Tag: تازہ ترین

گلگت بلتستان:جشن نوروزجوش و خروش سے منانے کا سلسلہ جاری ،اطلاعات کے مطابق مختلف سماجی اور ادبی تنظیمیں بھی رنگارنگ تقریبات منعقد کررہی ہیں، اسی سلسلے میں بہت سے تقریبات جاری ہیں اور اس تہوار کو منانے والے بڑے پرُجوش نظرآتے ہیں‌

ایران، تاجکستان، افغانستان اور دنیا کے دیگر مختلف مقامات کی طرح جشن نوروز آج بلتستان بھر میں شایان شان اور جوش و خروش کے ساتھ منایا جارہا ہے۔ مختلف مقامات پر جشن نوروز کے سلسلے میں خصوصی تقریبات کا اہتمام کیا گیا ہے، بچے رنگ برنگے انڈے لڑانے کی تیاریوں میں مصروف ہیں، جبکہ بڑے عمدہ لباس زیب تن کر کے عزیزوں اور رشتہ داروں کے گھروں میں عید ملنے میں مگن ہیں۔

جشن نوروز کے موقع پر اسکردو میں تقریبات کا اہتمام بھی ہے۔ اس کے علاوہ مختلف سماجی اور ادبی تنظیمیں بھی رنگارنگ تقریبات منعقد کررہی ہیں، جس میں بڑی تعداد میں لوگ شریک ہوں گے۔

اس سے پہلے کل نئے سال ‘نوروز’ کی تقریبات کے سلسلے میں موسم بہار کو منانے کے لیے، PNCA نے بروشاسکی ریسرچ اکیڈمی کے تعاون سے 17 مارچ 2022 کو ایک رنگا رنگ شام کا اہتمام کیا۔

تقریب جی بی کے مختلف باصلاحیت فنکاروں کی طرف سے جشن کے گانوں اور ڈانس پرفارمنس پر مشتمل تھی۔ تقریب کو مزید پروقار بنانے کے لیے PNCA کے لان میں کھانے اور دستکاری کے کچھ روایتی اسٹالز بھی تھے۔

سامعین نے PNCA میں ایک انتہائی رنگا رنگ اور خوشگوار شام کا مشاہدہ کیا کیونکہ یہ تقریب گلگت بلتستان کے فنکاروں اور فنکاروں کے ساتھ تہوار، روایتی لباس اور جشن بہاراں سے بھرپور تھی۔

کراچی:ہماری اخلاقی سپورٹ پی ٹی آئی کی موجودہ حکومت کے ساتھ ہے،اطلاعات کے مطابق پاک سرزمین پارٹی کے سربراہ مصطفی کمال نے کہا ہے کہ ہماری اخلاقی سپورٹ پی ٹی آئی کی موجودہ حکومت کے ساتھ ہے۔

پاک سر زمین پارٹی کے سربراہ مصطفی کمال نے سماجی رابطے کی ویب سائٹ ٹوئٹر پر اپنے ایک پیغام میں کہا کہ موجودہ حکومت سے تمام تر اختلافات کے باوجود اگر اس موجودہ حکومت کا نعم البدل سندھ میں پیپلز پارٹی اور ایم کیو ایم ہے تو پھر ہماری تمام اخلاقی سپورٹ پی ٹی آئی کی موجودہ حکومت کے ساتھ ہے۔

واضح رہے کہ آج وفاقی وزیر داخلہ شیخ رشید نے اپنے بیان میں کہا تھا کہ وزیراعظم عمران خان سے کہا ہے کہ سندھ میں گورنر راج نافذ کردیں، وزیراعظم آئین کے تحت سندھ میں گورنر راج لگاسکتے ہیں۔

عوامی مسلم لیگ کے سربراہ شیخ رشید کا کہنا تھا کہ سندھ ہاؤس میں خریدو فروخت جاری ہے ، اراکین کو 20، 20 کروڑ میں خریدا جارہا ہے، اچھا ہوگیا سندھ ہاؤس ایکسپوز ہوگیا ، ساری قوم عمران خان کے ساتھ کھڑی ہے اور وزیراعظم کا مورال ہائی ہے۔

شیخ رشید نے کہا کہ سندھ میں گورنر راج لگانے کے علاوہ اب کوئی دوسرا حل نہیں ہے کیونکہ سندھ حکومت ہارس ٹریڈنگ کرکے کھلم کھلا آئین کی خلاف ورزی کررہی ہے ، بلیک میلرزاور ووٹ بیچنے اور خریدنے والے کسی رعایت کے مستحق نہیں ہیں ، وزیر اعظم عمران خان کو اب سندھ میں گورنر راج لگانا پڑے گا۔

انہوں نے کہا کہ 25 فروری 2009 کو اس وقت کے وزیراعظم یوسف رضا گیلانی کی سفارش پر آئین کےآرٹیکل 237 کے تحت صدر آصف علی زرداری نے شہباز شریف کی حکومت کے خلاف 2 مہینے کے لئے گورنر راج نافذ کیا تھا، صوبہ سندھ میں آج تک تین گورنر راج لگ چکے ہیں۔

موجودہ حکومت سے تمام تر اختلافات کے باوجوداگر اس موجودہ حکومت کا نعم البدل سندھ میں پیپلزپارٹی اور ایم کیو ایم ہے تو پھر ہماری تمام اخلاقی سپورٹ پی ٹی آئی کی موجودہ حکومت کے ساتھ ہے۔ #PTIGovernment pic.twitter.com/EuCOg6zDdz

— Syed Mustafa Kamal (@KamalMQM) March 17, 2022

اس سے قبل میڈیا سے بات کرتے ہوئے وزیر داخلہ شیخ رشید نے کہا تھا کہ نسلی اوراصلی لوگ امتحان کے وقت ساتھ کھڑے ہوتے ہیں، امتحان کے وقت نخرے دکھانے کی سیاست پرلعنت بھیجتا ہوں، عمران خان کے ساتھ چٹان کی طرح کھڑا ہوں۔

انہوں نے کہا کہ کسی کے حق یا مخالفت میں ووٹ ڈالنا ایم این اے کاحق ہے، عمران خان ان کی بے وقوفیوں کی وجہ سے پہلے سے زیادہ مقبول ہوگئے، یہ ووٹ کوگڑھے میں ڈالنے جا رہے ہیں تاہم تحریک عدم اعتماد پراپوزیشن کوشکست ہوگی۔

شیخ رشید کا کہنا تھا کہ 27 مارچ کو ڈی چوک میں جلسہ ہوگا، 20 مارچ لاجزکےاطراف ایف سی اور رینجرزتعینات ہوں گے، قوم ضمیربیچنے والوں کا منہ کالا کرے گی ، امید ہے اتحادی عمران خان کے حق میں فیصلہ کریں گے۔

انہوں نے مزید کہا کہ عمران خان کو کامیابی ملے گی، وزیراعظم نے اتحادیوں سے رابطے جاری رکھنے کی ہدایت کی ہے، سندھ ہاؤس میں خریدوفروخت کی منڈی لگی ہوئی ہے جہاں پرائیویٹ فورس لائی گئی ہے۔

اسلام آباد:پاکستان سول ایوی ایشن اتھارٹی کی جانب سے فلائنگ اسکول لائسنس کی تجدید:ہرطرف خوشی کاسماں،اطلاعات کے مطابق اسکائی ونگز ایوی ایشن کمپنی نے اظہارمسرت کرتے ہوئے کہا ہے کہ پاکستان سول ایوی ایشن اتھارٹی کی جانب سے اپنے فلائنگ اسکول لائسنس کی تجدید کا اعلان کرتے ہوئے خوش ہے۔

ادارے کی طرف سے وضاحت کرتے ہوئےکہا گیا ہے کہ کی اسکائی ونگز لائسنس کی تجدید نہ ہونے پر پی سی اے اے کو جاری کردہ قانونی نوٹس بھی واپس لے رہا ہے۔اسکائی ونگز اپنی عظیم حمایت پر قوم کا شکر گزار ہے اور قوم کو یقین دلاتا ہے کہ کمپنی ہوابازی اور سیاحت کی صنعت کو ایک نئی سطح پر فروغ دے گی۔

اسکائی ونگز ڈی جی سی اے اے مسٹر خاقان مرتضیٰ اور ایڈیشنل ڈی جی ایئر مارشل جمال ارشد کے بھی شکر گزار ہیں کہ انہوں نے اس معاملے کو خوش اسلوبی سے حل کرنے میں ان کی حمایت کی۔اسکائی ونگز وہی کمپنی ہے جس نے ٹرک آرٹ ایئرکرافٹ، ون ڈے پائلٹ، ٹاپ گن 5 پروگرام اور سیاحت کے فروغ کی مختلف سرگرمیاں متعارف کرائی تھیں۔

اسکائی ونگز نے موہنجو دڑو کے لئے ڈے ٹرپ پروازیں بھی متعارف کرائی۔ اسکائی ونگز کا ایریل لائسنس نامعلوم وجوہات کی بنا پر مئی 2019 سے جاری ہونے کے لیے ابھی زیر التوا ہے، اسکائی ونگز نے پی سی اے اے پر زور دیا ہے کہ وہ جلد از جلد لائسنس جاری کرے جس سے پاکستان کو مختلف دیگر معاشی سرگرمیوں کے ساتھ ساتھ ایئر ایمبولینس سروس، بینر ٹوئنگ اور لیفلٹ ڈراپنگ جیسے نئے راستے تلاش کرنے میں مدد ملے گی

اسکائی ونگز کا کہنا ہے کہ اس سے کراچی کی اسکائی لائن تبدیل ہوجائے گی جہاں لوگ مستقبل قریب میں اڑتے ہوئے بل بورڈز یا بینرز کا مشاہدہ کریں گے۔ایریل ورکس لائسنس سے ہوابازی کی صنعت میں بھی نئی ملازمتیں پیدا ہوں گی۔
اسکائی ونگز جلد ہی مختلف سرگرمیوں کے لئے ایک بڑی بین الاقوامی ایئر لائنز کے ساتھ اپنے بین الاقوامی اتحاد کا اعلان کرے گا جس میں مشرق وسطیٰ کو تربیت یافتہ ہوابازی افرادی قوت کی برآمد تک محدود نہیں ہے۔

ادارے کی طرف سے کہا گیا ہے کہ مشرق وسطیٰ میں اسکائی ونگز کے ہیڈ آفس کی جانب سے مستقبل قریب میں این ایف ٹی اور کرپٹو کرنسیوں کو اپنانے کے بارے میں بھی بڑا اعلان کیا جائے گا۔

اسلام آباد :”ڈیزل”پاکستانیوں کیلیے بُری خبربن کرآنے والا:ملک میں بحران کا خدشہ ،اطلاعات کے مطابق سینیٹ کی قائمہ کمیٹی برائے پیٹرولیم نے ملک میں ڈیزل کے بحران کا خدشہ ظاہر کردیا۔اس حوالے سے پارلیمنٹ ہاؤس اسلام آباد میں سینیٹ کی قائمہ کمیٹی پٹرولیم کا اجلاس ہوا۔

اس حوالے سے چیئرمین کمیٹی سینیٹر عبدالقادر نے کہا کہ ملک میں ڈیزل کا ایک اور بحران پیدا ہونے کا خدشہ ہے ، ہر کمپنی کہہ رہی ہے کہ ڈیزل کی قلت ہونے والی ہے، ہرکوئی چیخ رہا ہے مگر حکومت کوئی اقدام نہیں کررہی۔

پاکستان اسٹیٹ آئل کے حکام نے کمٹی کو بتایا کہ پی ایس او کے پاس ڈیزل کا 26 دن کا ذخیرہ ہے۔حکام پی ایس او نے کہا کہ ریفائنریوں کو ڈیزل کے آرڈر دیئے گئے ہیں مگر وہ تیل نہیں دے رہیں، پرائس ڈیفرنشل کلیمز زیادہ ہونے سے تیل کمپنیاں سپلائی روک لیں گی تو ہمیں ڈر ہے کہ چھوٹی کمپنیاں بھی تیل دینا بند کردیں گی۔

پی ایس او حکام نے کہا کہ اگر ڈیزل کی قلت ہوئی تو پورے ملک میں مسئلہ ہوگا، ہم یہ سارا بوجھ نہیں اٹھا سکیں گے۔

چیئرمین کمیٹی نے کہا کہ یہ کوئی طریقہ نہیں کہ دس روپے کمی کی گئی تو کمپنیوں نے تیل دینا بند کردیا، اگر کوئی مسئلہ ہے تو اس پر لگاتار میٹنگز کریں، اگر کمپنیوں کا کوئی جائز مسئلہ ہے تو اس کو حل کیا جائے ۔

کمیٹی نے ملک میں ڈیزل بحران پیدا ہونے کا خدشہ ظاہر کرتے ہوئے سیکرٹری پیٹرولیم کو خط لکھنے کا فیصلہ کرلیا۔

واضح رہے کہ عالمی منڈی میں خام تیل کی قیمت 100 ڈالر فی بیرل ہے جب کہ حکومت نے آئندہ مالی سال کے بجٹ تک پیٹرولیم مصنوعات کی قیمتوں میں اضافہ نہ کرنے کاا علان کررکھا ہے۔

کورونا وبا کے دوران حکومت نے پیٹرولیم مصنوعات کی قیمتوں میں بڑی کمی کی تھی لیکن آئل کمپنیہوں نے مبینہ طور پر ملک میں تیل کا بحران پیدا کردیا تھا۔

لاہور:وزیراعظم عمران خان پرچوہدری شجاعت کی سورہ حجرات والی نصحیت اثرکرگئی ،اطلاعات کے مطابق وزیراعظم عمران خان جو کہ زرداری ، شہبازشریف اور فضل الرحمن کی طرف سے سخت مزاحمت کا سامنا کررہے تھے اور اس دوران سخت تنقید بھی برداشت کی ،جس کے جواب میں وزیراعظم نے بھی جوابی وار کیئے تو ایک نئی بحث چھیڑ دی گئی

ذرائع کے مطابق وزیراعظم چند دن پہلے فضل الرحمن کو ڈیزل کہہ کرپکاررہے تھے تو اس دوران چوہدری شجاعت حسین نے وزیراعظم کو مشورہ دیاکہ اپوزیشن کی دھمکیوں اور شرارتوں کے جواب میں اپنے مخالفین کو بگڑے ناموں سے نہ پکاریں‌ یہ چیز اللہ کو پسند نہیں ، چوہدری شجاعت حسین نے سورہ الحجرات کا حوالہ بھی دیا تھا

شاید یہی وجہ ہےکہ پہلے جلسوں‌ کی نسبت سوات والے جلسے میں وزیراعظم فضل الرحمن کے جارحانہ رویے کے باوجود مولانا فضل الرحمن کہہ کر پکارتے رہے ،

سوات میں عوامی جلسے سے خطاب کیا جس دوران عمران خان نے پی ڈی ایم کے صدر پر تنقید کرتے ہوئے انھیں ’مولانا فضل الرحمٰان‘ کہہ کر مخاطب کیا جس پر جلسے میں شریک شرکاء نے زور زور سے ڈیزل کے نعرے لگانا شروع کر دیے۔

بعد ازاں عمران خان نے معذرت کی اور کہا غلطی ہوگئی سوری! مولانا نہیں فضل الرحمان کیوں کہ میں عالم دین کی عزت کرتا ہوں۔

عمران خان نے مولانا سے سوال کیا کہ آپ 30 سال سے سیاست میں ہیں اور دین کے نام پر سیاست کررہے ہیں، میں آپ سے پوچھتا ہوں کیا آپ نے کبھی مغرب کے رہنماؤں سے اسلاموفوبیا کے خلاف سوال کیا؟

عمران خان نے مزید کہا کہ آپ مدرسے کے بچوں کو میرے خلاف جب نکالتے ہیں تو اب آپ کو شرم آنی چاہیے کہ آپ جسے یہودی لابی کہتے تھے اس نے وہ کام کر دکھایا جو آپ نے 30 سال میں نہیں کیا۔

یاد رہے کہ جے یو آئی ف کے سربراہ وزیراعظم عمران خان کے خلاف انتہائی نفرت انگیز الزام تراشی کرتےہوئے یہودی تک کہتے رہے ہیں اور یہ وہ الزام ہے کہ جس کی روک تھام کے لیے سخت سزا کا تصور پیش کیا گیا ہے ، ایسے ہی ن لیگ ،جے یو آیی ف، ن لیگ کی ذیلی تنظیم مرکزی جمعیت اہلحدیث اور ایسے ہی دیگر مخالفین کے سوشل میڈیا پیجز میں اس قدر نفرت اور غلیظ زبان استعمال کی جارہی ہے کہ اس کی مثال دنیا کے کسی گئے گزرے معاشرے میں بھی نہیں‌ ملتی

ادھر اس ٹکراو کے بعد چوہدری شجاعت حسین نےوزیراعظم کو سورہ حجرات کا مطالعہ کرنے کی نصیحت کی تھی

اسلام آباد:سوات جلسہ:ن لیگ کامطالبہ،الیکشن کمیشن نےقبول کرلیا:وزیراعظم،وزیراعلیٰ خیبرپختونخوا کو نوٹس جاری،اطلاعات کے مطابق سوات میں پاکستان تحریک انصاف کا جلسہ کرنے پرالیکشن کمیشن نے وزیراعظم عمران خان اور وزیراعلیٰ خیبرپختونخوا محمود خان کو نوٹس جاری کردیا ہے۔

الیکشن کمیشن کی جانب سے وزیراعظم، محمود خان، وزیر خارجہ شاہ محمود قریشی، وفاقی وزیر مراد سعید، صوبائی وزرا محب اللہ، ڈاکٹر امجد علی کو بھی نوٹس جاری کیا گیا، نوٹس ڈسٹرکٹ مانیٹرنگ آفیسر سوات کی جانب سے جاری کیا گیا۔

عمران خان اور دیگر کو سوات میں جلسہ کرنے اور قواعد وضوابط کی خلاف ورزی پر نوٹسز جاری کئے گئے۔نوٹس میں ہدایت کی گئی کہ وزیر اعظم، وزیر اعلیٰ، وفاقی وزراء اور صوبائی وزراء کو خود یا بذریعہ وکیل 18 مارچ کو پیش ہوں۔

خیال رہے کہ الیکشن کمیشن نے گزشتہ روز وزیر اعظم عمران خان کو سوات کا دورہ کرنے سے منع بھی کیا تھا، الیکشن کمیشن کی ہدایت کے باوجود وزیر اعظم نے سوات میں عوامی اجتماع سے خطاب کیا ہے، اس سے قبل بھی الیکشن کمیشن نے وزیر اعظم کو دیر میں جلسہ عام سے خطاب کرنے پر نوٹس جاری کیا تھا۔

الیکشن کمیشن کے نئے ضابطہ اخلاق کے مطابق کوئی بھی پبلک آفس ہولڈر انتخابات والے اضلاع کا دورہ نہیں کر سکتا، خیبرپختونخوا میں بلدیاتی انتخابات کا دوسرا مرحلہ 31 مارچ کو شیڈول ہے۔

وزیراعظم عمران خان نے کہا ہے کہ اسلام آباد کا سندھ ہاؤس ہارس ٹریڈنگ کا مرکز، بوریوں میں بھرے پیسے سے لوگوں کے ضمیر خریدے جارہے ہیں، مخالفین خوفزدہ ہیں کہ عمران خان کچھ عرصہ مزید رہا تو یہ سب جیلوں میں ہونگے، آنے والے دن فیصلہ کن، تینوں چوہوں کا شکار کر کے دکھاؤں گا، ایک ہی گیند سے 3 وکٹیں گراؤں گا۔

سوات میں پاکستان تحریک انصاف کے جلسے سے خطاب کرتے ہوئے وزیراعظم عمران خان نے کہا کہ سوات کے جنونی ٹائیگرز کا شاندار استقبال پر شکریہ ادا کرتا ہوں، بلدیاتی الیکشن میں صرف بلے کو ووٹ دینا ہے، تحریک انصاف کے نوجوان جوبلے کے خلاف کھڑے ہوئے وہ بیٹھ جائیں، ہم نے بلدیاتی الیکشن جیتنا ہے۔

عمران خان نے کہا کہ آج صبح اٹھ کراللہ کا شکرادا کیا، آج میرے لیے بہت خوشی کا دن ہے، اسلاموفوبیا کے خلاف قرارداد پاس کرانے کے لیے تین سال سے کوششیں کر رہے تھے، گستاخانہ خاکوں پر میں نے فیصلہ کیا تھا دنیا میں کیس لڑوں گا، پاکستان کی قرارداد کو57 ممالک نے مل کر پیش کیا، پوری دنیا کے مسلم ممالک سے مجھے مبارکباد کے پیغام آ رہے ہیں، آج بیرون ملک پاکستانی اور مسلمان بہت خوش ہے، کل بھارت کی عدالت نے فیصلہ دیا کہ مسلمان لڑکیاں حجاب نہیں کرسکتیں، اس کو کہتے ہیں اسلاموفوبیا، بھارت کی حکومت اسلام کے خلاف کام کرتی ہے۔

انہوں نے مزید کہا کہ مغرب میں مسلمانوں کے خلاف مہم چلائی گئی، مغرب نے دہشت گردی اور اسلام کو اکٹھا کر دیا تھا، اسلام کا دہشت گردی سے کوئی تعلق نہیں، ایسے تاثر دیا گیا جیسے اسلام کی وجہ سے دہشت گردی ہوتی ہے، تمام مسلم ممالک سے کہا اسلاموفوبیا کے خلاف ہم سب کومتحد ہونا ہوگا، اقوام متحدہ میں اسلاموفوبیا کے خلاف میں نے آوازبلند کی، شکر ہے ہماری کوششوں کی وجہ سے اقوام متحدہ نے قرارداد پاس کی۔