Tag: تازہ ترین

سکردو میں خصوصی بچوں کے اسکول میں گیس دھماکہ،وزیراعظم نے خصوصی حکم دے دیا

وزیراعظم محمد شہباز شریف نے جمعہ 25نومبر 2022 کو اسکردو میں خصوصی بچوں کے اسکول میں گیس دھماکے کے واقعہ کے نتیجے میں زخمی ہونے والے طلباء کو ہر ممکن طبّی سہولیات اور ادویات کی فراہمی کے حوالے سے برنز سینٹر، پمز اسلام آباد کو احکامات جاری کر دئیے، طلبا کے علاج پر اٹھنے والے تمام تر اخراجات وفاقی وزارت نیشنل ہیلتھ سروسز ریگولیشنز اینڈ کوآرڈینیشن اور پاکستان انسٹیٹیوٹ آف میڈیکل سائنسز برداشت کریں گے ؛ وزیراعظم آفس کی طرف سے ہدایت جاری کر دی گئی ہیں،

واضح رہے کہ گزشتہ ماہ سکردو میں دھماکے کی وجہ سے کئی طلبا جھلس کی زخمی ہو گئے تھے ، طلبا کا مقامی علاقوں میں علاج نہیں ہو پا رہا تھا جس کے بعد وزیراعطم شہباز شریف نے ان خصوصی بچوں کے علاج کے لئے خصوصی ہدایات جاری کی ہیں،اسلام آباد تک سفر نہ کر سکنے والے خصوصی بچوں کی لسٹ، میڈیکل رپورٹس اسلام آباد منگوائی جائیں گی اورپھر انہیں ضروری ادویات بھجوائی جائیں گی،

تحریک انصاف کے رہنما بابر اعوان نے کہا ہے کہ اسلام آباد ہائیکورٹ میں اعظم سواتی کے معاملے پر پٹیشن دائر کی ہے،

بابر اعوان نے میڈیا سے بات کرتے ہوئے کہا کہ 75 سالہ سینیٹر پر مقدمات بنائے گئے،سینیٹر اعظم سواتی نے عدالت میں کہا ان کی جان کو خطرہ ہے، جب اسمبلیاں چھوڑیں گے تو تقریبا 600 نشستوں پر انتخاب کرانا پڑے گا،پی ڈی ایم کے پاس ملک کو بچانے کا روڈ میپ نہیں ہے،آئین کے مطابق اسمبلیاں توڑنے کا اختیار وزرائے اعلیٰ کے پاس ہے،گورنروزیراعلیٰ کی اسمبلی تحلیل کرنےکی ایڈوائس پر عمل درآمد کرنے کا پابند ہے، تحریک عدم اعتماد آئے تو اپوزیشن کو اپنی اکثریت ثابت کرنی ہوتی ہے، پنجاب میں اپوزیشن کے پاس عدم اعتماد کے نمبرزپورے نہیں ہیں،گورنر راج تک بات آ گئی ہے تو پھر میں تبصرہ نہیں کرتا،

اطلاعات کے مطابق تحریک انصاف کے رہنما اعظم سواتی نے متنازعہ بیانات پرملک بھر میں درج مقدمات کی تفصیلات کیلئے اسلام آباد ہائیکورٹ سے رجوع کرلیا ہے، اعظم سواتی کی جانب سے درخواست میں موقف اختیار کیا گیا ہے کہ جسمانی ریمانڈ پر بھیجنے کے بعد مقدمات کا اندراج کا پتہ چلا ،سندھ ، بلوچستان میں متعدد مقدمات درج کئے گئے اصل تعداد معلوم نہیں ،قانونی حق کے استعمال کیلئے مقدمات کی تفصیل ملنا ضروری ہے

واضح رہے کہ اعظم سواتی باز نہ آئے اور ضمانت پر رہائی کے باوجود اداروں کے خلاف تنقید کرتے رہے، اعظم سواتی نے پنڈی جلسے کے روز اداروں کے خلاف نہ صر ف خطاب کیا بلکہ ٹویٹ بھی کی، جس پر سائبر کرائم نے اعظم سواتی پر مقدمہ درج کر کے گرفتار کر لیا ہے

اعظم سواتی کے خلاف متنازع ٹوئٹس پر کراچی، کوئٹہ اور جیکب آباد میں مقدمات درج کرلیے گئے۔ سینیٹر اعظم سواتی کے خلاف کراچی کے مختلف تھانوں میں 6 مقدمات درج ہوئے اور یہ مقدمات شہریوں کی مدعیت میں درج کیے گئے،اعظم سواتی کےخلاف بن قاسم، شاہ لیطف ٹاون، درخشان،کلفٹن اور اورنگی ٹاون تھانوں مقدمات درج ہوئے۔درخشاں تھانے میں بھی شہری کی مدعیت میں درج کیا گیا جس کے مدعی طارق آرائیں کے مطابق ٹوئٹ سے نفرت پھیل سکتی ہے، اعظم سواتی کے ٹوئٹ سے مجھے انتہائی دکھ ہوا۔علاوہ ازیں اعظم سواتی کےخلاف کوئٹہ کے کچلاک پولیس اسٹیشن میں بھی مقدمہ درج کیا گیا۔

جو نقشے عدالت میں پیش کئے گئے وہ سب جعلی،یہ سب ملے ہوئے ہیں، مارگلہ ہلز کیس میں چیف جسٹس کے ریمارکس

اعظم سواتی مشکل میں پھنس گئے، حکومت کا ایک اور ایکشن

پورے راستے مجھ پر تشدد کیا گیا، میری ویڈیوز بنائی گئیں،اعظم سواتی

نازیبا ویڈیو کی تحقیقات،اعظم سواتی کمیٹی میں پیش نہ ہوئے،ایف آئی اے نے بتائی حقیقت

اسلام آباد:اعظم خان سواتی نے سپاہی سےسینیٹرتک کا سفرکس طرح‌ طے کیا؟

 تحریک انصاف کے سینیٹر اعظم سواتی کو گرفتار کر لیا گیا

روس سے سستا خام تیل خریدنے کے معاملے پر پاکستانی وفد ماسکو روانہ ہوگیا۔

ذرائع کے مطابق پاکستانی وفد وزیر مملکت برائے پیٹرولیم مصدق ملک کی سربراہی میں لاہور ائیرپورٹ سے روانہ ہوا جس میں سیکرٹری پیٹرولیم محمد محمود سمیت دیگر حکام شامل ہیں۔ ذرائع کا کہنا ہےکہ پاکستان اور روس کے درمیان پاکستان اسٹریم گیس پائپ لائن پر کام جلد شروع کرنے سے متعلق بھی بات ہوگی، پاکستان اسٹریم گیس پائپ لائن کراچی سے لاہور کے قریب تک تعمیر ہونی ہے اور پاکستان اسٹریم گیس پائپ لائن کا پرانا نام نارتھ ساؤتھ پائپ لائن ہے۔

دوسری جانب عالمی سطح پر ڈیزل کے بحران کے خطرات منڈلانے لگے ہیں ، شمالی نصف کرہ کے سرد موسم کے شروع ہوتے ہی ذخیرے ختم ہو رہے ہیں۔بلوم برگ کی ایک رپورٹ میں خبردار کیا گیا ہے کہ ڈیزل کا بحران کسی ایک ملک تک محدود نہیں رہے گا بالکل عالمی بحران بننے کی طرف جا رہا ہے ۔ ایندھن کی طاقت، گھروں اور کاروباروں کو گرم کرنے کے ساتھ ساتھ یوٹیلیٹیز کے لیے بجلی پیدا کرنے کا ذریعہ بحری جہازوں، ٹرکوں اور ٹرینوں کے باعث اہم ٹرانسپورٹیشن نیٹ ورکس کو سپلائی کی کمی خطرے میں ڈال سکتی ہے۔ڈیزل کے خطرے کا سامنا کرنا پڑے گا جس طرح دنیا کی تقریباً تمام منڈیوں میں سپلائی کی کمی نے افراط زر کو مزید خراب کیا ہے اور ترقی کو نقصان پہنچایا ہے ۔

رپورٹ کے مطابق دنیا بھر میں ڈیزل کی بڑھتی ہوئی قیمتوں اور قلت کے معاشی اثرات تباہ کن اثرات مرتب کر سکتے ہیں، جیسے افراط زر میں تیزی جو کہ گھرانوں اور کاروباروں پر بوجھ بڑھائےگی۔بتایا گیا ہے کہ پٹرول اور ڈیزل دونوں کی قیمتیں عالمی منڈی میں طے شدہ خام تیل کی قیمتوں سے منسلک ہیں۔ سپلائی کی رکاوٹوں کی وجہ سے، بہت سے بازاروں میں ڈیزل کی قیمتیں فی الحال بھاری پریمیم کی ڈیمانڈ کر رہی ہیں۔
رائس یونیورسٹی کے بیکر انسٹی ٹیوٹ آف پبلک پالیسی کے انرجی فیلو مارک فنلے نے بلومبرگ کو بتایا کہ ڈیزل کی قیمتوں میں اضافے سے امریکی معیشت کو 100 بلین ڈالر کا نقصان ہو سکتا ہے۔ہماری معیشت میں جو بھی چیز اور ہر چیز حرکت میں آتی ہے،وہاں ڈیزل موجود ہے۔سامان کو ادھر ادھر منتقل کرنا ایک چیز ہے۔ یخ بستہ سردی میں ممکنہ طور پر منجمد ہونے والے لوگ دوسری چیز ہے۔امریکہ میں ڈیزل کی انوینٹری 1982 کے بعد سب سے کم سطح پر گر گئی تھی جب حکومت نے ایندھن کے اعداد و شمار کی اطلاع دینا شروع کی تھی۔

سال کے اس وقت کے لیے سپلائی اب تک کی کم ترین سطح پر ہے۔انرجی انفارمیشن ایڈمنسٹریشن کے مطابق، امریکہ کے پاس اب ڈیزل کی سپلائی صرف 25 دن ہے، جو 2008 کے بعد سب سے کم ہے۔ اور جب کہ انوینٹریز ریکارڈ کم ہیں۔رائٹرز کے سینئر مارکیٹ تجزیہ کار جان کیمپ نے کہا ہے کہ ڈیزل کی قلت اس وقت تک برقرار رہے گی جب تک معیشت میں مندی نہیں آتی۔2021 میں صدر بائیڈن کے عہدے کا حلف اٹھانے کے بعد سے نیویارک کی بندرگاہ کی سپاٹ مارکیٹ میں امریکی ڈیزل کی قیمتوں میں 265 فیصد سے زیادہ اضافہ ہوچکاہے۔ 2022 کے موسم بہار میں قیمتیں 5.37 ڈالر فی گیلن تک پہنچ گئی تھیں اور اس کے بعد سے 3.51 ڈالر تک گر ی تھیں۔ امریکہ کے شمال مشرقی بازار ڈیزل کے حوالے سے سب سے زیادہ قلت میں ہیں، جہاں پچھلے کئی سالوں میں متعدد آئل ریفائنریوں کو بند کر دیا گیا ہے۔ اس نے خطے میں موسم سرما میں گرم تیل اور جیٹ ایندھن کی فراہمی کی تصور کو بھی پیچیدہ بنا دیا ہے۔نیویارک ٹائمز کے مطابق جبکہ یوکرین میں روس کی جنگ نے ڈیزل کی قیمتوں میں اضافہ کیا، موجودہ صورتحال جزوی طور پر ایک دوسرے سے جڑی ہوئی ، آہستہ آہستہ ہونے والے واقعات کا نتیجہ ہے جو پوری دنیا میں پھیلی ہوئی ہے۔ امریکہ کے علاوہ شمال مغربی یورپ کو ڈیزل کی کم سپلائی کا سامنا ہے۔ آنے والے مہینوں میں روسی خام اور خام مصنوعات کی پابندیوں کے نفاذ کے بعد یورپ میں انوینٹریوں میں مزید کمی کی توقع ہے۔
مزید یہ بھی پڑھیں؛
حکومت کی جانب سے چینی برآمد کرنے کی اجازت نہ ملی تو مشکلات بڑھ سکتی ہیں
افواج پاکستان نے بذریعہ عسکری سفارتکاری عالمی سیاست میں توازن قائم کیا،آرمی چیف
ہمارے ساتھ بیٹھ کر پرویز الہیٰ نے عمران خان کو سلیس پنجابی میں ڈیڑھ سو گالیاں دی تھیں،خواجہ آصف کا انکشاف
30 سالہ نوجوان کوسفاک قاتلوں نے گھر میں گھس کرمعصوم بچوں کے سامنے گولیاں ماردیں
عالمی برآمدی منڈیاں میں اتنی قلت ہو چکی ہیں کہ ابھرتی ہوئی مارکیٹ کے ممالک صنعت کے لیے ایندھن کی خریداری نہیں کر پا رہے جیسے کہ پاکستان۔ اطالوی آئل ریفائنر سارس ایس پی اے کے سابق چیف ایگزیکٹیو آفیسر ڈاریو سکافرڈی نے بلومبرگ کو بتایا کہ یہ یقینی طور پر ڈیزل کا سب سے بڑا بحران ہے جو میں نے کبھی دیکھا ہے۔عالمی سطح پر ڈیزل کی قلت کی وجہ بہت واضح ہےیہ جزوی طور پر وبائی مرض کووڈ 19کا کام ہے ، جب لاک ڈاؤن نے طلب کو ختم کردیا اور ریفائنرز کو اپنے کم سے کم منافع بخش پلانٹس کو بند کرنے پر مجبور کردیا لیکن فوسل فیول کے ریفائن سے دور ہونے والی منتقلی نے اس شعبے میں سرمایہ کاری کو بھی متاثر کیا ہے۔ 2020 کے بعد سے، یو ایس ریفائننگ کی صلاحیت 1 ملین بیرل یومیہ سے زیادہ تک سکڑ گئی ہے۔

دریں اثنا، یورپ میں، شپنگ میں رکاوٹوں اور کارکنوں کی ہڑتالوں نے بھی ریفائنری کی پیداوار کو کم کیا ہے ۔دسمبر میں روسی خام تیل کی یورپ کے لیے پابندی سے صورتحال مزید خراب ہو سکتی ہے۔ پھر فروری میں روسی ڈیزل پر پابندی براعظم کے لیے اور بھی افراتفری کو جنم دے سکتی ہے۔ خبر رساں ادارے روئٹرز نے کہا کہ پابندی کے نفاذ سے پہلے ہی تاجر گھبراہٹ کا شکار ہو رہے ہیں۔ اس سال کے شروع میں، امریکہ نے روسی ڈیزل کی ترسیل روک دی تھی، جو کہ پچھلے سال مشرقی ساحل کو ایک بڑا سپلائر تھا۔

یورپ کے بڑے آئل ریفائنر سارس کے سابق سی ای او سکافرڈی کا کہنا ہے کہ اگر روس اب سپلائی کرنے والا نہیں ہے، تو اس سے سسٹم میں ایک بڑی گڑبڑ پیدا ہو جائے گی، جسے ٹھیک کرنا واقعی مشکل ہو گا۔قیاس آرائیاں بڑھ رہی ہیں کہ بائیڈن انتظامیہ گھریلو رسد کو بڑھانے کے لیے ڈیزل کی برآمدات کو روک سکتی ہے، لیکن اس کے مطلوبہ اثرات نہیں ہو سکتے کیونکہ ڈیزل عالمی سطح پر تجارت کی جانے والی شے ہے۔ امریکہ کی طرف سے کسی بھی برآمدی پابندی سے مارکیٹ میں غیر مطلوبہ اضافہ ہو گا۔

مزدوروں کی ہڑتالوں نے یورپ بھر میں بڑی ریفائنریوں میں ڈیزل کی قلت کو بھی بڑھا دیا ہے۔انرجی اسپیکٹس لمیٹڈ میں ریسرچ کی سربراہ امریتا سین نے کہا کہ ڈیزل کی کمی عالمی معیشت کے لیے نقصان دہ ہے۔ انہوں نے کہا کہ ڈیزل کی تنگی کو حل کرنے کا واحد طریقہ بالآخر نئی ریفائننگ صلاحیت کی ضرورت ہے۔آئل کمپنی شیورون کے سی ای او مائیک ورتھ نے گزشتہ موسم گرما میں بلومبرگ ٹی وی کو بتایا تھا کہ امریکہ میں کبھی بھی کوئی نئی ریفائنریز نہیں بنائی جائیں گی۔

پاکستان میں انڈونیشیا کے سفیر ایڈم ایم ٹوگیو نے کہا ہے کہ پاکستان اور انڈونیشیا روایتی ادویات کی ترقی کے لئے ملکر کام کرسکتے ہیں، اربوں ڈالر کی روایتی اور ہربل دوائیوں کی صنعت کو تحقیق اور ترقی دے کر فروغ دیا جاسکتا ہے، ہربل ادویات کے پائیدار استعمال کے لیے ایک دوسرے کے تجربے سے استفادہ کی ضرورت ہے۔

ان خیالات کا اظہار انہوں نے پیر کو یہاں انڈونیشیا کے سفارتخانے اورکامسٹیک کے اشتراک سے کامسٹیک سیکرٹریٹ میں جڑی بوٹیوں اور روایتی ادویات کے پائیدار استعمال اور فوائد بارے بین الاقوامی سیمینار سے خطاب کرتے ہوئے کیا۔ سیمینار میں ایران، انڈونیشیا اور برطانیہ سمیت بین الاقوامی سینٹر برائے کیمیکل اور بیالوجیکل سائنسز کراچی یونیورسٹی کے پروفسیرز اور ماہرین کے علاوہ پاکستان کی مختلف یونیوسٹیوں سے آنے والے طلبہ اور طالبات نے شرکت کی۔
انڈونیشیا کے سفیر نے کہا کہ کورونا وائرس کے وباکے دوران اور اس کے بعد علاج کے روایتی طریقوں اور متبادل ادویات کے استعمال اور اعتماد میں کافی اضافہ ہوا ہے۔ انہوں نے کہا کورونا وائرس کی عالمگیر وبا کے بعد بڑی دوا ساز کمپنیوں نے روایتی دوائیوں اور جڑی بوٹیوں سے تیار شدہ دوائیوں کی صنعت میں نہ صرف دلچسپی ظاہر کی بلکہ لوگوں کو سرمایہ کاری کی طرف راغب بھی کیا ہے۔
مزید یہ بھی پڑھیں؛
حکومت کی جانب سے چینی برآمد کرنے کی اجازت نہ ملی تو مشکلات بڑھ سکتی ہیں
افواج پاکستان نے بذریعہ عسکری سفارتکاری عالمی سیاست میں توازن قائم کیا،آرمی چیف
ہمارے ساتھ بیٹھ کر پرویز الہیٰ نے عمران خان کو سلیس پنجابی میں ڈیڑھ سو گالیاں دی تھیں،خواجہ آصف کا انکشاف
30 سالہ نوجوان کوسفاک قاتلوں نے گھر میں گھس کرمعصوم بچوں کے سامنے گولیاں ماردیں
انڈونیشیا کے سفیر نے کہا کہ پاکستان اور انڈونیشیا جڑی بوٹیوں کی نعمت سے مالا مال ہیں، دونوں ممالک بڑے پلیٹ فارمز بنا کر ان سے استفادہ کرسکتے ہیں۔ انہوں نے کہا کہ دنیا بھر 80 فیصد افراد ہربل دوائیوں کا استعمال کرتے ہیں، ہمیں ان ادویات کی ترقی کے لئے کوششیں کرنی چاہئے، ہربل اور روایتی ادویات کے استعمال کے فوائد اور لوگوں میں آگاہی پیدا کرنے کے لئے سوشل میڈیا کا بھی استعمال کیا جانا چاہئے۔ انہوں نے ہربل ادویات کی اہمیت کو اجاگر کرتے ہوئے کہا کہ اس کے دونوں ممالک کو اقتصادی فوائد بھی حاصل ہونگے۔ انہوں نے کہا کہ اس حوالے سے روایتی علم کو تسلیم کرنے کے علاوہ اس کو نصاب میں بھی شامل کرنے کی ضرورت ہے۔ قبل ازیں افتتاحی تقریب سے خطاب کرتے ہوئے اسلامی تعاون تنظیم (او آئی سی) کی سائنس وٹیکنالوجی کے بارے میں قائمہ کمیٹی کامسٹیک کے کورآرڈنیٹر جنرل پروفیسر ڈاکٹر ایم اقبال چوہدری نے کہا کہ دنیا بھر میں گزشتہ چند دہائیوں سے محفوظ، موثر اور ماحول دوست جڑی بوٹیوں کی ادویات میں دلچسپی دیکھنے میں آئی ہے، ان میں سے زیادہ تر جڑی بوٹیوں کی ادویات مقامی ادویات کے نظام میں استعمال ہورہی ہیں۔

انہوں نے کہا کہ او آئی سی کے رکن ممالک میں کئی ممالک صدیوں سے اس طرح کے روایتی علم کے تاریخی محافظ رہے ہیں، پاکستان اور انڈونیشیا جیسے بڑے اسلامی ممالک جڑی بوٹیوں کی ادویات کے سب سے بڑے ذرائع ہیں اور یہ عالمی طلب کو پورا کرنے کی صلاحیت رکھتے ہیں۔ انہوں نے کہا کہ جڑی بوٹیوں کی ادویات اور روایتی علم میں دلچسپی روز بروز بڑھ رہی ہے تاہم اس موقع سے فائدہ اٹھانے کے لیے ہمیں تحقیق پر مبنی سائنسی ترقی اور جڑی بوٹیوں کی تحقیق کے معیار کو جدید بنانے کی ضرورت ہے۔ انہوں نے کہا کہ کامسٹیک او آئی سی کے رکن ممالک میں رابط بڑھانے کے ساتھ ساتھ روایتی اور ہربل دوائیوں کی صنعت کو ترقی دی جانی چاہئے۔ مقررین نے جڑی بوٹیوں اور روایتی ادویات کے پائیدار استعمال پر اپنے خیالات سے شرکاء کو آگاہ کرتے ہوئے جڑی بوٹیوں کی حفاظت اور ان کے استعمال کی آگاہی پر زور دیا۔

بین لااقوامی سیمینار میں انڈونیشیا، بنگلہ دیش، جبوتی، مصر، آذربائیجان، گبون، سوڈان، نائجیریا ، مراکش، ایران، یوگنڈا، پاکستان اور ملائشیا سے 400 طلبہ و طالبات، محققین اور ادویات سازی سے کی صنعت سے وابستہ ماہرین شرکت کررہے ہیں۔ افتتاحی تقریب میں انڈونیشیا سے آئے 14 طلبا سمیت مختلف ممالک کے سفیروں اور تدریسی و تحقیقی اداروں کے سربراہان نے بھی شرکت کی۔