Tag: تازہ ترین

سپریم کورٹ میں نیب ترامیم کیخلاف عمران خان کی درخواست پر سماعت ہوئی

عمران خان کے وکیل خواجہ حارث کی جانب سے سپریم کورٹ میں دلائل دیئے گئے،وکیل نے کہا کہ ایگزیکٹو اپنا کام نہ کرے تو لوگ عدالتوں کے پاس ہی آتے ہیں،چیف جسٹس عمر عطا بندیال نے ریمارکس دیتے ہوئے کہا کہ نیب ترمیم اس اسمبلی نے کی جو مکمل ہی نہیں،اس پر قانون نہیں ملا کہ نامکمل اسمبلی قانون سازی کر سکتی ہے یا نہیں سیاسی حکمت عملی کے باعث آدھی سے زیادہ اسمبلی نے بائیکاٹ کر رکھا ہے،جسٹس اعجاز الاحسن نے ریمارکس دیتے ہوئے کہا کہ نیب ترامیم سے فائدہ صرف ترمیم کرنے والوں کو ہی ہوا،چند افراد کی دی گئی لائن پر پوری سیاسی پارٹی چل رہی ہوتی ہے،لائن کو فالو کریں تو اس کا فائدہ صرف چند افراد کی ذات کو پہنچتا ہے نیب ترمیم کی ہدایت کرنے والوں کو اصل میں فائدہ پہنچا، کیا ایسی صورتحال میں عدلیہ ہاتھ باندھ کر تماشا دیکھے؟نیب ترامیم کو بغیر بحث جلد بازی میں منظور کیا گیا،ترامیم کی نیت ہی ٹھیک نہ ہو تو آگے جانے کی ضرورت ہی نہیں،

چیف جسٹس عمر عطا بندیال نے ریمارکس دیتے ہوئے کہا کہ عدالتی فیصلوں کے باوجود کرپشن ختم نہیں ہوسکی، مسئلہ صرف کرپشن کا نہیں سسٹم میں موجود خامیوں کا بھی ہے سسٹم میں موجود خامیوں کو کبھی دور کرنے کی کوشش ہی نہیں کی گئی،پارلیمان کا کام ہے سسٹم میں بہتری کیلئے قانون بنائے اور عمل بھی کرائے،ہر صوبے میں پانچ ماہ بعد آئی جی اور تین ماہ بعد ایس ایچ او بدل جاتا ہے،ایگزیکٹو فیصلے کرتے وقت قانون پر عمل نہیں کیا جاتا، ماضی میں ریکوڈک اور اسٹیل مل کے فیصلے عدالت نے اچھی نیت سے کیے،حکومت سسٹم کی کمزوری کے باعث منصوبوں میں کرپشن پکڑ نہیں سکی، نیب قانون کے غلط استعمال سے کتنے لوگوں کے کاروبار تباہ ہو چکے ہیں،کرپشن پر کسی صورت معافی نہیں ہونی چاہیے،

جسٹس منصور علی شاہ نے ریمارکس دیتے ہوئے کہا کہ کرپشن غلط ہے اور اس میں کوئی شک نہیں کہ کرپشن ہونی نہیں چاہیے،سوال یہ ہے کہ کرپشن کا سدباب کس نے اور کیسے کرنا ہے،وکیل خواجہ حارث نے کہا کہ کرپشن ختم کرنا ایگزیکٹو کا کام ہے، اگر وہ نہیں کر سکی تو عدالت مداخلت کرتی ہے، عدالت نے ہمیشہ عوامی عہدوں پر کرپشن کرنے والوں کیخلاف کارروائی کی ہے،چیف جسٹس عمر عطا بندیال نے ریمارکس دیتے ہوئے کہا کہ ملک میں بہت سے معاملات میں بہتری بھی آئی ہے،خوش آئند بات یہ بھی ہے کہ پاکستان میں میڈیا آزاد ہے اور سچ سامنے لاتا ہے، وکیل خواجہ حارث نے کہا کہ پاکستانی میڈیا ورلڈ رینکنگ میں 180 میں سے 157 نمبر پر ہے، جسٹس منصور علی شاہ نے ریمارکس دیتے ہوئے کہا کہ کرپشن کی رینکنگ میں پاکستان اسی نمبر پر ہے جو نیب ترامیم سے پہلے تھا،جسٹس اعجاز الاحسن نے ریمارکس دیتے ہوئے کہا کہ نیب ترامیم کے بعد اب جو رینکنگ جاری ہوگی اس میں پاکستان یقینا 100 نمبر نیچے جا چکا ہوگا ،جب سسٹم تباہ ہو رہا ہو تو عدلیہ مداخلت کرتی ہے،عدالت کس اختیار کے تحت نیب ترامیم کو مفادات کے ٹکراو پر کالعدم قرار دے سکتی ہے؟ وکیل نے کہا کہ خود کو فائدہ پہنچانے کیلئے کی گئی قانون سازی کیلئے ریگولیٹری کیپچرکی اصطلاح استعمال ہوتی ہے ، چیف جسٹس عمر عطا بندیال نے ریمارکس دیتے ہوئے کہا کہ کیا پھر ہم حالیہ نیب ترامیم کو پارلیمنٹری کیپچر کہیں گے؟ وکیل خواجہ حارث نے کہا کہ پارلیمنٹری کیپچر کسی اور معنی میں استعمال ہوتا ہے، سپریم کورٹ نے کیس کی سماعت کل تک ملتوی کر دی

 سپریم کورٹ مقدمے کی روزانہ کی بنیاد پر سماعت کرے گی

اس سے تو یہ ثابت ہوا کہ پلی بارگین کے بعد بھی ملزم کا اعتراف جرم تصور نہیں ہو گا،چیف جسٹس

، 25 کروڑ آبادی میں سے عمران خان ہی نیب ترامیم سے متاثر کیوں ہوئے؟

واضح رہے کہ عمران خان نے موجودہ حکومت کی جانب سے نیب ترامیم کو سپریم کورٹ میں چیلنج کر رکھا ہے ،عدالت عظمیٰ میں دائر درخواست میں عمران خان نے استدعا کی تھی کہ سیکشن 14،15، 21، 23 میں ترامیم بھی آئین کے منافی ہیں۔ نیب قانون میں یہ ترامیم آئین کے آرٹیکل 9، 14، 19A, 24, 25 کے بنیادی حقوق کے برعکس ہیں، نیب قانون میں کی گئی ان تمام ترامیم کو کالعدم قرار دیا جائے۔

اسپیکر راجہ پرویز اشرف کی زیر صدارت قومی اسمبلی کا اجلاس ہوا

حلقہ 249 سمیت پورے ملک میں گیس کی کمی سے متعلق توجہ دلاو نوٹس پیش کیا گیا،قومی اسمبلی اجلاس میں توجہ دلاو نوٹس پیپلزپارٹی کے قادر خان مندوخیل نے پیش کیا ، پارلیمانی سیکریٹری حامد حمید کا کہنا تھا کہ وزیراعظم نے پورے ملک میں گیس کا شیڈول دیا ہے،ملک میں گیس کی مانگ موجودہ مقدار سے زیادہ ہے، گیس حاصل کرنے کے لیے متعدد نئے کنوئیں کھودے جا رہے ہیں، کچھ حاصل شدہ گیس نیشنل گریڈ میں آ گئی ہے، پچھلے 4 سال سے انفراسٹرکچر پر کوئی کام نہیں ہوا،سعید آباد میں پائپ لائن پر کام شروع کردیا گیا ،بیس کلو میٹر کی پائپ لائن پر کام جلد شروع ہوگا،امید ہے ایک سال میں پائپ لائن پر کام مکمل کریں گے،ہمارے پاس جو وسائل ہیں اس کے مطابق گیس فراہم کی جارہی ہے،عمران خان نے نئے کنکشن پر پابندی لگائی تھی،قادر خان مندو خیل نے کہا کہ میرے حلقے میں گیس کے کنکشن نہیں دئیے جا رہے، پارلیمانی سیکریٹری حامد حمید کا کہنا تھا کہ نئے کنکشن کیلئے نئی پالیسی وضع کی جائے گی ،

قومی اسمبلی اجلاس،ٹریڈ آرگنائزیشن ترمیمی بل 2022 منظورکر لیا گیا،بل وفاقی وزیر تجارت نوید قمر نے پیش کیا ،ٹیکس قوانین دوسری ترمیمی آرڈیننس 2022 کی مدت میں 120 دن توسیع کی قرارداد منظورکرلی گئی ،قرارداد وزیرپارلیمانی امور مرتضیٰ جاوید عباسی نے پیش کی

سیلاب متاثرین کو درست طور پر سروے میں شامل نہ کرنے پر تشویش سے متعلق توجہ دلاو نوٹس قومی اسمبلی میں پیش کیا گیا،ریاض مزاری اور محمد افضل نے توجہ دلاؤ نوٹس قومی اسمبلی میں پیش کیا ،ریاض مزاری نے کہا کہ افسوس کی بات ہے کہ متاثرہ علاقوں میں غلط سروے کیا گیا،جن کے گھر تباہ ہوئے ان کے نام سروے میں شامل نہیں کیے گئے،وفاقی وزیر پارلیمانی امور مرتضی ٰجاوید عباسی کا کہنا تھا کہ بارہ ستمبر کو مشترکہ سروے شروع کیا گیا تھا،تیس نومبر کو سروے مکمل کرلیا گیا ،صوبوں نے ابھی تک اپنی رپورٹ این ڈی ایم اے کو نہیں بھیجی،

اپوزیشن لیڈرراجہ ریاض کا کہنا تھا کہ سروے سے متعلق کسی بھی علاقے کے رکن قومی و صوبائی اسمبلی کو اعتماد میں نہیں لیا گیا، ہمارا مطالبہ ہے کہ اراکین قومی و صوبائی اسمبلیوں کو اعتماد میں لیا جائے،

وفاقی وزیر ایازصادق نے کہا کہ پرویز الہٰی کی صدارت میں کابینہ اجلاس ہوا ،ایشین ڈویلپمنٹ بینک سے جو پیسے آتے ہیں وہ پاکستان کے ہوتے ہیں ،ڈونر وفاقی حکومت اور صوبوں کیساتھ ملکر استعمال کا فیصلہ کرتا ہے 2021 میں تھر کینال پراجیکٹ پر سائن ہوا ،پنجاب کابینہ سے التجا کروں گا کہ پراجیکٹ کے کنڈیشنز پڑھیں پنجاب حکومت سندھ کے ساتھ بیٹھے اور ملکر فیصلہ کریں ،وزیر اعلیٰ سندھ سے بات کی تو انہوں نے کہا کہ بیٹھنے کو تیار ہیں سیکریٹری آبپاشی نے کہا کہ وزیر کو 200 ملین ڈالر بچانے کی فکر ہے پنجاب حکومت نے قرض کی توسیع سے متعلق ایشین ڈویلپمنٹ بینک کو نہیں لکھا ،یہ پنجاب حکومت کا کام تھا ،ہم ابھی بھی مسئلہ حل کرانے کو تیار ہیں ایشین ڈویلپمنٹ بینک نے دروازہ بند نہیں کیا پنجاب حکومت کا آڈٹ کرانا چاہیے کہ پتہ چلے ایری گیشن ڈیپارٹمنٹ نے کیا کیا پنجاب حکومت کو کچھ کرنا پڑے گا ،وفاقی حکومت سے پیسہ نہیں روکا یہ غلط تاثر ہے عمران خان احسان کرنے والے پرہی وار کرتے ہیں،

عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

پی ڈی ایم اجلاس،عمران خان کے خلاف کارروائی سے متعلق غور

حامد زمان کے خلاف فارن فنڈنگ کیس میں ایف آئی اے تحقیقات سے متعلق رپورٹ

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

اکبر ایس بابر سچا اور عمران خان جھوٹا ثابت ہوگیا،چوھدری شجاعت