹرکچر محفوظ رہے، صحت کا بحران بن چکا ہے، ایک تو بیماریاں پھیل رہی ہیں، صحت کے نظام کو بھی نقصان پہنچا ہے، سندھ میں 50 فیصد تعلیمی ادارے متاثر یا تباہ ہوچکے ہیں اپوزیشن معاشی بحران کو سنجیدگی سے لیکر حکومت کا ساتھ دے ،ہم بھی اپوزیشن کا حصہ تھے ،حکومت کے خلاف تھے مگر کورونا میں ہم نےساتھ دیا،سیاسی مخالفین ہماری مدد نہیں کرتے تو عوام کی مدد نہیں کرتے اپوزیشن کی جی ٹی روڈ کی سیاست چلتی رہی، ملک کے اندر اور با ہر برا تاثر گیا جس اسکیل کا بحران ہے، ملکی سطح پر اتنی اہمیت نہیں دی جارہی ہے،مشن مشکل ضرور ہے، وقت لگے گا لیکن ہم لوگوں کو لاوارث نہیں چھوڑیں گے،دنیا سے جو بھی مدد اکٹھی کر سکتے ہیں کریں گے، ابھی سے یہ کام شروع ہوگا، وزیر اعظم اوریواین سیکریٹری جنرل 9جنوری کو کانفرنس رکھ رہے ہیں،ہم دنیا کے سامنے اپنا مقدمہ پیش کریں گے، تب ہماری ابتدا ہوگی، مشکل وقت ہے ، ملکر مدد کریں گے تو آگے نکلیں گے سیلاب میں قیامت سے پہلے قیامت جیسی صورتحال تھی،دادو کے عوام کو ماضی میں بھی اکیلا نہیں چھوڑا اب بھی نہیں چھوڑیں گے، بیوروکریسی کا شاید تاثر ملک میں اچھا نہیں لیکن میں نے افسران کی ریلیف کی فراہمی میں محنت دیکھی لاڑکانہ میں کچرا اٹھانے کی سروس شروع کی، ویسٹ مینجمنٹ سروس کے ملازمین مدد میں لگے ہیں، یو این سیکریٹری جنرل کا شکر گزار ہوں کہ انہوں درخواست پر پاکستان کا دورہ کیا امریکا، ورلڈ ہیلتھ آرگنائزیشن کا شکرگزار ہوں جنہوں نے مدد کی ،قطر، یو اے ای کی ہر طرف سے ہمیں مدد ملی مسلسل کام کر کے ہم اپنی منزل پر پہنچیں گے ، لوگوں کی خوشحالی ترجیح ہے، ملک میں اس وقت وسائل کا فقدان ہے ،ایک طرف بجلی آتی نہیں دوسری طرف بل برداشت سے باہر ہے ،

    وزیر خارجہ بلاول زرداری کا مزید کہنا تھا کہ عمران خان نے جب بھی لانگ مارچ کیا ناکام ہوئے،پی ٹی آئی والوں نے اسپیکر کے پاوں پکڑے ہوئے ہیں کہ ہمارے استعفے قبول نہ کریں ، وقت آتا ہے تو شاہ محمود قریشی اور پرویز خٹک غائب ہوجاتے ہیں پی ٹی آئی والے پارلیمنٹ میں اپنا کردار ادا کریں اگر 6 ماہ عمران خان کی حکومت نہیں رہتی تو کیامسئلہ ہے ،عمران خان کا سیاسی مستقبل ملک کو نقصان دے رہا ہے،ایم کیو ایم سے معاہدہ ہے ،چاہتے ہیں اس کے مطابق چلیں ،عمران خان کہتے ہیں میرے لوگ اسمبلیوں سے استعفے دیں گے میں عمران خان سے کہوں گا پارلیمنٹ آئیں اور اپنا کردار ادا کریں ،پی ٹی آئی کے وائس چئیرمین شاہ محمود قریشی اور مرکزی رہنما پرویز خٹک اسمبلی سے استعفی نہیں دینا چاہتے۔ عمران خان ہر کھیل میں ناکام ہوچکا ہے اب تو ان کی کوئی ضد پوری نہیں ہوسکتی۔اب انہیں ہر صورت قومی اسمبلی میں واپس آنا ہوگا۔عمران خان کی تو ابھی تک ضد پوری نہیں ہورہی اللہ کافیصلہ ہے کہ سیلاب آنے سے پہلے عمران خان کو نکالنا تھا،عمران خان کی ضد پر جلد الیکشن نہیں ہوسکتے پیپلزپارٹی اور ایم کیو ایم ملکر کام کرینگی تو سندھ کا بھلا ہوگا، ایم کیوایم اور دیگر تمام جماعتوں کے ساتھ ملکر کام کرنے کو تیار ہیں، بلوچستان میں انگریز دور کا انفراسٹرکچر بھی پانی کی نذر ہوگیا،سوات میں پل 15فٹ اونچے بنائے گئے وہ بھی سیلاب میں بہہ گئے،نو ڈیرو میں ہمارے آبائی گھر 200سال مون سون برداشت کرتے رہے مگر اب گر گئے ،کینیڈا جیسے ملک میں بھی لوڈ شیڈنگ ہوتی ہے ،دہشت گردی کے خلاف سیکیورٹی ادارے سرگرم ہیں، پیپلزپارٹی ، سیکیورٹی فورسز اور عوام نے دہشت گردی کےخلاف قربانیاں دیں

    بینظیر کا قتل پوری قوم کو قتل کرنے کی سازش تھی،بلاول

    بینظیر نے اپنی کتاب میں لکھا نواز شریف نے اسامہ بن لادن سے پیسے لیے،فرخ حبیب

    بینظیر کے افتتاح کردہ سنٹر کو تبدیلی سرکار نے بیچنے کا اشتہار دے دیا

    آصفہ زرداری کس صورت میں الیکشن لڑیں گی؟ بڑا اعلان ہو گئا

  • وفاقی کابینہ نے 20 ادویات کی قیمتوں میں کمی کی منظوری دے دی

    وفاقی کابینہ نے 20 ادویات کی قیمتوں میں کمی کی منظوری دے دی

    وفاقی کابینہ نے 20 ادویات کی قیمتوں میں کمی کی منظوری دے دی ہے۔

    باغی ٹی وی :ترجمان وزارت صحت کے مطابق وفاقی وزیر صحت عبدالقادر پٹیل کی سفارش پر کیبنٹ نے20 ادویات کی قیمتوں کی کمی کی منظوری دی ہے، زیادہ تر ادویات کی قیمتوں میں کمی 30 فی صد ہوئی ہے۔

    قومی ادارہ صحت کی جانب سے کورونا کے نئے ویرینٹ کی خبر کی تردید کردی

    وفاقی وزیر صحت عبدالقادر پٹیل نے کہا کہ مختلف بیماریوں میں استعمال ہونے والی ادویات کی قیمتوں میں کمی لوگوں کو ریلیف فراہم کرنے کی جانب ایک اور قدم ہے ، بلڈ پریشر، کینسر اور آنکھوں کی بیماریوں میں استعمال ہونے والی ادویات کی قیمتوں میں کمی کی گئی ہے ۔

    سوزوکی اورانڈس موٹرز کےبعد پاکستان میں ایک اور کمپنی نے اپنا پلانٹ بند کردیا

    انہوں نے مزید کہا کہ 54 نئی ادویات کی قیمتیں فکس کرنے کی بھی منظوری دی گئی ہے، یہ نئی ادویات کینسراور مختلف بیماریوں میں استعمال ہوں گی۔

  • آئی فون نے خاتون کی جان بچا لی

    کیلیفورنیا: سمارٹ فونز کے فیچر نے ایک خاتون کی جان بچا لی-

    باغی ٹی وی : غیر ملکی میڈیا کے مطابق امریکی ریاست کیلیفورنیا میں ایک خاتون کی گاڑی رات کے وقت سڑک سے 200 فٹ نیچے تنگ کھائی میں گر گئی اور کئی گھنٹے تک کسی کو علم بھی نہیں تھا خوش قسمتی سے ان کے پاس ایپل کا فون تھا جس میں فائنڈ مائی آئی فون فیچر تھا اور اسی کی بدولت ہی خاتون کا پتہ لگانے میں مدد ملی۔

    اینڈرائیڈ صارفین مصروفیات شیڈول کرنے والی خطرناک ایپ ٹو ڈو: ڈے مینیجر‘ کو فورا…

    رپورٹ کے مطابق فائر ڈیپارٹمنٹ کا کہنا ہے کہ انہیں انٹرسٹیٹ پر ٹریفک حادثے کی اطلاع ملی اور ٹیم مدد کے لیے روانہ ہوئی۔ ایک شخص نے اطلاع دی تھی کہ حادثہ ہو گیا ہے اور یہ علی الصبح کا وقت تھا۔ ایمرجنسی ڈیپارٹمنٹ کے اہلکار بھاری ریسکیو ٹرک کے ہمراہ جائے وقوعہ پر پہنچے۔ اس میں سوار خاتون بری طرح زخمی ہو چکی تھیں۔ اہلکار ان کو تلاش کرتے رہے اور اس کے لیے سلنگ سسٹم کا استعمال کیا۔

    بعدازاں پتہ چلا کہ خاتون کی گاڑی اس سے بھی 24 گھنٹے قبل حادثے کا شکار ہوئی تھی اور جب وہ گھر نہیں پہنچیں تو ان کے گھروالوں کو تشویش ہوئی اور ان کی تلاش کے لیے ایپل فائنڈ مائی آئی فون فیچر کا استعمال کیا۔ اس پر ملنے والے سگنل پر جب پہنچے تو گاڑی نیچے کھائی میں پھنسی دکھائی دی، جس کے بعد انہوں نے پولیس کو اطلاع دی۔ بہرحال خاتون کو گاڑی سے نکال کر ہسپتال پہنچایا گیا، جہاں کچھ دیر تشویشناک حالت میں رہنے کے بعد ان کی طبعیت سنبھل گئی-

    کابل میں فوجی ہوائی اڈے کے باہر دھماکہ ، متعدد افراد جاں بحق

    فائنڈ مائی آئی فون ایک ایسا فیچر ہے جس میں فائنڈ مائی فرینڈ ایپلی کیشن کی سروسز بھی یکجا کی جا سکتی ہیں اس سے صارف کو خاندان کے افراد اور دوستوں کا پتہ لگانے میں مدد ملتی ہے کیونکہ اس کے ذریعے لوکیشن بھی شیئر کی جا سکتی ہے۔

    اس کو استعمال کرنے کیلئے اپنی ڈیوائس پر ’فائنڈ مائی ایپلی کیشن‘ چلائیں، پھر مقام کے اشتراک پر کلک کریں۔ اس کے بعد اپنے نام پر کلک کریں جس کے ساتھ آپ لوکیشن شیئر کرنا چاہتے ہیں اور ان کا فون نمبر یا ای میل ایڈریس درج کریں۔

    اس میں یہ آپشن بھی ہے کہ لوکیشن کا اشتراک ایک گھنٹہ، دن کے اختتام یا غیرمعینہ مدت کے لیے کیا جا سکتا ہے۔ اس کے بعد دوسرے شخص کو پیغام بھیجا جاتا ہے کہ وہ بھی لوکیشن شیئر کرے جس کے بعد نقشے کی مدد سے صحیح مقام تک پہنچا جا سکتا ہے۔

    قطرنےچین سےآنیوالےمسافروں پرمنفی پی سی آر ٹیسٹ پیش کرنے کی پابندی عائد کردی

  • تحریک انصاف کی معاشی ٹیم کے تیار وائٹ پیپر کے اہم نکات سامنے آ گئے

    تحریک انصاف کی معاشی ٹیم کے تیار وائٹ پیپر کے اہم نکات سامنے آ گئے

    تحریک انصاف کی معاشی ٹیم کے تیار وائٹ پیپر کے اہم نکات سامنے آ گئے

    تحریک انصاف کا وفاقی حکومت کے خلاف وائٹ پیپر جاری کرنے کا معاملہ ، تحریک انصاف کی معاشی ٹیم کے تیار وائٹ پیپر کے اہم نکات سامنے آئے ہیں،

    وائٹ پیپر میں تمام اندرونی اور بیرونی معاشی پالیسیوں کو سامنے لایا گیا ہے،پاکستان میں مہنگائی میں پچھلے آٹھ ماہ میں کتنا اضافہ ہوا وائٹ پیپر میں گزشتہ سالوں کے تناسب سےاعدادوشمار موجود ہیں، وائٹ پیپر کے مطابق اہم ضروریات آشیا میں پنتالیس فیصد اضافہ ہوا ۔عام آدمی کی مشکلات میں پہلے سے دو سو فیصد اضافہ ہوا، ڈالر کی قیمت میں اضافے اور شارٹج سے امپورٹ میں کمی آئی۔ ناکام معاشی پالیسیوں سے پاکستان کی انڈسٹری کو سخت دھچکا لگا پچھلے آٹھ ماہ میں لاکھوں ہنر مند افراد بے روز گار ہوئے۔ حکومت کی غیر دانشمندانہ اقدامات کے باعث ملکی زراعت کو بھی نقصان کا سامنا کرنا ہڑ رہا ہے ۔موجودہ دور حکومت میں کسانوں کو سخت معاشی مشکلات کا سامنا کرنا پڑ رہا ہے پیٹرولیم مصنوعات کی قیمتوں میں اضافے سے بھی پاکستان کی عوام کی جیبوں پر اضافی بوجھ برداشت کرنا پڑ رہا ہے۔

    وائیٹ پیپر میں کہا گیا ہے کہ ن لیگ کے 2018 کے دور کرنٹ اکاونٹ خسارہ 19 ارب 20 کروڑ ڈالر تھا، 2018 میں سٹیٹ بنک کے زخائر 9 ارب 40 کروڑ ڈالر تھے،2018 میں پاکستانی کرنسی کو 23 اضافہ ویلیو رکھی گئی، 2013 سے 2018 میں ایکپسورٹس 10 ارب ڈالر کمی اور امپورٹس 23 ارب ڈالر تک بڑھیں،2018 میں جی ڈی پی کی مد میں قرضہ 64 فیصد تک بڑھے ملے،2013 سے 18 میں زراعت اور انڈسٹری میں کوئی سرمایہ کاری نہ ہوئی، 2013 سے 18 میں ن لیگ 1.6 ٹریلین کے گردشی قرضہ بڑھائےن لیگ نے 2018 میں ملک کا سنگین ترین انرجی بحران چھوڑ گئی،پی ٹی آئی دور میں گرتی معیشت کو سنبھالا گیا،پی ٹی آئی نےاقتدار سنبھالنے کے بعد 32 ارب ڈالرز کے قرضوں کی فنانسنگ کی،پی ٹی آئی دور میں کورونا کے باوجود جی ڈی پی گروتھ 6 فیصد تک پہنچی پی ٹی آئی نے کرنٹ اکاونٹ خسارہ کو مسلسل کم کیا،پی ٹی آئی دور میں لارج سکیل مینیوفیکچرنگ کی گروتھ 11 فیصد سے زائد رہی، پی ٹی آئی دور میں 32 ارب ڈالر کی ریکارڈ ایکسپورٹس ہوئیںپی ٹی آئی دور میں ریکارڈ 31 ارب ڈالر کی ریمیٹینسز ہوئیں ،پی ٹی آئی دور میں ریکارڈ 6.15ٹریلین روپے کی ٹیکس وصولی ہوئی، پی ٹی آئی دور میں انڈسٹریل گروتھ7.2فیصد تک پہنچی، پی ٹی آئی دور میں عالمی مارکیٹ میں اضافہ کے باوجود پٹرولیم مصنوعات کی قیمتوں کو کم رکھا گیا،مہنگائی کے سپر سائیکل کے باوجود عوام کو ریلیف دیا گیا پی ٹی آئی دور میں کرنٹ اکائوٹ خسارہ ماہانہ کی بنیاد پر 2 ارب ڈالر کم ہوا،پی ڈی ایم کے 8 ماہ میں مہنگائی کی شرح بلند ترین سطح پر پہنچی،مارچ 2022 کے بعد آٹا،گھی،پٹرولی مصنوعات اور گھریلو اشیاء کی قتمتیں 100 سے 200 فیصد تک بڑھ گئیں
    صرف 8 ماہ میں سٹیٹ بنک کے زخائر 6.1ارب ڈالر تک پہنچ گئے، صرف 8 ماہ میں ٹیکسٹائل سیکٹر کے 15 لاکھ ملازمین بے روزگار ہوئے ،صرف 8 ماہ میں ڈیفالٹ کا خطرہ 5 فیصد سے 90 فیصد تک پہنچا، 8 ماہ میں ایکسپورٹس اور ترسیلاتِ زر 2 ڈالر ماہانہ کم ہوئے،اوپن اور انٹربنک میں روپے کی قدر میں ڈالر بلند ترین سطح پر پہنچا،پاکستان کی کریٹ ریٹنگ کو منفی قرار دیا گیا،مارچ میں ڈالر ریٹ 179 نومبر میں 224 رہا

    قبل ازیں تحریک انصاف کے چیئرمین عمران خان سے فوکل پرسن برائے تاجران ناصر سلمان کی ملاقات ہوئی ہے، اس موقع پر عمران خان کا کہنا تھا کہ امپورٹڈ حکومت آئی ایم ایف کے سامنے عوامی حقوق کا تخفظ یقینی بنانے میں بری طرح سے ناکام ہو چکی ہے، ہمارے دور کو لوگ کاروباری ترقی کے سنہری دور کے لحاظ سے ہمیشہ یاد رکھیں گے،پاکستان کی معاشی صورتحال پر ایک وائٹ پیپر جاری کر رہے ہیں، فوری الیکشن ملک کو اس معاشی بحران سے نکال سکتے ہیں

    دوسری جانب پنجاب اسمبلی میں اعتماد کے ووٹ کا معاملہ ،چیئرمین تحریک انصاف عمران خان نے پنجاب کی سینئر لیڈر شپ کا اجلاس طلب کر لیا اجلاس تین بجے عمران خان کی رہائش گاہ زمان پارک پر ہو گا ۔مشاورتی اجلاس میں سپیکر پنجاب اسمبلی سبطین خاں، میاں اسلم اقبال، عثمان بزدار، ڈاکٹریاسمین راشد سمیت دیگر شریک ہوں گے ۔اجلاس میں تحریک انصاف اور ق لیگ کے نو جنوری سے قبل پالیمارنی پارٹی کے اجلاس بلانے کے حوالے سے مشاورت ہو گی پنجاب اسمبلی میں اعتماد کے ووٹ اور اجلاس کے حوالے سے مشاورت ہو گی

    طالبات کو کالج کے باہر چھیڑنے والا گرفتار،گھر کی چھت پر لڑکی کے سامنے برہنہ ہونیوالا بھی نہ بچ سکا

    پولیس کا قحبہ خانے پر چھاپہ،14 مرد، سات خواتین گرفتار

    خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم

    موٹرسائیکل پر گھر چھوڑنے کے بہانے ملزم کی خاتون سے زیادتی

  • پولیس اہلکاروں پر ہونے والی فائرنگ کا مقدمہ درج

    پولیس اہلکاروں پر ہونے والی فائرنگ کا مقدمہ درج

    شہر قائد کراچی کے علاقے بلدیہ سعید آباد میں گذشتہ روز پولیس اہلکاروں پر ہونے والی فائرنگ کا مقدمہ درج کر لیا گیا

    واقعے کا مقدمہ پولیس اہلکار کی مدعیت میں سعید آباد تھانے میں درج کیا گیا ،مقدمے میں اقدام قتل،پولیس مقابلہ اور انسداد دہشتگردی ایکٹ سمیت دیگر دفعات شامل کی گئی ہیں،مدعی مقدمہ کا کہنا ہے کہ سڑک پر رانگ وے آتے ہوئے موٹر سائیکل سوار 2 ملزموں نے فائرنگ کی، سڑک پر رش ہونے کے باعث جوابی فائرنگ نہیں کرسکے، پولیس اہلکار حنیف کو ایک گولی پیٹ میں لگی دوسری گولی موٹرسائیکل پر لگی

    دوسری جانب جرائم پیشہ عناصر کیخلاف پولیس اور رینجرر کی کاروائیاں جاری ہیں، اورنگی ٹاؤن فرنٹیئر کالونی سے ڈکیتی اور اسٹریٹ کرائم کی وارداتوں میں ملوث2 ملزم گرفتارکر لئے گئے، ترجمان رینجرز کے مطابق ملزموں کو رینجرز و پولیس نے انٹیلی جنس بنیاد پر مشترکہ کارروائی کرتے ہوئے گرفتار کیا ،ملزم اورنگی ٹاؤن اور اطراف میں ڈکیتی، موبائل فونز اور نقدی چھیننے کی متعدد وارداتوں میں ملوث ہیں، ملزم 29دسمبر کو شہری سے نقدی اور موٹر سائیکل چھین کر فرار ہو گئے تھے جس کی سی سی ٹی وی فوٹیج وائرل ہوئی تھی دورانِ تفتیش ملزموں نے کنواری کالونی ماربل فیکٹری ایریا اور قطر ہسپتال روڈ پر شہریوں سے چھینا جھپٹی کی وارداتوں کا اعتراف کیا

    علاوہ ازیں گورنمنٹ نیشنل کالج کے سیکیورٹی گارڈ کی مبینہ غفلت،رائفل سے کھیلنے کے دوران گولی چل گئی ،سیکیورٹی گارڈ کی رائفل سے فائر ہونے والی گولی کی زد میں آکر طالبعلم زخمی ،پولیس نے گرفتارکرلیا ،ایس ایس پی ایسٹ کا کہنا ہے کہ نیو ٹاون پولیس اسٹیشن میں سیکیورٹی گارڈ کے خلاف مقدمہ درج کرلیا گیا ،سیکورٹی گارڈ کا اسلحہ بھی ضبط کرلیا گیا ،واقعہ غفلت و لاپروائی کا نتیجہ ہے

    واش روم استعمال کیا،آرڈر کیوں نہیں دیا؟گلوریا جینز مری کے ملازمین کا حاملہ خاتون پر تشدد،ملزمان گرفتار

    خاتون کی لاش کے کئے 56 ٹکڑے، ٕگوشت بھی کھایا ، ملزمان کا تہلکہ خیز انکشاف

     پولیس نے مختلف کاروائیاں کرتے ہوئے 12 ملزمان کو گرفتار کر لیا 

  • طیارے کے انجن میں پھنس کرشہری ہلاک

    امریکا :ایئرپورٹ پر ملازمت کرنے والا شہری طیارے کے انجن میں پھنس کر ہلاک ہوگیا ہے۔

    باغی ٹی وی : دی گارڈین کی رپورٹ کے مطابق امریکی ریاست الاباما کے ایئرپورٹ پر طیارے کو مرمتی کام کے لیے لینڈ کیا گیا، جس دوران یہ حادثہ پیش آیا، حادثے کے وقت طیارے کا ایک انجن کھلا ہوا تھا۔

    رونالڈو ریاض پہنچ گئے

    طیارے نے ڈیلاس سے پرواز بھری تھی، امریکی فضائی کمپنی نے اپنے ملازم کی حادثاتی موت کی تصدیق کرتے ہوئے افسوس کا اظہار کیا ہے جبکہ مکمل تحقیقات کا آغاز بھی کر دیا گیا ہے۔

    نیشنل ٹرانسپورٹیشن سیفٹی بورڈ نے انسائیڈر کو ایک بیان میں کہا کہ یہ المناک حادثہ اس وقت پیش آیا جب ایک امریکن ایئر لائنز ایمبریئر 170 گیٹ پر کھڑی تھی جس کا کم از کم ایک انجن آن تھا ابتدائی رپورٹ دو سے تین ہفتوں میں سامنے آئی گی-

    بگ بیش لیگ:متنازع کیچ پر آئی سی سی کی وضاحت

    حادثہ ہفتہ کی سہ پہر تین بجے کے قریب پیش آیا۔ اب تک نامعلوم کارکن پیڈمونٹ ایئر لائنز میں ملازم تھا، جو امریکن ایئر لائنز گروپ کی ذیلی کمپنی ہے۔