Tag: تازہ ترین

اسلام آباد: سابق وفاقی وزیر اور سینیٹر فیصل واوڈا کا کہنا ہے کہ بشریٰ بی بی کی سیاست نے بانی پی ٹی آئی کی سیاست ختم کردی-

باغی ٹی وی : فیصل واوڈا نے کہا کہ تمام صورتحال کے بعد بانی پی ٹی آئی کیلئے مشکلات بڑھ جائیں گی، علی امین گنڈاپور اور بشریٰ بی بی گرفتار ہوسکتے ہیں، پولیس بشریٰ بی بی کا تعاقب کررہی ہے، بشریٰ بی بی کو خود ڈی چوک نہیں آنا تھا ، صرف اُکسانا تھا، بانی پی ٹی آئی کی آنکھوں پرپٹی بندھ گئی ، وہ بیگم سے آگے کچھ نہیں دیکھ رہے-

انہوں نے کہا کہ یہ کارکنان کو ہمیشہ کی طرح بے یارو مددگار چھوڑ کر بھاگ گئے۔ بشریٰ بی بی اور علی امین گنڈاپور ایک ہی گاڑی میں فرار ہوئے، بشریٰ بی بی نے تباہی مچانی تھی ، تابوت میں آخری کیل ٹھونک دی، بشریٰ بی بی کی سیاست نے بانی پی ٹی آئی کی سیاست ختم کردی،2، 3 دن پہلے بتا دیا تھا کوئی ڈی چوک آئے گا تو حکومت دھوئے گی۔

اسلام آباد: تحریک انصاف کی جانب سے احتجاج ختم کرنے کے اعلان کے بعد موٹر وے کھول دی گئی ہے۔

باغی ٹی وی : ترجمان موٹر وے پولیس کے مطابق موٹروے ایم 2 کو لاہور اسلام آباد ٹریفک کے لیے کھول دیا گیا،موٹروے ایم 11 کو لاہور سیالکوٹ ٹریفک کے لیے کھول دیا گیا ہے، موٹروے ایم 4 کو پنڈی بھٹیاں تا عبدالحکیم، موٹروے ایم 14 ہکلہ ڈیرہ اسماعیل خان، موٹروے ایم3 کو ٹریفک کے لیے کھول دیا گیا ہے۔

اسلام آباد اور لاہور کے روڈ بھی ٹریفک کے لئے بحال کر دیئے گئے ہیں، اسلام آباد میں گرینڈ آپریشن مکمل ہونے کے بعد معمولات زندگی بحال ہونے لگی جہاں کنٹینرز موجود ہیں انہیں ہٹانے کا عمل جاری ہے، اسلام آباد میں جہاں جہاں کنٹینرز لگا کر راستے بند کئے گئے تھے، ان رکاوٹوں کو ہٹا کر تمام سڑکیں ٹریفک کے لئے بحال کی جا رہی ہیں،جبکہ ڈی سی اسلام آباد کی ہدایت پر شہر بھر میں شاہر ا ہوں کی صفائی کا کام بھی جاری ہے، احتجاج کے باعث گزشتہ 3 روز سے معطل ہونے والی انٹر نیٹ سروس بھی بحال ہوگئی۔

ڈی سی اسلام آباد عرفان میمن کا کہنا ہے کہ ضلعی انتظامیہ اسلام آباد نے شاہراہوں سے رکاوٹیں ہٹانے کا فیصلہ کیا گیا ہے اور تمام اسسٹنٹ کمشنرز کو علاقے میں موجود کنٹینرز ہٹانے کی ہدایات جاری کر دی گئی ہیں، تمام تر وسائل کو بروئے کار لاتے ہوئے راستے فی الفورکھولے جا رہے ہیں، کوشش ہے کہ صبح ہونے سے قبل شہریوں کے لیے راستے کھول دیے جائیں گے-

ڈی سی اسلام آباد عرفان میمن نے تمام اسسٹنٹ کمشنر کو ہدایات جاری کی ہیں کہ شہر کی تمام شاہراہوں پر صفائی ستھرائی کے انتظامات بھی صبح تک مکمل ہونے کو یقینی بنائے جائیں۔

ادھر پی ٹی آئی احتجاج کے باعث 3 دن سے بند مری روڈ سے کینٹینرز ہٹائے جارہے ہیں، پی ٹی آئی کے احتجاج پر 23 نومبر کی شب مری روڈ کو مکمل سیل کر دیا گیا تھا مری روڈ فیض آباد، شمس آباد اور اسٹیڈیم روڈ کے کاروبار 3 دن سے بند ہیں، مری روڈ سے کینٹینرز ہٹانے کا عمل جاری ہے، گزشتہ 3 روز سے معطل ہونے والی انٹر نیٹ سروس بھی بحال کردی-

دوسری جانب ترجمان لاہور ٹریفک پولیس کا کہنا ہے کہ شہر کے تمام داخلی و خارجی راستے کھلے ہیں، لاہور اسلام آباد، لاہور سیالکوٹ موٹروے، ایسٹرن بائی پاس بھی کھول دیا گیا ہے لاہور رنگ روڈ ٹریفک کیلئے کھلی ہے اور شہرکے اندر ٹریفک معمول کے مطابق رواں دواں ہے، دوسری جانب اسلام آباد میں ٹریفک بحال ہو گئی ہے۔

اسلام آباد: بشریٰ بی بی کی بہن مریم ریاض وٹو نے بشریٰ بی بی کو اغوا کیے جانے کا خدشہ ظاہر کر دیا ہے۔

باغی ٹی وی: اپنے بیان میں مریم ریاض وٹو نے کہا کہ کچھ لوگ کہہ رہے ہیں بشریٰ بی بی گرفتار ہو گئی ہیں اور کچھ کہہ رہے ہیں کہ وہ خیبر پختونخوا پہنچ گئی ہیں، لگتا ہے بشریٰ بی بی کو زبردستی اغوا کر کے لے جایا گیا ہے،بشریٰ بی بی خیبر پختونخوا میں اور خیریت سے ہوتیں تو ضرور فیملی سے رابطہ کرتیں، بشریٰ بی بی نے کہا تھا کہ دھرنے کو ختم کرنے کا حق صرف بانی کے پاس ہے، پی ٹی آئی کی سیاسی کمیٹی کے پاس دھرنے کو ختم کرنے کا اختیار نہیں۔

واضح رہے کہ اسلام آباد میں پولیس آپریشن کے دوران خیبرپختونخوا کے وزیراعلیٰ علی امین گنڈاپور اور بشریٰ بی بی ایک ہی گاڑی میں فرار ہو گئے ہیں،اس حوالے سےپریس کانفرنس میں محسن نقوی کا کہنا تھا کہ ،بشری بی بی اور علی امین گنڈا پور ابھی تک فرار ہیں،،آج کل جو پی ٹی آئی کی سربراہ بنی ہوئی ہیں انہوں نے کہا بانی کا فیصلہ نہیں مانتی ،گرفتاریوں سے متعلق آئی جی اسلام آباد کل تفصیلات شیئر کریں گے ، گرفتاریوں سے متعلق ابھی کوئی بات نہیں کررہا،ایک دو لوگ نہیں کئی ہزار لوگ بھاگے ہیں

اسلام آباد: وزیر داخلہ محسن نقوی نے کہا ہے کہ شرانگیزی کی سازش بری طرح سے ناکام ہوئی۔

باغی ٹی وی: وزیر داخلہ محسن نقوی نے بلیوایریا کا دورہ کیا اور قانون نافذ کرنے والے اداروں کے جوانوں سے ملاقاتیں کیں، محسن نقوی نے اسلام آباد کے علاقے کلیئر کرانے پر سیکیورٹی فورسز کی تعریف کرتے ہوئے کہا کہ رینجرز، پولیس، ایف سی اور پاک فوج کے جوانوں کو خراج تحسین پیش کرتا ہوں۔

وزیر داخلہ محسن نقوی نے اسلام آباد کی سڑکوں کی فوری صفائی کرنے کی ہدایت کرتے ہوئے کہا کہ سی ڈی اے کو صفائی کے لیے ہدایات دیں انہوں نے اسلام آباد میں نقصانات کا بھی جائزہ لیا اور سڑکوں سے رکاوٹیں ہٹانے کی ہدایت کرتے ہوئے کہا کہ شر انگیزی کی سازش بری طرح سے ناکام ہوئی۔

قبل ازیں وفاقی وزیر داخلہ محسن نقوی نے پی ٹی آئی مظاہرین کے خلاف کریک ڈاؤن کے بعد پریس کانفرنس کرتے ہوئے کہا ہے کہ سب کلئیر ہو گیا ہے، ہمارے لیے ضروری ہے کہ فوری طور پر اسلام آباد کی سڑکیں کھولیں ، میرا خیال ہے اسکول بھی پرسوں کھلیں گے-

محسن نقوی کا کہنا تھا کہ میٹروبس سروس بھی کل کھل جائے گی، انٹرنیٹ سروس بھی کھول دینگے ،بشری بی بی اور علی امین گنڈا پور ابھی تک فرار ہیں،اسلام آباد ، پنجاب پولیس ، ایف سی ، رینجرز اور پاک آرمی کا بھی شکریہ ،اللہ قانون نافذ کرنے والوں کے زخمی اہلکاروں کو صحت دے ، امید ہے کل نیا دن نئی سوچ کے ساتھ طلوع ہو گا،کوشش کی بہت سی چیزیں آرام سے کریں جس میں کامیاب ہوئے –

انہوں نے کہا کہ پی ٹی آئی سے کہتا ہوں اب بس کریں، کب تک ایسا کریں گے، پی ٹی آئی نے کہا راستہ دے دیں ہم نے راستہ بھی کھول دیا ، پی ٹی آئی کو خود کہا سنگجانی میں جا کر جلسہ کریں ،کتنی بار یہ کرنا ہے بس کریں ، اپنے صوبے میں جا کر عوام کی خد مت کریں-

اسلام آباد: پاکستان تحریک انصاف (پی ٹی آئی) کے احتجاج میں شر پسندوں کی ایکسپریس وے اسلام آباد پر آنسو گیس کے شیل فائر کرنےکی سی سی ٹی وی ویڈیو منظر عام پر آگئی۔

باغی ٹی وی : سکیورٹی ذرائع کے مطابق ویڈیو میں نظر آنے والے افراد تربیت یافتہ ہیں جو مہارت سے جدید اسلحہ اور آنسو گیس کے شیل فائر کر رہے ہیں، ان کو پرتشدد حملوں کے لیے لایا گیا ہے، عام آدمی اتنی مہارت سے یہ جدید اسلحہ اور شیل فائر نہیں کر سکتا پی ٹی آئی شر پسندوں کے پاس سرکاری اور جدید اسلحہ کی فراہمی پریشان کن ہے، یہ ایک منظم حکمت عملی کے تحت لائےگئے ہیں، جن کا مقصد سکیور ٹی اداروں پر حملہ آور ہو کر صورت حال میں بگاڑ پیدا کرنا ہے۔
https://x.com/AsimNaseer81/status/1861477818712105469
یہ اسلحہ سرکاری طور پر قانون نافذ کرنے والے اداروں کے استعمال میں ہوتا ہے، ایک عام آدمی کے ہاتھ میں اس اسلحہ کی فراہمی کس نےکی،یہ سرکاری اسلحہ کس کی ایما پر لایا گیا، کس نے سہولت کاری کی،ریاست کے خلاف شر انگیزی کس کے کہنے پر کی جا رہی ہے؟-
https://x.com/ahmad__bobak/status/1861423341967679620
قانون نافذ کرنے والے اداروں پر کل سےکئی بار پرتشدد حملےکیے جا چکے ہیں، جن میں رینجرز کے جوانوں کی شہادتیں ہوئیں، پولیس کے جوان شہید ہوئے اور زخمی ہوئے، سرکاری املاک کو نقصان بھی پہنچایا گیا، ریاست ان عناصر کی نشاندہی کر رہی ہے اور شر پسند عناصر کو قانون کے تحت قرار واقعی سزا دی جائےگی۔

دوسری جانب عطاء تارڑ نے اپنے ویڈیو بیان میں اسلام آباد میں موجود مظاہرین کے پاس موجود جدید اسلحے کی فوٹیج چلائی اور کہا کہ مظاہرین میں ایسے لوگ ہیں جو جدید اسلحہ سے لیس ہیں، انہوں نے سوال اٹھایا کہ ان مظاہرین کے پاس یہ جدید اسلحہ کہاں سے آتا ہے؟ کیا پرامن مظاہرے میں ایسی چیزیں لائی جاتی ہیں؟ مظاہرے میں شامل نقاب پوش آنسوگیس کے شیل چلارہے ہیں، سی سی ٹی وی فوٹیج سے شرپسندوں کی تفصیلات حاصل کرلی ہے پوچھتا ہوں کیا یہ اسلحہ خیبر پختونخوا حکومت نے ان مظاہرین کو نہیں دیا؟ یہ دہشت گرد ہیں، ان سے کسی قسم کی بات چیت نہیں ہوگی۔
https://x.com/realrazidada/status/1861470820687557077
عطاء تارڑ نے کہا کہ اب مظاہرین ڈی چوک کے کہیں آس پاس نظر نہیں آرہے، انہیں پسپا کردیا گیا ہے، کسی کو ریڈ زون نہیں آنے دیا جائے گا ان کومزید پیچھے دھکیل دیں گے۔ مذاکرات زیرو پر آگئے ہیں، پی ٹی آئی کے کسی رہنما یا ترجمان سے کوئی بات چیت نہیں ہوگی، نہ یہ پرامن ہیں نہ ان کا مقصد ملک کی خاطر ہے، ان کا مقصد ان کا جیل میں لیڈر ہے۔