اسلام آباد: وزیر داخلہ محسن نقوی نے کہا ہے کہ جو ڈی چوک پہنچے گا وہ گرفتار ہوگا، وہ آئیں اور ہم انہیں جانے دیں یہ نہیں ہوگا-
باغی ٹی وی : اپنے ایک بیان میں محسن نقوی نے کہا کہ ڈی چوک پہنچے گا وہ گرفتار ہوگا، وہ آئیں اور ہم انہیں جانے دیں یہ نہیں ہوگا، میانوالی میں ہم پر فائرنگ کی گئی، وہ لاشیں چاہ رہے تھے، ہمارے تمام لوگ گولیوں سے زخمی ہوئے ہیں، اگر میں ان پر فائرنگ کرتے تو وہ پتھر گڑھ سے آگے نہیں نکل سکتے تھے، اگر پانچ منٹ فائرنگ ہو تو ایک بندہ نظر نہیں آئے گا، کسی پولیس اہلکار کے پاس اسلحہ نہیں ہے، پولیس اہلکاروں کے پاس ڈنڈے، آنسو گیس کے شیل ہیں۔
انہوں نے کہا کہ مذاکرات پر چند گھنٹے ٹھہر جائیں، کوئی مذاکرات نہیں ہیں، یہ بات کلیئر کردوں، پہلی کوشش ہے لوگوں کی جانیں نہ جائیں،دوسری ، تیسری کوشش ہے لوگوں کی جانیں نہ جائیں، ہماری کوشش اپنے لوگوں کی جانیں بچانا ہے۔
دوسری جانب رہنما تحریک انصاف رؤف حسن نے کہا ہے کہ اسلام آباد پہنچنا ہدف ہے دیکھتے ہیں حکومت کتنے دن شہر بند رکھتی ہے،پی ٹی آئی قافلے کا سست ہونا ہماری سٹرٹیجی کا حصہ ہے، سارے قافلے اکٹھے ہو کر اسلام آباد میں داخل ہوں گے، قافلہ26نمبر چونگی پر موجود ہے۔
انہوں نے کہا کہ اسلام آباد میں داخل ہونے کا فیصلہ لیڈرشپ نےکرنا ہے، اسلام آباد میں کونسی جگہ دھرنا دینا ہے ، فیصلہ پارٹی کرےگی، آج بیرسٹرگوہر،بیرسٹرسیف نےبانی پی ٹی آئی سے ہدایات لی ہیں، پشاورموڑہماری منزل نہیں ہے۔رہنما تحریک انصاف کا کہنا تھا کہ ہم نےماضی میں سیکڑوں جلسے کیے ایک گملہ بھی نہیں ٹوٹا، ہمارا کوئی ایسا ہدف نہیں جو پرتشدد ہو، ہمارا پہلا ہدف اسلام آباد پہنچنا تھا، ہم دیکھتے ہیں حکومت کتنے دن اسلام آباد بند رکھے گی۔
