Tag: جاپان

ٹوکیو:جاپانی ڈش رامین کی بڑھتی ہوئی قیمتیں عام انتخابات میں ووٹروں کے لیے اولین مسئلہ بن گئی-

باغی ٹی وی :"روئٹرز” کے مطابق ٹوکیو میں ایک رامین شاپ چلانے والے شخص تیسائی ہیکیج اپنی دوکان کی بقا کی جنگ لڑ رہا ہے گاہکوں کو متوجہ کرنے کے لیے نہیں، بلکہ ملک میں اشیاء خوردونوش اور ایندھن کی قیمتوں میں لگاتار اضافے کے باعث اس قیمت کو برقرار رکھنے کیلئے جو وہ جاپان کے قومی کھانے(رامین) کے لیے لیتا ہے-

ڈیڑھ سال قبل دارالحکومت کے مغرب میں اپنی دکان کھولنے کے بعد سے، 26 سالہ ہیکیج نے مینو کی قیمتوں میں تین بار اضافہ کیا ہے لیکن پھر بھی وہ بڑھتی ہوئی قیمتوں کے ساتھ جدوجہد کر رہا ہے اس کا سب سے زیادہ 47% فروخت ہونے والا "Special Ramen” ہے، جو 1,250 ین ($8) میں فروخت ہو رہا ہے۔

ہیکیج نے کہا کہ ” روایتی طور پر رامین کی دکانیں سستی اور لذیذ چیز پیش کرتی تھیں، لیکن یہ عوام کے لیے اب سستا کھانا نہیں رہا,بڑھتی ہوئی مہنگائی کے باعث اس سال رامین فروشوں کی ایک ریکارڈ تعداد دیوالیہ ہونے والی ہے جو کہ ملک کی معاشی صورتحال کو ظاہر کرتی ہے جو اتوار کو ہونے والے جاپان کے عام انتخابات میں ووٹروں کے لیے ایک اولین مسئلہ بن گئی ہے۔

سندھ اسمبلی میں 26ویں آئینی ترمیم کے حق میں قرارداد منظور

وزیر اعظم شیگیرو ایشیبا کی حکمران لبرل ڈیموکریٹک پارٹی، اور اپوزیشن جماعتوں نے کاروبار اور گھرانوں کے بڑھتے ہوئے اخراجات کو پورا کرنے کے لیے مختلف اقدامات کا وعدہ کیا ہے بڑھتی ہوئی قیمتوں کو کنٹرول کرنے کی وہ کوششیں، دہائیوں کی بڑھتی ہوئی مہنگائی میں ، ایک ایسے الیکشن کا اشارہ دے سکتی ہیں جہاں رائے عامہ کے جائزوں سے پتہ چلتا ہے کہ ایک ڈی پی جس نے جنگ کے بعد کے تقریباً تمام دور تک جاپان پر حکومت کی ہے اپنی پارلیمانی اکثریت کھو سکتی ہے۔

ہیکیج، نے کہا کہامید کرتے ہیں کہ موجودہ الیکشز کے فاتحین بڑھتے ہوئے اخراجات کو پورا کرنے کے لیے سبسڈی متعارف کرانے پر غور کریں گے قیمتوں میں بار بار اضافے کے باوجود ان کے ایوارڈ یافتہ نوڈلز کی مانگ برقرار ہے، ان کی دکان کے سامنے دن رات لمبی قطاریں لگی رہتی ہیں۔

پیزا ڈیلیوری بوائے سے ڈاکو دو پیزے چھین کر فرار

جاپان میں ایک شخص کو اس لیے گرفتار کیا گیا کہ وہ اپنی بیوی کو دن میں 100 مرتبہ فون کرتا تھا۔

باغی ٹی وی : غیر ملکی میڈیا کے مطابق 38 سالہ جاپانی شہری کو اپنی بیوی کو ایک ہی دن میں 100 بار فون کرنے پر گرفتار کیا گیا ہے، جاپان کے شہر اماگاساکی کی رہائشی 31 سالہ خاتون نے اپنے شوہر کی شکایت پولیس کو لگائی کہ وہ اسے روزانہ 100 سے زیادہ گمنام فون کالز کرتا ہے یہاں تک کہ اسے اپنا فون سوئچ آف کرنا پڑتا ہے۔

رپورٹس کے مطابق خاتون کو ابتدا میں نامعلوم شخص کی طرف سے عجیب و غریب فون کالز موصول ہونے لگیں جس میں کالر اس وقت تک خاموش رہتا کبھی کبھار دن میں درجنوں اور متعدد بار 100 فون آتے تھے لیکن ایک رات جب وہ اپنے شوہر کے فون پر ویڈیو گیمز کھیل رہی تھیں تو خاتون کے ذہن میں آیا کہ جب وہ شوہر کے ساتھ ہوتی ہیں تو انہیں کوئی فون نہیں آتا، یہ سوچ کر اگلے دن خاتون نے پولیس کو اپنے شبہات سے آگاہ کیا اور بلآخرپولیس نے شواہد اکٹھے کرنے کے بعد شوہر کو گرفتار کرلیا۔

جب خاتون کے شوہر سے پولیس نے پوچھا اس نے اپنی ہی بیوی کو عجیب و غریب کالز کے ذریعے ایک ماہ تک کیوں ہراساں کیا، تو اس شخص نے سادگی سے جواب دیا کہ ’میں اپنی بیوی سے پیار کرتا ہوں اسی لیے بغیر کچھ کہے اسے فون کرتا تھا‘۔

دوسری جانب بھارت میں انتہائی افسوسناک واقعے میں جہیز کا مطالبہ پورا نہ کرنے پر لالچی شوہر نے بیوی کو جان سے مار ڈالا ریاست اتر پردیش کے شہر امروہہ میں ایک لالچی شوہر کی جانب سے شادی پر اپنے سسرال والوں سے جہیز میں ایک لگژری بائیک اور 3 لاکھ روپے کا مطالبہ کیا گیا۔

میڈیا رپورٹس کے مطابق امروہہ کے بے خدا گاؤں سے تعلق رکھنے والے سندر نے مینا نامی لڑکی سے دو سال قبل شادی کی تھی اور وہ جہیز لانے کے لیے اپنی بیوی پر مسلسل دباؤ ڈال رہا تھا جس پر اس کی اہلیہ کچھ عرصہ قبل اپنے میکے چلی گئی تھی۔

بھارتی میڈیا رپورٹس میں بتایا گیا ہے کہ مینا نے اس بارے میں اپنے والد کو بھی بتایا تھا اور سندر روزانہ اپنے سسرال اس سے ملنے آتا اور وہاں کھانا پینا بھی کرتا تھا، سندر اتوار کے روز بھی اپنے سسرال آیا اور اہلیہ مینا کو اپنے ساتھ گھر لے گیا گھر لاکر سندر نے اپنی اہلیہ مینا کو پھر جہیز نہ لانے کے طعنے دیے اور تکرار کرنے پر اسے لاٹھی سے پیٹنا شروع کر دیا اور پھر اسے گلہ دبا کر قتل کرنے کے بعد موقع سے فرار ہو گیا۔

مقامی افراد نے پولیس کو معاملے کی اطلاع دی اور پھر پولیس نے متاثرہ لڑکی کے والد کی درخواست پر اس کے شوہر کے خلاف درخواست دائر کر کے معاملے کی تفتیش شروع کر دی۔

ٹوکیو: جاپان میں ایک نایاب ”گوشت کھانے والے بیکٹیریا“ کی وجہ سے پیدا ہونے والی بیماری تیزی سے پھیل رہی ہے جو 48 گھنٹوں کے اندر اندر انسان کو ختم کر سکتی ہے-

باغی ٹی وی : نیشنل انسٹی ٹیوٹ آف انفیکٹو ڈیزیز (این آئی این ڈی) کے مطابق، جاپان میں اسٹریپٹوکوکل ٹاکسک شاک سنڈروم (STSS) کے کیسز 977 تک پہنچ گئے ہیں، جو کہ پچھلے سال کے ریکارڈ 941 کیسز سے زیادہ ہے گروپ اے اسٹریپٹوکوکس (جی اے ایس) عام طور پر بچوں میں سوجن اور گلے کی سوزش کاسبب بنتا ہےجسے ”اسٹریپ تھروٹ“ کہا جاتا ہےلیکن بیکٹیریا کی کچھ اقسام تیزی سے دیگر علاما ت کا باعث بھی بنتی ہیں، جن میں اعضاء میں درد اور سوجن، بخار، کم بلڈ پریشر، نیکروسس، سانس لینے میں دشواری، اعضاء کی ناکامی شامل ہیں جو موت کا باعث بن سکتے ہیں۔

این آئی این ڈی کے مطابق 50 سال سے زیادہ عمر کے لوگ اس بیماری کا زیادہ شکار ہوتے ہیں ٹوکیو ویمن میڈیکل یونیورسٹی میں متعدی امراض کے پروفیسر کین کیکوچی کا کہنا ہے کہ اس بیماری کے سبب ہونے والی زیادہ تر اموات 48 گھنٹوں کے اندر ہوتی ہیں، مریض کو اگر صبح کے وقت پاؤں میں سوجن نظر آتی ہے، تو یہ دوپہر تک گھٹنے تک پھیل سکتی ہے اور وہ 48 گھنٹوں کے اندر مر سکتا ہے۔

ٹی ٹوئنٹی ورلڈ کپ میں ناقص پرفارمنس:محمد عامر اور عماد وسیم کا ایک بار پھر …

دوسرے ممالک نے بھی اس حالیہ وبا کا تجربہ کیا ہے 2022 کے آخر میں کم از کم پانچ یورپی ممالک نے ورلڈ ہیلتھ آرگنائزیشن کو گروپ اے اسٹریپٹوکوکس (iGAS) بیماری کے کیسز میں اضافے کی اطلاع دی، جس میں ایس ٹی ایس ایس بھی شامل ہےڈبلیو ایچ او کا کہنا تھا کہ اس بیماری کے کیسز میں اضافہ کوویڈ کی پابندیوں کے خاتمے کے بعد ہوا، پروفیسر کیکوچی نے لوگوں پر زور دیا کہ وہ ہاتھ کی صفائی برقرار رکھیں اور کسی بھی کھلے زخم کا فوری علاج کریں۔

اقوام متحدہ میں پاکستان کے مستقل مشن کے اکاؤنٹس پر ہیکرز کا حملہ

جاپان کے شہر ناگاساکی نے شہر پر امریکی ایٹمی حملے کی یاد میں منعقد ہونے والی سالانہ تقریب میں اسرائیل کو مدعو نہ کرنے کا فیصلہ کیا ہے،سالانہ یادگاری تقریب میں 154 ممالک کےنمائندوں کی شرکت متوقع ہے۔

باغی ٹی وی : عرب میڈیا کے مطابق ناگاساکی کے میئر شیرو سوزوکی نے اسرائیل کو مدعو نہ کرنے کی تصدیق کرتے ہوئے کہا کہ ناگا ساکی کی شہری حکومت نے تقریب میں اسرائیل کی شرکت کا دعوت نامہ روک دیا ہے، دعوت نامے کے بجائے جاپان میں اسرائیلی سفیر کو غزہ جنگ روکنے کےلیے خط ارسال کیا ہے، اسرائیل کو مدعو نہ کرنے کا فیصلہ تقریب میں ممکنہ ناخوشگوار واقعات کو روکنے کے لیے کیا گیا ہے۔

عرب میڈیا کے مطابق شہری حکومت نے جاپان میں فلسطینی نمائندے کو تقریب کا دعوت نامہ ارسال کردیا ہے، اسرائیل نے ناگاساکی شہری حکومت کے اقدام پر تاحال کوئی ردعمل ظاہر نہیں کیا ہے۔

بھارت نے آئرلینڈ کو 8 وکٹوں سے شکست دے دی

واضح رہے کہ دوسری جنگ عظیم کے دوران امریکا نے 9 اگست 1945 کو جاپانی شہر ناگاساکی پر ایٹم بم گرایا تھا جس سے 74 ہزار ہلاکتیں ہوئی تھیں، اس سے قبل 6 اگست 1945 کو امریکا نے ایک اور جاپانی شہر ہیروشیما پر بھی ایٹم بم گرایا تھا۔

حزب اللہ کا اسرائیلی بستی پر حملہ 2 افراد ہلاک 9 زخمی

ڈبل روٹی کے 2 پیکٹس سے چوہے کی باقیات برآمد ہونے پر کمپنی نے بڑا قدم اٹھا لیا-

باغی ٹی وی : غیر ملکی میڈیا رپورٹس کے مطابق جاپان میں ڈبل روٹی کے 2 پیکٹس میں سے چوہے کی باقیات برآمد ہوئی جس کے بعد پاسکو شکیشیما نامی مینوفیکچرنگ کمپنی کی جانب سے 1 لاکھ سے زائد پیکٹس بازار سے واپس منگوالیے گئے۔

‎ کمپنی کا کہنا ہے کہ وہ اس بات کی تحقیقات کر رہے ہیں کہ ان کی ڈبل روٹی کے 2 پیکٹس میں چوہے کی باقیات کیسے پہنچی؟پاسکو ایک مشہور برانڈ ہے جس کی بریڈ باآسانی کسی بھی اسٹور سے باآسانی مل جاتی ہے جبکہ کمپنی بہت سے ممالک میں بھی ڈبل روٹی ایکسپورٹ بھی کر رہی ہے، اب تک کسی ایسے شخص کی جانب سے کوئی شکایت موصول نہیں جو ڈبل روٹی کھانے کے بعد بیمار پڑ گیا ہو، تاہم پریشانی کا باعث بننے پر صارفین سے دل کی گہرائیوں سے معذرت خواہ ہیں ہم کوالٹی مینجمنٹ سسٹم کو مؤثر بنائیں گے تاکہ اس بات کو یقینی بنایا جا سکے کہ دوبارہ ایسا کبھی نہ ہو،جن افراد نے بریڈ خریدی وہ ان لوگوں کو پیسے واپس کر دے گی۔

بھارت میں بہت جلد قیادت کا بحران پیدا ہوسکتا ہے،اروند کیجری وال

واضح رہے کہ گزشتہ برس بھی ایسا ہی ایک واقعہ جاپان میں پیش آیا تھا جب 7-الیون اسٹور نے چاول کے پیکٹ سے لال بیگ برآمد ہوئے تھے مگر کمپنی نے صارفین سے معذرت کا اظہار کیا تھا اور پھر پیکٹس واپس منگوالیے تھے-

گزشتہ 21 سالوں میں سب سے طاقتور شمسی طوفان زمین کی فضا سے ٹکرا گیا