وزیراعلیٰ پنجاب چودھری پرویزالٰہی کا صوبے میں انتظامی لحاظ سے 5 نئے ضلع بنانے کا بڑا اعلان
وزیراعلیٰ چودھری پرویز الٰہی نے تحریک انصاف کے چیئرمین عمران خان کی ہدایت پر تونسہ شریف، مری، وزیرآباد،تلہ گنگ اور کوٹ ادوکو نئے ضلع بنانے کی منظوری دے دی ،وزیراعلیٰ پنجاب چودھری پرویز الہیٰ کا کہنا تھا کہ صوبے کے عوام سے کئے گئے وعد ے پورے کر دیئے ہیں۔ میں نے 2005میں تونسہ کو ضلع بنانے کا اعلان کیا تھا۔چ 2005 میں تونسہ کو ضلع بنانے کا اعلان ایم این اے خواجہ شیراز کے بہت بڑے جلسے میں کیا تھا۔ 2018میں حافظ عمار یاسر کے بڑے جلسے میں تلہ گنگ کو ضلع بنانے کا اعلان کیا۔اللہ تعالیٰ کا شکر ہے کہ اب تونسہ اور تلہ گنگ کو ضلع بنا نے کی منظوری بھی میں نے دی۔ تونسہ او رتلہ گنگ کے عوام سے کئے گئے وعدے پورے کئے جانے پر اللہ تعالیٰ کا شکر بجا لاتا ہوں۔ مری، وزیرآباد اور کوٹ ادو کو بھی ضلع بنانے کی منظوری دی ہے
وزیراعلیٰ چودھری پرویز الٰہی کی زیر صدارت اعلی سطح اجلاس ہوا، اجلاس میں سابق وفاقی وزیر مونس الٰہی اورسابق وزیراعلیٰ سردار عثمان بزدار نے خصوصی شرکت کی، صوبائی وزراء راجہ بشارت، محسن لغاری، راجہ یاسر ہمایوں، متعلقہ علاقوں کے اراکین اسمبلی خواجہ شیرازمحمود،محمد خان لغاری، حافظ عمار یاسر، خواجہ داؤد سلیمانی، جاوید اختر لنڈ،سردار سیف الدین کھوسہ، سردار محمد محی الدین کھوسہ،احمد علی دریشک ،محمد احمد چٹھہ،،محمد شبیر،لطاسب ستی،محمد رضوان، راسخ الٰہی اور دیگر حکام نے بھی اجلاس میں شرکت کی، چیف سیکرٹری،سینئر ممبر بورڈ آف ریونیو، پرنسپل سیکرٹری وزیر اعلی محمد خان بھٹی، سابق پرنسپل سیکرٹری وزیراعلیٰ جی ایم سکندراور اعلیٰ حکام نے اجلاس میں شرکت کی، اجلاس میں سینئر ممبر بورڈ آف ریونیو نے پنجاب میں نئے اضلاع پر بریفنگ دی
ویلکم بیک پرانا پاکستان،ظلم بڑھتا ہے تو مٹ جاتا ہے،بلاول
عمران خان کے سابق وزیراعظم ہونے کے بعد استعفوں کی لائنیں لگ گئیں
بے جا لوگوں کو جیلوں میں نہیں بھجوائیں گے لیکن قانون اپنا راستہ لے گا،شہباز شریف
وزیراعلیٰ پنجاب چودھری پرویز الہیٰ کا کہنا تھا کہ نئے اضلاع بننے سے انتظامی امور میں بہتری آئے گی۔نئے انتظامی ضلع بننے سے تعلیم،صحت اوردیگر سہولتوں میں اضافہ ہوگا۔ نئے اضلاع بنانے کا فیصلہ ارکان اسمبلی اور عوام کی سہولت کو مد نظر رکھ کر کیاہے۔نئے اضلاع بننے سے ترقی کے ثمرات عوام کی دہلیز تک پہنچیں گے۔ نئے اضلاع کو مالی خود مختاری کی راہ پر گامز ن کیا جائے گا۔محسن لغاری کے مطالبے پر جام پور کو ضلع بنانے پر بھی کام شروع کر دیا گیا،اگلے چند دنوں میں اس ضمن میں میٹنگ میں حتمی فیصلہ کیا جائے گا
تونسہ شریف، مری، وزیرآباد،تلہ گنگ اور کوٹ ادو کے اراکین اسمبلی نے اضلاع کی منظوری پر وزیراعلیٰ پنجاب چودھری پرویز الٰہی سے اظہار تشکرکیا اور کہا کہ آپ کا یہ فیصلہ عوام ہمیشہ یاد رکھیں گے۔ آپ نے عوام کے دیرینہ مطالبے کو مختصر مدت میں پورا کرکے ہمارے دل جیت لئے ہیں۔
