Baaghi TV

Tag: تازہ ترین

  • 190 ملین پاؤنڈ کیس میں بانی پی ٹی آئی کو سزا سنانے والے جج کا تبادلہ

    190 ملین پاؤنڈ کیس میں بانی پی ٹی آئی کو سزا سنانے والے جج کا تبادلہ

    اسلام آباد: 190 ملین پاؤنڈ کیس میں بانی پی ٹی آئی کو سزا سنانے والے جج کا تبادلہ کردیا گیا۔

    باغی ٹی وی : اس حوالے سے جاری نوٹیفکیشن کے مطابق احتساب عدالت اسلام آباد کے جج ناصر جاوید رانا کو تبدیل کردیا گیااس میں کہا گیا کہ ناصر جاوید رانا ڈسٹرکٹ اینڈ سیشن جج ویسٹ تعینات کردیئے گئے ہیں، مذکورہ جج کا تبالہ چیف جسٹس اسلام آباد ہائیکورٹ نے کیا جبکہ رجسٹرار نے نوٹیفکیشن جاری کردیا۔

    یاد رہے کہ ناصر جاوید رانا سے قبل جسٹس اعظم خان ڈسٹرکٹ اینڈ سیشن جج ویسٹ تعینات تھے، جسٹس اعظم خان کے اسلام آباد ہائیکورٹ کا جج تعینات ہونے کے بعد ڈسٹرکٹ اینڈ سیشن جج کا عہدہ خالی تھا،ایڈیشنل سیشن جج زیبا چوہدری کو عارضی طور پر قائم مقام سیشن جج تعینات کیا گیا تھا۔

    حافظ آباد: انسداد پولیو مہم کا آغاز، 2 لاکھ 38 ہزار بچوں کو قطرے پلانے کا ہدف

    واضح رہے کہ راولپنڈی کی احتساب عدالت کے جج ناصر جاوید رانا نے اڈیالہ جیل میں بانیٔ پی ٹی آئی کو 190 ملین پاؤنڈ ریفرنس میں 14 سال جبکہ بشریٰ بی بی کو 7 سال قید کی سزا سنائی تھی، بانی پی ٹی آئی کو 10 لاکھ روپے اور بشریٰ بی بی کو 5 لاکھ روپے جرمانے کی سزا بھی سنائی گئی تھی جبکہ عدالت نے القادر یونیورسٹی کو سرکاری تحویل میں لینے کا حکم بھی دیا تھا۔

    کابل: اقوام متحدہ امدادی مشن کے احاطے میں فائرنگ، ایک شخص ہلاک، ایک زخمی

    فیصلے کے مطابق جرمانہ نہ دینے پر عمران خان کو مزید 6 ماہ اور بشریٰ بی بی کو 3 ماہ مزید قید ہوگی، بانی پی ٹی آئی کو کرپٹ پریکٹسز اور اختیارا ت کے ناجائز استعمال پر 14 سال قید کی سزا سنائی گئی جبکہ خاوند کی غیر قانونی سرگرمیوں میں ملوث ہونے پر بشریٰ بی بی کو 7 سال قید کی سزا سنائی گئی،فیصلہ سناتے وقت بانی پی ٹی آئی، ان کی بہنیں اور بشریٰ بی بی کمرۂ عدالت میں موجود تھیں۔

    حافظ آباد: جعلی دیسی گھی فروخت کرنے والے دکاندار کے خلاف مقدمہ درج

  • ہم نے مشرق وسطیٰ کا نقشہ تبدیل کردیا،نیتن یاہو

    ہم نے مشرق وسطیٰ کا نقشہ تبدیل کردیا،نیتن یاہو

    تل ابیب: اسرائیلی وزیراعظم نیتن یاہو نے کہا ہے کہ وہ ٹرمپ سے حماس کے خلاف فتح اور ایران کے خلاف اقدامات اور تمام یرغمالیوں کی رہائی پر گفتگو کریں گے۔

    باغی ٹی وی : امریکا روانگی سے قبل میڈیا سے گفتگو کرتے ہوئے نیتن یاہو کا کہنا تھا کہ صدر ڈونلڈ ٹرمپ سے ملاقات امریکا، اسرائیل اتحاد کی مضبوطی کی علامت ہے، ٹرمپ کی حمایت سے مشرق وسطیٰ کا نقشہ مزید تبدیل کیا جاسکتا ہے۔

    دوسری جانب امریکی صدر ڈونلڈ ٹرمپ نے اپنے بیان میں کہا کہ اسرائیل اور مشرق وسطیٰ کے دیگر ممالک کے ساتھ مذاکرات آگے بڑھ رہے ہیں،اسرائیلی وزیر اعظم نیتن یاہو کا کہنا ہے کہ ہم نے مشرق وسطیٰ کا نقشہ تبدیل کردیا، امریکی صدر ڈونلڈ ٹرمپ سے مل کر مزید بہتری لائیں گے۔

    کابل: اقوام متحدہ امدادی مشن کے احاطے میں فائرنگ، ایک شخص ہلاک، ایک زخمی

    نیتن یاہو امریکا روانہ ہوگئے، روانگی سے قبل بن گورین ایئرپورٹ پر میڈیا سے گفتگو کرتے ہوئے انہوں نے کہا کہ امریکی صدر ٹرمپ سے انتہائی اہم ملاقات کرنے جا رہا ہوں، نیتن یاہو نے کہا کہ ملاقات ہماری دوستی اور اسرائیل امریکا تعلقات کی مضبوطی کا مظہر ہے، ڈونلڈ ٹرمپ سے ملاقات میں اسرائیل اور خطے کو درپیش اہم مسائل پر بات ہوگی۔

    خبر ایجنسی کے مطابق نیتن یاہو کی امریکی صدر ڈونلڈ ٹرمپ سے منگل کو وائٹ ہاؤس میں ملاقات طے ہے۔

    تنگوانی: ڈاکوؤں کی موٹر سائیکل چھیننے کی کوشش، مزاحمت پر فائرنگ سے تین زخمی، دو ڈاکو گرفتار

    دوسری جانب قطر کا کہنا ہے کہ غزہ جنگ بندی معاہدے کے دوسرے مرحلے کے مذاکرات کا وقت ابھی طے نہیں ہوا، قطری وزیراعظم اور وزیر خارجہ شیخ محمد بن عبدالرحمان الثانی کا کہنا ہے کہ دوسرے مرحلے کی بات چیت کےلیے اسرائیل حماس سے رابطے میں ہیں، کچھ دنوں میں پیش رفت کی امید ہے۔

  • کابل: اقوام متحدہ امدادی مشن کے احاطے میں فائرنگ، ایک شخص ہلاک، ایک زخمی

    کابل: اقوام متحدہ امدادی مشن کے احاطے میں فائرنگ، ایک شخص ہلاک، ایک زخمی

    کابل: افغانستان میں اقوام متحدہ کی امدادی مشن کے دفتر کے احاطے میں فائرنگ کا واقعہ پیش آیا ہے۔

    باغی ٹی وی : عالمی میڈیا کے مطابق فائرنگ سے ایک شخص ہلاک اور ایک زخمی ہوگیا اقوام متحدہ کے مشن کے مطابق یو این امدادی مشن کے دفتر میں فائرنگ میں طالبان گارڈ ملوث ہے، فائرنگ کے واقعے کی تحقیقات کر رہےہیں۔

    بیان میں مزید تفصیلات بتائے بغیر کہا گیا کہ ہلاک ہونے والا شخص طالبان کے زیر انتظام سکیورٹی فورسز کا رکن تھا جو کمپاؤنڈ سے باہر تھا۔ اس میں کہا گیا کہ زخمی ہونے والا ایک بین الاقوامی سیکورٹی گارڈ تھا جسے اقوام متحدہ نے معاہدہ کیا تھا۔

    لاہور:تھانہ چونگ میں ایمیگریشن وکیل کو دھمکیاں، حبسِ بے جا کا مقدمہ درج

    دریں اثنا ترجمان افغان وزارت داخلہ نے کہا کہ فائرنگ کے واقعے میں امارت اسلامیہ کا کارکن جاں بحق جبکہ اقوام متحدہ کا ملازم زخمی ہوا،ترجمان عبدالمتین قانی نے مزید کہا کہ اقوام متحدہ کے مشن آفس میں فائرنگ کے واقعے کی تحقیقات جاری ہیں۔

    اس نے کہا کہ "اقوام متحدہ سے معاہدہ شدہ سیکورٹی گارڈز نے واقعے کے دوران جوابی فائرنگ نہیں کی،یہ واضح نہیں ہوسکا کہ فائرنگ کس چیز نے کی۔ طالبان اور اقوام متحدہ دونوں اس واقعے کی تحقیقات کر رہے تھے۔

    کابل کی وزارت داخلہ کے ترجمان عبدالمتین کنی نے تصدیق کی کہ طالبان کا ایک گارڈ ہلاک اور اقوام متحدہ کا ایک کنٹریکٹر زخمی ہوا۔

    گول روٹی بنانے کے لیے طالبعلم نے اے آئی ٹول بنا ڈالا

    یو این اے ایم اے نے کہا کہ طالبان حکام نے واقعے کے بعد کمپاؤنڈ کے اندر اور باہر تمام نقل و حرکت روک دی، لیکن اب ان پابندیوں کو ہٹا دیا گیا ہے اس کمپاؤنڈ میں اقوام متحدہ کی متعدد ایجنسیوں کے دفاتر، فنڈز اور پروگرامز اور اقوام متحدہ کے بین الاقوامی عملے کے ارکان کے لیے رہائش ہے۔

  • گول روٹی بنانے کے لیے طالبعلم نے اے آئی ٹول بنا ڈالا

    گول روٹی بنانے کے لیے طالبعلم نے اے آئی ٹول بنا ڈالا

    بنگلورو: گول روٹی بنانے کے لیے بھارتی شہر بنگلور کے انجینئرنگ کے شعبے سے وابستہ طالبعلم نے نیا (اے آئی) ٹول بنا ڈالا۔

    باغی ٹی وی: بھارتی میڈیا رپورٹ کے مطابق بنگلور کے شہری انیمیش چوہان نے روٹی چیکر ڈاٹ اے آئی کے نام سے اے آئی سافٹ وئیر تخلیق کیا جس نے سوشل میڈیا پر تہلکہ مچا دیا، یہ معاملہ اس وقت سامنے آیا جب ایک ایکس صارف نے گول روٹی کی تصویر شیئر کی جس کے کیپشن میں اس نے لکھا کہ ’گول روٹی بنانا بھی ایک آرٹ ہے‘، جس کے جواب میں انیمیش چوہان نے اپنا تخلیق کردہ اے آئی ٹول متعارف کرایا۔

    بعدازاں تخلیق کار کی جانب سے ایک چیلنج دیا گیا جس میں کہا گیا کہ اگر پوسٹ کو 420 لائکس ملتے ہیں، تو وہ اس لنک یعنی اے آئی سافٹ وئیر کو عوامی طور پر دستیاب کریں گے،جس کے بعد پوسٹ تیزی سے وائرل ہو گئی، جس کے نتیجے میں ”روٹی میکر“ کے لیے گوگل سرچز میں اضافہ ہوگیا۔

    دلہن کو فربہ کرنا ، مراکش میں صحرائی لوگوں کا دلچسپ مگرپرانا رواج

    انیمیش چوہان نے کہا کہ اس نے اپنے فارغ وقت میں مذاق کے طور پر AI روٹی چیکر تخلیق کیا اب وہ اس منصوبے میں سرمایہ کاری کے لیے ماہر افراد کی تلاش میں ہیں اوربدلے میں معاوضہ بھی پیش کرنے کے لیے تیار ہیں۔

    فوج روزانہ قربانیاں دے رہی ، قوم فوج کے ساتھ کھڑی رہے،عمران خان کا خط

  • دلہن کو فربہ کرنا ، مراکش میں صحرائی لوگوں کا دلچسپ مگرپرانا رواج

    دلہن کو فربہ کرنا ، مراکش میں صحرائی لوگوں کا دلچسپ مگرپرانا رواج

    مراکش کے مختلف شہروں میں شادی سے متعلق رسم و رواج بھی مختلف پائے جاتے ہیں مراکش کےصحرائی علاقے میں شادی سے کئی ماہ پہلے دلہن کو فربہ کرنے کی تیاری شروع کر دی جاتی ہے۔

    باغی ٹی وی :عرب میڈیا کے مطابق صحرائی علاقے کے لوگ ایک پرانے اور دل چسپ رواج کو کئی نسلوں سے پورا کرتے چلے آ رہے ہیں یہاں دلہن کو شادی سے کئی ماہ پہلے دلہن کو فربہ کر نے کی تیاری شروع کر دی جاتی ہےصحرائی شعراء اور مصنفین نے اپنے کلام اور تحریروں میں صحرائی عورت کو بھرے اور فربہ جسم کے ساتھ خیالی تصویر میں پیش کیا گویا کہ یہ عورت زرخیز زمین اور اپنے قبیلے اور خاندان کے لیے نعمت کی مانند ہے۔

    "العربیہ” سے بات کرتے ہوئے جنوبی مراکش کے شہر کلمیم میں صحرائی قبائل کے ہاں دلہنوں کو فربہ کرنے کے عمل کی ایک خاتون نگراں "ام المنین” نے بتایا کہ کنواری لڑکیوں کو فربہ کرنا ان کا پرانا پیشہ ہے، دلہنوں کی مائیں اپنی بیٹیوں کو بلوغت کی عمر پر یا اس سے ایک برس پہلے یا شادی سے چند ماہ پہلے ان خاتون کے گھرانے کے گھروں یا خیموں میں لے کر آتی تھیں۔

    ام المنین کے مطابق اس کام کو انجام دینے والیوں کے لیے صحرائی لوگ ‘معلمہ’ یا ‘خادم’ کے الفاظ استعمال کرتے ہیں لڑکی کے جسم بھرنے کا عمل صبر اور مستقل مزاجی کا تقاضا کرتا ہے کبھی اس میں کئی ماہ لگ جاتے ہیں اور یہ لڑکی کے کھانے پینے کی صلاحیت پر منحصر ہے لڑکی کو فربہ کرنے والی جڑی بوٹیاں، اونٹ کا دودھ اور گوشت پیش کیا جاتا ہے، اس سے پہلے لڑکی کے ہاضمے کے نظام کو کسی بھی زہریلے مواد سے صاف کیا جاتا ہے تا کہ فربہ ہونے کا عمل جلد اور فوری نتائج دے سکے۔

    خاتون نے العربیہ کو بتایا کہ دلہن کی تیاری کی نگرانی میں اس کا کام دراصل فربہ کرنا نہیں بلکہ دلہن کے جسم کے مخصوص حصوں کو نمایاں اور بھرا ہوا بنانا ہوتا ہے تا کہ دلہن کا جمال اس طرح سے ظاہر ہو جیسا کہ صحرائی مرد چاہتے ہیں، جبکہ عوامی ورثے کے محقق بوزید الغلی نے بتایا کہ شادی سے قبل لڑکی کو فربہ کرنا ایسا رواج ہے جو ابھی تک صحرائی خاندانوں میں بھرپور طریقے سے راسخ ہے فربہ کرنے کے طریقوں میں سماجی اور زندگی کے وسائل کی ترقی کے ساتھ تبدیلی آئی ہے فربہ کرنا محض ثقافت سے مربوط ایک رواج نہیں بلکہ یہ لڑکی کے سماجی تعلق اور علاقے میں دولت مند خاندانوں میں لڑکی کے مقام کا معیار ہے-

  • پیکا قانون پر نمائندہ میڈیا تنظیموں سے مشاورت کی جائے،سعد رفیق

    پیکا قانون پر نمائندہ میڈیا تنظیموں سے مشاورت کی جائے،سعد رفیق

    لاہور: سابق وفاقی وزیر ریلوے خواجہ سعد رفیق نے بھی ’پریوینشن آف الیکٹرانک کرائم ایکٹ (پیکا) قانون کے خلاف آواز اٹھادی-

    باغی ٹی وی : سماجی رابطے کی ویب سائٹ ایکس پر جاری بیان میں مسلم لیگ (ن) کے سینئر رہنما سعد رفیق نے کہا کہ بے شک فیک نیوز ایک بہت بڑا مسئلہ بن چکا ہے لیکن کسی حکومت کے پاس شہریوں پر شکنجہ کسنے کے لامحدود نہیں ہونے چاہئیں، پیکا قانون پر نمائندہ میڈیا تنظیموں سے مشاورت کی جائے۔

    سعد رفیق کا مزید کہنا تھا کہ اس قانون کے تحت بنائے جانے والے ٹربیونلز کے فیصلوں کے خلاف اپیل کا حق ہائیکورٹس کو دیا جائے، بنیادی حقوق کے تحفظ کے لیے پیکا قانون میں اسٹیک ہولڈرز کی مشاورت سے ضروری ترامیم لائی جائیں یاد رہے قوانین کی چھڑی ہمیشہ وقت بدلنے کے ساتھ اسے بنانے والوں کے خلاف استعمال ہوتی ہے۔

    مشترکہ کوششوں کی بدولت ہی پولیو کا خاتمہ ممکن ہے،شہباز شریف

    واضح رہے کہ 29 جنوری کو صدر مملکت آصف زرداری نے پیکا ترمیمی بل 2025 پر دستخط کردیئے تھے، جس کے بعد پیکا ایکٹ ترمیمی بل 2025 قانون بن گیا ہے 23 جنوری کو قومی اسمبلی نے پیکا ایکٹ ترمیمی بل منظور کیا تھا، جبکہ یہ بل سینیٹ سے 28 جنوری کو منظور ہوا تھاصحافتی تنظمیوں کی جوائنٹ ایکشن کمیٹی نے متنازع پیکا ایکٹ ترمیمی بل مسترد کردیا تھا اور اس کے خلاف عدالت سے رجوع کرنے اور احتجاجی تحریک شروع کرنے کا اعلان کیا تھا۔

    اساتذہ کی کمی، میڈیکل / ڈینٹل کالجوں اور نشتوں میں اضافے پرپابندی

    صحافی تنظیموں کی جوائنٹ ایکشن کمیٹی کے ہنگامی اجلاس میں کہا گیا تھا کہ وفاقی حکومت قومی اسمبلی سے مشاورت کے بغیر متنازع بل منظور کروا کر ‏وعدہ خلافی کی مرتکب ہوئی ہے، اس بل کا محور صرف سوشل میڈیا نہیں بلکہ اس کا ہدف الیکٹرانک اور پرنٹ میڈیا کے ڈیجیٹل پلیٹ فارمز بھی ہیں جس کا مقصد اختلاف رائے کو جرم بنا دینا ہے۔

    رمضان پیکیج مستحق افراد میں نقد کی صورت میں تقسیم کرنے کا فیصلہ

  • مشترکہ کوششوں کی بدولت ہی پولیو کا خاتمہ ممکن ہے،شہباز شریف

    مشترکہ کوششوں کی بدولت ہی پولیو کا خاتمہ ممکن ہے،شہباز شریف

    اسلام آباد: وزیراعظم شہباز شریف نے قومی انسداد پولیو مہم کی افتتاحی تقریب کے دوران بچوں کو قطرے پلا کر رواں سال کی پہلی مہم کا افتتاح کردیا-

    باغی ٹی وی : اسلام آباد میں قومی انسداد پولیو مہم کی افتتاحی تقریب منعقد ہوئی، تقریب سے خطاب میں وزیراعظم شہباز شریف کا کہنا تھا کہ آج ہم 2025 کی پہلی انسداد پولیو مہم کا آغاز کررہے ہیں اور اس تقریب میں معصوم بچوں کو پولیو کے قطرے پلائے گئے ہیں، مہم کے دوران 5 سال سے کم عمر کروڑوں بچوں کو انسداد پولیو کے قطرے پلائے جائیں گے۔

    وزیراعظم نے کہا کہ اس مہم کے ذریعے پاکستان کے کروڑوں بچوں کو پولیو کے قطرے پلا کر نہ صرف اس مرض سے محفوظ کریں گے بلکہ پولیو کے خاتمے کے لیے یہ ٹیم شبانہ روز محنت کرتے ہوئے شہر، دیہات، اور پہاڑوں سمیت دور دراز علاقوں میں پہنچ کر بہت بڑی قومی ذمہ داری نبھائیں گے اور پولیو کے خاتمے کے لیے اپنا کردار ادا کریں گے۔

    پارٹی نے جو ہمیں وفا سکھائی ہے، یہ نواز شریف کی وجہ سے ہے،عطا تارڑ

    شہباز شریف کا مزید کہنا تھا کہ بدقسمتی سے پچھلے سال پورے ملک میں پولیو کے تقریباً 77 کیسز سامنے آئے جو بہت بڑا چینلج تھا اور پولیو کے حوالے سے بہت بڑا سیٹ بیک تھا، اس سال ابھی تک ایک ماہ میں ایک کیس رپورٹ ہوا ہے، کاش یہ ایک کیس بھی نہیں آتا۔

    رمضان پیکیج مستحق افراد میں نقد کی صورت میں تقسیم کرنے کا فیصلہ

    وزیراعظم کا کہنا تھا کہ پولیو ورکرز دور دراز علاقوں میں بچوں کو قطرے پلا کر قومی ذمہ داری ادا کریں گے، ہم نے پاکستان سے پولیو کا مکمل خاتمہ کرنا ہے، پولیو کے خاتمے کے لیے ہمسایہ ملک افغانستان کے ساتھ رابطے میں ہیں، امید ہے باہمی تعاون اور سپورٹ کے ذ ریعے افغانستان سے بھی پولیو کا خاتمہ ہوگا، انسداد پولیو کے لیے تعاون پر ڈبلیو ایچ او اور یونیسف سمیت تمام شراکت داروں کے مشکور ہیں، مشترکہ کوششوں کی بدولت ہی پولیو کا خاتمہ ممکن ہے، انسداد پولیو کے لیے بل گیٹس فاؤنڈیشن اور سعودی عرب کی حمایت پر شکر گزار ہیں، مربوط حکمت عملی اور مشترکہ کوششوں سے ہم پاکستان سے پولیو کا خاتمہ کر سکیں گے۔

    امریکا میں چھوٹے طیارے کو حادثہ، ہلاکتوں کی تعداد 7 ہوگئی

  • پارٹی نے جو ہمیں وفا سکھائی ہے، یہ نواز شریف کی وجہ سے ہے،عطا تارڑ

    پارٹی نے جو ہمیں وفا سکھائی ہے، یہ نواز شریف کی وجہ سے ہے،عطا تارڑ

    اسلام آباد: وفاقی وزیر اطلاعات و نشریات عطا تارڑ نے کہا ہے کہ 190 ملین پاؤنڈ پاکستان کی تاریخ کا سب سے بڑا ڈاکا ہے-

    باغی ٹی وی : عطا تارڑ نے اپنے حلقے میں کارکنوں سے خطاب کرتے ہوئے کہا کہ پارٹی نے جو ہمیں وفا سکھائی ہے، یہ نواز شریف کی وجہ سے ہے، ملک کی معیشت میں بہتری آرہی ہے شرح سود کم ہو رہی ہے، شہباز شریف ملک کو ترقی کی جانب لے کر جارہے ہیں، پاکستان کی معیشت ترقی کررہی ہے۔

    انہوں نے کہا کہ ملک پر ایک نحوست کا سایہ تھا، یہ سایہ پنکی گوگی اور کپتان کا تھا، یہ لوگ پاکستان کو لوٹ کے کھا گئے، دنیا بھر میں ان کی ہیڈ لائنز لگی، یہ کہتے ہیں ہم دفاع نہیں کریں گے، ہم نعوذ باللہ سیرت پر چل رہے ہیں، خدا کا واسطہ ہے سیرت کا نام نہ لو، پورا ٹولا رنگے ہاتھوں پکڑا گیا، ہم کہتے تھے ان کے ہاتھ کرپشن میں رنگے ہوئے ہیں۔

    نواز شریف کی بے توقیری کے جرم کا اعتراف ضروری۔ تجزیہ : شہزاد قریشی

    عطا تارڑ نے کہا کہ یہ توشہ خانہ سے چیزیں چوری کررہے تھے کہا گیا ہے کہ 300 ڈالر سے زیادہ کی چیز نہیں لے سکیں گے، ان لوگوں نے توشہ خانہ سے گھڑیاں چوری کیں، وزیر اعظم چیزیں بیچ دیتا تھا،ہم نے کہا تھا کہ بانی پی ٹی آئی کے ہاتھ کرپشن سے رنگے ہوئے ہیں-

    ان کا کہنا تھا کہ ایک شفافیت کے دعوے کررہے تھے، یہ سڑک اس وقت کیوں نہ بنی جب کہتے تھے ہم عوام کی خدمت کررہے ہیں، جو وعدے کیے ہیں وہ پورے کررہے ہیں، ملک میں جب بھی تعمیر و ترقی ہوئی، وہ ن لیگ کے دور میں ہوئی ہے، ہم بین الا قوامی سطح پر بھی پاکستان کا مقدمہ لڑتے ہیں، ان کے دور میں کام نہ ہوا کیونکہ یہ لوگ پیسے کمانے میں لگے ہوئے تھے، مال بنا ر ہے تھے، ڈیلیں کر رہے تھے۔

    اینٹی کرپشن اسٹیبلشمنٹ خیبر پختونخوا کی تشکیل نو کا فیصلہ

    انہوں نے کہا کہ آپ کے مسائل حل کرنا ہمارا فرض ہے، سڑکوں کی تعمیر، صاف پانی اور گیس کے مسائل حل ہوں گے، ہم نے وعدہ کیا تھا اس حلقے کو مثالی بنائے گے، ٹاؤن شپ کا علاقہ جلد مثالی علاقہ بنے گا، شہباز شریف ڈیفالٹ کے دھانے سے واپس لائے ہیں، پاکستان کی معیشت دنیا کی بہترین معیشت بنے گی، ہم وعدہ کیا تھا پبلک سیکرٹریٹ کھلے گا، آپ کے درمیان بھی رہے گا، اس علاقے کی فلاح و بہبود کے لئے جو بھی کرنا پڑا کریں گے، پنکی گو گی اور کپتان کو تو فکر ہی نہ تھی، یہ وہ لوگ ہیں جو شہداء کی بے حرمتی کرتے ہیں، ہم تو شہداء کی تعظیم کرنے والے لوگ ہیں، پاکستان ہے تو سیاست اور سیاسی جماعتیں ہیں۔

    امریکا میں چھوٹے طیارے کو حادثہ، ہلاکتوں کی تعداد 7 ہوگئی

  • نواز شریف کی بے توقیری کے جرم کا اعتراف ضروری۔ تجزیہ : شہزاد قریشی

    نواز شریف کی بے توقیری کے جرم کا اعتراف ضروری۔ تجزیہ : شہزاد قریشی

    (تجزیہ شہزاد قریشی)قوموں کے عروج اور زوال کے اسباب قرآن پاک میں موجود ہیں۔ کیا وجہ ہے کہ ہم کبھی حالت جنگ میں ہوتے ہیں تو کبھی حالت انتشار میں ۔ آخر کب تک پاکستان بطور ریاست اور عوام حالت انتشار میں رہیں گے؟ملائی اور حلوائی کی باتوںسے نکل کر دنیا کی بدلتی ہوئی تازہ ترین حالات کا جائزہ لیں اپنے مفادات کو وطن عزیز کے وقار اور سلامتی پر قربان کریں۔دنیا کے ترقی یافتہ ممالک کی ترقی کا راز رائٹ مین فار رائٹ جاب ہے ملکی مفادات اور قومی مفادات ہیں۔ ہمارے سیاسی اور مذہبی جماعتوں کے ذاتی مفادات میں مذاکرات اس لئے کامیاب نہیں ہوتے ان مذاکرات کے پیچھے فردواحد کی شخصیت اور جماعتی مفادات ہیں۔ پیکا قانون کو ہی لے لیں آج میری بات سینیٹر عرفان صدیقی سے ہوئی ، انہوں نے کہا کہ میرے پاس کچھ تجاویز ہیں جس پر عمل کرکے صحافیوں کا احتجاج ختم ہو سکتا ہے سمجھ سے بالاتر ہے۔ حکومت کے پاس عرفان صدیقی جو ایک صحافی ،استاد اور ملک بھر کے صحافی انہیں عزت کی نگاہ سے دیکھتے ہیں اُن کے تجربات سے فائدہ کیوں نہیں اٹھاتی۔ اسی طرح ملکی سیاسی عدم استحکام کو دیکھ کر جو قابو میں آنے کا نام نہیں لے رہا جب کہ قابو کرنے کا ہنر جاننے والے نواز شریف جس نے ملکی ترقی جس میں دفاع بھی شامل ہے اُن کو شاید ہم نظر انداز کرکے کون سی خدمات سرانجام دے رہے ہیں؟ ملکی معیشت ملکی ترقی میں کردار ادا کرنے والے نواز شریف کے ساتھ ہم نے کیا کیا ،کون سا زخم ہے جو اُن کو نہیں دیا گیا۔ سیاسی جماعتوں مذہبی جماعتوں کو ملکی ترقی ملکی دفاع کومد نظر رکھتے ہوئے بحیثیت قوم اُن کی خدمات کا اعتراف اور ساتھ اُن کی بے توقیری کے جرم کا اعتراف کرلینا چاہیئے۔
    سیاسی گلیاروں میں عجب بے معنی شور ہے۔ مشکلات میں گرے عوام اور پاکستان کو اُس مقام پرلاکھڑا کیا ہے جہاں سیاسی غبارہ وقت سے پہلے پھٹ جائے تو خطرات میں اضافہ ہوتا ہے۔ جب سے گوادر ائیر پورٹ کا افتتاح ہوا ہے بھارت سمیت بہت سے دوسرے ممالک کے پیٹ میں مروڑ اٹھ رہے ہیں پاک فوج اور جملہ ادارے دہشت گردی کے عفریت کا تن تنہا سامنا کررہے ہیں۔ قومی جذبہ سے سرشار ہماری پاک فوج اور دیگر جس میں پولیس بھی شامل ہے شہید ہورہے ہیں۔ دہشت گردوں کو کیفر کردار تک بھی پہنچا رہے ہیں پاک فوج اور جملہ ادارے داخلی سلامتی اور امن وامان کے لئے دن رات فریضہ سرانجام دے رہے ہیں۔ ذرا سوچئے سیاسی گلیاروں میں کیا ہو رہا ہے۔ کون کس کی اور کیا خدمات سرانجام دے رہا ہے۔

  • اساتذہ کی کمی، میڈیکل / ڈینٹل کالجوں اور نشتوں میں اضافے پرپابندی

    اساتذہ کی کمی، میڈیکل / ڈینٹل کالجوں اور نشتوں میں اضافے پرپابندی

    کراچی: پاکستان میڈیکل اینڈ ڈینٹل کونسل (پی ایم ڈی سی) نے فیکلٹی کی شدید کمی کے باعث نئے میڈیکل اور ڈینٹل کالجز کے قیام اور طلباء کی نشستیں بڑھانے پر 3 سے 5 سال کی پابندی عائد کرنے کا فیصلہ کیا ہے۔

    باغی ٹی وی: پی ایم ڈی سی کونسل کے حالیہ اجلاس میں منظور کیا گیا یہ فیصلہ تعلیمی معیار کو برقرار رکھنے کے لیے ضروری تعلیم یافتہ فیکلٹی کی دستیابی پر خدشات کو اجاگر کرتا ہے، اعداد و شمار سے پتہ چلتا ہے کہ 187 کالجوں کو 26,018 فیکلٹی ممبران کی ضرورت ہے، لیکن صرف 22,146 دستیاب ہیں، جو تعلیم کے معیار، طبی تربیت، اور تحقیق کو متاثر کرتے ہیں۔

    پی ایم ڈی سی نے نیشنل ہیلتھ سروسز پر زور دیا ہے کہ وہ مداخلت کریں، ریگولیٹری تعمیل کو یقینی بنائیں اور پاکستان کے طبی تعلیمی نظام کو مضبوط کریں، PMDC کے رجسٹرار کی طرف سے اس نازک مسئلے کو حل کرنے کے لیے ایک رسمی خط بھیجا گیا ہے۔

    رمضان پیکیج مستحق افراد میں نقد کی صورت میں تقسیم کرنے کا فیصلہ

    اجلاس میں کہا گیا کہ یہ تعداد فیکلٹی کی شدید کمی کو ظاہر کرتی ہے اور اس کی وجہ سے تعلیمی قابلیت، طبی تربیت، تحقیق، اور تعلیمی فضیلت میں کمی آئی ہے، نتیجتاً، مریضوں کی دیکھ بھال اور بڑے پیمانے پر عوام کو متاثر کیا ہے۔

    کینیڈاکا ٹرمپ پر جوابی وار،امریکی درآمدات پر 25 فیصد ٹیرف عائد کرنے کا اعلان