نوشہرہ:سابق وزیر اعلیٰ خیبر پختونخوا پرویز خٹک نے عمران خان کو پاکستان کا سب سے بڑا جھوٹا قرار دے دیا۔
باغی ٹی وی : سابق وزیر اعلیٰ خیبر پختونخوا نے اپنے آبائی گاؤں مانکی شریف میں بڑے عوامی جلسے سے خطاب کرتے ہوئے کہا کہ سیاست کوئی مذاق نہیں کہ ہر کوئی عوام کی خواہشات کے مطابق خدمت کرے مجھے بہت خوشی ہورہے کہ صوبے کے عوام گزشتہ انتخابات میں غلط اور نااہل لوگوں کو ووٹ دے کر اب رو رہے ہیں۔
پرویز خٹک نے کہا کہ انہوں نے اپنے دور حکومت میں خیبر پختونخوا کے عوام کی بھرپور خدمت کی، گاؤں گاؤں بجلی اور پینے کا صاف پانی پہنچایا، زرعی زمینوں کے لیے ٹیوب ویل لگوائے، گلیاں اور سڑکیں پکی کروائیں، اسپتال اپگریڈ کیے اور اسکول قائم کیے دن رات سیاست کے لیے کام کیا اور عوام کی فلاح و بہبود کو ہمیشہ ترجیح دی۔
پی ٹی آئی والے خود نہیں چاہتے کہ بانی پی ٹی آئی باہر آئیں،فیصل واوڈا
انہوں نے عمران خان پر سخت تنقید کرتے ہوئے کہا کہ پاکستان کا سب سے بڑا جھوٹا عمران خان ہے، جس نے جھوٹے وعدوں کے ذریعے عوام سے ووٹ حاصل کیےگزشتہ انتخابات میں کامیاب ہونے والے ارکان جلد ہی عوام کے دباؤ کی وجہ سے بھاگنے پر مجبور ہو جائیں گے،پرویز خٹک نے جلسے کے شرکاء کو یقین دہانی کرائی کہ وہ عوام کی خدمت کے لیے ہمیشہ حاضر ہیں اور ان کے حقوق کے لیے ہر ممکن جدوجہد جاری رکھیں گے۔
پرویز خٹک نے کہا کہ عوام بہت تکلیف میں ہیں، نوجوانوں کو روزگار کی ضرورت ہے، مجھے پورے ملک میں عزت دی جاتی ہے، میں وہ شخصیت ہوں، جس کے ساتھ قوم کھڑی ہےمیں بہت جلد ایک کتاب لکھنے جا رہا ہوں، کتاب میں اس ملک کے ساتھ جو کچھ ہو رہا ہے وہ سب لکھوں گا، سارے حقائق عوام کے سامنے لاؤں گا۔
افریقہ-1 سب میرین انٹرنیٹ کیبل پی ٹی سی ایل سے منسلک کردی گئی
سابق وزیرِ اعلیٰ خیبر پختونخوا پرویز خٹک نے جے یو آئی ف میں شمولیت کے حوالے سے چلنے والی خبروں کی تردید کر دی کہاکہ میں نے ابھی تک کسی جماعت میں شمولیت کا فیصلہ نہیں کیا، تاہم چھوٹے بھائی سے اختلافات ختم کر رہا ہوں، میں نے مولانا کو اعتماد میں لے لیا ہے، گزشتہ دنوں مولانا فضل الرحمٰن سے صرف معمول کی ملاقات ہوئی تھی، میں فی الحال آزاد حیثیت سے جلسہ کر رہا ہوں۔
