Tag: تازہ ترین

مصیبت کے وقت سچا دوست ہی دوست کے کام آتا ہے، چینی حکومت، فوج اور دیگر نے سیلاب کی تباہ کاریوں سے نمٹنے کیلئے اپنے دوست ملک پاکستان کو 20 ارب روپے سے زائد کی امداد بھیج دی ہے.

چینی ریڈکراس، کمپنیاں اور عوام پاکستان کی اعانت میں پیش پیش ہیں، چین کے ہر شعبہ زندگی سے وابستہ افراد پاکستان کی مدد کے لیے بڑھ چڑھ کر حصہ لے رہے ہیں، مصیبت کی اس گھڑی میں چین پوری طرح سے پاکستان کے ساتھ کھڑا ہے۔ چین نے سیلاب زدگان کے لئے 64 کروڑ 41 لاکھ یو آن (90.2 ملین ڈالر) امداد دی ہے، چینی حکومت کی جانب سے 400 ملین اور چینی فوج نے 100 ملین یو آن امداد فراہم کی ہے۔

A friend in need is a friend indeed.The Chinese Govt, Military & Sisters cites, Red Cross Society of China & companies and common people…All walks of life in China are motivated to assist Pakistan in fighting the floods. In the face of disaster, China stands with Pakistan. pic.twitter.com/T9bqxudfOJ

— Chinese Emb Pakistan (@CathayPak) September 30, 2022

چینی عوام نے 125 ملین، سفارتخانہ 17 ملین اور ریڈ کراس سوسائٹی نے 201 ملین یو آن امداد دی۔ واضح رہے کہ گزشتہ روز وزیر اعظم محمد شہباز شریف سے چائنہ تھری گورجز کے وفد نے پاکستان میں چائنہ کے سفیر نونگ رونگ کی سربراہی میں ملاقات کی تھی

چیئرمین چائنہ تھری گورجز ووشینگ لیان نے وزیر اعظم کو فلڈ ریلیف فنڈ کے لیے 6 لاکھ 50 ہزار ڈالر کا چیک عطیہ کیا تھا۔انہوں نے وزیر اعظم کو مزید بتایا تھا کہ چائنہ تھری گورجز(CTG) کے تحت کروٹ ہائیڈرو پاور پراجیکٹ پچھلے تین ماہ سے پوری استعداد پر چل رہا ہے۔ کروٹ ہائیڈرو پاور پراجیکٹ ،CPEC فریم ورک کے تحت لگایا جانے والا پن بجلی کا اہم منصوبہ ہے جس کے تحت 720 میگاواٹ ماحول دوست اور کم لاگت بجلی پیدا ہو رہی ہے۔

وزیر اعظم نے سیلاب زدگان کی مدد اور بحالی کے لیے بھرپور مالی مدد فراہم کرنے پر چینی صدر شی جن پنگ، چینی کمپنیوں اور چین کی عوام کا تہ دل سے شکریہ ادا کیا تھا۔ وزیر اعظم نے چائنہ تھری گورجز کو کروٹ ہائیڈرو پاور پراجیکٹ کی ترجیحی بنیادوں پر تکمیل اور اس منصوبے کو مکمل طور پر فعال کرنے کے اقدام کی پزیرائی کی، اور پاکستان میں ماحول دوست و کم لاگت پن بجلی کی فراہمی پر ان کی کاوشوں کو سراہا۔

ہر سال یکم اکتوبر چین کے قومی دن کے طور پر منایا جاتا ہے۔ ا س دن کو چین میں بہت زیادہ اہمیت حاصل ہے۔یکم اکتوبر سن 1949 کو عوامی جمہوریہ چین کے قیام کا اعلان ہوا تھا.

آج چین کے اس قومی دن کے موقع پر ہم آپ کو پاک چین دوستی اورتعلقات کی تاریخ سے آگاہ کرنا چاہتے ہیں ڈاکٹر رشید احمد کے مطابق؛ 1950 کی دہائی میں جب پاکستان اور چین کے درمیان دوطرفہ بنیادوں پر باقاعدہ تعلقات قائم ہوئے، تو اس وقت کی دُنیا ، موجودہ دُنیا سے بالکل مختلف تھی سابقہ سوویت یونین (موجودہ جمہوریہ روس)اور ریاستہائے متحدہ امریکہ عالمی سیاست کے دو محور تھے۔ چین کا اگرچہ بڑی طاقتوں میں شمار ہوتا تھا اور اس وجہ سے اُسے1945 میں اقوامِ متحدہ کی سلامتی کونسل کا مستقل رُکن بھی بنایاگیا مگر طویل عرصے تک بیرونی جارحیت اور خانہ جنگی کاشکار ہونے کی وجہ سے متعدد اندرونی مسائل مثلاً معاشی پسماندگی، بھوک، غربت اور بے روز گاری کا شکار تھا۔

تاہم نئی حکومت نے چین کی علاقائی سالمیت اور خود مختاری کو فوری اور اولین اہمیت دیتے ہوئے ہمسایہ ممالک کے ساتھ دو طرفہ تعلقات کے قیام اور استحکام کو ترجیح دی۔ جنوبی ایشیا کا خطہ چین کی کمیونسٹ حکومت کی خصوصی توجہ کا مرکز تھا۔ کیوں کہ اسی خطے کے پانچ ممالک یعنی بھارت، بھوٹان، نیپال، پاکستان اور افغانستان کے ساتھ اس کی سرحدیں ملتی تھیں اور یورپی دور کے آغاز سے قبل اس خطے کے ساتھ چین کے تجارتی اور ثقافتی تعلقات قائم تھے۔ قدیم شاہراہ ریشم کی ایک شاخ جسے اب شاہراہِ قراقرم کا نام دیاگیا ہے، صدیوں سے جنوبی ایشیا ، خلیج فارس اور مشرقِ وسطیٰ کے ذریعے چین اور یورپ کے درمیان نہ صرف تجارتی سامان بلکہ ثقافتی اقدار،علم وہنر اور جدید خیالات کی ترسیل کا ذریعہ تھی۔ اس دور میں امریکہ نے نئے چین کو دنیا میں الگ تھلگ کرنے کی پالیسی اختیار کر رکھی تھی۔ پاکستان نے امریکہ کی اس چین دشمن پالیسی کی پروا نہ کرتے ہوئے چین کی نئی حکومت کو نہ صرف تسلیم کیا بلکہ اس کے ساتھ باقاعدہ سفارتی تعلقات قائم کرکے ہر بین الاقوامی فورم پر چین کی حمایت کی، پاکستان اُن ممالک میں شامل تھا جو اقوامِ متحدہ ، خصوصاً سلامتی کونسل میں چین کی نشست بحال کرنے کے حق میں تھا.

یاد رہے کہ چین نے بھی اُس وقت پاکستان کی خیر سگالی کا احترام کرتے ہوئے، پاکستان کے ساتھ دوستی اور قریبی تعلقات کے لئے ہاتھ بڑھایا۔1951 میں کشمیر کی وجہ سے جب پاکستان اور بھارت کے تعلقات شدید کشیدگی کا شکار ہوئے اور بھارتی حکومت نے پاکستان کو کوئلے کی سپلائی اچانک بند کرکے پاکستان کی معیشت کو نقصان پہنچانے کی کوشش کی تو اس مشکل موقع پر چین نے پاکستان کو کوئلہ فراہم کیا۔

یہ یاد رہے کہ اُس وقت پاکستان کی معیشت صنعت حتیٰ کہ بجلی پیدا کرنے کے لئے کوئلہ توانائی کا سب سے اہم ذریعہ تھا۔1950 کی دہائی میں پاکستان اور چین کے درمیان خیرسگالی اور باہمی مفاہمت پر مبنی تعلقات کی نمایاں خصوصیات یہ تھیں کہ سرد جنگ میں امریکہ کا قریبی اتحادی اورکمیونسٹ مخالف دفاعی معاہدوں سیٹو(SEATO)اور سینٹو(CENTO) کا رُکن ہونے کے باوجود پاکستان، اقوامِ متحدہ میں چین کے جائز مقام کی بحالی کا حامی تھا اور جنرل اسمبلی کے ہر سالانہ اجلاس میں پاکستان چین کے حق میں ووٹ ڈالتا تھا۔

دوسری طرف ہندی، چینی بھائی بھائی کے نعروں کی موجودگی میں بھی چین نے کبھی کشمیرکے مسئلے پر بھارت کے مؤقف کی حمایت نہ کی تھی۔ اس کی وجہ یہ تھی کہ دیگر بڑی طاقتوں کے برعکس چین، جنوبی ایشیا کو بھارت کی نظر سے نہیں دیکھتا تھا۔ بلکہ پاکستان اور جنوبی اشیا کے دیگر چھوٹے ممالک کے ساتھ تعلقات کو اُس نے بھارت کے ساتھ اپنی دوستی سے متاثر نہ ہونے دیا۔ 1955 میں ہنڈرنگ کانفرنس کے موقع پر پاکستانی اور چینی وزرائے اعظم کے درمیان خوشگوار تعلقات اور چینی وزیرِاعظم چواین لائی کی طرف سے پاکستان کے ساتھ قریبی اور دوستانہ تعلقات کے قیام کی خواہش اور اس کے بعد1955 میں چین کی نائب صدر سونگ چنگ کا دورہ پاکستان اور 1956 میں پاکستانی وزیرِاعظم (حسین شہید سہروردی) کا دورہ چین ، اس حقیقت کا غماض ہے کہ پاکستان اور چین ایک دوسرے کے قدرتی دوست ہیں اور اس حقیقت کی بنیاد پر 1960 کی دہائی میں دونوں ملکوں میں دوستی کے مضبوط رشتوں کا قیام ناگزیر تھا۔ پاکستان اور چین کے باہمی تعلقات کو جن دو معاہدوں نے ملکوں کی دوستی کے رشتوں کو ٹھوس بنیادوں پر استوار کیا، وہ سرحدی معاہدہ(1963) اور اسی سال پاکستان انٹر نیشنل ایئرلائنز کو اسلام آباد بیجنگ ایئر روٹ پر سروس شروع کرنے کی اجازت تھی۔

کہنے کو تو یہ دونوں دوطرفہ معاہدے تھے مگر ان کے دُور رس اور اہم بین الاقوامی مضمرات بھی تھے۔ عوامی جمہوریہ چین نے اپنی سرحدوں کو محفوظ اور مستحکم بنانے کے لئے اپنے ہمسایہ ممالک کے ساتھ بات چیت کی۔ اُس کے نتیجے میں سابقہ سوویت یونین اور بھارت کے ساتھ سخت اختلافات پیدا ہوگئے تھے۔ بلکہ نوبت مسلح تصادم تک آپہنچی تھی۔ چین کو ان دونوں ملکوں کی طرف سے درپیش خطرات کے تناظر میں پاکستان کے ساتھ پُرامن اور کامیاب مذاکرات کے ذریعے سرحدوں کا تعین جہاں چین کے لئے اطمینان کا باعث تھا، پاکستان کو بھی چین کے ساتھ براہِ راست رابطے کے ذریعے اہم اور محفوظ راستہ مل گیا۔ آگے چل کر یہی راستہ پاکستان چین اکنامک کاریڈور (سی پیک) کی بنیاد بنا۔

یکم اکتوبر 1949 کو چین پیپلز ریپبلک آف چائنا کے قیام کا اعلان کیا گیا تھا،چین میں یہ دن روایتی جوش و خروش سے منایا جاتا ہے پاکستان پہلا اسلامی ملک تھا جس نے چین کو تسلیم کیا تھا،یہیں سے پاکستان اور چین کی دوستی کی ابتدا ہوئی جو مزید گہری ہوتی چلی گئی .

پاکستان اورچین نظریاتی طورپر بالکل ایک دوسرے کے مخالف لیکن دونوں میں دوستی مضبوط تر ہے ،پاک چین لازوال دوستی خطے میں امن و استحکام کی ضامن ہے پاکستان کے ہرمشکل وقت میں چین نے پاکستان کا سا تھ دیا ،چین پاکستان میں سرمایہ کاری رہا،سی پیک چین کا ایسا منصوبہ ہے جس سے پاکستان میں خوشحالی آئیگی اور بے روزگاری کا خاتمہ ہو گا

چین کا شمار دنیا کے مضبوط ترین ممالک میں ہوتا ہے دوسری طرف پاکستان کا شمار ترقی پذیر ممالک میں لیکن اس کے باوجود پاکستان اور چین کے مابین تعلقات ہمیشہ مثالی رہے ،کوئی بھی حکومت ہو ،ہر دور میں دونوں ممالک کے مابین تعلقات کومزید مستحکم کرنے کی ہی کوشش کی گئی

چین کے قومی دن کے موقع پر وزیراعظم شہباز شریف کا کہنا تھا کہ ین نے کم عرصے میں معاشی طور پر ملک کو مضبوط کیا،پرامن اور مستحکم چین دنیا کی دوسری بڑی معیشت ہے،اصو ل پسندی اور بہتر ین نظم و ضبط پر چین کا بڑا حامی ہوں بہترین اصولوں سے چین نے اپنی قوم کو غربت سے نکالا

چین ہر حال میں پاکستان کا ثابت قدم دوست رہا،شیری رحمان

باغی ٹی وی کی رپورٹ کے مطابق چین کے قومی دن کے موقع پر پیپلز پارٹی کی رہنما، وفاقی وزیر شیری رحمان نے کہا ہے کہ پیپلز ریپبلک آف چائنہ کو اس کی 73ویں سالگرہ اور قومی دن کے موقع پر دل کی گہرائیوں سے مبارکباد پیش کرتی ہوں۔

وفاقی وزیر شیری رحمان کا کہنا تھا کہ پاک چین دوستی دونوں ممالک کے بیچ گرمجوشی، بھائی چارے اور پائیدار رشتے کا ثبوت ہے۔ چین ہر مشکل میں پاکستان حکومت اور عوام کے شانہ بشانہ کھڑا رہا ہے۔ پاکستان میں سیلاب کی مشکل ترین گھڑی میں ہم چین کی حکومت، عوام اور چین کے پاکستان میں سفیر کی مسلسل حمایت کے لیے انتہائی شکر گزار ہیں۔ چین نے سیلاب زدگان کی امداد کیلئے اب تک 90.2 ملین ڈالر کی امداد فراہم کرنا کا اعلان کیا ہے جو کسی بھی ملک سے آنے والے امداد میں سب سے زیادہ ہے

پیپلز پارٹی کی رہنما ،شیری رحمان نے سماجی رابطے کی ویب سائٹ ٹویٹر پر ٹویٹ کرتے ہوئے مزید کہا کہ چین کی حکومت اور تمام شعبہ زندگی سے تعلق رکھنے والے لوگوں کی سیلاب زدگان کی امداد کے حوالے سے کاوشیں قابل ستائش ہیں۔ چین ہر حال میں پاکستان کا ثابت قدم دوست رہا ہے، سیلاب متاثرین کی امداد کیلئے ہم چین کی حکومت کے بہت مشکور ہیں۔ پاک چین دوستی زندہ آباد۔

واضح رہے کہ چین کا قومی دن یکم اکتوبر کو منایا جاتا ہے اس حوالے سے چین میں قومی پرچموں سے سجاوٹ کی گئی ہے ا س دن کو چین میں بہت زیادہ اہمیت حاصل ہے کیونکہ یکم اکتوبر سن 1949 کو عوامی جمہوریہ چین کے قیام کا اعلان ہوا تھا۔یکم اکتوبر 1949 میں چین کا قومی پرچم تیان من اسکوائر پر لہرایا گیا۔ یہ وہ دن تھا جب دنیا پہلی بار عوامی جمہوریہ چین کے نام سے قائم ہونے والے ایک وطن سے متعارف ہوئی

پاک چین دوستی پوری دنیا میں اپنی مثال آپ ہے،وزیراعلیٰ پنجاب

پاکستان اورچین دوعظیم اور بااعتماد دوست ہیں،شہباز شریف

چین نے کم عرصے میں معاشی طور پر ملک کو مضبوط کیا،وزیراعظم

آڈیو لیکس، تحریک انصاف سپریم کورٹ پہنچ گئی
آڈیو لیکس کا معاملہ ،پاکستان تحریک انصاف نے آنکوائری کمیشن بنانے کے درخواست دائر کردی

درخواست پی ٹی آئی سیکریٹری جنرل اسد عمر نے دائر کی ہے۔سپریم کورٹ میں دائر درخواست میں کہا گیا ہے کہ حال ہی میں وزیر اعظم اور کچھ وفاقی وزرا کی آڈیو لیکس سوشل میڈیا پر جاری ہوئیں ان آڈیو لیکس میں درخواست گزارکو سیاست سے دور رکھنے کے لئے سازش بنائی ان آڈیو لیکس میں ایک مجرمانہ سازش کے تحت درخواست گزارکو ٹارگٹ کیا گیا درخواست میں آڈیو لیکس کا ٹرانسکرپٹ شامل کیا گیا ہے

سپریم کورٹ میں دائر درخواست میں مزید کہا گیا ہے کہ حکومتی وزرا نے ایسی سازش اسپیکر اور قومی اسیمبلی کے سیکریٹری کے تعاون سے تیارکی۔ اس آڈیو لیک کو وزیر اعظم اور وزیر داخلہ تسلیم کرچکے ہیں۔نئی صورتحال پیدا ہونے پر عدالت سے استدعا ہے کہ انکوائری کمیشن بنایا جائے،وزیر اعظم ، رانا ثنااللہ ، اعظم نذیر سمیت نامزد شخصیات کے خلاف کریمنل پروسیڈنگزکی ہدایت کی جائے،

دوسری جانب حکومت نے بھی آڈیو لیکس کے بعد اہم فیصلے کر لئے ہیں،گزشتہ روز وفاقی کابینہ اجلاس ہوا، جاری اعلامیہ کے مطابق آڈیو لیکس کی تحقیقات کے لیے کابینہ کی خصوصی کمیٹی تشکیل دے دی گئی ہے اور نیشنل سکیورٹی کمیٹی کی طرف سے آڈیو لیکس کی مکمل تحقیق کے فیصلے کی تائید کی گئی ہے۔وفاقی کابینہ کا کہنا ہے کہ آڈیوز نے سابق حکومت اور عمران نیازی کی مجرمانہ سازش بے نقاب کردی، ایک سفارتی’سائفر‘ کو من گھڑت معنی دے کر سیاسی مفادات کی خاطر قومی مفادات کا قتل کیا گیا ،کابینہ نے فیصلہ کیا کہ خصوصی کمیٹی سابق وزیراعظم اور ان کے سابق پرنسپل سیکرٹری کے خلاف کارروائی کا تعین کرے گی، خصوصی کمیٹی سینیئر وزرا کے خلاف بھی قانونی کارروائی کا تعین کرے گی جبکہ کابینہ کمیٹی میں حکومت میں شامل اتحادی جماعتوں کے نمائندے شامل ہوں گے جس میں خارجہ، داخلہ، قانون کی وزارتوں کے وزرا شامل ہوں گے۔

واضح رہے کہ سابق وزیراعظم ، تحریک انصاف کے چیئرمین عمران خان، تحریک انصاف کے رہنما شاہ محمود قریشی اور اعظم خان کی ایک اور آڈیو منظر عام پر آ ئی ہے اس وقت کے وزیر اعظم عمران خان اپنے وزیر خارجہ شاہ محمود قریشی اور وزیر منصوبہ بندی اسد عمر اور پی ایس اعظم خان کے ساتھ گفتگو کر رہے تھے کہ کس طرح سائفر کو موڑ دیا جائے اور اسے عوام میں اپنی حکومت کے خلاف سازش کے طور پر بیچا جائے

 عمران خان جھوٹے بیانیے پر سیاست کر رہے ہیں،

 مریم نواز نے عمران خان پر کڑی تنقید 

 اعظم نذیر تارڑ نے کہا ہے کہ جدید دور میں سائبر حملے عام ہوگئے ہیں

آڈیو لیک،عمران خان کیخلاف سخت کاروائی کی قرارداد اسمبلی میں جمع

ہیکرز نے دعوی کیا ہے کہ اب مزید آڈیو جمعہ کو جاری کی جائیں گی

عمران خان کا جھوٹا بیانیہ سب نے دیکھ لیا،آڈیو کے بعد بھی یوٹرن لے سکتے ہیں،عظمیٰ بخاری

سابق وزیر داخلہ شیخ رشید احمد کا کہنا ہے کہ سائیفر جلایا نہیں، ابھی چرایا ہے، جو وزارت خارجہ سےمل جائے گا۔

شیخ رشید احمد نے اپنے آفیشل اکاونٹ سے ٹوئٹ کرتے ہوئے کہا کہ یہ سامراجی ایمبسڈروں کے گھر جاتےہیں اوران کےمنہ میں کیک ڈالتےہیں۔ نوازشریف ان ویٹنگ، مریم ڈارکوکلین چٹ ڈیل کاحصہ ہے۔عمران خان کےخلاف سائیفرکا حکومتی بیانیہ اس کےحق میں گیا ہے۔

حکمرانوں کی الٹی گنتی شروع ہوگئی۔تعیناتی،تنزلی یا چھاؤنی ڈالنی ہے15نومبر تک فیصلےہوجائیں گے۔ابھی توآڈیو ویڈیو سےبحران آیا ہے،عوام سڑکوں پر آئےتوبھونچال آئےگا۔قوم نےفیصلہ کرناہے،سراٹھا کےجینا ہےیا سیاسی کیڑےمکوڑوں کی طرح جیناہے۔حکمران عوام کےگھیرے میں آگئےہیں،اب بھاگ نہیں سکیں گے

— Sheikh Rashid Ahmed (@ShkhRasheed) October 1, 2022

انہوں نے مزید لکھا کہ حکمرانوں کی الٹی گنتی شروع ہوگئی ہے، ابھی توآڈیو ویڈیو سے بحران آیا ہے،عوام سڑکوں پر آئےتوبھونچال آئے گا۔ قوم نے فیصلہ کرنا ہے کہ، سراٹھا کےجینا ہے یا سیاسی کیڑے مکوڑوں کی طرح جینا ہے۔ حکمران عوام کےگھیرے میں آگئےہیں، اب بھاگ نہیں سکیں گے۔

اس سے قبل سائفر سے متعلق رہنما تحریک انصاف شہباز گل کا کہنا تھا کہ کھویا ہوا سائفر آپکو چیف جسٹس صاحب سے ملے گا۔ شہباز گل نے اپنے آفیشل آکاونٹ سے ٹوئٹ کرتے ہوئے لکھا تھا کہ ن لیگ والوں کا سائفر کھو گیا۔ ان کو انگریزی پڑھنی نہیں آتی۔ وہی سائفر وزیراعظم نے سپیکر کو بھیجا تھا اور سپیکر نے سپریم کورٹ کے چیف جسٹس صاحب کو۔ تو آپکا کھویا ہوا سائفر آپکو چیف جسٹس صاحب سے ملے گا۔

واضح رہے کہ گزشتہ روز ڈپلومیٹک سائفر کی کاپی سے متعلق آڈیوز کی تحقیقات کیلئے کابینہ کی خصوصی کمیٹی تشکیل دینے کا فیصلہ کیا گیا، فیصلہ وزیراعظم میاں شہبازشریف کی زیرصدارت منعقدہ وفاقی کابینہ کے اجلاس میں کیا گیا تھا اور اجلاس میں انکشاف کیا گیا کہ ڈپلومیٹک سائفر کی کاپی وزیراعظم ہاؤس کے ریکارڈ سے غائب ہے۔
مزید یہ بھی پڑھیں؛ 1 کسان اتحاد دھرنا؛ ڈی چوک کی جانب مارچ کی ڈیڈلائن سے قبل وزیر داخلہ نے مزاکرات کیلئے بلا لیا
2پی ٹی آئی سوشل میڈیا ایکٹوسٹ کیجانب سے پروپیگنڈہ، مبشر لقمان نے جواب دے دیا
3پیٹرول اور ڈیزل کی قیمتوں میں کمی کردی گئی
جاری کردہ اعلامیے میں کہا گیا کہ ڈپلومیٹک سائفر کی کاپی سے متعلق آڈیوز نے عمران خان کی مجرمانہ سازش بے نقاب کردی، ڈپلومیٹک سائفر کی کاپی کو من گھڑت معانی دیکر سیاسی مفادات کی خاطر قومی مفادات کا قتل کیا گیا، فراڈ، جعلسازی اور فیبریکیشن کے بعد اسے چوری کرلیا گیا، یہ آئینی حلف اور دیگر متعلقہ قوانین اورآفیشل سیکرٹ ایکٹ کی خلاف ورزی ہے، یہ ریاست کے خلاف ناقابل معافی جرائم کا ارتکاب ہے. اعلامیے کے مطابق؛ وفاقی کابینہ اجلاس میں کہا گیا کہ اس سارے معاملے کی باریک بینی سے چھان بین کی جائے گی، اور ذمہ داروں کا تعین کرکے انہیں قانون کے مطابق کڑی سزا دی جائے۔