Baaghi TV

Tag: تازہ ترین

  • ملک کے 15 نامزد بینکوں میں حج درخواستوں کی وصولی کا آغاز

    ملک کے 15 نامزد بینکوں میں حج درخواستوں کی وصولی کا آغاز

    اسلام آباد :سال 2025 کے دوران حج کی سعادت حاصل کرنے کے سلسلے میں ملک کے 15 نامزد بینکوں میں حج درخواستوں کی وصولی کا آغاز ہوگیا۔

    باغی ٹی وی : ترجمان مذہبی امور کے مطابق سرکاری حج اسکیم کا کوٹا 89 ہزار 605 مختص ہے، سمندر پار پاکستانیوں کے لیے اسپانسر شپ اسکیم کی 5 ہزار نشستیں مختص ہیں، بیرون ملک سے امریکی ڈالرز میں یک مشت ادائیگی کرنا ہوگی، حج درخواست کے ہمراہ دو لاکھ روپے جمع کرانا ہوں گے، دوسری قسط قرعہ اندازی کےبعد وصول کی جائیگی، یکم تا 10 فروری بقیہ حج واجبات ادا کرنا لازمی ہوں گے۔

    ترجمان کے مطابق وزارت کے ڈیش بورڈ پر بینکوں کی برانچوں کی کارکردگی کو براہ راست مانیٹر کیا جائے گا، خواتین عازمین حج سرپرست کی اجازت سے قابل اعتماد گروپ کے ساتھ بغیر محرم روانہ ہو سکیں گی، اضافی سہولیات میں الگ فیملی رومز، قربانی کی سہولت دستیا ب ہوگی، سرکاری حج پیکیج میں فضائی ٹکٹ، کھانا، تربیت، مکتب، ویکسین شامل ہیں۔

    وزارت مذہبی امور کے مطابق شدید نوعیت کے پیچیدہ امراض کے حامل افراد کو سفر حج کی اجازت نہیں ہوگی، ایڈوانس اسٹیج کی حاملہ خواتین سفر حج پر روانہ نہیں ہوسکیں گی، 12 سال سے کم عمر بچے سفر حج پر روانہ نہیں ہو سکیں گے، درخواست گزاروں کو حج ہیلپ لائن، ویب سائٹ، موبائل ایپ اور آفیشل سوشل میڈیا اکاؤنٹس سے رہنمائی میسر ہوگی۔

    واضح رہے کہ گزشتہ ہفتے وفاقی وزیر مذہبی امور چوہدری سالک حسین نے حج پالیسی 2025 کا اعلان کیا تھا اور بتایا تھا کہ آئندہ سال پاکستان سے ایک لاکھ 79 ہزار 210 شہری حج کی سعادت حاصل کر سکیں گے جب کہ اخراجات 10 لاکھ 75 ہزار روپے سے 11 لاکھ 75 ہزار روپے کے درمیان متوقع ہیں، سرکاری حج اسکیم کے لیے روایتی لانگ پیکج 38 تا 42 دن اور شارٹ پیکیج 20 تا 25 دن پر محیط ہو گا۔

    وزیر مذہبی امور نے بتایا تھا کہ سرکاری حج اسکیم کے تحت 18 نومبر سے 3 دسمبر تک حج درخواستیں وصولی کی جائیں گی، حج قرعہ انداز ی 6 دسمبر کو کی جائے گی، حج واجبات 2 لاکھ روپے کی پہلی قسط حج درخواست کے ساتھ جمع کرانا ہو گی، قرعہ اندازی کے 10 دن کے اندر اندر 4 لاکھ روپے مزید جمع کروانا لازم ہے جب کہ بقیہ رقم یکم تا 10 فروری 2025 کے درمیان جمع کرانی لازم ہو گی۔

  • اے این ایف کی کارروائیاں،37 کلو گرام منشیات برآمد

    اے این ایف کی کارروائیاں،37 کلو گرام منشیات برآمد

    راولپنڈی:اینٹی نارکوٹکس فورس(اے این ایف) کا تعلیمی اداروں اور ملک کے مختلف شہروں میں منشیات اسمگلنگ کے خلاف کریک ڈاؤن جاری ہے، اسی سلسلے میں 11 مختلف کارروائیوں کے دوران 13 ملزمان کو گرفتار کرکے 42 لاکھ روپے سے زائد مالیت کی 37 کلو گرام منشیات برآمد کرلی گئی-

    باغی ٹی وی : ترجمان کے مطابق اے این ایف نے اسلام آباد میں یونیورسٹی کے قریب ملزم سے 90 گرام چرس برآمد کرلی، گرفتار ملزم نے دوران تفتیش تعلیمی اداروں کے طلبہ کو منشیات فروخت کرنے کا اعتراف بھی کرلیا ہے،ایم ون ٹول پلازہ اسلام آباد کے قریب مسافر بس میں سوار 2 ملزمان سے 4.100 کلو گرام چرس اور ایک کلو گرام افیون برآمد ہوئی،مظفر گڑھ روڈ ملتان کے قریب ملزم سے 465 گرام آئس برآمد کرلی گئی۔

    وزیر آباد روڈ سیالکوٹ میں ملزم سے ایک کلو گرام افیون اور 100 گرام آئس برآمد کرلی گئی، ڈی جی خان میں سخی سرور روڈ کے قریب ملزم سےایک کلو گرام آئس برآمد ہوئی،سرگودھا میں یونیورسٹی روڈ کےقریب 2 ملزمان سے 5 کلو چرس برآمد کرلی گئی گجرا ت میں شا ہین چوک کے قریب ٹرک میں چھپائی گئی 3.6 کلو گرام چرس اور ایک کلو آئس برآمد کرکے ملزم کو گرفتار کرلیا گیا۔

    مانسہرہ میں جی ٹی روڈ پر کار کے خفیہ خانوں سے 8 کلو گرام چرس برآمد کرکے ملزم کو گرفتار کرلیا گیا اسی طرح برہان انٹرچینج اٹک کے قریب 2 ملزمان سے مجموعی طور پر 4.400 کلو گرام چرس برآمد کی گئی، مانسہرہ میں ہوٹل کے قریب ایک اور کارروائی کے دوران گاڑی سے 7 کلو گرام چرس برآمد کرکے ملزم کو گرفتار کرلیا گیا، پشاور میں حیات آباد کے قریب لاوارث کار سے ایک کلو گرام آئس برآمد کرلی گئی۔

    تمام کارروائیوں میں گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے

  • روس کیخلاف امریکی میزائل استعمال کرنے کی یوکرین کی درخواست منظور

    روس کیخلاف امریکی میزائل استعمال کرنے کی یوکرین کی درخواست منظور

    واشنگٹن: امریکی صدر جو بائیڈن نے روس کے خلاف امریکی میزائل استعمال کرنے کی یوکرین کی درخواست منظور کرلی۔

    باغی ٹی وی: غیر ملکی میڈیا کی رپورٹ کے مطابق امریکی صدر جو بائیڈن نے یوکرین کی جانب سے کئی ماہ تک درخواست کرنےکے بعد بلآخر یوکرین کو روس کے خلاف جنگ میں دور تک مار کرنے والے (لانگ رینج) امریکی میزائل ATACMS کو استعمال کرنے کی اجازت دیدی۔

    یہ فیصلہ اس وقت سامنے آیا ہے جب ماسکو نے تقریباً 50,000 فوجیوں کو کرسک میں تعینات کر دیا ہے، جنوبی روسی علاقے جہاں کیف نے موسم گرما میں اپنی حیرت انگیز جوابی کارروائی شروع کی تھی، تاکہ علاقہ واپس لینے کی تیاری کی جا سکے۔

    رپورٹ کے مطابق لانگ رینج میزائل ATACMS امریکی ساختہ ہے اور 300 کلومیٹر (186 میل) دور تک جاکر ٹارگٹ کو نشانہ بنا سکتا ہے امریکی صدر کی جانب سے میزائل استعمال کرنے کی اجازت ممکنہ طور پر روس کی جانب سے یوکرین کے خلاف جنگ میں شمالی کوریا کی فوجیوں کی شمولیت کے فیصلے کا جواب ہے۔

    ایک امریکی اہلکار نے بتایا کہ ہتھیاروں کا مقصد فی الحال بنیادی طور پر کرسک میں استعمال کیا جانا ہے وہاں اپنی بھاری نفری کے ساتھ، روس مستقبل کے کسی بھی امن مذاکرات میں یوکرینیوں کے لیے ممکنہ سودے بازی کے طور پر کرسک کو میز سے ہٹانے کی کوشش کر رہا ہے، جسے امریکہ نہیں دیکھنا چاہتا اہلکار نے کہا کہ خیال یہ ہے کہ یوکرین کو کرسک کو زیادہ سے زیادہ عرصے تک برقرار رکھنے میں مدد فراہم کی جائے۔

    شمالی کوریا کے ہزاروں فوجی روس کی جارحیت کے ایک حصے کے طور پر کرسک میں تعینات ہیں، جو بائیڈن اور ان کے مشیروں کی طرف سے تشویش کو جنم دے رہے ہیں کہ ان کا داخلہ جنگ میں ایک خطرناک نئے مرحلے کا باعث بن سکتا ہے۔

    واضح رہے کہ ماضی میں روسی صدر پیوٹن نے کہا تھا کہ یوکرین کو نیٹو ممالک کی جانب سے فراہم اسلحے کو جنگ میں استعمال کرنے کی اجازت کو نیٹو ممالک کی براہ راست جنگ میں شمولیت سمجھا جائیگا۔

  • وزیراعظم کی اسحاق ڈار کو بلاول بھٹوکے تحفظات دور کرنے کی ہدایت

    وزیراعظم کی اسحاق ڈار کو بلاول بھٹوکے تحفظات دور کرنے کی ہدایت

    اسلام آباد: وزیراعظم شہباز شریف نے پاکستان پیپلزپارٹی کے چیئرمین بلاول بھٹو زرداری کے تحفظات دور کرنے کی ہدایت کردی۔

    باغی ٹی وی: دو روز قبل بلاول بھٹو زرداری نے کہا تھاکہ وفاق میں نہ عزت دی جاتی ہے، نہ سیاست کی جاتی ہے، نہ معاہدے پر عمل ہورہا ہے، وہ 26 ویں ترمیم میں مصروف تھے اور حکومت نے پیچھے کینالز کی منظوری دے دی، وفاقی حکومت نے آئین سازی کے وقت برابری کی باتیں کیں، لیکن آئین سازی کے وقت حکومت اپنی باتوں سے پیچھے ہٹ گئی، دیہی سندھ سے ججز ہوتے تو برا بری کی بات کرتا، جوڈیشل کمیشن میں ہوتا تو آئینی بینچ میں فرق پر بات کرتا، میں جوڈیشل کمیشن سے احتجاجاً الگ ہوا۔

    وزیراعظم نے پاکستان بلاول بھٹو زرداری کے تحفظات دور کرنے کی ہدایت کردی اور نائب وزیراعظم اسحاق ڈار کو ذمے داری دے دی، اسحاق ڈار کو پیپلز پارٹی کی قیادت سے رابطوں کا حکم دے دیا ن لیگ کے رہنما بیرسٹر عقیل ملک نے کہاکہ پیپلز پارٹی اہم اتحادی ہے، کچھ غلط فہمیوں کی وجہ سے یہ تحفظات پیدا ہوسکتے ہیں لیکن نائب وزیر اعظم جلد ہی اس سلسلے میں بلاول بھٹو زرداری سے ملاقات کریں گے۔

  • سوات میں زلزلے کے جھٹکے

    سوات میں زلزلے کے جھٹکے

    سوات کےعلاقے مینگورہ شہر اور گردونواح میں زلزلے کے جھٹکے محسوس کئے گئے ہیں-

    باغی ٹی وی : زلزلہ پیما مرکز کے مطابق زلزلے کی شدت 4.1 ریکارڈ کی گئی، شہری خوفزدہ ہوکر کلمہ طیبہ کا ورد کرتے ہوئےگھروں سے باہر نکل آئے، جانی نقصان کی اطلاع نہیں ملی ہے۔

    زلزلہ پیما مرکز کے مطابق مینگورہ اور گردونواح میں زلزلے کے جھٹکوں کی زیرزمین گہرائی 213 کلو میٹر ریکارڈ کی گئی ہے،زلزلےکا مرکز افغانستان اور تاجکستان ریجن تھا۔

    دوسری جانب جاپان کے علاقے کوشیما میں 6.2 شدت کا زلزلہ ریکارڈ کیا گیا ہے امریکی زلزلہ پیمامرکز کے مطابق زلزلہ 70.6 کلومیٹر گہرائی میں آیا ہےغیر ملکی خبر ایجنسی کے مطابق کوشیما میں زلزلے کے بعد سونامی کی وارننگ جاری نہیں کی گئی ہے ابتدائی اطلاعات کے مطابق زلزلے سے کوشیما میں کسی نقصان کی اطلاع نہیں ملی۔

  • ماحولیاتی بہتری اور اسموگ سے مستقل بچاؤ کی منزل دور ہے،مریم اورنگزیب

    ماحولیاتی بہتری اور اسموگ سے مستقل بچاؤ کی منزل دور ہے،مریم اورنگزیب

    لاہور: پنجاب کی سینیئر صوبائی وزیر مریم اورنگزیب نے کہا ہے کہ ماحولیاتی بہتری اور اسموگ سے مستقل بچاؤ کی منزل دور ہے،، تاہم وزیراعلی مریم نواز شریف کے ماحولیاتی بہتری کے وژن پر عمل درآمد سے آنے والے چند سالوں میں نمایاں بہتری نظر آئے گی-

    ایک بیان میں مریم اورنگزیب نے کہا کہ دہلی اسموگ کے اسکور میں 601 سے 720 پر پہنچ گیا ہے جبکہ لاہور میں صبح 247 کے اسکور کے مقابلے میں شام کو اسموگ مزید کم ہوکر 177 کے اسکور پر آ گیا تھا، جبکہ بھارت میں فصلیں جلانے کے دھوئیں سے فضائی آلودگی مزید بڑھ گئی ہے مشرقی ہواؤں کے رخ میں تبدیلی سے بھارت سے کالے دھوئیں کی پاکستان آمد فی الحال رکی ہوئی ہے اورپاکستان میں آج رات نظر آنے والی ‘دھند’ گندم کٹائی کے بعد پیدا ہونے والی فضائی کیفیت ہے۔

    مریم اورنگزیب نے کہاکہ اداروں اور عوام کے تعاون سے صورتحال میں بہتری نظر آئی ہے،مشترکہ کاوشیں جاری رکھنا ہوں گی، ماحولیا تی بہتری اور اسموگ سے مستقل بچاؤ کی منزل دور ہے، تاہم وزیراعلی مریم نواز شریف کے ماحولیاتی بہتری کے وژن پر عمل درآمد سے آنے والے چند سالوں میں نمایاں بہتری نظر آئے گی-

    دوسری جانب لاہورمیں اسموگ کے پیش نظر اسکولز ،مارکیٹیں اور تفریحی مقامات پر پابندییوں میں توسیع کردی گئی ہے، تعلیمی ادارے 24نومبرتک بند رہیں گے یا آن لائن منتقل ہونگے،مارکیٹوں کی بندش میں توسیع کا نوٹفکیشن جاری کر دیا گیا۔

    ڈی جی ماحولیات پنجاب کی جانب سے جاری نوٹیفیکشن کے مطابق کمرشل مارکیٹوں کی بندش میں 24نومبر تک توسیع کردی گئی ، پارکس ،چڑیا گھر، تاریخی مقامات بند رہیں گے لاہوراورملتان میں تمام سرکاری ، نجی یونیورسٹی ، کالجزاورسکولز 24نومبرتک بند رہیں گے، تمام ترآؤٹ ڈورسرگرمیوں پر 24 نومبر تک پابندی ہوگی،اسی طرح ملتان اورلاہور میں تعمیراتی سرگرمیوں پرمکمل بند رہیں گی ، فرنس آئل اور اینٹوں کے بھٹوں پر بھی پابندی ہوگی ،لاہورمیں فائر ورکس پر پابندی رہے گی، نجی ،سرکاری دفاترمیں 50 فیصد عملہ کم کرنےکی پا بندی میں 31جنوری تک توسیع کردی گئی ہے، آوٹ ڈورڈائننگ میں 4چاربجےتک پابندی ہوگی۔

    ڈی جی ماحولیات پنجاب نے کہا کہ ٹیک اوے پررات 8 بجےتک ریسٹورنٹس پرپابندی ہوگی ، ملتان اور لاہور میں ہائیر ٹریول وہیکلز کے داخلے پر بھی پابندی رہے گی مارکیٹیں ، دکانیں اور شاپنگ مالز رات آٹھ بجے بند ہونگے، پنجاب کے 16 اضلاع میں تعلیمی اداروں اورپارکوں میں داخلے پر 24 نومبرتک پابندی ہوگی ضلع مری تمام تر پابندیوں سے مستثنی ہونگے ، محکمہ ماحولیات نےتینوں سیکٹرز میں پابندیوں کی توسیع کے نوٹفکیشن جاری کردئیے گئے ہیں ۔

    ڈی جی ماحولیات پنجاب کے جاری نوٹفکیشن کے مطابق نماز جنازہ پرکسی قسم کی پابندی کا اطلاق نہیں ہوگا۔

  • 24 نومبر کےجلسے کی حتمی کامیابی کیلئے خواجہ آصف کا عمران خان اور بشریٰ کو مشورہ

    24 نومبر کےجلسے کی حتمی کامیابی کیلئے خواجہ آصف کا عمران خان اور بشریٰ کو مشورہ

    اسلام آباد: وزیر دفاع خواجہ آصف نے کہا ہے کہ 24 نومبر کے جلسے کی حتمی کامیابی کیلئے عمران خان اپنے تینوں بچوں اور بشریٰ بی بی اپنے بیٹوں، بیٹیوں، نواسوں اور پوتوں کی بھی شرکت لازمی بنائیں۔

    باغی ٹی وی : سماجی رابطے کی سائٹ ایکس پر خواجہ آصف نے دعویٰ کیا کہ بشری بی بی نے 24 نومبر کے جلسے کے لیے ممبران قومی و صوبائی اسمبلی اور ہر ٹکٹ ہولڈر کی پانچ سے 20 ہزار افراد لانے کی ذمہ داری لگائی ہے۔

    انہوں نے طنز کرتے ہوئے کہا کہ جلسے کی حتمی کامیابی کیلئے عمران خان اپنے 3عدد بچے لندن سے بلائیں اور بشری بی بی بھی اپنے بچے بچیاں اور پوتے پوتیاں نواسے نواسیوں کی شرکت لازم بنائیں، بشری بی بی اور عمران خان شرکا اور خرچے کا بوجھ کچھ خود بھی اٹھائیں، ساری عمر ہوگئی ہے مفت اور نوسر بازی کرتے ہوئے، بشریٰ بی بی اور عمران خان اپنے کاز کے ساتھ کمٹمنٹ کا اظہار کریں۔

    واضح رہے کہ پاکستان تحریک انصاف کے 24 نومبرکے احتجاج کی کال کے حوالے سے ملک بھر میں تیاریاں جاری ہیں ، احتجاج کے سلسلے میں بانی پی ٹی آئی کی اہلیہ بشریٰ بی بی نے پارٹی قیادت کو اہم ہدایات جاری کردی ہیں،بشریٰ بی بی نے کہا ہے کہ تمام اراکین اسمبلی اپنے ساتھ 5 ہزار افراد لے کر آئیں گے، کارکنان کی گاڑیوں اور خوراک کا انتظام اراکین پارلیمنٹ کریں گے،اراکین پارلیمنٹ قافلے میں موجود تمام گاڑیوں کی ویڈیو بنائیں گے، ویڈیو بنانے کی ذمہ داری بھی اراکین پارلیمنٹ کی ہو گی۔

  • 24 نومبر احتجاج:بشریٰ بی بی کی تمام اراکین اسمبلی کو اپنے ساتھ 5 ہزار افراد لے کر آنے کی ہدایت

    24 نومبر احتجاج:بشریٰ بی بی کی تمام اراکین اسمبلی کو اپنے ساتھ 5 ہزار افراد لے کر آنے کی ہدایت

    24 نومبر کو احتجاج کی کال کے حوالے سے بشری بی بی نے ہدایت دی ہے کہ تمام اراکین اسمبلی اپنے ساتھ 5 ہزار افراد لے کر آئیں-

    باغی ٹی وی : پاکستان تحریک انصاف کے 24 نومبرکے احتجاج کی کال کے حوالے سے ملک بھر میں تیاریاں جاری ہیں ، احتجاج کے سلسلے میں بانی پی ٹی آئی کی اہلیہ بشریٰ بی بی نے پارٹی قیادت کو اہم ہدایات جاری کردی ہیں ،انہوں نے کہا کہ مام اراکین اسمبلی اپنے ساتھ 5 ہزار افراد لے کر آئیں گے، کارکنان کی گاڑیوں اور خوراک کا انتظام اراکین پارلیمنٹ کریں گے، اراکین پارلیمنٹ قافلے میں موجود تمام گاڑیوں کی ویڈیو بنائیں گے، ویڈیو بنانے کی ذمہ داری بھی اراکین پارلیمنٹ کی ہو گی۔

    اس سے قبل بشریٰ بی بی سے آئی ایس ایف اور یوتھ لیڈرز نے گزشتہ روزتفصیلی ملاقات کی ، ملاقات کے دوران بشری بی بی نے انہیں بانی پی ٹی آئی کا پیغام پہنچایا بشریٰ بی بی نے کہا کہ بانی کی نوجوانوں سے بہت توقعات ہیں ، پی ٹی آئی کے 24 نومبرکے احتجاج کے حوالے سے نوجوانوں کو متحرک کیا جائےبعد ازاں بشری بی بی نے پاکستان تحریک انصاف کے عہدیداروں سے بھی الگ الگ ملاقاتیں کی ہیں، انہوں نے عہدیداران کو احتجاج کےحوالے سے ضروری ہدایات دیں۔

    دریں اثنا بشریٰ بی بی نے ارکان اسمبلی اور پارٹی عہدیداروں کو عمران خان کی ہدایات سے آگاہ کیا اور کہا کہ عمران خان کا پیغام ہے پارلیمنٹ، قانون اور آئین کی بالادستی کے لیے نکلنا ہے لیڈر عمران خان ہیں،مجھے صرف خان کا پیغام پہنچانے کے لیے آ گے آنا پڑا ہے، اجلا س میں وزیراعلٰی خیبر پختونخوا بھی موجود تھے جنہوں نے ارکان کو 24 نومبر احتجاج کے حوالے سے ہدایات جاری کیں۔

  • اسرائیل کے لبنان پر ایک ہی دن میں 145 حملے

    اسرائیل کے لبنان پر ایک ہی دن میں 145 حملے

    بیروت: اسرائیل نے لبنان پر 145 حملے کئے ہیں-

    باغی ٹی وی : اسرائیلی فورسزکی جانب سے داحیہ میں شہریوں کو نشانہ بنایا گیا، شہری دفاع کے مرکز پر حملے میں شہید لبنانیوں کو سپرد خاک کردیا گیا ہےدوسری جانب حزب اللہ نے جوابی کارروائی کرتے ہوئے حیفا میں اسرائیلی فوجی اڈوں پر ڈرون حملے کرتے ہوئے 80 میزائل داغے ہیں ،جس میں ایک ٹینک تباہ جبکہ اسرائیلی فوجی مارا گیا۔

    اسرائیلی فوج نے کہا کہ اتوار کو لبنان سے اسرائیل میں داخل ہونے والے تقریباً 20 میزائلوں کی نشاندہی کی گئی تھی جن میں سے بعض کو ملک کے فضائی دفاعی نظام نے روک لیا،حیفا خلیج اور مغربی گلیلی کے علاقوں میں صبح 10:11 اور 10:12 کے درمیان سائرن بجے جس کے بعد تقریبا 20 گولوں کی نشاندہی کی گئی جو لبنان سے اسرائیلی علاقے میں داخل ہوئے، ان میں سے بعض کو روک لیا گیا ایمرجنسی سروسز نے فوری طور پر کسی زخمی کی اطلاع نہیں دی۔

    شمالی اسرائیل کے علاقے سیزریا میں اسرائیلی وزیراعظم کی رہائش گاہ پر بھی حملہ کیا، گھر کے صحن میں دو بم گرائے گئے تاہم نیتن یاہو اہلخانہ سمیت گھر پر موجود نہیں تھے،اسرائیلی وزیردفاع نے کہا کہ مخالفین تمام حدیں عبورکرچکے ہیں، اب تک اس بات کی تصدیق نہیں ہوئی ہے کہ حملہ حزب اللہ کی طرف سے کیا گیا تھا ؟–

  • عابدہ عثمانی کی اداکارہ نرگس پر تہمت،مولانا ناصر مدنی کا بیان بھی آگیا

    عابدہ عثمانی کی اداکارہ نرگس پر تہمت،مولانا ناصر مدنی کا بیان بھی آگیا

    فلم اور ٹی وی کی سینئر اداکارہ عابدہ عثمانی نے سابقہ اداکارہ نرگس پر تنقید کرتے ہوئے ایک ویڈیو میں کہا ہے کہ حج جتنے مرضی کر کے آئی ہو، حج قبول نہیں ہونا، تمہارے پاس پیسہ ہے جتنے مرضی حج کر لو-

    باغی ٹی وی : سابقہ اداکارہ نرگس بارے عابدہ عثمانی کے بیان پر مختلف مذہبی رہنماؤں کا ردعمل اور فتاوی سامنے آئے ہیں،اس حوالے سے معروف عالمی دین مولانا ناصر مدنی نے کہا کہ غزالہ المعروف نرگس نے ہمارے ساتھ حج دو مرتبہ کیا ان کے بارے میں طرح طرح کے کلپ وائرل ہیں ایک اداکارہ عابدہ عثمانی نے کہا ہے کہ ان کا حج عمرے قبول نہیں اس پر انہوں نے کافی علما اکرام سے فتوے لئے میرے سے بھی رابطہ کیا گیا میں تو شروع سے تقریروں میں بھی لوگوں سے کہتا ہوں کہ حج ایک عظیم عبادت ہے کہ سوائے شرک کےاللہ ہر گناہ معاف کر دیتا ہے بلکہ 9 ذولحج یوم عرفہ کے دن سورج غروب ہونے سے پہلے جو عرفات میں داخل ہو جائے اس کا حج اللہ قبول کرتا ہے اور شرط ہے کہ اس کا عقیدہ توحید ہو وہ اللہ کو ایک مانتا ہو اور نبی کریم صلی اللہ علیہ وآلہ وسلم کو آخری نبی مانتا ہو –

    انہوں نے ویڈیو پیغام میں کہا کہ حج ہر قسم کی برائی کوکھا جاتا ہے تو یہ کیسے ہو جاتا ہے کہ ہم آآئے دن اٹھ کر کسی کے مسئلے کے اوپر کہیں کہ فلاں کا حج قبول نہیں فلاں کا عمرہ قبول نہیں جس نے سچے دل سے توبہ قبول کر لی ہو اور آئندہ کیلئے نصیحت حاصل کر لے تو اللہ کہتا ہے کہ میں پچھلے گناہ نیکیوں میں تبدیل کر دیتا ہوں کسی کو اللہ نے دنیا میں کوئی اختیار نہیں دیا کہ آپ کسی کی توبہ پر کوئی قدغن لگا سکیں اللہ تو مہربان ہے اللہ جبرائیل سے کہتا ہے کہ فرعون کے منہ پر گاڑھا دے کہ کہیں یہ پورا لفظ منہ سے نا نکال دے کہ اللہ مجھے معاف کر دے اور مجھے معاف کرنا پڑے تو اس کا مطلب ہے کہ اللہ توبہ قبول کرتا ہے میں امد کرتا ہوں کی جتنے احتجاج ہو رہے ہیں فتوے جاری ہورہے ہیں حکومت کو چاہیئے کہ ایسے لوگوں کے اوپر قدغن لگائے جو بغیر سوچے سجھے ویڈیو بنا کر اپ لوڈ کر دیتے ہیں جس کے مرضی حج جس کے مرضی عمرے پر انگلی اٹھا دیتے ہیں –