Tag: تازہ ترین

امریکی خفیہ ایجنسی سی آئی اے کا اعلیٰ ترین اہلکار ہی اسرائیلی حملوں کے دستاویزات کی لیک میں ملوث نکلا-

باغی ٹی وی: نیو یارک ٹائمز کے مطابق ایران پر اسرائیلی حملوں کے منصوبوں سے متعلق دستاویزات لیک کرنے کے کیس میں امریکی اداروں نے امریکی خفیہ ادارے سی آئی اے کے ایک اعلیٰ اہلکار کو گرفتار کیا ہے، آصف ڈبلیو رحمٰن سی آئی اے کے لیے کام کرتا تھا اور اُسے غیر معمولی سیکیورٹی کلیئرنس بھی حاصل تھی اُسے امریکا کے مرکزی تفتیشی ادارے ایف بی آئی نے منگل کو کمبوڈیا میں گرفتار کیا۔

واضح رہے کہ گزشتہ ماہ ایران کے خلاف اسرائیل کے ممکنہ جوابی اقدامات کے منصوبوں سے متعلق دستاویزات وائرل ہوگئی تھیں یہ دستاویزات یکم اکتوبر کو ایران کی طرف سے اسرائیل پر 200 سے زائد میزائل داغے جانے بعد طے کی جانے والی حکمتِ عملی سے متعلق تھیں۔

یہ دستاویزات نیشنل جیو اسپیٹیل انٹیلی جینس ایجنسی نے تیار کی تھیں جن سے سیٹلائٹ سے لی جانے والی تصویریں بھی نتھی کی گئی تھیں۔ اس میں میزائلز کے ذریعے کی جانے والی جوابی کارروائی کی تفصیلات بھی درج تھیں یہ دستاویزات آسٹریلیا، کینیڈا، نیوزی لینڈ، برطانیہ اور امریکا پر مشتمل انٹیلی جنس الائنس فائیو آئیز سے تعلق رکھنے والے صرف وہی لوگ دیکھ سکتے تھے جہیں اعلیٰ ترین سطح پر کلیئرنس دی گئی ہو، دی مڈل ایسٹ اسپیکٹیٹر نے بتایا تھا کہ اُسے یہ دستاویزات نامعلوم ذرائع سے موصول ہوئی تھیں اور یہ کہ اُس کا اِن دستاویزات کو لیک کرنے والے سے کوئی تعلق نہ تھا۔

کیف: یوکرین کی وزارت دفاع کے مطابق، اگر ڈونلڈ ٹرمپ امریکی فوجی امداد واپس لے لیتے ہیں تو یوکرین مہینوں کے اندر ایک ابتدائی جوہری بم تیار کر سکتا ہے۔

باغی ٹی وی: وزارت دفاع کی رپورٹ میں کہا گیا ہے کہ ملک تیزی سے پلوٹونیم سے ایک بنیادی ڈیوائس بنانے کے قابل ہو جائے گا جس کی ٹیکنالوجی 1945 میں ناگاساکی پر گرائے گئے "فیٹ مین” بم سے ملتی ہے۔ دستاویز میں کہا گیا ہے کہ "ایک سادہ ایٹم بم بنانا، جیسا کہ امریکہ نے مین ہٹن پروجیکٹ کے فریم ورک کے اندر کیا، 80 سال بعد کوئی مشکل کام نہیں ہوگا۔”

یورینیم کو افزودہ کرنے کے لیے درکار بڑی سہولیات بنانے اور چلانے کے لیے وقت نہ ہونے کے باعث، جنگ کے وقت یوکرین کو ملکی نیوکلیئر ری ایکٹروں سے لیے گئے ایندھن کی سلاخوں سے نکالے گئے پلوٹونیم کے استعمال پر انحصار کرنا پڑے گا۔

یہ امکان ہفتوں پہلے اس وقت پیدا ہوا تھا جب اکتوبر میں صدر ولادیمیر زیلنسکی نے کہا تھا کہ انہوں نے ستمبر میں نیویارک شہر میں ہونے والی میٹنگ کے دوران ٹرمپ کو بتایا تھا کہ یوکرین یا تو نیٹو میں شامل ہو جائے گا یا جوہری ہتھیار تیار کر لے گا۔

زیلنسکی نے دعویٰ کیا کہ ٹرمپ نے انہیں سنا ہے اور کہا ہے کہ "یہ ایک منصفانہ دلیل تھی، بعد میں انہوں نے اس بیان کو واپس لیتے ہوئے کہا کہ یوکرین جوہری ہتھیاروں نہیں بنائے گا،تاہم، زیلنسکی کے بیان نے قیاس آرائیوں کو جنم دیا کہ آیا یوکرائنی جوہری ہتھیاروں کا پروگرام تکنیکی اور سیاسی نقطہ نظر سے حقیقت پسندانہ ہے۔

ماہرین کا کہنا ہے کہ یوکرین سالوں کے اندر کم از کم ایک قدیم جوہری ہتھیار بنانے کی صلاحیت رکھتا ہے، حالانکہ اس کے لیے کافی سرمایہ کاری کی ضرورت ہوگی۔

امریکی سینٹرل انٹیلی جنس ایجنسی کی سینئر انٹیلی جنس سروس کے ایک ریٹائرڈ رکن جان سیفر نے 5 نومبر میں ٹرمپ کی فتح پر تبصرہ کرتے ہوئے کہا، "میرا اندازہ ہے کہ ہر کوئی جوہری ہتھیار حاصل کرنے والا ہے۔

سیفر، جو اب اٹلانٹک کونسل کے تھنک ٹینک کے ساتھی ہیں، ان خدشات کا ذکر کر رہے تھے کہ ٹرمپ کی اقتدار میں واپسی امریکہ کو تنہائی کی راہ پر گامزن کر سکتی ہے، جس سے مغربی اتحادی، بشمول نیٹو ممبران اور یوکرین، امریکی حمایت کے بغیر اپنا دفاع کرنے کی ضرورت پر غور کر رہے ہیں۔

ماسکو:حکام کی جانب سے ملک کی تیزی سے گرتی ہوئی شرح پیدائش پر کام کرنے کے لیے مبینہ طور پر جنسی وزارت کے قیام کی ایک تجویز پر غور کیا جارہا ہے-

باغی ٹی وی : عالمی میڈیاکے مطابق یہ اقدام روسی صدر ولادیمیر پیوٹن کی زیرقیادت ملک کے خصوصی آبادیاتی آپریشن کے ایک حصے کے طور پر سامنے آیا ہے، تاکہ ملک کی شرح پیدائش کو بڑھایا جاسکےروس میں کام کی جگہ پر جنسی تعلقات کی حوصلہ افزائی سے لے کر راتوں کو بجلی اور انٹرنیٹ بند کرنے تک آبادیاتی سلائیڈ کو ریورس کرنے کی کوششیں تیز کی جا رہی ہیں۔

روسی میڈیا کی ایک حالیہ رپورٹ میں بتایا گیا ہے کہ ملک کی تیزی سے کم ہوتی شرح پیدائش پر کام کرنے کے لیے ایک سرشار جنسی وزارت کے قیام کی تجویز دی گئی ہے،اس کے علاوہ ایک تجویز میں شہریوں کی حوصلہ افزائی شامل ہے کہ وہ رات 10 بجے سے صبح 2 بجے کے درمیان گھر میں انٹرنیٹ اور لائٹس دونوں کو بند کردیں، یہ جوڑوں کے درمیان قربت کو فروغ دینے کا ایک بہترین طریقہ ہے۔

ایک اور تجویز میں یہ کہا گیا کہ جوڑے اپنی پہلی تاریخوں کے لیے حکومت سے 5 ہزار روبل وصول کریں، اور راتیں گھروں سے باہر گزاریں، نوبیاہتا جوڑوں کی سہاگ راتیں ریاست کی طرف سے فنڈ کرنی چاہئیں، ہوٹل کے اخراجات کم سے کم مقرر کیے جائیں دیگر تجاویز جیسے گھر میں رہنے والی ماؤں کو گھریلو کاموں کے لیے معاوضہ دینا اور اس کام کو ان کی پنشن میں شمار کرنا شامل ہے۔

قومی سطح پر حکمت عملیوں کے ساتھ ساتھ کچھ علاقے بھی اس حوالے سے کام کررہے ہیں خبرووسک میں 18 سے 23 سال کی نوجوان خواتین کو بچہ پیدا کرنے کی ترغیب کے طور پر تقریباً ایک لاکھ روبل کی پیشکش کی جاتی ہے چیلیابنسک میں پہلے پیدا ہونے والے بچے کے لیے تقریباً 10 لاکھ روپے کا انعام نمایاں طور پر زیادہ ہے۔

اس کے علاوہ علاقائی وزیر صحت ڈاکٹر یوگینی شیسٹوپالوف نے روسیوں کو ہدایت کی کہ وہ اپنی زندگی میں کام کی جگہ پر جسمانی تعلقات کی اسکیم متعارف کرائیں جس میں دوپہر کے کھانے اور کافی کے وقفے کے دوران بچے پیدا کرنے کا مشورہ دیا گیا تھا۔

تیونس میں لائیو نشریات کے دوران خاتون اینکر بے ہوش ہوگئی،چینل کو نشریات معطل کرنا پڑگئیں۔

باغی ٹی وی: عرب میڈیا کے مطابق نیوز اینکر انیسہ مکشاح کو 8 ماہ سے تنخواہ نہ ملنے کے باعث ڈپریشن کا شکار تھی اور لائیو نشریات کے دوران روتے ہوئےگرگئی خبریں پڑھتے ہوئے خاتون نیوز اینکر انیسہ مکشاح پہلے تو رو پڑی اور پھر سیٹ سے نیچے گرکر بے ہوش ہوگئی، اچانک سب کچھ ہونے پر نیوز چینل کو نشریات روکنا پڑگئیں، خبریں پڑھتے وقت بھی اینکرتکلیف میں مبتلا دکھائی دے رہی تھیں-

رپورٹ کے مطابق یہ واقعہ کسی ٹی وی چینل نہیں بلکہ ریڈیو اسٹیشن میں پیش آیا تھا جسے موبائل فون پر ریکارڈ کرنے والے ملازم نے اسے وائرل کردیا انیسہ مکشاح ہی نہیں بلکہ اس ریڈیو چینل کے دیگر ملازمین بھی تنخواہوں سے محروم ہیں، ساتھیوں نے اس کے رونے کی وجہ معلوم کی تو پتا چلا کہ نجی ریڈیو پر کام کرنے والے صحافیوں نے آٹھ ماہ سے زائد عرصے سے واجبات وصول نہیں کیے تھے۔

جب کہ سوشل میڈیا پر تونس کے بہت سے لوگوں نے براڈکاسٹر کے لیے اپنی ہمدردی کا اظہار کرتے ہوئے متعلقہ حکام سےنجی میڈیا اداروں کے ملازمین کی تنخواہوں کی عدم ادائیگی کی انکوائری کا مطالبہ کیا ہے۔