Baaghi TV

Tag: تازہ ترین

  • علیزے شاہ کو ایک بار پھر بولڈ ویڈیوز پر تنقید کا سامنا

    علیزے شاہ کو ایک بار پھر بولڈ ویڈیوز پر تنقید کا سامنا

    کراچی: پاکستان کی معروف ماڈل و اداکارہ علیزے شاہ ایک بار پھر قابلِ اعتراض لباس میں بولڈ ڈانس کی ویڈیو شیئر کر کے صارفین کی تنقید کا نشانہ بن گئیں۔

    باغی ٹی وی: علیزے شاہ ماضی میں بھی ڈانس ویڈیوز اور لباس کی وجہ سے تنقید کی زد میں رہتی آئی ہیں حال ہی میں اداکارہ نے فوٹو اینڈ ویڈیو شیئرنگ پلیٹ فارم انسٹاگرام پر اپنی بیلی ڈانس کی مختصر ویڈیو شیئر کی، جس میں انہیں انتہائی تنگ شرٹ میں دیکھا جا سکتا ہے۔

    سوشل میڈیا پر شیئر کی گئی ویڈیو میں اداکارہ کو بھارتی ہپ ہاپ گلوکار حرکیرات سنگھا اور اسٹار بوائے ایکس کے گانے ڈونالی پر سیاہ کراپ ٹاپ میں ملبوس بیلی ڈانس کرتے دیکھا جا سکتا ہے۔

    محکمہ جیل کی جانب سے سوشل میڈیا پالیسی جاری

    سوشل میڈیا پر ویڈیو وائرل ہوتے ہی اداکارہ نقادوں کے نشانے پر آ گئیں،صارفین ویڈیو کے کمنٹس میں انہیں سخت تنقید کا نشانہ بنا رہے ہیں،سوشل میڈیا صارفین نے اداکارہ کی ویڈیو پر تبصرے کرتے ہوئے انہیں بھارت کی عرفی جاوید جیسا قرار دیا، بہت سارے افراد نے ان کے لیے نامناسب الفاظ کا استعمال کیا، ایک صارف کا کہنا ہے کہ یقین نہیں آتا کہ اس لڑکی نے پاکستان کے سوبر ڈراموں میں اداکاری کی ہے-

    ثانیہ نے شعیب کا نام گھر سے ہٹاکر کس کا نام لکھوایا؟

  • محکمہ جیل کی جانب سے سوشل میڈیا پالیسی جاری

    محکمہ جیل کی جانب سے سوشل میڈیا پالیسی جاری

    لاہور: محکمہ جیل کی جانب سے سوشل میڈیا پالیسی جاری کر دی گئی –

    باغی ٹی وی:محکمہ جیل کی جانب سے جاری پالیسی میں اس بات کی نشاندہی کی گئی ہے کہ سوشل میڈیا پر ڈیپارٹمنٹ کے متعلق مواد شئیر کرتے ہوئے احتیاط نہیں برتی گئی ، جیل کے اعلی اور ماتحت عملہ کی جانب سے مختلف ایکٹیویٹی ایس او پیز کی خلاف ورزی کے زمرے میں آئی –

    نوٹیفکیشن کے مطابق سوشل میڈیا پر شئیر کیا گیا مواد محکمہ کی بدنامی کا باعث بنا، سوشل میڈیا پر جیل ایکٹیویٹی شئیر کرنے کے لئیے ایک سینٹرل گروپ تشکیل دے دیا گیا ،سینٹرل واٹس گروپ آئی جی جیل خانہ جات کی نگرانی میں کام کرے گا ، سی بھی جیل کی تمام ایکٹیویٹی کو سپرنٹنڈنٹ اور اسٹنٹ سپرنٹنڈنٹ کی نگرانی میں سنٹرل گروپ میں شئیر کیا جائے گا،سینٹرل گروپ سے مواد کو سوشل میڈیا پر شئیر کیا جائے گا،سوشل میڈیا کے حوالے سے نیا نوٹیفکیشن ڈی آئی جی ہیڈکوارٹرز جیل کی جانب سے گزشتہ روز جاری کیا گیا-

    ثانیہ نے شعیب کا نام گھر سے ہٹاکر کس کا نام لکھوایا؟

    پاکستان میں ہونیوالی سہہ ملکی ون ڈے سیریز ، میچ آفیشلز کا اعلان ہو گیا

    پاکستان کیلئےمستقبل میں اچھے دن آرہے ہیں،وزیر داخلہ محسن نقوی

  • ثانیہ نے شعیب کا نام گھر سے ہٹاکر کس کا نام لکھوایا؟

    ثانیہ نے شعیب کا نام گھر سے ہٹاکر کس کا نام لکھوایا؟

    دبئی: سابق کپتان شعیب ملک کی سابقہ اہلیہ ثانیہ مرزا نے دبئی کے اپنے نئے گھر سے شوہر کا نام ہٹادیا۔

    باغی ٹی وی: میڈیا رپورٹس کے مطابق دبئی میں بھارتی ٹینس اسٹار ثانیہ مرزا کے وِلا کا کام مکمل ہوگیا جبکہ فنشنگ کی جارہی ہے جس کے بعد وہ اپنے بیٹے اذہان کے ہمراہ گھر میں منتقل ہوجائیں گی، ثانیہ مرزا اپنے بیٹے اذہان کے ساتھ طویل عرصے سے متحدہ عرب امارات (یو اے ای) میں مقیم ہیں۔

    قبل ازیں خبریں سامنے آئیں تھی کہ بھارتی ٹینس اسٹار ثانیہ مرزا اور متحدہ عرب امارات کے بزنس ٹائیکون عدیل ساجن کے درمیان ممکنہ تعلقات قائم ہوئے ہیں تاہم تصدیق نہیں ہوسکی، عدیل ساجن دبئی میں بھارتی ٹینس اسٹار کے وِلا کو ڈیزائن کررہے تھے۔

    بلوچستان پر دشمنوں کا پھربزدلانہ وار، تحریر: جان محمد رمضان

    ادھر گھر پر لکھی گئی نام کی پلیٹ سے ثانیہ مرزا نے شعیب ملک کو ہٹادیا ہے اور اب ان کی جگہ اپنے بیٹے اذہان کا نام لکھا ہے، ثانیہ مرزا نے انکشاف کیا ہے کہ ان کی زندگی کی پہلی ترجیح اب ان کا بیٹا اذہان ہے، جو ان کا بہترین دوست ہے۔

    واضح رہے کہ ثانیہ مرزا اور شعیب ملک 2010 میں شادی کے بندھن میں بندھے تھے تاہم 14 سال بعد 2024 میں دونوں کے درمیان علیحدگی ہوئی، انکا بیٹا اذہان 2017 میں پیدا ہوا تھا، ثانیہ مرزا پاکستانی کرکٹر سے شادی کے بعد دبئی آگئیں تھی اور وہیں سے اپنی اکیڈمی چلارہی ہیں۔واضح رہے کہ بھارتی ٹینس اسٹار ثانیہ مرزا نے 2023 میں پروفیشنل ٹینس سے ریٹائرمنٹ لے لی اور 6 گرینڈ سلیم ٹائٹلز اپنے نام کیے تھے۔

    پاکستان کیلئےمستقبل میں اچھے دن آرہے ہیں،وزیر داخلہ محسن نقوی

  • پاکستان میں ہونیوالی سہہ ملکی ون ڈے سیریز ، میچ آفیشلز کا اعلان ہو گیا

    پاکستان میں ہونیوالی سہہ ملکی ون ڈے سیریز ، میچ آفیشلز کا اعلان ہو گیا

    لاہور: انٹر نیشنل کرکٹ کونسل (آئی سی سی) نے پاکستان میں ہونے والی سہہ ملکی ون ڈے سیریز کے لیے میچ آفیشلز کا اعلان کر دیا، سنگل لیگ کی بنیاد پر ہونے والی سہ فریقی سیریز 8 سے 14 فروری تک لاہور اور کراچی میں کھیلی جائے گی-

    باغی ٹی وی : آئی سی سی نے ڈیوڈ بون، رچرڈالنگورتھ اور مائیکل گف کو سہ فریقی ون ڈے سیریز کے لیے میچ آفیشلز مقرر کیا ہےآسٹریلیا کے ڈیوڈ بون جو آئی سی سی ایلیٹ پینل آف میچ ریفریز کے رکن ہیں، میزبان پاکستان، نیوزی لینڈ اور جنوبی افریقہ پر مشتمل سہ فریقی ون ڈے سیریز کے لیے پلیئنگ کنٹرول ٹیم کی قیادت کریں گے۔

    پاکستان اور نیوزی لینڈ کے درمیان سہ فریقی ون ڈے سیریز کا پہلا میچ 8 فروری کو قذافی اسٹیڈیم لاہور میں کھیلا جائے گا جس میں آئی سی سی ایلیٹ پینل کے رکن انگلینڈ کے مائیکل گف اور آئی سی سی انٹرنیشنل پینل امپائر پاکستان کے فیصل خان آفریدی آن فیلڈ امپائرز ہوں گے۔

    پاکستان کیلئےمستقبل میں اچھے دن آرہے ہیں،وزیر داخلہ محسن نقوی

    قذافی اسٹیڈیم 10 فروری کو نیوزی لینڈ اور جنوبی افریقا کے درمیان ہونے والے میچ کی میزبانی کرے گا جہاں رچرڈ النگورتھ اور راشد ریاض آن فیلڈ امپائزر جبکہ مائیکل گف تھرڈ امپائر ہوں گے۔

    لیگ کا آخری میچ اور سہ فریقی سیریز کا فائنل کراچی کے نیشنل بینک اسٹیڈیم میں کھیلا جائے گا پاکستان اور جنوبی افریقا کے درمیان کراچی میں ہونے والے میچ میں آصف یعقوب اور مائیکل گف آن فیلڈ امپائرز ہوں گے، جبکہ جمعہ 14 فروری کو ہونے والے فائنل میں آئی سی سی ایلیٹ پینل امپائر احسن رضا رچرڈ النگورتھ کے ساتھ آن فیلڈ امپائرہوں گے۔

    اسٹار فٹبالر رونالڈو نے نیا اعزاز اپنے نام کر لیا

  • پاکستان کیلئےمستقبل میں اچھے دن آرہے ہیں،وزیر داخلہ محسن نقوی

    پاکستان کیلئےمستقبل میں اچھے دن آرہے ہیں،وزیر داخلہ محسن نقوی

    اسلام آباد: وفاقی وزیر داخلہ اور چئیرمین پی سی بی محسن نقوی کا کہنا ہے کہ پاکستان کے لیے مستقبل میں اچھے دن آرہے ہیں،حالیہ امریکہ کے دورے سے پاکستان کو بہت فائدہ ہو گا-

    باغی ٹی وی : وزیر داخلہ محسن نقوی نے ایک بیان میں کہا کہ نادرا اور پاسپورٹ دفاتر میں اصلاحات لائے ہیں ، ایک ماہ پہلے اعلان کیا تھا کہ پاسپورٹ کا بیک لاگ ختم ہو گیا ہے،اس دن فیصلہ کہا تھا کہ نادرا کے ساتھ مل کر کاؤنٹر بنائے جائیں گے14شہروں میں نادرا کے ساتھ پاسپورٹ کاونٹرز بنا رہے ہیں، لاہور میں 3 کاونٹرز بنائیں گے، عوام کو فائدہ پہنچے گا-

    محسن نقوی نے کہا کہ لوگوں کا ایک ہی جگہ رش نہیں لگا کرے گا ،عوام کو سہولت فراہم کرنا مقصد ہے،ایف آئی اے میں بڑے پیمانے میں اصلاحات ہو گی،ایف آئی اے کو بہتر کریں گے، پاکستان کے لیے مستقبل میں اچھے دن آرہے ہیں، حالیہ امریکہ کے دورے سے پاکستان کو بہت فائدہ ہو گا.

    اسٹار فٹبالر رونالڈو نے نیا اعزاز اپنے نام کر لیا

    انہوں نے کہا کہ 8تاریخ کو لاہور میں میچ ہے اسی دن ایک سیاسی جماعت لاہور میں احتجاج کر رہی ہےسیاسی جماعت سے احتجاج کے حوالے سے بات کریں گےخوشی ہوتی ہے جب پاکستانی جائز طریقے سے ملک کے باہر جاتے ہیں ناجائز کام کرنے والوں کے خلاف کارروائی کی جائے گی-

    کراچی کے دروازے ہر سیاسی جماعت کے لیے کھلے ہیں۔مرتضیٰ وہاب

  • اسٹار فٹبالر رونالڈو نے نیا اعزاز اپنے نام کر لیا

    اسٹار فٹبالر رونالڈو نے نیا اعزاز اپنے نام کر لیا

    پرتگال کے اسٹار فٹبالر کرسٹیانو رونالڈو نے النصر کی نمائندگی کرتے ہوئے سعودی پرو لیگ میں ایک اور نیا سنگ میل عبور کرلیا۔

    باغی ٹی وی :اسپورٹس ویب سائٹ کے مطابق جمعرات کو سعودی پرو لیگ کے اہم معرکے میں کرسٹیانو رونالڈو نے الراید کیخلاف ٹیم کو 2-1 سے فتح دلوائی، اس میچ میں ایک گول اسٹار فٹبالر نے کیا جبکہ ایک اسسٹ کیا تھا،اس فتح کےساتھ ہی رونالڈو دنیا کے واحد فٹبالر بن گئے ہیں جنہوں نے مختلف کلبز کی نمائندگی کرتے ہوئے اب تک 700 فتوحات اپنے نام کی ہوں، ان کے علاوہ کوئی فٹبالر یہ کارنامہ سرانجام نہیں دے سکا،رونالڈو نے النصر کیلئے ابتک 94 میچز میں 85 گول اسکور کیے ہیں۔

    پنجاب حکومت نے 5 فروری کو عام تعطیل کا اعلان کر دیا

    واضح رہے کہ 39 سالہ فٹبالر نے النصر کو جنوری 2023 میں جوائن کیا تھا، تب انھیں 164 ملین پاؤنڈ فی سیزن میچز کیلئے اور اضافی 49 ملین پاؤنڈ آف دی فیلڈ ایونٹس کیلئے دیئے گئے تھے، اب وہ دنیا کے سب زیادہ معاوضہ حاصل کرنے والے کھلاڑی بن جائیں گے۔

    وسیم اکرم کے بیٹے نے ماڈلنگ کی دنیا میں قدم رکھ دیا

  • پنجاب حکومت نے 5 فروری کو عام تعطیل کا اعلان کر دیا

    پنجاب حکومت نے 5 فروری کو عام تعطیل کا اعلان کر دیا

    لاہور: سندھ کے بعد پنجاب حکومت نے بھی پانچ فروری کو یوم کشمیر پر عام تعطیل کا اعلان کر دیا ہے۔

    باغی ٹی وی : حکومت پنجاب نے یوم یکجہتی کشمیر کے سلسلے میں پانچ5 فروری کو صوبے بھر میں عام تعطیل کا اعلان کیا ہے اس حوالے سے جاری نوٹیفکیشن کے مطابق 5 فروری کو تمام دفاتر اور ادارے بند ہوں گے۔

    واضح رہے کہ اس سے قبل وفاقی حکومت کی جانب سے سال 2025 کیلئے 17 عوامی تعطیلات کا اعلان کیا جا چکا ہے، جن میں 5 فروری کی چھٹی بھی شامل ہے، 5 فروری بروز بدھ کشمیر یکجہتی دن کے طور پر منایا جائے گا۔

    وسیم اکرم کے بیٹے نے ماڈلنگ کی دنیا میں قدم رکھ دیا

    یاد رہے کہ بھارتی حکومت کے جبر کا شکار کشمیری عوام سے اظہار یکجہتی کے لیے پاکستان میں ہر سال 5 فروری کو یوم یکجہتی کشمیر منایا جاتا ہے، اس دن پاکستانی حکومت و عوام مقبوضہ كشمير کی آزادی اور کشمیری عوام سے اظہار یکجہتی کرتی ہے

    پاکستان 5 فروری کو منقسم کشمیر کے سبھی حصوں میں بسنے والے کشمیریوں سے اظہارِ یکجہتی کا دن مناتا ہے یہ دن منانے کا سلسلہ گذشتہ کئی سال سے بلا تعطل جاری ہے جس میں پاکستان اور دنیا کے کئی ممالک میں بسنے والے پاکستانیوں کی سیاسی اور مذہبی جماعتیں احتجاجی جلسے منعقد کرتی ہیں اور سرکاری سطح پر تقریبات کا انعقاد ہوتا ہے۔

    مری میں برف باری کا سلسلہ جاری ،محکمہ موسمیات کی نئی پیشگوئی جاری

  • وسیم اکرم کے بیٹے نے ماڈلنگ کی دنیا میں قدم رکھ دیا

    وسیم اکرم کے بیٹے نے ماڈلنگ کی دنیا میں قدم رکھ دیا

    کراچی: پاکستان قومی کرکٹ ٹیم کے سابق کپتان وسیم اکرم کے بیٹے اکبر اکرم نے ماڈلنگ کی دنیا میں قدم رکھ دیا۔

    باغی ٹی وی : سابق قومی کرکٹ ٹیم کے کپتان وسیم اکرم تو اشتہارات میں ماڈلنگ کرتے دکھائی دیتے ہیں اب ان کے بیٹے اکبر نے بھی ماڈلنگ کی دنیا میں قدم رکھ دیا ہے،وسیم اکرم جہاں کرکٹ سے ریٹائرمنٹ کے بعد اب کمنٹری اور ٹی وی پر تجزیے کرتے دکھائی دیتے ہیں وہیں وہ مختلف اشتہارات میں ماڈلنگ کرتے بھی نظر آتے ہیں۔

    سابق کرکٹر وسیم اکرم نے سوشل میڈیا پر بیٹے اکبر اکرم کے ساتھ متعدد تصویروں پر مبنی پوسٹ شیئر کی ہےان تصاویر میں باپ اور بیٹے کو ماڈلز کی طرح پوز دیتے ہوئے دیکھا جا سکتا ہے۔

    مری میں برف باری کا سلسلہ جاری ،محکمہ موسمیات کی نئی پیشگوئی جاری

    وسیم اکرم نے اس سے قبل کی گئی ایک پوسٹ کے کیپشن میں اعلان کیا کہ میرے بیٹے، جس شاندار انسان میں تم تبدیل ہوئے ہو اور جس سمت میں تم آگے بڑھ رہے ہو مجھے تم پر بے حد فخر ہے، 24 ویں سالگرہ کے موقع پر میں اپنے بیٹے کی پہلی ماڈلنگ جاب کی ایک تصویر چپکے سے شیئر کر رہا ہوں۔

    سویڈن: قرآن پاک کی بے حرمتی کرنے والے ملعون کا قتل، 5 گرفتار افراد کو رہا کرنے کا حکم

    واضح رہے کہ وسیم اکرم کے اپنی پہلی اہلیہ ہما وسیم سے دو بیٹے تیمور وسیم اور اکبر وسیم ہیں، ہما وسیم کے 2009 میں انتقال کے بعد سا بق فاسٹ بولر نے آسٹریلوی شہری شنیرا سے شادی کی تھی، جن سے ان کی ایک بیٹی آیلا ہے۔

  • مری میں برف باری کا سلسلہ جاری ،محکمہ موسمیات کی نئی پیشگوئی جاری

    مری میں برف باری کا سلسلہ جاری ،محکمہ موسمیات کی نئی پیشگوئی جاری

    اسلام آباد: مری نے برف کی چادر اوڑھ لی، اس کے گرد و نواح میں بارش و برف باری کا سلسلہ جاری ہے۔

    باغی ٹی وی : مری میں برف باری کا سلسلہ جاری ہے سی اینڈ ڈبلیو کی ٹیمیں شاہراہوں پر نمک کا چھڑکاؤ کررہی ہیں حکام کے مطابق لوڈر کی مدد سے شاہراہوں سے برف کو ہٹانے کا سلسلہ جاری ہے اس دوران سنو بلوور کو بھی برف ہٹانے کے لیے استعمال کیا جا رہا ہے۔

    ترجمان پی ڈی ایم اے کے مطابق آئندہ 24 گھنٹوں کے دوران مری میں مزید بارش و برف باری کے امکانات ظاہر کیے گئے ہیں جس سے ٹریفک کی روانی متاثر ہونے کا خدشہ ہے گزشتہ رات سے مری میں ڈھائی انچ تک برف باری ریکارڈ کی گئی، سڑکوں پر انتظامیہ کی جانب سے نمک کا چھڑکاؤ بھی کیا جا رہا ہے۔

    جوڈیشل کمیشن نے پشاور ہائیکورٹ کے لیے 10 ایڈیشنل ججز کی منظوری دے دی

    ترجمان پی ڈی ایم اے نے متعلقہ حکام کو ہدایت کی ہے کہ کسی قسم کی غفلت نہ کی جائے، ٹریفک کی روانی کو یقینی بنایا جائے ڈی جی پی ڈی ایم اے نے شہریوں کو ہدایت کی ہے کہ احتیاط کریں اور غیر ضروری سفر سے گریز کریں، ایمرجنسی صورتِ حال میں پی ڈی ایم اے کی ہیلپ لائن 1129 پر رابطہ کریں۔

    دوسری جانب ملک کے بیشتر علاقوں میں موسم خشک اور سرد رہنے کا امکان ہے،صوبائی دارالحکومت لاہور سمیت پنجاب بھر میں خشک موسم کا سلسلہ جاری ہے جب کہ اپر پنجاب کے بیشتر اضلاع میں آج بادل ہوں گے تاہم بارش کے امکانات نہیں ہیں۔

    یرغمالیوں کی رہائی چوتھے مرحلے میں، دو اسرائیلی رہا

    ماہرین کا کہنا ہے کہ خشک موسم کا یہ سلسلہ آئندہ 3، 4 روز تک جاری رہے گا محکمہ موسمیات کے مطابق لاہور میں خشک موسم کے باعث درجہ حرارت میں بتدریج اضافہ ہو رہا ہے، خشک موسم کے باعث دن قدرے گرم اور راتیں ٹھنڈی ہیں ، بلوچستان کے شمالی علاقوں میں سائبرین ہوائیں چلنے کے باعث کوئٹہ، قلات، زیارت، پشین، مستونگ اور بولان میں سردی کی شدت میں اضافہ ہو گیا ہے۔

    یرغمالیوں کی رہائی چوتھے مرحلے میں، دو اسرائیلی رہا

  • سویڈن: قرآن پاک کی بے حرمتی کرنے والے ملعون کا قتل، 5 گرفتار افراد کو رہا کرنے کا حکم

    سویڈن: قرآن پاک کی بے حرمتی کرنے والے ملعون کا قتل، 5 گرفتار افراد کو رہا کرنے کا حکم

    اسٹاک ہوم: سویڈن کے پراسیکیوٹر نے قرآن پاک کی بیحرمتی کرنے والے ملعون سیلوان مومیکا کے قتل کی تحقیقات میں گرفتار کیے گئے 5 افراد کو رہا کرنے کا حکم دے دیا۔

    باغی ٹی وی : غیرملکی میڈیا کے مطابق سویڈن کے پراسیکیوٹر کی جانب سے جاری بیان میں کہا گیا کہ گرفتار کیے گئے پانچوں افراد کے قتل میں ملوث ہونے کے فی الحال ٹھوس شواہد موجود نہیں اس لیے انہیں زیرحراست رکھنے کا کوئی جواز نہیں تاہم مشتبہ افراد کو مکمل طور پر شک سے بری نہیں کیا گیا ہے،قتل کی تحقیقات جاری ہیں اور یہ پانچوں افراد بھی زیر تفتیش رہیں گے –

    واضح رہے کہ 38 سالہ ملعون عراقی پناہ گزین سیلوان مومیکا کو دو روز قبل گھر میں فائرنگ کرکے قتل کردیا گیا تھا، سویڈن کے وزیراعظم نے ملعون کی ہلاکت پر کہا تھا کہ اس کی ہلاکت کسی غیرملکی طاقت سے جڑے ہونے کا امکان ہے ملعون عراقی پناہ گزین عوامی مقامات پر متعدد بار قرآن پاک کی بے حرمتی میں ملوث تھا اس کے خلاف زیرسماعت مقدمے کا فیصلہ اس کے قتل کے چند گھنٹے بعد سنایا جانا تھا۔

    یرغمالیوں کی رہائی چوتھے مرحلے میں، دو اسرائیلی رہا

    شادی کیلئے کراچی آئی امریکی خاتون علاج کیلئے ہسپتال منتقل

    یرغمالیوں کی رہائی چوتھے مرحلے میں، دو اسرائیلی رہا