Tag: تحریک انصاف

تحریک انصاف کو یہودی صیہونی لابی سے گٹھ جوڑ سامنے آ گیا ہے، تحریک انصاف کے رہنماؤں اور عمران خان کے قریبی افراد کے یہودی رہنماؤں کے ساتھ تصاویر ،ویڈیوز نے سب کچھ عیاں کر دیا، اب کچھ ڈھکا چھپا نہیں رہ گیا

تحریک انصاف کا یہودی صیہونی لابی سے گٹھ جوڑ، حقائق ثبوت سامنے آ گئے، سوشل میڈیا کے دعوؤں میں سچائی ثابت ہو گئی،ایک ایسا سیکنڈل سامنے آگیا جو دیکھ کر پاکستانی قوم کے ہوش اڑ جائیں، پی ٹی آئی رہنما یہودی رہنماؤں کے ساتھ دعوتیں اڑا رہے ہیں، پی ٹی آئی رہنماؤں کو اسرائیلی ارب پتی بن نحمادی کے ساتھ کھانا کھاتے ہوئے دکھایا گیا ہے،ویڈیو اور تصاویر سامنے آئی ہیں جس کا عنوان تھا "ایک شاندار ڈنر اور دوستوں کے ساتھ ملنا”۔ ان تصویروں میں صاحبزادہ چیکو، زین قریشی، اور انیل مسرت شامل تھے۔

صاحبزادہ جہانگیر، برطانوی نژاد پی ٹی آئی رہنما اور عمران خان کے قریبی دوست، جنہیں چیکو جہانگیر کے نام سے بھی جانا جاتا ہے، یہ وہی شخص ہے جس نے مبینہ طور مسجد نبوی میں پی ٹی آئی کے احتجاج کی قیادت کی تھی، جہاں انہوں نے مبینہ طور پر اپوزیشن پارٹی کے رہنماؤں کو ہراساں کیا اور زبانی بدسلوکی کی۔ جن میں ایک خاتون سیاستدان بھی شامل ہے۔ وزیراعظم کے طور پر اپنے دور میں عمران خان نے اپنے دیرینہ دوست صاحبزادہ جہانگیر جو کہ برطانوی شہری ہیں، کو اپنا معاون خصوصی برائے غیر ملکی سرمایہ کاری مقرر کیا تھا، چیکو جہانگیر کے عمران خان کے ساتھ تعلقات اتنے گہرے ہیں کہ عمران خان کی جمائما خان سے پہلی شادی کے ولیمے کی تقریب لندن میں ان کے گھر پر منعقد ہوئی۔ مزید برآں، انہوں نے لندن میں شوکت خانم میموریل کینسر ہسپتال کے لیے ایک قابل ذکر فنڈ ریزنگ ڈنر کی میزبانی کی، جس میں امیتابھ بچن اور دلیپ کمار نے شرکت کی تھی

یہ پہلی مثال نہیں ہے کہ عمران خان کا قریبی دوست ہونا ہی پاکستان میں غیر ملکیوں کو بطور وزیر مملکت تعینات کرنے کے لیے کافی ہے۔ اس سے قبل برطانوی شہری زلفی بخاری کو وزیراعظم کا مشیر برائے سمندر پار پاکستانی تعینات کیا گیا تھا۔ پاناما لیکس میں آف شور کمپنیوں کے مالک ہونے کے بعد ان کا نام سامنے آنے کے بعد انہیں اس وقت نیب الزامات کا سامنا ہے۔

زین قریشی، تحریک انصاف کے رہنما شاہ محمود قریشی کے بیٹے، جوایک ایسے خاندان سے تعلق رکھتے ہیں جو حضور صلی اللہ علیہ وسلم کی نسل کا دعویٰ کرتے ہیں اور سچے سید کے طور پر سامنے آتے ہیں حال ہی میں، زین قریشی کو یہودی ارب پتی کے ساتھ ڈنر کرتے دیکھا گیا ہے

تیسرا فرد انیل مسرت ہے جو ایک برطانوی بزنس مین اور پراپرٹی ٹائیکون ہے۔ 2008 میں، انیل مسرت کو سنڈے ٹائمز کی امیر ترین فہرست میں برطانیہ کے 550ویں امیر ترین شخص کے طور پر درج کیا گیا تھا۔ انہوں نے 2012 میں پی ٹی آئی میں شمولیت اختیار کی اور پارٹی کے لیے ایک اہم فنڈ جمع کرنے والے رہے ہیں۔ انیل کو منی لانڈرنگ کیس اور پاکستانی سیاستدانوں کے لیے لندن میں جائیداد کی خریداری میں بھی ملوث کیا گیا ہے۔ انکا پی ٹی آئی کی پیسہ کمانے والی ‘نیا پاکستان ہاؤسنگ اسکیم’ سے گہرا تعلق رہا ہے۔

پی ٹی آئی کے ان ارکان کی یہودی ارب پتی کے ساتھ حالیہ تصاویر نے پی ٹی آئی اور عمران خان کے یہودی لابی سے روابط اور اس سے ان کی مالی معاونت کے الزامات کو مزید مضبوط کر دیا ہے۔

 

تحریک انصاف کے یہودی لابی سے روابط بارے پاکستان میں بھی انکشافات کئے جاتے رہے ہیں،جے یو آئی سربراہ مولانا فضل الرحمان نے ایک بار کہا تھا کہ ہم نے یہودی لابی ایجنٹ کے چہرے سے نقاب اتار دیا ہے، آج وہ جیل میں ہے، فخر ہے، ہم نے اس فتنے کو شکست دی،انہوں نے نوجوانوں کو تباہ کیا، یہودی لابی کا ایجنٹ آج مکافات عمل کا شکار ہے، ہم نے کہا تھا پی ٹی آئی کوئی سیاسی جماعت نہیں، ہم نے کہا تھا یہ بنائی گئی پارٹی ہے اس کا کوئی نتیجہ نہیں نکلے گا۔

یہودی لابی سے ملاقات کرنیوالے عمران خان کے قریبی دوست جہانگیر چیکو پر پہلے بھی مقدمات درج ہو چکے ہیں اور وہ جیل جا چکے ہیں ، سینئر صحافی و اینکر پرسن مبشر لقمان نے مبشر لقمان یو ٹیوب آفییشل چینل پر ایک ویڈیو میں انکشاف کیا تھا کہ جہانگیرچیکو مسجد نبوی واقعہ کے واقت ویڈیو بھی بنا رہے تھے اور نعرے بھی لگوا رہے تھے، آخر میں کسی نے کہا تھا کہ چیکو بھائی ، چیکو بھائی پھر پتہ چلا،صاحبزادہ جہانگیر کو شرم آنی چاہئے ان کی وجہ شہرت کیا ہے کئی لوگ جانتے ہیں، وہ پچھلے ڈھائی ،تین سال فارن انویسمنٹ لانے کے ایمبسڈر رہے ہیں اور کیا کچھ کیا ہے سب پتہ ہے، صاحبزادہ جہانگیر کو جیل ہو چکی ہے اور ان پر جرم ثابت ہو چکا ہے، میرا نام لے کر پوچھئے گا ان سے،رمضان کے بعد انکی حرکات سے پردہ اٹھاوں گا، صاحبزادہ جہانگیر نے سگی بہن کی پیٹھ میں چھرا گھونپا فوزیہ قصوری کے،جس طرح انکا حق مارا گیا ،فوزیہ قصوری نےپاکستان کے لئے امریکہ کی نیشنلٹی سرنڈر تھی ، جہانگیر نے بر طانوی نہیں کی، وہ سازش کرنے والے لیکن رہنا وہیں ہے،

ہم دیوالیہ ہو چکے خان صاحب ،مزید پیسے نہیں دے سکتے، جہانگیر چیکو

پی ٹی آئی کی ڈیجیٹل دہشت گردی کا سیاہ جال،بیرون ملک سے مالی معاونت

جسٹس ملک شہزاد نے چیف جسٹس سے چھٹیاں مانگ لیں

اگر کارروائی نہیں ہو رہی تو ایک شخص داد رسی کیلئے کیا کرے؟چیف جسٹس اسلام آباد ہائیکورٹ

عمران خان کیخلاف درخواست دینے پر جی ٹی وی نے رپورٹر کو معطل کردیا

سوال کرنا جرم بن گیا، صحافی محسن بلال کو نوکری سے "فارغ” کروا دیا گیا

صوبائی کابینہ نے بانی پی ٹی آئی کے خلاف شواہد کے تحت کارروائی کی اجازت دی

توشہ خانہ،نئی پالیسی کے تحت تحائف کون لے سکتا؟قائمہ کمیٹی میں تفصیلات پیش

باسکن رابنز پاکستان کو اربوں روپے جرمانے اور منی لانڈرنگ کی تحقیقات کا سامنا

اگلے دو مہینے بہت اہم،کچھ بڑا ہونیوالا؟عمران خان کی پہنچ بہت دور تک

اڈیالہ جیل میں قید عمران خان نے بالآخر گھٹنے ٹیک دیئے

جعلی ڈگری،جسٹس طارق جہانگیری کے خلاف ریفرنس دائر

"بھولے بابا” کا عام آدمی سے خود ساختہ بابا بننے کا سفر ،اربوں کے اثاثے

سپریم کورٹ ،مخصوص نشستوں کے حوالے سے سنی اتحاد کونسل کی درخواست پر سماعت ہوئی

چیف جسٹس قاضی فائز عیسیٰ کی سربراہی میں فل کورٹ نے سماعت کی، وکیل فیصل صدیقی نے کہا کہ مختصر رہوں گا، پندرہ منٹ میں جواب الجواب مکمل کروں گا،آرٹیکل 218 کے تحت دیکھنا ہے کیا الیکشن کمیشن نے اپنی زمہ داری شفاف طریقہ سے ادا کی یا نہیں،ثابت کروں گا الیکشن کمیشن نے اپنی زمہ داری مکمل نہیں کی، موقف اپنا گیا کہ سنی اتحاد کونسل نے انتخابات میں حصہ نہیں لیا، مخصوص نشستوں کی لسٹ جمع نہیں کروائی، 2018 میں بلوچستان عوامی پارٹی نے کوئی سیٹ نہیں جیتی لیکن تین مخصوص نشستیں ملیں،الیکشن کمیشن نے بلوچستان عوامی پارٹی سے متعلق بے ایمانی پر مبنی جواب جمع کروایا،الیکشن کمیشن کے سامنے معاملہ سپریم کورٹ سے پہلے بھی لے کر جایاگیاتھا،الیکشن کمیشن اپنے ہی دستاویزات کی نفی کررہاہے، کیا یہ بےایمانی نہیں؟

آپ کا کیس مختلف ہے، سنی اتحادکونسل نے انتخابات میں حصہ نہیں لیا، جسٹس عرفان سعادت
جسٹس جمال مندوخیل نے ریمارکس دیتے ہوئے کہا کہ بھول جائیں الیکشن کمیشن نے کیاکہا؟ کیا الیکشن کمیشن کا فیصلہ آئین کے مطابق تھا؟ وکیل فیصل صدیقی نے کہا کہ الیکشن کمیشن کا فیصلہ بلوچستان عوامی پارٹی سے متعلق قانون پر مبنی تھا، جسٹس اطہرمن اللہ نے کہا کہ کیا الیکشن کمیشن کا بلوچستان عوامی پارٹی سے متعلق مخصوص نشستوں کا فیصلہ چیلنج کیا؟ وکیل فیصل صدیقی نے کہا کہ الیکشن کمیشن کہہ دیتا کہ غلطی ہوگئی، الیکشن کمیشن نے ایسا رویہ اختیار کیاجیسے بلوچستان عوامی پارٹی سے متعلق فیصلے کا وجود ہی نہیں،جسٹس عرفان سعادت نے کہا کہ کیا بلوچستان عوامی پارٹی نے خیبرپختونخوا انتخابات میں حصہ لیا؟ وکیل فیصل صدیقی نے کہا کہ بلوچستان عوامی پارٹی نے خیبرپختونخوا انتخابات میں حصہ لیا لیکن سیٹ نہیں جیتی،جسٹس عرفان سعادت نے کہا کہ آپ کا کیس مختلف ہے، سنی اتحادکونسل نے انتخابات میں حصہ نہیں لیا، ابھی دلائل دیں لیکن بعد میں تفصیلی جواب دیں، جسٹس جمال مندوخیل نے کہا کہ سیاسی پارٹی اور پارلیمانی پارٹی میں فرق ہوتا ہے،پارلیمنٹ کے اندر جو فیصلے ہوتے ہیں وہ پارلیمانی پارٹی کرتی ہے،ایسے فیصلے سیاسی پارٹی نہیں کرسکتی،پارلیمانی پارٹی پولیٹیکل پارٹی کا فیصلہ ماننے کی پابند نہیں، جیسے وزیراعظم کو ووٹ دینا ہو تو پارلیمانی پارٹی پابند نہیں کہ سیاسی پارٹی کے فیصلے پر عملدرآمد کرے، وکیل فیصل صدیقی نےکہا کہ آپ بالکل درست فرما رہے ہیں،

آپ چاہتے ہیں کہ 2018 کے انتخابات کے حوالے سے کیس لیں تو لے لیتے ہیں، چیف جسٹس
باپ پارٹی! نام عجیب سا ہے! جسٹس جمال مندوخیل کے جملے پر قہقہے گونج اٹھے،جسٹس جمال مندوخیل نے کہا کہ اگر کوئی پارٹی باقی صوبوں میں سیٹ لے اور ایک صوبے میں نہ لے تو کیا ہوگا؟ وکیل فیصل صدیقی نےکہا کہ بلوچستان عوامی پارٹی نے دیگر صوبوں میں سیٹ جیتی لیکن خیبرپختونخوا میں کوئی سیٹ نہیں لی، الیکشن کمیشن کا غیرشفاف رویہ ہے، چیف جسٹس قاضی فائز عیسیی نے کہا کہ کیا آپ چاہتے ہیں سپریم کورٹ جوڈیشل نوٹس لے؟ اگر نہیں تو ذکر کیوں کررہے؟آپ چاہتے ہیں کہ 2018 کے انتخابات کے حوالے سے کیس لیں تو لے لیتے ہیں، لیکن سپریم کورٹ 2018 انتخابات پر انحصار نہیں کرےگی، وکیل فیصل صدیقی نے کہا کہ اگر الیکشن کمیشن امتیازی سلوک کررہا تو سپریم کورٹ دیکھے،چیف جسٹس قاضی فائز عیسیٰ نے کہا کہ یعنی 2018 میں الیکشن کمیشن ٹھیک تھا؟

کیا سنی اتحاد کونسل میں صرف سنی شامل ہوسکتے ہیں؟ چیف جسٹس
وکیل فیصل صدیقی نے کہا کہ یونانی کہتےتھے اگر دلائل سے بات نہیں کرسکتے تو فرد پر اٹیک کردو،چیف جسٹس قاضی فائز عیسیٰ نے کہا کہ کیا یونانی مثال اچھی بات ہے؟ آئینی بات ہے؟ وکیل فیصل صدیقی نے کہا کہ اچھی بات نہیں لیکن الیکشن کمیشن کی منافقت ظاہر ہے، جمیعت علمائے اسلام ف کو بھی اقلیتوں کی مخصوص نشست دی ہوئی،چیف جسٹس قاضی فائز عیسیٰ نے کہا کہ جمیعت علمائے اسلام ف نے کہا ہمارے مینی فیسٹو میں ایسا کچھ نہیں،وکیل فیصل صدیقی نے کہا کہ میں جمیعت علمائے اسلام ف کا اقلیتوں کے حوالے سے مینی فیسٹو دکھا دیتاہوں، جے یو آئی کو اقلیتی نشست بھی الاٹ کی گئی ہے،جسٹس جمال مندوخیل نے کہا کہ کیا جمیعت علمائے اسلام ف کو اقلیتی نشست نہیں ملنی چاہیے؟ جسٹس نعیم افغان نے کہا کہ کامران مرتضیٰ اس پر وضاحت دے چکے ہیں کہ مس پرنٹ ہوا تھا، وکیل فیصل صدیقی نے کہا کہ کامران مرتضیٰ کی وضاحت ہوا میں ہے، جے یو آئی کی کی ویب سائٹ سے آئین ڈائون لوڈ کیا ہے،چیف جسٹس قاضی فائز عیسیٰ نے کہا کہ کیا سنی اتحاد کونسل میں صرف سنی شامل ہوسکتے ہیں؟وکیل فیصل صدیقی نے کہا کہ سنی اتحاد کونسل میں تمام مسلمان شامل ہوسکتے ہیں، جسٹس جمال مندوخیل نے کہا کہ کیا باقیوں کو آپ مسلمان سمجھتے ہیں؟چیف جسٹس قاضی فائز عیسیٰ نے کہا کہ کیا آپ آئین کے ٹیکسٹ پر بات چاہتے ہیں؟وکیل فیصل صدیقی نے کہا کہ جی میں آئین کے ٹیکسٹ سے ہی فیصلہ چاہتا ہوں، جسٹس حسن اظہر رضوی نے کہا کہ یہ بتائیں کیا ٹیکسٹ میں لکھا ہے مخصوص نشستیں دوسری جماعتوں کو دے دیں ؟ وکیل فیصل صدیقی نے کہا کہ آئین کے ٹیکسٹ میں ایسا نہیں لکھا ہوا،چیف جسٹس قاضی فائز عیسیٰ نے کہا کہ آپ جواب الجواب دلائل نہیں دے رہے نئے نکات اٹھا رہے ہیں،وکیل فیصل صدیقی نے کہا کہ میں انہی نکات پر بات کر رہا ہوں جو بار بار یہاں اٹھائے گئے،چیف جسٹس قاضی فائز عیسیٰ نے کہا کہ آپ بار بار پی ٹی آئی کی طرف سے بات کرنے لگتے ہیں آپ سنی اتحاد کونسل پر رہیں، متناسب نمائندگی کے حساب سے تو سنی اتحاد کونسل کو زیرو نشست ملنی چاہئے، آپ کی تو عام انتخابات میں زیرو نشست تھی،

ہم آپ کے دلائل مان لیں تو آپ کا کیس ہی نہیں، آپ سمجھ جائیں گے جلد، چیف جسٹس کا وکیل فیصل صدیقی سے مکالمہ
وکیل فیصل صدیقی نے کہا کہ کیا 18 جنرل سیٹیں جیتنے والی کو 30 مخصوص نشستیں ملنی چاہیے؟ چیف جسٹس قاضی فائز عیسیٰ نے کہا کہ آپ کی لاجک کے مطابق آپ کو تو پھر صفر سیٹ ملنی چاہیے کیونکہ آپ کوئی سیٹ نہیں جیتے، آپ تحریک انصاف کے کیس پر دلائل دےرہے، آپ سب باتیں اپنے خلاف کررہےہیں، وکیل فیصل صدیقی نے کہا کہ جنہیں آزادامیدوار کہہ رہے وہ آزادامیدوار نہیں،چیف جسٹس قاضی فائز عیسیٰ نے کہا کہ اگر ہم آپ کے دلائل مان لیں تو آپ کا کیس ہی نہیں، آپ سمجھ جائیں گے جلد، ہم آپ کے دلائل مان لیتے ہیں تو مخصوص نشستیں پی ٹی آئی کو مل جائیں گی، وکیل فیصل صدیقی نے کہا کہ مخصوص نشستیں سنی اتحادکونسل کو ملے گی جو پارلیمنٹ میں موجود ہے،

2018 میں بھی انتخابات پر سنجیدہ سوالات اٹھے تھے، الیکشن کمیشن پر بھی سوالات اٹھے تھے، کیا خاموش رہیں؟ جسٹس اطہرمن اللہ
جسٹس اطہرمن اللہ نے کہا کہ ووٹ کے حق پر کوئی بات نہیں کررہا، عوام نے ایک مخصوص سیاسی جماعت کو ووٹ دیا،انتخابات کو شفاف بنانا ضروری ہے، صورتحال کے مطابق ایک بڑی سیاسی جماعت کو ووٹ ملا جس کو انتخابی عمل سے نکال دیا گیا، بات سیاسی جماعت کی نہیں بلکہ عوام کے ووٹ کے حق کی ہے، 2018 میں بھی انتخابات پر سنجیدہ سوالات اٹھے تھے، الیکشن کمیشن پر بھی سوالات اٹھے تھے، کیا خاموش رہیں؟ عوام کا حق پامال ہونے دیں؟

فیصل صدیقی آپ کی جماعت کو تو بونس مل گیا، آپ کی جماعت نے الیکشن نہیں لڑا اور اسی نوے نشستیں مل گئیں،جسٹس عرفان سعادت
وکیل فیصل صدیقی نے کہا کہ الیکشن کمیشن اسی وقت کہہ دیتا آپ سنی اتحاد کونسل میں شامل نہیں ہو سکتے، الیکشن کمیشن کا مسلسل ایک ہی موقف رہتا تو بات سمجھ آتی،جسٹس عرفان سعادت نے کہا کہ فیصل صدیقی آپ کی جماعت کو تو بونس مل گیا، آپ کی جماعت نے الیکشن نہیں لڑا اور اسی نوے نشستیں مل گئیں، جسٹس اطہرمن اللہ نے کہا کہ کیا الیکشن نارمل حالات میں اور شفاف ہوئے تھے؟کیا ایک بڑی سیاسی جماعت کو اپنے امیدوار دوسری جماعت میں کیوں بھیجنے پڑے،وکیل فیصل صدیقی نے کہا کہ دیکھنا ہے کہ آزاد امیدواروں نے کیسے پارٹیوں میں شمولیت اختیار کی،پارٹی کے پارلیمانی لیڈر کو آزاد امیدواروں کی شمولیت کے حوالے سے بتانا ہوگا،آزاد امیدوار کی بھی مرضی شامل ہونی چاہیے،الیکشن کمیشن کے قوانین کے مطابق اگر کوئی سیاسی جماعت کا ممبر ہے تو اسی سیاسی جماعت کا نشان اسے ملنا چاہیے،کسی سیاسی جماعت کو چھوڑے بغیر نئی جماعت میں شمولیت نہیں ہوسکتی،جسٹس اطہرمن اللہ نے کہا کہ بلے کے نشان کا فیصلہ آنے سے پہلے حامد رضا پی ٹی آئی کے نامزد تھے،الیکشن کمیشن نے غلط تشریح کی جس وجہ سے تنازع پیدا ہوا، وکیل فیصل صدیقی نے کہا کہ جسٹس عرفان سعادت نے کہا تھا ہمیں مفت نشستیں ملیں، اس پرمرزا غالب کا شعر سنانا چاہتا ہوں، غالب نے کہا تھا مفت ہاتھ آئے تو برا کیا ہے، چیف جسٹس قاضی فائز عیسیٰ نے کہا کہ مرزا غالب کو چھوڑیں، آپ تشریف رکھیں، سنی اتحاد کونسل کے وکیل فیصل صدیقی کے جواب الجواب دلائل مکمل ہو گئے.

سوچ کر جواب دیں کیا پی ٹی آئی کو یہ نشستیں واپس نہیں چاہییں؟جسٹس جمال مندوخیل کا سلمان اکرم راجہ سے مکالمہ
وکیل سلمان اکرم راجہ نے کہا کہ تحریک انصاف نظریاتی کا ٹکٹ واپس بھی لے لیا گیا تھا،ثابت کرنا چاہ رہا ہوں کہ الیکشن کمیشن نے اپنا ہی ریکارڈ دبانے کی کوشش کی،الیکشن کمیشن نے مکمل دستاویزات جمع نہیں کروائے، چیف جسٹس قاضی فائز عیسیٰ نے کہا کہ 13 جنوری کا ڈیکلریشن آپ نے تحریک انصاف نظریاتی کا ظاہر کیا،جسٹس اطہرمن اللہ نے کہا کہ کیس بہت اہم ہے، سنجیدہ سوالات الیکشن کمیشن کی ذمہ داری پر اٹھے ہیں، الیکشن کمیشن نے سپریم کورٹ کے سامنے ریکارڈ دبانے کی کوشش کی،سلمان اکرم راجہ نے کہا کہ ثابت کرنا چاہ رہا ہوں کہ الیکشن کمیشن نے اپنا ہی ریکارڈ دبانے کی کوشش کی،جسٹس جمال مندوخیل نے کہا کہ آپ کہہ رہے ہیں جو تحریک انصاف کے ہوتے ہوئے سنی اتحادکونسل میں گئے وہ ٹھیک گئے،سلمان اکرم راجہ نے کہا کہ اگر آزاد امیدوار ڈیکلیئر کیا ہے تو سنی اتحادکونسل میں شامل ہوسکتے، سنی اتحادکونسل کے علاوہ کسی پارٹی میں شامل کونے کی کوئی آپشن نہیں تھی،اس سے پہلے جو ہوا وہ الیکشن کمیشن کی غلطی تھی، جسٹس جمال مندوخیل نے کہا کہ سوچ کر جواب دیں کیا پی ٹی آئی کو یہ نشستیں واپس نہیں چاہییں؟ سلمان اکرم راجہ نے کہا کہ اگر عدالت آئینی تشریح سے ایسے نتیجے پر پہنچے تو مجھے انکار نہیں،

سلمان اکرم راجہ نے کہا کہ آرٹیکل 51 میں کہاں لکھا کہ مخصوص نشستیں لینے کے لیے ایک سیٹ جیتنا ضروری ہے،جسٹس عرفان سعادت نے کہا کہ کیا آپ کی دلیل وکیل فیصل صدیقی کے کیس کو نقصان نہیں پہنچا رہی، سلمان اکرم راجہ نے کہا کہ میں اپنے دلائل مکمل اور شفاف دوں گا،جسٹس اطہرمن اللہ نے کہا کہ پارلیمنٹ کی بات ہو رہی تو ووٹ کے حق کی بات ہورہی،الیکشن کمیشن نے ایک سیاسی جماعت کو انتخابات سے نکالا،کیا ایسے عمل کو سپریم کورٹ کو نہیں دیکھنا چاہیے؟

سپریم کورٹ نے سنی اتحاد کونسل کی مخصوص نشستوں سے متعلق فیصلہ محفوظ کر لیا،تمام فریقین کے وکلا کے دلائل مکمل ہونے کے بعد فیصلہ محفوظ کیا گیا، چیف جسٹس قاضی فائز عیسیٰ نے کہا کہ فیصلہ سنانے سے متعلق آپس میں مشاورت کریں گے،فیصلہ کب سنایا جائے گا ابھی کچھ نہیں کہہ سکتے،

کچھ ججز دانا ہوں گے، میں اتنا دانا نہیں، پاکستان کو ایک بار آئین کے راستے پر چلنے دیں، چیف جسٹس

نشان نہ ملنے پر کسی امیدوار کا کیسے کسی پارٹی سے تعلق ٹوٹ سکتا؟ چیف جسٹس

انتخابات بارے کیا کیا شکایات تھیں الیکشن کمیشن مکمل ریکارڈ دے، جسٹس اطہر من اللہ

سنی اتحادکونسل کی مخصوص نشستوں سے متعلق اپیل پر سماعت 24 جون تک ملتوی

سپریم کورٹ، سنی اتحاد کونسل کو مخصوص نشستیں نہ ملنے کیخلاف کیس کی سماعت ملتوی

مخصوص نشستیں، فیصلہ پی ٹی آئی کے حق میں نظر نہیں آ رہا، مبشر لقمان

واضح رہے کہ 6 مئی کو سپریم کورٹ نے سنی اتحاد کونسل کی جانب سے مخصوص نشستیں دوسری جماعتوں کو دینے سے متعلق کیس میں پشاور ہائیکورٹ اور الیکشن کمیشن کا فیصلہ معطل کردیا تھا،سپریم کورٹ کے فیصلے کے بعد سلمان اکرم راجہ کا کہنا تھا کہ تمام جماعتوں کو اپنا مینڈیٹ واپس لینے کیلئے یہ اعتراف کرلینا چاہئیے کہ الیکشن والے دن بہت بڑی فاش غلطی ہوئی

بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو

حریم شاہ کے خلاف کھرا سچ کی تحقیقات میں کس کا نام بار بار سامنے آیا؟ مبشر لقمان کو فیاض الحسن چوہان نے اپروچ کر کے کیا کہا؟

حریم شاہ..اب میرا ٹائم شروع،کروں گا سب سازشیوں کو بے نقاب، مبشر لقمان نے کیا دبنگ اعلان

میں آپکی بیویوں کے کرتوت بتاؤں گی، حریم شاہ کی دو سیاستدانوں کو وارننگ

سپریم کورٹ،فوجی عدالتوں میں سویلنز کے ٹرائلز کے خلاف کیس کی سماعت ہوئی.

سات رکنی بینچ نےکیس پر سماعت کی، جسٹس امین الدین خان، جسٹس جمال خان مندوخیل، جسٹس محمد علی مظہر، جسٹس سید حسن اظہر رضوی، جسٹس شاہد وحید، جسٹس عرفان سعادت خان اور جسٹس شاہد بلال حسن 7رُکنی بینچ کا حصہ ہیں،

درخواست گزار اعتزاز احسن کے وکیل لطیف کھوسہ نے دلائل دیئے اور کہا کہ 5 ہفتے سے فوجی تحویل میں موجود قیدیوں کی انکے خاندان سے ملاقات نہیں کرائی جارہی،ان قیدیوں کو قابل رحم حالت میں رکھا گیا ہے، جسٹس جمال مندوخیل نے کہا کہ کیا آپ کی ملاقات ہوئی ہے؟ آپ کو کیسے پتہ کہ قیدیوں کو قابل رحم حالت میں رکھا گیا ہے؟وکیل سلمان اکرم راجہ نے کہا کہ کچھ خاندانوں کو ملنے دیا گیا ہے، ملزمان کے ہاتھ پیچھے بندھے ہوئے تھے ، کھانا بھی نہیں دینے دیا گیا،

حفیظ اللہ نیازی نے آئین پاکستان ہاتھ میں اٹھا لیا اور کہا کہ میرا بیٹا گیارہ ماہ سے جسمانی ریمانڈ پر ہے،بتائیں آئین میں یہ کہاں لکھا
حفیظ اللہ نیازی نے کہا کہ میرے بیٹے سے جو آخری ملاقات ہوئی اس عدالت کی مہربانی سے ہوئی، جسٹس جمال مندوخیل نے کہا کہ یہ آپکا حق تھا اسے عدالت کی مہربانی مت کہیں، جاگر جیسے بتایا گیا ہے ملزمان کو ویسے رکھا گیا ہے تو غلط ہے،بہتر ہوگا اس کیس کو چلا کر فیصلہ کریں، حفیظ اللہ نیازی نے عدالت میں کہا کہ مولانا ابو الکلام نے کہا تھا سب سے بڑی نا انصافی جنگ کے میدانوں میں یا انصاف کے ایوانوں میں ہوتی ہے، حفیظ اللہ نیازی نے آئین پاکستان ہاتھ میں اٹھا لیا اور کہا کہ میرا بیٹا گیارہ ماہ سے جسمانی ریمانڈ پر ہے،بتائیں آئین میں یہ کہاں لکھا ہے؟ نیب کے تین ماہ کے ریمانڈ کو عدالتوں نے کالا قانون قرار دیا،وکیل سلمان اکرم راجہ نے کہا کہ جن ملزمان کی ملاقاتیں کرائی گئی وہ بیڑیوں میں تھے،اعتزاز احسن نے کہا کہ جالب نے جیل میں ایسی ہی ملاقات پر کہا تھا "حالات کا ماتم تھا ملاقات کہاں تھی”،جسٹس جمال مندوخیل نے کہاکہ شعر و شاعری تو ہمیں نہیں آتی اصل کیس چلنے دیں،

حفیظ اللہ نیازی نے کہا کہ درخواست ضمانت کو رجسٹرار آفس نمبر بھی الاٹ نہیں کر رہا،، جسٹس محمد علی مظہر نے کہا کہ ہم اس وقت اپیل سن رہے ہیں، جسٹس امین الدین نے کہا کہ آپ کی درخواست لی تو نہ جانے اور کتنی درخواستیں آجائیں اصل کیس رہ ہی جائے گا، جسٹس جمال مندوخیل نے کہا کہ فیصلے میں تاخیر ہماری وجہ سے نہیں ہو رہی، اس مقدمہ میں بینچ پر اعتراضات کئے گئے درخواستیں دائر کی گئیں اور مقدمہ کو چلنے نہیں دیا گیا،مرکزی کیس چلنے دیں تو فیصلہ جلد ہوسکتا ہے، جسٹس محمد علی مظہر نے کہا کہ ہر بار بنچ پر اعتراض آ جاتا ہے،

عدالت نے جواد ایس خواجہ کے وکیل سے استفسار کیا کہ آپ کو بینچ پر اب اعتراض تو نہیں؟وکیل جواد ایس خواجہ نے کہا کہ ہم اس بینچ سے خوش ہیں، استدعا ہے کہ کیس چلا کر فیصلہ کیا جائے، جسٹس شاہد وحید نے کہا کہ پریکٹس اینڈ پروسیجر کیس میں جسٹس منصور علی شاہ کا فیصلہ دیکھیں،اس فیصلے کی روشنی میں بتائیں اس اپیل کا اسکوپ کیا ہے؟ کیا ایسی اپیل میں ہم صوبوں کو سن سکتے ہیں؟ حامد خان صاحب آپ کی فریق بنے کی درخواست کیسے سنی جا سکتی ہے؟ حامد خان نے کہا کہ میں نے لاہور ہائی کورٹ بار کی جانب سے فریق بننے کی درخواست دی ہے،

انٹرا کورٹ اپیل سے متعلق جسٹس منصور علی شاہ کا فیصلہ اٹارنی جنرل نے پڑھ کر سنایا، جسٹس شاہد وحید نے کہا کہ ہم نے اس کو نظر ثانی کے اسکوپ میں ہی دیکھنا ہے یا مکمل اپیل کے طور پر؟ سپریم کورٹ نے انٹرا کورٹ اپیل سے متعلق رولز بنانے تھے جو ابھی نہیں بنے،یہ رولز اب تک بن جانے چاہیے تھے،انٹرا کورٹ اپیل کو لاء ریفارمز ایکٹ کے ساتھ نہیں ملایا جا سکتا،جو چیزیں اصل کیس میں فیصلہ دینے والے بنچ کے سامنے نہیں تھی وہ اب آپ دلائل میں نہیں اپنا سکتے، خیبر پختونخوا حکومت نے اپیل واپس لی تو اٹارنی جنرل آپ نے کہا کہ یہ پہلے کابینہ منظوری لائیں،جن صوبوں نے یہ اپیلیں دائر کی ہیں کیا انہوں نے کابینہ سے منظوری لی؟ اٹارنی جنرل نے کہا کہ میری نظر میں اپیل کے لیے کابینہ منظوری نہیں چاہیے،اگر کابینہ منظوری لازم ہوئی تو پھر ٹیکس مقدمات میں بھی چاہیے ہوگی، جسٹس شاہد وحید نے کہا کہ آپ رولز میں سے بتا دیجیے گا کہ کیسے اپیل ہوتی ہے، جسٹس جمال مندوخیل نے کہا کہ حامد خان صاحب آپ کو ہم ویسے معاون کے طور پر سن لیں گے،جآپ بار کی جانب سے کیوں فریق بننا چاہتے ہیں؟ حامد خان نے کہا کہ بار کی ایک اپنی پوزیشن ہے اس معاملے پر، جسٹس جمال مندوخیل نے کہا کہ ایسا ہے تو آپ کو پہلے اصل کیس میں سامنا آنا چاہیے تھا، جسٹس شاہد وحید نے کہا کہ انٹرا کورٹ اپیلوں میں تو صوبوں کو بھی نہیں سنا جانا چاہیے تھا، جسٹس جمال مندو خیل نے کہا کہ حامد خان صاحب آپ ہمارا وقت ضائع نہ کریں اصل کیس چلنے دیں، آپ نے بات کرنی ہے تو دیگر وکلاء کی معاونت کر دیجیے گا،

عدالت نےوکیل فیصل صدیقی سے استفسارکیا کہ حامد خان کو فریق بنانے پر آپ کیا کہتے ہیں؟ فیصل صدیقی نے کہا کہ مجھے اس مشکل میں نہ ڈالیں، میں نے اس کیس کو براہ راست نشر کرنے کی متفرق درخواست دائر کی ہے، جسٹس امین الدین خان نے کہا کہ براہ راست نشر کرنے کی سہولت صرف کورٹ روم ون میں ہے، فیصل صدیقی نے براہ راست نشر کرنے کی درخواست واپس لے لی اور کہا کہ عدالت اس کیس کا جلد فیصلہ کرے میں ایسی درخواست کی پیروی نہیں کرتا،

حامد خان کی فریق بننے کی درخواست پانچ دو سے منظورکر لی گئی،حامد خان لاہور ہائی کورٹ بار کی جانب سے پیش ہوئے

زیارت میں قائداعظم ریزیڈنسی کو آگ لگائی گئی تھی، زیارت واقعہ پر شہداء فاونڈیشن کہاں تھی؟جسٹس جمال مندوخیل
پی ٹی آئی کے وکیل عزیر بھنڈاری نے وڈیو لنک پر دلائل دئے،اور کہا کہ سپریم کورٹ میں انٹرا کورٹ اپیل ایک اندرونی انتظام ہے، اس کا اسکوپ اپیل سے زیادہ نظر ثانی کے قریب تر ہوگا، جسٹس جمال مندوخیل نےشہدا فاونڈیشن کے وکیل سے مکالمہ کرتے ہوئے کہا کہ کل رات کیس کا ریکارڈ دیکھ رہا تھا،ریکارڈ کے مطابق جناح ہائوس لاہور کو بھی آگ لگائی گئی تھی،یہ بعد میں دیکھیں گے کہ قائداعظم جناح ہائوس میں کتنے دن رہے، زیارت میں قائداعظم ریزیڈنسی کو آگ لگائی گئی تھی، زیارت واقعہ پر شہداء فاونڈیشن کہاں تھی؟ کتنی درخواستیں دائر کیں؟ شہدا فاونڈیشن کے فریق بننے کی درخواست منظور کر لی گئی.

اٹارنی جنرل ملزمان کی فیملیز کی شکایات کا ازالہ کریں،سپریم کورٹ
سپریم کورٹ نے فوجی عدالتوں کے کیس کی سماعت 11 جولاٸی جمعرات تک ملتوی کر دی ،سپریم کورٹ نے فوجی عدالتوں میں شہریوں کے ٹرائلز کیس کی سماعت کا حکم نامہ لکھوا دیا،حکمنامہ میں کہا کہ لاہور ہائیکورٹ بار کی فریق بننے کی استدعا منظور کی جاتی ہے، فیصل صدیقی نے بتایا کہ وہ براہ راست نشریات کی درخواست کی پیروی نہیں چاہتے، حفیظ اللہ نیازی نے بتایا ان کے بیٹے گرفتار ہیں،فریقین نے بتایا کہ ملزمان سے فیملی کی ملاقات نہیں ہو رہی،اٹارنی جنرل ملزمان کی فیملیز کی شکایات کا ازالہ کریں، خیبرپختونخوا حکومت کی اپیل واپس لینے کی بنیاد پر نمٹائی جاتی ہے،

واضح رہے کہ تحریک انصاف نے سویلنز کا فوجی ٹرائل روکنے کیلئے سپریم کورٹ سے رجو ع کیا تھا۔پانچ رکنی لارجر بنچ نے 23 اکتوبر 2023 کو فوجی عدالتوں میں 9 مئی کے واقعات میں ملوث 102 سویلینز کے ٹرائل کو کالعدم قرار دیا تھا.

فوجی عدالتوں میں ٹرائل کالعدم کرنے کا تفصیلی فیصلہ جاری

سماعت سے محروم بچوں کے لئے بڑی خوشخبری

سماعت سے محروم بچوں کے والدین گھبرائیں مت،آپ کا بچہ یقینا سنے گا

چلڈرن ہسپتال کا کوکلیئر امپلانٹ کے تمام اخراجات برداشت کرنے کافیصلہ،ڈاکٹر جاوید اکرم

صنم جاوید کی سینیٹ کیلیے نامزدگی،طیبہ راجہ پھٹ پڑیں

فوجی عدالتوں سے 15 سے 20 ملزمان کی رہائی کا امکان ہے،اٹارنی جنرل

9 مئی کے کیسز میں شاہ محمود قریشی جیل ٹرائل کیلئے کوٹ لکھپت جیل میں پیش ہو گئے عدالت نے ملزمان کو حاضری کیلئے طلب کررکھا تھا، حاضری کے بعد شاہ محمود قریشی کو واپس اڈیالہ جیل روانہ کر دیا گیا،

پی ٹی آئی رہنما شاہ محمود قریشی کو نو مئی جلاؤ گھیراؤ اور کور کمانڈرز ہاؤس حملہ کیسز میں جیل ٹرائل کے لیے لاہور کی کوٹ لکھپت جیل میں پیش کیا گیا۔شاہ محمود قریشی کو ہتھکڑی لگا کر عدالت پیش کیا گیا، پیشی کے دوران شاہ محمود قریشی کو چالان کی نقول فراہم کی گئیں،عدالت نے آئندہ سماعت پر تمام ملزمان کو فرد جرم عائد کرنے کے لیے طلب کر لیا۔ کوٹ لکھپت جیل میں پیشی کے بعد شاہ محمود قریشی کو واپس اڈیالہ جیل راولپنڈی بھجوا دیا گیا۔ شاہ محمود قریشی سائفر کیس میں راولپنڈی کی اڈیالہ جیل میں قید ہیں۔

میرے دل میں پاکستان کے بہت سے راز ہیں میں نے پاکستان کی خدمت کی ،شاہ محمود قریشی
شاہ محمود قریشی کے وکیل نے میڈیا سے گفتگو کرتے ہوئے کہا کہ شاہ محمود قریشی کا کہنا تھا کہ میں دس بار ممبر پارلیمان رہ چکا ہوں،مجھے قیدیوں کی وین میں قیدیوں کی طرح اسلام آباد سے لاہور لائے، ایک وین میں ایک بنچ تھا اور بہت مشکل سفر رہا یہ سب سیاسی مقاصد کے لیے کیا جارہا ہے، میرے دل میں پاکستان کے بہت سے راز ہیں میں نے پاکستان کی خدمت کی ، بانی پی ٹی سے وفا کرنے کی وجہ سے ہمارے ساتھ یہ سلوک کیا جا رہا ہے، ہم وفا کرتے رہیں گے چاہے جو مرضی کر لیں،

قبل ازیں تحریک انصاف کے رہنما شاہ محمود قریشی کو اڈیالہ جیل سے لاہورکوٹ لکھپت جیل منتقل کر دیا گیا ہے،شاہ محمود قریشی کو سخت سیکورٹی میں الصبح منتقل کیا گیا، شاہ محمود قریشی پر لاہور میں 9 مئی کے متعدد مقدمات درج ہیں، لاہور پولیس جیل میں 9 مئی مقدمات میں شاہ محمود قریشی سے تفتیش بھی کر چکی ہے،

نومئی واقعات کے بعد شاہ محمود قریشی کو گرفتار کیا گیا تھا، بعد ازاں سائفر کیس میں سزا کے بعد شاہ محمود قریشی کو گرفتارکیا گیا تھا، بعد ازاں سائفر کیس میں ضمانت ملنے کے بعد شاہ محمود قریشی کو نومئی کے مقدمات میں گرفتار کر لیا گیا تھا، شاہ محمود قریشی کی ایک بار ضمانت ہوئی انہیں جیل سے رہا کیا گیا تا ہم اڈیالہ سے نکلتے ہی انہیں دوبارہ گرفتار کر لیا گیا تھا،

لاہور پولیس نے شاہ محمود قریشی کے خلاف چالان عدالت میں جمع کروا دیا ،اے ٹی سی لاہور نے شاہ محمود قریشی کی طلبی کانوٹس جاری کردیا ،پولیس کی جانب سے چالان میں شاہ محمود قریشی پر 9 مئی کی منصوبہ بندی کا الزام لگایا گیا ہے،لاہورپولیس کی جانب سے چالان میں 50 سے زائد گواہان کی لسٹ بھی شامل ہے،چالان میں سابق وزیرخارجہ شاہ محمود قریشی پر لوگوں کو اکسانے کا بھی الزام ہے،تھانہ شادمان جلاؤ گھیراؤ کا مقدمہ پولیس نے درج کررکھا ہے

عمران خان نے آخری کارڈ کھیل دیا،نواز شریف بھی سرگرم

موجودہ بجٹ معیشت، عوام ،ملک کے لئے تباہ کن ثابت ہوگا،شاہد خاقان عباسی

شاہد خاقان عباسی کچھ بڑا کریں گے؟ن لیگ کی آخری حکومت

پی ٹی آئی کی ڈیجیٹل دہشت گردی کا سیاہ جال،بیرون ملک سے مالی معاونت

جسٹس ملک شہزاد نے چیف جسٹس سے چھٹیاں مانگ لیں

اگر کارروائی نہیں ہو رہی تو ایک شخص داد رسی کیلئے کیا کرے؟چیف جسٹس اسلام آباد ہائیکورٹ

عمران خان کیخلاف درخواست دینے پر جی ٹی وی نے رپورٹر کو معطل کردیا

سوال کرنا جرم بن گیا، صحافی محسن بلال کو نوکری سے "فارغ” کروا دیا گیا

صوبائی کابینہ نے بانی پی ٹی آئی کے خلاف شواہد کے تحت کارروائی کی اجازت دی

توشہ خانہ،نئی پالیسی کے تحت تحائف کون لے سکتا؟قائمہ کمیٹی میں تفصیلات پیش

باسکن رابنز پاکستان کو اربوں روپے جرمانے اور منی لانڈرنگ کی تحقیقات کا سامنا

اگلے دو مہینے بہت اہم،کچھ بڑا ہونیوالا؟عمران خان کی پہنچ بہت دور تک

اڈیالہ جیل میں قید عمران خان نے بالآخر گھٹنے ٹیک دیئے

جعلی ڈگری،جسٹس طارق جہانگیری کے خلاف ریفرنس دائر

"بھولے بابا” کا عام آدمی سے خود ساختہ بابا بننے کا سفر ،اربوں کے اثاثے

اصلی ولن آئی ایم ایف یا حکومت،بے حس اشرافیہ نے عوام پر بجلی گرا دی

تحریک انصاف نے ڈیجیٹل دہشت گردی کا اہتمام کیا، جس کا مقصد ملک میں عدم استحکام اور افراتفری پیدا کرنا تھا جسے سیاسی سرگرمی کے نام پر کیا گیا۔ جذباتی استحصال اور برین واشنگ کے ذریعے، پی ٹی آئی نے ایک سیاسی فرقہ پیدا کیا ہے ، ایک جدید قسم کی عوامیت پسندی جہاں رہنماؤں کا اپنے پیروکاروں پر اثر عقل سے بالاتر ہے۔

پی ٹی آئی کی فرقہ پرستی کو برقرار رکھنے کی حکمت عملی
مذہبی فخر کو ابھار کر پیروکاروں میں برتری کا احساس پیدا کرنا۔
مظلومیت کا احساس پیدا کرنا ، مظلومیت کا بیانیہ پی ٹی آئی کے حامیوں کو ایک مظلوم گروہ کے طور پر پیش کرتا ہے، جس سے ہمدردی اور حمایت ملتی ہے۔
حریفوں سے تباہی یا لوٹ مار کا خوف پیدا کرنا ، جس کا مقصد عوام کا دوسرے جماعتوں پر اعتماد کم کرنا ہے۔
پی ٹی آئی کے رہنما کو نجات دہندہ کے طور پر پیش کر کے، پی ٹی آئی خود کو ملک کے مسائل کا واحد حل قرار دیتی ہے۔

پی ٹی آئی کا سوشل میڈیا نیٹ ورک دو اہم سیٹ اپس پر مشتمل ہے: “ایک مرکزی سیٹ اپ اور ایک پھیلاؤ (پرولیفریشن )کا سیٹ اپ جو دنیا بھر کے رضاکاروں پر مشتمل ہے” اور بیرون ملک سے مالی مدد حاصل کرتا ہے۔

مرکزی سیٹ اپ: جبران الیاس، اظہر مشوانی، عمران لالیکا، اور سالار سلطانزی کے زیرِ قیادت
▪️ مقام – امریکہ
▪️ کام: –
▫️ مواد کی تخلیق / پروڈکشن۔
▫️ جذباتی تجزیہ۔
▫️ بیانیہ بنانا۔
▫️ جذباتی تجزیے کے مطابق کورس کی اصلاح۔

سرکاری مواد کے تخلیق کار
▪️ اروبا کمال فیس بک لیڈ ہیڈ
▪️ اے جے شفقت کریٹو ٹیم ہیڈ

علاقائی سربراہان
▪️ موسی ورک پنجاب لیڈ
▪️ اکرام کھٹانہ کے پی لیڈ

پھیلاؤ کا سیٹ اپ
▪️ دنیا بھر کے رضاکاروں پر مشتمل
▪️ ایکٹیو انصافین
▪️ ٹیم پاکستان پاور

بیرون ملک کے ارکان
▪️ احمر مراد امریکہ
▪️ مدیحہ حمید برطانیہ
▪️ کام: –
▫️ مرکزی سیٹ اپ سے ہدایت یافتہ مواد کو پھیلانا۔
▫️ ابھرتے ہوئے مواقع کا فائدہ اٹھا کر مواد بنانا۔
▫️ حریف مواد کو دبانا/جواب دینا۔
▫️ بوٹ نیٹ ورکس کا استعمال کر کے مطلوبہ رسائی/رجحانات حاصل کرنا۔

پی ٹی آئی کی حکمت عملی کی مہم
▪️ ٹویٹر:* تعلیم یافتہ اور اعلیٰ طبقے کے لوگوں کو ہدف بنانا۔
▪️ واٹس ایپ چینلز، فیس بک، اور انسٹاگرام: پاکستانی عوام کے مختلف طبقوں اور درمیانی طبقے کے لوگوں کو ہدف بنانا۔
▪️ ٹک ٹاک: نچلے متوسط ​​طبقے کو متاثر کرنے کے لئے حکمت عملی کے تحت استعمال کرنا۔

اے آئی ذرائع/حکمت عملی برائے بڑے پیمانے پر حمایت حاصل کرنا
ریلیاں : ایکس (ٹویٹر اسپیس) اور ٹک ٹاک (لائیو اسٹریمنگ) جیسے پلیٹ فارمز پر۔
جنریٹیو اے آئی: عمران خان کے پیغامات کو مصنوعی آوازوں کے ذریعے پھیلانا۔
ویب سائٹس اور چیٹ بوٹس: خان کے فیس بک پیج پر قائم کیے گئے۔
آن لائن سروے اور پولز : ڈیٹا جمع کرنے کے لئے کئے گئے۔
ذاتی ایس ایم ایس مہمات: قومی اداروں کو کمزور کرنے والی ضد ریاستی بیان بازی کو پھیلانے کے لئے استعمال کیا گیا۔

پی ٹی آئی کے بیرونی تعلقات
پاکستان اور اس کے اداروں کو نشانہ بنانے والی سوشل میڈیا مہم کو پی ٹی آئی اور بھارت کے مفادات کے درمیان تعاون کے طور پر شناخت کیا گیا ہے۔ٹویٹر سے حاصل ہونے والے ڈیٹا کے مطابق پی ٹی آئی نے "امپورٹڈ حکومت” مہم کو ایک دن میں 924 اکاؤنٹس کے ذریعے شروع کیا، جن میں سے صرف 177 انسانی طور پر منظم تھے اور 532 جعلی اکاؤنٹس تھے۔ 2022 کی ایک تحقیقات نے مزید انکشاف کیا کہ 529 پاکستانی اکاؤنٹس، 18 بھارتی اکاؤنٹس، اور 33 دیگر ممالک کے اکاؤنٹس شامل تھے۔

ٹی ٹی پی کے ساتھ تعلقات
را، سی آئی اے، صہیونی لابی، اور علاقائی دہشت گرد تنظیمیں جیسے ٹی ٹی پی اس مواد کو پاکستان میں عدم استحکام پیدا کرنے کے لئے استعمال کرتی ہیں۔ مثال کے طور پر، گزشتہ سال 9 مئی کے فسادات میں، ٹی ٹی پی کے کلیدی کمانڈر سربخاف محمند نے پی ٹی آئی کی ملک گیر احتجاج کی تائید کی۔ محمد اقبال، جو مولانا صوفی محمد کے سابق ترجمان تھے، کی پی ٹی آئی کے ساتھ شمولیت اس ہم آہنگی کی مثال ہے۔

مالی معاونت اور بیرونی مداخلت
پی ٹی آئی کے سرکاری سوشل میڈیا اکاؤنٹس کو غیر ملکی اداروں سے مالی معاونت حاصل ہوتی ہے، جس میں سی آئی اے، صہیونی لابی، را، اور دیگر دشمن انٹیلی جنس ایجنسیز شامل ہیں ۔ایف آئی اے نے انکشاف کیا ہے کہ پی ٹی آئی غیر ملکی فنڈنگ ​​کے ذریعے پاکستان اور اس کے اداروں کے خلاف قابلِ ذکر لابنگ کر رہی ہے۔ سرکاری ذرائع کا بھی دعویٰ ہے کہ انہیں امریکی ایوان نمائندگان میں بھارت اور اسرائیلی ذرائع کے ذریعے پاکستان کے خلاف قراردادیں جمع کرانے کے ثبوت ملے ہیں ۔ عاطف خان (امریکہ): انکشاف کیا کہ پارٹی نے فروری 2023 میں ایک پی آر فرم کے ساتھ تین ماہ کا معاہدہ کیا ہے۔ رابرٹ لارینٹ گرینیئر (2021) : پی ٹی آئی نے پہلے اسلام آباد میں سابق سی آئی اے اسٹیشن چیف رابرٹ لارینٹ گرینیئر کی خدمات حاصل کی تھیں۔

▪️ فینٹن/آرلوک (اپریل 2022): پی ٹی آئی نے اپریل 2022 میں ایک اور لابنگ فرم، فینٹن/آرلوک کو 25,000 ڈالر ماہانہ کے حساب سے عوامی تعلقات کی کوششوں کو جاری رکھنے کے لئے مشغول کیا۔
▪️ پرائیہ کنسلٹنٹس ایل ایل سی (فروری 2023) : فروری 2023 میں، پی ٹی آئی نے اپنے لابنگ کوششوں کو وسعت دی اور واشنگٹن کی ایک فرم، پرائیہ کنسلٹنٹس ایل ایل سی کو 8,333.00 ڈالر ماہانہ کے حساب سے چھ ماہ کے لئے ہائر کیا۔

عمران خان حقیقی قوتوں سے بے خبر ہیں جب کہ ان کے سوشل میڈیا اکاؤنٹس بیرون ملک سے چلائے جا رہے ہیں۔پی ٹی آئی کے سوشل میڈیا اکاؤنٹس بیرون ملک سے چلائے جا رہے ہیں، جنہیں دشمن ایجنسیز کے ایجنڈے سے تقویت ملتی ہے۔ جب پاکستان ان چیلنجز کا سامنا کر رہا ہے، تو یہ ضروری ہو جاتا ہے کہ بیرونی اثرات کو پہچانا اور ان کا مقابلہ کیا جائے ۔

جسٹس ملک شہزاد نے چیف جسٹس سے چھٹیاں مانگ لیں

اگر کارروائی نہیں ہو رہی تو ایک شخص داد رسی کیلئے کیا کرے؟چیف جسٹس اسلام آباد ہائیکورٹ

عمران خان کیخلاف درخواست دینے پر جی ٹی وی نے رپورٹر کو معطل کردیا

سوال کرنا جرم بن گیا، صحافی محسن بلال کو نوکری سے "فارغ” کروا دیا گیا

صوبائی کابینہ نے بانی پی ٹی آئی کے خلاف شواہد کے تحت کارروائی کی اجازت دی

توشہ خانہ،نئی پالیسی کے تحت تحائف کون لے سکتا؟قائمہ کمیٹی میں تفصیلات پیش

باسکن رابنز پاکستان کو اربوں روپے جرمانے اور منی لانڈرنگ کی تحقیقات کا سامنا

اگلے دو مہینے بہت اہم،کچھ بڑا ہونیوالا؟عمران خان کی پہنچ بہت دور تک

اڈیالہ جیل میں قید عمران خان نے بالآخر گھٹنے ٹیک دیئے

جعلی ڈگری،جسٹس طارق جہانگیری کے خلاف ریفرنس دائر