Tag: جماعت اسلامی

لاہور: امیرجماعت اسلامی کراچی حافظ نعیم الرحمان نے کہا ہے کہ کراچی کا میئر جماعت اسلامی کا ہوگا –

باغی ٹی وی: لاہورمیں اپنے اعزاز میں منعقدہ تقریب سے خطاب کرتے ہوئے حافظ نعیم الرحمان نےکہا ہمارے نمبرز کو آگے پیچھے کرنے کی کوشش کی گئی، ہم نے اپنا مینڈیٹ چوری نہیں ہونے دیا،ہم نے تمام جماعتوں کو پیشکش کی ہے کہ سیاسی لڑائی لڑتے رہیں لیکن کراچی کی تعمیر و ترقی میں جماعت اسلامی کے ساتھ مل کر کام کریں۔

پاکستان اسلامی ریاست، اس کے خلاف مسلح کاروائی حرام ہے، پیغام پاکستان قومی کانفرنس

انہوں نے کہا کہ کراچی منی پاکستان ہےاوروہاں لوگوں نے جماعت اسلامی کو مینڈیٹ دیا ہے، حکومت ہمارے ٹیکس کے پیسوں سے چلتی ہے، قرضوں اور سود کی ادائیگی حکمران نہیں کرتے، قوم کو اپنے حق کے لیے کھڑا ہونا پڑے گا کوئی اب کراچی کا حق نہیں مار سکے گا، ہم اپنے اختیار سے زیادہ کام کریں گے، ہم لڑیں گے اور اپنا حق چھین لیں گے-

قبل ازیں جماعت اسلامی کے امیر سراج الحق نے کہا تھا کہ ایک سیٹ تو کیا اپنا ایک ووٹ بھی پیپلزپارٹی کے پاس نہیں جانے دیں گے، کراچی کے میئر حافظ نعیم الرحمان ہی ہوں گے، جماعت اسلامی کراچی کے امیر نے شہر کی بہتری اور ترقی کیلیے پیپزپارٹی اور پی ٹی آئی سمیت دیگر فریقین کو بات چیت کی دعوت بھی دے دی۔

حافظ نعیم الرحمان کا لاہور پہنچنے پر شاندار استقبال

سراج الحق نے کہا تھا کہ کراچی کے عوام نے جو مینڈیٹ دیا ہے اسے ہر گز چوری نہیں ہونے دیں گے اور اپنی ایک سیٹ تو کیا ایک ووٹ کو بھی پیپلز پارٹی کے پاس نہیں جانے دیں گے، پیپلز پارٹی یہ حقیقت جتنی جلدی تسلیم کر لے اتناہی اس کے حق میں بہتر ہے کہ کراچی کے میئر تو حافظ نعیم الرحمن ہی ہوں گے۔

انہوں نے کہا تھا کہ ہم پیپلز پارٹی سے کہتے ہیں کہ کراچی کے عوام نے ہمیں جو مینڈیٹ دیا اسے تسلیم کریں، پیپلز پارٹی بتائے سندھ میں آج بھی مظلوم غریب اور ہاری بنیادی سہولتوں سے محروم کیوں ہیں؟ اندرون سندھ کے عوام بد حال ہیں، پیپلز پارٹی ان کے حال پر رحم کرے اور اگر خدمت کرنی ہے تو اندرون سندھ میں کرے، کراچی میں ہمارا مینڈیٹ تو ہر صورت قبول کرنا پڑے گا خواہ ہنس کر قبول کیا جائے یا رو کر۔ کراچی کے مینڈیٹ کو کسی کو بھی ہضم نہیں کرنے دیں گے۔

عمران خان اور بشریٰ بی بی کا نکاح دو مرتبہ پڑھائے جانے کا انکشاف

کراچی کے میئر کے لئے جوڑ توڑ کا سلسلہ جاری ہے، جماعت اسلامی کا وفد تحریک انصاف کے دفتر پہنچ گیا،

جماعت اسلامی کا وفد تحریک انصاف کے رہنماؤں سے ملاقات کے لیے پہنچ گیا .پی ٹی آئی کراچی کے صدر بلال غفار، شہزاد قریشی اور دیگر نے استقبال کیا ،جماعت اسلامی کے وفد کی قیادت حافظ نعیم الرحمن کررہے ہیں وفد میں اسامہ رضی، مسلم پرویز،سلیم اظہراور منعم ظفر شامل ہیں ،پی ٹی آئی سندھ سیکریٹریٹ میں پی ٹی آئی اور جماعت اسلامی کے رہنماؤں کی ملاقات جاری ہے، پی ٹی آئی وفد کی قیادت صوبائی صدر علی زیدی کر رہے ہیں پی ٹی آئی وفد میں سندھ کے جنرل سیکریٹری مبین جتوئی، بلال غفار، ارسلان تاج، سیف الرحمن، راجہ اظہر اور سعید آفریدی موجود ہیں

جماعت اسلامی کا وفد تحریک انصاف کے رہنماؤں سے ملاقات کے لیے پہنچ گیا#baaghitv #pakistan #karachi #KarachiForEveryone pic.twitter.com/0yVwY7x1EM

— Baaghi TV باغی ٹی وی (@BaaghiTV) January 21, 2023

میئر کراچی جوڑ توڑ، جماعت اسلامی ، تحریک انصاف نے چار رکنی کمیٹی بنا دی
ملاقات کے بعد میڈیا سے بات کرتے ہوئے تحریک انصاف کے رہنما علی زیدی کا کہنا تھا کہ کراچی میں بلدیاتی الیکشن کے نام پر ڈرامہ ہوا، الیکشن سے پہلے بھی ہمارا آپس میں رابطہ تھا،آپس میں بیٹھنے کامقصد ملک کی بہتری ہونا چاہیے، جماعت اسلامی اور پی ٹی آئی کے 4ارکان پر مشمتل کمیٹی بنا دی ،کمیٹی میں 2ارکان پی ٹی آئی اور 2ارکان جماعت اسلامی کے ہونگے الیکشن کمیشن کو خط کے ذریعے بھی آگاہ کیا ہے کہ کیسے ہمارا مینڈیٹ چرایا گیا، فارم 11 پر اکٹھے بیٹھنے پر ہمارا پہلے بھی اتفاق تھا، ایک دوسرے کے مینڈیٹ کا تحفظ کرنا ہر جمہوری جماعت کا حق ہے، انتخابی عمل میں شفافیت ضروری ہے،اسی نظام کے تحت 15جنوری کو بلدیاتی الیکشن بھی ہوئے،

میئر کراچی جوڑ توڑ،جماعت اسلامی نے تحریک انصاف سے مدد مانگ لی
جماعت اسلامی کراچی کے امیر حافظ نعیم الرحمان کا کہنا تھا کہ پی ٹی آئی کے وفد سے تفصیلی ملاقات ہوئی،آر اوز اور ڈی آر اوز پر پہلے بھی تحفظات کا اظہار کیا تھا، بلدیاتی الیکشن ہوا اور لوگوں نے اپنی رائے کا اظہار کیا،بلدیاتی الیکشن کے نتائج سب کے سامنے ہیں فارم 11 ملے تو نتائج بدلنے شروع کر دیئے گئے،دوبارہ گنتی میں بھی یو سیز کے نتائج بدلے گئے، علی زیدی اور ان کی ٹیم پر حملے کی شدید مذمت کرتے ہیں ، جب ہم احتجاج کر رہے تھے تو وزیراعلیٰ سندھ کا فون آیا، مراد علی شاہ سے کہا ہمارے مطالبات جائز ہیں انہیں تسلیم کریں، دوبارہ گنتی کی درخواستیں دے کر نتائج بدلے جا رہے ہیں، جو اپنا کام صحیح سے نہیں کرے گا اسے غلط ہی کہیں گے،پیپلز پارٹی جائز طریقے سے جیتے تو ہمیں کیا اعتراض ہو سکتا ہے، یہ پورے شہر کے مینڈیٹ کا معاملہ ہے،ہمارا فرض ہے شہریوں کے ڈالے گئے ووٹوں کی حفاظت کریں، تحریک انصاف کے ساتھ کمیٹی بنانے پر اتفاق ہوا ہے،ہم اتفاق رائے پیدا کرنا چاہتے ہیں،اختلاف رائے کے باوجود شہر کی بہتری کیلئے جماعت اسلامی اپنا کردار ادا کرے گی،پی ٹی آئی سے درخواست کی ہے کہ ہماری مدد کریں، جماعت اسلامی سب کے ساتھ بیٹھنے کیلئے تیار ہے، جب پی ٹی آئی حکومت میں تھی تو اصلاح کیلئے تنقید کی، سیاسی مسائل کا حل بات چیت کے بغیر ممکن نہیں،

کراچی میں جماعت اسلامی بلدیاتی انتخابات میں دوسرے نمبر پر آئی ہے، پیپلز پارٹی کے وفد نے دو روز قبل ادارہ نور حق کا دورہ کیا تھا، کراچی کا میئر حافظ نعیم بننا چاہتے ہیں اسکے لئے تگ و دو جاری ہے،پیپلز پارٹی اپنا میئر لانا چاہتی ہے، تحریک انصاف کو کم سیٹیں ملیں اور میئر لانے کی پوزیشن میں نہیں،تحریک انصاف نے جماعت اسلامی کے امیدوار کی حمایت کرنے کا فیصلہ کر رکھا ہے اگر جماعت اسلامی پیپلز پارٹی کے ساتھ اتحاد کرتی ہے تو تحریک انصاف حمایت نہیں کرے گی، بحرحال آنیوالے دنوں میں فیصلہ ہو جائے گا کہ کون بنے گا کراچی کا میئر

،ڈی سی کیماڑی کے دفترکے باہر پیپلزپارٹی اور پی ٹی آئی کے احتجاج کے دوران کارکنان میں تصادم

 پیپلز پارٹی اور جماعت اسلامی کا کراچی بلدیاتی الیکشن کے بعد رابطہ

شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

کراچی کو ایسے فرد کی ضرورت ہے جو اسٹیک ہولڈرز کو ساتھ لیکر چلے۔

، جماعت اسلامی کو چاہیے پیپلزپارٹی کی اکثریت کو مانے

قبل ازیں پیپلزپارٹی نے جماعت اسلامی کو مذاکرات کی پیشکش کردی، سعید غنی کا کہنا تھا کہ مئیر کس جماعت کا ہو،بیٹھ کر بات کی جاسکتی ہے،کراچی میں موجود ہرسیاسی شخص کومہذب اندازمیں بات کرنی چاہیئے ۔ ہم جماعت اسلامی سے ترجیحی بنیادوں پر بات کرنا چاہتے ہیں،

باغی ٹی وی کی رپورٹ کے مطابق پیپلز پارٹی اور جماعت اسلامی کا کراچی بلدیاتی الیکشن کے بعد رابطہ ہوا ہے

وزیر اعلیٰ سندھ سید مراد علی شاہ کی امیر جماعت اسلامی کراچی حافظ نعیم الرحمن سے ٹیلی فون پر گفتگو ہوئی ہے، وزیراعلیٰ سندھ سید مراد علی شاہ کا کہنا تھا کہ آپ کے جو بھی جائز خدشات ہیں ، ان کو دور کیا جائے گا، جماعت اسلامی کے جو الیکشن کمیشن سے مسائل ہیں ان پر الیکشن کمیشن سے رابطہ کریں،جو مسائل سندھ حکومت سے ہیں، ان کو حل کرنے میں سندھ حکومت غیر جانبدارانہ کردار ادا کرے گی

قبل ازیں پیپلزپارٹی نے جماعت اسلامی کو مذاکرات کی پیشکش کردی، سعید غنی کا کہنا تھا کہ مئیر کس جماعت کا ہو،بیٹھ کر بات کی جاسکتی ہے،کراچی میں موجود ہرسیاسی شخص کومہذب اندازمیں بات کرنی چاہیئے ۔ ہم جماعت اسلامی سے ترجیحی بنیادوں پر بات کرنا چاہتے ہیں،

دوسری جانب پیپلز پارٹی کے رہنما، مولانا بخش چانڈیو کا کہنا ہے کہ ہم کراچی اور سندھ میں بلدیاتی الیکشن جیتے ہیں ، کراچی والوں نے جمہوریت والا فیصلہ کیا ہے، جماعت اسلامی کے ساتھ تمام جماعتوں کو بات چیت کے دروازے کھلے رکھے ہیں ،پیشگی شرائط کے ساتھ بات چیت کی بات کرنا مناسب نہیں ہے،کراچی بلدیاتی انتخاب میں ایک دوسرے کے مینڈیٹ کا احترام کریں ،

کراچی کو ایسے فرد کی ضرورت ہے جو اسٹیک ہولڈرز کو ساتھ لیکر چلے۔

شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

کراچی بلدیاتی الیکشن کے مکمل نتائج سامنے آنے کے بعد امیر جماعت اسلامی کراچی حافظ نعیم الرحمان نے کہا ہے کہ نتائج کوتبدیل کیا جارہا ہے، ہماری اکثریت کو اقلیت میں تبدیل کیا جارہا ہے

باغی ٹی وی : حافظ نعیم نے کہا کہ الیکشن کمیشن اورپیپلزپارٹی دھاندلی نہ کرے، ہمیں فارم 11 اور 12 نہیں دیا جارہا تھا، ہم 100 نشستوں پرجیت چکے ہیں، پیپلزپارٹی کی 70 سے 75 سیٹیں ہیں۔

کراچی کا میئر جیالا ہی ہو گا، سندھ کے صوبائی وزیر کا باغی ٹی وی کو انٹرویو

حافظ نعیم نے کہا کہ مکمل نتائج جاری ہونے کے بعد پارٹی کا اجلاس بلالیا ہے، ہمیں ہروایا گیا ہے، پہلے ہمیں نمبر ون پارٹی تسلیم کریں پھربات چیت ہوگی، جو نتائج جاری ہوئے ہیں اس پر ہم پیپلزپارٹی سے بات نہیں کریں گے پہلے مسئلہ حل ہوگا پھرپیپلزپارٹی سے بات ہوگی، آج ہی الیکشن کمشنر سندھ کے پاس جارہے ہیں۔

دوسری جانب پیپلز پارٹی کے رہنما سعید غنی نے کہا ہے کہ اگر جماعت اسلامی کے تحفظات ہیں تو وہ متعلقہ فورم سے رجوع کرے۔

دوسری جانب ایم کیو ایم پاکستان کے کنوینر ڈاکٹر خالد مقبول صدیقی نے کہا ہے کہ بلدیاتی الیکشن میں جیتنے والے سڑک پر کھڑی ایم کیو ایم کا بھی مقابلہ نہیں کرسکتے ہیں، کراچی اور حیدرآباد کے الیکشن پر سوالیہ نشان ہے۔

انہوں نے کہا کہ کراچی کے کچھ علاقوں میں حلقہ بندیاں درست نہیں، کراچی میں کل 74 یوسیز کم کی گئیں اور جن علاقوں میں ایم کیو ایم مقبول ہے وہاں حلقہ بندیاں درست نہیں ہیں حلقہ بندیوں کو لے کر 5،6 مہینے ضائع کیے گئے، حکومت سے نکلنے کا نہیں سوچ رہے مگر ہمارے پاس یہی آپشن ہے، اگر ہمیں لگا کہ اس ایوان سے ہمیں کچھ نہیں ملے گا تو پھر ایسی حکومت میں رہنے کا فائدہ نہیں۔

کراچی بلدیاتی الیکشن کے مکمل نتائج ، پیپلز پارٹی نے میدان مار لیا

ڈاکٹر خالد مقبول صدیقی نے کہا کہ شہبازشریف نے ہمیں اعتماد دیا تو ہم انہیں اعتماد کا ووٹ دیں گے، شہباز شریف کے بہت سے مسئلے حل نہیں ہو رہے ہیں، پیپلز پارٹی سے معاہدے کی گارنٹر پی ڈی ایم کی پوری قیادت تھی ہماری آبادی 25 سے16 فیصد کم کردی گئی، 2013 میں نوازشریف کو ایم کیو ایم کی ضرورت نہیں تھی تو ہم نہیں گئے، کل سے سڑکوں پر نکلیں گے ایم کیو ایم نے ہمیشہ حکومت کے لیے نہیں جمہوریت کیلئے اتحاد کیا، باجوہ صاحب نے ملاقات میں کہا ہم نیوٹرل ہیں آپ اپنے فیصلے خود کریں۔

واضح رہے کہ الیکشن کمیشن نےکراچی کی تمام 235 یونین کونسلز(یوسیز) کےنتائج جاری کیے ہیں نتائج کے مطابق پیپلزپارٹی 93 یوسیز میں کامیابی کے بعد سرفہرست ہے جب کہ جماعت اسلامی 86 یوسیز میں کامیابی کے بعد دوسرے نمبرپر ہے۔

پاکستان تحریک انصاف (پی ٹی آئی)کو کراچی ڈویژن میں 40 یوسیز پرکامیابی ملی ہے جب کہ مسلم لیگ ن نے7، جمعیت علمائے اسلام نے 3 اور تحریک لبیک نے 2 نشستوں پرکامیابی حاصل کی ہےمہاجر قومی موومنٹ ایک یوسی پر اور آزاد امیدوار3 یوسیز پرکامیاب ہوئے ہیں۔

الیکشن کمیشن کے مطابق شہر کی 246 میں سے 235 یونین کمیٹیز میں انتخابات ہوئے جبکہ 10 نشستوں پر امیدواروں کے انتقال کی وجہ سے انتخابات ملتوی ہوئے، ایک نشست پر پیپلزپارٹی کا چیئرمین پینل بلا مقابلہ جیت چکا ہے۔

جماعت اسلامی کے مرکزی رہنما حافظ محمد ادریس کا کہنا ہے کہ اسلام کا عادلانہ نظام ہی تمام مشکلات کا حل ہے۔

باغی ٹی وی : منصورہ میں مرکزی تربیت گاہ کے شرکا سے خطاب کرتے ہوئے جماعت اسلامی کے مرکزی رہنما حافظ محمد ادریس نے کہا ہے کہ قانون کی حکمرانی اور بے لاگ احتساب، عدل کی بلاامتیاز فراہمی اور تمام انسانوں کے جملہ بنیادی حقوق کا تحفظ اسلام کے وہ انمول ہیرے ہیں جو مدینہ کی اسلامی ریاست کی بنیادی شناخت تھی۔ قانون کی نظروں میں نہ کوئی بڑا تھا، نہ چھوٹا۔ جس کسی نے جتنی غلطی کی ہے، قرآن و سنت کی روشنی میں اسے اس کی سزا ملے گی۔

بلدیاتی انتخابات،کراچی اور حیدر آباد ڈویژن میں پیپلز پارٹی کو دیگر جماعتوں پر برتری

انہوں نے کہا ہے کہ ہر جرم کی حدود و تعزیر متعین اور معروف تھیں۔ خلیفہئ وقت یا ان کے خاندان کا کوئی فرد بھی قانون سے مستثنیٰ نہیں تھا۔ امت مسلمہ کا بہت بڑا المیہ ہے کہ آج وہ لاقانونیت اور ظلم و جبر کا شکار ہے جب کہ غیر مسلم مغربی دنیا نے اسلام قبول کرنے سے انکار کر کے بھی ہمارے زریں اصولوں کے مطابق اپنا نظام اور قانون ترتیب دے لیا ہے۔

حافظ ادریس نے کہا کہ پاکستان اسلام کے نام پر حاصل کیا گیا ہے۔ ہمارا دستور بھی یہ اعلان کرتا ہے کہ حاکمیت اعلیٰ اللہ تعالیٰ کی ہے، یہاں آبادی کی اکثریت مسلمان ہے، ہمارا لمیہ یہ ہے کہ حکمرانوں نے نہ اپنے دین ایمان کا کبھی خیال و اہتمام کیا، نہ دستور کوکوئی اہمیت دی ہے اور نہ ہی بنیادی انسانی اخلاقیات کا مظاہرہ کیا ہے۔ اسی کے نتیجے میں آج اس عظیم ملک اور واحد مسلمان ایٹمی قوت کو ہر جانب سے خطرات نے گھیر لیا ہے۔

امیر جماعت اسلامی سراج الحق کا کراچی الیکشن کے نتائج میں تاخیر پر تحفظات کا اظہار

جماعت اسلامی کے مرکزی رہنما کا کہنا تھا کہ اس دلدل سے نہ امریکا نکال سکتا ہے، نہ آئی ایم ایف اور ورلڈ بنک، اس کا حل ایک ہی ہے کہ اسلامی نظام زندگی کو اپنایا جائے، انصاف کا نظام اور عدل کی حکومت ہو اور کرپشن و غنڈہ گردی کا خاتمہ ہو۔ انھوں نے کہا کہ عوام کو اب اپنے حقوق کے لیے اٹھ کھڑا ہونا چاہیے اور آزمائے ہوئے لوگوں کو مسترد کر کے دیانت دار اور اہل قیادت کو سامنے لانا چاہیے۔

کراچی: جماعت اسلامی کے رہنما حافظ نعیم الرحمان نے آرڈیننس لانے کی صورت میں عدالت جانے کا اعلان کیا ہے-

باغی ٹی وی: حافظ نعیم الرحمان نے کراچی میں ریلی سے خطاب میں کہا کہ مسترد جماعت کی فرمائشوں پر وزیراعظم اور آصف زرداری سرگرم ہیں اور اب بھی بلدیاتی انتخابات روکنے کی سازش ہو رہی ہے۔

سندھ حکومت نے بلدیاتی الیکشن ملتوی کرنے کیلئے الیکشن کشمنر کو خط لکھ دیا

انہوں نے کہا کہ تم آرڈیننس لاؤ گے ہم اس کا بھی عدالتوں میں مقابلہ کریں گے،عوام سازشیوں کو انتخابات سے بھاگنے نہیں دیں گےچیف الیکشن کمشنر سن لیں! انہیں انتخابات کرانے ہوں گے-

واضح رہے کہ سندھ حکومت نے کل ہونے والے بلدیاتی الیکشن ملتوی کرنے کے لیے صوبائی الیکشن کمشنر کو خط لکھ دیا،سندھ حکومت کی جانب سے صوبائی الیکشن کمشنر کو لکھے گئے خط میں کل 15 جنوری کو کراچی اور حیدرآباد میں ہونے والے بلدیاتی انتخابات ملتوی کرنے کی درخواست کی –

اغوا برائے تاوان کے الزام میں سی ٹی ڈی افسر کا ڈرائیور گرفتار

سندھ حکومت کے خط میں کہا گیا ہےکہ سکیورٹی کے مسائل کا سامنا ہے اور کوئی بھی ناخوشگوار واقعہ رونما ہوسکتاہے لہٰذا سکیورٹی کے فول پروف انتظامات ہونے تک بلدیاتی الیکشن ملتوی کیے جائیں۔

خط میں مزید کہا گیا کہ سندھ کابینہ نے کراچی ڈویژن میں یونین کمیٹیز کی تعداد کا نوٹس واپس لینے کا فیصلہ کیا تھا،کابینہ نے حیدرآباد ڈسٹرکٹ میں بھی یونین کمیٹیزکی تعدادکا نوٹس واپس لینے کا فیصلہ کیاتھا، سندھ کابینہ نے سکیورٹی اہلکاروں کی اسٹیٹک تعیناتی کے لیے عدم دستیابی پربھی اظہارتشویش کیا تھا۔

موجودہ حالات میں حکومت کا ساتھ جاری رکھیں،گورنر سندھ کی خالد مقبول صدیقی سے درخواست