Tag: تازہ ترین

پی آئی اے کی فروخت؟ خواجہ سعد رفیق نے اعلان کر دیا

وفاقی وزیر ریلوے و ہوا بازی خواجہ سعد رفیق نے ایئر پورٹ پر پریس کانفرنس کرتے ہوئے کہا ہے کہ پی آئی اے کسی کو آفر کی گئی نہ فروخت کی جا رہی ہے جھوٹی خبریں پھیلانے والے باز آ جائیں،

وفاقی وزیر ہوا بازی خواجہ سعد رفیق کا کہنا تھا کہ نیو یارک ہوٹل کسی کو نہیں فروخت کیا جا رہا، کراچی اور اسلام آباد ائیر پورٹ کو بہترین ماڈل کا ائیرپورٹ بنائیں گے لیکن ملکیت حکومت کی ہوگی، کیبنٹ کمیٹی میں آٹھ وزراء شامل ہیں طے ہوا ہے کہ تجاویز روزا ویٹ ہوٹل کو دوبارہ شروع کیا جائے پاکستان کی مہنگی پراپرٹی ہے لینڈ مارک ڈکلئیر ہوگیا تو زمین سستی ہوجائے گی،نیویارک ہوٹل کا مستقبل ہے کہ ہائی رائز بنے گا اسے بیچنے کی کوئی تجویز نہیں ہے پی آئی اے کا اس سال ریونیو ٹارگٹ ایک سو اڑتیس ارب روپے کمائیں گے اس سال جو کمائیں گے 165ارب روپے کمائیں گے،پی آئی اے مسائلستان بن چکا ہے اس کا مقابلہ کرنا ہوگا، پی آئی اے کا کرایہ چین کے مقابلے میں کم ہے چار لاکھ سے بھی نیچے آ گیا ہے،

خواجہ سعد رفیق کا مزید کہنا تھا کہ کورونا کی وجہ سے بیجنگ ڈائریکٹ نہیں جا سکتے ہمیں جیسے اجازت ملے گی تو ایک لاکھ روپے ٹکٹ کم ہوگا ،کوشش کررہے ہیں جو رعایت دے سکتے تھے دے رہے ہیں ،دو لاکھ پچتہر ہزار حاجیوں کو سفر کی سہولیات دیں سٹی چیکنگ سے بورڈنگ سے سامان میں مشکلات نہیں ہوئی، یوم عاشورہ پر نجف و دمشق کے پانچ لاکھ مسافروں نے سفر کیا،پی آئی اے نے پچاس ارب روپے اس سال کمایاہے،پی ای سی کمپلیکس منسٹری آف ڈیفنس کو چلا جائے تو پینسٹھ کروڑ روپے کی پی آئی اے کو بچت ہوگیکراچی و لاہور بزنس کلاس لائونج کو اس ماہ مکمل کریں گے،پی آئی اے کے 24جہاز آپریشنل ہوں گے ،پی آئی اے کی ضرورت چالیس جہاز ہیں اچھے جہاز اچھی سیٹوں کے ساتھ مل جائیں ،اگر اپنے لوگوں پر اعتماد سیاسی استحکام پالیسیوں کا تسلسل رہے تو ادارے کما کر دیں گے،ٹریل سیون بزنس جہاز کیُ سیٹوں کی بہت شکایت ہے جسے تبدیل کررہے ہیں، اے تھری ٹوئنٹی جہاز سے فوم بھی اکھڑ گیا تھا اسے تبدیل کریں گے،فلائٹ انٹریٹمنٹ کےلئے بھی ٹینڈر جاری کیا ٹریل سیون کے جہاز میں اسے اپلائی کریں،

سول ایوی ایشن نے گونگلوؤں سے مٹی جھاڑ دی،پائلٹ کوذمہ دار ٹھہرانے کا لیٹر کیوں جاری کیا گیا؟ سنئے مبشر لقمان کی زبانی

طیارہ حادثہ،ابتدائی رپورٹ اسمبلی میں پیش، تحقیقاتی کمیٹی میں توسیع کا فیصلہ،پائلٹس کی ڈگریاں بھی ہوں گی چیک

طیارہ حادثہ، تحقیقات کے لئے جے آئی ٹی تشکیل

لاشوں کی شناخت ،طیارہ حادثہ میں مرنیوالے کے لواحقین پھٹ پڑے،بڑا مطالبہ کر دیا

کراچی طیارہ حادثہ،طیارہ ساز کمپنی ایئر بس نے ابتدائی تحقیقاتی رپورٹ جاری کر دی

خواجہ سعد رفیق کا مزید کہنا تھا کہ ایک وزیر کے بیان کی وجہ سے دنیا میں جگ ہنسائی ہوئی ،پائلٹ کی حرکت واقعہ سامنے آنے سے یو کے اور امریکہ میں پابندی ہے، پانچ سے چھ ماہ میں برطانیہ سے بات کررہے ہیں پائلٹس کے لئے انہیں اجازت دیں، یو ایس اے یو کے اور یورپ کےلئے الگ الگ ڈیل کررہے ہیں کہ جہاز پاکستانی پائلٹس چلائیں، ترکی کویت کے سلاٹس شروع کر دئیے ہیں ،پی آئی اے کا ترکیہ ائیر لائن کا چھ فلائٹس طے ہو چکی ہیں استنبول تک پی آئی اے چلے گی،لاہور کراچی اور اسلام آباد سے ترکیہ میں جہاز چلیں گے،پی آئی اے کے کچن جو لاہور کا تھا سب سے خراب تھا ،کراچی کچن میں کھانے کا معیار بہتر ہوا ہے، فارن پوسٹنگ پر سفارش کی بات ہوتی تھی اب کوئی سفارش نہیں چلے گی جو اہل ہوگا،

تمھارے مخالفین کے خلاف جو ہو وہ حلال اور جو تمھارے خلاف ہو وہ حرام؟ مریم نواز برس پڑیں

سابق وزیراعظم، تحریک انصاف کے چیئرمین عمران خان نے آڈیو لیکس پر عدالت جانے کا اعلان کیا ہے

سماجی رابطے کی ویب سائٹ ٹویٹر پر ٹویٹ کرتے ہوئے عمران خان کا کہنا تھا کہ آڈیو لیکس قومی سلامتی کی سنگین خلاف ورزی ہے،آڈیو لیکس نے وزیراعظم آفس و ہائوس کی پوری سیکیورٹی پر سوالیہ نشان لگا دیا،بحیثیت وزیر اعظم میری رہائش گاہ پر میری محفوظ ٹیلی فون لائن بھی بگ ہوگئی،آڈیو لیکس کی صداقت کو ثابت کرنے کے لیے عدالت جانے کا ارادہ رکھتے ہیں،عدالت سے جے آئی ٹی کی تشکیل کا کہیں گے تا کہ تحقیقات کی جا سکیں کہ کون سی ایجنسی ذمے دار ہے، کون ایسی آڈیو کو لیک کر رہا ہے جو ایڈیٹڈ ہیں،یہ اہم ہے کہ حساس معاملے کو غیر قانونی طور پر ریکارڈ اور بعد میں ہیک کیا گیا، آڈیو لیکس سے پاکستان کی قومی سلامتی کی رازداری عالمی سطح پر سامنے آ گئی،

عمران خان کی ٹویٹ پر ن لیگی رہنما مریم نواز نے ٹویٹ کی ہے اور کہا ہے کہ تمھاری بات کی اس لیے کوئی حیثیت نہیں کیونکہ جب تم وزیرِ اعظم تھے تو اپنے مخالفین کی ریکارڈنگز کو جائز قرار دیتے تھے اور اسکو حلال کہتے تھے اور کہتے تھے کہ ایجنسیوں کاتو کام ہی یہی ہے۔ تمھیں اصل تکلیف یہ کہ تمھیں نا اب تمھارے مطلب کی جے آئی ٹی ملے گی نا تمھارے آنکھوں کانوں والی ایجینسیاں۔

تم تو کہتے تھے ہماری ایجنسیاں دنیا کی outstanding ایجنسیاں ہیں جن کو سب پتہ ہوتا ہے اور پتہ ہونا بھی چاہیے۔ جو میں کرتا ہوں جو میں فون کرتا ہوں انکو سب پتہ ہوتا ہے۔تمھارے مخالفین کے خلاف جو ہو وہ حلال اور جو تمھارے خلاف ہو وہ حرام؟ تمھاری ہر بات میں فتنہ، شر اور سازش ہے۔ شرم کرو! https://t.co/xbHT1SbmXX

— Maryam Nawaz Sharif (@MaryamNSharif) October 10, 2022

مریم نواز کا مزید کہنا تھا کہ تم تو کہتے تھے ہماری ایجنسیاں دنیا کی outstanding ایجنسیاں ہیں جن کو سب پتہ ہوتا ہے اور پتہ ہونا بھی چاہیے۔ جو میں کرتا ہوں جو میں فون کرتا ہوں انکو سب پتہ ہوتا ہے۔ تمھارے مخالفین کے خلاف جو ہو وہ حلال اور جو تمھارے خلاف ہو وہ حرام؟ تمھاری ہر بات میں فتنہ، شر اور سازش ہے۔ شرم کرو!

آڈیو لیک، کمیٹی تشکیل ، سات روز میں تحقیقات مکمل کرنے کا حکم

آڈیو لیک،عمران خان کیخلاف سخت کاروائی کی قرارداد اسمبلی میں جمع

ہیکرز نے دعوی کیا ہے کہ اب مزید آڈیو جمعہ کو جاری کی جائیں گی

عمران خان کا جھوٹا بیانیہ سب نے دیکھ لیا،آڈیو کے بعد بھی یوٹرن لے سکتے ہیں،عظمیٰ بخاری

ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

اکبر ایس بابر سچا اور عمران خان جھوٹا ثابت ہوگیا،چوھدری شجاعت

عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

پی ڈی ایم اجلاس،عمران خان کے خلاف کارروائی سے متعلق غور

آڈیو لیک، عمران خان نے میانوالی جلسے میں ردعمل دے دیا

واضح رہے کہ گزشتہ دنوں وفاقی کابینہ نے آڈیو لیکس معاملے پر چیئر مین پی ٹی آئی عمران خان کیخلاف کارروائی کی منظوری دے دی تھی. وفاقی کابینہ نے آڈیو لیکس کیس میں عمران خان، ان کے ساتھی وزرا اور اعظم خان کے خلاف قانونی کارروائی کی باضابطہ منظوری دے دی تھی۔ کابینہ کمیٹی نے یکم اکتوبر کو اجلاس میں قانونی کارروائی کی سفارش کی تھی۔کابینہ کمیٹی کی سفارشات کو سمری کی شکل میں کابینہ کی منظوری کیلئے پیش کیا گیا تھا۔وفاقی کابینہ نے سرکولیشن کے ذریعے کابینہ کمیٹی کی سفارشات کی منظوری دیدی تھی. کابینہ کمیٹی کا اس وقت کہنا تھا کہ یہ قومی سلامتی کا معاملہ ہے جس کے قومی مفادات پر سنگین مضر اثرات ہیں، قانونی کارروائی لازم ہے۔ کابینہ کمیٹی کی جانب سے سمری میں سفارش کی گئی تھی کہ ایف آئی اے سینئر حکام پر مشتمل کمیٹی تشکیل دے۔ جبکہ ایف آئی اے دیگر اداروں سے بھی اہلکاروں کو ٹیم میں شامل کر سکتی ہے۔

حالیہ آڈیو لیکس نے ملکی سائبر سکیورٹی سے متعلق اہم سوالات کو جنم دیا ہے۔ آڈیو لیکس کے سلسلے میں وزیراعظم شہباز شریف، حکومتی وزرا اور یہاں تک کہ سابق وزیراعظم عمران خان کی حساس نوعیت کی گفتگو لیک ہوچکی ہے. 20 اگست کو ہیکرز کے ایک فورم پر ’انڈی شیل‘ کے نام سے اکاؤنٹ بنانے والے ایک مبینہ ہیکر نے اپنے پاس آڈیوز کی موجودگی سے متعلق ایک پوسٹ کی تھی۔ مبینہ ہیکر نے اپنی پوسٹ کا نام Pakistani PM office Data leaked یعنی ’پاکستانی وزیراعظم کے دفتر کا لیک شدہ ڈیٹا‘ رکھا تھا۔ اس کی کم از کم بولی 180 بٹ کوائن رکھی گئی تھی جو پاکستانی کرنسی میں کروڑوں روپے بنتی ہے۔

عرفان قادر قلم دان سنبھال کر عملی طور پر وزیراعظم کی ٹیم کا حصہ بن گئے

وزیر اعظم شہباز شریف نے معاون خصوصی عرفان قادر کو عہدہ تفویض کر دیا ہے، عرفان قادر کو معاون خصوصی برائے احتساب و داخلہ کا قلم دان دے دیا ہے جبکہ وزیر اعظم کی منظوری کے بعد کابینہ ڈویژن نے نوٹیفکیشن جاری کر دیا ہے.

واضح رہے کہ گزشتہ دنوں وزیر اعظم شہباز شریف نے سابق اٹارنی جنرل عرفان قادر کو معاون خصوصی تعینات کیا تھا. کابینہ ڈویژن کی جانب سے جاری کردہ نوٹیفکیشن کے مطابق عرفان قادر کا عہدہ وفاقی وزیر کے برابر ہوگا، وزیر اعظم نے نئے معاون خصوصی کو قلمدان سونپنے کو کہا تھا. شہباز شریف کی کابینہ کی تعداد بڑھ کر 75 ہوگئی۔
مزید یہ بھی پڑھیں؛ پاکستان آرمی کا سیکورٹی دستہ فیفا ورلڈ کپ 2022 کی سیکیورٹی کیلئے قطر روانہ
ممنوعہ فنڈنگ کیس،ایف آئی اے قانون کے مطابق کاروائی کرے،عدالت کا حکم
اسلام آباد کے سینٹورس شاپنگ مال میں آگ جان بوجھ کر لگائی گئی تھی، ایف آئی آر درج
نوٹیفکیشن کے مطابق وزیر اعظم کے معاونین خصوصی کی تعداد 28 پر پہنچ گئی، 23 معاونین خصوصی کے پاس کوئی قلمدان نہیں، جاوید لطیف بھی کئی مہینوں سے بغیر کسی قلمدان کے وفاقی وزیر ہیں، وفاقی وزراء 34، وزراء مملکت 7 اور مشیروں کی تعداد 4 ہے۔

خیال رہے 2020 میں چیف الیکشن کمشنر کی تقرری میں پیشرفت ہوئی تو سابق اٹارنی جنرل عرفان قادر بھی چیف الیکشن کمشنر کی دوڑ میں شامل ہو گئے تھے،عرفاق قادر کا نام پیپلز پارٹی نے تجویز کیا تھا. اس وقت کی حکومت اور اپوزیشن کے درمیان چیف الیکشن کمشنر کےلیے نئے نام پر اتفاق رائے کے بعد سابق اٹارنی جنرل عرفان قادر کا نام سامنے آیا تھا. پیپلزپارٹی نے عرفان قادر کا نام بطور چیف الیکشن کمشنر تجویز کیا تھا تاہم اپوزیشن کی بڑی جماعت مسلم لیگ ن نے اس تک اس نام پر کوئی اتفاق ظاہر نہیں کیا تھا تاہم یاد رہے کہ الیکشن کمیشن کے دو ارکان کے ناموں پر تقریبا اتفاق ہوا تھا جس میں ایک نام عرفان قادر کا بھی تھا.

اسلام آباد کیپٹل پولیس کا کہنا ہے کہ وفاقی وزیر داخلہ رانا ثناء اللہ خان کے وارنٹ گرفتاری کے معاملہ پر غلط بیانی کی جارہی ہے. کیونکہ تھانہ میں باقاعدہ وارنٹ گرفتاری وصول کئے گئے۔ جبکہ اینٹی کرپشن اسٹیبلشمنٹ پنجاب نے ریکارڈ دینے سے انکار کردیا تھا۔

اسلام آباد پولیس کے مطابق؛ تھانے میں باقاعدہ آمدوروانگی کا اندراج کیا گیا۔ اینٹی کرپشن اسٹیبلشمنٹ پنجاب کو ہدایت کی گئی کہ وہ مروجہ طریقہ کار کے مطابق قانونی راستہ اختیار کریں۔ تاہم اینٹی کرپشن اسٹیبلشمنٹ پنجاب کی جانب سے کوئی واضح موقف نہیں اپنایا گیا۔

ترجمان کا کہنا ہے کہ اسلام آباد کیپیٹل پولیس تمام عدالتوں کے احکامات کی تعمیل کے لئے ہروقت حاضر ہے۔ اور تمام قانونی ضوابط کے مطابق کارروائی عمل میں لائی جائے گی۔ لیکن اینٹی کرپشن اسٹیبلشمنٹ پنجاب کے افسران سے گزارش ہے کہ قانونی معاملات کو قانونی طریقے سے حل کریں اور غلط بیانی سے گریز کریں۔ اور ایسے بیانات سے اداروں کے درمیان انتظامی امور میں باہمی تعاون کے رستے میں رکاوٹیں پیدا ہوتی ہیں۔ انہوں نے مزید کہا کہ ایسی غلط بیانی پر اسلام آباد کیپیٹل پولیس قانونی کارروائی کا حق رکھتی ہے۔

یاد رہے کہ وفاقی وزیر داخلہ رانا ثنا اللہ کے وارنٹ گرفتاری لیکر اینٹی کرپشن پنجاب کی ٹیم پولیس اسٹیشن پہنی تھی ۔ اینٹی کرپشن پنجاب کی ٹیم عدالت کا وارنٹ گرفتاری لیکر تھانہ سیکرٹریٹ پہنچی ، 3 گاڑیوں پر مشتمل اینٹی کرپشن ٹیم تھانہ سیکرٹریٹ پہنچی تاہم اینٹی کرپشن پولیس کو وزیر داخلہ رانا ثنا اللہ کو گرفتار کرنے سے تھانہ کوہسار نے وارنٹ گرفتاری کی تعمیل سے معذرت کرلی۔

تھانہ سیکرٹریٹ پولیس نے رانا ثنا اللہ کے وارنٹ گرفتاری کی تعمیل کرانے سے انکار کردیا، ایس ایچ او نے کسی قسم کا تعاوں نہیں کیا، ہماری آمد اور روانگی کی رپٹ روزنامچے میں داخل نہیں کی گئی،عدالت کو کل آگاہ کرینگے،اینٹی کریشن کی ٹیم ایک بار پھر مایوس روانہ pic.twitter.com/OXMZ4iTAQ3

— Khurram Iqbal (@khurram143) October 10, 2022

دوران سماعت عدالت نے استفسار کیا کہ ابھی وارنٹ گرفتاری جاری ہوئے، ایک دم اشتہاری کیسے قرار دیں۔ جج نے ریمارکس دیے کہ دوبارہ اسلام آباد جاؤ، ملزم کو گرفتار کر کے عدالت پیش کرو۔ سینئر سول جج غلام اکبر نے دوبارہ وارنٹ گرفتاری جاری کردیے۔ سماعت کے دوران تفتیشی ٹیم نے درخواست کی کہ ملزم چھپ رہا ہے، گرفتاری کی کوشش کی، اب اشتہاری ڈکلئیر کیا جائے، جس پر عدالت نے دوبارہ اسلام آباد جا کر گرفتاری کا حکم دے دیا۔ واضح رہے کہ رانا ثنا اللہ کے خلاف مقدمہ اینٹی کرپشن نے کلر کہار میں مبینہ اراضی فراڈ میں درج کیا تھا۔

اینٹی کرپشن پنجاب کی ٹیم رانا ثنا اللہ کے وارنٹ گرفتاری کی تعمیل کےلئے ایک بار پھر تھانہ سیکرٹریٹ پہنچ گئی۔ pic.twitter.com/9iR7bpSgXJ

— Khurram Iqbal (@khurram143) October 10, 2022

اینٹی کرپشن ٹیم عدالتی حکم پر آج دوبارہ وفاقی وزیر داخلہ رانا ثنا اللہ کی گرفتاری کے لیے اسلام آباد جائے گی۔ واضح رہے کہ گزشتہ ہفتہ باغی ٹی وی کی رپورٹ کے مطابق؛ آر پی او راولپنڈی عمران احمر کا کہنا تھا کہ مقدمہ اینٹی کرپشن سے متعلقہ ہے، پنجاب پولیس کا اس سے کوئی تعلق نہیں، جبکہ وارنٹ گرفتاری معمول کی کارروائی ہے کسی کی گرفتاری کے لئے ٹیمیں روانہ نہیں کیں دوسری طرف ایس ایچ او تھانہ کوہسار نے کہا تھا کہ رانا ثنا اللہ کی رہائش گاہ تھانہ کوہسار کی حدود میں نہیں آتی ہے اس کے بعد اینٹی کرپشن کی ٹیم تھانہ کوہسار سے روانہ ہوگئیں تھے.
مزید یہ بھی پڑھیں؛ پاکستان آرمی کا سیکورٹی دستہ فیفا ورلڈ کپ 2022 کی سیکیورٹی کیلئے قطر روانہ
ممنوعہ فنڈنگ کیس،ایف آئی اے قانون کے مطابق کاروائی کرے،عدالت کا حکم
اسلام آباد کے سینٹورس شاپنگ مال میں آگ جان بوجھ کر لگائی گئی تھی، ایف آئی آر درج
اس سے قبل محکمہ اینٹی کرپشن پنجاب کی درخواست پر راولپنڈی کی سول عدالت نے کرپشن کیس میں وفاقی وزیرداخلہ رانا ثنااللہ کے ناقابل ضمانت وارنٹ گرفتاری جاری کئے تھے۔ سینیئر سول جج غلام اکبر کی جانب سے جاری حکم نامے کے مطابق ’رانا ثنا اللہ کو فرسٹ انفارمیشن رپورٹ (ایف آئی آر) میں نامزد کیا گیا ہے اور ان کی گرفتاری مقدمہ میں ضروری ہے لہٰذا ملزم کے ناقابل ضمانت وارنٹ گرفتاری جاری کیے جا سکتے ہیں‘۔ حکم نامے میں کہا گیا کہ ‘ریکارڈ سے ظاہر ہوتا ہے کہ تفتیشی دفتر کا دعویٰ درست ہے لہٰذا اسے قبول کیا جاتا ہے اور اس کے مطابق رانا ثنا اللہ کے ناقابل ضمانت وارنٹ گرفتاری جاری کیے جاتے ہیں’۔ اس پیش رفت کی تصدیق اینٹی کرپشن اسٹیبلشمنٹ پنجاب کی جانب سے بھی کردی گئی ہے، اینٹی کرپشن ہیڈکوارٹر کی ٹیم نے رانا ثنااللہ اور ان کی اہلیہ کو آج بیانات قلمبند کرنے کیلئے طلب کر رکھا ہے۔

مشیر وزیراعلی پنجاب برائے اینٹی کرپشن بریگیڈیئر ریٹائرڈ مصدق عباسی کا کہنا ہے کہ رانا ثناء اللہ نے غیر قانونی ہاؤسنگ کالونی رجسٹرڈ کروانے کے لئے دو پلاٹ بطور رشوت لئے اور سورس رپورٹ پر بعد از انکوائری رانا ثناء اللہ کو اس وقت وزیر قانون پنجاب تھے انکے خلاف مقدمہ درج ہوا اور دوران تفتیش یہ بات سامنے آئی کہ بسم اللہ ہاوسنگ سوسائٹی کلر کہار کی افتتاحی تقریب میں رانا ثناء اللہ جو اس وقت صوبائی وزیر قانون تھے نے اپنی اہلیہ کے ہمراہ شرکت کی- انہوں نے کہا کہ بسم اللہ غیرقانونی ہاوسنگ سوسائٹی کو رجسٹرڈ کروانے کے عوض دو عدد پلاٹس رقبہ دس کنال گیارہ مرلے اور دس کنال سات مرلے بطور رشوت لئے۔دونوں پلاٹس کی رجسٹری و انتقال بذریعہ بیع ظاہر کیا گیا۔

مشیر وزیراعلی نے مزید کہا کہ بسم اللہ ہاوسنگ سوسائٹی کی طرف سے وزیر قانون رانا ثناء اللہ کو شیڈول ریٹ سے بھی انتہائی کم ریٹ پر پلاٹ منتقل کئے گئے۔انہوں نے کہا کہ دوران تفتیش یہ بھی ثابت ہوا کہ پلاٹ نمبر 18 اے اور 139 اے کا وجود ہی تاحال ریکارڈ میں نہ ہے۔ لہذا پلاٹ نمبر 18 اے اور 139 اے کا رجسٹری نمبر 171/1 اور 172/1 مورخہ 12 دسمبر 2017 میں تحریر کرنا بوگس و جعلی دستاویزات بنانے کے زمرے میں آتا ہے جوکہ جرم قابل دست اندازی اینٹی کرپشن ہے- انہوں نے کہا کہ دوران تفتیش یہ بھی سامنے آیا کہ رانا ثناء اللہ نے دونوں پلاٹس کی قیمت 9 لاکھ روپے ظاہر کی ہے جوکہ شیڈول ریٹ سے انتہائی کم ہے اس طرح قومی خزانے کو نقصان پہنچایا گیا۔انہوں نے مزید کہا کہ بسم اللہ فارم ہاوسنگ سکیم تحصیل کلر کہار ضلع چکوال تاحال منظور شدہ نہ ہے اور پلاٹس اس وقت بھی رانا ثناء اللہ اور اسکی اہلیہ کے قبضے میں ہیں۔جس سے سرکاری عہدے کا استعمال کرکے غیر قانونی پلاٹس بطور رشوت لینا ثابت ہوتا ہے۔

بریگیڈیئر (ر) مصدق عباسی نے بتایا کہ 2019 میں مقدمہ درج ہوا مگر رانا ثناء اللہ اس کیس میں اینٹی کرپشن میں پیش نہیں ہوئے اب رانا ثناء اللہ کو دوبارہ چھ اکتوبر کو طلب کیا گیا تھا مگر وہ حاضر نہیں ہوئے جس پر انکے نا قابل ضمانت وارنٹ گرفتاری جاری ہوئے ہیں اور اس وقت اینٹی کرپشن ٹیم رانا ثناء اللہ کی گرفتاری کیلئے تھانہ کوہسار میں موجود ہے۔بریگیڈیئر (ر) مصدق عباسی نے کہا کہ اینٹی کرپشن کرپٹ عناصر کے خلاف بلاامتیاز کارروائیاں کر رہا ہے اورقانون سے کوئی بالا تر نہیں، تمام کارروائیاں قانون کے مطابق ہو رہی ہیں۔ کرپشن کے خلاف کاروائیوں کو سیاسی رنگ دینا غلط ہے۔جس نے بھی جرم کیا ہے اس کے خلاف قانون کے مطابق کارروائی ہوگی۔