Tag: جماعت اسلامی

راولپنڈی: سابق وزیر داخلہ اور عوامی مسلم لیگ کے سربراہ شیخ رشید احمد نے کہا ہے کہ امپورٹڈ حکومت مہنگائی کرنے کے باوجود آئی ایم ایف کو خوش نہیں کرسکی۔

باغی ٹی وی : سابق وزیر داخلہ شیخ رشید احمد نے سماجی رابطے کی ویب سائٹ ٹوئٹر پر لکھا کہ شہباز شریف کی امپورٹڈ حکومت ملک میں مہنگائی کا سیلاب لانے کے باوجود عالمی مالیاتی ادارے (آئی ایم ایف) کو خوش نہیں کرسکی اور یہ لوگ ملکی معیشت کو تباہ کرنے آئے ہیں۔

جو لوگ نبی رحمت ﷺ کے وفادار نہیں وہ کسی کے وفادار نہیں: شیخ رشید

امپورٹڈ حکومت آئی ایم ایف کو بھی خوش نہیں کر سکی تو صرف معیشت تباہ کرنے آئی ہے، غیر ملکی ترسیلات اور زرمبادلہ میں کمی ان کا دیا ہے۔ 10 گھنٹے کی لوڈشیڈنگ سے لوگ مر رہے ہیں۔ مہنگائی پر جماعت اسلامی اور PAT کے احتجاج دونوں کی میں حمایت کرتا ہوں۔منگل کو الیکشن کمیشن جاؤں گا۔

— Sheikh Rashid Ahmed (@ShkhRasheed) June 12, 2022

انہوں نےکہا کہ موجودہ حکومت کی 10 گھنٹے کی لوڈشیڈنگ سے لوگ مر رہے ہیں مہنگائی کے خلاف جماعت اسلامی اور عوامی تحریک کے احتجاج کی میں حمایت کرتا ہوں اور منگل کو میں الیکشن کمیشن بھی جاؤں گاغیرملکی ترسیلات اور زرمبادلہ میں کمی موجودہ حکومت کا ہی دیا ہوا ہے۔

نگران وزیراعظم کے لیے انٹرویو شروع ہوچکے ہیں ،شیخ رشید کا دعویٰ

قبل ازیں سابق وزیرداخلہ شیخ رشید نے کہا تھا کہ پاکستان میں چور دروازہ سے حکومت لائی گئی ہے، 60 روپے پٹرول بڑھاتے ہیں، یہ لوگ منصوبہ بندی سے لائے گئے ہیں، لال حویلی اور عمران خان کا رشتہ رہے گا عمران خان جلد راولپنڈی سے ریلی لیڈ کریں گے، یہ حکومت پیر اوپر کرلے سر نیچے پھر بھی یہ حکومت چلنے والی نہیں، لال حویلی فوج سے ہمیشہ رشتہ رکھے گی، دیکھیں یہ کیا ہو رہا ہے، ان لوگوں نے مقصود چپراسی کو مروا دیا۔

شیخ رشید کی ایک اور مقدمے میں ضمانت کی درخواست پر فیصلہ آ گیا

لاہور: جماعت اسلامی نے 9 جون کو اسلام آباد میں بھارتی سفارتخانے کے باہر احتجاج کا اعلان کیا ہے-

باغی ٹی وی : لاہور پریس کلب میں پریس کانفرنس کرتےہوئےجماعت اسلامی کے سیکرٹری جنرل امیر العظیم نے کہا کہ ہر صورت سفارت خانے تک پہنچیں گے، بھارتی سفیر کو نکالنے تک احتجاج جاری رہے گا میڈیا سے گزارش ہے کہ بھارتی خبروں،کھلاڑیوں اور اداکاروں سمیت ہرچیزکابائیکاٹ کرے بھارت میں نبی کریم ﷺ کی شان میں گستاخی کی گئی بی جے پی کے ترجمان کے بعد ایک اور لیڈر نے گستاخی کی۔

جماعت اسلامی کے رہنما کا کہنا تھا کہ اللہ تعالیٰ کا شکر ہے عرب ممالک کو ہوش آیا اور انہوں نے سوشل میڈیا پر بھارت کے خلاف مہم چلائی، ہم پاکستانی حکومت کے منتظر رہے کہ یہ بھی کوئی آواز اٹھائیں گے حکومت بھارت سے تمام تعلقات ختم کرکے سفیر کو واپس دلی بھیجے، 10 جون کو جماعت اسلامی پورے ملک میں احتجاجی مظاہرے کرے گی۔

ادھر چیئرمین پاکستان علما کونسل طاہر اشرفی نے کہا کہ گستاخانہ بیانات کے خلاف بلاول بھٹو اسلامی ممالک کے وزرائےخارجہ سے بات کریں ، جمعہ کو گستاخانہ اورا شتعال انگیز بیانات کے خلاف احتجاج کریں گے،گستاخانہ بیانات کے سلسلے میں سیاست سے بالاتر ہو کر سوچنا چاہیے،گستاخانہ بیانات کے خلاف ہمیں پرامن،منظم احتجاج کرناچاہیے-

دوسری جانب چئیرمین سینیٹ صادق سنجرانی کی زیرصدارت سینیٹ اجلاس ہوا۔ اجلاس میں بھارتی حکمران جماعت بی جے پی کی رکن کی جانب سے ناموس رسالت کے خلاف ایوان بالا نے متفقہ طور پر مذمتی قرارداد منظورکی گئی تھی –

مذمتی قرارداد سلیم مانڈوی والا نے پیش کی تھی جسے متفقہ طور پر منظورکیا گیا قرارداد کے متن میں کہا گیا تھا حکومت پاکستان بھارت کے خلاف اقوام متحدہ میں احتجاج کرے، معاملے پر او آئی سی کا ہنگامی اجلاس طلب کیا جائے اور بھارتی مصنوعات کا مکمل بائیکاٹ کیا جائے اور حکومت اسلامو فوبیا کے خلاف عملی اقدامات اٹھائے۔

اس سے قبل سے قبل سینیٹر عطاالرحمان نے تجویز دی کہ تجوہین رسالت پر ایوان بالا کے ممبران پارلیمنٹ ہاؤس سے بھارتی سفارتخانے تک ریلی نکالیں جس پر چئیرمین سینیٹ نے رولنگ دی کہ 10 جون (بروز جمعہ) بعد نماز جمعہ ایوان بالا کے ممبران پارلیمنٹ ہاؤس سے بھارتی سفارتخانے تک جائیں گے اور اپنا احتجاج ریکارڈ کروائیں گے۔

چئیرمین سینیٹ صادق سنجرانی کا مزید کہا تھا کہ ناموس رسالت پر میرے دستخط کے ساتھ منظور کردہ مذمتی قرارداد کی کاپی اقوام متحدہ کے دفتر جمع کروائی جائے گی جہاں ایوان بالا کا 3 رکنی وفد اقوام متحدہ کے دفتر جاکر اپنا احتجاج ریکارڈ کروائے گا۔

علاوہ ازیں اقلیتی سینیٹر دنیش کمار نے کہا بی جے پی رہنماوں کے توہین آمیز کلمات سے مسلمانوں کے دل دکھی ہوئے ہیں، یہ بی جے پی کا بیانیہ ہے ہندو مذہب کا بیانیہ نہیں ہےجب آپ بھارتی سفارتخانے جائیں تو میں سربراہی کرکے بھارت کو واضح پیغام دوں گا کہ اس عمل سے مجھے بہت دکھ ہوا ہے۔

کراچی: حکومت کی جانب سے پیٹرولیم مصنوعات کی قیمتوں میں ہوشربا اضافہ کیخلاف جماعت اسلامی کے زہر اہتمام کراچی کے مختلف علاقوں میں احتجاجی مظاہرے کیے گئے۔جماعت اسلامی نے پٹرولیم مصنوعات کی قیمتوں میں اضافے کیخلاف شہر کے مختلف علاقوں میں احتجاج مظاہرے کیے ہیں۔ احتجاجی مظاہرے برنس روڈ، واٹرپمپ چورنگی، ناظم آباد، نارتھ کراچی، حسن اسکوائر، کورنگی ڈھائی نمبر، ملیر، بنارس اور مومن آباد مارکیٹ میں کیے گئے۔

مظاہرین نے پیٹرولیم مصنوعات کی قیمتوں میں طالمانہ اضافہ فوری واپس لینے کا مطالبہ کرتے ہوئے کہا کہ حکومت میں آنے سے قبل مہنگائی کو کم کرنے کے جو وعدے اور دعوے کیے گئے تھے انہیں پورا کیا جائے۔مظاہروں میں شرکاء نے مختلف بینرز اور پلے کارڈز اُٹھائے رکھے تھے، جن پر ”آئی ایم ایف کی غلامی نا منظور نامنظور، گیس، بجلی اور پیٹرول کی قیمتوں میں اضافہ واپس لیا جائے۔

مظاہروں سے جماعت اسلامی کے امراء اضلاع سید عبدالرشید، مولانا فضل احد، مولانا مدثر حسین انصاری، سید وجیہ حسن ،محمد یوسف، توفیق الدین صدیقی، ڈاکٹر فواد اور دیگر نے خطاب کیا۔

یاد رہےکہ پاکستان میں حکومت نے ایک بار پھر پیٹرولیم مصنوعات کی قیمتوں میں اضافہ کردیا ہے۔جمعرات کو مشیر خزانہ مفتاح اسماعیل نے نیوز بریفنگ میں بتایا کہ ’پیٹرول اور ڈیزل کی قیمت میں 30، 30 روپے فی لیٹر کا اضافہ کیا گیا ہے۔‘’اضافے کے بعد پیٹرول کی نئی قیمت 209 روپے 86 پیسے ہوگئی ہے۔ پیٹرول پر اب بھی 8 روپے کی سبسڈی دے رہے ہیں۔‘

سوئی سدرن کےلیےگیس کی قیمت میں44 فیصد اضافے کی منظوری

بھارت میں کورونا نے پھرسراُٹھا لیا

ہمارے ملک میں مداخلت کیوں:کویت نے امریکی سفیرکوطلب کرکےسخت پیغام بھیج دیا

اگست سے پٹرول کی قیمتیں کم ہونےکا امکان:اوپیک نے روس سے مدد مانگ لی

کراچی :حافظ نعیم الرحمن نے کہا ہے کہ سندھ اور وفاق کو کراچی کا حق سلب نہیں کرنے دیں گے۔اطلاعات کے مطابق امیر جماعت اسلامی کراچی حافظ نعیم الرحمن نے حیدری مارکیٹ پر حقوق کراچی کاررواں سے خطاب کرتے ہوئے کہا کہ اہلیان نارتھ ناظم آباد اور نارتھ کراچی اور مارکیٹ ایسوسی ایشنز کا شکریہ ادا کرتا ہوں۔انہوں نے کہا کہ اہلیان کراچی نے کاررواں میں بڑی تعداد کی علامت ہے کہ کراچی زندہ ہے اور بیدار ہے، کسی صوبائی و وفاقی حکومت کو اس بات کی جرات نہیں ہوگی کہ کراچی کا حق سلب کرے۔

حافظ نعیم الرحمن کا کہنا تھا کہ کراچی کی گنتی مردم شماری کی جائے ، مردم شماری کے بغیر قومی و صوبائی انتخاب قابل قبول نہیں۔امیر جماعت اسلامی کراچی نے کہا کہ مہاجر، سندھی پختون میں تقسیم تو کرتے ہیں لیکن کراچی کو حق نہیں دیتے، کراچی کو ساڑھے تین کروڑ گن لیا جائے تو وزیر اعلیٰ کراچی سے ہوگا۔ان کا کہنا تھا کہ ایم کیو ایم شہر سے مینڈیٹ لے کر وڈیروں اور جاگیرداروں کے ہاتھوں فروخت کردیا، کاررواں اعلان کررہا ہے کہ کراچی کے عوام اپنا پورا حق لیں گے۔ انہوں نے کہا کہ لاہور کی میٹرو کراچی کے پیسوں سے بنتی ہے لیکن ہم بڑا دل رکھتے ہیں ہمارا مطالبہ ہے کہ کراچی کو اس کا حق دیا جائے۔

حافظ نعیم الرحمن نے یہ بھی کہا کہ کے الیکٹرک مافیا کو کراچی کے عوام پر مسلط کیا ہوا ہے ، تمام حکومتی جماعتیں کراچی کے عوام کے خلاف فیصلے کرتے ہیں۔ان کا کہنا تھا کہ کراچی کے عوام جان لیں کہ جنہوں نے بھر بھر کے ووٹ دیے انہوں نے کوٹہ سسٹم پر غیر معینہ مدت تک اضافہ کیا۔

حافظ نعیم الرحمن نے کہا کہ وزیراعلیٰ سندھ کہتے ہیں کہ ساڑھے پانچ سو ملین گیلن پانی میں سے 40 فیصد لیکیج ہے، ہم کہتے ہیں کہ یہ لیکیج نہیں چوری اور بھتہ ہے جس کا حصہ وزیر اعلیٰ ہاؤس تک جاتا ہے۔انہوں نے یہ بھی کہا کہ کراچی میں رہنے والے تمام زبان بولنے والے سب ہمارے بھائی ہیں، صوبائی حکومت تعصب اور لسانیت کی بنیاد پر ملازمتیں دے گی تو کراچی کے عوام اپنا حق خود چھین کر لیں گے۔

امیر جماعت اسلامی کراچی حافظ نعیم الرحمن کا مزید کہنا تھا کہ حقوق کراچی کاررواں سپر مارکیٹ لیاقت آباد تک جائے گا، سپر مارکیٹ لیاقت آباد پر کراچی کے چارٹر آف ڈیمانڈ پیش کروں گا۔

کراچی :حافظ نعیم الرحمن نے کہا ہے کہ آج شہر میں تاریخ کا سب سے بڑا حقوق کراچی کارواں ہوگا۔اطلاعات کے مطابق امیر جماعت اسلامی کراچی حافظ نعیم الرحمن نے 29 مئی کے حقوق کراچی کارواں کے حوالے سےلیاقت آباد میں قائم استقبالیہ کیمپ کا دورہ و میڈیا سے گفتگو کرتے ہوئے کہا کہ لیاقت آباد کراچی کی وہ مارکیٹ ہے جو کراچی کے ٹیکس میں سب سے زیادہ ٹیکس دیتا ہے۔

انہوں نے کہا کہ اہل کراچی کئی برسوں سے نظر انداز ہورہا ہے، تمام تر مسائل کے باوجود یہ اجڑا ہوا اور لوٹا ہوا شہر پورے ملک خو چلاتا ہے۔امیر جماعت اسلامی کراچی کا کہنا تھا کہ کراچی کے عوام کو بنیادی حقوق سے محروم کیا گیا ہے اور اس میں تمام پارٹیاں ملوث ہیں۔

حافظ نعیم الرحمن نے کہا کہ کراچی کے عوام پر سب سے بڑا ظلم اس کی آبادی کو کم کرکے آدھی آبادی کردی گئی ہے، آدھی آبادی کے لحاظ سے وسائل اور اسمبلیوں میں نمائندگی دی جاتی ہے۔انہوں نے یہ بھی کہا کہ کراچی کی آبادی کو درست شمار کرلیا جائے تو وزیراعلیٰ کراچی اور حیدرآباد سے بھی منتخب ہوسکتا ہے۔

حافظ نعیم الرحمن کا کہنا تھا کہ پی ٹی آئی اور ایم کیو ایم کی متفقہ حکومت نے کراچی کی جعلی مردم شماری کو نوٹیفائی کروایا۔

ان کا یہ بھی کہنا تھا کہ آج 17 سال ہوگئے پانی کے ایک بوند کا بھی اضافہ نہیں کیا گیا، کے الیکٹرک نے لوٹ مار کا بازار گرم کیا ہوا ہے اور اووربلنگ کرکے ظلم ڈھایا ہوا ہے اور اس سب کے باوجود پرائیوٹ کمپنی کو تو گیس فراہم کی جاتی ہے لیکن گھروں میں گیس نہیں ملتی۔

امیر جماعت اسلامی کراچی نے کہا کہ کارکنان ڈور ٹو ڈور عوامی رابطہ مہم چلارہے ہیں اور حق دو کراچی تحریک کی دعوت دے رہے ہیں جبکہ اس وقت پورے کراچی میں حقوق کراچی کارواں کے حوالے سے کیمپس لگائے گئے ہیں،کل شہر میں تاریخ کا سب سے بڑا حقوق کراچی کارواں ہوگا۔

انہوں نے یہ بھی کہا کہ صوبے میں حکومت اور اپوزیشن جماعتیں بلدیاتی انتخابات سے فرار چاہتی ہے، جماعت اسلامی کا واضح موقف ہے کہ 24 جولائی خو حیدرآباد اور کراچی میں بلدیاتی انتخابات کروائے جائیں۔

حافظ نعیم الرحمن کا کہنا تھا کہ جماعت اسلامی اور سندھ حکومت کے درمیان ہونے والے معاہدے پر عمل درآمد کروایا جائے اور جن شقوں پر مذاکرات چل رہے ہیں اس پر بھی ایک ماہ میں عمل در آمد کیا جائے۔

امیر جماعت اسلامی کراچی حافظ نعیم الرحمن کا مزید کہنا تھا کہ کراچی منی پاکستان ہے ، پورے پاکستان کو چلاتا ہے۔ ہمیں ہمارا حق دیا جائے، کراچی کے عوام اپنی فیملیز کے ساتھ حقوق کراچی کارواں میں شرکت کریں۔

اس موقع پر سکریٹری کراچی منعم ظفر خان ،امیر جماعت اسلامی ضلع گلبرگ وسطی فاروق نعمت اللہ ، سکریٹری ضلع کامران سراج ، ،صدر رٶف کریانہ مارکیٹ شاہ زیب فاروقی،صدر جیولرز ایسوسی ایشن لیاقت آباد اکرم قریشی، فنانس سیکریٹری اسمال ٹریڈرز لیاقت آباد بابر بنگش،سکریٹری اطلاعات زاہد عسکری ودیگر بھی موجود تھے۔