Tag: جماعت اسلامی

لاہور:امیر جماعت اسلامی پاکستان حافظ نعیم الرحمان نے سانحہ گل پلازہ پر وزیر اعلیٰ سندھ سے استعفے کا مطالبہ کر دیا-

منصورہ لاہور میں پریس کانفرنس میں حافظ نعیم الرحمان نے کہا کہ یکم فروری کو کراچی میں ملین مارچ نکالیں گے، سارے ڈسٹرکٹ میں لوگوں کو دعوت دیں گے، کیا کراچی کے لوگ کبھی آگ تو کبھی گٹر میں گرتے رہیں گے؟، وزیر اعلیٰ سندھ کو اب استعفیٰ دے دینا چاہئے آرمی چیف نے کہا تھا کراچی میں ایک سسٹم کام کرتا ہے وہ سسٹم اسلام آباد چلا گیا تو اب کس سے گلہ کریں گے، جو کراچی میں اس مافیا کو لائے ہیں وہی اس کا صفایا بھی کریں، کراچی میں بلڈنگ کنٹرول اتھارٹی کام کرتی تو سانحہ گل پلازہ رونما نہ ہوتا۔

انہوں نے کہا کہ پانی بجھانے والی گاڑیاں دیر سے گل پلازہ پہنچیں پھر گاڑیوں میں پانی اور ڈیزل نہیں تھا، فائر فائٹرز کے پاس کٹس نہیں تھیں، سندھ حکومت والے ہزاروں ارب روپے کھا گئے لیکن فائر فائٹرز کو جدید آلات نہیں دے سکے، تین ہزار تین سو ساٹھ ارب روپے کہاں گئے؟ بلاول بھٹو نے ونڈر بوائے سمجھنا شروع کردیا ہے، بلاول بھٹو ونڈر بوائے بننے کیلئے میجک شو کرتے رہے، بلاول کی بریفنگ کرپشن کارکردگی اور لوٹ مار گل پلازہ میں جل رہی ہےپنجاب حکومت بلدیاتی انتخابات کے کالے قانون کو واپس لے، عوامی ریفرنڈم میں ستانوے فیصد لوگوں نے اس کالے قانون کو مسترد کیا ہے، اگر ہماری بات کو نہ مانا گیا تو پنجاب اسمبلی کا گھیراؤ بھی کیا جائے گا۔

سانحہ گل پلازہ:سندھ ہائیکورٹ نے حکومت، کمشنر کراچی، کے ایم سی و دیگر کو نوٹس جاری کردئیے

امریکا: برفانی طوفان کے باعث 100 سے زائد گاڑیوں کے درمیان تصادم

پاکستان کے آئی ٹی سیکٹر نے برآمدات میں نئی تاریخ رقم کر دی

لاہور: امیر جماعت اسلامی پاکستان حافظ نعیم الرحمان نے کہا ہے کہ نواز شریف 70 ہزار حرام کے ووٹ لے کر قوم پر مسلط ہوئے ان کو اقتدار میں لانے والوں کا احتساب کون کرے گا۔

امیر جماعت اسلامی پاکستان حافظ نعیم الرحمان نے تقریب سے خطاب کرتے ہوئے کہا کہ نظام کی تبدیلی کی تحریک نہ صرف حکمرانوں کا احتساب کرے گی،بلکہ انہیں فکس بھی کرے گی، گزشتہ انتخابات میں ن لیگ 17 سیٹیں بھی نہیں جیت سکی تھی ملک میں مختلف نظام آزمائے جا چکے ہیں، چاہے مارشل لا ہو یا جمہوریت، لیکن عوام کو کوئی حقیقی تبدیلی نہیں ملی ان کا الزام تھا کہ چھبیسویں اور ستائیسویں آئینی ترامیم کے ذریعے پہلے سے گلی سڑی عدلیہ کو مزید تباہ کر دیا گیا۔

حافظ نعیم الرحمان نے کہا کہ جماعت اسلامی ہی نظام کو بدلنے کی صلاحیت رکھتی ہے، اور ملک کے لیے واحد آپشن ہے ’’بدل دو نظام‘‘ محض نعرہ نہیں بلکہ عوام کی دبی ہوئی خواہش ہےجسے اب منظم تحریک کےذریعے زبان دی جائے گی،انہوں نے اعلان کیا کہ 21 دسمبر کو ڈویژنل دفاتر میں بلدیاتی ایکٹ کے خلاف دھرنے دیئے جائیں گے جبکہ آئی پی پیز مافیا کے خلاف بھی بھرپور تحریک چلائی جائے گی، لاتعلق ہو جانا یا ملک چھوڑ کر باہر چلے جانا مسائل کا حل نہیں ملک سے مایوس ہو کر ہجرت کرنا افسوسناک ہے۔ اصل ضرورت ملک کے اندر رہتے ہوئے نظام کی تبدیلی کے لیے جدوجہد کرنے کی ہے۔

لاہور:امیر جماعتِ اسلامی پاکستان حافظ نعیم الرحمٰن نے 21 دسمبر کو پنجاب کے ساتھ ساتھ ملک بھر میں دھرنا دینے کا اعلان کر دیا۔

لاہور میں پنجاب کے بلدیاتی قانون کے خلاف مظاہرے سے خطاب میں حافظ نعیم الرحمٰن نے کہا کہ یہ پہلا ایکٹ لاتے ہیں اور اس کو چیلنج کر کے قوم کو بیوقوف بناتے ہیں،پنجاب کا بلدیاتی ایکٹ نہیں ہے، یہ کالا قانون ہے، یہ قانون شہروں کا اور یونین کونسل کا حق بھی کھا رہا ہے جاگیرداروں نے پورے سسٹم پر قبضہ کیا ہوا ہے، یہ لوگ ظلم کے اس نظام کو قائم رکھتے ہیں، ہم 21 دسمبر کو پورے پنجاب کے ساتھ ساتھ پورے ملک میں دھرنا دیں گے، یہ جو کچھ بانٹتے ہیں اپنے ہی خاندان میں دیتے ہیں-

بلوچوں کو لاحاصل جنگ میں دھکیلا گیا، وزیر اعلیٰ بلوچستان

حافظ نعیم نے کہا کہ 40، 40 سال پولٹیکل ورکر محنت کرتا ہے لیکن کبھی پارٹی کا سربراہ نہیں بن سکتا، یہاں تو چچا وزیرِ اعظم اور بھتیجی وزیرِ اعلیٰ ہےانہوں نے کہا کہ یہ سب قوم کے سامنے جھوٹ بولتے ہیں، ہم نے مل کر اس نظام کا خاتمہ کرنا ہے، جماعتِ اسلامی عوام کے ساتھ اتحاد کر رہی ہے، میں حکومت سے پوچھتا ہوں کہ کوئی عوام کی آواز کے لیے بینر لگائے اور آپ اتار دیں؟-

امیرجماعتِ اسلامی نے کہا کہ تمام اختیارات بلدیاتی حکومتوں کے حوالے ہونے چاہئیں، تحصیل گورنمنٹ کا اختیار ہونا چاہیے، یہ ملکاؤ ں اور بادشاہوں کا نظام نہیں ہے، جس کو چاہا نواز دیا، ہم اس کے خلاف عدالت میں جائیں گے، ہمیں معلوم ہے کہ ان لوگوں نے عدالتوں میں بھی قبضہ کیاہوا ہے، یہ جو خاندانی پارٹیاں ہیں، یہی مضبوط ہوتی رہیں، اس حوالے سے شعور آنا بہت ضروری ہے میں میاں نواز شریف سے پوچھتا ہوں کہ یہ کونسی ووٹ کو عزت ہے کہ حکمراں انڈر پاسز اور سڑکوں پر اپنی تختیاں لگاتے ہوئے نظر آئیں؟-

بانی پی ٹی آئی کی بہنوں کو پاک فوج کیخلاف باتیں کرنے پر شرم آنی چاہیے۔عطا تارڑ

جماعتِ اسلامی نے ملک بھر میں ہونے والے ضمنی انتخابات میں حصہ نہ لینے کا فیصلہ کر لیا ہے۔

یہ اعلان جماعت اسلامی کے نائب امیر لیاقت بلوچ نے کیا۔ انہوں نے بتایا کہ مسلم لیگ (ن) نے ضمنی الیکشن میں حمایت کے لیے رابطہ کیا تھا اور ن لیگ کے امیدوار حافظ نعمان نے منصورہ آ کر پارٹی قیادت کا پیغام بھی پہنچایا تھا۔لیاقت بلوچ نے کہا کہ جماعت اسلامی ضمنی الیکشن میں حصہ نہیں لے گی کیونکہ ایک طرف ضمنی الیکشن کی تیاریاں جاری ہیں اور دوسری جانب 27ویں ترمیم کی باتیں بھی ہو رہی ہیں۔ ان کے بقول، حکمراں اتحاد ایسے انتخابات چاہتا ہے جن سے ان کا اقتدار برقرار رہے۔

انہوں نے مزید کہا کہ پاکستان تحریک انصاف (پی ٹی آئی) کے اندرونی تضادات اور بے وقت فیصلے اس کی سیاسی ناکامی کا باعث بن رہے ہیں۔

کمالیہ: ہیڈ سدھنائی کو بچانے کیلئے مائی صفوراں بند میں شگاف

کراچی سمیت سندھ بھر میں بارشوں کی پیشگوئی، اربن فلڈنگ کا خدشہ

تین ملکی ٹی 20 سیریز: افغانستان کی پاکستان کو 18 رنز سے شکست

اسرائیلی ریزرو فوجیوں کا ڈیوٹی دینے سے انکار، غزہ جنگ غیر قانونی قرار