Baaghi TV

Tag: تازہ ترین

  • وزیر خارجہ بلاول بھٹو سے برطانوی وزیر مملکت برائے خارجہ لارڈ طارق احمد کی ملاقات

    وزیر خارجہ بلاول بھٹو سے برطانوی وزیر مملکت برائے خارجہ لارڈ طارق احمد کی ملاقات

    وزیر خارجہ بلاول بھٹو زرداری سے برطانوی وزیر مملکت برائے خارجہ لارڈ طارق احمد کی ملاقات.

    وزیر خارجہ بلاول بھٹو زرداری سے برطانیہ کے وزیر مملکت برائے خارجہ، دولت مشترکہ اور ڈویلپمنٹ آفس لارڈ طارق احمد آف ومبلڈن نے نیویارک میں ملاقات کی۔ یہ بات ترجمان دفتر خارجہ کی جانب سے جمعرات کو جاری بیان میں بتائی گئی۔ لارڈ طارق احمد برطانوی وزیر اعظم کے تنازعات میں جنسی تشدد کی روک تھام کے خصوصی نمائندہ بھی ہیں۔وزیر خارجہ بلاول بھٹو زرداری امریکا کے دورہ پر ہیں۔

    یاد رہے کہ اس سے قبل بھی دونوں رہنماوں کی ملاقات ہوئی تھی. جس میں باہمی دلچسپی کے امور سمیت پاک برطانیہ دوطرفہ تعلقات اور علاقائی و بین الاقوامی امور پر تبادلہ خیال کیا گیا تھا. علاوہ ازیں وزیر خارجہ بلاول بھٹو زرداری کو لارڈ طارق احمد نے برطانوی حکومت کی جانب سے اضافی 10 ملین پاو¿نڈ کی امداد سے آگاہ بھی کیا تھا. بلاول بھٹو زرداری نے سیلاب سے متاثرہ افراد کی اضافی سمیت مجموعی طور پر 26 ملین پاو¿نڈ سے زائد امداد پر برطانیہ کا شکریہ ادا کیاتھا وزیر خارجہ نے برطانیہ میں مقیم پاکستانی کمیونٹی کے کردار کو بھی سراہا تھا .
    مزید یہ بھی پڑھیں.
    معروف شاعرہ امیتا پرسورام کا یوم پیدائش
     فیفا ورلڈ کپ:سیمی فائنل میں کے باوجود مراکشی کھلاڑی میدان میں سجدہ ریز،مداح رو پڑے
    مزید ملکوں کو ویٹو پاور دینے سے عالمی سطح پر خلیج بڑھے گی:بلاول بھٹو
    بلاول بھٹو زرداری اور لارڈ طارق احمد نے پاک برطانیہ تعلقات کو مزید مضبوط کرنے پر زوردیاتھا اور وزیر خارجہ نے کہا کہ پاکستان اور برطانیہ کے گہرے تاریخی روابط ہیں، موسمیاتی تبدیلی کا مقابلہ کرنے کیلئے پاکستان اور برطانیہ کو مل کر کام کرنا ہوگا، بلاول بھٹو زرداری کاکہناتھا کہ پاکستان اور برطانیہ کے درمیان تجارتی روابط میں مزید اضافہ وقت کی ضرورت ہے۔

  • معروف شاعرہ امیتا پرسورام کا یوم پیدائش

    معروف شاعرہ امیتا پرسورام کا یوم پیدائش

    تو جتنا بھی انہیں اپنا سمجھ لے
    سیاسی ہستیاں تیری نہ میری

    معروف شاعرہ امیتا پرسورام کا قلمی نام امیتا پرسو رام میتا ہے امیتا 15دسمبر 1955ء میں پیدا ہوئیں-

    غزل
    ۔۔۔۔۔
    شدت شوق سے افسانے تو ہو جاتے ہیں
    پھر نہ جانے وہی عاشق کہاں کھو جاتے ہیں
    مجھ سے ارشاد یہ ہوتا ہے کہ سمجھوں ان کو
    اور پھر بھیڑ میں دنیا کی وہ کھو جاتے ہیں
    درد جب ضبط کی ہر حد سے گزر جاتا ہے
    خواب تنہائی کے آغوش میں سو جاتے ہیں
    بس یوں ہی کہتے ہیں وہ میرے ہیں میرے ہوں گے
    اور اک پل میں کسی اور کے ہو جاتے ہیں
    ہم تو پابند وفا پہلے بھی تھے آج بھی ہیں
    آپ ہی فاصلے لے آئے تو لو جاتے ہیں
    کوئی تدبیر نہ تقدیر سے لینا دینا
    بس یوں ہی فیصلے جو ہونے ہیں ہو جاتے ہیں
    کچھ تو احساس محبت سے ہوئیں نم آنکھیں
    کچھ تری یاد کے بادل بھی بھگو جاتے ہیں

    غزل
    ۔۔۔۔۔
    بن گئے دل کے فسانے کیا کیا
    کھل گئے راز نہ جانے کیا کیا
    کون تھا میرے علاوہ اس کا
    اس نے ڈھونڈے تھے ٹھکانے کیا کیا
    رحمت عشق نے بخشے مجھ کو
    اس کی یادوں کے خزانے کیا کیا
    آج رہ رہ کے مجھے یاد آئے
    اس کے انداز پرانے کیا کیا
    رقص کرتی ہوئی یادیں ان کی
    اور دل گائے ترانے کیا کیا
    تیرا انداز نرالا سب سے
    تیر تو ایک نشانے کیا کیا
    آرزو میری وہی ہے لیکن
    اس کو آتے ہیں بہانے کیا کیا
    راز دل لاکھ چھپایا لیکن
    کہہ دیا اس کی ادا نے کیا کیا
    دل نے تو دل ہی کی مانی میتاؔ
    عقل دیتی رہی طعنے کیا کیا

    غزل
    ۔۔۔۔۔
    محبت مہرباں تیری نہ میری
    مکمل داستاں تیری نہ میری
    گنوا دی عمر جس کو جیتنے میں
    وہ دنیا میری جاں تیری نہ میری
    خدا جانے ہے کس کا درد کتنا
    یہ سانجھی سسکیاں تیری نہ میری
    ہیں نا انصافیاں ہر سمت لیکن
    کھلی اب تک زباں تیری نہ میری
    بچا ہے اور نہ کوئی بچ سکے گا
    غموں کی آندھیاں تیری نہ میری
    تو جتنا بھی انہیں اپنا سمجھ لے
    سیاسی ہستیاں تیری نہ میری
    صحافت کو خریدا اہل زر نے
    رہی اب سرخیاں تیری نہ میری
    اداکاری ریا کاری دکھاوا
    حقیقت کی زباں تیری نہ میری

  • ممتاز صحافی و کالم نگار ظفر عالم سرورکینیڈا میں وفات پا گئے

    ممتاز صحافی و کالم نگار ظفر عالم سرورکینیڈا میں وفات پا گئے

    ممتاز صحافی و کالم نگار ظفر عالم سرور (زیڈ اے سرور) کینیڈا میں وفات پا گئے-

    باغی ٹی وی : ضیاء الحق کے مارشل لاء میں آزادی صحافت کے لیے آواز بلند کرنے پر انہوں نے جیل کاٹی اور ملازمت سے بھی نکالے گئے. وہ پاکستان ٹائمز، ڈان اور فرنٹیئر پوسٹ سے وابستہ رہے .-

    ظفر عالم سرور نے کئی نیشنل اور انٹرنیشنل خبریں بریک کیں ذوالفقار علی بھٹو، محمد خان جو نیجو، ظفر اللہ جمالی، نواب اکبر خان بگٹی سمیت بے شمار سیاسی قائدین کے خصوصی انٹرویو کیے-

    ظفر عالم سرور امروز، پاکستان اور جنگ کے نیوز ایڈیٹر اکبر عالم مرحوم کے بڑے بھائی اور ایکسپریس نیوز کے سینئر رپورٹر طالب فریدی کے چچا تھے ان کی تدفین کینیڈا میں ہی ہوگی ان کے بیٹے وہیں رہتے ہیں.

  • کرکٹرکین ولیمسن نیوزی لینڈ کی ٹیسٹ ٹیم کی کپتانی سے دستبردار

    کرکٹرکین ولیمسن نیوزی لینڈ کی ٹیسٹ ٹیم کی کپتانی سے دستبردار

    کیوی کرکٹر کین ولیمسن نیوزی لینڈ کی ٹیسٹ ٹیم کی کپتانی سے دستبردار ہوگئے۔

    باغی ٹی وی : نیوزی لینڈ کرکٹ کے مطابق کین ولیم سن ٹیسٹ ٹیم کی کپتانی سے دستبردار ہوگئے، البتہ وہ وائٹ بال کرکٹ میں کیوی کرکٹ ٹیم کی قیادت جاری رکھیں گے، وہ بطور عام بیٹر ٹیسٹ میچز بھی کھیلتے رہیں گے۔

    دورہ پاکستان کیلئے نیوزی لینڈ کے 15 رکنی ٹیسٹ اسکواڈ کا اعلان


    ولیم سن نے 40 ٹیسٹ میچز میں نیوزی لینڈ ٹیم کی قیادت کی۔

    ٹیسٹ ٹیم کی کپتانی سے دستبردار ہونے کے بعد ولیم سن نے کہا کہ کپتانی کی وجہ سے ورک لوڈ بڑھ گیا تھا اس لیے یہ فیصلہ کیا، اگلے دو سال دو ورلڈ کپ ہیں اس لیے وائٹ بال کی قیادت جاری رکھوں گا۔

    نیوزی لینڈ کرکٹ کے مطابق دورہ پاکستان کیلئے ٹِم ساؤتھی نیوزی لینڈ ٹیسٹ ٹیم کی قیادت کریں گے جبکہ ٹوم لیتھم کو کیوی ٹیسٹ ٹیم کا نائب کپتان مقرر کر دیا گیا ہے۔

    فیفا ورلڈ کپ:سیمی فائنل میں کے باوجود مراکشی کھلاڑی میدان میں سجدہ ریز،مداح رو پڑے

    دوسری جانب دورہ پاکستان کیلئے نیوزی لینڈ کے 15 رکنی ٹیسٹ اسکواڈ کا اعلان کردیا گیا ہے دورہ پاکستان میں ٹِم ساؤتھی نیوزی لینڈ ٹیسٹ ٹیم کی قیادت کریں گے جبکہ ٹرینٹ بولٹ نے دورے کیلئے عدم دستیابی ظاہر کی ہے۔

    نیوزی لینڈ ٹیسٹ اسکواڈ میں لیگ اسپنر اِش سودھی کی چار سال بعد واپسی ہوئی ہے، اس کے علاوہ بلیئر ٹکنر اور گلین فلپس کو بھی نیوزی لینڈ اسکواڈ میں شامل کر لیا گیا کیوی اسکواڈ کے دیگر کھلاڑیوں میں مائیکل بریسویل، ٹام بلنڈیل، ڈیون کانوے، میٹ ہینری ،ٹام لیتھم، ڈیرل مچل،ہینری نکولس، اعجاز پٹیل،کین ولیم سن ،نیل ویگنر اور ول ینگ شامل ہیں۔

    پاکستان اور نیوزی لینڈ کا پہلا ٹیسٹ 26 دسمبر سے کراچی، دوسرا 3 جنوری سے ملتان میں ہوگا دورہ پاکستان کیلئے نیوزی لینڈ ون ڈے اسکواڈ کا اعلان 19 دسمبر کو کیا جائے گا۔

    پی ایس ایل 8 کےلیےکھلاڑیوں کی ڈرافٹنگ:کل کا دن بہت اہم قرار

  • دورہ پاکستان کیلئے نیوزی لینڈ کے 15 رکنی ٹیسٹ اسکواڈ کا اعلان

    دورہ پاکستان کیلئے نیوزی لینڈ کے 15 رکنی ٹیسٹ اسکواڈ کا اعلان

    دورہ پاکستان کیلئے نیوزی لینڈ کے 15 رکنی ٹیسٹ اسکواڈ کا اعلان کردیا گیا۔

    باغی ٹی وی : دورہ پاکستان میں ٹِم ساؤتھی نیوزی لینڈ ٹیسٹ ٹیم کی قیادت کریں گے جبکہ ٹرینٹ بولٹ نے دورے کیلئے عدم دستیابی ظاہر کی ہے۔

    نئی ٹیسٹ رینکنگ:بابراعظم اور محمد رضوان کی ایک درجہ تنزلی

    نیوزی لینڈ ٹیسٹ اسکواڈ میں لیگ اسپنر اِش سودھی کی چار سال بعد واپسی ہوئی ہے، اس کے علاوہ بلیئر ٹکنر اور گلین فلپس کو بھی نیوزی لینڈ اسکواڈ میں شامل کر لیا گیا۔

    کیوی اسکواڈ کے دیگر کھلاڑیوں میں مائیکل بریسویل، ٹام بلنڈیل، ڈیون کانوے، میٹ ہینری ،ٹام لیتھم، ڈیرل مچل،ہینری نکولس، اعجاز پٹیل،کین ولیم سن ،نیل ویگنر اور ول ینگ شامل ہیں۔

    پاکستان اور نیوزی لینڈ کا پہلا ٹیسٹ 26 دسمبر سے کراچی، دوسرا 3 جنوری سے ملتان میں ہوگا دورہ پاکستان کیلئے نیوزی لینڈ ون ڈے اسکواڈ کا اعلان 19 دسمبر کو کیا جائے گا۔

    انگلینڈ اور پاکستان کی ٹیمیں تیسرے ٹیسٹ کیلئے کراچی پہنچ گئیں

  • فیفا ورلڈ کپ:سیمی فائنل میں کے باوجود مراکشی کھلاڑی میدان میں سجدہ ریز،مداح رو پڑے

    فیفا ورلڈ کپ:سیمی فائنل میں کے باوجود مراکشی کھلاڑی میدان میں سجدہ ریز،مداح رو پڑے

    قطر میں جاری فیفا ورلڈکپ کے دوسرے سیمی فائنل میں دفاعی چیمپئن فرانس نے مراکش کو شکست دے کر فائنل کے لیے کوالیفائی کرلیا۔

    باغی ٹی وی: فرانس نےسیمی فائنل میں مراکش کو دو صفر سے ہرایا، فرانس کی جانب سے پہلا گول تھیو ہرنانڈس نے میچ کے پانچویں منٹ میں کیا ، دوسرا گول رینڈل کولوموآنی نے 79 ویں منٹ میں کیا۔

    نئی ٹیسٹ رینکنگ:بابراعظم اور محمد رضوان کی ایک درجہ تنزلی

    مراکش نے آخری چند منٹوں میں تابڑ توڑ حملے کیے مگر ناکام رہے اور میچ دوصفر سے فرانس کی جیت پر ختم ہوا۔

    فرانس کے ہاتھوں شکست کے باوجود پورے ٹورنامنٹ میں بہترین کھیل سے سب کو اپنا مداح بنانے والے مراکشی ٹیم کے کھلاڑیوں نے ایونٹ میں اپنی روایت برقرار رکھی اور میدان میں سجدے کیے۔


    مراکش ٹیم کے کھلاڑیوں نے ایونٹ میں ہر میچ میں کامیابی کے بعد سجدہ کرتے ہوئے خدا کا شکر ادا کیا، تاہم آج شکست کے باوجود بھی انہوں نے اپنی روایت برقرار رکھی۔

    سوشل میڈیا پر وائرل ہونے والی تصاویر اور ویڈیوز میں دیکھا گیا کہ سیمی فائنل میں شکست کے بعد مراکشی کھلاڑیوں نے میدان میں بڑی تعداد میں موجود اپنے فینز کا شکریہ ادا کیا اور پھر سجدے میں چلے گئے۔

    فیفا ورلڈ کپ 2022 آخری فائنل ہو گا،لیونل میسی نے

    جبکہ مراکش کے فینز کے دل ٹو ٹ گئے، دارالحکومت کاسا بلانکا میں لڑکیاں پھوٹ پھوٹ کے روپڑیں اس کے علاوہ لیاری کراچی میں بھی مراکش کے مداح اداس ہو گئے ، انہوں نے فائنل میں ارجنٹائن کی جیت کی خواہش کا اظہار کیا۔

    واضح رہے کہ مراکش کی ٹیم فیفا ورلڈکپ کی تاریخ میں سیمی فائنل میں پہنچنےوالی پہلی عرب اور پہلی افریقی ٹیم تھی مراکش فیفا ورلڈکپ کے سیمی فائنل تک رسائی حاصل کرنے والا دوسرا مسلم ملک تھا، اس سے قبل 2002 کے ورلڈکپ میں ترکی سیمی فائنل میں پہنچا تھا۔

  • پاکستان کے خلاف سازشوں کا جال بچھ گیا۔ بھارت کھل کرآگیا

    پاکستان کے خلاف سازشوں کا جال بچھ گیا۔ بھارت کھل کرآگیا

    لاہور:پاکستان میں‌دہشت گردی کے بیچ بونے والا بھارت ، ابھی بھی باز نہیں آرہا ہے،کبھی بھارت پاکستان میں دہشت گرد تنظیموں کو سپورٹ کرتا ہے تو کبھی براہ راست دہشت گردی کی کارروائیوں میں ملوث پایا جاتا ہے ، یہ وہی بھارت ہے جو پاکستان میں ترقی اور خوشحالی نہیں دیکھنا چاہتا، اسی لیے بھارت سی پیک کےخلاف سازشوں میں مصروف ہے

    اس حوالے سے گفتگو کرتے ہوئے سینیئرصحافی مبشرلقمان نے کہا ہے کہ سب جانتے ہیں کہ بھارت پاکستان کوعدم استحکام کا شکارکرنے میں ہرطرح‌ کا گھنونا کھیل کھیل رہا ہے ، ان کا کہنا تھا کہ وہ کون ہے جو پاکستان میں‌دہشت گردی کروارہا ہے ، وہ کون ہے جوپاکستان کوافغان جنگ میں‌ پھنسانا چاہتا ہے ، وہ کون ہےجو سی پیک کے خلاف ہے ، وہ کون ہے جو پاکستان کوعالمی دنیا میں تنہا کرنا چاہتا ہے وہ کون ہے جو پاکستان میں دہشت گردی کروا رہے ، ان کا کہنا تھا کہ اب تو واضح ثبوت موجود ہیں کہ بھارت کلبھوشن یادیو کی شکل میں پاکستان میں دہشت گردی کورا رہا ہے اور بھی ایسے دہشت گرد پاکستان میں ہوں گے جو پاکستان کو نقصان پہنچانے میں کسی قسم کی سستی نہیں کررہےہوں گے

     

    ان کا کہنا تھا کہ بھارت پاکستان میں دہدشت گرد گروہوں کو فنڈنگ کرتا ہے ، بھارت پاکستان میں دہشدت گردی کو پروان چڑھا رہا ہے ، بھارت پاکستان میں معصوم شہریوں کوقتل کروا رہا ہے ، بھارت پاکستان میں معاشی تباہی پھیلانے میں کردار ادا کررہا ہے ، لیکن اب ایسا نہیں چلے گا، بھارت کو یہ پیغام دینا ہوگا کہ اگر بھارت پاکستان میں گڑبڑ کرتا ہے تو پھر بھارت کو بھی اس کےلیے تیار رہنا چاہے، اب بات ناقابل برداشت ہوچکی ہے

    یہ بھی یاد رکھیں کہ بھارت عالمی برادری میں یہ تاثر دینے کی کوشش کررہا ہے کہ پاکستان اقلیتوں کے حقوق کا تحفظ نہیں کرسکتا، حالانکہ صورت حال ہےیہ ہے کہ بھارت کی دہشت گردی کے پاکستان میں ثبوت موجود ہیں ، عالمی سطح‌پر پاکستان کو اس معاملے کو لےکر پیش ہونا چاہیے ، بھارت خطے میں ایٹمی اثاثوں کے حوالے سے غیرذمہ دار ملک ثابت ہوا ہے ، جہاں ایٹمی تابکاری مواد کی سرعام فروخت ہوتی ہے ، مگر عالمی دنیا پھر بھی خاموش ہے

     

    مبشرلقمان کا کہنا تھا کہ بھارت نے اتنی بڑی غیر ذمہ داری کا مظاہرہ کیا ، اگرایسا کبھی پاکستان میں ہوتا تو کیا بھارت ہمیں سکون کا سانس لینے دیتا ، ہرگز ایسا نہ ہوتا ، مگر بھارت کے خلاف کسی نے ایکشن نہیں لیا بھارت پھرپاکستان کے خلاف سازشوں پر اتر آیا ہے، اس کے لیے ملک میں جب تک سیاسی عدم استحکام نہیں آتا بھارت کو بہتر انداز سے جواب نہیں دیا جاسکتا ، ہمیں بھارت کی ان چالوں کو سمجھنا ہوگا

  • ن لیگ کے لوگ سمجھدار،اسحاق ڈارہربات کا الزام مجھ پر نہیں لگا سکتے: مفتاح اسماعیل

    ن لیگ کے لوگ سمجھدار،اسحاق ڈارہربات کا الزام مجھ پر نہیں لگا سکتے: مفتاح اسماعیل

    اسلام آباد:پاکستان مسلم لیگ (ن) کے رہنما اور سابق وزیر خزانہ مفتاح اسماعیل نے کہا ہے کہ پاکستان کے موجودہ معاشی مسائل کا حل صرف آئی ایم ایف ہے، اسحاق ڈار ہر بات کا مجھ پر الزام نہیں لگا سکتے، وزیر خزانہ کی اپنی ایک منطق ہے، مسلم لیگ کے لوگ سمجھدار ہیں، سب کو پتا ہے اسحاق ڈار غلطی کر رہے ہیں۔

    عمران خان ماضی کی طرح اسمبلیوں کی تحلیل پر بھی یوٹرن لیں گے:گورنرپنجاب

    نجی ٹی وی میں‌ گفتگو کرتے ہوئے مفتاح اسماعیل کا کہنا تھا کہ آئی ایم ایف نے کہا پٹرول، ڈیزل مہنگا کرو ہم نے مہنگا کیا، اگر آئی ایم ایف کو ساتھ رکھنا ہے تو ایکس چینج ریٹ اپنی مرضی کا نہیں رکھ سکتے، پچھلے ماہ ہماری ایکسپورٹ کم اور بنگلہ دیش کی بڑھی ہے، اس وقت دنیا میں کاٹن کی قیمت کم ہوگئی ہے۔

    انہوں نے مزید کہا کہ گیس قیمتوں میں رعایت دیں لیکن آئی ایم ایف سے طے شدہ 162 ارب روپے سرپلس پر کھڑے رہے، بنگلہ دیش ایکسپورٹ بڑھانے کی وجہ سے آگے نکل گیا، پاکستان نے ایکسپورٹ نہیں بڑھائی، حکومت کا خسارہ مہنگائی کی صورت میں عوام کو ادا کرنا پڑتا ہے، ایکسپورٹس کم ہونے کے باعث پاکستان ڈیفالٹ کی نہج تک پہنچا، 1999 میں نواز شریف دور میں ایکسپورٹس جی ڈی پی کا 16 فیصد تھی اب 9 فیصد نہیں۔

    عمران خان کا قومی اسمبلی میں واپس جانے کا اعلان

    سابق وزیر خزانہ کا کہنا تھا کہ میرے دور میں آئی ایم ایف سے معاہدے کے بعد پاکستان کی معیشت کو سہارا ملا، آئی ایم ایف نے قسط جاری کردی تو ڈیفالٹ سے بچا جاسکتا ہے، ہر بات کا الزام مجھ پر نہیں ڈالا جاسکتا، اسحاق ڈار نےغلط کہا، 36 ارب ڈالرکا انتظام ہو رہا تھا تبھی آئی ایم ایف نے پچھلی قسط دی، آپ کے پاس دنیا کو بیچنے کے لیے کچھ نہیں تو خریدنا بھی نہیں چاہیے۔

    مفتاح اسماعیل نے کہا کہ سعودی عرب، چین سمیت تمام دوست ممالک چاہتے ہیں ہم آئی ایم ایف سے بات کرلیں، ہر حکومت جاتے ہوئے آخری سال خزانے کے منہ کھول دیتی ہے جو ملک کی خدمت نہیں، صرف دو آپشن ہیں آئی ایم ایف کے پاس جائیں یا ری اسٹرکچر کریں، پھر آئی ایم ایف کو آنکھیں دکھائی گئیں اکتوبر سے چلنے والے مذاکرات اب تک نہ ہوئے، میرے دور میں آئی ایم ایف سے معاہدے کے بعد پاکستان کی معیشت کو سہارا ملا۔

  • مزید ملکوں کو ویٹو پاور دینے سے عالمی سطح پر خلیج بڑھے گی:بلاول بھٹو

    مزید ملکوں کو ویٹو پاور دینے سے عالمی سطح پر خلیج بڑھے گی:بلاول بھٹو

    نیویارک :مزید ملکوں کو ویٹو پاور دینے سے عالمی سطح پر خلیج بڑھے گی،اطلاعات کےمطابق پاکستان کے وزیرخارجہ بلاول بھٹو زرداری کا کہنا ہے کہ سلامتی کونسل میں مزید ملکوں کو ویٹو پاور دینے سے عالمی سطح پر خلیج بڑھے گی۔

    عمران خان ماضی کی طرح اسمبلیوں کی تحلیل پر بھی یوٹرن لیں گے:گورنرپنجاب

    نیویارک میں سلامتی کونسل کے زیراہتمام عالمی پائیدارامن اور سیکیورٹی کے عنوان سے تقریب میں اظہار خیال کرتے ہوئے وزیرخارجہ نے کہا کہ سلامتی کونسل میں توسیع بالادستی کے بجائے برابری کی بنیاد پر ہونی چاہیے۔

    عمران خان کا قومی اسمبلی میں واپس جانے کا اعلان

    بلاول بھٹو زرداری نے کہا کہ کسی بھی تنازع کے فریق ملک دوطرفہ معاملہ کہہ کر توجہ نہیں ہٹاسکتے، سلامتی کونسل تسلیم شدہ تنازعات کےحل میں مؤثر کردار ادا کرے۔بلاول بھٹو کا کہنا تھا کہ عالمی امن اور متعلقہ مسائل کا حل سلامتی کونسل کی ذمہ داری ہے، انسانی حقوق، دہشتگردی ہو یا موسمیاتی تباہیاں،ہر شعبے میں سلامتی کونسل کا کردار بڑھ گیا ہے۔

    ناکام امریکی میزائل دفاعی سسٹم پیٹریاٹ یوکرین کےحوالے:یوکرینی دفاعی حکام غیرمطمئن

    انہوں نے کہا کہ آج دنیا کو بہت سے چیلنجز کا سامنا ہے، عالمی تعلقات میں انصاف کیلئےاقوام متحدہ پر اہم ذمہ داری عائدہوتی ہے، عالمی سطح پر قیام امن کے ساتھ سماجی اور معاشی ترقی کا چیلنج بھی درپیش ہے۔

  • صدر مملکت کی عمران خان سے ملاقات، اسحاق ڈار سے ملاقاتوں سے آگاہ کیا

    صدر مملکت کی عمران خان سے ملاقات، اسحاق ڈار سے ملاقاتوں سے آگاہ کیا

    صدر مملکت ڈاکٹر عارف علوی نے زمان پارک میں چیئرمین پاکستان تحریک انصاف عمران خان سے ملاقات کی، عارف علوی نے عمران خان کو وزیر خزانہ اسحاق ڈار سے ہونے والی ملاقاتوں سے متعلق آگاہ کیا۔

    صدر مملکت ڈاکٹر عارف علوی اور چیئرمین پی ٹی ائی عمران خان کے درمیان ہونے والی ملاقات میں اسحاق ڈار اور وفاقی وزراء سے ہونیوالی ملاقاتوں پر تبادلہ خیال کیا گیا۔

    کراچی:تھیلیسیمیا جیسے خطرناک مرض سےبچاوکی کوششیں جاری رہنی چاہیں:اماراتی قونصل…

    عمران خان نے عارف علوی کو سینئر لیڈر شپ کے اجلاس اور ق لیگ کے رہنماؤں سے ہونے والی ملاقات سے آگاہ کیا۔ ملاقات کے بعد صدر مملکت زمان پارک سے روانہ ہو گئے۔سینئر رہنماء پی ٹی آئی شاہ محمود قریشی نے زمان پارک سے روانہ ہوتے ہوئے کہا کہ صدر مملکت عارف علوی چیئرمین پی ٹی آئی عمران خان کی تیمارداری کرنے آئے تھے۔

    وزیراعلیٰ پنجاب چودھری پرویز الٰہی اور مونس الٰہی سےملالہ یوسف زئی کی ملاقات

    اس سے پہلے عوام سے خطاب کرتے ہوئے پاکستان تحریک انصاف (پی ٹی آئی ) کے چیئرمین اور سابق وزیراعظم عمران خان نے کہا ہے کہ پارٹی کے تمام ذمہ داران سے رائے لے چکا ہوں، اب مزید مشاورت نہیں فیصلے کا اعلان ہو گا، اسمبلیاں دسمبر میں ہی تحلیل ہوں گی، 17 دسمبر کو دو اسمبلیوں سے نکلنے کی تاریخ کا اعلان کروں گا، کسی سے کوئی مدد نہیں مانگ رہا