Baaghi TV

Tag: تازہ ترین

  • وزیراعظم شہبازشریف آج پاکستان سے سعودی عرب چلے جائیں گے

    وزیراعظم شہبازشریف آج پاکستان سے سعودی عرب چلے جائیں گے

    اسلام آباد:وزیراعظم شہبازشریف آج پاکستان سے سعودی عرب چلے جائیں گے ،اطلاعات کے مطابق ولی عہد محمد بن سلمان کی دعوت پر وزیراعظم شہباز شریف آج دو روزہ دورے پر سعودی عرب روانہ ہونگے۔

    ’‘ ڈالر کی قیمت میں لائی گئی کمی "آنکھ کا دھوکہ:یعنی مصنوعی ہوگی’’:ماہرین…

    وزیراعظم سعودی سرمایہ کاری کے حوالے سے منعقد ہونے والی کانفرنس میں شرکت کیلئے دو روزہ دورے پر روانہ ہورہے ہیں جہاں اُن کی سعودی فرمانروا شاہ سلمان بن عبدالعزیز سے ملاقات ہوگی۔

    بھارت نوازایمپائرنگ:بھارت کیخلاف آخری اوور میں نواز کی نوبال متنازع ہوگئی، سابق…

    خیال رہے کہ شہباز شریف سعودی ولی عہد کی دعوت پر یہ دورہ کررہے ہیں جبکہ امکان ظاہر کیا جارہا ہے کہ اس دورے کے بعد اگلے ماہ محمد بن سلمان کی پاکستان آمد متوقع ہے۔

     

    یاد رہے کہ وزارت عظمیٰ کا منصب سنبھالنے کے بعد وزیراعظم شہبازشریف سعودی عرب گئے تھے،اس وقت بھی سعودی عرب کے ولی عہد شہزادہ محمد بن سلمان بن عبدالعزیز کی دعوت پر وزیراعظم محمد شہباز شریف تین روزہ اعلیٰ سطح کے سرکاری دورے پر سعودی عرب میں قیام کیا تھا

    گورنر مکہ خالد بن فیصل آل سعود اور سعودی عرب کے قومی سلامتی کے مشیر ڈاکٹر مسعدبن محمد العیبان نے ہوائی اڈے پر وزیراعظم پاکستان کا استقبال کیا تھا
    وفد میں وفاقی وزرا بلاول بھٹو زرداری، مریم اورنگزیب، خواجہ آصف، خالد مقبول صدیقی، چوہدری سالک حسین اور سابق فاٹا کے علاقے سے رکن قومی اسمبلی محسن داوڑ بھی شامل تھے ،شپبازشریف نے  روزہ رسول پر حاضری دی اور ریاض الجنتہ میں نوافل ادا کیے۔
  • عمران خان کی نااہلی کے خلاف درخواست پر سماعت آج ہوگی

    عمران خان کی نااہلی کے خلاف درخواست پر سماعت آج ہوگی

    اسلام آباد:توشہ خانہ کیس میں عمران خان کی نااہلی کیخلاف چیئرمین پی ٹی آئی کی اپیل پر اسلام آباد ہائیکورٹ میں آج کیس کی سماعت ہوگی۔

    توشہ خانہ کیس میں الیکشن کمیشن کی جانب سے نا اہلی کے فیصلے کو عمران خان نے اسلام آباد ہائیکورٹ میں چیلنج کررکھا ہے۔ اسلام آباد ہائی کورٹ کے چیف جسٹس اطہر من اللہ پیر کو درخواست پر سماعت کریں گے۔

    درخواست میں مؤقف اختیار کیاگیا کہ الیکشن کمیشن کرپٹ پریکٹس کا فیصلہ کرنے کا اختیار نہیں رکھتا۔ عدالت سے ہائیکورٹ کے فیصلے تک ای سی پی کی جانب سے نااہلی کا فیصلہ معطل کرنے کی استدعا کی گئی ہے۔

    واضح رہے کہ 21 اکتوبر کو الیکشن کمیشن نے عمران خان کے خلاف توشہ خانہ ریفرنس پر 19 ستمبر کو محفوظ کیا گیا فیصلہ سنایا تھا۔

    الیکشن کمیشن نے توشہ خانہ ریفرنس میں سابق وزیر اعظم عمران خان کو 63 ون کے تحت نااہل قرار دے دیا ہے۔ الیکشن کمیشن کے فیصلے کے مطابق عمران خان رکن قومی اسمبلی نہیں رہے، ان کی قومی اسمبلی کی سیٹ خالی قرار دے دی گئی ہے۔

  • عمران خان طےشدہ منصوبے کےتحت انتشارچاہتے ہیں:عطا تارڑ کی پریس کانفرنس

    عمران خان طےشدہ منصوبے کےتحت انتشارچاہتے ہیں:عطا تارڑ کی پریس کانفرنس

    لاہور:وزیراعظم کے معاون خصوصی عطا اللہ تارڑ نے کہاہے کہ عمران خان تاریخ پر تاریخ دے رہے ہیں کبھی قسمیں دیتے ہیں کبھی واسطے دیتے ہیں ، عمران خان نے تحفے بیچے یہ الیکشن کمیشن کا متفقہ فیصلہ ہے ، الیکشن کمیشن کے فیصلے کے بعد گنتی کے لوگ احتجاج کے لیے نکلے ، عمران خان لانگ مارچ کی آڑ میں تشدد اور جلا ﺅگھراﺅ چاہتے ہیں ، کل چھوٹی چھوٹی ٹولیوں میں لوگ نکلے اور امن خراب ہوا،کل ہم نے صبر سے کام لیا کل ریڈ زون میں فائر کیا گیا عمران خان تشدد کرنے آرہے ہیں آگ لگانے آرہے ہیں اب یہ کام نہیں چلے گاکہ لوگوں کی پگڑیاں اچھالیں، اس کے ساتھ بغیر تصدیق اسلام آباد ہائی کورٹ میں رٹ پٹیشن دائر کی عمران خان طے شدہ منصوبے کے تحت انتشار چاہتے ہیں ،عمران خان اب سزا سے راہ فرار اختیار کریں گے۔

    معاون خصوصی عطا اللہ تارڑ نے پریس کانفرنس کرتے ہوئے کہا کہ ایک موقع ایسا بھی آیا کہ پنجاب پولیس اور کے پی کے پولیس آمنے سامنے آگئی تھی ، اسلحے سے لیس جتھے آرہے ہیں، لانگ مارچ سے پہلے ایک ایم این اے گرفتار ہوا ہے جن کے گارڈ نے گولی چلائی یہ خان صاحب کی مرضی کے بغیر نہیں ہورہا، جو شخص اپنے منہ سے کہہ رہا ہے میں نظام کو تباہ کرنے آرہا ہوں ،اس کی نیت اچھی نہیں ہے معاون خصوصی عطا اللہ تارڑ نے کہا کہ عمران خان نے ذاتی مقاصد کے لیے صوبائی اداروں کو استعمال کیا ،عمران خان صرف اپنے آپ کو وزیراعظم کے لئے اہل سمجھتے ہیں ،

    انہوں نے کہا کہ چار سال میں پرفارمنس زیرو ہے، آئی ایم ایف کی ڈیل انہوں نے کی، یہ شخص پاکستان کی سالمیت اور اداروں کے حوالے سے ایسی گفتگو کررہا ہے جو نارمل شخص نہیں کرسکتا۔ انہوں نے کہا کہ جب بجٹ پاس کروانا ہوتا تھا تو یہ ترلا کرتا تھا کہ لوگ پورے کردو، کیا اس وقت امریکہ یا کسی ادارے کی طرف سے آپ کے ایم این ایز کو کہا گیا سلپ ہوجاﺅ۔عطا تارڑ نے کہا کہ عمران خان کی نااہلی پر کل چھوٹی چھوٹی ریلیاں نکالی گئیں جن میں کہیں سو اور کہیں پچاس لوگ شامل تھے، گزشتہ روز عمران خان کی نااہلی پر الیکشن کمیشن آف پاکستان کے باہر فائرنگ کا ناخوشگوار واقعہ رونما ہوا۔ میری موجودگی میں فائر ہوا اور باقی لوگ کبھی حملہ آور ہوئے ہم حکومت میں ہیں ہم نہ امن خراب کرنا چاہتے تھے اور نہ کسی قسم کا کسی پر تشدد کرنا چاہتے تھے

    تارڑ کہتے ہیں کہ ہم نے صبر و تحمل سے کام کیا۔ کل ایک فائر ہوا جس سے یہ بات ثابت ہو گئی کہ خان صاحب کوئی جمہوری لانگ مارچ کیلئے نہیں آ رہے یہ باقاعدہ ایک سوچے سمجھے منصوبے کے تحت پرتشدد کارروائیاں کرنے آ رہے ہیں آ گ لگانے آ رہے ہیں، قتل و غارت کرنے آ رہے ہیں پچھلی دفعہ بھی کے پی کے پولیس اور گلگت بلتستان پولیس کو استعمال کیا گیا۔ 25 مئی کو ایک موقع ایسا بھی آیا کہ پنجاب پولیس اور کے پی کے پولیس آمنے سامنے آ گئیں اور میرے پاس بطور وزیر داخلہ پنجاب یہ فیصلہ آیا کہ کیا کرنا ہے اگر میں اس وقت پنجاب پولیس کو پیچھے ہٹنے کا حکم نہ دیتا تو خدانخواستہ وہاں گولی چل جاتی اور کوئی جان ضائع ہو جاتی اور اس وقت اس کا شدید نقصان ریاست پاکستان کو ہوتا کہ پنجاب پولیس کے اہلکارنے گلگت پولیس کے اہلکار پر گولی چلائی ہے اور اس سے جو خطرات وفاق کو لاحق ہوتے ،ہمارے اتحاد و اتفاق کو لاحق ہوتے اس کا خمیازہ کئی دہائیوں تک قوم کو بھگتنا پڑتا۔یہ جو اسلحہ سے لیس جتھے آ رہے ہیں پچھلی دفعہ 25 مئی سے پہلے ہی گولی چلا کرکمال نامی ایک پولیس اہلکار کو شہید کیا گیا تھا اور پھر لانگ مارچ سے پہلے ایک شخص پکڑا گیا اور ایک ایم این اے صالح محمد گرفتار ہوا ہے جس کے گارڈ نے گولی چلائی

    میں بغاوت کا اعلان کرتا ہوں کہ میں انصاف کے اس نظام کو نہیں مانتا یہ خان صاحب کی منشا کے بغیر نہیں ہو سکتا ، خان صاحب نے خود کہا ہے کہ میں جب آﺅں گا تو کیا وہی ہو گا بدامنی ہو گی جب اسلام آباد آﺅں گا نہ صرف امن و امان خراب ہو گا جو شخص اپنے منہ سے کہہ رہا ہے کہ میں نظام کو تباہ کرنے آ رہا ہوں اس کی نیت کوئی اچھی نہیں ہے اس کو یہ بات زیب نہیں دیتی کہ اس کی بیوی بتاتی تھی کہ ڈالر اوپر چلا گیا ہے بطور وزیراعظم اسے ان باتوں کا بھی علم نہیں تھا وہ کہتا ہے کہ میری بیوی نے بتایا کہ ٹی وی پر چل رہا تھا کہ ڈالر اوپر چلا گیا ہے ہمیں ٹی وی نہیں بتاتا بلکہ ہم ٹی وی کو بتاتے ہیں کہ ڈار صاحب آ گئے ہیں اور ڈالر کی قدر میں کمی ہو رہی ہے اس کے علاوہ یہ کرنا کیا چاہتا ہے چار سال میں معیشت کو تباہ کر دیا۔آئی ایم ایف سے انہوں نے معاہدہ کیا اور نااہل ہو گیا ہے اور یہ چاہتا ہے کہ نظام درہم برہم ہو اس کے منہ سے الفاظ نکلے ہیں کہ اگر میں اقتدار میں نہ آیا تو اس ملک کے تین ٹکڑے ہو جائیں گے۔ کبھی ایٹمی اثاثوں کی بات کرتا ہے اقتدار سے دوری کی وجہ سے یہ اب پاکستان کی سا لمیت کے حوالے سے اداروں کے حوالے سے اس طرح کی گفتگو پر آ گیا ہے کہ کوئی بھی ذی شعور شخص کوئی بھی ایسا شخص جو حب الوطنی کے جذبہ سے سرشار ہو وہ ایسی گفتگو نہیں کر سکتا اب اقتدار سے دوری کا ذمہ دار اداروں کو ٹھہراتا ہے۔

    ان کا کہنا تھا کہ اب ادارے تو اس بات کے ذمہ دار نہیں کہ آپ اپنے ایم این ایز کو کنٹرول نہ کر سکیں اس سے پہلے جب بجٹ پاس کروانا ہوتا تھا تو یہ منت کرتے تھے کہ جی میرے ممبر پورے کر دیں اور میں نہیں جانتا کہ سیاسی مینجمنٹ کیسے کرنی ہے دو لوگ اس کی سیاسی مینجمنٹ کرتے تھے ایک علیم خاں اور دوسرے جہانگیر ترین تمام لوگوں کو تحریک انصاف میں شامل کروانے میں وہ پیش پیش تھے پھر جب ان لوگوں کے خلاف پرچے کاٹے گئے ان کے بیٹوں تک کو نہ چھوڑا گیا ان کے خلاف پرچے دیئے گئے ان کی فیملی کے خلاف پرچے دیئے گئے تو وہ آپکی سیاسی مینجمنٹ چھوڑ گئے تو آپ کے ایم این ایز سلپ ہو کر آئے ہیں کیا ان کو امریکہ نے کہا ہے کہ سلپ ہو جاﺅ۔انہوں نے کہا کہ گجرات کو ڈویثرن بنایا گیا اور کنجاہ کے ارد گرد مونس الہی نے زمین خرید لی ہے، یہ بڑا طاقت ور مافیا ہے۔انہوں نے کہا کہ پرویز الہٰی نے گندم کا بحران پیدا کیا ہے، صوبائی حکومت گندم کے معاملے پر ناکام ہوچکی ہے۔

  • کراچی: پولیس کی جرائم پیشہ افرادکے خلاف کامیاب کارروائیاں،متعدد گرفتار،بھاری اسلحہ برآمد

    کراچی: پولیس کی جرائم پیشہ افرادکے خلاف کامیاب کارروائیاں،متعدد گرفتار،بھاری اسلحہ برآمد

    کراچی: پولیس کی جرائم پیشہ افرادکے خلاف کامیاب کارروائیاں،متعدد گرفتار،بھاری اسلحہ برآمد ا،طلاعات کے مطابق کراچی پولیس کا مجرموں کے خلاف آپریشن کلین اپ جاری ہے اور تازہ ترین اطلاعات میں بتایا گیا ہے کہ درخشاں پولیس نے بین الصوبائی ملزمان گرفتارکرلیے ہیں

    پولیس کا کہنا ہے کہ2 مسلح ملزمان سی ویو پر واقع ڈالمن مال کے قریب شہریوں سے لوٹ مار کر رہے تھے،اسی دوران قریب موجود درخشاں پولیس کی گشت پر مامور پولیس موبائل اطلاع پا کر فوری موقع پر پہنچ گئی،پولیس نے نہایت دانشمندی سے ملزمان کا گھیرآؤ کیا اور بغیر کسی مزاحمت کے ملزمان کو گرفتار کرلیا

    گرفتارملزمان کے قبضے سے 1 عدد غیرقانونی پستول اور شہری سے چھینے ہوا پرس اور ATM کارڈ برآمد ہوئے ہیں، ملزمان کا تعلق پنجاب کے شہر بہاولپور سے ہے جو اسٹریٹ کرائم کی وارداتوں کے لئے کراچی آتے ہیں اور پھر واپس چلے جاتے ہیں

    ملزمان اس سے قبل بھی بہاولپور تھانہ صدر بغداد میں ڈکیتی کی وارداتوں میں ملوث ہونے پر گرفتار ہوکر جیل جا چکے ہیں ،گرفتارملزمان شہر بھر بالخصوص ڈیفنس کلفٹن میں اسی نوعیت کی متعدد کارروائیاں کر چکے ہیںملزمان کا سابقہ کریمنل ریکارڈ چیک کیا جا رہا ہے جبکہ ملزمان کے خلاف مقدمہ درج کرکے مزید تفتیش کی جارہی ہے

    ادھر ایس ایس پی حیدرآباد امجد احمد شیخ صاحب کی جانب سے جاری کردہ ہدایت پر عملدرآمد کرتے ہوئے حیدرآباد پولیس کا منشیات فروشوں کے خلاف کاروائیوں کا سلسلہ جاری ہے ،اے ایس پی کینٹ علینہ راجپر صاحبہ کی سربراہی میں ایس ایچ او انسپیکٹر اعجاز علی لاکھو کی اپنے اسٹاف کے ہمراہ کاروائی کی

    دوران پیٹرولنگ مخفی اطلاع پر کاروائی کرتے ہوئے ریڈیو پاکستان کے قریب سے ملزم بنام محمد الطاف بھٹی کو شراب کی بوتلوں سمیت گرفتار کرلی ،ابتدائی تفتیش میں گرفتار ملزم نے خود کو منشیات فروش ظاہر کرتے ہوئے بتایا کہ یہ شراب کی بوتلیں فروخت کرنے کیلئے لیکر کھڑا تھاگرفتار ملزم متعلق مزید معلومات اور مزید کرمنل ریکارڈ چیک کیا جا رہا ہے

    کینٹ پولیس نے گرفتار ملزم کے قبضے سے برآمد 6 عدد شراب کی بوتلیں پولیس تحویل میں لیکر حدود آرڈیننس کے تحت مقدمہ درج کرلیا

    ایسے ہی انوسٹی گیشن پولیس ڈسٹرکٹ کیماڑی کی جرائم پیشہ عناصر کے خلاف کاروائیاں جاری ہیں ، پہلی کاروائی میں تفتیشی ٹیم تھانہ مدینہ کالونی نے عمدہ کارکردگی کا مظاہرہ کرتے ہوئے قتل میں ملوث 3 ملزمان کو گرفتارکر لیا

    ملزمان نے جائداد کے تنازعہ پر مورخہ 2022-10-06 کو تھانہ مدینہ کالونی کی حدود میں فائرنگ کرکے وقاص نامی شخص کو قتل کر دیا تھاواقعہ کا مقدمہ الزام نمبر 255/2022 بجرم دفعہ 302/34 ت پ درج کیا گیا تھاواقعہ کے بعد ملزمان رفاقت اور عمر خطاب نے عدالت سے ضمانت حاصل کرلی تھی جبکہ ملزم لیاقت علی ضلع مانسہرہ KPK فرار ہوگیا تھا

    ملزمان رفاقت اور عمر کی عدالت سے ضمانت منسوخی کے بعد ملزمان کو گرفتارکر لیا گیا جبکہ تشکیل کردہ ٹیم نے ضلع مانسہرہ سے ملزم لیاقت علی کو بھی گرفتار کر لیا،گرفتار ملزمان سے مزید تفتیش جاری ہے

    دوسری کاروائی میں تفتیشی ٹیم تھانہ اتحاد ٹاؤن نے کاروائی کرتے ہوئے منشیات کے مقدمہ میں مفرور ملزم کو گرفتارکر لیا،گرفتار ملزم یونس کے خلاف مقدمہ الزام نمبر 446/2022 بجرم دفعہ 6/9C درج تھا،گرفتار ملزمان کے خلاف ضابطہ کی کاروائی جاری ہے

  • خیبر:سیکورٹی فورسز کا دہشت گردوں کے خلاف آپریشن:ایک دہشتگرد ہلاک

    خیبر:سیکورٹی فورسز کا دہشت گردوں کے خلاف آپریشن:ایک دہشتگرد ہلاک

    خیبر:سیکورٹی فورسز کا دہشت گردوں کے خلاف آپریشن:ایک دہشتگرد ہلاک ،اطلاعات کے مطابق سیکیورٹی فورسز نے دہشت گردوں کی موجودگی کی اطلاع پر ضلع خیبر کے علاقے شلوبر میں انٹیلی جنس کی بنیاد پر آپریشن کیا۔

    سیکورٹی فورسز ذرائع کے مطاق شدید فائرنگ کے تبادلے میں ایک دہشت گرد مارا گیا۔ ہلاک دہشت گرد سے اسلحہ اور گولہ بارود بھی برآمد ہوا ہے۔ہلاک دہشت گرد سیکورٹی فورسز کے خلاف دہشت گردی کی کارروائیوں میں سرگرم رہا۔

    یاد رہے کہ اس سے پہلے شمالی وزیرستان میں دہشتگردوں نے فوجی چوکی پر فائرنگ کی ہے جس کے نتیجے میں میں اسسٹنٹ لانس دفعدار وقار علی شہید ہوگئے ہیں۔

    پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق شمالی وزیرستان کے علاقے حسن خیل میں دہشتگردوں نے فوجی چوکی پر فائرنگ کی جس پر جوانوں نے فوری جوابی کارروائی کرتے ہوئے دہشتگردوں کو نشانہ بنایا۔

    ترجمان پاک فوج کا کہنا ہے کہ آپریشن کے دوران شدید فائرنگ کے تبادلے میں اسسٹنٹ لانس دفعدار وقار علی شہید ہوگئے، شہید کا تعلق چھوٹا لاہور صوابی سے تھا۔

    آئی ایس پی آر کا یہ بھی کہنا ہے کہ پاکستان بار بار افغانستان پر زور دیتا آیا ہے کہ موثر بارڈر منیجمنٹ کو یقینی بنائے، افغانستان کی سرزمین استعمال کرتے ہوئے دہشت گردوں کے حملے کی پاکستان شدید مذمت کرتا ہے۔

    آئی ایس پی آر کا مزید کہنا ہے کہ پاکستان آرمی دہشت گردی کی لعنت کے خاتمے کے لئے پرعزم ہے، ہمارے بہادر سپاہیوں کی ایسی قربانیاں ہمارے عزم کو مزید مضبوط بناتی ہیں۔

  • او آئی سی کومسلمانوں کے بنیادی حقوق اور مفادات کےتحفظ کےلئےاپنا کردار ادا کرناچاہئے:مریم اورنگزیب

    او آئی سی کومسلمانوں کے بنیادی حقوق اور مفادات کےتحفظ کےلئےاپنا کردار ادا کرناچاہئے:مریم اورنگزیب

    اسلام آباد:وفاقی وزیر اطلاعات و نشریات مریم اورنگزیب نے اسلامو فوبیا کے مسئلے سے نمٹنے کی کاوشوں کو تیز کرنے اور دنیا بھر میں مسلمانوں کے بنیادی حقوق اور مسلم اقلیتوں کے مفادات کے تحفظ کے لئے او آئی سی کے کردار کی ضرورت کو اجاگر کرتے ہوئے کہا ہے کہ اسلامو فوبیا کا گھنائونا رجحان کم نہیں ہوا، جنوبی ایشیاءمیں مسلمانوں کے خلاف نفرت انگیز تقاریر اور جرائم گہری تشویش کا باعث ہیں، بھارت میں بے گناہوں کا قتل، فرقہ وارانہ فسادات اور الیکٹرانک و سوشل میڈیا پر اسلام کی منفی تصویر کشی میں مسلسل اضافہ ہوا ہے، ہمیں سچائی پر مبنی خبروں کے ذریعے جعلی خبروں کا مقابلہ کرنا ہوگا، پاکستان اور نائیجیریا جیسے او آئی سی کے کئی رکن ممالک دنیا میں موسمیاتی تبدیلی کے خطرے سے سب سے زیادہ دوچار ہیں، پاکستان میں حالیہ سیلاب سے تقریباً 40 ارب ڈالر کا نقصان ہوا، متاثرہ ممالک میں موسمیاتی تبدیلی سے نمٹنے کیلئے فنانسنگ کو بڑھایا جائے۔

    ان خیالات کا اظہار انہوں نے گزشتہ روزیہاں او آئی سی وزراءاطلاعات کانفرنس کے 12 ویں اجلاس سے خطاب کرتے ہوئے کیا۔ کانفرنس میں 57 ممالک کے مندوبین نے شرکت کی۔ وفاقی وزیر اطلاعات نے او آئی سی وزراءاطلاعات کانفرنس کے اجلاس کے دوران پرتپاک اور فراخدلانہ مہمان نوازی پر ترکیہ کے عوام اور حکومت کا شکریہ ادا کرتے ہوئے کہا کہ پاکستان سمجھتا ہے کہ سوشل میڈیا کا دور آنے کے بعد پیدا ہونے والے مسائل سے نمٹنے کے لئے او آئی سی نے نمایاں کوششیں کی ہیں، ہم ذرائع ابلاغ اور پبلک پالیسی پر او آئی سی ایکشن پروگرام 2025ءکے ساتھ اپنی بھرپور وابستگی کا اعادہ کرتے ہیں، اس ضمن میں ہم او آئی سی کے رکن ممالک کی استعداد کار میں اضافہ اور بہترین طریقے استعمال میں لانے کے پختہ عزم پر بھی کاربند ہیں۔ وفاقی وزیر اطلاعات نے او آئی سی کے رکن ممالک کو درپیش چند بڑے چیلنجز اور ان سے نمٹنے میں میڈیا کے کردار کی جانب توجہ مبذول کرواتے ہوئے کہا کہ موسمیاتی تبدیلی ہمارے دور کا سب سے بڑا مسئلہ ہے، حال ہی میں پاکستان کو موسمیاتی تبدیلی کی وجہ سے تباہ کن سیلاب کا سامنا کرنا پڑا جس کے نتیجہ میں بڑے پیمانے پر جانی و مالی نقصان ہوا۔ پاکستان کا ایک تہائی سے زائد رقبہ زیر آب ہے، 33 ملین سے زائد لوگ سیلاب سے متاثر ہوئے، 10 لاکھ مکانات کو نقصان پہنچا جبکہ پانچ لاکھ سے زائد افراد امدادی کیمپوں میں رہنے پر مجبور ہیں۔ پاکستان میں تباہ کن سیلاب کے باعث 40 ارب ڈالر کا نقصان ہوا۔

    انہوں نے کہا کہ حکومت پاکستان نے سیلاب سے متاثرہ علاقوں میں بڑے پیمانے پر ریلیف و بحالی کا کام انجام دیا، ہم عالمی برادری بالخصوص او آئی سی کے رکن ممالک کے مشکور ہیں جنہوں نے سیلاب سے متاثرہ علاقوں میں جاری ریلیف سرگرمیوں میں بھرپور تعاون فراہم کیا۔ وفاقی وزیر اطلاعات نے کہا کہ پاکستان میں تباہ کن سیلاب موسمیاتی ناانصافی کی ایک بڑی مثال ہے جس کا آج بہت سے ممالک سامنا کر رہے ہیں۔ پاکستان اور نائیجیریا جیسے او آئی سی کے کئی رکن ممالک دنیا میں سب سے زیادہ موسمیاتی تبدیلی کے خطرے سے دوچار ممالک میں شامل ہیں حتیٰ کہ ہمارا ملک میں کاربن کا اخراج نہ ہونے کے برابر ہے۔

    انہوں نے کہا کہ او آئی سی کے رکن ممالک میں میڈیا کی ذمہ داری ہے کہ وہ عالمی برادری کی جانب سے بالخصوص ترقی پذیر ممالک میں موسمیاتی تبدیلی سے نمٹنے کے لئے فوری، اجتماعی اور فیصلہ کن کوششوں کی اہمیت کو اجاگر کرے اور کلائمیٹ فنانسنگ کو بڑھایا جائے۔ اسلامو فوبیا کا ذکر کرتے ہوئے وفاقی وزیر اطلاعات نے کہا کہ اسلامو فوبیا کا گھنائونا رجحان کم نہیں ہوا، ہمارے خطے، جنوبی ایشیا میں مسلمانوں کے خلاف نفرت انگیز تقاریر اور جرائم بڑھتی ہوئی تشویش کا باعث ہیں۔ ہماری کوششوں کے باوجود ہندوستان میں بے گناہوں کا قتل، منصوبہ بندی کے تحت فرقہ وارانہ فسادات اور الیکٹرانک و سوشل میڈیا میں اسلام کی منفی تصویر کشی میں مسلسل اضافہ ہوا ہے۔ ہمیں اسلامو فوبیا سے نمٹنے کے لئے اپنی کوششوں کو تیز کرنا چاہئے۔ انہوں نے کہا کہ مسلم امہ کی نمائندہ تنظیم ہونے کی حیثیت سے او آئی سی انفرادی طور پر اس کوشش کیلئے صف اول کا کردار ادا کرنے کو تیار ہے اور دنیا بھر میں مسلمانوں کے بنیادی حقوق اور مسلم اقلیتوں کے مفادات کے تحفظ کے لئے اپنا کردار ادا کرنا چاہئے۔

    وفاقی وزیر اطلاعات نے اس ضمن میں چند سفارشات پیش کرتے ہوئے کہا کہ ہمیں اطلاعاتی استعماریت کا مقابلہ کرنا ہوگا اور ایک نیا انفارمیشن رجیم قائم کرنا ہوگا۔ انہوں نے کہا کہ بہت سے مسلم ممالک میں آزاد میڈیا ہے جس نے اسلام کے تشخص کے بارے میں لوگوں کے ذہنوں میں جگہ بنا لی ہے لیکن مسلم ریاستوں میں اطلاعاتی ہم آہنگی پیدا کرنے کیلئے ہمیں مزید کام کرنے کی ضرورت ہے۔ وفاقی وزیر اطلاعات نے کہا کہ مسلم ریاستوں کو اسلام اور مسلم معاشروں کے بارے میں غلط تصورات سے نمٹنے کی بھی ضرورت ہے۔ انہوں نے کہا کہ غلط معلومات سے نمٹنے کے لئے زیادہ جمہوریت کے مزید فروغ، زیادہ عوامی شرکت، اجتماعیت میں اضافے اور اظہار رائے کی آزادی پر توجہ مرکوز کرنا ہمارا مقصد ہونا چاہئے۔ حساس مگر عالمی سطح پر نمایاں ہونے والے یہ موضوعات ہمارا ہدف ہونے چاہئیں جنہیں مسلمانوں اور مسلمان ممالک کے خلاف غلط اور گمراہ کن نیت سے استعمال کیا جاتا ہے۔

    انہوں نے کہا کہ ہمیں فیک نیوز کا سچی خبروں کے ذریعے مقابلہ کرنا ہوگا، جدید ٹیکنالوجی سے سوشل میڈیا پر رجحان بنانے والے طریقوں کا مقابلہ کرنے کی حکمت عملی بنانا ہوگی، ہمیں عوام کے حقیقی جذبات کی ترجمانی کی راہ ہموار کرنا ہوگی، روبوٹس سے عوامی رائے پر اثراندا ہونے کے ہتھکنڈوں سے نمٹنا ہوگا، ٹرولز کی جگہ حقیقی رائے شماری اور آگہی کے طریقوں کی حوصلہ افزائی کرنا ہوگی، ایسے قوانین کی ضرورت ہے جس کے تحت نفرت پھیلانے اور دھوکہ دہی کرنے والوںکی نشاندہی ہو اور انہیں سزا مل سکے، ان اقدامات کے ساتھ ساتھ بنیادی آزادیوں کا تحفظ یقینی بنانا ہوگا۔

    انہوں نے کہا کہ اقوام متحدہ کی جنرل اسمبلی سے 15 مارچ کو اسلاموفوبیا کا عالمی دن منانے کی قرارداد کی منظوری بڑا قدم ہے، ہمیں اس قرارداد سے پیدا ہونے والی تحریک کی رفتار اور دائرے میں وسعت لانے کے لئے کام کرنا ہوگا۔ انہوں نے کہا کہ ہم ”او آئی سی“ کے سیکریٹری جنرل سے درخواست کرتے ہیں کہ اسلاموفوبیا کے لئے خصوصی نمائندے کا تقرر کریں، اسلاموفوبیا کے لئے نمائندہ خصوصی کے تقرر کا فیصلہ اسلام آباد میں او آئی سی وزرا خارجہ کونسل کے اجلاس میں منظور کردہ قرار داد میں ہوا تھا۔ انہوں نے کہا کہ او آئی سی کی قیادت میں ماہرین کا پینل تشکیل دیا جائے جو اسلامو فوبیا کے واقعات سے نمٹنے کے لئے تنظیم کو تجاویز دے۔ اس پینل کے ذریعے اسلامو فوبیا کا نشانہ بننے والوں کی حمایت کی جائے۔ وفاقی وزیر اطلاعات نے کشمیری اور فلسطینی عوام کی ثابت قدمی کو خراج تحسین پیش کرتے ہوئے رکن ممالک کے میڈیا سے مطالبہ کیا کہ وہ کشمیری اور فلسطینی عوام کے مصائب اور جرات مندانہ جدوجہد کی زیادہ سے زیادہ کوریج جاری رکھیں جو بھارتی اور اسرائیلی قابض افواج کے ہاتھوں مسلسل جارحیت اور بنیادی حقوق کی خلاف ورزیوں کا سامنا کر رہے ہیں۔

    انہوں نے کہا کہ او آئی سی کے رکن ممالک کا میڈیا منظم خلاف ورزیوں کو اجاگر کرنے کے ساتھ ساتھ مقبوضہ علاقوں میں انسانی حقوق کی خلاف ورزیوں اور انسانی المیوں کی حقیقت اور شدت سے دنیا کو ترجیحی بنیادوں پر آگاہ کرے۔ وفاقی وزیر اطلاعات نے کہا کہ پاکستان خطے میں امن کی کوششوں کے لئے آگے بڑھ رہا ہے۔ ہم امید کرتے ہیں کہ خطے میں پائیدار امن اور طویل المدتی ترقی کے لئے پاکستان کی جدوجہد کا بھرپور ادراک کیا جائے گا۔ انہوں نے کہا کہ او آئی سی کے رکن ممالک کو اسلام اور اس کی تعلیمات کی حقیقی تصویر پیش کرنے، رواداری اور پرامن بقائے باہمی کو فروغ دینے اور انتہاءپسندی و دہشت گردی کو مسترد کرنے کے لئے وسیع پیمانے پر میڈیا ٹولز اور آپشنز کو استعمال کرنے کی کوششوں کو مربوط کرنا چاہئے۔ وفاقی وزیر اطلاعات نے اس ضمن میں سفارشات پیش کرتے ہوئے کہا کہ ہمیں او آئی سی کے رکن ممالک میں میڈیا تنظیموں کے درمیان اسٹریٹجک شراکت داری قائم کرنی چاہئے، ہمیں اسلام کی حقیقی روح کے مطابق غلط معلومات کے تدارک اور رواداری جیسی اسلامی اقدار کے فروغ کے لئے مشترکہ اسلامک میڈیا ایکشن انسٹیٹیوشنز قائم کرنے چاہئیں۔

    انہوں نے کہا کہ ”او آئی سی جنرل سیکریٹریٹ کا ڈیپارٹمنٹ آف انفارمیشن“ غلط معلومات اور اسلامو فوبیا کے تدارک کے لئے اجتماعی کوششوں کی قیادت کرے۔ یہ رکن ممالک سے صحافیوں کا انتخاب کر سکتا ہے اور متعلقہ ذرائع ابلاغ کے ذریعے تحقیقی صحافت اور حقائق پر مبنی رپورٹنگ کی سہولت فراہم کرنے کے مقصد سے جموں و کشمیر اور فلسطین کے دوروں کا اہتمام کر سکتا ہے۔ انہوں نے کہا کہ او آئی سی کو ثقافتی اور میڈیا وفود کے تبادلوں کے لئے ٹھوس اہداف اختیار کرنے چاہئیں، ہم اپنی ثقافتوں اور عوام کی باہمی افہام و تفہیم کیلئے سکرین ٹورازم کی بڑی صلاحیت بھی استعمال کر سکتے ہیں۔ انہوں نے کہا کہ ہمیں سوشل میڈیا اور سائبر اسپیس کے دور میں غلط معلومات اور اسلامو فوبیا پر ایک ورکنگ گروپ قائم کرنا چاہئے، ورکنگ گروپ تجربات کو شیئر کرنے اور ان مسائل پر تفصیل سے بات کرنے کے مقصد کے ساتھ باہم نشست کے طریقہ کار کے تحت کام کر سکتا ہے، پلیٹ فارم کو بہترین طریقوں کو بروئے کار لانے کے لئے بھی استعمال کیا جا سکتا ہے۔ پاکستان ورکنگ گروپ کے پہلے اجلاس کی میزبانی کی پیشکش کرتا ہے۔ انہوں نے اس یقین کا اظہار کیا کہ او آئی سی وزراءاطلاعات کانفرنس با معنی غور و خوض غلط معلومات اور اسلامو فوبیا سے نمٹنے کیلئے اجتماعی کوششوں اور باہمی تعاون کو بڑھانے میں اہم کردار ادا کرے گا۔

  • پتہ نہیں عمران خان نے مجھےکیوں نکالا:سابق گورنرپنجاب چوہدری سرور کی معصومانہ گفتگو

    پتہ نہیں عمران خان نے مجھےکیوں نکالا:سابق گورنرپنجاب چوہدری سرور کی معصومانہ گفتگو

    لاہور:سابق گورنر پنجاب چوہدری سرور کا کہنا ہے کہ تحریک انصاف کا کوئی رکن قومی اسمبلی سے مستعفیٰ ہونے کے حق میں نہیں تھا۔نجی ٹی وی میں گفتگو کرتے ہوئے چوہدری سرور کا کہنا تھا کہ پی ٹی آئی کو قومی اسمبلی سے مستعفیٰ نہیں ہونا چاہیے تھا۔

    چوہدری سرور کا کہنا تھا کہ بہت سے لوگ عمران خان کو سرور فاؤنڈیشن کا نام لیکرمس لیڈ کرتے تھے، گورنر کے دفتر کو فاؤنڈیشن کیلئے پیسہ اکٹھا کرنے کا الزام لگتا رہا۔

    اسلام آباد پولیس نے میری رہائش گاہ پررات ساڑھے 12 بجے چھاپہ مارا ہے،چھاپوں سےنہیں…

    سابق گورنر پنجاب کا کہنا تھا کہ جہانگیرترین سے پچھلے ہفتےایک شادی میں ملاقات ہوئی، جہانگیرترین سے کہا باتیں چل رہی ہیں میں اور آپ کوئی جماعت بنارہے، مزید کہا کہ سیاسی طور پر کہہ چکاہوں دسمبرتک فوکس سیلاب متاثرین پر ہے۔چوہدری سرور کا کہنا تھا کہ خوابوں میں بھی نہیں تھاکہ عثمان بزدار وزیراعلیٰ بنیں گے، پارٹی کا کوئی رکن عثمان بزدار سے خوش نہیں تھا۔

    ’‘ ڈالر کی قیمت میں لائی گئی کمی "آنکھ کا دھوکہ:یعنی مصنوعی ہوگی’’:ماہرین…

    چوہدری سرور کا کہنا تھا کہ عثمان بزدار کا استعفیٰ وزیراعظم کے دفتر سے ملا تھا، استعفیٰ پہلے میرے سیکرٹری کے پاس آنا چاہیے تھا، عثمان بزدار کو بلا کر ان سے استعفے کی تصدیق کی تھی، عثمان بزدار نے کہا وزیراعظم ہاؤس سے حکم ہے استعفیٰ قبول کرلیں۔ انہوں نے کہا کہ سائفر سے متعلق مجھے علم نہیں تھا، تمام جماعتوں کو لیول پلئنگ فیلڈ ملنا چاہیے۔

    ان کا کہنا تھا کہ پی ٹی آئی سمیت کسی جماعت میں جمہوریت نہیں ہے، پی ٹی آئی کیلئے پنجاب کے صدر کا امیدوار تھا مگر پارٹی کے انٹرا پارٹی انتخابات ملتوی کرادیے گئے۔ اب پی ٹی آئی کاحصہ نہیں،آزادپنچھی ہوں۔

    چوہدری سرور کا کہنا تھا کہ گورنر کے عہدے سے ہٹانے پر حیرت ضرور ہوئی تھی، عمران خان کوکہاتھاکارکرگی سےمطمئن نہیں ہیں تواستعفیٰ لےلیں۔ نہیں معلوم کس وجہ سے گورنر کے عہدے سے ہٹایا گیا۔

  • شمالی وزیرستان: سرحد پار سے دہشت گردوں کی فائرنگ،ایک جوان شہید

    شمالی وزیرستان: سرحد پار سے دہشت گردوں کی فائرنگ،ایک جوان شہید

    راولپنڈی :خیبرپختونخوا کے علاقے شمالی وزیرستان میں سرحد پار افغانستان سے دہشت گردوں کی فائرنگ سے پاک فوج کا ایک جوان شہید ہوگیا۔

    پاک فوج کے شعبہ تعلقات عامہ آئی ایس پی آر کے مطابق دہشت گردوں نے سرحد پار افغانستان سے نے حسن خیل سیکٹر پر فوجی چوکی کونشانہ بنایا۔

    آئی ایس پی آر کے مطابق دہشت گردوں کی فائرنگ سے شہید ہونے والے 32 سالہ سپاہی وقارخان کاتعلق صوابی سے تھا۔ ترجمان پاک فوج کے مطابق پاک فوج کی جانب سےد ہشتگردوں کو بھرپور جواب دیا گیا۔

    آئی ایس پی آر کے مطابق پاکستان افغان سرزمین کودہشتگردی کیلئےاستعمال کی شدید مذمت کرتا ہے ۔ پاکستان مسلسل افغانستان سے بارڈر منیجمنٹ کو مؤثر بنانےکی درخواست کرتارہاہے۔

    ترجمان کے مطابق پاک فوج دہشت گردی کی لعنت کو ختم کرنےکیلئےپرعزم ہے اور ایسی قربانیاں عزم کو مزید مضبوط کرتی ہیں۔

  • ماضی میں گیٹ نمبر4 اورعدلیہ کے ذریعے وزرائے اعظم گھر بھیجے گئے، بلاول بھٹو

    ماضی میں گیٹ نمبر4 اورعدلیہ کے ذریعے وزرائے اعظم گھر بھیجے گئے، بلاول بھٹو

    لاہور:چیئرمین پیپلزپارٹی بلاول بھٹو زرداری کا کہنا ہے کہ عمران خان پہلے وزیراعظم تھے جنہیں جمہوری طریقے سے گھر بھیجا گیا۔لاہور میں عاصمہ جہانگیر کانفرنس سے خطاب سے میں بلاول بھٹو کا کہنا تھا کہ کسی بھی وزیراعظم کو ہٹانے کا جمہوری طریقہ عدم اعتماد ہے، عمران خان سلیکٹڈ وزیراعظم تھا لیکن ہم نے جمہوری طریقے سے گھربھیجا۔

    بلاول بھٹو کا مزید کہنا تھا کہ ماضی میں گیٹ نمبر4 اور عدلیہ کے ذریعے وزراعظم گھر بھیجےگئے۔ ہمیں عدلیہ اور گیٹ نمبر4 کی طرف نہیں دیکھنا چاہیے۔ چیئرمین پیپلزپارٹی کا کہنا تھا کہ مستقبل میں کسی وزیراعظم کا احتساب کرنا ہو توجمہوری طریقے سے ہو۔انہوں نے کہا کہ عمران خان نے معیشت کو نقصان پہنچایا، جس کا بوجھ آج پاکستان کے عوام بھگت رہے ہیں، ہم نے پاکستان کی معیشت کو بچایا، عوام کو مشکلات سے بچایا، ہم نے سیاسی قیمت ادا کرکے پاکستان کو دیوالیہ ہونے سے بچایا۔

    وزیرخارجہ کا کہنا تھا کہ ملک کو ڈیفالٹ سے بچایا تو سیلاب آگیا، سیلاب متاثرہ علاقوں میں آب بھی لوگ پریشان ہیں، گلگت بلتستان سے سندھ تک پاکستان سیلاب سے متاثر ہوا، ہم سب نے مل کر سیلاب متاثرین کی مدد کرنا ہوگی۔

    انہوں نے کہا کہ سیلاب متاثرین کی بحالی ہماری ترجیح ہونی چاہیئے لیکن ایسا نہیں ہے، ہم بحالی کے مرحلے میں داخل ہوں گے تو پاکستان کو مثال بنائیں گے، میری اپیل ہے سیاسی ایشوز میں سیلاب متاثرین کو نہ بھولیں۔

    بلاول بھٹو کا کہنا تھا کہ ہم ملکر پاکستان میں جمہوریت کا دفاع کریں گے، ہم کوشش کریں گے نئی نسل کو انتہاپسندی سے بچاسکیں، مذہبی اور سیاسی انتہاپسندی کا مقابلہ کریں گے۔

    چیئرمین پیپلزپارٹی کا کہنا تھا کہ بھارت ،امریکا اور یورپ میں بھی سیاسی انتہاپسندی کا مقابلہ کیاجاہارہاہے، پاکستان میں اسلام آباد کا گھیراو سیاسی انتہاپسندی کے نشانے پر ہے۔

    بلاول بھٹو کا کہنا تھا کہ پی ڈی ایم میں شامل جماعتیں جمہوریت پریقین رکھتی ہیں، عاصمہ آج ہوتیں تو پوچھتیں کہ ڈیل کرکے وزیرخارجہ تو نہیں بنے؟ میں انہیں جواب دیتا کہ بالکل نہیں۔

  • اقلیتوں سے بہتر سلوک اور احترام دین اسلام کا خاصہ ہے: چودھری پرویز الٰہی

    اقلیتوں سے بہتر سلوک اور احترام دین اسلام کا خاصہ ہے: چودھری پرویز الٰہی

    لاہور:وزیراعلیٰ پنجاب چودھری پرویز الٰہی نے کہا ہے کہ ہندو برادری سمیت تمام اقلیتوں کو یکساں حقوق حاصل ہیں، اقلیتوں سے بہتر سلوک اور احترام دین اسلام کا خاصہ ہے۔

    دیوالی کے تہوار کی مناسبت سے وزیراعلیٰ آفس میں خصوصی تقریب کا انعقاد کیا گیا، چودھری پرویز الٰہی مہمان خصوصی تھے نے ہندو اور دیگر اقلیتی برادریوں کے ساتھ مل کر کیک کاٹا اور پاکستان میں مقیم ہندو برادری کو مبارکباد دی جبکہ ہندو اور دیگر اقلیتی برادریوں کی جانب سے وزیراعلیٰ کو اجرک کا تحفہ دیا گیا۔

    اسلام آباد پولیس نے میری رہائش گاہ پررات ساڑھے 12 بجے چھاپہ مارا ہے،چھاپوں سےنہیں…

    اس موقع پر وزیر وزیراعلیٰ نے کہا کہ دیوالی پر ہندو برادری کی خوشیوں میں شریک ہیں، اقلیتی برادری کے طلباء کو سرکاری تعلیمی اداروں میں میٹرک سے پی ایچ ڈی تک سکالر شپ دیئے جا رہے ہیں، اقلیتی برادری کیلئے اعلیٰ تعلیمی اداروں میں 2 فیصد کوٹہ مقرر کیا ہے، ملازمتوں میں 5 فیصد کوٹے پر عملدرآمد کیلئے ہدایات جاری کر دی ہیں، اقلیتی طلباء کیلئے ایجوکیشنل سکالر شپ سکیم میں 50 فیصد سنٹرل پنجاب، 35 فیصد، جنوبی پنجاب شمالی پنجاب کے طلباء کو 15 فیصد دیئے جا رہے ہیں، میٹرک سے اعلیٰ تعلیم تک 50 فیصد نمبر حاصل کرنے والے ا قلیتی طلباء کو 50 ہزار روپے تک سکالر شپ دے رہے ہیں۔

    ’‘ ڈالر کی قیمت میں لائی گئی کمی "آنکھ کا دھوکہ:یعنی مصنوعی ہوگی’’:ماہرین…

    ان کا کہنا تھا کہ ایک دوسرے کی خوشیوں میں شرکت سے رواداری اور بھائی چارے کو فروغ ملتا ہے، اقلیتوں کے حقوق کی حفاظت ریاست کی ذمہ داری ہے، ہندو برادری سمیت تمام اقلیتوں کو یکساں حقوق حاصل ہیں، ہندو اور دیگر اقلیتی برادریوں کو تعلیم کیلئے مساوی مواقع فراہم کئے جا رہے ہیں۔