Tag: تازہ ترین

امریکی فوج کے سینٹرل کمانڈ یعنی سینٹ کام نے تصدیق کی ہے کہ انہوں نے ایران پر پانچ گھنٹے تک بمباری کی ہےایران نے بھی جوابی کارروائی میں تیل بردار جہازوں کو نشانہ بنایا ہے۔

سینٹ کام نے سوشل میڈیا پلیٹ فارم ’ایکس‘ پر جاری بیان میں بتایا کہ اس نے تیرہ جولائی کی رات ایران پر پانچ گھنٹے طویل بمباری کا ایک بہت بڑا مرحلہ مکمل کر لیا ہے اس حملے میں ایران کے ساحلی علاقوں بشمول بوشہر، چاہ بہار، جاسک، کنارک، ابو موسیٰ اور بندر عباس میں قائم فوجی ٹھکانوں کو نشانہ بنایا گیا۔

امریکی فورسز کا کہنا ہے کہ انہوں نے ایران کے ساحلی دفاعی نظام، میزائل اور ڈرون اڈوں کو تباہ کرنے کے لیے انتہائی جدید ہتھیاروں کا استعمال کیا ہے تاکہ ایران کی طرف سے سمندری جہازوں پر حملے کرنے کی طاقت کو ختم کیا جا سکے اس وقت مشرقِ وسطیٰ میں پچاس ہزار سے زیادہ امریکی فوجی الرٹ اور ہر وقت کارروائی کے لیے تیار کھڑے ہیں۔

ادھرایرانی نیوز ایجنسی ’مہر’ کے مطابق، صوبہ خوزستان کے شہر امیدیہ میں ہونے والے حملوں میں چار لوگ زخمی ہوئے ہیں اس کے علاوہ ایران کے جزیروں قشم، ابو موسیٰ اور کیش میں بھی دھماکوں کی ہولناک آوازیں سنی گئی ہیں عراق کے شمالی علاقے اربیل سے بھی یہ خبر آئی ہے کہ وہاں ایران کے مخالف کرد گروپ کے ایک ٹھکانے پر میزائل گرا ہے، تاہم فوری طور پر کسی جانی نقصان کی اطلاع نہیں ملی۔

امریکا کے ان حملوں کے جواب میں ایرانی پاسدارانِ انقلاب نے ایکشن لیتے ہوئے متحدہ عرب امارات کے دو بڑے تیل بردار سُپر ٹینکرز کو میزائلوں سے نشانہ بنایا ہے۔

متحدہ عرب امارات کی وزارتِ دفاع نے اس حملے کی تفصیل بتاتے ہوئے کہا ہے کہ ایران نے عمان کی سمندری حدود میں ان کے دو بڑے جہازوں ’مومباسا‘ اور ’باہیہ‘ پر دو کروز میزائل داغے جس سے دونوں جہازوں میں شدید آگ لگ گئی اس حملے میں جہاز پر سوار عملے کا ایک بھارتی شہری ہلاک ہو گیا جبکہ 8 دیگر افراد شدید زخمی ہوئے ہیں جن میں چار بھارتی اور دو یوکرینی باشندے شامل ہیں۔

متحدہ عرب امارات نے اس حملے کی سخت مذمت کرتے ہوئے عزم ظاہر کیا ہے کہ اسے بین الاقوامی قوانین کے تحت اپنے اثاثوں کا دفاع کرنے کا پورا حق حاصل ہے اور وہ ایران کے خلاف ہر ممکن قدم اٹھائے گا۔

دوسری طرف، ایرانی پاسدارانِ انقلاب نے اپنی صفائی پیش کرتے ہوئے سرکاری ٹی وی پر بیان دیا ہے کہ یہ دونوں جہاز قانون توڑ رہے تھے اور ”امریکا کے بہکاوے میں آ کر“ اپنے نیویگیشن (راستہ بتانے والے) سسٹم بند کر کے عمانی سمندری حدود سے گزر رہے تھےا بار بار خبردار کرنے کے باوجود جب یہ جہاز نہ رکے تو ان پر حملہ کر کے انہیں ناکارہ بنا دیا گیا۔

اس کے ساتھ ہی ایران نے بحرین میں قائم امریکی فوجی اڈے ’الجفیر‘ پر بھی میزائلوں اور ڈرونز سے حملہ کرنے کا دعویٰ کیا ہے جہاں ہتھیاروں کے گودام اور امریکی فوجیوں کی رہائش گاہ کو نشانہ بنایا گیا ہے۔

فرانس کے دارالحکومت پیرس کے قریب واقع تاریخی فونٹین بلو جنگل میں لگنے والی شدید آگ پر قابو پانے کے لیے 400 سے زائد فائر فائٹرز رات بھر کارروائی میں مصروف رہے، جبکہ حکام نے آگ بجھانے کے لیے 2 واٹر بمبار طیارے بھی طلب کر لیے ہیں۔

فرانسیسی حکام کے مطابق جنگل میں آگ ایک ہائی وے کے قریب شروع ہوئی، جو دیکھتے ہی دیکھتے تیز گرم ہواؤں کے باعث بڑے علاقے تک پھیل گئی آدھی رات تک آگ نے 800 ہیکٹر (تقریباً 1980 ایکڑ) سے زائد رقبے کو اپنی لپیٹ میں لے لیا تھا۔

فونٹین بلو جنگل پیرس سے تقریباً 70 کلومیٹر کے فاصلے پر واقع ہے اور یہ فرانس کے مشہور تاریخی مقامات میں شمار ہوتا ہے اسی علاقے میں واقع شاہی محل ماضی میں فرانسیسی بادشاہوں کی شکار گاہ اور خزاں کے موسم کی رہائش گاہ کے طور پر استعمال ہوتا رہا ہےآتشزدگی کے باعث پیرس کو فرانس کے شہر لیون اور جنوبی علاقوں سے ملانے والی اہم اے 6 ہائی وے کو بند کرنا پڑا اس کے علاوہ علاقے میں لگنے والی چھوٹی نوعیت کی دیگر آگ کے باعث تیز رفتار ٹرین سروس بھی متاثر ہوئی۔

فرانسیسی فائر سروس نے سماجی رابطے کی ویب سائٹ ایکس پر جاری بیان میں کہا کہ آگ بجھانے کی کارروائی جاری ہے حکام نے مقامی آبادی کو خبردار کیا ہے کہ آگ پر قابو پانے کے لیے استعمال ہونے والے کینیڈائر واٹر بمبار طیارے دریائے سین سے پانی حاصل کریں گے، جو پیرس کے وسط سے گزرتا ہے۔

ماہرین ماحولیات کے مطابق موسمیاتی تبدیلی کے باعث شدید گرمی، خشک سالی اور گرم ہواؤں میں اضافہ ہو رہا ہے، جو جنگلات میں آگ لگنے کے خطرات کو بڑھا رہا ہے حالیہ عرصے میں فرانس، اسپین، پرتگال اور یونان کے مختلف علاقوں میں جنگلاتی آگ نے ہزاروں ہیکٹر رقبے کو متاثر کیا ہے۔

اسپین کے جنوب مشرقی صوبے المیریا میں لگنے والی ایک بڑی آگ سے ہونے والی ہلاکتوں کی تعداد بھی بڑھ کر 13 ہوگئی ہے حکام کے مطابق حالیہ دنوں میں ایک 93 سالہ برطانوی خاتون جھلسنے کے باعث جان کی بازی ہار گئی۔

امریکا کی جانب سے ایران پر کیے جانے والے مسلسل حملوں کے بعد روس ایران کی مدد کیلئے میدان میں آ گیا-

میڈیا رپورٹس میں دعویٰ کیا گیا ہے کہ روس نے اپنا سب سے خاص اور جدید ترین ’ڈومز ڈے‘ فوجی طیارہ، جسے ’ٹی یو-214 پی یو‘ کہا جاتا ہے، ایران کے دارالحکومت تہران بھیج دیا ہےاس طیارے کو اڑتا ہوا کمانڈ سینٹر بھی کہا جاتا ہے، یہ روس کا وہ خاص جہاز ہے جو کسی بھی بڑی جنگ یا ہنگامی صورتحال کے وقت اڑان بھرتا ہے اور اس کے اندر بیٹھ کر روس کے بڑے لیڈر اور فوجی کمانڈر محفوظ طریقے سے پوری جنگ کو چلا سکتے ہیں اور اپنے ملک سے رابطہ رکھ سکتے ہیں۔

یہ طیارہ ایک ایسے وقت میں تہران پہنچا ہے جب امریکا اور ایران کے درمیان لڑائی حد سے زیادہ بڑھ چکی ہے اگرچہ امریکی صدر ڈونلڈ ٹرمپ نے جون کے مہینے میں جنگ بندی کا اعلان کیا تھا، لیکن پچھلے ہفتے آبنائے ہرمز کے سمندری راستے میں بحری جہازوں پر ہونے والے حملوں کے بعد یہ جنگ دو بارہ شروع ہو گئی ہے۔

اس طیارے کو تہران کی جانب بھیجنے کا مطلب یہ ہو سکتا ہے کہ روس اب ایران کے ساتھ جنگی معلومات شیئر کر رہا ہے، اسے سیاسی اور فوجی مشورے دے رہا ہے یا پھر کسی بڑے خطرے سے نمٹنے کے لیے مل کر منصوبہ بندی کی جا رہی ہے اور اس طیارے کا ایک مقصد ایران کی اعلیٰ قیادت کو وہاں سے نکالنا بھی ہوسکتا ہے۔

بھارت کی ریاست مدھیہ پردیش میں گائے کے تحفظ کے نام پر ایک شخص کے قتل کے مقدمے میں 14 افراد کو عمر قید کی سزا سنانے والی مسلمان خاتون جج کو مبینہ طور پر سوشل میڈیا پر سنگین دھمکیوں کا سامنا ہے-

کشمیر میڈیا سروس کے مطابق مدھیہ پردیش کی ایڈیشنل ڈسٹرکٹ اینڈ سیشن جج تبسم خان نے 12 جون 2026 کو ایک مقدمے کا فیصلہ سناتے ہوئے 2022 میں قتل کیے گئے نذیر احمد کے کیس میں 14 ملزمان کو عمر قید کی سزا سنائی تھی۔

عدالتی فیصلے کے مطابق نذیر احمد کو مبینہ طور پر ایک ہجوم نے گائے کی حفاظت کے نام پر تشدد کا نشانہ بنایا، جس کے نتیجے میں ان کی موت واقع ہوئی، عدالت نے شواہد اور گواہوں کی بنیاد پر ملزمان کو مجرم قرار دیتے ہوئے انہیں عمر قید کی سزا سنائی۔

فیصلے کے بعد بعض ہندو قوم پرست حلقوں سے وابستہ افراد کی جانب سے سوشل میڈیا پر جج تبسم خان کے خلاف توہین آمیز اور دھمکی آمیز پیغامات سامنے آئے، رپورٹس کے مطابق ان پیغامات میں خاتون جج کو فرقہ وارانہ الفاظ کا نشانہ بنایا گیا، ان کی تضحیک کی گئی اور سنگین نتائج کی دھمکیاں دی گئیں۔

بعض پیغامات میں یہ بھی دعویٰ کیا گیا کہ اگر سزا پانے والے افراد کو رہا نہ کیا گیا تو ملک بھر میں بدامنی اور خونریزی ہوگی، تاہم حکام کی جانب سے ان دھمکیو ں کے تمام دعوؤں کی باضابطہ تصدیق سامنے نہیں آئی، یہ معاملہ صرف ایک عدالتی فیصلے کے ردعمل تک محدود نہیں بلکہ جج کی مذہبی شناخت کو بنیاد بنا کر انہیں نشانہ بنانے کی کوشش کے طور پر بھی دیکھا جا رہا ہے۔

دھمکیوں کے بعد بھارت کے اعلیٰ عدالتی حلقوں نے معاملے کا نوٹس لیتے ہوئے مذمت کی ہے سپریم کورٹ بار ایسوسی ایشن اور سپریم کورٹ ایڈووکیٹ آن ریکارڈ ایسوسی ایشن سمیت دیگر قانونی اداروں نے جج کو دھمکیوں کو عدالتی آزادی پر حملہ قرار دیتے ہوئے ذمہ دار افراد کے خلاف کارروائی کا مطالبہ کیا ہےمدھیہ پردیش ہائیکورٹ نے بھی خاتون جج تبسم خان کی سیکیورٹی سے متعلق رپورٹ طلب کر لی ہے تاکہ ان کے تحفظ کے لیے ضروری اقدامات کیے جا سکیں۔

یہ واقعہ بھارت میں عدالتی افسران، خصوصاً مذہبی اقلیتوں سے تعلق رکھنے والے ججز کے تحفظ اور عدالتی فیصلوں کے خلاف بڑھتے ہوئے دباؤ کے حوالے سے ایک بار پھر بحث کا باعث بن گیا ہے۔ مبصرین کے مطابق کسی بھی جج کو اس کے مذہب یا شناخت کی بنیاد پر دھمکانا عدالتی نظام کی آزادی اور قانون کی حکمرانی کے لیے خطرناک رجحان ہے۔

واشنگٹن پوسٹ کی رپورٹ کے مطابق یکم مارچ کو کویت میں ایرانی حملے میں بچ جانے والے متعدد امریکی فوجیوں نے اپنی فوجی قیادت پر سنگین الزا ما ت عائد کیے ہیں۔

امریکی اخبار واشنگٹن پوسٹ نے دعویٰ کیا ہے کہ ایران اور امریکا کے درمیان جنگ کے دوران یکم مارچ کو کویت میں ہونے والے ایرانی ڈرون حملے میں 6 امریکی فوجی ہلاک جبکہ درجنوں زخمی ہوئے تھے یہ حملہ اس جنگ کے دوران امریکی فوج کو سب سے زیادہ جانی نقصان پہنچانے والا واقعہ ثابت ہوا، تاہم ان دعوؤں پر نہ پینٹاگون کا باضابطہ ردعمل سامنے آیا ہے اور نہ ہی ایران نے کوئی بیان جاری کیا ہے تاہم حملے میں بچ جانے والے متعدد امریکی فوجیوں نے اپنی فوجی قیادت پر سنگین الزامات عائد کیے ہیں۔

امریکی فوجیوں کا کہنا ہے کہ اعلیٰ فوجی حکام کو ممکنہ حملے کے خطرات سے متعلق پیشگی وارننگز دی گئی تھیں، لیکن ان پر توجہ نہیں دی گئی، جس کے نتیجے میں قیمتی جانوں کا نقصان ہوا امریکی کمانڈروں کو پہلے ہی آگاہ کر دیا گیا تھا کہ جس فوجی تنصیب کو ممکنہ طور پر نشانہ بنایا جا سکتا ہے، وہاں حفاظتی انتظامات ناکا فی ہیں اور وہ حملے کے لیے انتہائی غیر محفوظ ہے۔ اس کے باوجود صورتحال بہتر بنانے کے لیے مؤثر اقدامات نہیں کیے گئے۔

واشنگٹن پوسٹ نے ایک امریکی اہلکار کے حوالے سے مزید دعویٰ کیا ہے کہ حملے کے فوراً بعد سینئر فوجی کمانڈرز امدادی کارروائیوں کی نگرانی کرنے کے بجا ئے عمارت چھوڑ کر چلے گئے زخمی اہلکاروں کو فوری طبی امداد فراہم کرنےاور انہیں محفوظ مقام پر منتقل کرنے کے لیےبھی مناسب انتظامات نہیں کیے گئے، جس سے صورتحال مزید خراب ہوگئی۔

رپورٹ کے مطابق متاثرہ فوجیوں اور عینی شاہدین نے واقعے کی مکمل اور شفاف تحقیقات کا مطالبہ کیا ہے تاکہ یہ معلوم کیا جا سکے کہ پیشگی اطلاعات کے باوجود حفاظتی اقدامات کیوں نہیں کیے گئے اور امدادی کارروائیوں میں مبینہ غفلت کی ذمہ داری کس پر عائد ہوتی ہے-

دوسری جانب امریکی محکمہ دفاع (پینٹاگون) نے واشنگٹن پوسٹ میں شائع ہونے والے ان دعوؤں پر فوری طور پر کوئی باضابطہ ردعمل نہیں دیا، جبکہ ا یران کی جانب سے بھی اس رپورٹ کے حوالے سے کوئی بیان جاری نہیں کیا گیا،اس لیے رپورٹ میں کیے گئے دعوؤں کی آزاد ذرائع سے تصدیق نہیں ہو سکی ہے۔