Baaghi TV

Tag: تازہ ترین

  • راولپنڈی ٹیسٹ: انگلینڈ نے پہلے میچ میں پاکستان کو 74 رنز سے شکست دے دی

    راولپنڈی ٹیسٹ: انگلینڈ نے پہلے میچ میں پاکستان کو 74 رنز سے شکست دے دی

    راولپنڈی: راولپنڈی میں جاری ٹیسٹ سیریز کے پہلے میچ میں انگلینڈ نے پاکستان کو 74 رنز سے شکست دے کر سیریز میں 0-1 کی برتری حاصل کر لی۔اطلاعات کے مطابق راولپنڈی سٹیڈیم میں جاری ٹیسٹ میچ کے پانچویں روز 343 رنز کے ہدف کے تعاقب میں پاکستان کی پوری 268 رنز بنا کر آؤٹ ہو گئی۔ میچ کے پانچویں روز پاکستان کا کوئی بھی بیٹر خاطر خواہ کارکردگی نہ دکھا سکا۔ یوں فتح کے بعد انگلینڈ کو 3 میچز کی سیریز میں 0-1 کی برتری حاصل ہو گئی ہے۔

    ٹیسٹ میچ کے آخری روز پہلی اننگز کے اوپنر سینچری میکر امام الحق زیادہ رنز نہ بنا سکے اور 48 سکور بنا کر پویلین لوٹ گئے۔ وکٹ کیپر بلے باز محمد رضوان 46 رنز بنا پائے، ٹیسٹ ڈیبیو میں نصف سنچری بنانے والے سعود شکیل 76 کے سکور پر روبینسن کی گیند پر وکٹ گنوا بیٹھے۔

    آغا سلمان 30 رنز، اظہر علی 40 رنز، زاہد محمود ایک رن اور حارث رؤف صفر ، نسیم شاہ 6 رنز بنا کر پویلین لوٹ گئے۔ انگلینڈ کی جانب جیمز اینڈرسن اور اولی روبنسن نے 4،4 کھلاڑیوں کو آؤٹ کیا۔ بین سٹوک اور لیچ ایک ایک ہی وکٹ لے پائے۔

    میچ کا چوتھا روز:

    اس سے قبل پنڈی ٹیسٹ کے چوتھے دن پاکستان نے اپنی نامکمل اننگز 7 وکٹ 499 رنز سے آگے بڑھائی، آغا سلمان 53 رنزبناکرآؤٹ ہوئے زاہد محمود 17 اور حارث رؤف 12 رنزبناکرآؤٹ ہوئے، پاکستان ٹیم پہلی اننگزمیں 579 رنزبناکرآؤٹ ہوئی، انگلینڈ کے ول جیکس نے 161 رنز کے عوض 6 وکٹیں حاصل کیں۔

    پہلی اننگزمیں 78 رنزکی برتری کے ساتھ انگلینڈ نے دوسری اننگز کا آغاز کیا تو سنچری میکر بین ڈکٹ کو صفر پرنسیم شاہ نے بولڈکیا، اولی پوپ بھی 15 رنزپر آؤٹ ہوئے۔

    زیک کرالی کو بھی 50 رنزپر محمد علی نے ہی آؤٹ کیا۔ جوروٹ نے ہیری بروک کے ساتھ 96 رنزکی شراکت لگائی۔

    جو روٹ 73 رنزبناکر زاہد محمود کی گیند پر وکٹ گنوا بیٹھے، کپتان بین اسٹوکس کوئی رن نہ بناسکے، ہیری بروک نے ول جیکس کے ساتھ مل کراسکور 248 رنز تک پہنچایا، ول جیکس 24 رنزپر آغاسلمان کا شکارہوئے۔

    چائے کے وقفے سے قبل نسیم شاہ نے ہیری بروک کو 87 رنز پر بولڈ کردیا، وقفے کے دوران انگلینڈ نے اننگز ڈکلیئرکرنے کا فیصلہ کیا اور دوسری اننگز 7 وکٹ 264 رنزپرڈکلیئر کرکے ڈرا ہوتے میچ میں جان ڈال دی۔

    تیسرا روز:

    پاکستان کے اوپنرز عبداللہ شفیق اور امام الحق اور کپتان بابراعظم نے سنچریز اسکور کیں، امام الحق نے 121، عبداللہ شفیق 114 ، اظہر علی 27 ، سعود شکیل 37 ، بابراعظم 136، محمد رضوان 29 اور نسیم شاہ نے 15 رنز بنائے۔

    وِل جیکس نے عبداللہ شفیق کو 114 رنز پر آؤٹ کرکے اپنی پہلی ٹیسٹ وکٹ لی۔ امام الحق 121 ، اظہر علی 27رنز بنا کر آؤٹ ہوئے، کھانے کے وقفے تک پاکستان نے 3 وکٹوں کے نقصان پر 298رنز بنائے۔

    وقفے کے بعد ٹیسٹ میں ڈیبیو کرنے والے سعود شکیل 37 رنز بنا کر کیچ آؤٹ ہو گئے، بابر اعظم 136 ،محمد رضوان 29 اور نسیم شاہ 15 رنز بنا کر آؤٹ ہوئے، پاکستان نے پہلی اننگز میں 7 وکٹوں کے نقصان پر 499 رنز اسکور کیے۔

    دوسرا روز:

    میچ میں دوسرے روز مہمان ٹیم نے کھیل کا آغاز 506 رنز 4 وکٹوں کے نقصان پر کیا، کپتان بین اسٹوکس 41 رنز بناکر آؤٹ ہو گئے۔

    لیام لیونگ اسٹون 9 رنز ہی بنا سکے، انگلش ٹیم کی جانب سے ہیری بروک نے 153 رنز کی شاندار اننگز کھیلی، ول جیکس نے 30، اولی روبنسن 37 اور جیک لیچ نے 6 رنز بنائے۔

    دوسرے روز انگلینڈ کی ٹیم نے26 اوورز میں 6 وکٹوں کے نقصان پر 151 رنز بنائے، قومی باؤلرز زاہد محمود 4، نسیم شاہ 3، محمد علی نے 2 جبکہ حارث رؤف نے ایک وکٹ لی۔

    راولپنڈی ٹیسٹ کا پہلا روز:

    انگلینڈ کے کپتان بین اسٹوکس نے ٹاس جیت کر بیٹنگ کا فیصلہ کیا، انکش اوپنرز نے اننگز کا آغاز دھواں دھار انداز میں کیا اور زیک کرالی، بین ڈکٹ نے مجموعی طور پر 233 رنز اسکور کیے۔

    ڈکٹ نے 107 اور زیک کرالی 122 رنز بنائے، اس کے علاوہ اولی پوپ 108، جو روٹ 23 رنز بناکر نمایاں رہے۔

  • اسٹیٹ بینک کے نام پر اکاؤنٹ ویریفیکشن کا فراڈ تاحال جاری

    اسٹیٹ بینک کے نام پر اکاؤنٹ ویریفیکشن کا فراڈ تاحال جاری

    بینک اکاؤنٹ ویریفیکشن کے نام پر فراڈ کرنے طریقہ واردات تاحال جاری.

    اس فراڈ کا طریقہ کار یہ ہے کہ موبائل پر ایک میسج آتا ہے جس میں لکھا ہوتا ہے کہ؛ اسٹیٹ بینک کی طرف سے بائیومیٹرک تصدیق نہ ہونے کی وجہ سے آپ کا بینک اکاؤنٹ بلاک ہے اسے کھلوانے کیلئے فلاں نمبر پر رابطہ کریں. جبکہ اس بینکنگ فراڈ کا شکار ہونے والے صارفین اکثر اوقات اپنی غلطی کی وجہ سے نقصان اٹھاتے ہیں تو بعض دفعہ وہ ایسے افراد اور گروپوں کا نشانہ بن جاتے ہیں جو اس شعبے میں کاروائیاں کرتے ہیں

    مثلاً کچھ صارفین اپنا اے ٹی ایم یا موبائل بینکنگ کی ایپ کا پاس ورڈ جانے انجانے میں شیئر کر لیتے ہیں یا اس کو کسی ایسی جگہ لکھ لیتے ہیں جہاں دوسرے لوگوں کی رسائی ہوتی ہے۔ ڈیجیٹل بینکنگ کی وجہ سے چونکہ زیادہ تر چیزوں کا کنٹرول بینک صارف کے پاس ہوتا ہے لہذا بینک کا عملے کے اس کام میں ملوث ہونے کے امکانات کم ہوجاتے ہیں۔ لہذا یہ بھی اس میں ہوتا ہے کہ جب اسٹیٹ بینک کے نام سے ویری فیکیشن کا میسج آتا ہے تو لوگ دیئے گئے نمبر رابطہ کرتے اور فراڈیئے انہیں بہلا پھسلا کر او ٹی پی پن مانگ لیتے ہیں جسکے بعد بینک اکاونٹ سے پیسے ٹرانفر کرنا آسان ہوجاتا ہے.

    لہذا اس فراڈ کا نشانہ بننے والے اکثر اوقات اپنی ہی غلطی کی وجہ سے اپنی رقم سے محروم ہوتے ہیں۔ جبکہ اس شعبے میں ہیکرز بھی اپنا کام کرتے ہیں جو کہ بینک کے کمپیوٹرز سے معلومات حاصل کر کے یا بینک صارف کے موبائل فون یا کمپیوٹر کو ہیک کر کے بینک صارف کے اکاؤنٹ تک رسائی حاصل کرتے ہیں اور پیسے نکال لیتے ہیں۔ علاوہ ازیں بینک کا عملہ بھی ایسے گینگ کے ساتھ ملا ہوتا جو اپنے بینک صارفین کی مکمل معلومات یعنی ڈیٹا شیئر کردیتے جس سے ان کا ٹارگٹ آسان ہوجاتا ہے.
    مزید یہ بھی پڑھیں؛
    فضائی مسافر جلدائیر پلین موڈ آن کیےبغیر موبائل فون استعمال کر سکیں گے
    اسلام آباد ہائیکورٹ؛ میڈیکل کے طلبہ کیخلاف درج مقدمہ خارج کرنے کا حکم
    نواز شریف علا ج کرانے گئے ہیں اورعلاج کروا کرآئیں گے. شاہد خاقان عباسی
    اسد عمر نے عدالتوں کو متنازعہ بنایا لہذااختیار ہے کہ آرٹیکل 204 بی کے تحت سزا ہوسکتی. عدالت
    ڈیجیٹل بینکنگ ٹرانزیکشنز میں ہونے والے اضافے کے ساتھ ان میں فراڈ اور بینکاری کے شعبے کے صارفین کو ان کی رقم سے محروم کرنے کی وارداتیں بھی بڑھ گئی ہیں جس کی تصدیق پاکستان میں بینکنگ محتسب کے ادارے نے بھی کی تھی. ادارے کی رپورٹ کی مطابق پاکستان میں ڈیجیٹل بینکنگ کی وجہ سے اس ادارے میں درج ہونے والی شکایات میں بھی اضافہ ہوا ہے۔

  • غیر قا نو نی اسلحہ و ایمو نیشن رکھنے میں ملوث ملزم شاہ رخ گرفتار

    غیر قا نو نی اسلحہ و ایمو نیشن رکھنے میں ملوث ملزم شاہ رخ گرفتار

    غیر قا نو نی اسلحہ و ایمو نیشن رکھنے میں ملوث ملزم شاہ رخ گرفتار
    پاکستان رینجرز (سندھ)اور پولیس نے انٹیلی جنس معلومات کی بنیاد پر مشترکہ کاروائی کرتے ہوئے کراچی کے علاقے مسان چوک کیماڑی سے منشیات فروشی اور غیر قا نو نی اسلحہ و ایمو نیشن رکھنے میں ملوث ملزم شاہ رخ کو گرفتار کر لیا۔ملزم کے قبضے سے 3عدد 9ایم ایم پسٹل، 2عدد 12بور رائفل، 148عدد راؤندز،2کلو چرس ، 19گرام آ ئس،2عدد کو کین اور 24عدد اَیسٹیسی پلز بھی بر آمدکرلی گئیں۔

    ملزم منشیات کراچی علا قوں کلفٹن اور ڈیفنس میں فروخت کر نے میں ملو ث رہاہے۔ملزم کے دیگر ساتھیوں کی گرفتاری کے لیے چھا پے مارے جارہے ہیں۔ ترجمان سندھ رینجرزکا کہان ہے کہ گرفتار ملزم کو بمعہ اسلحہ و ایمونیشن اور منشیات سمیت مزید قانونی کاروائی کے لیے پولیس کے حوالے کر دیا گیا ہے۔ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔

    طالبعلم کے ساتھ گھناؤنا کام کرنیوالا قاری گرفتار،قبرستان میں گورکن کی بچے سے زیادتی

    راہ چلتی طالبات کو ہراساں اور آوازیں کسنے والا اوباش گرفتار

    طالبات کو کالج کے باہر چھیڑنے والا گرفتار،گھر کی چھت پر لڑکی کے سامنے برہنہ ہونیوالا بھی نہ بچ سکا

    پولیس کا قحبہ خانے پر چھاپہ،14 مرد، سات خواتین گرفتار

    خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم

    بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

    یہ ہے لاہور، ایک ہفتے میں 51 فحاشی کے اڈوں پر چھاپہ،273 ملزمان گرفتار

    دوسری جانب ضلع ویسٹ پولیس کا منگھوپیر کے علاقے میں کومبنگ سرچ آپریشن کا سلسلہ جاری ہے، گزشتہ شب تھانہ منگھوپیر کے علاقے ونگی گوٹھ، حضرت آباد، اجمالی گوٹھ اور شیخ فرید محلے میں کومبنگ سرچ آپریشن کیا گیا۔سرچ آپریشن منشیات فروش و جرائم پیشہ ور ملزمان کے خلاف کیا گیا۔سرچ آپریشن کے دوران 100 سے زائد مشکوک گھروں گداموں اور مسافر خانوں کی تلاشی لی گئی۔بائیومیٹرک تلاش ڈیوائیس کے ذریعے دورانِ آپریشن 150سے زائد افراد کو چیک کیا گیا۔ جبکہ مشکوک و مشتبہ افراد کو ضابطے کے تحت قبضہ پولیس میں لیا‌ گیا۔گرفتار ملزمان کی ویری فیکیشن/تصدیق کا عمل جاری ہے، جبکہ ملزمان کا کرمنل ریکارڈ بھی دیگر اضلاع سے حاصل کیا جارہا ہے۔

  • بیرون مالک یا دیگر شہروں سے آنیوالے لوگوں کو لوٹنے والا 3 رکنی گینگ گرفتار

    بیرون مالک یا دیگر شہروں سے آنیوالے لوگوں کو لوٹنے والا 3 رکنی گینگ گرفتار

    باہر مالک یا دیگر شہروں سے آنے والے لوگوں کو لوٹنے والا 3 رکنی گینگ گرفتار

    شہر قائد کراچی میں جرائم پیشہ عناصر کیخلاف پولیس کی کاروائیان جاری ہیں، اسٹریٹ کرائمز ،دیگر درجنوں وارداتوں میں مفرور اشتہاری اور پولیس کو انتہائی مطلوب 3 رکنی گینگ گرفتار کر لیا گیا، ایس ایس پی سٹی شبیر احمد سیٹھار کے مطابق ملزمان سے 3 پستول بمعہ راؤنڈز اور 2 چوری شدہ موٹر سائیکلز برآمد کر لئے گئے ملزمان کی شناخت زاہد احمد عرف آلو بھائی, محمد طارق اور فرحاد عرف فاروق کے ناموں سے ہوئی ہے. ملزمان کو علاقہ تھانہ نبی بخش کی حدود سے گرفتار کیا گیا. ملزمان کو انٹیلیجنس ،ٹیکنیکل بیسڈ کاروائی کرتے ہوئے گرفتار کیا گیا, ملزمان بیرون ممالک یا دیگر شہروں سے آنے والے لوگوں کو لوٹا کرتے تھے, ملزمان پولیس کو انتہائی مطلوب تھے, برآمدہ چوری شدہ موٹر سائیکل نمبری KIH-1260 کا مقدمہ تھانہ PIB کالونی میں درج ہے.برآمدہ چوری شدہ موٹر سائیکل نمبری KEI-9734 کا مقدمہ تھانہ فیصل کالونی میں درج ہے.: ملزمان پولیس کو انتہائی مطلوب, عادی ،پیشہ ور جرائم میں ملوث ہیں اور اس سے قبل بھی کئی مقدمات میں گرفتار ہوکر جیل جا چکے ہیں

    گرفتار ملزمان کا سابقہ کریمنل ریکارڈ
    ملزم زاہد علی کا سابقہ کریمنل ریکارڈ
    1. مقدمہ الزام نمبر 2016/2021 بجرم دفعہ 420/171/170 تھانہ بوٹ بیسن, (مفرور).
    2. مقدمہ الزام نمبر 252/2021 بجرم دفعہ 380/170/171/34 تھانہ فرئیر, (مفرور).
    3.مقدمہ الزام نمبر 695/2021 بجرم دفعہ 420/171/170/34 تھانہ بوٹ بیسن, (مفرور).
    4. مقدمہ الزام نمبر 838/2021 بجرم دفعہ 170/171/420/34 تھانہ بوٹ بیسن, (مفرور).
    5. مقدمہ الزام نمبر 42/2022 بجرم دفعہ 382/171/34 تھانہ PIB کالونی.
    6. مقدمہ الزام نمبر 47/2022 بجرم دفعہ 170/171 تھانہ فرئیر, (مفرور).
    7. مقدمہ الزام نمبر 83/2022 بجرم دفعہ 420/170/171/RW379 تھانہ درخشاں, (مفرور).

    ملزم محمد طارق کا سابقہ کریمنل ریکارڈ
    1. مقدمہ الزام نمبر 196/2015 بجرم دفعہ 324/34 تھانہ ایئرپورٹ .
    2. مقدمہ الزام نمبر 624/2021 بجرم دفعہ 170/171 تھانہ نیو ٹاؤن.
    3. مقدمہ الزام نمبر 626/2021 بجرم دفعہ 23(i)A تھانہ نیو ٹاؤن, (اشتہاری).
    4. مقدمہ الزام نمبر 1096/2021 بجرم دفعہ 397/34 تھانہ زمان ٹاؤن.
    5. مقدمہ الزام نمبر 139/2022 بجرم دفعہ 6/9C تھانہ سائیٹ حیدرآباد.
    6. مقدمہ الزام نمبر 250/2022 بجرم دفعہ 392/170/34 تھانہ ہٹچری حیدرآباد.

    ملزم فرحاد کا سابقہ کریمنل ریکارڈ
    1. مقدمہ الزام نمبر 35/2022 بجرم دفعہ 397/392/34 تھانہ میمن گوٹھ.
    2. مقدمہ الزام نمبر 36/2022 بجرم دفعہ 353/324/34 تھانہ میمن گوٹھ.
    3. مقدمہ الزام نمبر 37/2022 بجرم دفعہ 23(i)A تھانہ میمن گوٹھ.

    ملزمان کے خلاف مقدمات درج کرکے مزید قانونی کاروائی عمل میں لائی جارہی ہے.ملزمان کے دیگر ساتھیوں کیلئے مزید ٹارگٹڈ کارروائیاں کی جارہی ہیں

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

    نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات

    لڑکی کو برہنہ کرنیوالے ملزم عثمان مرزا کو پولیس نے عدالت پیش کر دیا

    کیا فائدہ قانون کا، مفتی کو نامرد کیا گیا نہ عثمان مرزا کو،ٹویٹر پر صارفین کی رائے

    کرونا لاک ڈاؤن، گھر میں فاقے، ماں نے 5 بچوں کو تالاب میں پھینک دیا،سب کی ہوئی موت

    دس برس تک سگی بیٹی سے مسلسل جنسی زیادتی کرنیوالے سفاک باپ کو عدالت نے سنائی سزا

    شادی شدہ خاتون کے ساتھ اجتماعی زیادتی کے بعد ملزمان نے ویڈیو وائرل کر دی

  • جنوبی افریقا میں چرچ جانے والا قافلہ سیلاب میں بہہ گیا؛ 14 افراد ہلاک

    جنوبی افریقا میں چرچ جانے والا قافلہ سیلاب میں بہہ گیا؛ 14 افراد ہلاک

    جوہانسبرگ:جنوبی افریقا میں چرچ جانے والا قافلہ سیلاب میں بہہ گیا؛ 14 افراد ہلاک،اطلاعات کے مطابق جنوبی افریقا میں مذہبی رسومات کی ادائیگی کے لیے چرچ جانے والا ایک قافلہ سیلابی ریلے میں بہہ گیا جس میں 14 افراد ڈوب کر ہلاک ہوگئے جب کہ 4 لاپتہ ہیں۔

    جماعت اسلامی نے اسلام آباد کی ترقی کے لئے 100 دن کا پروگرام جاری کردیا

    عالمی خبر رساں ادارے کے مطابق جنوبی افریقا کے شہر جوہانسبرگ میں کرسمس کی تیاریوں اور ایک مذہبی تقریب میں شرکت کے لیے مقامی چرچ جانے والا 30 افراد پر مشتمل قافلہ دریا میں طغیانی کے باعث سیلابی ریلے میں بہہ گیا۔حالیہ دنوں میں جاری موسلا دھار بارشوں کے باعث دریاؤں میں پانی کی سطح بلند ہوگئی۔ چرچ جانے والے قافلے میں شامل کچھ لوگ دریا کے پتھروں پر کھڑے تھے اور کچھ آرام کر رہے تھے کہ دریا میں طغیانی میں آ گئی۔

    کراچی: پولیس شہرقائد کوجرائم پیشہ افراد سے پاک کرنے میں سرگرم ،کامیاب کارروائیاں

    اچانک آنے والے سیلابی ریلہ اتنا تیز رفتار تھا کہ وہاں موجود لوگوں کو بھاگنے کا موقع نہ مل سکا اور 30 افراد ریلے میں بہہ گئے جن میں سے 14 افراد ہلاک ہوگئے جب کہ 4 افراد لاپتہ ہیں۔ 12 افراد کو نکال لیا گیا۔سیلابی ریلے سے بحفاظت نکالے جانے والے افراد کو قریبی اسپتال منتقل کیا گیا ہے جہاں 5 افراد کی حالت نازک بتائی جارہی ہے۔ تیز رفتار سیلابی ریلا ان افراد کو دور تک بہا کے گیا تھا۔

    عامر خان اپنے والد کی مالی پریشانیوں کے بارے میں بتاتے ہوئے رو پڑے

  • بریکنگ،عمران خان کو پارٹی سربراہی سے ہٹانے کا نوٹس جاری

    بریکنگ،عمران خان کو پارٹی سربراہی سے ہٹانے کا نوٹس جاری

    پی ٹی آئی چیئرمین عمران خان کی توشہ خانہ ریفرنس میں نااہلی الیکشن کمیشن نےعمران خان کو پارٹی چیئرمین شپ سے ہٹانے کی کارروائی شروع کر دی

    الیکشن کمیشن نے عمران خان کو پارٹی سربراہی سے ہٹانے کا نوٹس جاری کر دیا،الیکشن کمیشن نے عمران خان کو پارٹی چیئرمین شپ سے ہٹانے کا کیس 13دسمبر کو مقرر کر دیا ہے، 13 دسمبر کو عمران خان کو طلب کیا گیا ہے

    پی ٹی آئی نے الیکشن کمیشن کی جانب سے عمران خان کے نام نوٹس موصول ہونے کی تصدیق کی ہے،تحریک انصاف کے سیکریٹری جنرل اسد عمر نے چیف الیکشن کمشنر کو خط لکھنے کا فیصلہ کیا ہے،الیکشن کمیشن کو خط لکھ کر پوچھا جائے گا کہ عمران خان کو نوٹس کیوں جاری کیا گیا،الیکشن کمیشن نوٹس کیساتھ تحریری طور پر آگاہ کرے کہ 13 دسمبر کو کیوں بلایا گیا ،پی ٹی آئی کا کہنا ہے کہ عمران خان کو پارٹی سربراہی سے ہٹانا قانونی طور پر ممکن نہیں،

    واضح رہے کہ توشہ خانہ کیس میں الیکشن کمیشن عمران خان کو نااہل کر چکا ہے،اب نیب نے بھی تحقیقات شروع کر دی ہیں، نیب نے توشہ خانہ کے حوالہ سے سابق وزیراعظم نواز شریف، سابق صدر آصف زرداری، سید یوسف رضا گیلانی کے خلاف بھی تحقیقات کی تھیں،الیکشن کمیشن نے چیئرمین پی ٹی آئی عمران خان کو 63 ون کے تحت نااہل قراردیا تھا،الیکشن کمیشن کی جانب سے کہا گیا کہ عمران خان کی نااہلی 5 رکنی کمیشن کا متفقہ فیصلہ ہے چیئرمین پی ٹی آئی عمران خان نے غلط گوشوارے جمع کروائے

    توشہ خانہ کیس کا فیصلہ آنے کے بعد وزیر داخلہ رانا ثناء اللہ نے عمران خان کیخلاف مقدمہ درج کروانے کا اعلان کیا تھا،وفاقی وزیر داخلہ رانا ثناء اللہ کا کہنا تھا کہ عمران خان کے خلاف فوجداری مقدمہ درج ہوگا یہ ایسی چوری ہے جس میں مقدمہ درج ہونے سے پہلے ہی سب کچھ ثابت ہے

    ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

    ،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

    اکبر ایس بابر سچا اور عمران خان جھوٹا ثابت ہوگیا،چوھدری شجاعت

    عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

  • ڈیرہ اسماعیل خان،جامعہ عثمانیہ مریالی میں سالانہ تقریب تقسیم انعامات

    ڈیرہ اسماعیل خان،جامعہ عثمانیہ مریالی میں سالانہ تقریب تقسیم انعامات

    ڈیرہ اسماعیل خان،جامعہ عثمانیہ مریالی میں سالانہ تقریب تقسیم انعامات۔

    ڈیرہ اسماعیل خان کی قدیم دینی درسگاہ جامعہ عثمانیہ مریالی المعروف مدرسہ قاری محمدنوازفاروقیؒ میں گذشتہ روز سالانہ تقریب تقسیم انعامات منعقد کی گئی۔تقریب کے مہمانان خصوصی سراٸیکی وسیب کی قدیم و معروف دینی درسگاہ جامعہ اسلامیہ علاقہ ڈھڈیاں والا تحصیل کلورکوٹ کے استاذالحدیث مولاناعطإالرحمان اور وفاق المدارس العربیہ اسماعیل خان کےمسٸول شیخ الحدیث جامعہ معارف الشرعیہ شورکوٹ مولانا جان محمد تھے انکے ساتھ تقریب میں مولانا قاری یحییٰ عمارمہتمم جامعہ مصباح العلوم ظفرآباد ڈیرہ اسماعیل خان کے مشہور نعت خوان محترم شاہد نواز سرپرست بزم حسان نے بھی شرکت فرمائ۔مہمانان خصوصی نے مدرسہ کے خماسی امتحان میں پوزیشن لینے والےطلبا میں انعامات تقسیم کیے اور استاذ الحدیث مولاناعطاءالرحمن نے دینی تعلیم کی اہمیت پر مختصر پر مغز طلبإ کو نصیحت فرمائی۔

    جامعہ عثمانیہ مریالی کے مھتمم مولاناقاری محمدعمیرفاروقی نے اپنے خطاب میں مہمان گرامی اور مجلس شوریٰ کا شکریہ ادا کیا اور مدرسے کی تعلیم و ترتیب سے آگاہ فرمایا اس موقع پر انعامات کے سلسلے میں مدرسہ میں اساتذہ کرام اور مدرسے کی خدمت کرنے پر اور صفائی کا خصوصی خیال کرنے پر بھی طلبہ کو خصوصی انعامات سے نوازا گیا۔ اس موقع پر قاری محمد عمیر فاروقی کا کہنا تھا کہ اس دور کے اندر جہاں تعلیم کے ساتھ ساتھ نوجوانوں میں ادب اور اچھےاخلاق کا بھی فقدان ہے اس لیے طلبإ میں جامعہ عثمانیہ مریالی میں اساتذہ کرام اور دین سیکھنےکیساتھ ساتھ ادب اوراچھےاخلاق پربھی خصوصی توجہ دی جاتی ہےاور ڈسپلن اور صفائی کا بھی خصوصی خیال کیا جاتا ہے۔اسی لئے امتحانات کیساتھ بہترین نظم و ضبط ادب اور ڈسپلن اور صفائی کا خیال کرنے پر بھی طلباء کو خصوصی انعام دیے گئے۔اس تقریب میں جامعہ کے تمام اساتذہ کرام طلبہ کرام اور انتظامی عملے سمیت مجلس شوریٰ کے بزرگ اراکین اور طلبإ کے والدین نے شرکت فرمائی۔

    جامعہ کے خماسی امتحان میں پورے جامعہ میں اول نمبر پر آنے والے طالب علم محمد راضی خان سکنہ کوٹ پلک ادب اور خدمت پر محمدذیشان آف مریالی ڈسپلن اور صفائی پر کمرہ نمبر 7 کے امیر جمعہ خان آف درازندہ کو خصوصی انعامات دیے گئے۔تقریب کے آخر میں ملک و ملت کی سلامتی اور مدرسے کی ترقی کے لیے استاد شیخ الحدیث مولانا جان محمدنے خصوصی دعا کی گئی

  • آسٹریلوی وزیراعظم ایک سال میں دوسری بارکورونا میں مبتلا

    آسٹریلوی وزیراعظم ایک سال میں دوسری بارکورونا میں مبتلا

    کینبرا: آسٹریلیا کے وزیراعظم انتھونی البنیس کا کورونا ٹیسٹ مثبت آیا ہے جس پر انھوں نے خود کو گھر میں قرنطینہ کرلیا۔عالمی خبر رساں ادارے کے مطابق آسٹریلوی وزیراعظم ایک بار پھر کورونا میں مبتلا ہوگئے۔ انھیں 12 اور 13 دسمبر کو گونیا جانا تھا تاہم معمولی علامات ظاہر ہونے اور سفری شرائط کے باعث کورونا ٹیسٹ کرایا جو مثبت آگیا۔

    پرہجوم بازار میں خاتون کا بہیمانہ قتل، جسم کے مختلف اعضاء کاٹ دیے گئے

    آسٹریلوی وزیراعظم نے کورونا میں مبتلا ہونے کی تصدیق کرتے ہوئے اپنے بیان میں ان تمام لوگوں سے کورونا ٹیسٹ کرانے کا کہا ہے جو حال میں اُن سے ملے تھے۔وزیراعظم انتھونی البنیس نے خود کو گھر میں قرنطینہ کرلیا اور کورونا ٹیسٹ منفی تک وہ امور مملکت گھر ہی سے چلائیں گے۔

    پارٹی رہنماؤں کو قتل کی دھمکیاں اور رہائش گا ہوں پرحملے تشویشناک ہیں :اصغر اچکزئی

    خیال رہے کہ نومنتخب وزیراعظم انتھونی البنیس رواں برس الیکشن مہم کے دوران بھی کورونا کے شکار ہوگئے جس پر انھوں نے آئسولیشن اختیار کی تاہم پارٹی نے ان کی انتخابی مہم چلائی اور وہ کامیابی سے ہمکنار ہوئے۔تین سال تک اپنی دہشت سے دنیا کو ڈرائے رکھنے والے کورونا وبا کے دوران مجموعی طور پر 66 لاکھ سے زائد ہلاکتیں ہوئیں جب کہ اس وائرس نے ساڑھے 64 لاکھ سے زائد افراد کو متاثر کیا۔

    جماعت اسلامی نے اسلام آباد کی ترقی کے لئے 100 دن کا پروگرام جاری کردیا

     

    یاد رہے کہ 3 سال قبل چین میں کورونا کا پہلا کیس رپورٹ ہوا تھا اور پھر دیکھتے ہی دیکھتے ہلاکت خیز وائرس نے پوری دنیا کو اپنی لپیٹ میں لے لیا۔ کورونا ویکسین کے مارکیٹ میں آنے اور ویکسینیشن تک دنیا بھر میں تجارتی اور سماجی سرگرمیاں معطل رہیں۔

  • روس پاکستان کورعایتی نرخوں پرخام تیل فراہم کرنے پر رضامند، مصدق ملک

    روس پاکستان کورعایتی نرخوں پرخام تیل فراہم کرنے پر رضامند، مصدق ملک

    وزیر مملکت پیٹرولیم مصدق ملک نے کہا ہے کہ روس کا دورہ کامیاب رہا ،روس پاکستان کو رعایتی قیمت پر خام تیل فراہم کرے گا،

    پریس کانفرنس کرتے ہوئے مصدق ملک کا کہنا تھا کہ ملکی ترقی کے لیے ہمیں ترقی کی شرح میں اضافہ کرنا ہو گا ،ملکی ترقی کے لیے توانائی کی ضرورت ہے معیشت اچھی ہوگی تو ملازمتیں ہوں گی ،وزیراعظم چاہتے ہیں ہر نوجوان کو نوکری ملے،ایل این جی کے لیے بھی ہمارے مذاکرات شروع ہوچکے ہیں ،وزیراعظم چاہتے ہیں ہم زراعت میں خود کفیل ہو،روس پاکستان کو پیٹرول اورڈیزل بھی کم قیمت پر دے گا،صبح 6 سے9 بجے تک گیس گھر میں آنی چاہیے ،آئندہ 10 روز میں ایران سے 2 ملین پاونڈ کی ایل این جی پاکستان پہنچ جائے گی،

    مصدق ملک کا مزید کہنا تھا کہ روس کی پرائیویٹ کمپنیز سے ایل این جی کی خریداری کیلئے بات چیت شروع ہوگئی ہے روسی حکومت ایل این جی بنانے کے نئے کارخانے لگا رہی ہے اور انہوں نے ہمیں دعوت دی ہے کہ آئندہ آنیوالے برسوں کیلئے ابھی سے معاہدے کرنا شروع کردیں

    تمباکو سیکٹر میں سالانہ 70 ارب روپے کی ٹیکس چوری کا انکشاف

    جب حکمران ٹکٹ ہی ان لوگوں کو دیں جن کا کاروبار تمباکو اور سگریٹ سے وابستہ ہو تو کیا پابندی لگے گی سینیٹر سحر کامران

    تمباکو نوشی کا زیادہ استعمال صحت کے لئے نقصان دہ ہے،ڈاکٹر فیصل سلطان مان گئے

    تمباکو نوشی کے استعمال کے خلاف مہم،ویب سائٹ کا افتتاح

  • ہوسڑی پولیس کی تابڑ توڑ کاروائیاں،فرار ملزم سمیت گھناؤنا کام کرنیوالی خاتون گرفتار

    ہوسڑی پولیس کی تابڑ توڑ کاروائیاں،فرار ملزم سمیت گھناؤنا کام کرنیوالی خاتون گرفتار

    باغی ٹی وی کی رپورٹ کے مطابق سندھ پولیس کی جرائم پیشہ عناصر کیخلاف کاروائیاں جاری ہیں

    حیدر آباد کے علاقے ہوسڑی پولیس کی تابڑ توڑ کاروائیاں جاری ہیں، فرار ملزم اور خاتون منشیات سپلائر سمیت 3 ملزمان گرفتار، مقدمات درج کر لئے گئے،

    ایس ایس پی حیدرآباد امجد احمد شیخ کی جانب سے جاری کردہ خصوصی ہدایات پر عملدرآمد کرتے ہوئے حیدرآباد پولیس کا جرائم پیشہ عناصر اور منشیات فروشوں کے خلاف کاروائیوں کا سلسلہ جاری ہے،ڈی ایس پی فدا حسین لغاری کی سربراہی میں ایس ایچ او سب انسپیکٹر نیک محمد کھوسو کی اپنے اسٹاف کے ہمراہ تابڑ توڑ کاروائیاں کیں،دوران پیٹرولنگ مخفی اطلاع پر مختلف مقامات سے چھاپہ مار کاروائیوں کے دوران 3 ملزمان کو بھاری مقدار میں کچی شراب ، چرس اور اسلحہ سمیت گرفتار کرلیا گیا ،محمد شاہ موری کے قریب سے ملزم عبدالستار پٹھان کو 1 عدد ٹی ٹی پسٹل بمعہ ایمونیشن سمیت گرفتار کرلیا گیا ابتدائی تفتیش کے مطابق میں گرفتار ملزم گزشتہ دنوں ہونے والے پولیس مقابلے میں مفرور اور پولیس کو انتہائی مطلوب تھا

    گوٹھ لنک روڈ قاسم پنہور کے قریب چھاپہ مار کاروائی کرتے ہوئے منشیات ڈیلر اعجاز پنہور کو مختلف ڈرم میں 120 لیٹر کچی شراب سمیت گرفتار کرلیا گیا جبکہ ملزم کے دیگر 2 ساتھی موقع سے فرار ہونے میں کامیاب ہوگئے علی اصغر کالونی ہوسڑی کے قریب سے خاتون منشیات سپلائر نورجہاں سرائی کو 2 کلو 50 گرام چرس سمیت گرفتار کرلیا ،گرفتار ملزمان کے متعلق مزید معلومات کے نتیجے میں مزکورہ ملزمان حیدرآباد کے مختلف علاقوں میں شراب، چرس اور دیگر منشیات کی سپلائی سمیت مختلف وارداتوں میں سرگرم نکلے ،گرفتار ملزمان کا مزید کرمنل ریکارڈ چیک کیا گیا جس کے نتیجے میں ملزم عبدالستار پٹھان پولیس مقابلے کے مقدمے میں مطلوب نکلا ہوسڑی پولیس نے گرفتار ملزمان کے خلاف حدود آرڈیننس، نارکوٹکس اور سندھ آرمس ایکٹ کے تحت مقدمہ درج لیے گرفتار ملزمان سے مزید تفتیش جاری ہے

    ایاز میر کے بیٹے کی خوفناک درندگی :سارہ انعام ،کینیڈین شہری،دبئی آئی،گاڑی خریدی ،مگرپھرکیاہوا؟ہولناک انکشافات

    ایاز امیر کی بہو کا پوسٹمارٹم مکمل،سارہ کے قتل کی وجہ کا تعین نہ ہوسکا

    پہلے مارا، گھسیٹ کر واش روم لے گیا،ایاز امیر کے بیٹے نے سفاکیت کی انتہا کر دی

    سر پر ڈمبل مارا،آلہ قتل بھی خود برآمد کروایا،ایاز امیر کے بیٹے کیخلاف مقدمہ درج

     سارہ انعام کے والد انعام الرحمان نے اسلام آباد میں پریس کانفرنس کی ہے