Tag: تازہ ترین

اسلام آباد: احساس راشن رعایت:کس کس کوہوگا فائدہ یہ بھی اعلان کردیاگیا،اطلاعات کے مطابق حکومت نے احساس راشن رعایت میں کریانہ مالکان کے لیے 8 فی صد کمیشن کی منظوری دے دی۔

تفصیلات کے مطابق وفاقی وزیر اقتصادی امور عمر ایوب کی زیر صدارت اقتصادی رابطہ کمیٹی کا خصوصی اجلاس منعقد ہوا، جس میں ایک نکاتی ایجنڈے پر ہی غور کیا گیا۔

ذرائع کا کہنا ہے کہ اجلاس میں احساس راشن رعایت میں کریانہ مالکان کے لیے 8 فی صد کمیشن کی منظوری دی گئی ہے، کریانہ مالکان کو ہر سیل پر سبسڈی رقم کے ساتھ 8 فی صد کمیشن بھی دیا جائے گا۔

وزیر اعظم کی معاون خصوصی ثانیہ نشتر نے بتایا کہ خصوصی راشن کمیشن کا مقصد کریانہ مالکان کی حوصلہ افزائی ہے، اس پروگرام پر عمل درآمد نیشنل بینک کے اشتراک سے ہو رہا ہے، کریانہ مالکان کوفی سہ ماہی بذریعہ قرعہ اندازی انعامات دیے جائیں گے۔ثانیہ نشتر کا کہنا تھا کہ انعامات میں گاڑیاں، موٹر سائیکلز، موبائل فونز اور دیگر اشیا شامل ہیں۔

انھوں نے بتایا کریانہ مالکان کی رجسٹریشن بذریعہ ویب پورٹل جاری ہے، چھوٹے بڑے سب کریانہ مالکان اس پروگرام میں رجسٹر ہو سکتے ہیں، پروگرام میں شمولیت کے لیے کریانہ مالکان کا بینک اکاؤنٹ اور اینڈرائڈ فون ضروری ہے۔

معاون خصوصی نے کہا کہ نیشنل بینک کی شاخوں میں کریانہ مالکان کے اکاؤنٹ کھولے جا رہے ہیں۔

دوسری طرف یہ بھی اطلاعات ہیں کہ کریانہ مالکان نے دھڑا دھڑ اپنے اکاونٹ نیشنل بینک میں‌ کھولنے کے لیے اپلائی کرلیا ہے اوربہت بڑی تعداد اس کھیل میں‌شامل ہوجائے گی

اسلام آباد :سوشل میڈیا صارفین بھی حیران رہ گئے:کہتےہیں کہ مریم کی سج دھج کےبعد’کوئی دلہن کی طرف تو دیکھ ہی نہیں رہا،اطلاعات کے مطابق آج اسلام آباد میں سابق وزیراعظم نوازشریف کے نواسے اور مریم نواز کے صاحبزادے جنید صفدر کی شادی کے مناظر نے ایک نئی بحث چھیڑ دی ہے ،

اس اہم شادی کی خاص تقریب پر جس طرح مریم نواز اپنے بیٹےکی شادی پر بن ٹھن کرآئی ہیں اس کے سوشل میڈیا کے بے لگام تبصروں نے ایک عجیب ہی کیفیت بپا کردی ہے ، اسی حوالے سے بیٹے کی شادی کی تقریب میں مریم نواز کی سج دھج پر سوشل میڈیا پر گرما گرم بحث جاری ہے۔

سوشل میڈیا پر ملے جلے خیالات اور الفاظ کی جنگ جاری ہے۔ کوئی کہہ رہا ہے کہ دلہن سے زیادہ تو ساس کی تیاری کے چرچے ہیں تو کسی نے کہا کہ ساس نے بن سنور کر بہو کے حصے کی ساری توجہ اپنی جانب مرکوز کرلی، کوئی دلہن کی طرف تو دیکھ ہی نہیں رہا۔

تنقید کرنے والوں نے ایک کے بعد ایک طنز کے تیر چلائے۔ ایک خاتون بولیں ’بس ساس بے رنگ لباس پہن کر کونے میں کھڑی ہوجائیں تو سب مطمئن ہوجائیں گے، ان کی ہمت کیسے ہوئی کہ وہ حسین لگیں اور خوش نظر آئیں !‘

اس پر ایک صارف کا جواب آیا کہ ’بیٹے کی شادی پر تیاری کریں لیکن خود دلہن نہ بن جائیں۔‘

بعض نے یہ کہہ کربات ہی ختم کردی کہ اب بس کردیں مریم نواز کو بھی حق ہے اپنے بیٹے کی شادی پرخوشیوں کا، کسی نے تو یہ ہی کہہ دیا کہ امید ہے کہ اب مریم نوازدوبارہ سیاسی نہیں ہوں گی اور ایک اچھی ساس کی طرح اپنے بیٹے کے گھر کوآباد رکھنے میں توجہ دیں‌

کراچی:مہنگائی کنٹرول کرنے کیلئے اسٹیٹ بینک آف پاکستان کا انوکھامنصوبہ ،اطلاعات کےمطابق مہنگائی کنٹرول کرنے کے لیے سٹیٹ بینک آف پاکستان نے نئی مانیٹری پالیسی کا اعلان کرتے ہوئے شرح سود میں مزید ایک فیصد اضافہ کر دیا۔ جبکہ شرح سود 20 ماہ کی بلند ترین سطح پر پہنچ گئی ہے۔

اس حوالے سے آج کے اسٹیٹ بینک آف پاکستان کےاعلامیے کے مطابق زرعی شعبے کی نمو مضبوط نظرآتی ہے اور معاشی نمو 4 سے 5 فیصد اندازے کی اوپری سطح کے قریب ہوگی، معاشی نمو کے اندازوں میں آج شرح سود کا اضافہ شامل کرلیا ہے۔

اسٹیٹ بینک کی طرف سے جاری اعلامیے میں کہا گیا ہے کہ اومی کرون پر تاحال اس کی شدت کی معلومات کم ہے، کمیٹی سمجھتی ہے کہ پاکستان نے وبا کی دیگر قسموں کا مقابلہ کیا ہے۔

اسٹیٹ بینک آف پاکستان کے آج کے اعلامیے میں بتایا گیا ہے کہ کرنٹ اکاؤنٹ خسارہ سابقہ اندازوں سے بلند، 4 فیصد رہے گا، قلیل مدت میں کرنٹ اکاؤنٹ اور تجارتی خسارہ بلند رہیں گے جبکہ مالی سال کی دوسری ششماہی میں عالمی قیمتیں معمول پر آنے سے یہ مرحلہ وار کم ہوگا۔

اعلامیے کے مطابق کرنٹ اکاؤنٹ خسارہ بیرونی ترسیلات سے مکمل ادا ہورہا ہے، ادائیگی کیلئے زرمبادلہ ذخائر مالی سال کے دوران ضروری حد میں رہیں، عالمی قیمتوں اور مقامی طلب میں کمی زرمبادلہ ذخائر بڑھائیں گے۔ مہنگائی کی شرح 9 سے 11 فیصد ہوگی۔ مالی سال 2023میں مہنگائی کم ہوکر 5سے 7فی صد رہنے کا امکان ہے۔

نئی دہلی :ایشیائی ممالک میں کورونا معاشی پھیلائی،پاکستان مشکلات کے باوجود سنبھل گیا:ایشیائی ترقیاتی بینک کی تازہ رپورٹ ،اطلاعات کے مطابق ترجمان اے ڈی بی کے مطابق سال 2022 میں ایشیا کی معاشی ‏شرح نمو 5.3 فی صد رہنے کی توقع ہے۔

ایشائی ترقیاتی بینک (اے ڈی بی) نے سال 2022 میں ایشیا کی معاشی ترقی میں کمی کا امکان ‏ظاہرکیا ہے۔جبکہ پاکستان میں معاشی نموکوحوصلہ افزا قرار دیا،ایشیائی ترقیاتی بینک کا کہنا ہے کہ کورونا کےبڑھتے کیسزکی وجہ سے معاشی ‏نمو متاثر ہو سکتی ہے۔ ایشیائی ترقیاتی بنک خطرے کی ایک اور گھنٹی بجا دی ہے جبکہ بینک نے صوبہ پنجاب کے لیے 20 کروڑ ڈالر قرض ‏کی منظوری بھی دے دی ہے۔

ایشیائی ترقیاتی بینک (اے ڈی بی) نے 2021 کی رپورٹ جاری کردی ہے جس میں معاشی ترقی میں کمی کا خطرہ ظاہر کیا گیا ہے۔

اے ڈی بی کے مطابق سال ‏‏2022 میں ایشیا کی معاشی ترقی میں کمی کا امکان ہے۔ سال 2022 میں ایشیا کی معاشی ‏شرح نمو 5.3 فی صد رہنے کی توقع ہے۔

اے ڈی بی رپورٹ کےمطابق سال 2021 میں ‏ایشیا کی معاشی شرح نمو 7 فیصد تھی۔ ایشیائی ترقیاتی بینک رپورٹ کےمطابق کورونا کے بڑھنے کی وجہ سے معاشی شرح نمو ‏متاثر ہوسکتی ہے۔

اکتوبر کی نسبت نومبر میں کورونا کیسز میں اضافہ ہوا۔ ایشیا میں ‏ویکسین شدہ افراد کا تناسب 48.7 فیصد ، امریکا میں 58.1 فیصد ، یورپ میں 67.2 ‏فیصد جبکہ سنگاپور میں ویکسین شدہ افراد کا تناسب 91.9 فیصد ہے۔

ایشیائی ترقیاتی بنک نے صوبہ پنجاب کیلئے 20 کروڑ ڈالر قرض کی منظوری دے دی۔ ‏قرض کی رقم پنجاب میں ایریگیشن سسٹم میں بہتری کیلئے فراہم کی جائے گی۔۔ رقم زرعی ‏پیداوار اورغذائی تحفظ کے لیے استعمال کی جائے گی۔

اے ڈی بی کے ترجمان کے مطابق رقم کی ‏فراہمی سے 7 لاکھ 4 ہزار ایکٹر رقبے کو پانی کی فراہمی ممکن ہو سکے گی۔ بھکر، جھنگ، ‏خوشاب، لیہ اور مظفرگڑھ میں زرعی اراضی کو پانی ملے گا۔

کراچی:پی آئی اے کے لیے یورپ کے دروازے کھلنے کی امید پیدا ہوگئی ،اطلاعات کے مطابق یورپی یونین کی جانب سے پاکستانی جہازوں پر عائد پابندی کے خاتمے کی امید جاگ اٹھی۔

تفصیلات کے مطابق عالمی ہوابازی کی تنظیم (اکاؤ) کی جانب سے سول ایوی ایشن اتھارٹی(سی اے اے) کے آڈٹ سے متعلق مثبت پیش رفت سامنے آئی ہے جس کے بعد پاکستانی جہازوں پر عائد پابندی کے خاتمے کے امکانات ہیں۔

ذرایع کا کہنا ہے کہ سی اے اے کے اہم شعبہ جات کے آڈٹ سے متعلق عبوری رپورٹ جاری ہوئی ہے، اکاؤ نے سول ایوی ایشن کی 72.77فیصد رینکنگ جاری کردی۔

اس حوالے سے ذرائع نے یہ بھی بتایا کہ اکاؤ کی آڈٹ ٹیم 15دن میں حتمی رپورٹ ایس ایس سی کو فراہم کرے گی، اکاؤ کی رپورٹ کی سفارشات کی مد میں پاکستان پر پابندی ختم ہونے کے امکانات ہیں۔

‘اکاؤ کی جانب سے سگنی فیکنٹ سیفٹی کنسرن ختم کردی جائے گی’۔

خیال رہے کہ عالمی ہوابازی کی تنظیم نے سی اے اے کی جانب سے تیاریوں کو سراہا تھا۔ اکاؤ کی جانب سے رسمی رپورٹ چند ہفتوں میں منظر عام پر لائی جائے گی۔

اطلاعات کے مطابق قطر ایئر ویز نے پاکستان سے پروازوں کی تعداد میں اضافے کا اعلان کردیا، لاہور، اسلام آباد اور کراچی سے روزانہ 2، 2 پروازیں جبکہ پشاور اور سیالکوٹ سے روزانہ 1، 1 پرواز آپریٹ کی جائے گی۔

تفصیلات کے مطابق قطر ایئر ویز نے پاکستان سے پروازوں کی تعداد میں اضافے کا اعلان کردیا، قطر ایئر ویز پاکستان سے ہفتہ وار 56 پروازیں آپریٹ کرے گی۔

قطر ایئر ویز کراچی اور لاہور سمیت 5 شہروں سے دوحہ کے لیے پروازیں آپریٹ کرے گی۔قطر ایئر ویز کی لاہور، اسلام آباد اور کراچی سے روزانہ 2، 2 پروازیں جبکہ پشاور اور سیالکوٹ سے روزانہ 1، 1 پرواز آپریٹ کی جائے گی۔

لاہور سے دوحہ ہفتہ وار 14 پروازیں آپریٹ کی جائیں گی، ایئر لائن لاہور سے بذریعہ دوحہ 140 ممالک میں مسافروں کو رسائی دے گی۔قطر ایئر ویز نے پاکستان کے لیے 31 مئی 2022 تک کا شیڈول بھی جاری کردیا ہے۔

جنرل راوت کی موت پر تبصرے اورفوج کے اندربغاوت پرسوالات کیوں؟نوجوانوں پرمقدمات درج

کراچی: شاہ جی آپ جب بھی بولتے ہیں تو پتھرہی تولتے ہیں‌:ہم نے آپ کوموقع دیا مگرآپ ناکام ثابت ہوئے:اطلاعات کے مطابق وفاقی وزیر اسد عمر نے وزیراعلیٰ سندھ کی تقریر کو آئین کے منافی قرار دیتے ہوئے کہا کہ سندھ کے عوام کی بہتری کے لیےتمام آپشن استعمال کرینگے۔

تفصیلات کے مطابق کراچی میں پی ٹی آئی کی جانب سے اسٹیک ہولڈر کی آل پارٹیز کانفرنس کا انعقاد کیا گیا، پاک سرزمین اور مسلم لیگ (ن) کے علاوہ سندھ کی تمام اپوزیشن کو شرکت کی دعوت دی گئی تھی۔

آل پارٹیز کانفرنس سے خطاب کرتے ہوئے وفاقی وزیر اسد عمر نے کہا کہ کل وزیراعلیٰ سندھ کی جانب سے کی گئی تقریر سے صوبائی خودمختاری کی بات نہیں بلکہ آئین کی خلاف ورزی ہوئی ہے، ہم اس مسئلے پر قومی اسمبلی اور سینیٹ میں بھی آواز اٹھائیں گے اور سندھ کے عوام کی بہتری کےلیےتمام آپشن استعمال کرینگے۔

اسد عمر نے سندھ کو عوام کو مخاطب کرتے ہوئے کہا کہ میرے خیال میں اب سندھ کےعوام کےلیے فیصلے کا وقت ہے، آئین کے مطابق سندھ کے شہروں کےجو اختیارات چاہئیں اس کیلئے اب انتظار کرنےکو تیار نہیں۔

تقریب سے خطاب میں اسد عمر نے کہا کہ سندھ کے لوگوں کےمسائل مقامی حکومتوں میں ہی حل ہوسکتےہیں، ہمارا مطالبہ ہےکہ سندھ میں بھی میئر کو اختیارات دیئےجائیں، انہوں نے سندھ حکومت کو خبردار کیا کہ اگر سیاسی مقاصدلیکرچلیں گےتو کامیاب نہیں ہوسکتے۔

اسلام آباد:الیکشن کمیشن نے 8 نئی سیاسی جماعتیں رجسٹرڈ کرلیں:تعداد 135 ہوگئی،اطلاعات کے مطابق الیکشن کمیشن آف پاکستان نے ملک بھر سے آٹھ نئی سیاسی جماعتیں رجسٹرڈ کرلیں ہیں۔رجسٹرڈ سیاسی جماعتوں کی تعداد 135 ہوگئی۔

ذرائع کے مطابق ای سی پی میں رجسٹرڈ سیاسی جماعتوں کی تعداد 135 ہوگئی ہے۔نئی جماعتوں کی رجسٹریشن کے بعد الیکشن کمیشن نے تازہ ترین جماعتوں کی فہرست جاری کردی ہے،

الیکشن کمیشن آف پاکستان کی طرف سے جاری نوٹیفکیشن کےمطابق نئی رجسٹرڈ ہونے والی سیاسی جماعتوں میں عوامی تحریک، پاکستان محافظ پارٹی (نیشنل)، قومی عوامی تحریک پاکستان، پاکستان تحریک اتحاد، فرسٹ ڈیموکریٹ فرنٹ، پاکستان پیپلز الائنس، پاکستان عام آدمی موومنٹ اور کسان اتحاد بھی بھی نئی رجسٹرڈ سیاسی جماعتوں میں شامل ہیں۔

واضح رہے کہ 135 سیاسی جماعتوں میں سے صرف 16 سیاسی جماعتیں پارلیمان کا حصہ ہیں۔

یہ بھی یاد رہے کہ پاکستان میں اس وقت ن لیگ کویہ اعزاز حاصل ہے کہ اس کے ووٹوں میں دیگردرجنوں مذہبی اور علاقائی جماعتوں کا بھی ووٹ بینک شامل ہے اور اگر اس ساری صورت حال کو دیکھا جائے تو یہ بات غلط نہ ہوگی کہ ن لیگ کا بحیثیت پارٹی رکن ووٹ بہت ہی کم ہے

یہ بھی معلوم ہوا ہے کہ ن لیگ کے کل ووٹ میں سے اہلحدیث مکتبہ فکر کا 50 فیصد سے زائد ہے، اس میں اگرصورت حال کا جائزہ لیا جائے تویہ بات سامنے آتی ہے کہ پنجاب کے اکثراضلاع میں‌ اس مکتبہ فکر کے ووٹوں کی تعداد وہاں کے کل ووٹ کا 70 فیصد سے زائد ہے ، مگردوسری طرف یہ بات بھی بڑی قابل غورہے کہ اس قدر بڑا ووٹ رکھنے والے مکتبہ فکرمیں اتحاد واتفاق دور دور سے بھی نظر نہیں آتا جس کی وجہ سے اس مکتبہ فکر کے ووٹرز ہمیشہ سے پہلے پی پی اور اب پی ٹی ٹی اور پی پی کی مخالفت میں بے لوث اپنا ووٹ ن لیگ کو ڈال کراسے اپنا دینی فریضہ سمجھتے ہیں

دلچسپی کی بات ہے کہ 2018 کے عام انتخابات میں‌ اسی مکتبہ فکر کی ایک بڑی جماعت جسے کالعدم جماعت الدعوہ کے نام سے یاد کیا جاتا ہے نے ان انتخابات میں حصہ لیا ، بڑی منظم جماعت ہونے کے باوجود ن لیگ سے فطری محبت کی وجہ سے اس جماعت کے اپنے 65 فیصد سے زائد ووٹرز نے جماعت کی طرف سے ان انتخابات میں اللہ اکبر تحریک کے نام پر حصہ لینے والی جماعت کوووٹ نہیں دیا تھا

اس جماعت کے کارکنان کا اپنی جماعت کے امیدواروں کو ووٹ نہ دینے کی دوسری بنیادی وجہ یہ تھی کہ جماعت نے 31 سال سے زائد عرصہ کے دوران جمہوریت کو کفر اور ووٹ کوغیراسلامی قرار دے کر اپنے کارکنوں کی ذہن سازی کی تھی ، جس کی وجہ سے 2018 کے عام انتخابات میں جہادی نظریات کے حامل کارکنان اپنی جماعت کے الیکشن میں حصہ لینے کو غیرشرعی اور منہج کے خلاف سمجھتے رہے

اس طرح پنجاب میں دیگر مذہبی جماعتوں کا ووٹ بھی 20 سے زائد ہے ، اگر یہ جماعتیں ن لیگ کو ووٹ نہ دیں تو ن لیگ کو اپنا وجود بھی برقرار رکھنا مشکل ہوجائے

اس حساب سے دیکھا جائے تو ن لیگ ایک کثیرتعدادی سیاسی جماعت کا مجموعہ ہے جبکہ اس کے مقابلے میں پی ٹی آئی ،پی پی ،پاکستان مسلم لیگ اور ایم کیو ایم کودیگرجماعتوں کی اس طرح حمایت حاصل نہیں ہے جون لیگ کو حاصل ہے

ادھر پاکستان میں بھی سگریٹ نوشی کے خلاف مہم جاری ہے اور اس سلسلے میں مختلف تنظیمیں کسی نہ کسی طرح اس مہم کو جاری رکھا ہوا ہے

پچھلے دنوں مری میں بھی ایک ایسا ہی سیمینار ہوا تھا جس میں مختلف میڈیا تنظیموں کو دعوت دی گئی تھی تاکہ وہ عوام الناس کو سگریٹ نوشی کے نقصانات سے آگاہ کریں اور اس سے بچنے کی نصیحت کریں ،

اس سیمینار میں باغی ٹی وی کی ٹیم مدعو تھی جنہوں نے دنیا کو اس زہرسے بچانے کے لیے اپنے میڈیا پلیٹ فارم کو سگریٹ نوشی کے نقصانات سے خبردار رکھنے کے لیے اپنی مہم جاری کی ہوئی ہے

لندن :خالصتان کا قیام ناگزیر:بھارت ٹوٹنے کے قریب:دنیا بھرسے آوازیں آنے لگیں‌،اطلاعات کے مطابق خالصتان تحریک مزید زور پکڑنے لگی ہے اور تمام تر بھارتی مخالفت اور سازشوں کے باوجود بھارت میں سکھوں کے علیحدہ وطن کے لیے برطانیہ میں ریفرنڈم پانچویں مرحلے میں داخل ہو گیا ہے۔

برطانیہ کے شہر لندن میں ہونے والے ریفرنڈم کے پانچواں مرحلے کا آغاز 5 دسمبر کو ہوا۔انتظامیہ کا کہنا ہے کہ خالصتان ریفرنڈم کے نتائج اقوام متحدہ اور بین الاقوامی اداروں کے ساتھ شیئر کیے جائیں گے۔

برطانیہ کے مختلف شہروں میں ہونے والے ریفرنڈم میں 50 ہزار سے زائد افراد نے حصہ لیا تھا۔خالصتان عہدیداروں کا کہنا ہے کہ ریفرنڈم مستقبل میں امریکا، کینیڈا، آسٹریلیا اور بھارتی پنجاب کے علاقوں میں بھی کرایا جائے گا۔

بھارتی میڈیا نے سکھوں کے علیحدہ وطن کے لیے ہونے والے ریفرنڈم کو بدنام کرنے کی پوری کوشش کی تاہم اسکاٹ لینڈ یارڈ نے لندن میں سکھ فار جسٹس کے دفتر پر پولیس کے چھاپے کی تردید کر کے بھارتی میڈیا کی جانب سے خالصتان ریفرنڈم کو متنازع بنانے کیلئے گڑھے جانے والے جھوٹ کا پول کھول دیا تھا۔