Tag: تازہ ترین

معروف اینکر اقرار الحسن نے کہا ہے کہ ماضی میں شوکت ترین اور حفیظ شیخ کو وزیر خزانہ لگانے والے اب اسحاق ڈار کی بطور وزیر خزانہ تقرری پر کس منہ سے اعتراض کررہے ہیں؟

حفیظ شیخ اور شوکت ترین کو وزیرِ خزانہ لگانے والے کس منہ سے اسحاق ڈار کے وزیرِ خزانہ لگنے پر اعتراض کر رہے ہیں ؟؟؟

— Iqrar ul Hassan Syed (@iqrarulhassan) September 27, 2022

تاہم اس ٹوئیٹ کے بعد سوشل میڈیا پر بحث چھڑ گئی ہے جس پر اقرار الحسن نے مزید کہا کہ: پی ٹی آئی والے اسحاق ڈار اور شوکت ترین میں مماثلت پِر اعتراض کر رہے ہیں لہزا ان کے لیئے عرض ہے کہ آپ لوگ زرداری اور نواز شریف دونوں پر منی لانڈرنگ کا الزام لگاتے ہیں حالانکہ ایسا وزیرِ خزانہ کی معاونت کے بغیر ممکن نہیں اور تحریک انصاف والوں کی یادہانی کیلئے یاد کراتا چلو شوکت ترین زرداری دور حکومت میں وزیر خزانہ تھے جنہیں عمران خن نے اپنے دور حکومت وزیر خزانہ لگایا.

ایک رپورٹ کے مطابق شوکت ترین نے 1975 میں سٹی بینک میں ایک ٹرینی کے طور ملازمت اختیار کی اور سٹی بینک تھائی لینڈ کے صدر کے منصب پر فائز رہے، سٹی بینک کے ساتھ 22 سال منسلک رہنے کے بعد 1997 میں میاں نواز شریف کی حکومت کے کہنے پر وہ پاکستان آئے اور انھوں نے حبیب بینک کی کامیاب ری اسٹریکچرنگ کی جس کے نتیجے میں یہ بینک 230 ملین ڈالرز کے خسارے سے 30 ملین ڈالرز منافع میں آگیا۔ 2000 میں وہ حبیب بینک سے بطور صدر فارغ ہوئے اور یونین بینک میں ملازمت اختیار کی جس کے شیئرز سٹینڈرڈ چارٹرڈ کے حوالے کیے گئے۔

برطانوی نشریاتی ادارے کے مطابق: 2008 میں شوکت ترین کراچی سٹاک ایکسچینج کے صدر رہے، جہاں سے وہ پاکستان پیپلز پارٹی کے دور حکومت میں پہلے یوسف رضا گیلانی کے مشیر خزانہ اور بعد میں سندھ سے ٹیکنو کریٹ کی نشست پر سینیٹر منتخب ہوئے اور انہیں وزیر خزانہ کا منصب دیا گیا تھا. ان دنوں آئی ایم ایف کے قرضے کے ساتھ این ایف سی ایوارڈ کی تقسیم بھی مجوزہ تھی جس کے بارے میں ان کا کہنا تھا کہ ان کی کوشش ہوگی کہ این ایف سی ایوارڈ کی تقسیم کے معاملے میں چھوٹے صوبوں کی شکایات کو دور کریں اور ہر صوبے کو اس کا حق ملے۔ فروری 2010 میں وہ مستعفی ہوگئے، جس کی وجہ انہوں ذاتی مصروفیات بیان کیں تھی.

خبر رساں ادارے روئٹرز کے مطابق سلک بینک میں شوکت ترین کے چھیاسی فیصد حصص تھے اور نئے سرمایہ کاروں کا یہ مطالبہ تھا کہ وہ بینک کے کاروبار کو مکمل وقت دیں۔ ان دنوں وہ ایوان بالا میں امیر ترین سینیٹر تھے ان کے پاس چوّن کروڑ پچپن لاکھ کی جائیداد، دو کروڑ اٹھارہ لاکھ روپے کی گاڑیاں اور مختلف مالیاتی ادراوں اور بینکوں میں تین ارب روپے کی سرمایہ کاری بھی ہے.

نیب کیس؟
ایک رپورٹ کے مطابق: سابق وزیر اعظم پرویز اشرف کے ساتھ شوکت ترین کے خلاف رینٹل پاور پراجیکٹ کا قومی احتساب بیورو میں ریفرنس دائر تھے، جس میں سے احتساب عدالت نے انہیں بری کردیا تھا تاہم قومی احتساب بیورو نے اس کے خلاف اسلام آباد ہائی کورٹ میں اپیل دائر کر رکھی۔رینٹل پاور کیس میں راجہ پرویز اشرف سمیت دیگر ملزمان پر سابق وزیر اعظم یوسف رضا گیلانی کے دور میں کرپشن اور اختیارات سے تجاوز کا الزام تھا جبکہ نیب کا الزام تھا کہ راجہ پرویز اشرف نے اس دور میں بطور وفاقی وزیر برائے پانی و بجلی کرائے کے بجلی گھروں کے منصوبوں کی منظوری دی تھی جس سے خزانے کو اربوں روپے کا نقصان پہنچا تھا.

واضح رہے کہ شوکت ترین پر ایک الزام یہ بھی ہے کہ انھوں نے وزیر خزانہ کے منصب کے باوجود اپنے سلک بینک کےلیے زر (ایکوٹی) کا انتظام کیا تھا، جو کانفلیکٹ آف انٹریسٹ تھا۔ خیال رہے کہ شوکت ترین تحریک انصاف کے رہنما جہانگیر ترین کے کزن ہیں، ایک دفعہ ٹی وی اینکر شاہد مسعود نے اپنے ایک پروگرام میں دعویٰ کیا تھا کہ وہ اومنی گروپ کے سربراہ انور مجید کے رشتے دار ہیں، یاد رہے کہ انور مجید سابق صدر آصف زرداری کے دیرینہ دوست ہیں۔

اب یہاں پر سوال پھر وہی پیدا ہوتا ہے کہ تحریک انصاف والے کیسے یہ اسحاق ڈار کی تعیناتی پر اعتراض کرسکتے ہیں.

احتساب عدالت اسلام آباد میں آمد ن سے زائد اثاثہ جات کیس

وزیرخزانہ اسحاق ڈار احتساب عدالت اسلام آباد پہنچ گئے اسحاق ڈار نے احتساب عدالت کے سامنے سرنڈر کر دیا

قبل ازیں اسحاق ڈار نے وفاقی وزیر برائے خزانہ کا حلف اٹھا لیا، صدر مملکت ڈاکٹر عارف نے اسحاق ڈار سے حلف لیا، اسحاق ڈار حلف اٹھانے کے بعد عدالت پہنچے اور سرنڈر کر دیا،اسحاق ڈار نے پاکستان آمد سے قبل عدالت میں درخواست دائر کی تھی جس میں کہا گیا تھا کہ پاکستان آنا چاہتا ہوں اور عدالت کے سامنے سرنڈر کرنا چاہتا ہوں، گرفتار نہ کیا جائے، عدالت نے اسحاق ڈار کو گرفتار نہ کرنے کا حکم دیا تھا

اسحاق ڈار کے دائمی وارنٹ گرفتاری منسوخ کرنے کی درخواست پر نوٹس جاری کر دیا گیا عدالت نے نیب کو نوٹس جاری کرتے ہوئے 7اکتوبر تک جواب طلب کر لیا احتساب عدالت اسلام آباد نے کیس کی سماعت7 اکتوبر تک ملتوی کر دی

اسحاق ڈار کا کہنا تھا کہ میرے خلاف بے بنیاد کیس بنایا گیا ،میں نے کیس کی وجہ سے تکالیف برداشت کیں ،میں نے پاکستان کے لیے خدمات سرانجام دی ہیں ،انتقام اس حد تک پہنچ چکا ہے مجرم پھرتے ہیں اور شریف سفر کرتے ہیں، عمران خان کی دور حکومت میں میرا پاسپورٹ منسوخ کیا گیا، عمران خان نے ملکی معیشت کو ناقابل تلافی نقصان پہنچایا،آج بھی اگر معاشی مشکلات ہیں تو یہ عمران خان کی وجہ سے ہیں،میں نے کبھی اپنے ٹیکس ریٹرن ڈیلے نہیں کیے،پاکستان اس وقت مس مینجمنٹ کا شکار ہے، پاکستان میں معاشی استحکام کے لیے اقدامات کرنے ہوں گے،عمران خان ملک کو مزید مشکلات سے دوچار نہ کریں میرا پاسپورٹ منسوخ کیا گیا، غیر قانونی کام ہوتے رہے ہیں میرے خلا ف اس کیس کو 10 منٹ میں ہوا میں اُڑ جانا چاہیے تھا،عمران خان کہتے رہے ہیں کہ میں نے بارودی سرنگ بچھا دی ہے،ہم معیشت کو ریوائیو کریں گے سب سے پہلے شرح سود کو نیچے لائیں گے، پاکستان کے 5 سال ضائع ہو گئے،اب 30 سال پیچھے جا چکا ہے،جو کہہ رہے ہیں کہ ڈیل ہوئی ہے ان سے پوچھیں کہ مجھے پاسپورٹ کیوں نہیں دیا گیا،پاکستان ڈیفالٹ سے دور ہوگیا ہے،کچھ دن دیں ،معیشت بہترکرنے کی کوشش کریں گے مفتاح اسماعیل نے اپنے تجربے کی بنیاد پرمعیشت بہترکرنے کی کوشش کی مفتاح اسماعیل ہماری معاشی ٹیم کا حصہ رہیں گے 4 سال سے خراب معیشت کو 6 ماہ میں ٹھیک نہیں کیا جا سکتا،عمران خان کچھ خوف کریں پاکستان کو چلنے دیں،پیٹرول کی قیمتوں پر اب کچھ کہا نہیں جا سکتا،کچھ دن دیں سیاست کو ایک طرف کرکے ملک کی مفاد کے لیے کام کرنا ہوگا،

وفاقی وزیر خزانہ اسحاق ڈار کا مزید کہنا تھا کہ ن لیگ ملکی معیشت کو اچھی حالت میں چھوڑ کرگئی 3 دھرنوں کے باوجود ہم نے معیشت کو بہترکیا،عالمی معاشی اداروں نے ہمارے دور میں معاشی ترقی کا اعتراف کیا، ماضی میں معیشت کے ساتھ جو کچھ ہوا سب جانتے ہیں،ہمارے دورمیں مستحکم معیشت کا گزشتہ حکومت نے بیڑہ غر ق کیا ہمیں مشکل چیلنجز کا سامنا ہے ،ہم کام کریں گے ،کامیابی اللہ دے گا،میں نے مارکیٹ میں ڈالر نہیں پھینکے ،الزامات بے بنیاد ہیں،ہمارے دور میں معیشت اگر بہتر ہوئی تو وہ کامیاب حکمت عملی تھی،1999میں معاشی استحکام کو ن لیگ نے دوام بخشا ،پاکستانی کرنسی کے ساتھ کسی کو کھیلنے نہیں دیں گے روپیہ تگڑا ہورہاہے ،ڈالر کمزور ہوا،قرضوں کا بوجھ کم ہوا ہے،معاشی امور کو بہتر انداز میں سر انجام دیں گے ہم نے ایٹمی دھماکے کیے تو دنیانے پابندیاں لگائیں

واضح رہے کہ اسحاق ڈار دو روز قبل وزیراعظم شہباز شریف کے ہمراہ لندن سے اسلام آباد پہنچے تھے، اسحاق ڈار کے پہنچنے کے بعد مفتاح اسماعیل نے وزارت سے استعفیٰ دے دیا ہے اور آج اسحاق ڈار کو وزیر خزانہ بنا دیا گیا ہے،

جس دفتر سے نکل کر آیا تھا، اللہ نے اسی میں واپس بلوایا ہے، اسحاق ڈار

ڈبل شاہ کیس، نیب کی جانب سے متاثرین میں کتنے کروڑ کے چیک تقسیم ہوئے؟

نیب ایگزیکٹو بورڈ کا اجلاس ،23 ماہ میں کتنے مقدمات دائر ہوئے؟ چیئرمین نیب نے بتا دیا

خورشید شاہ نے اپنا گھر کس کے پلاٹ پر بنایا؟ نیب کا عدالت میں حیران کن انکشاف

اڈیالہ جیل عملے کی معطلی کے خلاف درخواست،عدالت نے فیصلہ سنا دیا
اسلام آباد ہائی کورٹ سے اڈیالہ جیل عملے کی معطلی کے خلاف درخواست خارج کر دی گئی

چیف جسٹس اطہر من اللہ نے اڈیالہ جیل عملے کی معطلی کی درخواست ناقابل سماعت قرار دے دی ،اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ یہ اس عدالت کا دائرہ اختیار نہیں ہے، یہ انسانی حقوق کا ایک بڑا مسئلہ ہے،چیف جسٹس اسلام آباد ہائیکورٹ اطہرمن اللہ نے وکیل سے مکالمہ کرتے ہوئے کہا کہ آپ کو بتاؤں یہ لوگ وہاں قیدیوں کے ساتھ کیا کیا کرتے ہیں؟ وکیل نے عدالت میں موقف اپنایا کہ آپکی بات درست ہے لیکن جو لوگ ملوث تھے انہیں چھوڑ دیا گیا، جو بے گناہ تھے اور ملوث نہیں تھے انھیں معطل کیا گیا،

چیف جسٹس اسلام آباد ہائی کورٹ اطہرمن اللہ نے ریمارکس دیتے ہوئے کہا کہ ہیومن رائٹس کمیشن اس معاملے پر کام کر رہا ہے،ہیومن رائٹس کمیشن کو تحقیقات کا حکم دیا ہے، اسلام آباد ہائی کورٹ نے اڈیالہ جیل عملے کی معطلی کے خلاف درخواست خارج کردی

قبل ازیں گزشتہ ایک سماعت پر اڈیالہ جیل کے قیدی پر جیل حکام کے ٹارچر کی بادی النظر میں تصدیق ہوگئی۔ انسانی حقوق کمیشن نے جیل حراست میں ٹارچر اور کرپشن کی نشاندہی بھی کرتے ہوئے رپورٹ پیش کردی۔ عدالت نے کہا کہ پمز کے ڈاکٹر نے قیدی کا طبی معائنہ کیا ، میڈیکل رپورٹ قیدی کے والدین کی شکایت کے ٹارچر کے الزام کو سپورٹ کرتی ہے، میڈیکل آفیسر نے بتایا کہ قیدی کے نشان ٹارچر کی وجہ سے بھی ہو سکتے ہیں ، بادی النظر میں میڈیکل رپورٹ انسانی حقوق کی سنگین خلاف ورزی ظاہر کرتی ہے۔

فون پر دوستی، لڑکی کو ملنے گھر جانیوالے نوجوان کو پہنائے گئے جوتوں کے ہار اور کیا گیا تشدد

دورانِ مجلس عورتوں کے کانوں سے سونے کی بالیاں اُتارنے والی ملزمہ گرفتار

طلبا کے ساتھ زیادتی کرنے، ویڈیو بنا کر بلیک میل کرنے والے سابق پولیس اہلکار کو عدالت نے سنائی سزا

لاہور میں 2 بچیوں کے اغوا کی کوشش ناکام،ملزم گرفتار

خاتون کی غیر اخلاقی ویڈیو وائرل کرنیوالا ملزم لاڑکانہ سے گرفتار

کسانوں نے ایک بار پھر مطالبات کے حق میں اسلام آباد کا رخ کرلیا، کسان آج اسلام آباد پہنچیں گے۔

کسانوں کے احتجاج کے پیش نظر اسلام آباد کے مختلف مقامات سیل کر دئیے گئے ہیں، روات ٹی چوک کو کنٹینرز لگا کر بند کردیا گیا۔ ایکسپریس وے اور جی ٹی روڈ پر رکاوٹوں کے باعث شدید ٹریفک جام ہے۔ راستوں کی بندش سے سرکاری ملازمین کو دفاتر اور طلبہ کو تعلیمی اداروں تک پہنچنے میں مشکلات کا سامنا کرنا پڑ رہا ہے۔

تاہم اسلام آباد کیپیٹل پولیس کے مطابق کے رش اور شہریوں کی آسانی کی خاطر ٹی چوک روات کے رستے کھول دئیے گئے۔ ریڈ زون اور ڈی چوک کے رستے بھی محدود پیمانے پر کھولے گئے ہیں، شہریوں کو آمد و رفت میں کوئی رکاوٹ نہیں ہے۔

احتجاجی مظاہرے میں آنے والے لوگوں کے ساتھ اسلام آباد میں داخل ہونے سے پہلے مذاکرات ہوں گے۔

ڈی آئی جی آپریشنز، ڈی سی اسلام آباد اور انتظامیہ موقع پر موجود ہوں گے۔

شہریوں کی سہولت کی خاطر ٹریفک اور سکیورٹی کے تمام تر انتظامات سے آگاہ رکھا جائے گا۔

— Islamabad Police (@ICT_Police) September 28, 2022

احتجاجی مظاہرے میں آنے والے لوگوں کے ساتھ اسلام آباد میں داخل ہونے سے پہلے مذاکرات ہوں گے، ڈی آئی جی آپریشنز، ڈی سی اسلام آباد اور انتظامیہ موقع پر موجود ہوں گے۔ شہریوں کی سہولت کی خاطر ٹریفک اور سکیورٹی کے تمام تر انتظامات سے آگاہ رکھا جائے گا۔

واضح رہے کہ گزشتہ دنوں پنجاب کسان اتحاد نے واضح کیا تھا کہ وفاقی وزیر داخلہ رانا ثنا اللہ سے ہونے والے مذاکرات اگر ناکام ہوئے تو ڈی چوک کی جانب مارچ کریں گے۔ پنجاب کسان اتحاد کے سینئر نائب صدر شوکت خان نے یہ بات ذرائع ابلاغ سے بات چیت کرتے ہوئے کہی تھی ایک سوال کے جواب میں شوکت خان نے کہا تھا کہ ابھی تک ہونے والی بات چیت میں حکومت نے پنجاب کسان اتحاد کی جانب سے پیش کردہ مطالبات اور عائد کردہ شرائط پہ آمادگی ظاہر نہیں کی ہے۔
پنجاب کسان اتحاد کے سینئر نائب صدر شوکت خان نے کہا تھا کہ ن لیگی رہنما اور وفاقی وزیر داخلہ رانا ثنا اللہ کے ساتھ اس وقت پنجاب کسان اتحاد کے نمائندے مذاکرات میں مصروف ہیں۔ اور وعدے کیے جاتے ہیں، عملدرآمد نہیں ہوتا، بے بس کسان احتجاج کریں گے. واضح رہے کہ پنجاب کسان اتحاد کی جانب سے اپنے مطالبات کے حق میں ایف نائن پارک میں احتجاجی دھرنا دیا گیا تھا اور موجود لوگوں نے اپنے مطالبات کے حق میں نعرے بازی بھی کی تھی.

نیشنل فلڈ ریسپانس کوآرڈینیشن سنٹر کے اعلامیہ کے مطابق: گزشتہ 24 گھنٹوں کے دوران انفراسٹرکچر کو کوئی نقصان نہیں ہوا تاہم کل13074 کلومیٹر سڑکیں اور 410 پلوں کو نقصان پہنچا ہے۔

نیشنل فلڈ ریسپانس کوآرڈینیشن سنٹر کے مطابق: ملک بھر کے وہ اضلاع جن کی سب سے زیادہ تباہی ہوئی ہے ان میں سندھ کے سب سے زیادہ متاثرہ اضلاع میں قمبر شہداد کوٹ، جیکب آباد، لاڑکانہ، خیرپور، دادو، نوشہرو فیروز، ٹھٹھہ اور بدین شامل ہیں۔ جبکہ بلوچستان کے اضلاع میں کوئٹہ، نصیر آباد، جعفرآباد، جھلمگسی، بولان، صحبت پور اور لیسبیلہ شامل ہیں۔ اس کے ساتھ ہی خیبر پختون خواہ میں ضلع دیر، سوات، چارسدہ، کوہستان، ٹانک اور ڈی آئی خان اور پنجاب میں ڈی جی خان اور راجن پور شامل ہیں۔

نیشنل فلڈ ریسپانس کوآرڈینیشن سنٹر کا بتانا ہے کہ: اب تک 625 آرمی ایوی ایشن ہیلی کاپٹر مختلف علاقوں میں پھنسے ہوئے لوگوں کو نکالنے کے لیے روانہ کیے جا چکے ہیں۔ اور 9.5 ٹن امدادی سامان سیلاب متاثرین تک پہنچایا گیا۔ مزید یہ کہ اب تک ہیلی کاپٹر کے ذریعے 4659 پھنسے ہوئے افراد کو بھی نکالا جا چکا ہے۔ جبکہ صحت کے حوالے سے اب تک 300 سے زیادہ میڈیکل کیمپ لگائے گئے ہیں جن میں ملک بھر میں 565,359 سے زیادہ مریضوں کا علاج کیا گیا ہے اور 3-5 دن کی مفت ادویات کی فراہمی بھی کی گئی ہیں۔ دوسری جانب سندھ، بلوچستان، اور ساؤتھ پنجاب میں 147 ریلیف کیمپ جبکہ 172 ریلیف امدادی فنڈ کے پوئنٹ بھی نصب کئے گئے ہیں جن کے ذریعے لوگوں کی مدد کی جائے گی.

نیشنل فلڈ ریسپانس کوآرڈینیشن سنٹر کا کہنا ہے کہ: پاک فضائیہ نے سیلاب متاثرین کے لیے اب تک کل سے 6583 خیمے، 570، 341 فوڈ پیکجز، 3453،26 ٹن راشن، 287,183 لیٹر میٹھا پانی فراہم کیئے مزید یہ کہ پی اے ایف نے 45 میڈیکل کیمپس قائم کیے ہیں جہاں اب تک 63576 مریضوں کا علاج کیا جا چکا ہے۔ 19807 افراد کی رہائش کے لیے سے20 سے زائد ٹینٹ سٹی اور 54 ریلیف کیمپ بھی قائم کیے گئے ہیں۔ پی اے ایف نے 262 پروازیں کیں اور سیلاب سے متاثرہ علاقوں سے 1521 افراد کو نکالا۔

علاوہ ازیں: گزشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا ہے۔ کل کا ریکارڈ کیا گیا سب سے زیادہ درجہ حرارت: نوکنڈی 40، سبی، روہڑی، دالبندین اور بھکر 39 ڈگری سینٹی گریڈ۔ جبکہ آئندہ 24 گھنٹوں کے دوران ملک کے بیشتر علاقوں میں موسم گرم اور خشک رہنے کا امکان ہے۔ علاوہ ازیں ادویات کے حوالے سے اب تک 300 سے زائد میڈیکل کیمپ لگائے گئے ہیں جس میں 619، 808 مریضوں ابتدائی میڈیکل سہولیات اور مکمل سہولیات فراہم کی گئی ہیں جبکہ مزید چار پانچ دن کی دوائی دی گئی ہے.