Tag: تازہ ترین

سپریم کورٹ،سیلف فنانس سے میڈیکل کالجز میں داخلہ لینے والوں کی نارمل فیس لینے کی درخواستیں مسترد کر دی گئی

وکیل طلبا نے کہا کہ پنجاب حکومت نے سیلف فنانس کی 76 سیٹوں کو اوپن میرٹ پر دینے کا نوٹیفکیشن جاری کیا ، جسٹس منصور علی شاہ نے ریمارکس دیتے ہوئے کہا کہ حکومت نے سیلف فنانس کو ختم تو نہیں کیا، جسٹس قاضی فائز عیسیٰ نے ریمارکس دیتے ہوئے کہا کہ عدالت میں درخواست دینے کا ایک اصول ہے، حکومت کے کسی اقدام سے نقصان یا متاثر ہوں تو ہی رٹ دائر کی جا سکتی ہے،درخواست کو دائر کرنے کی تو کوئی بنیاد ہی نظر نہیں آرہی،حکومت کے نوٹیفکیشن سے آپکو کیا نقصان ہوا ؟اگر عدالت اس نوٹیفکیشن کو ختم بھی کردے تو ان طلبا کو کیا ملے گا،

وکیل طلبا نے کہا کہ نوٹیفکیشن کو ختم تو میں بھی کروانا نہیں چاہتا تھا،چاہتے ہیں کہ اب ہم سے بھی اوپن میرٹ والی فیس لی جائے،چیف جسٹس عمر عطا بندیال نے ریمارکس دیتے ہوئے کہا کہ ان طلبا کا داخلہ پیسوں کی وجہ سے ہوا تھا،ان طلبا کی تو کوئی میرٹ لسٹ بھی نہیں بنتی،

علاوہ ازیں سپریم کورٹ میں سندھ پبلک سروس کمیشن ایکٹ کالعدم قرار دینے کیخلاف اپیلوں پر سماعت ہوئی سپریم کورٹ نے سابق چیئرمین اور افسران کی اپیلیں نمٹا دیں،عدالت نے کہا کہ جن افسران کی تعیناتی کا عمل مکمل ہوچکا تھا وہ برقرار رہے گا، جو میڈیکل افسران تعیناتی کے بعد فرائض انجام دے رہے ہیں وہ بھی برقرار رہیں گے، پبلک سروس کمیشن تمام درخواست دہندگان کا انفرادی طور پر جائزہ لے، دستیاب آسامیوں کے میرٹ پر درخواست گزار پورا اتریں تو تعینات کیا جائے،پبلک سروس کمیشن کا نیا قانون بننے کے بعد اپیلیں غیرموثر ہوچکی ہیں،

وزیراعظم عمران خان کے خلاف توہین رسالت مقدمہ کے اندراج کے لئے درخواست دائر

توہین رسالت صلی اللہ علیہ وسلم و توہین مذہب کا مقدمہ،دفاعی شہادت پیش کرنے کے لئے مزید مہلت کی استدعا مسترد

توہین رسالت کی مجرمہ خاتون کو سزائے موت سنا دی گئی

آئی ٹی کمپنیوں نے الخدمت فاؤنڈیشن کو سیلاب متاثرین کے لیے ڈیڑھ کروڑ روپے عطیہ کر دیے

پاکستان سافٹ ویئر ہاؤسز ایسوسی ایشن اور الخدمت فاؤنڈیشن نے غیر معمولی نوعیت کے بحران کے اس وقت میں سیلاب سے متاثرہ افراد کی مشکلات کو کم کرنے میں مدد کے لیے ہاتھ ملایا ہے۔ کمپنیوں نے اجتماعی طور پر الخدمت فاؤنڈیشن کو ڈیڑھ کروڑ کا عطیہ دیا ہے اور مزید تعاون جاری ہے۔

الخدمت فاؤنڈیشن زمین پر امدادی سامان کی ترسیل کو شفاف، محتاط اور مستعد طریقے سے یقینی بنائے گی۔ ان سامان میں واٹر پروف خیمے، چادریں، پینے کا صاف پانی، خشک کھانے کی اشیاء، جیسے کھانے کے لیے تیار کالے چنے، کھجور اور بسکٹ، پیک شدہ دودھ اور جوس، مختلف عمر کے بچوں کے لیے فارمولا دودھ، سلے ہوئے یا پہننے کے لیے تیار کپڑے، پلاسٹک کے جوتے، حفظان صحت کی مصنوعات، باہر سیلاب کی وجہ سے گھروں میں پھنسے لوگوں کے لیے خام کھانے کی اشیاء جیسے چاول، آٹا اور دالیں،بوڑھوں، بیماروں، ماؤں اور بچوں کے لیے طبی سامان اور مویشیوں کے لیے خشک چارہ بھی شامل ہے

چیئرمین بدر خوشنود نے کہا کہ دو ہفتے قبل اپنی ممبر کمپنیوں سے ایک اپیل جاری کی کہ وہ دل کھول کر عطیہ کریں اور وقت کی اس ضرورت میں فعال طور پر حصہ ڈالیں۔ جس نے لاکھوں خاندانوں کو بے گھر کر دیا ہے کیونکہ پاکستان کا ایک تہائی سیلاب کی وجہ سے ڈوب گیا ہے اور پناہ گاہوں سے محروم ہو گیا ہے۔ مزید برآں، 20 لاکھ بچوں کے علاوہ نصف ملین سے زیادہ حاملہ خواتین کو خوراک کی ضرورت ہے۔ بوڑھے، بیمار، حاملہ ماؤں اور بچوں کو فوری طبی امداد اور انسانی امداد کی ضرورت ہے۔

سیکرٹری جنرل حرا زینب نے مزید کہا کہ اس سال سیلاب نے تباہی مچادی۔ قابل بھروسہ این جی اوز کو شراکت داروں کے طور پر لائے ہیں اور آئی ٹی کمپنیوں کی حوصلہ افزائی کی کہ وہ اپنے طور پر سیلاب سے متعلق امدادی سرگرمیوں میں حصہ لیں۔ ہم صنعت کے تمام رہنماؤں کے شکر گزار ہیں، جو آگے آئے اور اب تک 15 ملین سے زیادہ عطیہ کر چکے ہیں۔ ہم اسے P@SHA سرگرمیوں کا آغاز سمجھتے ہیں ابتدائی تخمینہ 10 ملین عطیہ کرنے کا تھا، لیکن کمپنیوں کی فراخدلی مدد، ہمدردانہ اور انسانی ہمدردی کے ردعمل کی وجہ سے، اب امید ہے کہ عطیات 50 ملین سے تجاوز کر سکتے ہیں۔

مبشر لقمان کا مذید کہنا تھا کہ افواج پاکستان سب سے آگے ہے،ریسکیو آپریشن تو وہی کر سکتے ہیں 

سیلاب سے اموات،نقصانات ہی نقصانات،مگر سیاستدان آپس کی لڑائیوں میں مصروف، مبشر لقمان پھٹ پڑے

عمران خان نے کل اداروں کے خلاف زہر اگلا ہے،وزیراعظم

پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

باغی ٹی وی بلوچستان کے سیلاب متاثرین کی آواز بن گیا ہے.

عمران خان بہادر افواج کو اپنی سیاسی بیانیہ کا حصہ نہ بنائیں،شیری رحمان

وفاقی وزیر برائے ماحولیاتی تبدیلی سینیٹر شیری رحمان نے یومِ دِفاع کے موقع پر پیغام میں کہا ہے کہ 6 ستمبر 1965 کے شہداء، غازیوں اور پاک افواج کے بہادر جوانوں کو سلام پیش کرتی ہوں،

شیری رحمان کا کہنا تھا کہ اس دن ہماری بہادر افواج نے ملک کے دفاع کی ایک عظیم مثال قائم کی تھی، پوری قوم 6 ستمبر کے عظیم شہداء اور ان کے خاندانون کو سلام پیش کرتی ہے، پاکستان کی بہادر مسلح افواج نے ہمیشہ جرات اور بہادری سے پاکستان کی سرحدوں کا دفاع کیا ہے، پاک افواج نے ملک کے خلاف ہر جنگ اور سازش کو ناکام بنایا ہے، ہر شہری کو بہادر افواج پر فخر ہے، ملک کے دفاع و سلامتی کے مشن میں پوری قوم پاک افواج کے شانہ بشانہ کھڑی ہے، افسوس کے آج کل عمران خان پاک فوج کے جرنیلز کے بیچ کشمکش پیدا کرنے کی کوشش کر رہے ہیں، ان کو چاہئے وہ پاکستان کی بہادر افواج کو اپنے سیاسی بیانیہ کا حصہ نہ بنائیں،

مادروطن کے دفاع میں مسلح افواج کا کردار ناقابل فراموش ہے،خالد مقبول صدیقی
رہنما ایم کیو ایم خالد مقبول صدیقی کا کہنا ہے کہ مادروطن کے دفاع میں مسلح افواج کا کردار ناقابل فراموش ہے پاک فوج کے جوان ہمیشہ دشمنوں کے سامنے آہنی دیوار ثابت ہوئے، وطن کے دفاع میں مسلح افواج نے جو قربانیاں دی ہیں وہ قوم کا اثاثہ ہیں پاک فوج نے ہر مشکل وقت اور قدرتی آفات میں عوام کی بحالی کیلئے خدمات انجام دیں، لاکھوں جوان اس وقت بھی سیلاب متاثرین کی آبادکاری اور ریسکیو عمل میں مصروف ہیں،

قائد ملت جعفریہ پاکستان علامہ ساجد نقوی نے کہا ہے کہ ملکی خود مختاری پر کوئی سمجھوتہ قبول نہیں ، دفاعی سلامتی کےساتھ داخلی سلامتی کےلئے بھی قوم متحد ہو،علامہ ساجد نقوی کا کہنا تھا کہ قوم کو مختلف ایشوز پر منقسم کرکے ملک کو کھوکھلا کرنے کی سازشیں کی گئیں اب بھی قوم میں تفریق کا بیج بونے کی کوششیں کی جارہی ہیں جسے کسی صورت کامیاب نہیں ہونے دینگے،سیلاب سے پورا ملک متاثر ہے، دکھی پاکستانی امداد کے منتظر ہیں، سیلاب متاثرین کی امداد کے لئے حکومت سمیت تمام رفاحی، فلاحی، مذہبی اداروں و تنظیموں کی کاوشیں لائق تحسین ہیں، آخری متاثر شخص کی بحالی تک اسی جذبے کےساتھ کام کرنے کی ضرورت ہے،

لاہور پولیس سرحدوں کے دفاع کیلئے پاک فوج کے شانہ بشانہ ہے،سی سی پی او لاہور
سی سی پی او لاہور غلام محمود ڈوگر کا کہنا ہے کہ ملکی بقا اور سلامتی کے لئے پاک فوج کے جذبہ ایثار و قربانی کی کہیں مثال نہیں ملتی،آج کے دن افواج پاکستان نے دشمن کے ناپاک عزائم کو خاک میں ملایا،لاہور پولیس ملک کی اندرونی، بیرونی اور نظریاتی سرحدوں کے دفاع کیلئے پاک فوج کے شانہ بشانہ ہے،یوم دفاع وطن کے لیے جانوں کا نذرانہ پیش کرنے والے شہدا سے تجدید عہد کا دن ہے،پولیس فورس کے افسران اور جوانوں نے دہشت گردی کے خلاف جنگ میں ہراول دستے کا کردار ادا کیا ہے،دشمن ممالک سوشل میڈیا وار کے ذریعے ہماری نظریاتی سرحدوں پر حملہ آور ہیں،ہمیں ففتھ جنریشن وار میں اپنی نئی نسل کی اخلاقی،دینی اور سماجی اقدار کا دفاع اور تربیت کرنا ہے،لاہور پولیس نے اندرونی سرحدوں اور شہریوں کی حفاظت کیلئے قیمتی جانوں کا نذرانہ پیش کیا پاکستان انشا اللہ اسلام کا قلعہ ہے اور ہمیشہ رہے گا،

الحمراء میں یوم دفاع پُروقار اور سادگی سے منایا گیا۔1965کی جنگ کے شہداء کے بلند درجات کے لئے دعا کی گئی۔ ایگزیکٹو ڈائریکٹر الحمرا محمد رفیع اللہ ٗ تمام افسران وملازمین نے پاک فوج کے بہادر سپوتوں کو خراج تحسین پیش کیا۔ایگزیکٹوڈائریکٹر الحمراء محمد رفیع اللہ کا کہنا تھا کہ یوم دفاع جنگ ستمبر کی عظیم قربانیوں کی یاد دلاتا ہے۔اس دن ہمارے وطن کے بہادر سپوتوں نے نئی تاریخ رقم کی۔

پاکستان شہیدوں، غازیوں کی امانت ہے ،سینیٹر کامل علی آغا
پاکستان مسلم لیگ پنجاب کے جنرل سیکرٹری سینیٹر کامل علی آغا نے کہا ہے کہ6 ستمبر یوم دفاع پاکستان افواج پاکستان کی بے مثال اور لازوال فتح کا دن ہے۔ 6 ستمبرکا دن شہدا اور غازیوں کی قربانیوں کو خراج تحسین پیش کرنے کا دن ہے۔ ستمبر 1965 ء جنگ کا سب سے بڑا ہتھیار اتحاد اور قومی جذبہ تھا، آج تعمیر پاکستان کے لیے ستمبر 1965 ء والے قومی جذبہ اور حب الوطنی کے مظاہرے کی ضرورت ہے، دفاع وطن پر قربان ہونے والے بری بحری فضائی جوانوں افسروں کی قربانیوں کی وجہ سے آج 21 کروڑ سے زائد عوام آزاد فضاؤں میں سانس لے رہے ہیں، پاکستان شہیدوں، غازیوں کی امانت ہے ہر شہری اس سے پیار کرے اور اس خطہ زمین کی قدر کرے۔

ان خیالات کا اظہار انہوں نے مسلم لیگ ہاؤس میں مسلم لیگ کارکنوں سے یوم دفاع پاکستان کے موقع پر گفتگو کرتے ہوئے کیا۔ سینیٹر کامل علی آغا نے کہا کہ 1965کے معرکے میں بھارت کے بزدلانہ حملے کے جواب میں پوری پاکستانی قوم نے دشمن کو منہ توڑ جواب دیا۔بھارت کے ناپاک عزائم اور پاکستان پر قبضے کی سازش کو عبرتناک شکست ہوئی پاکستان کے غیور عوام ان عظیم شہداء کی قربانیوں کو کبھی فراموش نہیں کرینگے۔ یوم دفاع پاکستان ہمارے وقار اور جرات کی علامت ہے اس دن افواج پاکستان اور غیور قوم نے مل کر عیار دشمن کو شکست فاش دی،آج ہمیں اسی جذبہ کو فروغ دے کر ملک کو اندرونی و بیرونی خطروں سے بچانے کیلئے افواج پاکستان کے ساتھ کھڑا ہونا ہے ستمبر1965میں دشمن نے ہماری آزادی کو چیلنج کیا اور ہم نے اپنے دفاع کے لئے ہر طرح کی قربانی دے کر دشمن کو شکست فاش دی۔ہمارے شہدا ء کی لازوال قربانیوں کی بدولت وطن عزیر پوردنیا میں سرخرو ہوا افواج پاکستان کے بہادر سپوتوں نے اپنی جانوں کی قربانی دے کر ہمارے آج کی حفاظت کی ہے۔انہوں نے کہا کہ 6ستمبر وطن سے تجدید عہد وفا کا دن ہے۔ہمیں ایک مستحکم خوشحال اور مضبوط پاکستان کے لئے اپنے اختلافات کو بھلا کر جدوجہد کرنے کی ہے شہیدوں کا خون رنگ لائے گا اور پاکستان حقیقی معنوں میں خوشحال و ترقی کی راہوں پر گامزن ہوگا

الیکشن پر کسی کو کوئی شک ہے تو….ترجمان پاک فوج نے اہم مشورہ دے دیا

فوج کو سیاست میں نہ گھسیٹا جائے ، دعا ہے علی سد پارہ خیریت سے ہو،ترجمان پاک فوج

طاقت کا استعمال صرف ریاست کی صوابدید ہے،آپریشن ردالفسار کے چار برس مکمل، ترجمان پاک فوج کی اہم بریفنگ

انسداد دہشت گردی جنگ تقریبا ختم ہو چکی،نیشنل امیچورشارٹ فلم فیسٹیول سے ڈی جی آئی ایس پی آر کا خطاب

افغان امن عمل، افغان فوج نے کہیں مزاحمت کی یا کرینگے یہ دیکھنا ہوگا، ترجمان پاک فوج

افغان وار کی سب سے زیادہ قیمت پاکستان نے چکائی، ترجمان پاک فوج

پاکستان نے چین کے صوبے سنکیانگ میں انسانی حقوق کے بارے میں اقوام متحدہ کے ہائی کمشنر برائے انسانی حقوق کی رپورٹ کا نوٹس لیتے ہوئے کہا ہے کہ اسلام آباد بیجنگ کی جانب سے ایغور مسلمانوں کی سماجی و اقتصادی ترقی، ہم آہنگی اور امن و استحکام کے لیے کوششوں کی حمایت کرتا ہے۔

ایک خبر کے مطابق: اقوام متحدہ کی جانب سے یکم ستمبر کو جاری رپورٹ میں طویل عرصے کے بعد جاری ہونے والی رپورٹ میں چین کے دور دراز مغربی خطے سنکیانگ میں ایغور مسلمانوں اور دیگر اقلیتوں کے حقوق کی سنگین خلاف ورزی کے ذکر کے ساتھ ساتھ سرگرم گروپوں، مغربی ممالک میں جلاوطن ایغور کمیونٹی کی طرف سے طویل عرصے سے لگائے جانے والے بہت سے الزامات پر اقوام متحدہ کی مہر لگائی گئی تھی۔

رپورٹ میں کہا گیا تھا کہ ایغور کمیونٹی اور دیگر مسلمان برادریوں کے اراکین کے ساتھ ناروا سلوک اور امتیازی حراست بین الاقوامی جرائم، خاص طور پر انسانیت کے خلاف جرائم کو جنم دے سکتے ہیں۔ رپورٹ میں عالمی برادری کی طرف اشارہ کرتے ہوئے کہا گیا کہ اب دنیا کو سنکیانگ میں انسانی حقوق کی خلاف ورزی کی صورتحال پر توجہ مرکوز کرنی چاہیے۔
تحریر جاری ہے‎

اقوام متحدہ میں انسانی حقوق کی سربراہ مشل بیچلیٹ نے فیصلہ کیا کہ سنکیانگ کے ایغور خود مختار خطے میں صورتحال کی مکمل تشخیص کی ضرورت ہے۔ اقوام متحدہ کی اس رپورٹ کو تیار ہونے میں ایک سال لگا اور رپورٹ جاری ہونے کی چین نے سخت مخالفت کی ہے۔

اے ایف پی کو لکھی گئی ای میل میں مشل بیچلیٹ نے کہا کہ ’میں نے کہا تھا کہ اپنی مدت پوری ہونے سے قبل میں یہ رپورٹ جاری کروں گی اور میں نے کر دکھایا۔‘ انہوں نے کہا کہ کچھ ریاستوں کی جانب سے انسانی حقوق کی سنگین خلاف ورزیوں کو سیاست کی نظر کرنا مددگار ثابت نہیں ہوگا۔

اس رپورٹ پر رد عمل دیتے ہوئے پاکستان کے دفتر خارجہ کی جانب سے جاری بیان میں کہا گیا ہے کہ اقوام متحدہ کے ذمہ دار رکن کی حیثیت سے کثیرالجہتی عزم کے ساتھ پاکستان اقوام متحدہ کے چارٹر کے ان تمام اصولوں و ضوابط پر یقین رکھتا ہے جن میں سیاسی آزادی، خودمختاری اور ریاستوں کے اندرونی معاملات میں عدم مداخلت کا احترام شامل ہے۔

ڈان کے مطابق: دفتر خارجہ کا کہنا ہے کہ ہمارا یہ مستقل مؤقف ہے کہ انسانی حقوق کے عالمی احترام کو فروغ دینے کے لیے سیاست سے بالاتر، عالمگیریت، معروضیت، مکالمہ اور تعمیری بات چیت اہم ترین ذرائع ہونے چاہییں۔ ترجمان دفتر خارجہ کا کہنا ہے کہ پاکستان سنکیانگ میں سماجی و معاشی ترقی، ہم آہنگی اور امن و استحکام کے لیے چین کی کوششوں کی حمایت کرتا ہے۔

پاکستانی دفتر خارجہ نے کہا کہ چین نے گزشتہ 35 برسوں کے دوران 70 سے زیادہ لوگوں کو غربت سے نکالنے میں کامیابی حاصل کی ہے، اس طرح سے وہاں کے عوام کے حالات زندگی میں بہتری آرہی ہے اور وہ بنیادی انسانی حقوق سے لطف اندوز ہو رہے ہیں۔ ترجمان دفتر خارجہ نے کہا کہ ہم اقوام متحدہ کے انسانی حقوق کے نظام کے ساتھ چین کے تعمیری کردار کو سراہتے ہیں۔ دفتر خارجہ کی جانب سے جاری بیان میں مزید کہا گیا ہے کہ پاکستان اقوام متحدہ کے چارٹر کے اصولوں کے مطابق تمام انسانی حقوق کو عالمی سطح پر آگے بڑھانے کے لیے اپنے مستقل عزم کا اعادہ کرتا ہے۔

واضح رہے کہ رواں سال اگست میں سبکدوش ہونے والی اقوام متحدہ کے انسانی حقوق کی سربراہ مشیل بیچلیٹ نے اپنا عہدہ چھوڑنے سے قبل چین کے صوبہ سنکیانگ میں انسانی حقوق کی صورت حال سے متعلق پہلے سے تیار رپورٹ جاری کی تھی۔

خیال رہے کہ: چین پر کافی عرصے سے اپنے اس خطے میں ایغور برادری سمیت دیگر 10 لاکھ افراد کو حراست میں رکھنے کا الزام عائد کیا جارہا ہے جبکہ بیجنگ سختی سے ان الزامات کی تردید کرتا آیا ہے اور وضاحت پیش کی ہے کہ انتہا پسندی کی روک تھام کے لیے پیشہ ورانہ مراکز چلائے جارہے ہیں۔ اقوام متحدہ کی رپورٹ میں کہا گیا ہے کہ چینی حکومت کی جانب سے انسداد دہشت گردی اور انسداد انتہا پسندی کی حکمت عملیوں کے اطلاق کے تناظر میں سنکیانگ کے خود مختار ایغور خطے میں انسانی حقوق کی سنگین خلاف ورزیوں کا ارتکاب کیا گیا ہے۔ جبکہ تشخیص میں چین کے نام نہاد پیشہ ورانہ تعلیمی اور تربیتی مراکز میں قید لوگوں کے علاج پر سنگین خدشات کا اظہار کیا گیا ہے۔ رپورٹ میں کہا گیا ہے کہ تشدد یا بدسلوکی کے الزامات، بشمول جبری طبی علاج اور حراست کے منفی حالات، قابل اعتبار ہیں، جیسا کہ جنسی اور صنفی بنیاد پر تشدد کے انفرادی واقعات کے الزامات سامنے آئے ہیں۔

تاہم اقوام متحدہ کے انسانی حقوق کے دفتر نے اس بات کی تصدیق نہیں کی کہ چین کے پیشہ ورانہ تعلیمی و تربیتی مراکز میں کتنے لوگ متاثر ہیں مگر اس بات کی نشاندہی کی گئی ہے کہ پورے خطے میں یہ سسٹم وسیع پیمانے پر پھیلا ہوا ہے۔
جنیوا میں چین کے مشن نے اس رپورٹ پر سخت تنقید کی اور اسے جاری کرنے کے خلاف اپنی سخت مخالفت کو برقرار رکھتے ہوئے سنکیانگ کی صوبائی حکومت کی جانب سے خطے میں بیجنگ کی پالیسیوں کا دفاع کرنے والی 121 صفحات پر مشتمل دستاویز شیئر کی ہے۔ رپورٹ میں کہا گیا ہے کہ ’چین مخالف قوتوں کی طرف سے من گھڑت جھوٹ اور غلط معلومات کی بنیاد پر مبنی نام نہاد ‘تشخیص’ چین کے قوانین اور پالیسیوں کو مسخ کرتی ہے، اور چین کے خلاف بے بنیاد الزام تراشی کرتی ہے، جبکہ یہ چین کے اندرونی معاملات میں مداخلت ہے۔‘

دستاویز میں کہا گیا ہے کہ ’سنکیانگ میں تمام نسلی گروہوں کے لوگ امن اور اطمینان کے ساتھ خوشگوار زندگی گزار رہے ہیں، یہ انسانی حقوق کا سب سے بڑا تحفظ اور انسانی حقوق کا بہترین عمل ہے۔‘ غیر سرکاری تنظیموں اور مہم گروپوں کا کہنا ہے کہ رپورٹ کو مزید کارروائی کے لیے لانچ پیڈ کے طور پر کام کرنا چاہیے۔

ایغور کون ہیں؟

چین کے جنوبی صوبے سنکیانگ میں مسلم اقلیتی برادری ‘ایغور’ آباد ہیں جو صوبے کی آبادی کا 45 فیصد ہیں۔ سنکیانگ سرکاری طور پر چین میں تبت کی طرح خودمختار علاقہ کہلاتا ہے۔ کئی سال سے ایسی خبریں گردش کر رہی ہیں کہ ایغور سمیت دیگر مسلم اقلیتوں کو سنکیانگ صوبے میں قید کرلیا جاتا ہے لیکن چین کی حکومت ان خبروں کو مسترد کر رہی ہے۔ اقوام متحدہ کی رپورٹ میں کہا گیا ہے کہ چینی حکومت کی جانب سے انسداد دہشت گردی اور انسداد انتہا پسندی کی حکمت عملیوں کے اطلاق کے تناظر میں سنکیانگ کے خود مختار ایغور خطے میں انسانی حقوق کی سنگین خلاف ورزیوں کا ارتکاب کیا گیا ہے۔