Tag: تازہ ترین

دوران پرواز جیولر کا دو کروڑ روپے مالیت کا 1542 گرام سونا چوری ہوگیا ہے.

دبئی سے پاکستان لایا جانے والا دو کروڑ روہے مالیت کا سونا دوران پرواز چوری ہوگیا، پرواز اترنے پر تلاشی کے باوجود سیکیورٹی حکام سونا برآمد نہ کرسکے۔ پاکستان کی فضائی تاریخ کی سب سے بڑی چوری کا واقعہ سامنے آگیا، دوران پرواز جیولر کا دو کروڑ روپے مالیت کا 1542 گرام سونا چوری ہوگیا۔

نجی ایئرلائن کی پرواز نمبر ای زید 335 سے کراچی آنے والے مسافر جیولر محمد مونس نجی ایئرلائن کی پرواز سے چار ستمبر کی سہ پہر کراچی آرہا تھا۔ متاثرہ جیولر محمد مونس نے نجی ٹی وی سے گفتگو میں واقعے کی تفصیل کچھ اس طرح بتائی کہ دورانِ پرواز سیٹ کے اوپر لگیج میں رکھے بیگ سے ڈیڑھ کلو سونا غائب ہوا۔

محمد یونس نے نجی ٹی وی کو بتایا کہ سونے کی گمشدگی کی اطلاع فوری طور پر طیارے کے عملے کو دی، جس پر عملے نے سیکیورٹی حکام کو مطلع کیا اور جہاز لینڈ کرنے کے بعد سونے کی تلاش میں پاکستان ایئرپورٹ سیکیورٹی فورس نے مسافروں کی سو فیصد اسکیننگ کی تاہم سونا برآمد نہ ہوسکا۔

ذرائع کے مطابق مسافر محمد مونس قانونی طریقے سے ایکسپورٹ کیے گئے زیورات کی نصف قیمت سونے کی شکل میں واپس لارہا تھا اور سونے کی پاکستان آمد کے بارے میں کسٹم حکام کو پیشگی اطلاع دی گئی تھی، سونا کراچی کے نورتن جیولر کی ملکیت تھا۔

ڈیوٹی پر تعینات کسٹم حکام نے ایکسپریس نیوز کو بتایا کہ مسافر کی رپورٹ پر جہاز کی تفصیلی تلاشئ لی گئی اور تمام مسافروں اور سامان کی بھی 100 فیصد سکریننگ کی گئی تاہم سونا کسی مسافر سے برآمد نہ ہوسکا کسٹم حکام نے امکان ظاہر کیا کہ چوری کا واقعہ دبئی ایئرپورٹ سے روانگی کے وقت پیش آیا ہو تاہم متاثرہ مسافر کا دعوٰ ہے کہ دوران پرواز سونے کی موجودگی کی تصدیق کی تھی سونا دوران پرواز ہی چوری ہوا ہے۔

نئے ہفتے کے پہلے دن ڈالر52 پیسے مہنگا ہوکر 219روپے50پیسے کا ہوگیا۔ دوپہر 12 بجے کے بعد انٹر بینک میں ڈالر62پیسےمہنگا ہو کر 219روپے60پیسےکاہوگیا۔ اوپن کرنسی مارکیٹ میں بھی امریکی ڈالر کی قیمت فروخت 229 روپےپر پہنچ گئی ہے۔

جمعہ کو انٹربینک میں ڈالر 38 پیسے مہنگا ہوکر 218.98 روپے پر بند ہوا تھا۔ اوپن کرنسی مارکیٹ میں ڈالر 4 روپے مہنگا ہوکر 223 روپے پربند ہوا تھا۔ کرنسی ڈیلرز نے کہا تھا کہ آئی ایم ایف پروگرام بحال ہونے سے روپیہ تگڑا اور ڈالر کمزور ہوگا تاہم ڈالر کی قدر میں اتارچڑھاؤ دیکھا گیا۔اگست میں درآمدات اور تجارتی خسارہ بڑھنے سے روپے پر دباؤ آیا۔

بین الاقوامی مالیاتی فنڈ (IMF) آئی ایم ایف کی جانب سے جاری ہونے والی نئی رپورٹ میں بتایا گیا کہ پاکستان کو رواں سال ضرورت سے بھی 2 ارب 57 کروڑ ڈالر اضافی بیرونی قرض ملنے کا امکان ہے، اور اس سال پاکستانی زرمبادلہ کے ذخائر 16 کروڑ 20 لاکھ ڈالر تک پہنچ جائیں گے۔ رپورٹ کے مطابق پاکستان کو موجودہ مالی سال میں 30 ارب 75 کروڑ ڈالر کی فنانسنگ درکار ہے، اور اس وقت پاکستان کیلئے 33 ارب 33 کروڑ ڈالر بیرونی فنانسنگ دستیاب ہے۔

دوسری جانب امریکی ڈالر کے مقابلے میں 20 سال کی کم ترین سطح پر پہنچ گئی ہے۔ ایک یورو 5 ستمبر کو 0.9911 ڈالرز کا ہوگیا جو 20 سال میں سب سے کم ہے۔ یورو کی قدر میں یہ کمی اس وقت آئی جب روس نے کہا کہ وہ یورپ کے لیے اپنی مرکزی گیس پائپ لائن کو غیر معینہ مدت کے لیے بند کررہا ہے۔

روس کی جانب سے 2 ستمبر کو اعلان کیا گیا تھا کہ وہ جرمنی کے لیے قدرتی گیس کی سپلائی کو بحال نہیں کررہا جس کی وجہ Nord Stream 1 پائپ لائن میں آنے والی خرابی ہے۔ یورو کی قدر میں 2022 کے آغاز سے ہی کمی آرہی ہے جس سے یورپ میں کساد بازاری کا خطرہ بڑھ رہا ہے۔ جولائی میں اس کی قدر پہلی بار امریکی ڈالر سے کم ہوئی تھی۔

ماہرین کا کہنا ہے کہ اس سال یورو کے مقابلے میں امریکی ڈالر کی قدر میں اضافے کا سلسلہ جاری رہے گا۔ دوسری جانب برطانوی پاؤنڈ کی قدر میں بھی امریکی ڈالر کے مقابلے میں کمی آرہی ہے۔ اگست کے دوران پاؤنڈ کی قیمت میں ڈالر کے مقابلے 4.5 فیصد کمی آئی۔

ملک و قوم کی ترقی ہو یا کرکٹ کا میدان، ہر مشکل وقت میں نواز ہی کام آیا ہے.

پاکستان مسلم لیگ کے رہنما خواجہ سعد رفیق نے محمد نواز کی بھارت کے خلاف کارکردگی کو مسلم لیگ ن کے قائد نواز شریف سے تشبیہہ دی ہے۔ ٹوئٹر پر لیگی رہنما خواجہ سعد رفیق نے محمد نواز کی تصویر پر بنی ایک میم شیئر کی، جس میں قومی کھلاڑی کی تصویر پر درج تھا کہ ’میں بھی نواز ہوں‘۔

تاریخ گواہ ہے ملک کی ترقی ہو یا کرکٹ کا میدان مشکل وقت میں
نواز
ہی کام آیا ہے👏👏🇵🇰❤️🌺 pic.twitter.com/qD2qoqmGTa

— Khawaja Saad Rafique (@KhSaad_Rafique) September 4, 2022

اس میم پر ٹوئٹ کرتے ہوئے سعد رفیق نے لکھا کہ تاریخ گواہ ہے ملک کی ترقی ہو یا کرکٹ کا میدان، مشکل وقت میں نواز ہی کام آیا ہے۔

صحافی حسن ایوب نے "شکریہ نواز” لکھا تو اس پر بہت سارے لوگوں نے اپنا ردعمل دیتے ہوئے مختلف آراء دیں‌ہیں.

نواز شیف کا تو کوئ کمال نہیں اور نہ ہی آج تک اسنے ایسا کوئ کام کیا ہے کہ قومبکی عزت بنے۔ اب دوسرے نواز کا نام لیکر ہی زلت چھپانی ہے

— Manitara (@ManiDashy) September 4, 2022

ایک صارف نے لکھا کہ: نواز شریف کا تو کوئی کمال نہیں اور نہ ہی آج تک اسنے ایسا کوئ کام کیا ہے کہ قوم کی عزت بنے۔ اب دوسرے نواز کا نام لیکر ہی زلت چھپانی ہے.

ایک اور صارف نے لکھا: نیازی کی نحوست کرکٹ پر بھی اثرانداز تھی۔ 92 کا ورلڈ کپ ہو یا 2016 کی چیمپینز ٹرافی، دونوں دفعہ نواز شریف وزیراعظم تھے۔

جبکہ ایک صارف نے تو یہاں تک لکھ دیا کہ ہر نواز ملک کھانے والا نہیں ہوتا ہے جبکہ دنیاء بھر میں ملک کا نام روشن کرنے والا بھی ہوتا ہے لہذا ہمیں ان لوگوں سراہانا چاہئے ناکہ مزاق بنانا یا سیاست کرنی چایئے.

واضح رہے کہ متحدہ عرب امارات میں جاری ایشیا کپ ٹی ٹوئنٹی ٹورنامنٹ کے سپر فور مرحلے میں پاکستان نے دلچسپ مقابلے کے بعد بھارت کو آخری اوور میں 5 وکٹوں سے شکست دے کر گروپ میچ میں ہار کا حساب برابر کردیا۔ اس میچ میں شاندار آل راؤنڈ کارکردگی کا مظاہرہ کرنے والے محمد نواز پلیئر آف دی میچ قرار پائے تھے۔

وفاقی وزیر ماحولیاتی تبدیلی تبدیلی شیری رحمان سے اسلام آباد میں امریکی وفد کی ملاقات ہوئی ہے

وفد میں امریکی کانگریس کی رکن شیلا جیکسن لی، ٹام سوزی، آل گرین اور امریکی سفیر ڈونلڈ بلوم شامل تھے، ملاقات میں سیلاب سے متاثرہ علاقوں میں جاری امدادی سرگرمیوں پر تبادلہ خیال کیا گیا امریکی وفد کو متاثرین کی بحالی کے لیے درکار امداد ی کامو ں سے آگاہ کیا گیا، اس موقع پر شیری رحمان کا کہنا تھا کہ جنوبی علاقوں میں اب بھی پانی ہے جو انسانی صحت کے لیے خطرہ ہے،سیلاب سے3 کروڑلوگ متاثر ہوئے ہیں، پانی سے پیدا ہونے والی بیماریوں کی وجہ سے ہیلتھ ایمرجنسی کی طرف بڑھ رہے ہیں،سیلاب کے باعث ابھرتے ہوئے بحران سے نمٹنے کے لیے فوری امداد کی ضرورت ہے، امریکی وفد نے مون سون کی تباہ کاریوں پر گہری تشویش کا اظہار کیا امریکی وفد نے مشکل وقت میں پاکستان کے ساتھ مکمل تعاون کا اعادہ کیا،

قبل ازیں چیئرمین سینیٹ محمد صادق سنجرانی سے امریکی کانگریس میں پاکستانی کاکس کی چیئرپرسن کانگریس وومن شیلا جیکسن، رکن کانگریس تھامس سوازی اور پاکستان میں متعین امریکی سفیر ڈونلڈ بلَوم پر مشتمل امریکی وفد نے پارلیمنٹ ہاؤس میں ملاقات کی۔اسپیکر قومی اسمبلی راجہ پرویز اشرف، ڈپٹی چیئرمین سینیٹ مرزا محمد آفریدی، سینیٹر اعظم خان سواتی اور سینیٹر دلاور خان بھی ملاقات میں موجود تھے۔چیئرمین سینیٹ نے اراکین کانگریس کے دورہ پاکستان کا خیرمقدم کیا اوروفد کے اعزاز میں عشائیہ بھی دیا۔چیئرمین سینیٹ نے امریکی وفد کو حالیہ شدید بارشوں کے نتیجے میں پیدا ہونے والی سیلابی صورت حال سے متعلق آگاہ کیا اور کہا کہ سیلابی صورت حال سے نمٹنے کیلئے امریکی تعاون پر شکر گزار ہیں۔موجودہ صورت حال میں یو ایس ایڈ کی سیلاب متاثرین کے لئے امداد نہایت اہمیت کی حامل ہے۔ چیئرمین سینیٹ نے امید ظاہر کی کہ یہ دورہ پاک، امریکہ تعلقات کو مزید گہرا کرنے اور دونوں ممالک کی پارلیمانوں کے درمیان تعلقات کو مضبوط بنانے میں اہم کردار ادا کرے گا۔ محمد صادق سنجرانی نے کہا کہ دونوں ممالک کے درمیان مزید اعلیٰ سطحی وفود کے تبادلے تعلقات کو مزید مضبوط بنانے میں کارگر ثابت ہونگے۔ پاکستان امریکہ کے ساتھ دوطرفہ، طویل مدتی اور کثیر الجہتی پائیدار تعلقات کا خواہاں ہے انہوں نے کہا کہ تیزی سے بدلتی ہوئی علاقائی صورتحال میں امن امان کے قیام کیلئے مذاکرات کا راستہ اپنانا ہوگا۔چیئرمین سینیٹ نے پاک، امریکہ دوطرفہ تجارتی اور اقتصادی تعلقات کو مضبوط بنانے کی ضرورت پر بھی زور دیا۔محمد صادق سنجرانی نے کہا کہ صحت، سیکیورٹی، انسداد دہشت گردی اور موسمیاتی تبدیلیوں سے نمٹنے کیلئے تعاون ناگزیر ہے۔ امریکی وفد نے حالیہ سیلاب کی وجہ سے ہونے والے جانی و مالی نقصان پر افسوس کا اظہار کرتے ہوئے کہا کہ اس مشکل وقت میں پاکستانی حکومت اور عوام کے ساتھ کھڑے ہیں۔ قدرتی آفات سے نمٹنے کے لیے پاکستان کی امداد جاری رکھیں گے۔ امریکی وفد نے کہا کہ خطے میں قیام امن کیلئے پاکستان نے کلیدی کردار ادا کیا ہے۔

بعدازاں امریکی وفد کے اعزاز میں دیئے گئے عشائیے کی تقریب سے خطاب کرتے ہوئے چیئرمین سینیٹ محمد صادق سنجرانی نے کہا کہ سیلابی صورت حال پر امریکی امداد کے شُکر گزار ہیں۔اس سال شدید سیلاب کی وجہ سے پندرہ سو لوگ جا ں بحق ہوئے،گھر، سڑکیں اور اسکولز تباہ ہو گئے ہیں۔ یہ ایک بہت بڑا چیلنج ہے۔ تمام مشکلات کو موقعے کے طور پر لیتے ہوئے ہمیں مل کر کام کرنا ہوگا۔ ترقی یافتہ ممالک پاکستان کی مدد کے لئے آگے آئیں۔ چیئرمین سینیٹ نے کہا کہ پاکستان موسمیاتی تبدیلی کے سبب سب سے زیادہ متاثر ہونے والے ممالک میں شامل ہے۔

امریکی کانگریس میں پاکستانی کاکس کی چیئرپرسن کانگریس وومن شیلا جیکسن نے عشائیے کی تقریب سے خطاب کرتے ہوئے کہا کہ پاکستان جیسے خوبصورت ملک میں خوش آمدید کہنے پر آپ کا شکریہ ادا کرتی ہیں۔ ہم سیلاب سے جانی اور مالی نقصان پر پاکستانی قوم سے یکجہتی کا اظہار کرتے ہیں۔ پاکستان میں تباہ شدہ گھر دیکھ کر بہت دُکھ ہواہے۔پاکستانی افواج اور حکومت نے سیلاب متاثرین کی امداد کیلئے بہترین کوششیں کی ہیں۔ وہ واپس امریکہ جا کر پاکستان کے لئے مزید امداد کی کوشش کریں گے۔ انہوں نے مزید کہا کہ پاکستان میں سینیٹ اور قومی اسمبلی میں خواتین کی نمائندگی دیکھ کر بہت خوشی ہوئی ہے۔پاکستان اور امریکہ کے تعلقات بہت مضبوط ہیں۔ سینتیس ہزار فل برائٹ سکالرز پاکستان میں اپنی خدمات انجام دے رہے ہیں۔شیلا جیکسن کا مزید کہنا تھا کہ وہ موسمیاتی تبدیلی سے مقابلے کے لیے پاکستان کے ساتھ ہیں۔ پاک، امریکہ تعلقات کا مستقبل روشن ہے۔ امریکہ میں پاکستانی کمیونٹی کا کردار بہت مثبت رہا ہے۔ عشائیے کی تقریب میں سینیٹرنصیب اللہ بازئی، سینیٹر فیصل سلیم رحمان، سینیٹر مشاہد حسین سید، سینیٹر بیرسٹر علی ظفر بھی موجود تھے

عمران خان کی الٹی شلوار کی تصویر ویڈیو ، حقیقت کیا؟

چیئرمین پی ٹی آئی عمران خان کی تقریر لائیو دکھانے پر پابندی کے خلاف کیس کی سماعت ہوئی

عدالت جاتے ہوئے بھی عمران خان پولیس والے ساتھ لے کر جاتے ہیں، آئی جی اسلام آباد

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے