Tag: جاپان

جاپان نے صنفی امتیاز میں کمی کیلئے 2030 تک بڑی کمپنیوں میں خواتین ایگزیکٹوز کی تعداد 30 فیصد سے زائد کرنے کا ہدف مقرر کر لیا۔

باغی ٹی وی : جاپانی وزیراعظم کا کہنا ہے خواتین ایگزیکٹوز کی تعداد بڑھانے سے مارکیٹ میں مقابلے اور جدت کے ساتھ معیشت کو بھی فروغ ملے گا سال 2022 میں جاپان کی بڑی کمپنیوں میں خواتین ایگزیکٹوز کی تعداد صرف گیارہ فیصد ریکارڈ کی گئی تھی۔

کراس بارڈر ادائیگیوں میں چینی کرنسی نے پہلی بارامریکی ڈالر کو پیچھے چھوڑ دیا

کابینہ کے دفتر کے سروے کے مطابق، 2022 میں جاپان کی بڑی لسٹڈ کمپنیوں میں خواتین نے صرف 11.4 فیصد ایگزیکٹوز کی نمائندگی کی، حالانکہ حالیہ برسوں میں یہ تعداد بڑھ رہی ہے۔

فومیو کشیدا نے صنفی مساوات سے متعلق ایک میٹنگ میں عہدیداروں کو بتایا کہ "ہم 2030 تک ٹوکیو اسٹاک ایکسچینج کی پرائم مارکیٹ میں درج کمپنیوں میں خواتین کا تناسب 30 فیصد یا اس سے زیادہ رکھنا چاہتے ہیں۔ تنوع کو یقینی بنانے سے اختراع کے ساتھ ساتھ معیشت کو بھی فروغ ملے گا۔

پرائم مارکیٹ اسٹاک ایکسچینج کا اہم شعبہ ہے۔

ترکیہ میں روس کی مدد سے تیار ہونے والےنیوکلیئر پلانٹ کا افتتاح

میٹنگ میں اس بات پر بھی تبادلہ خیال کیا گیا کہ خواتین کو مزید مستقل ملازمتوں کی پیشکش کیسے کی جائے، جن میں سے اکثر پارٹ ٹائم ورکرز ہیں کیونکہ وہ بچوں کی دیکھ بھال اور ملازمت میں توازن پیدا کرنے کی کوشش کرتی ہیں۔

جاپان قائدانہ عہدوں پر صنفی فرق کو بہتر کرنے کے لیے جدوجہد کر رہا ہے، خاص طور پر سیاست اور کاروبار کے اوپری حصے میں، نیز مرد اور خواتین کارکنوں کے درمیان اجرت کے فرق کو دور کرنے کے لیے جاپان میں خواتین کو اعلیٰ تعلیم اور اور ورک فورس میں بہتر نمائندگی تک مکمل رسائی حاصل ہونے کے باجود وہ ورلڈ اکنامک فورم کی صنفی امتیاز سے متعلق عالمی درجہ بندی میں 146 ممالک میں سے 116 ویں نمبر پر موجود ہے۔

حکومت اور پی ٹی آئی کے درمیان مذاکرات ختم

کارپوریٹ قیادت میں صنفی فرق ایک عالمی رجحان ہے، تحقیق سے پتہ چلتا ہے کہ صرف مٹھی بھر ممالک میں ایسی کمپنیاں ہیں جہاں خواتین سینئر مینجمنٹ میں ایک چوتھائی سے زیادہ ہیں حالیہ فیصلہ سیاست اور کاروباری شعبے میں اعلیٰ عہدوں پر مرد اور عورت ورکرز کے درمیان صنفی امتیاز کم کرنے کیلئے کیا گیا ہے۔

سئیول: شمالی کوریا کی جانب سے ایک اور بیلسٹک میزائل کا تجربہ کیا گیا جو جزیرہ نما کوریا اور جاپان کے پانیوں میں گرا۔

باغی ٹی وی: "اے پی” کے مطابق جاپان نے میزائل تجربے کے بعد شمالی جزیرے ہوکائیڈو کے رہائشیوں کے لیے الرٹ جاری کیا تھا جو کہ اب واپس لے لیا گیا ہے جاپانی حکام کا کہنا ہے کہ ایمرجنسی وارننگ سسٹم نے غلط پیش گوئی کی تھی کہ شمالی کوریا کا میزائل ان کے جزیرے کے قریب گرے گا۔

لیک ہونیوالی حساس امریکی دستاویزات میں چین کا روس کو مہلک ہتھیار فراہم کرنےکے ارادےکا …

جاپان کے وزیراعظم فومیو کشیدا نے میزائل تجربے کے بعد قومی سلامتی کونسل کا ہم اجلاس طلب کرلیا ہے جاپان کے وزیر دفاع کا کہنا ہے کہ میزائل جاپان کی حدود میں نہیں گرا، اس حوالے سے وہ مزید تفصیلات کے لیے میزائل تجربے کا تجزیہ کررہے ہیں۔

دوسری جانب جنوبی کوریا کا کہنا ہے کہ میزائل تجربے کے بعد وہ ہائی الرٹ ہے اور اس سلسلے میں امریکا سے قریبی رابطے میں ہیں۔

جنوبی کوریا کے جوائنٹ چیفس آف اسٹاف نے کہا کہ میزائل شمالی کوریا کے دارالحکومت پیانگ یانگ کے قریب سے ایک اونچے زاویے سے داغا گیا اور 1000 کلومیٹر (620 میل) کی پرواز کے بعد جزیرہ نما کوریا اور جاپان کے درمیان پانی میں گرا۔

اسرائیلی جاسوسی کمپنی نے کتنے ملکوں کو ٹارگٹ کیا،رپورٹ میں تہلکہ خیز انکشافات

جوائنٹ چیفس آف سٹاف نے میزائل کو درمیانے یا طویل فاصلے تک مار کرنے والا قرار دیا۔ ریاستہائے متحدہ کی قومی سلامتی کونسل نے اسے طویل فاصلے تک مار کرنے والا میزائل اور جاپان کے وزیر دفاع نے ICBM کلاس ہتھیار قرار دیا۔

واضح رہے کہ کچھ روز قبل شمالی کوریا کے رہنما کم جونگ اُن نے کہا تھا کہ جنوبی کوریا کا مقابلہ کرنے کے لیے وہ زیادہ عملی اور جارحانہ انداز میں ملک کی جنگی مزاحمت کو مضبوط بنانے پر کام کریں گے۔

یاد رہے کہ کچھ روز قبل شمالی کوریا کی جانب سے جوہری صلاحیت کے حامل زیر سمندر حملہ کرنے والے ڈرون کا ایک اور تجربہ کیا گیا تھا جبکہ 2022 میں شمالی کوریا نے ریکارڈ تعداد میں ہتھیاروں کے تجربات کیے تھے اوررواں برس بھی اس نے اپنی فوجی صلاحیت کو برقرار رکھا ہے۔

میانمار میں فوج کی فضائی بمباری کے نتیجے میں 50 سے زائد افراد ہلاک

ٹوکیو: جاپان میں ایسی مشینیں متعارف کرا دی گئی ہیں جو اے ٹی ایم مشینوں کی طرح پیسے نہیں بلکہ گوشت فراہم کرتی ہیں۔

باغی ٹی وی: غیر ملکی خبر رساں ایجنسی کے مطابق جاپان کے کچھ علاقوں میں ایسی مشینیں لگا دی گئی ہیں جن سے سیاہ ریچھ کا گوشت نکلتا ہے۔ ان مشینوں سے خودکار طریقے سے گوشت حاصل کیا جا سکتا ہے۔

چین نے تائیوان کے اطراف میں جنگی جہاز تعینات کر دیئے

یہ گوشت ان ریچھوں کا ہے جنہیں انسانی آبادی میں گھس آنے پر ماردیا جاتا ہے یا وہ کسی شکنجے میں پھنس جاتے ہیں ۔ اگرچہ سیارہ ریچھ زد پر رہنے والے جاندار ضرور ہیں لیکن ان کی بقا کو کوئی بڑا خطرہ لاحق نہیں۔

یہ کالے ریچھ انسانی آبادیوں پر حملہ آور ہونے پرمارے جاتے ہیں یا پھرانسانوں کا شکار بنتےہیں جاپان میں ریچھ کاگوشت کھانےکی قانونی اجازت ہے اور لوگ شوق سے کھانا پسند کرتے ہیں،جبکہ ان مشینوں سے ریچھ کے گوشت کے علاوہ خشک مچھلی اور مویشیوں کا گوشت بھی حاصل کیا جا سکتا ہے۔

سعودی عرب نے یمن کی جنگ ختم کرنے کا اعلان کردیا

جس طرح اے ٹی ایم مشینوں میں کارڈ ڈال کر پیسے وصول کیے جاتے ہیں اسی طرح ان مشینوں سے بھی کارڈ کے ذریعے گوشت حاصل کیا جا سکتا ہےان ریچھوں کا گوشت اب این نوڈل دکان کےباہر مشین پر فروخت کیا جارہا ہے جو ٹوکیو سے 400 کلومیٹر دور آکیتا پرفیکچر میں واقع ہے۔

واضح رہے کہ جاپان ایسی وینڈنگ مشینوں کی سرزمین ہے جو تازہ کیڑے مکوڑے، وھیل، اور دیگر اقسام کے گوشت بھی فراہم کرتی ہیں اب ریچھ کا گوشت اس فہرست میں شامل ہے اور کمپنی کو توقع ہے کہ لوگ اس نئے اضافے کو ضرور پسند کریں گے۔

چیٹ جی پی ٹی کےخلاف قانونی کارروائی اعلان

دبئی کو مسلسل تیسرے سال دنیا کا صاف ترین شہر قرار دیا گیا-

باغی ٹی وی: جاپان میں موری میموریل فاؤنڈیشن نے گلوبل پاور سٹی انڈیکس جاری کیا ہے، جس میں دبئی کو دنیا کو صاف ترین شہر قرار دیا گیاہے۔

شیخ محمد بن راشد آل مکتوم نے کامیابی پر فخر کا اظہار کرتے ہوئے اپنے ٹوئٹ میں کہا کہ دبئی گزشتہ 3 سالوں سے جاپان میں موری میموریل فاؤنڈیشن کے جاری کردہ گلوبل پاور سٹی انڈیکس کے مطابق دنیا کا صاف ترین شہر ہے۔

دبي المدينة الأنظف في العالم حسب مؤشر قوة المدن العالمية الذي تصدره منظمة موري ميموريال في اليابان لآخر ٣ أعوام .
النظافة حضارة .. النظافة ثقافة .. النظافة من الإيمان .. دبي المدينة الآمن عالمياً .. والأنظف عالمياً .. والأجمل بإذن الله.. لنحافظ عليها آمنة مستقرة مزدهرة .. pic.twitter.com/2I1VcMfOeg

— HH Sheikh Mohammed (@HHShkMohd) March 10, 2023

متحدہ عرب امارات کے نائب صدر نے کہا کہ صفائی تہذیب و تمدن کی بنیاد ہے اور یہ ایمان کا حصہ ہے، مجھے فخر ہے کہ دبئی نہ صرف صاف ستھرا ہے بلکہ دنیا کا سب سے محفوظ اور خوبصورت شہر بھی ہے آئیے اسے محفوظ، مستحکم اور خوشحال رکھنے کے لیے مل کر کام کریں کیونکہ یہ عوامل شہر کی صفائی اور مجموعی معیار زندگی سے گہرا تعلق رکھتے ہیں۔

شہروں کے درمیان عالمی مسابقت کے پیش نظر، گلوبل پاور سٹی انڈیکس (GPCI) دنیا کے بڑے شہروں کی دنیا بھر سے لوگوں، سرمائے اور کاروباری اداروں کو راغب کرنے کی ان کی جامع طاقت کے مطابق جائزہ لیتا ہے اور ان کی درجہ بندی کرتا ہے۔

یہ 6 افعال کی پیمائش کے ذریعے کرتا ہے جن میں معیشت، تحقیق اور ترقی، ثقافتی تعامل، رہنے کی اہلیت، ماحولیات، اور قابل رسائی ایک کثیر جہتی درجہ بندی فراہم کرنا شامل ہیں –

گلوبل پاور سٹی انڈیکس مسلسل بدلتی ہوئی دنیا میں عالمی شہروں کی طاقتوں، کمزوریوں اور چیلنجوں کو نہ صرف درجہ بندی کے ذریعے بلکہ اس درجہ بندی کے مخصوص اجزاء کے تجزیہ کے ذریعے بھی سمجھنے کے قابل ہے۔

ٹوکیو: جاپان میں مقامی سطح پر لوگ محلےمیں جمع ہوکر کوڑا کرکٹ چننے کا مقابلہ کرتے ہیں تاہم اب جاپان نے اس سال نومبر میں کچرا چننے کا عالمی مقابلہ منعقد کرانے کا اعلان کیا ہے۔

باغی ٹی وی: غیر ملکی میڈیا کے مطابق تاریخ میں پہلی بار جاپان ورلڈ گاربیج پکنگ چیمپئن شپ کی میزبانی کی تیاری کر رہا ہے، ٹوکیو کی سڑکوں پر ایک گھنٹے میں سب سے زیادہ کچرا اٹھا کر، وہ ٹیم ٹورنامنٹ چیمپئن شپ جیت لے گی۔

اس مقابلےکو ’اسپوگومی‘ کا نام دیا ہے جس میں Spo کا مطلب اسپورٹس اورجاپانی زبان میں Gomi کوڑا کرکٹ کو کہتے ہیں۔ اگرچہ یہ مقابلے جاپان میں ہوتےرہتے ہیں جن میں تین سے پانچ افراد مقررہ وقت میں کچرا اٹھاتے ہیں اور قواعد کے تحت جیتنے والے کو اول تا سوم کے اعزازات ملتےہیں نومبر 2023 میں جاپان اس کےلیے عالمی مقابلے کا انعقاد کررہا ہے-

اس ٹورنامنٹ کے کوالیفائنگ راؤنڈز کا انعقاد دنیا بھر میں قومی چیمپئن ٹیم کے انتخاب کے لیے ہونا شروع ہو گیا ہے۔ یہ ٹیمیں اس سال نومبر میں جاپان میں شروع ہونے والے فائنل راؤنڈ میں حصہ لیں گی جس میں مختلف ممالک کی کل 20 ٹیمیں شرکت کریں گی دنیا بھر کی ٹیمیں ٹوکیو کی سڑکوں سے کچرا اٹھانے کی کوشش کریں گی۔ ان میں سے ہر ٹیم کو 60 منٹ میں زیادہ سے زیادہ کوڑا جمع کرنے کا ہدف دیا گیا ہے۔ شرکا کو یہ کچرا مقررہ رنگوں والے ڈبوں میں ڈالنا ہوگا۔

کوڑے میں جلائے جانے والا کچرا، ری سائیکل کے قابل پلاسٹک اور دھاتی اشیا شامل ہیں)۔ وقت ختم ہونے پر ریفری کچرے کا وزن کرکے جیتنے والے کا اعلان کرے گا ۔ تاہم سگریٹ کے بچے ہوئے ٹکڑے جمع کرنے پر سب سے زیادہ پوائنٹس ملتے ہیں۔

جاپانی حکومت کے مطابق اس عالمی مقابلے کا انعقاد دنیا بھر کو صفائی کی ترغیب دینا ہےاوروہ اپنی اطراف کی صفائی کا بھی غیرمعمولی خیال رکھتے ہیں 2008 سے جاپان میں اسپوگومی کے مقامی مقابلے منعقد ہوتے رہتے ہیں۔اس کے دلچسپ قواعد و ضوابط بھی مرتب کئے جاتے ہیں۔

جاپانی دارالحکومت ٹوکیو کی مچھلی منڈی میں نئے سال کی پہلی نیلامی کی گئی، جہاں ٹیونا مچھلی 6 کروڑ سے زائد میں فروخت ہوگئی۔

باغی ٹی وی :رپورٹ کے مطابق 212 کلوگرام ٹیونا کی نیلامی گزشتہ سال کی قیمت سے تقریباً دوگنی ہوئی ہے، ٹوکیو کی فش مارکیٹ میں دنیا بھر سے سُوشی تیار کرنے والے معروف باورچی مچھلی خریدنے آتے ہیں۔

جاپان میں قومی اور بین الاقوامی سطح پر بھی ٹیونا مچھلی کی مانگ اتنی زیادہ ہے کہ مچھلیوں کی یہ قسم خطرے کا شکار ہو چکی ہے۔

جاپانی عوام سمندری خوراک رغبت سے کھاتے ہیں اور اس کے لیے بے دریغ رقم خرچ کرنے سے گریز نہیں کرتے، سال کے آغاز میں جاپان کے مچھلی بازاروں میں بہترین سمندری جان داروں کی نیلامی ہوتی ہے جس میں ہزاروں سے لاکھوں ڈالر میں جاندار نیلام ہوتے ہیں۔

ٹیونا نامی مچھلی کھارے پانی کی مچھلی ہے، یہ مچھلی تیزی سے تیر سکتی ہے اور کچھ اقسام کی ٹیونا مچھلیاں فی گھنٹہ یا اس سے بھی زیادہ تیزی سے تیر سکتی ہیں عام مچھلیوں کے سفید گوشت کے برعکس ٹیونا مچھلی کا گوشت گلابی یا گہرا سرخ ہوتا ہے۔